Post: #1
Title: شاكوووووووووووووووووش
Author: zico
Date: 02-16-2002, 07:25 AM
كنا دايرينك معانا إلا أبيت طريقنا
ولسه ما قادرين نسيبك وانت سبته الريح تسوقنا
وقالوا يوم سألوك علينا لألأ في خدك شروقنا
وقالوا زي داريتو شوقك وشوف غلبنا نداري شوقنا
وشوف نجمنا كمان ظلمتو ولسه نجمك ضاوي فوقنا
***
الصباح كان بيك مندى وجيتك في دارنا تحلى
والغريب الطال غيابو عاد معاك بالفرحه طله
ياما غنت ليك بيوتنا وشالت اسمك حله حله
الغيوم ضحكت عشانك والفراشه جناحه ظله
الفرح فاتك معانا والحزن قال لينا يلا
***
ياما فيك نحن انظلمنا وفرقتك بكتنا ياما
ولسه برضو بندعي ليك تلقى في دربك سلامه
وتلقى ناس يدوك حنانهم واصلو ما يدوك ملامه
مافي عاشق عادي عاشق كان بشيل الابتسامه
بدل القاسيات محنه وظلل الساحات غمامه
***
قسمه غايتو تفوت دروبنا وتمشي مننا دون مرادك
نحن نسهر ليلنا كلو وانت تغرق في سهادك
فيك عيون بتحن لينا ما الحنان حتى في عنادك
انت ما بتحمل فراقنا ونحن ما بنحمل بعادك
وريدنا كان قصرته عمرو يبقى ليك في السكه زادك
***
اصلو ما تشيل لينا هم نحن اتعودنا نشقى
كم ندمنا وراك ليالي وفجاءه تاني فرحنا بقه
وبرضو ما بيكمل عشمنا مهما تبكى قلوبنا فرقه
ونحن على نياتنا دائماً والبنتمناه نلقى
والسعاده هي كان أبتنا البتبقى علينا تبقى
|
Post: #2
Title: شاكوووووووووووووووووش
Author: zico
Date: 02-16-2002, 07:27 AM
Parent: #1
طروني ليك وأنا كنت قايل أصلى ما بطراكا تاني
وكنت قايل طول فراقك بيمحي ريدك من زماني
إلا تاري البينا لسع لا نسيتو ولا نساني
***
وفجاءه اتذكرته ريدنا والزمان الكان معاكا
المشاوير والأماني والفرح ساعة لقاكا
حتى قلبي الكان نساك ما لو زي الما نساكا
صحه جرح الماضى تاني ومن جديد هسع بكاكا
رغم ظلمك وطول جفاكا حنّ لي أياما هواكا
***
وابتديت من تاني أندم زي كأني الكنت ظالمك
لمته نفسي وقلته يا ريت لو ظروفنا تلم وأكالمك
وأحكي ليك أنا كيف ظلمتك لما جيت غلطان ولا يمك
ورغم طول الفرقه بينا اشتهيت لو بس اسالمك
وأسألك لو طاري ريدنا ولا سارح في عوالمك
***
كان لقيت ليك قدره تنسى عاد منو البديني قدره
أنسى زي ما نسيتني إنت وبرضى أرجع تاني أطرى
الليالي البينا كانت من جمالك شايله نضره
ياما بتذكرني بيكا وياما بتبكيني ذكرى
وانت لو هناك زمانك برضى راح أتهنى بكره
|
Post: #3
Title: شاكوووووووووووووووووش
Author: zico
Date: 02-16-2002, 07:29 AM
Parent: #1
كتير حاولته انساكا لا نسيتك ولا قدرت
وقدر ما قلته ما بشتاق غلبني الشوق واشتقت
وبعد فكرته ما أرجع بكل مشاعري ليك عدت
***
زمن راجيك تحن مره وتشعر بي حناني عليك
وتدلل عليّ برضك تقلل في المحنه الفيك
وأزعل حبه يوم يومين ومن كترة شوقي أنسى وأجيك
انت صبحت ليّ قدري تقسى علي وأفتش ليك
وريدك بالعذاب الفيهو ما في أحنّ من عينيك
***
تمر أيام تكون وافي وترضى عليّ تفرحني
وأخاف أنا لو جرحتك يوم ودائما أنت جارحني
أجيك مشتاق ملان أفراح وللدمعات تروحني
وأعيشو وراكا ليلى حزين والآلأم تصابحني
وبرضى أعود أنا المظلوم وأقول ليك أنت سامحني
***
بقيت يا ريدي ليّ دنيا وزي دنياي عليّ قسيت
بحسك إنت أطيب زول وحتى جفاك كمان حبيت
وريدك ما في منو خلاص بطراك برضى مهما نسيت
وأنا نسيتك عشان أطراك ما انت معاي مشيت أو جيت
مقدر ليّ أعيش حبك رضيت بالفيهو ولا أبيت
|
Post: #4
Title: شاكوووووووووووووووووش
Author: zico
Date: 02-16-2002, 07:32 AM
Parent: #1
لا لا ما بحزن عشانك لو صحى اتبدلته خنت
إلا لسع ما مصدق وانت في أعماقي إنت
***
قالوا عنك ناس قرايبك إنت عندك غيري غايه
وبرضو ليك ميعاد معاهم زي ميعادك داك معايا
الرسائل هي ذاتها وحرقة الشوق والوصايا
وبرضى صدق ما ظلمتك وقلته ما بتخون هوايا
وقلته مهما أغيب عليك إنت برضك في رجايا
***
ما بصدق مهما قالوا ريدي في عينيك هان
اصلى عارفك ما بتلقى غيري سكه أمان
والحنان الشفتو مني زيو مين يديك حنان
وبرضى عازرك لو نسيتني وبي ورأي حبيت كمان
ما البيخون في يوم حبيبو بكره بيخونو الزمان
يلا قول وريني آخرك في قليبك غيري مين
والمحبه العشنا فيها ورحلة الشوق بالسنين
وكل حاجه جميله بينا روحت الليله وين
لا لا ما أظنك بتنسى وكنت طول عمرك حنين
إلا وين وعدك معايا ما قالوا وعد الحر هو دين
|
Post: #5
Title: شاكوووووووووووووووووش
Author: zico
Date: 02-16-2002, 07:58 AM
Parent: #1
ده ما سلامك
ولا الكلام الكان زمان هسع كلامك
ولا يعنى نويت تسيبنا وفي الخريف تحرم غمامك
وده ما سلامك
***
جينا بعد الفرقه نسأل قلنا نلقى محنه عندك
نحكي ليك عن ليك شقانا وعن متاهات نجمو بعدك
نحن سالمناك بطيبه وياما بكى عيوننا ردك
وليه زمان اديتنا ريده وجيت حرمتنا تاني ودك
وقلبنا الجرحت خاطرو برضو ما قادر ملامك
وده ما سلامك
***
كنا قايلين بي ورأنا إنت زينا طاري ديمه
وكنا قايلين نحن عندك زي عيونك لينا قيمه
قلنا تتلقانا إنت والزهور تحضن نسيمه
إلا ريدك تاري روِّح وعدي فات زي كل غيمه
جينا ليك بالأبتسامه إلا ما لقينا ابتسامك
وده ما سلامك
***
جينا شايلين ليك فرحنا وكان عشمنا تزيدو حبه
تطرى ناس فاقدين عيونك وبي وراك ما خلوا غربه
قلنا ننسى تعب سفرنا بي ليالي معاك أحبه
جينا ما لقينا في عيونك ذكرى ساكت للمحبه
شلنا شوقنا رجعنا بيهو وما ندمنا على سلامك
وده ما سلامك
|
Post: #6
Title: شاكوووووووووووووووووش
Author: zico
Date: 02-16-2002, 08:04 AM
Parent: #1
حان الزفاف وأنا حالي كيفن بوصفو
يا ريت هواك لي ما انقسم ولا قلبي ريدك نذفو
قالوا البعيش الدنيا ياما تشوفو
تشقيهو بي فرقة عزيز وبالحسره ريقو تنشفو
وإن شاء الله ما يحصل فراق لقلوب بعد ءاتولفو
***
بس قولي لي أنساك كيف وأنا قلبي ريدك محنو
أبحر سنين في كون هواك والليله فاقد مأمنو
وأنا من زمان عارف البيكون وقليبى كنت بيقنو
والليله يوم حان الزفاف أنا حالي مين ما حننو
ولو ده الحصاد من كل ريد ناس قيس صحيح اتجننو
***
جوني الصحاب وأنا قالوا لي شافوها في توب الزفاف
شافوا الدموع واتحسروا والشوق غمام في عيونها طاف
ومش عاد حرام ساكن الضفاف
ينشره في عمرو الجفاف
طول عمري بزرع في الورود وحصادي شوك آخر المطاف
|
Post: #8
Title: Re: شاكوووووووووووووووووش
Author: قرشـــو
Date: 02-16-2002, 08:10 AM
Parent: #6
أيام زمان
والله أيام يا زمان
ببكى واتحسر عليك
وما بقول العشنا كان
لسه راجيك يا زمان بحبة الفكر المعاى
عايشة فى وجدانى جوه
ولسه بتدغدغ حشاى
يمكن الحبيته مرة ... يلقى فى كلمات غناى
خاطرة بتصحى المشاعر..
ويمكن الطول سهادى
تغشى ليلاته البشائر
ويمكن الفرح الزمان
لسه أصداه بترن
غنوة حاضناها الضفائر
جايز الأيام تحن
تصحى فى نبل المشاعر
ويمكن المجروح يئن
وتشفى ليلاته البشائر
ويمكن الفرح الزمان لسه اصداه بترن
غنوة حاضناها الضفائر
والله ايام يا زمان
ببكى واتحسر عليك
وما بقول العشنا ... كان
|
Post: #25
Title: Re: شاكوووووووووووووووووش
Author: 7abib_alkul
Date: 05-09-2002, 10:24 PM
Parent: #6
من الشارع طلع شاكوش من بيت جارنا طلع شاكوش
من الماسنجر طلع شاكوش
شواكيش البلد زادت
افيض الحب نحيض نحن
اقيف العشق نقع نحن
|
Post: #7
Title: شاكوووووووووووووووووش
Author: zico
Date: 02-16-2002, 08:09 AM
Parent: #1
من جديد جيت تانى تكسر صمتي بالنظره الخجوله
يا أمل عمري القبيل ويا سنين عامرات فصولا
وما قدرت أنساك من وزمان بس ضاعت احلام الطفوله
***
الحنين الجيتنى بيهو جاني في لحظات ندم
في زمان ضيع صبانا وكل اشتات العشم
ومن جديد جيت تاني كيف تبني فيني الانهدم
وما قدرت انساك من زمان بس ضاعت أحلام الطفوله
***
ما بفيد أنا لو الملم من عيونك ذكريات
ولو اصحى الماضي فيهن وانسي حزن الامسيات
برضو زمن البهجة عدى وعمري فات فيهو الفوات
وماقدرت انساك من زمان بس ضاعت احلام الطفوله
|
Post: #9
Title: شاكوووووووووووووووووش
Author: zico
Date: 02-16-2002, 08:17 AM
Parent: #1
وبقيت اغنى عليك
غناوى الحسرة والاسف الطويل
وعشان اجيب ليك الفرح
رضيان مشيت للمستحيل
ومعاك فى آخر المدى
فُتينى يا هجعة مواعيدى القبيل
بعتينى لى حضن الاسى
وسبتينى لى للحزن النبيل
ومشيت معاك كل الخطاوى الممكنة
وبقدر عليها وبعرفها
اوفيت وما قصرت فى حقك
ولا كان عرفة غيرك اصادفها
وقدر هواك يجيبنى ليك
جّمع قلوبنا وولفها
وكتين بقيتى معاى فى اعماقى
فى اعماق مشاعرى المرهفة
لا منك ابتدت الظروف
لا بيك انتهت الامانى المترفة
ندمان انا
ابدا وحاتك
عمرى ما شلت الندم
ما اصلو حال الدنيا
تسرق منية فى لحظة عشم
وانا عندى ليك كان الفرح
رغم احتمالى اساك
يا جرح الالم
كان خوفى منك
جاى من لهفة خطاك
على المواعيد الوهم
اهو نحن فى الآخر سوا
باعنا الهوى
ماشين على سكة عدم
وبقيت اغنى عليك
غناوى الحسرة والاسف الطويل وبقيت اغنى عليك
غناوى الحسرة والاسف الطويل
وعشان اجيب ليك الفرح
رضيان مشيت للمستحيل
ومعاك فى آخر المدى
فُتينى يا هجعة مواعيدى القبيل
بعتينى لى حضن الاسى
وسبتينى لى للحزن النبيل
ومشيت معاك كل الخطاوى الممكنة
وبقدر عليها وبعرفها
اوفيت وما قصرت فى حقك
ولا كان عرفة غيرك اصادفها
وقدر هواك يجيبنى ليك
جّمع قلوبنا وولفها
وكتين بقيتى معاى فى اعماقى
فى اعماق مشاعرى المرهفة
لا منك ابتدت الظروف
لا بيك انتهت الامانى المترفة
ندمان انا
ابدا وحاتك
عمرى ما شلت الندم
ما اصلو حال الدنيا
تسرق منية فى لحظة عشم
وانا عندى ليك كان الفرح
رغم احتمالى اساك
يا جرح الالم
كان خوفى منك
جاى من لهفة خطاك
على المواعيد الوهم
اهو نحن فى الآخر سوا
باعنا الهوى
ماشين على سكة عدم
وبقيت اغنى عليك
غناوى الحسرة والاسف الطويل
|
Post: #10
Title: شاكوووووووووووووووووش
Author: zico
Date: 02-16-2002, 08:40 AM
Parent: #1
وينك انتي الطال غيابك
العيون تسألني عنك والقليب
بيقول حبابك
والخطاوي الباكيه ترحل كل
يوم واقفات في بابك
والايادي تدور تنقّر
بس تخاف قسوة عذابك
يا وطن لي ناس غلابه
يالعيونك للعشق أنهار وغابه
زى معابد فيها بتئن الربابه
حلوه يوميات مجدده حالمه
ما بتعرف رتابه
صامته زى حزني اللى كاتمو
معاي صبابه
واحبابك واحباب عينيك حبابا
تسقى عمرى الظامي بى قطرة سحابه
وابقى فارس في جبينى تشع مهابه
من ضراعى الريد يقطر والعشق
مكتوب كتابه
يعني ايه الدنيا يا شمس الضحى
ما لسنين يا غاليه بكره مروّحه
والعمر أيامو بتوالينى رحى
الاّ فى يوم سكتك
ما بنبرحا
|
Post: #11
Title: Re: شاكوووووووووووووووووش
Author: Rakoba
Date: 02-16-2002, 08:54 AM
Parent: #10
والحب صعب يا علي
|
Post: #12
Title: Re: شاكوووووووووووووووووش
Author: zico
Date: 03-01-2002, 01:34 PM
Parent: #11
فعلا صعب
|
Post: #13
Title: Re: شاكوووووووووووووووووش
Author: gootagood
Date: 03-01-2002, 01:54 PM
Parent: #11
اول مرة اشوف راكوبة برد علي بوست!!!وين اخبار السطو ..والنهب..والشمارات التانية
البياز
عوافي
|
Post: #14
Title: Re: شاكوووووووووووووووووش
Author: Rose
Date: 03-01-2002, 07:20 PM
Parent: #1
زيكو ... لكن شواكيشك ما خطيرة .....
يعني لامن قلبنا وجعنا عدييييييل
|
Post: #15
Title: Re: شاكوووووووووووووووووش
Author: eyes of liberty
Date: 03-02-2002, 07:38 PM
Parent: #14
يا زيكو
كفارة أظن اصابك الشاكوش المزمن
الله يعينك انتا بالوديك تهبش شنو يا استاذ
و الله ما شماته لكن بس عاوز اتعلم منك و الايام
عشان الواحد ما يقع غلط
المرة الجاي لمن تقع في الحب ما تنسي يكون معاك
بلسم شافي العلل من التوق و الزلل
صدقني مفيد جدا جدا و سريع المفعول
كنا نبعد ...نبعد من زمان
قبل ما نعتاد
حلاوة الريد من بعد اللقي
آهه وتاني يغلبنا الدوا
|
Post: #16
Title: Re: شاكوووووووووووووووووش
Author: waleed500
Date: 03-02-2002, 09:52 PM
Parent: #15
الاخ زيكو
تانى كاتب لى خبارك
انت قايل قلبى لسع تائه فى مدرك
دى الديار خليتا زاتا
لما ضاغت بي ديارك
والفراق الفاكرو قاسى ده ما كان بختيارك
جيت تنمق فى اعتزرك
ويبقا ردى على جوابك يا جميل الرجعه لالا
كونى ارجع ليك تانى مره دى مليون استحاله
ده الجرح من ما استمر لاحصل طيفك غشانى
ولا مرا فى زاكرتى مره
|
Post: #17
Title: Re: شاكوووووووووووووووووش
Author: eyes of liberty
Date: 03-02-2002, 10:38 PM
Parent: #16
listen guyz
If you love something
, set it free
If it comes back
, Its yours.
If it doesnot
It never was.
this is the balsam I mentioned on my previous sympathic post
....dig it guyz!!
|
Post: #18
Title: Re: شاكوووووووووووووووووش
Author: zico
Date: 05-06-2002, 01:46 PM
Parent: #17
شاكوش قديم حبينا نتزكرو
|
Post: #19
Title: Re: شاكوووووووووووووووووش
Author: zico
Date: 05-09-2002, 03:13 PM
Parent: #18
some love one
some love two
but ilove one
that is you
والكلام ليك يا عبدو
|
Post: #20
Title: Re: شاكوووووووووووووووووش
Author: 3bdo
Date: 05-09-2002, 07:05 PM
Parent: #19
سلامات زيكو الراقي
رغم انه الكسير البدون فايده حار ...لكن برضه كون انك تحب بصدق ده من ارقي واجمل الاشياء ...وللا ما كده ؟ ... عارف حاسي بي يا رائع انت
3bdo
|
Post: #26
Title: Re: شاكوووووووووووووووووش
Author: zico
Date: 06-10-2002, 07:22 AM
Parent: #19
عود لينا يا ليل الفرح
داوي القليب الانجرح
|
Post: #23
Title: Re: شاكوووووووووووووووووش
Author: sharnobi
Date: 05-09-2002, 09:48 PM
Parent: #17
عين الحرية
العام 1991
المكان جنوب فريجينيا الولايات المتحدة
كنت فى رحلة عمل حيث كنت اعمل سائقا مع شركة توزيع الصور الفتوغرافية.. كانت ساعة العمل تبدأ الساعة الثالثة صباحا. وتبدا الرحلة من معامل التصوير فى شمال ولاية مريلاند.. واتجه جنوبا الى رشموند عاصمة فرجينيا.. ومنها ابدأ رحلة التزريع للمحلات والتجارية.. وانا فى احدى سكنات الجيش.. ..وفى المحل الخاص بالخدمة التجارية وقعت عيناى على بطاقة صغيرة.. تحمل هذا الشعار الذى اعتبرة اصدق احساس ومقياس لقياس مدى حب الآخر لك لم اتردد اشتريت البطاقة والتى فى حجم الكرت الشخصى .. واسكنتها فى جزلانى ومنذ ذلك التاريخ والى يومنا هذا لم تبرح مكانها الامين.. مع كافة بطاقاتى الشخصية والمالية..وانا اؤمن ايمانا قاطعا..
اذا كنت تحب احدا
فدعه حرا
اذا رجع اليك فهو لك
واما فهو لم يكن لك اصلا..
وعندنا مثل نوبى
غنمايتك ما تختى زريبتك
|
Post: #21
Title: يا شايقي يا بكاي
Author: aurbbi
Date: 05-09-2002, 07:47 PM
Parent: #1
أنا اخترت من دون العيون يا غالية عينيك اعشقها
اخترت شوفتك كل يوم حتى لوشوفتك أسرقها
لكني ما لاقي الفرح لا في البعاد لا في اللقا
ما من هواك اصل عاد ، خلقوني من طين السماء
وبس لو سمحت بس المرة داير قليبك أسأله
حافظ معزته زي زمان ولا الحصل كان بدلو
ـــــــــــ تموا الباقي ــــــــــــ
|
Post: #22
Title: Re: يا شايقي يا بكاي
Author: zico
Date: 05-09-2002, 09:37 PM
Parent: #21
أحبك
أحبك حبا أذل فؤادى واعمى البصيرة
أحبك حب الذى يشتهيك بعين بصيرة
وأيد قصيرة
أحبك حب المشرد في حبه دون مأوى وزاد
وحب الذى في سبيل رسالته قبل الأضطهاد
وحب الذى حرمته المقادير من كل شيء سواك
((أحبك حبين، حب الهوى وحباً لانك أهلُ لذاك))
وحباً لو أنت طلبت عيونى اقتلعتهما ومشيت كفيفا
أنقر بأسمك أوتار عودى ، لانى أحبك حباً عنيفا
إذا احتملت بعضه الراسيات
ارتمت جاثيات
وحبا اذا مس قلب الفيافى
تفجر بالأنهر الجاريات
كما يتفجر قلبى قوافي
أحبك حبا عظيما ...أليما ..مقيما ..فريدا
اعيش به طول عمرى سعيدا
فإن فؤادي الحزين الحزين إذا ما أحب أحب شديدا
وإن مات مفترشاً جمره والجراحات، مات شهيدا
***
غداً يا حبيبى ستمضى بعيدا
ستسلب منا الليالى هوانا، وتترك لي من شذاك القصيدا
فإما عبرت البحار العراض وصرت فريدة عقد اللدات
هناك بممتنع لا يُواتى
يُسهيك عنى الملهيك ، مستدرجا غفلات الصبا فيك
يغريك : خذ من لذيذ وهات
وإما استلنت لأضغاث حُلمك غاف، ومستسلماً لسُباتِ
أفيق، وتذكر على البُعد واف ، رنا يرتجيك
يحدق في الأفق المدلهم وراء الدياجي
يناجي سناك، ويسمو إليك قواف قوافٍ
يمجد ذاك الذي لا يُنال
ولا يمحى أو يُزال
ولا سيتبدُّ به الإبْتِذالْ
ويرصدُ نجمك حتى الممات
يرددُ إسمك في لهف - لإبتهالْ
حبيبي قُل لي متى أنت آت
أحبك حباً يرجُ كياني ويجتاح ذاتى
حبيبي،..
حبيبي،..
حبيبي،..
تعالْ
|
Post: #24
Title: Re: يا شايقي يا بكاي
Author: Wad Aljaili
Date: 05-09-2002, 09:53 PM
Parent: #22
يا ناس الحاصل شنو
الناس كله بتحب
الا اخوكم
|
Post: #27
Title: Re: يا شايقي يا بكاي
Author: 7abib_alkul
Date: 06-10-2002, 05:57 PM
Parent: #24
|
Post: #28
Title: Re: يا شايقي يا بكاي
Author: 3asoola
Date: 06-10-2002, 09:53 PM
Parent: #27
Ya jma3a wa7idoooooooooooooooooh...... A bend in the road is not the end of the road unless u fail to make the turn... wala ma kida?????
7abib shkaaaaaait mi7anak looooooooooooooool
|
Post: #29
Title: Re: يا شايقي يا بكاي
Author: zico
Date: 06-12-2002, 06:11 AM
Parent: #28
بس يا عسولة ضربة علي الراس بتوجع
|
Post: #30
Title: Re: يا شايقي يا بكاي
Author: zico
Date: 06-18-2002, 09:29 AM
Parent: #29
|
Post: #31
Title: Re: يا شايقي يا بكاي
Author: Al-Masafaa
Date: 06-18-2002, 11:15 AM
Parent: #30
كل الناس إتنين .. إتنين
فرح إتكلم بى لغتين
... كنت برايا
وجانى حنين الكون .. إتكوّم
غوّر .. غوّر .. جوة فى صدرى
وإتمنيت لو كنتى .. معايا
|
|