قديم ....لنج

السلام عليكم
المشاركه الاولي لي ..مع اني قديم في الشات روم التابعه لهذا الموقع ..لكن في الفتره الاخيره ..دخلوها بعض الغوغاء والحثاله ..فصارت ..مقرفه بصراحه وتدعو للتقزز والقرف ..الاخ المسئول ..ارجو ارجو ابتداع طريقه لارجاع غرفة الدردشه ..التي يكفيني اعزازا انها عرفتني ...بالاخ الغائب وعا البال..قوت اقووووود ..البياز ..الجميل ...فاخوكم ..الكانت فارقه معاهو بي عادي ..قلب ..وبقي زول بوردات سااااااااااااااااااااااااي.....
ختاما..كلمه ...للعزيزه الغاليه ....امواج

قبل القاك ..وترسي الروح
تسرح في الاماسي تروح
كنت بلاك جرح مبروح
قلبا بالانين مجروح
وجيت الليله يا سيدي
بقيت لي روحي ..توأم روح
عرفتك ما عرفت الخوف
شفتك ما قدرت اشوف
بقيت لي انت واحد ..وبس
بيك قصرت حد الشوف
الا عيونك الحلوات
بلغة الحب زواهي حروف
وقبلك ما عرفت الحب
ولا راودني في الاحلام
سابح في هموم فكري
في احزاني في الاوهام
حياتي رتيبه غير عينيك ..
وضحكة ثغرك البسام ..
......
ارقدو عافيه..
....

حبيبنا الجديد البرج العالى
نيابة عن لجنة العمداء و اصالة عن نفسى ارحب بك فى دكان ود حبيب العامر بخيرة اولاد و بنات حلتنا امثالك و اتمنى ان تجد فى الدكان ما يعجبك واوعدك باننا لن نقبل البضائع الفاسدة والمدتها منتهية و المصدية فى الدكان ولن نسمح للسفهاء بدخول الدكان مهما طال الزمن
اما بالنسبة لموضوع الراكوبة كم مرة بفكر اقفلها و ارتاح من وجع الراس بتاعها لكن مرات ادخلها القى فيها نقة و ونسة حلوة تخلينى اغير راى

حبابك يا ودحبيب
ها بشر الإنتخابات ماشا كيف
وبعدين أخونا البرج العالي بقول بتسوق من السوبر ماركت ، تقول ليه الكنتين

البرج العالى
يا ناس القصر العالى سلام
حبابك اخونا الجايينا من الشات رووم
لا عجب اخى فقد كنت انا هنالك قبل اكثر من عامين وسعدت بمعرفة صفوة من الاحباب علاقتى بهم لم تنقطع ولكن فعلا اخيرا صارت الراكوبة مزعجة حيث اتاها الرجرجة والدهماء ولكن لها فضل ان جمعت الكثيرين ..
اهلا بيك يا سيدى ونرجو ان نراك بيننا فى هذا المكان النظيف والخالى من الكوليسترول..

....
شكرا يا شباب ..علي الاستقبال الحافل....لكن احفل حاجه...كلام ..الاخ ايمو ..او لعله الاخت ...ايمو ....ايمو ممكن يكون دلع لي اسم ايمان ..وايمان في حد ذاتو ممكن يكون اسم ولد...وممكن شنو ..ايمو يكون اختصار لي دلع ...كيف؟!! كالاتي ..يكون اسمك ابراهيم ..يقوم يدلعوك ..ابراهيمو ....ويحذفو الابرا..ويقلبو الها والياء المخففتين ...الف...بعد اضافة حامض الكبريتيك ..فيصبح اسمك ...اسم الدلع المختصر ...ايمو....وممكن نجرها ..فتبقي ..ايموووووووووووووو..........ودا كللللللللللللو..
لانك رميتني ضمنا بالحنكشه....انا ما بعرف الكنتين...!!!! اها علي بالطلاق(
طلاق الكرعين) انا كنت بتاع كنتين)
بمناسبة ....ايمو ده (او..دي) انتو معاي يا اخوانا ..انو الاسماء المستعاره البيخشو بيها بعض اخوانا ..ما مفهومه ..وممكن تكون مضلله...اقرب حاجه ..اخونا قرشو ...بعد التحيه والاحترام ...اسمك ده ممكن اشكلو ..وانوعو ..واقراهو ..بي مليون اتجاه...يعني ..انت ..قرشت بني ادم ..فصرت..الشخص الذي قرشو ..ولا ..انت الحاجه التي ينسب لها بعض الاشياء موضع الاستهجان ..حين يقال للمستهجن ..انت مالك ما بي قرشو افيدونا ..افادكم الله.