على راى المثل لابحبك ولا ببقى بدونك

كل السودانيون فى داخل الوطن يسبون للوطن ويسبون لمن يتزعم الوطن وينعتون كل من تكالب على توليه منصب من المناصب ونجد كل يدافع بضراوة وحدة عن لونه السياسى فهذا شئ طبيعى جدا فى السودان وفى داخل الوطن يأكدون بأن السودان لا شئ فيه يجعله من قائمة الدول ذات الصيت العالمى أو حتى الأفريقى أو العربى
لكن فى خارج الوطن تجدهم يدافعون وبقوة حادة عن السودان عن أهله وكرمهم مثلا وعن ارضه وخيراتها الوفيرة من جهة أخرى ولا يحتملون اى شئ يمس السودان او اهل السودان لماذا ؟ هل هذه تعتبر وطنية؟ ام غيرة على الوطن خارجه ؟ ام ماذا نسمى هذا الأسلوب ؟ وما راى جميع أعضاء البورد
لماذا انت فى السودان تسب الوطن وتتطالب بالهجرة ولماذا ايضا فى ارض
المهجر تتدافع عن السودان وتتطالب بالعودة لأرض الوطن ؟
هذا قليل من كثير وفى المرات القادمة اشياء اخطرمن هذه بكتير
اتمنى ان يكون مفهومى واضح واتمنى ايضا ان يجد الصراحة والوضوح والرد عليه من غير مجاملة ولا اقدر ان اقول الرد عليه يجب ان يكون من دون لون سياسى فهذا أمر مستحيل

شدى الرائع احمد المصطفى
نحن فى السودان نهوى اوطاننا
وان رحلنا بعيد نطرى خلاننا

دا شنو دا يا قرشو قلبت القضية راس على عقب
يقلب دقنوسك دا زي ما بيقول حسبو

اخي ان كل انسان لابد ان يحب مكان مولده ووطنه وان اختلف معه وحقيقة لا يوجد اختلاف مع الوطن لكن مع......... لا اريد السياسة
واصبح الناس يسبون في الوطن ويقينى انه تنفس سياسي او لما يعانون من مشكلات في العيش والمواطنة ولكنه ليس سب حقيقي من الاعماق او يصل لمرحلة الايمان
وبالطبع عندما يجد النواقص في وطنه في الخارج اي عندما يغترب
يعود لطبيعته البشريه ويذود عن وطنه ويقاتل اي اجنبي اخر يحاول الافتراء او حتى لو لم يفتر بل قال الحقيقة

وللاوطان في دم كل حر يد سلفت ودين مستحق
&&&
وطني وان شغلت بالخلد عنه نازعتني اليه في الخلد نفسي
&&&&&&
وطني يا فردة جناحي التاني وكت الناس تطير لي عالما

أحى فيك روح النضال والكفاح وحب الوطن يا أخى سيكو والأسان اذا كان ما حب وطنوا فهذا شئ يرثى له وحب الوطن شئ حتمى على كل واحد فينا وبدون تحزب لأن الواحد لو اشتغل بالتحزب حقيقة بتجاهل عملية الوطنية لأنو بالطبع عندو لون سياسى فأكيد فى لون سياسى تانى عندو معه حساسية ولون تالت ورابع وبطريقة أو بأخرى بكون نسى عملية الوطنية وحب الوطن ناسى انو ارض الوطن ماليها ذنب فى الشئ الحاصل دة كلو وكمان الناس الطيبين الأبرياء
ونتمنى من الله ان يبشرنا بخير بلادنا وسلامها وأمنها ورخاها
ولو الواحد عاوز اتأمل فى الوطنية فليستمع لشئ قليل من روائع استاذنا الراحل المقيم المبدع مصطفى سيد أحمد

شجن

التحية ليك ياعزيزى قرشو حقيقة حب الوطن ماشئ ساهل ابدا وحقيقة وللأوطان فى دم كل حر يد سلفت ودين مستحق والتحية ايضا للذين تغنوا للأوطان أمثال أحمد المصطفى ومصطفى سيد أحمد وبقية العقد الفريد وصراحة يعنى الواحد حب الوطن ماشئ اصطنعو فهو اساسا موجود فينا غريزة والواحد لما ارى أخاه السودانى يسب فى وطنو او من يتزعم وطنوا حقيقة بزعل زعل لابعد الحدود
ونسأل الله ان يعم بلدنا السلام والنماء والرخاء ونكون فى قمة الدول ويشار لنا بالبنان قول معاى يارب

بلادى وان جارت على عزيزة ** أهلى وان ضنوا على كرام

التحية لكل من قال احبك ياوطن التحيه ليك يا شجن

شكرا ليك من الداخل والتحية ليك من الاعماق يا واحشنى
والتحية ايضا لكل وطنى غيور على وطنو
وعبر هذه المساحة بحى روح النضال لكل من كتب حرف فى الوطن والتحية القلبية الحارة لكل من تغنى للوطن




شجن