|
|
 سمّع .......هس .....بيانات (عامية وفصيحة )
|
بيان رقم 1
صدقوني لدى كثير من الإسهامات والمداخلات التي ادعى إنها رصينة ويمكن أن تكون إضافة لفيوض الأفكار التي تزدان بها هذه المساحة عبر أقلام واعدة كثيرة من مبدعينا فى مختلف مواقفهم ومهاجرهم ولكننى بعد ان تعرضت لهجوم صاروخى شنه علينا بعض الهتيفة وتحت غطاء الليبرالية ومكافحة الحكومة وحزبها وعناصرها وجدت الا سبيل لتجنب الاحتكاكات مع اولئك الجزارون الا بان اترك مساراتهم بعيدة عنى وان اتجنب الخوض فى اى نقاش معهم وحلال لهم ان يتغزلوا فى احزابهم وينزلون فى بوستاتهم التهانى والتبريكات والتوقيعات وحرام على الاخرين فعل ذلك !!!
ومن حق اولئك ان يشتموا الاخرين ويسبون الرموز فان رد شخص اغاظه امر وقول رفعت مذكرات التوقيع بطرده وتجرأ عليهم اخرون وصاحوا من اين اتى هؤلاء وهو سؤال استنكارى يمس كثيرون كان قدرهم انهم قبلوا كاعضاء فى زمان الكوليرا هذا والذى طالعنا فيه بوستات تنضح بكل الفاظ الفحش من اسماء عتيقة بالبورد وليست جديدة وحديثة عهد .
وعليه (اقر انا المذكور اعلاه ) ........اننى مستاء محبط ... لادراكى ان هناك نفر من الاعضاء يريدون ان يجعلوا هذا المنبر (لجنة مركزية ) الدخول لها يحتاج لتمحيص وتحرى والبقاء فيه يستلزم (التزكية ) ويتحاشى (النقد الذاتى ) ومحاسبة النفس قبل ان ينصب المرء نفسه موزعا و(وكيلا ) لاجازة المواد المنشورة وهل هى ديمقراطية مستنيرة ام انها ظلامية وعمل شيطانى ومخطط تخريبى .
بيان رقم ... 2
شرطة (الخرطوم ) قالت وفى تصريحات صحافية ...من اول امس ... انها حتكون جاهزة و(مزبطة ) لراس السنة واى زول و زولة يعملوا حركات نانسى عجرم – سجيمان ما شاف دى ولا شنو – ديك بتاعة اه ونص وما عارف ازعل شوية مش كدا ... اوب سورى ازعل نص نص ... اى زول يعمل كدا حيمشى وين يا جماعة حا يخش شنو الحراسة .......وحكومة يا ظالمة يا السجنت قسيم ريدى ....... واى شباب يعملوا فيها خواجات يفلقو الناس بالبيض والطماطم و(الفيشار ) حينجلدو جلدة ما اكلوها فى حصة (تسميع ) وطبعا تحذير ناس (البوليس ) دا ........... ما اشتغل بيهو زول ...الدنيا (سلااااااااااااااااااام ) وراس سنة وعيد استقلال وجمعه جامعة وسبت (اخضر ) وقال من هسة (البيتش ) بتاع برى ........فل بيج .....وبرضو مدخل الكوبرى الجديد بتاع الفتيحاب البقت فيهو شركة عندها زوراق نهرية حلوة كدا ........ تايتنك بس !
بيان رقم 3
كنا نريد ان نهنى الحكومة والحركة الشعبية بتوقيع اتفاق السلام وانتهاء الحرب لكننا تخوفنا ان نوصم بدعم الانشطة (الثنائية ) واردنا ايضا ان نعلق على بعض مظان الضعف فتخوفنا ايضا من ان ننعت باننا ضد السودان الجديد وقس على هذه الحالة ........ فعليه اقبلوا مساهامتنا بالعامية الفصيحة لغة وموضوعات ...... ودرب السلامة للحول قريب ... بس نقعد نتفرج ونقرا ........... شفتو الارهاب الفكرى الدخلوتو فينا دا .......
|
|
 
|
|
|
|
|
| |
محمد حامد جمعه
فيس بوك
تويتر
انستقرام
يوتيوب
بنتيريست