Post: #1
Title: قبل الزواج .. وبعده
Author: madani
Date: 03-06-2002, 01:10 PM
قبل الزواج: يكون الزوج زبوناً دائماً في محلات بيع الورود
بعد الزواج: يكون زبوناً دائماً لدي محلات الخضار
قبل الزواج: يكون الكلام طويلاً مثل أغاني أم كلثوم
بعدالزواج: يكون الكلام قصيراً مثل أغاني شادية
قبل الزواج: (المشي في الأسواق والأيدي متأهبة لدفع ثمن الجهاز ( الدزة)
بعد الزواج: أيضاً الأيدي متأهبة حتى تمسك الزوجة قبل أن تفر لأقرب محل!
قبل الزواج: لو تطلبي لبن العصفور أجيبه
بعد الزواج: لبن المراعي يملأ الأسواق فما حاجتنا للبن العصفور؟
قبل الزواج: يتصرف الزوج كما لو كان مرشحاً في الأنتخابات
بعد الزواج: يتصرف كما لو كان وزيراً في حكومة مهمتها رفض المطالب الشعبية
قبل الزواج: المرأة آذان صاغية
بعد الزواج: أفواه مفتوحة
قبل الزواج: أنا والعذاب وهواك
بعد الزواج: أنت والعذاب فقط
قبل الزواج: الرومانسية أن تهدي خطيبتك وردة
بعد الزواج: ايه الكلام الفاضي ده؟ لو كنت جبت حاجة عليها القيمة مش كان أحسن؟!
قبل الزواج: تريدك أن تكون جميلاً بما يكفي لأن توافق على الزواج منك
بعد الزواج: تريدك قبيحاً بما يكفي لأن تبعد عنك كل إعجاب
قبل الزواج: الزوجة تحافظ على قوامها
بعد الزواج: لا تحافظ على قوامها فقط وأنما تضاعفه
قبل الزواج: تنصت الزوجة بأهتمام
بعد الزواج: لا تنصت بأهتمام إلا إذا كان زوجها نائماً
قبل الزواج: الرجل أعمى والمرأة خرساء
بعد الزواج: الرجل عيون زائغة والمرأة لسانها أطول منها(أي بما يكفي لأن تفتح محطة تبث على مدار الساعة)
قبل الزواج: الخطيبة تحبك كما أنت ولا تريد تغييرك
بعد الزواج: تريد تغييرك وإذا تغيرت شكت من أنك لست الرجل الذي تزوجته
|
Post: #2
Title: Re: قبل الزواج .. وبعده
Author: sama7
Date: 03-06-2002, 03:09 PM
Parent: #1
قال
oscar wilde
love makes the world go round
marriage makes it go flat
وبنسال العملوها صحى الكلام دا؟
|
Post: #3
Title: ماقبل
Author: wadazza
Date: 03-06-2002, 03:33 PM
Parent: #1
والله ياسماح ...دا شىء خارج خبرتنا ولازلنا فى خانة ما قبل
دى الا كان يجاوبوا عليها أعمامنا ديك ناس حسبو وبناديها وقرشو الألفة ...الخ
لكن نصيحتى ليك خليك ما سك فى ما قبل دى قوى وماتتخطى مرحلتها عشان ما تقع فى محظور الما بعد
تحياتى
ودعزة
|
Post: #4
Title: Re: ماقبل
Author: wa7shny
Date: 03-06-2002, 05:00 PM
Parent: #3
والله ياسماح مع الاسف دا الحاصل زي ما قالوا فى واحد وهو داخل الفندق لقضاء اجمل ايام الزواج الاولى (شهر العسل) قامت زوجتوا فى الدرج بتاع السلم عايزه تقع قام اخونا ورفع صوتوا ياخ ماتصلحوا سلالمكم يالله اوعا يكون تعوقتي المهم عدت على خير وبعد ماقضوا الايام فى الفندق حصل للزوجه نفس ماحصل لها عند دخولها قام اخونا رفع صوتوا لكن المره دي عليها وقال ليها انتي مخليه بالك وين ماتعايني لمحل رجولك بتوطا
هاهاهاهاهاهاها
واحشني
|
Post: #5
Title: Re: ماقبل
Author: sama7
Date: 03-06-2002, 07:02 PM
Parent: #4
looooooooooool@u ya nas
والله لذيذين بشكل
لكن عملتو لينا عقدة عدييييييييل كدا
|
Post: #6
Title: Re: ماقبل
Author: suna
Date: 03-06-2002, 07:09 PM
Parent: #5
انا الكلام دا سمعتو لكن مابعرفوا كان صاح ولا كضب ويا أصحاب التجارب أفتونا قالوا في فترة الحب يتكلم الرجل وتستمع المرأة وفي فترة الخطوبة تتكلم المرأة ويستمع الرجل وفي فترة الزواج يتكلم الاثنان ويستمع الجيران أها الكلام دا كيف بندور الشورة
|
Post: #7
Title: Re: قبل الزواج .. وبعده
Author: 7abib_alkul
Date: 03-06-2002, 07:38 PM
Parent: #1
ولله طبعا نحن لسع في مرحله ما قبل دي لكن سمعنا كدا قالو وربنا اكفينا شر قالو وقلنا انه قبل الخطوبه بتكلم الود والبت تقعد تسمع وبعد الخطوبه تتكلم البت واسمع الود وبعد العرس بتكلموا الاتنين واسمعوا الجيران
وربنا اكيفينا مرحله سماع الجيران دي
|
Post: #8
Title: Re: قبل الزواج .. وبعده
Author: sama7
Date: 03-06-2002, 10:22 PM
Parent: #7
الله يكفينا شركم يا سونا وحبيب
نوعكم البسمع الجيرام دا
|
Post: #9
Title: Re: قبل الزواج .. وبعده
Author: waleed500
Date: 03-06-2002, 10:43 PM
Parent: #8
بناديها شايفك ما ادليت بدلوك مع انك رجل خبره وقد تخلتا المعمعه دى من قبل كدى قول لينا البحصل شنو
واحشنى نكتتك كتير حلوه
|
Post: #10
Title: Re: قبل الزواج .. وبعده
Author: eyes of liberty
Date: 03-07-2002, 07:45 AM
Parent: #9
سلام يا الفوق و سلام يا التحت
صور لي صديقي الزواج , كبرميل ,له جانبين ينفتح بهما, جانب من العسل و جانب آخر من الزفت
و المحظوظ هو من يلاقي العسل في اوله
|
Post: #11
Title: Re: قبل الزواج .. وبعده
Author: قرشـــو
Date: 03-07-2002, 07:54 AM
Parent: #10
سلام يا العينكم فى جنه وعينكم فى النار
شوفوا الجابو ود مدنى ده قليل من كثير وياما فى الجراب يا حاوى
وبينى وبينكم الزواج من ناحية زى الغربة
الجوه يقول للبره اوعك تدخل
البره يقول الزول ده حاسد وما عاوزنى استمتع بالحياة زيه
وبعد ما يدخل يقعد يغنى مع كمال ترباس
يا ريت يا ريت
وزمان قالوا الزواج شر لابد منه...
لكن لو فى طريقة زوغة ما تفوتوها
نصيحة مجانية
يا بت قبل الزواج ما تصدقى اى ولد
يا ولد قبل الزواج ما تصدق اى بت
|
Post: #12
Title: Re: قبل الزواج .. وبعده
Author: madani
Date: 03-07-2002, 11:48 AM
Parent: #1
ما لاحظتو يا شباب انو المتزوجين ما ردوا على الموضوع دا .. وكانوا عندهم سر كبير ما عايزيين يوروهو للعزابه ديل .. وتلقى الواحد حاسس بامتياز المتزوج وكان سالتو ما يديك اي معلومة مفيدة .. يقعد يقول ليك .. المسالة بتختلف من واحد للتاني .. ولا والله شكل الحب بتغير لكن ما بقل ..
عارفين الحقيقه شنو ...!!!!
كلهم خايفين يكتبوا انو الكلام الفوق دا صاح .. بعدين لما يرجعوا البيت يلقوا العلقه الساخنه في انتظارهم ..!!!.. وطبعا دي ميزة من ميزات الزواج الحزم والربط .. واوع من النقه
|
|