Post: #1
Title: أهل العوض
Author: wa7shny
Date: 03-12-2002, 10:02 PM
التحية ليك يا أهل العوض
اشعار مخصوصه للولد الظريف ود المدن ود موسي
بدور رد السؤال لو باللغة المهموسة فينا نقيصه ولا الصورة جات معكوسة
8888888888
جبته الفتنه تعلن حرب بجاسوسة والسبب الفنيله القلت فى الوسخ مدسوسه
ياخ نحنا نفوسنا فى حور العفاف مغموسة مية غمسه لا عار لادنس لا سوسه
ويانا أهل العوض والعزة مابنكوسا اصحاب سمته واصحاب فرشتن موروثه
نحنا العامله بتاف ترفع المعكوسه ونحا جدودنا عاد طيعوا الجاموسة
يانا أهل العوض أهل النحاس ابرنه أهل البَدرة والمهيوف أهل الشنه أهل عزة وهل سمته وغرور ومحنه ناس البادية ناس عشرتن تتمني
ونحن أهل العوض حافظين عهود ماخنا وللجار والعشير بالشينه ماتعجلنا
بيوتنا لمس الطيور زمن العدم مابخلنا ومابصح الوليد فى اعراضنا يجاهلنا
ونحنا اهل العوض والله لاتقينا ولا تبدلنا واثبين كالاسود فى الواجبه ماتمهلنا
فى البر فى البحر تلقانا وين ماكنا فى قسم الرجال كزب البمس لحصونا
ونحنا اهل العوض فى الحالي والفات كنا فى جرك الرجال فى شينه مابعطلنا
بس بوعيك لو دقس فى اصلنا وتجاهلنا بوعيك تحسب فى الجدود 60 ومن غير إنه
ونحنا ربينا الشياخ فوق والده ماتعجلنا حافظين لللسان وحافظين كرامة اهلنا
اشبال من أسود فى ضلعه ماتهجنا دايرين سير كرام لمن نلاقي اجلنا
ونحن أمثالنا ياود موسي مابواخذوهٌ بي ويىىى بولــــد والماعندو راي حق يتعب ويقلد
الراجل مابات قوي ولا ضوق الكيك خمشة ولا جره قافات فوق حرير القامشة
أمانه تصبّح الليد والكراع منكمشه جيل الباديه جيلاً بحرجوا بالكمشه
بناتنا البقرن فى الجامعة سماهن ناس التومه : قال ديل شريحه براهن
قال ناس التومه مرقن عنقريبن مرقنبوا قربنبوا
صح ناس التومه مرقن عنقريبن قرنبوا لكن مابقعد ن يحاكن زي قرود الد نبو
الزول المابعرف يفرق بين صوابعو وزنبو حقاً فى الدروس ماحق يقعدن جنبو
قال ناس الجامعه
قال ليها الناس البقرو معاك كلهم زي دا قال ليها اقري ساي ماعليك خوف
ناس الجامعة صح مابشكلوا خوف عشان ليهم عقول نيرة داخل الجوف
ليه ياود موسي بتزم الرجال بالعائله مابعشوا الصيوف تحت السحابة الشايله
ماسمعت أم همج عقيد الزايله ماسمعت النمر حرق الخديوي القايله
نحنا نضافنا ياود موسي مو صابون نحنا نضافنا فى عروضنا وشرف مصيون
نحنا نضاف الدكري المسنون طيبين عشرة ولكن للخسيم طاعون
نحنا سماحنا ياود موسي مو كريمات ولمعت لون نحنا ولدنا عاشميق يغسل العرجون
نحنا ناس لينا اعراض بيحكما القانون سماحة زول يفرج كربة الممحون
نحنا دفعنا ياود موسي مو جركاني ونحنا مابنتبع الجبنه وحليب الكاني
ونحنا دفعنا فى النوق أم سنام باني نحنا ضربنا للعوق انفجار بركاني
وكان كلمنا ياود موسي بنقول الكلام حقاني وكان غنينا بنخت الشعر فى معاني
والله عزيزين فى النسب من فاقه مابنعاني تحسب فى الجدود ستين ومن غير عاني
وغبار الكبرياء المن المعالج هاجد احذر منوا لا ينسيك عن الواجب
من أمثال تراثنا من العرف والواجب مهما العين تطول مابتعلى عن الحاجب
|
Post: #2
Title: wa7shni
Author: Ahlalawad
Date: 03-13-2002, 06:23 AM
Parent: #1
الأخ واحشني - لقد جننت المبالغة جن - أشكرك على هذه القصيدة وهي طبعا للأخ يوسف القسم الشوبلي - طبعا انا مسجلها من برنامج أسمار - وهي قصيدة مكربة فعلا لكن اخونا محمد موسى ما يستاهل غضب اهل العوض . عندي ملاحظة بسيطة على المطلع فأعتقد انه يقول
التحية من اهل العوض مخصوصة للولد الظريف ود المدن ودموسى
ولك شكري وشكر جميع اهل العوض
|
Post: #3
Title: Re: wa7shni
Author: wa7shny
Date: 03-13-2002, 11:28 PM
Parent: #2
الاخ اهل العوض طبعا وانا كذلك سمعتها فى برنامج اسمار وسجلتها
على عجل اثناء مابيلقي فيها شاهرها واعتقد الاثنين صحيحه
والتحية الاخ محمد موسي الظريف
|
|