الى السيد رئيس البورد مع احترامى

سيدتى الفاضله رئيسة البورد
تغريد
لقد مررت ببعض المنتديات ووجدتا ان مهمة رئيس المنتدى بيرد على اى موضوع ايا كان
ووجدتا الرئيس انسان زو مكانه يعنى ردو دائما بيكون دبلومسى ووجدت الرئيس بيحترم مشاعر الجميع وبيحترم جميع الفئات شيوعيا كان او جبهجيا او مستقل
يعنى الرئيس ما بيوصف ده بى العباطه وذاك بعدم الموضوعيه انا هنا ليس فى دواخلى النيل منك او تقليل من شانك فقط حابى اعرف مهمتك انتى كرئيسة البورد ده ماهى مهمتك الاساسيه اعرف ان الاخ بكرى ابوبكر هو المسئول الفنى وهو الذى انشا موقع سودانيزاونلاين واعرف انا الاخ الصادق هو مسئول الملتى ميدياوالغرافك والاخ قرشو الفة البورد وكل الشباب المهام الموكله ليهم واضحه ما عدا انتى ما قدرتا اعرف مهمتك شنو بى الضبط اتمنا ان اجد الاجابه

الاخ وليد.....
حبي لك...حقيقة الاستاذة تغريد تقوم بمهام قد تخفي عليك...ولكن التيم..
المسئول عن البورد يعمل في صمت من اجل راحتكم.........
والان نحن بصدد اضافة اعضاء جدد..........
الاستاذة تغريد عين اللة ترعاكي ا..
ولااخفي اعجابي بك اخي وليد

عمر رجبi love you all
habib alkoll ahaha i change but dont forget ana mahsi halfawi looooooooooooooool

خوالص التحايا اخى عمر
بى الفعل هى انسانه تماما وما بيختلف اتنين فى الكلام ده بس احببت اعرف ماهى مهمتها الاساسيه
لك الشكر اخى عمر

عزيزي وليد
والله انا أحترمك جدا واحترم كتاباتك التي تقف فيها مع قناعاتك وقوفاً طيبا
أما بالنسبة لدور الرئسية الشرح يطول ويطول
بس طبعا كلنا مابنعرف الدور العظيم الذي يقوم به المايسترو في الفرقة الموسيقية
ونقعد نمدح والله فرقة تمام ونشير بالبنان لأفراد الفرقة وربما نعددهم بتاع الاورغ وبتاع الكمان ووووو. الخ بآلاتهم ولكن كلنا ننسي دور ذلك الشامخ في الامام الذي يعطي للعمل حلاوة ومعني
Did you got it?

الخ المريود الف الف مبروك المتوسط وعقبال الاستاذية
والله فرحنا ليك من قلبنا وعقبال ما نطلع من حفرة الابتدائ دي
اسمع بمناسبة الترقية دي حيمسكوك شنو في الفرقة الموسيقية
انا برشحك تمسك البنقز ولا الدنب
لوووووووووووووووووووول

الاخ عمر رجب
تحياتي واشواقي وين بقيت زي القمر ما يطل علينا الا في الليالي الحالكة
والله العظيم اشتقنا لك ولابداعك
نقطة سطر جديد
ما تحرمنا من الطلة

زكرني المقال دا بي نكته اخونا الدناقله مع نميري لمن قال ليهم انت بتأنثوا المزكر وقعدوا اهتفوا ليه عشتي يا نميرنا
وهنا نقول عشتي يا تغريد يا رئيستنا
الاخ وليد انه مهام الرئيس في البورد لايمكن ان تراها علي البورد ولا كن اسال المشرفين بوروك مجهود تغريد شنو ودوره الكبيره في تسير البورد
وعشتي يا نميرنا اقصد يا تغريدنا

هاهاها
النكته حلوه يا حبيب الكل يا حبيبنا
ماذلتا منتظر

rmoansyy wainak miss uuuuuuuuuuuuuuuuuuuu
ya man
long time
habib alkul hiiiii ya ahla zooooooooooool
keep it up nice guys
lova ya alll

الاخ وليد.....
حبي لك...حقيقة الاستاذة تغريد تقوم بمهام قد تخفي عليك...ولكن التيم..
المسئول عن البورد يعمل في صمت من اجل راحتكم
=============
looooool@ omer rageb
ra7atkom?
ne7na rakbeen bus wala eih?
7elwa minak
ba3ed shewia gool el 3asfesh dakhel el bus 3ala masooleyat sa7ebho

suna
لك التحيه اخى
انا اعلم تماما بان تغريد ليها دور ودور كبير كمان
بس انا بغوص فى الدواخل حتى تاخذ حقها

ياوليد ياخوي والله حكايتك طويلة ودايرة ليها قعدة
ياخي انت داير تصل لي شنو بالضبط انا داير اعرف
يعني الموضوع بسيط وانت داير تعمل منوهليلة مرة دورها شنو ومرة عشان نعطيها حقها ياخي ماتقعد تتراشق بالكلمات اكان الموضوع لفت إنتباه ولا حاجة من النوع دا ورينا والله بدون كدا انت ظاهر تب بعدين تغريد حقها انها تكون وسطنا نحس بيها وتحس بينا تسعد لسعادتنا وتزعل لالمنا يعني الزول لمن يشاركك حياتك بكون اخد الحق والزايد ولا ماكدا
يعني حكاية الحق دي امرق منها تب
وكان في حاجة تانية نحن قاعدين ولا ياخوي انت عندك حساسية مع حكاية رئيس دي وفوق كل هذا وذلك احترامك يغطي كل المساحات مع خالص ودي
-----------------------------------------------------
رومانسي لكن مابلغت عدييييييييييل دنب وبنقز كمان الله يجازي محنك
الله يديك العافية والبكلاريوس كمان
اها شنو ليك

الاخ وليد ذو المواضيع التي تضرب على الوتر الرنان
السيد الرئيس مشغول بمهام كبيرة ربنا يعينوا بس
ولك خالص تحياتي سيدي الرئيس ولك انت ايها المناضل وليد تحية خاصة وشوق عظيم لنا لقاء انشاء الله

looooooooooooooooool
nafsiyat u cracked me up
plz pay for me the ticket
love ya nafsiyat ahahah

تحياتى اخى واحشنى
على مايبدو لى صاحبة السمو مشقوله فى مكان تانى

قالت الاعراب لا تقل مشقولة بالقاف بل قل مشغولة بالغين
فهي ليس منديل حتي تكون مشقولة
لووووووووووووووووووووووووووووول

رومانسىىىىىى لووووووووووووووووووووول

حبابك رمانسي
والله مديدتكم دافية

حبيبنا وليد قديما قالوا العصر بجيب الزيت
وكمان بجيب حاجات تانية

حبيبى suna
ياخى والله العظيم ما عندى اى قصد ثعلبى وصدقنى الذوله دى انا بحترمها كتير انما عاوز اعرف غلط يا اخى انىاعرف

ها ناس العوض هوي
دفو المديدة في مسئول جاي زيارة

يا ناس العوض هوىىىىىى سلام جاكم
شيلوا مديدتكم دى الى سوق ليبيا و شاركوا فىالاسبوع الانتخابى لاختيار عشرة تجار و حا يكون فيهم بتاعه شاى و وداعية وبتاعة كسرة بس ابعدوا من التجكيس و شجعوا التجار النائمين للمشاركة بكل السبل و يا حبذا لو تستخدموا الماسنجر لانو فى تجار سمعهم ثقيل و ما بشوفوا البوستة
جاو

يا ودحبيب ناس العوض راحوا وين
انا رحت ليهم في محل الإنتخابات وما ليقتهم
انظنيتهم في الإستبالية ، يا ربي
المديدة ودتهم في دهيا والا شنو

كان كده يا سوق ليبيا جوك ناس

أخى العزيز وليد وباقى الإخوة الأفاضل

تحية وبعد

طبعا من حقك ومن حق أى من المشاركين أن يسأل ما يشاء عن ما يريد ويرغب وكذا من حق الأعضاء أو الإداريين أن يجيبوك هزلا أو بجدية أو لا يجيبوك أصلا

ولكنى لما رأيت الحاحك برغم فطنة من رد عليك آثرت التدخل وبجدية حسما للأمر

أولا تغريد هى رأس هذا البورد وتقوم بواجبها بكفاءة تامة نعرفها نحن الإداريون ويعرفها معظم المشاركين

رئاسة منتدى محترم مثل الذى بين أيديكم لا يتطلب أبداً أن يشارك رئيسه فى كل بوست ويرد على كل مشارك
you must be kidding
ثم هنالك السياسة العامة لهذا المنتدى ولا بد لتنفيذ أى سياسة على وجه البسيطة أن يكون على رأسها الشخص الأول الذى يقرر ما تقوم عليه هذه السياسات تماما مثل الأحزاب السياسية أو الشركات الكبيرة أو الحكومات
فهنالك رئس الحزب
ورئيس الشركة
ورئيس الدولة
هل يمكن أن نطلب من البشير مثلا أن يرد على أسئلة برنامج عبد المطلب الفحل
أم نقول له أنت الرئيس فكيف لا تفرز لنا البريد الوارد صباح اليوم فى بوستة أم درمان؟؟؟؟؟
يا أخى الحياة كلها تقوم على أنظمة وعلى أسس وقواعد
فأسس وقواعد هذا المنتدى أوضحها ود حبيب من اليوم الأول ظاهرة للعيان كالمحجة البيضاء فاسألوا أهل الذكر إن كنتم لا تعلمون
وارتضينا بيننا أن تكون أحلى تغريد فى الدنيا رئيسة لنا نرفع لها التقارير ونعد لها القراطيس لتمهر توقيعها الأخير بكلمة
OK
وهو أحلى أوكى رأيته فى حياتى
إذ أنه مبنى على العقل والحضارة والثقافة والعلم والفن والأدب والدين والفكر والأصالة والجمال
وأكرر الجمال

ثم بصفتى أديب البورد أحمله تكليفا وشرفا وأمانة كبرى
أشد على يد رومانسى وأقول له أضحكتنى من كل قلبى حين قلت

قالت الاعراب لا تقل مشقولة بالقاف بل قل مشغولة بالغين
فهي ليس منديل حتي تكون مشقولة

نعم يا وليد هى مشغولة
أولاً بحبكم
ثانياً بعملها
ثالثا ببيتها
رابعا بخطيبها
خامسا بهذا المنتدى
سادسا باجتماعياتها
سابعا بضيوفها
ثامنا بأمها وأبيها وبقية إخوتها
تاسعا بجيرانها
عاشرا بقطتها

فهل مثل هذه تُلام؟؟؟؟

حاشا والله

أنظر يا أخى أين يأتى حبكم
وأين يأتى المنتدى فى أولوياتها؟؟؟
حتى الكديسة صارت رقم عشرة بسببكم
علما أنه مر زمان كانت هذه الهرة الوادعة تحتل الصدارة لديها
ولكنكم جعلتموه لها مثل دورى السودان
فقلبتم أولوياتها راسا على عقب
لتجىء اليوم أخى وليد وتقول ماذا تفعل الرئيسة؟؟؟
يا أخى الرئيسة رئيسة
والرئيسة رقيقة
والرئيسة هى مايسترو هذا المنتدى
والله لو أمرت أن يقفل المنتدى مثلا لمدة ثلاثة ساعات تضامنا مع فلسطين وشهدائها لفعلنا دون تردد
نحن يا أخى نحرص فعلا على راحتكم والعفش مسئولية الراكب كما قال عمر رجب
loooooooooooooool
وفى الوقت نفسه نتبادل الايميلات الإدارية بيننا والتى نتخاطب فيها بجدية لا تخطر على بالك لنصل لما وصلنا اليه الآن وباشراف تغريد
فى صمت وصبر وعقل ورجاحة منطق

على فكرة كلمة
LOL
تعنى
Laugh Out Loudly
وهى كلما رأيتها أتذكر زغاريد السودان
أيوى أيوى أيووووووووووى
ولا أدرى لماذا
ولا أدرى ما العلاقة

وأقول لجمعكم الكريم بهذه المناسبة
أبشروا بالخير

وأقول لتغريد
صباح النور عليك يا زهور

أخوك فقرى
مش؟

اديبنا و حبيبنا
قلت الكلام الكنت داير اقوله بس انت ابدعت فيه و اديت رئيستنا حقها شكرا ليك يا مبدع
يا شباب شوفواالبوستا عندكم رسالة من محافظ سوق ليبيا

اديبنا واديب الكل
بالجد بتستحق تكون اديب البورد وبالجد مواضيعك بتستحق عليها تكون اديب البورد ولك التحية ولرئيستنا التحية والولاء والطاعة وربنا يوفقكم لما فيه الخير وتطوير البورد اكثر وانا من مواضيعك يا ادريبنا مقتنع تماما انكم الى الان لم تصلوا الى ماتصبوا اليه من تطوير فى المنتدي العامر بوجودكم ولكم منا ثانيا وعاشرا الف تحية

واحشنى

شكرا على كلماتك الرقيقة التى تدل على حصافتكم وفطنتكم وأدبكم الجم

والله يا أخى ما جئنا الى هنا ليطبل لنا أحدهم أو نمتدح أو ليكبر رأسنا بسبب ذلك بل جئنا مخلصين له الدين نذود عن كلمة الحق وندافع عن الضعيف ونطهر المكان لجميع أفراد أسرتنا السودانية السمحة تماما كما نجلس عندكم فى حوش بيتكم العامر باذن الله نستمع رمضان حسن على ضوء القمر الزهور صاحية وانت نائم داعبت شعرك النسائم ونسمع صوت كلب يعوى بعيدا ليبعد الحرامى عن المنطقة ونشرب الشاى باللبن المقنن على فحم كانون عتيق تعبت زنوبة فى الحفاظ على لهبه بهبابتها السعفية المباركة ويقوم أحدنا ليبصق التمباك والآخر يصلى الشفع والوتر

نحن نحيل هذا المكان الى سودان السبعينات والثمانينات المفقود

فاخبر هذا الجيل أن لا يطفئوا شمعة الحب الأصيل

وتسلم يا أمير

يازول يا رائع
قلت فأنصفت فأوفيت
و ياليت قومي يعلمون من هي تغريد و ماذا تفعل تغرودة الصباحية ... و متعة العمل تحت أمرتها و رجاحة إقتراحاتها و ارائها ليتهم يعلمون فيكفوا عن هذا
ليست الرئاسة عندها لقب أو تشريف... فهي تقوم بدورها بكل جدية... ترد على أي أيميل و إستفسار ..و تستأذن إن ودت الغياب
ليت رؤساء بلدي يقدرون شعبهم كما تفعل تغريد معكم
لما كان هذا حالنا

كان من عادة ملوك الفرس إذا غضبوا على عالمٍ حبسوه مع جاهل
ونحن حبسونا معاك وبرضوا تقولي البشير عبيط لووووووووووووووووووول والله مشكلتنا كبيرة البشير عبيط والثاني اللي هنا جاهل لووووووووووووووووول والله ياولي جيت في مربط الفرس وربنا يزيد من مواضيعك العسل ياسكر عسلايه
وفعلاً دائماً الرئيس بكون مميز علي الناس في كل شي واي غلطه محسوبه عليه ياغناء البنات لووووووووووووووول رئيسنا فنانه لووووووووووووول والله مت من الضحك الله ينعل شيطانك ياولي

الاخ الغالى الاديب
فيما سبق كان هنالك تساءل بينى وبين نفسى الرجل ده ليه اطلقو عليه اديب
لكن اليوم جاتنى الاجابه على طبق من ذهب هاهو انت رديت على سوالين برد واحد
الشكر لك اديبنا المخضرم وخوالص تحياتنا للملكه

الاخ وليد ذو المواضيع التي تضرب على الوتر الرنان
السيد الرئيس مشغول بمهام كبيرة ربنا يعينوا بس
ولك خالص تحياتي سيدي الرئيس ولك انت ايها المناضل وليد تحية خاصة وشوق عظيم لنا لقاء انشاء الله

واحشني
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تحياتى اخى واحشنى
على مايبدو لى صاحبة السمو مشقوله فى مكان تانى

مهما السماء تجهمت او ابرقت او ارعدت فالشمس انت ماكان حرفا قبلك ممكن وتكونت كل الثقافه يوم كنت
وليد
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
&&&&&&&
الاخوان وليد واحشني
ارجو ان تراجعا تعليقيكما اعلاه
وارجو ان نسمو بانفسنا جميعا
فان كان الكلام من فضة
فالصمت من ذهب
والشكر للرئيسة التى لم ترد
على الصغائر
وهذا ادب البورد الذي تعلمناه مِن مَن سبقونا هنا

والشكر لي يا زوووول فكلامك هدي وعبرة لمن يريد ان يعتبر

الأخ وليد
اسمح لى ان اسألك سؤالا حيرنى كثيرا
وهو ايهما جاء اولا البيضة أم الدجاجة ؟؟
ولك شكرى

الاخوان وليد واحشني
ارجو ان تراجعا تعليقيكما اعلاه
وارجو ان نسمو بانفسنا جميعا
فان كان الكلام من فضة
فالصمت من ذهب
والشكر للرئيسة التى لم ترد
على الصغائر
وهذا ادب البورد الذي تعلمناه مِن مَن سبقونا هنا

الاخ يا سيكو على ما اعتقد هو اسمك لا اعتقد ان يوصل الانسان الى قناعة بانسان مالم يحتك به او يعرف عنه الكثير من خلال كتاباته او عن طريق شخص يثق او اثق فى كتاباته الحجاده كالاستاذ اديب البورد قرشو وليس هذا مدحا لقرشوا وانما وصولى لقناعه عن انه اهل ماهو فيه الان كاديب للبورد وهو رجل مقنع بحق وتسال انت لماذا انا كتبت واشدت بموضوع الاخ وليد نعم اشدت به لاني اردت ان اعرف الكثير عن هولاء اعضاء مجلس قيادة البورد حتي اكون على يقين تام باني اتعامل كع ناس اهل لذلك وقد حصل واتمني ان لاتسالني الي اي شئ وصلت عن حقيقتهم لاني الى الان اتمني ان اعرف عنهم الكثير وخاصة الاخ الاستاذ بكري ابو بكر والاخ الصادق وتشرفني معرفتهم والالتقاء بهم ان كان فى العمر بقيه سنتقابل واتمني من الله العلى القدير ان يجمع بيننا جميعا فى ارض الوطن الحبيب ولك خالص تحياتي واحترامي اخي ياسيكو

الاخ الغالى قرشو
الدجاجه جات قبل البيضه وفى روايه اخره البيضه جات قبل الدجاجه
ياخى الكريم الواحد لما يسال عن حاجه هو ما عارفها بيعملو فيهو كده
معنى كده تانى ما نسال عن اى حاجه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اهلنا الحلوين مساء الورد
حبيبى قرشو قرشو الدجاجه او البيضه رايحين نستفيد منهم شنو
السوال ده مفروض تسالو الى الحمامه التى ارسلتها من مده وحمد على السلامه يا جاى من سفرواحشانا الابتسامه وجهك ولا القمر

أخى وليد
ولماذا اغضبتك الحمامة ؟؟؟؟؟؟؟؟؟؟

انت يا قرشو ما عارف ليه؟

الأخ الشجن الأليم
عزيزى الفاضل من حقك أن تسأل عن أى شىء يبدو لك وتجد أن سؤالك قد يكون مفيدا حتى للاخرين فهذه المساحة لتبادل الاراء ووجهات النظر ودوما يجب أن نضع نصب أعيننا ان اختلاف الاراء لا يفسد للود قضية ولكن جاء فى محكم التنزيل قول المولى عز وجل " لا تسألوا عن اشياء إن تبدو لكم تسؤكم" وهذا يعنى ان للسؤال أدبا وللحوار أدبا ومن الأدب ان لا نسأل عن اشياء لا تخصنا فى قليل او كثير وسؤال الدجاجة والبيضة من تلكم الأسئلة وتصب فى خانة الجدل السفسطائى الذى لا طائل منه ..
أخى أنا أعتذر لك بشدة إن وصلك من حديثى تلميحا بأن السؤال هنا محظور .. اؤكد لك عكس ذلك تماما فهذه المساحة لقول كل شىء مفيد ولكن قل لى ان سألتك ما هو شغل الالفة هنا؟؟؟؟
دعنى اسألك السؤال بصيغة اخرى..
ماهو تضررك من وجود الالفه هنا او عدم وجوده هناك؟؟؟
اذن سيدى قبل السؤال يجب ان نضع هدفاً للسؤال ودوما اخى الكريم الجزاء من جنس العمل ..
ثانية أقول لك السؤال هنا مباح للكل وفى كل شىء مفيد فى حدود اعرافنا وادابنا العامة

الأخ واحشنى
أشكرك أخى على ردك الحصيف وعلى اشادتك بأعضاء إدارة البورد وهذا من حسن الأدب وحسن الخطاب يصب فى ذلك واخى كل إناء بما فيه ينضح وقديما قال الشاعر :
والذى نفسه بغير جمال *** لا يرى فى الوجود شئياً جميلا
حقيقة هذا البورد هو جهد أخ كريم ابن أخ كريم اقتطع من حر ماله ومن مصاريف اهله ومن وقته الثمين ومن علمه الغزير فى مجال الكمبيوتر وانشأ لنا هذه المساحة لكى نلتقى عليها ولكى يكون لنا كسودانيين مكانا وسط عالم التكنولوجيا الزاخر وكل اضافة سودانية مقدرة جدا لانها تجعلنا اكثر انتشارا فنحن فى فجاج الأرض منتشرون لاسباب عدة تركنا الاهل والوطن والأحباب فكانت هذه الصفحات ملاذ آمن لنا لانخشى فيها شئيا ولذا نتهافت للدخول فيها علنا نجد من رائحة الاحباب والأصحاب والوطن العزيز وطبيعى ان يكون كل مجتمع سودانى بتلكم السماحة رغم ان السودان اخيرا سطا عليه من لا يعجبه العجب ولا الصيام فى رجب وعمل على محو وطمس كل جميل من صفاتنا التى توارثناها جيلا بعد جيل..
والأخ بكرى بعد جهده هذا ونشر صفحته هذه وجدت الترحيب ووجدت القبول من قدر كبير من اولاد الناس واولاد القبائل فكانت مبرأة من كل قبيح فى القول ومن كل لمز وقمز ومن كل فجور كما نرى فى الصفحات الاخرى فى عالم الانترنيت واكاد أجزم ان الجميع هنا يتعاملون ببراءة وصفاء روح وعفة لسان وعفة باطن فالكل اخوة واصدقاء وابناء عمومة وما يجرح أى واحد يجرح الاخرين ومن حق الأخ بكرى اختيار الفريق الذى يعاونه فى تسيير دفة تلك الصفحة واننا نظنه امراً يسيرا ولكنه والله اكبر من التصور وقد نرى انه من السهل ان نشترك ونشارك بالمواضيع الردود ولكن خلف تلك السهولة جهدا جبارا وعملا متواصلا اناء الليل واطراف النهار .. فنحن عندما ننعم بالنوم الهادىء يكون اخونا بكرى فى دوامة عمل لا تحصى من اجل اخراج هذه الصفحة لنا بالصورة القشيبة..
إذن إن اردنا تقصيرا ولم نستطيع تقديم مقترحات لاصلاحه فما أقل من ان نوجه له رؤآنا بصورة مباشرة وذلك حق الأخ على أخيه فقد جاء فى الحديث الشريف " أنصر اخاك ظالما أو مظلوما..." ومظلوم بتوجيه النصح له والارشاد..
اخى الكريم
اشكرك ثانية واعتذر عن الاطالة رغم انى لم اقل ما بداخلى بعد ..

يا قرشو كلام في الصميم لكن شنو التطويل دا
وانت ما علموك اللبيب بالاشارة يفهم
جزاك الله خيرا
حقت اهلنا

ياسيكو
تسلم ياخوى
وتصدق والله اناما بحب الكلام الكثير لكن مرات كده تلقى نفسك سارقاك السكينة..
بعتذر يا حبيب
وهاكم الحمامة دى

يا قرشووووووووو
انا ذعلتا من وضعك للحمامه ووصفها بى الفاجره مع العلم انو الحمام
دائما بيكون رسول السلام ومتى ما جات سبرة الحمام جات سيرة السلام وسيرتك لما يجبوها اهلى كتير بحبوها
كان مفروض يكون البووم الفاجر او الغربان الفاجره ما الحمام
لك الحب ايها الحب