لو كانت البداية صحيحة ......؟

مرحبا Guest
اخر زيارك لك: 03-29-2024, 05:50 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الثاني للعام 2004م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-28-2004, 03:33 AM

فريد ودالمسيد

تاريخ التسجيل: 12-18-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
لو كانت البداية صحيحة ......؟


    أحد الإخوة الذين تربطني بهم رابطة الصداقة.. عصفت به الأقدار يوماً صوب مكتب الخدمة الإلزامية لاستخراج إعغاء مؤقت لحوجته له للسفر للإمارات فقد ابتسم له الحظ بإيجاد فرصة عمل هناك وبدأ يحلم (بي عوالم.. وبي وجود ما مشت بينو القيود) وانتقل الحلم به للدولارات وسحرها والإجازات ومتعتها بين الأهل وكأنما بدأت التعاسة في حياته تلفظ أنفاسها الأخيرة وأفرط في الخيال إلى أن وصل الرجوع لأرض المليون ميل ( حزبي .. معارض .. شهيد .. فقيد.. جريح) رجوعه وهو محمل بالشنط وشيلة العرس لتلك المحظوظة بحساب صديقاتها والبنات في بيت العرس يرددون الأغاني (جنًا دبي .. مالو ما جاء .. الما حاسي بيً .. مالو ما جاء) هنا فرمل صاحبنا قليلاً موقفاً قطار أحلامه البنفسجية ليدلف إلى مكتب الإلزامية وهو كله تفاؤل يتقدمه حسن الظن بأن ينجز هذا الإجراء في وقت قياسي .. ولكن سرعان ما ذاب وتلاشى تفاؤله وهرب حسن ظنه وبدأ القلق يتسيد الموقف بدوا خله ( من مكتب لي مكتب) كل موظف يركله للآخر ليحوله برأسية متقنة لآخر يبدأ معه فصل من المراوغة مع الاحتفاظ بالكرة أطول مدة ممكنه وهو يمد حبال الصبر التي هي حيلته وأخيراً وبعد أن تبقى نصف ساعة من وقت العمل الرسمي طلبوا منه أن يحضر موظف حكومي ببطاقته (ليضمنه) .. وطبعاً هيهات هيهات أن يتم ذلك في نفس اليوم .. فخرج صاحبنا منهك النفس خائر الجسد يملؤه الإحباط .. يسب ويلعن أبو العمل التجنيد والخدمة ..
    وهو خارج لفت نظره ست الشاي التي تجلس أمام البوابة .. قرر أن يعزي نفسه بكوب من الشاي عسى أن يطرد منه بعضاً من الإمتعاض .. جلس أمام ست الشاي وهو يهمهم بكلام غير مسموع متنفساً وبجفاف وغلظه صاحبت نبرة صوته مخاطباً ست الشاي : أدينا كباية زفت
    ردت عليه ست الشاي : مالك يا أخوي زعلان .. إن شاء الله خير؟
    رد عليها : الخير بجي من وين مع ديل ..
    ست الشاي : ما عملو ليك حاجه ولا شنو ؟؟
    رد عليها : أبداً
    طلبت منه ست الشاي أوراقه وبعد أن صبت له الشاي قالت : أنتظرني هنا دقايق
    عشر دقائق وأتت وهي تحمل الأوراق موقعة والإجراء مكتمل وبعد ان أخدت الفيها النصيب قالت لصاحبنا إنت قبيل بديت غلط .. مفروض في الأول تجي تشرب كباية الشاي دي وبعدها أمورك كلها كانت سلكت ...
    فيا أعزائي من أراد منكم أن ينجز أي عمل في وزارة أو دائرة فليبدأ بست الشاي أولاً
                  

12-28-2004, 09:38 PM

فريد ودالمسيد

تاريخ التسجيل: 12-18-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لو كانت البداية صحيحة ......؟ (Re: فريد ودالمسيد)



    الناس دي وين نايمة ولا مع ست الشاي
                  

12-29-2004, 00:59 AM

Ismaeil H. Mohamed
<aIsmaeil H. Mohamed
تاريخ التسجيل: 11-25-2004
مجموع المشاركات: 343

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الأحلام الوردية (Re: فريد ودالمسيد)

    أخي الحبيب ..فريد عبد الحميد

    إسمح لي بالخروج من دائرة بيروقراطية العمل والحزن الذي
    المً بنا بسبب الضغوط الإقتصادية التي أصابت مجتمعنا ذو
    الطابع التكافلي والعون في كل المواقف - فلنا الله -

    وأخرج لك إلي الطرائف والأحلام الوردية لأصحاب الحاجات :

    " واحده بايره من النوع الشفقان ن مشت لي وداعية ،
    قالت ليها بعرسوك وبتسافري بره ، بقت صاحبتنا تبكي
    وتبكي الوداعية سألتها يا بت مالك ، قالت ليها والله
    انا ما بقدر علي نفاس الغربة"

    لك الود

    خاصة:
    راجع your e-mail

    إسماعيل حسين
                  

12-29-2004, 03:19 AM

فريد ودالمسيد

تاريخ التسجيل: 12-18-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لو كانت البداية صحيحة ......؟ (Re: فريد ودالمسيد)


    سمعة

    والله مشتاقين كتير

    بالله كيف عيالك

    طبعا أنا إلى الآن مع وقف التنفيذ

    لكن احتمال أعملها في العيد الجايي ده

    سلت ليك قصيدة لكن لم أستلم الرد

    حتياتي للإخوة عبد العظيم .. أبوكابورة

    ود اليمني .. وأديهم البريد الإلكتروني

    طبعا بكري أبوبكر لو متابع كان معانا

    وعملنا ليهو حفلة رائعة راجع البوستات النازلة

    بهذا الخصوص بتلقي الصور

    خليك علي تواصل
                  

12-29-2004, 05:10 AM

Ismaeil H. Mohamed
<aIsmaeil H. Mohamed
تاريخ التسجيل: 11-25-2004
مجموع المشاركات: 343

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
ســـــلام (Re: فريد ودالمسيد)

    خاصة:

    ود المسيد

    ((( سلت ليك قصيدة لكن لم أستلم الرد)))؟؟؟
    ما فهمت تقصد شنو

    يبدو إنك إستلمت الرسالة علي بريدك!!!
    والدليل سؤالك علي الشباب!!

    الحمد لله انا والمدام والاولاد (الابناء الثلاثة) بخير وعافية
    أدامها الله لنا ولكم

    وساكون بإذنه تعالي طالما هيأ لنا الله هذا الأثير

    لك ودي أخلصه


    إسماعيل
                  

12-29-2004, 05:27 AM

aboalkonfod
<aaboalkonfod
تاريخ التسجيل: 05-04-2003
مجموع المشاركات: 534

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لو كانت البداية صحيحة ......؟ (Re: فريد ودالمسيد)


    عزيزي الرائع ود المسيد:

    Quote:
    طلبت منه ست الشاي أوراقه وبعد أن صبت له الشاي قالت : أنتظرني هنا دقايق
    عشر دقائق وأتت وهي تحمل الأوراق موقعة والإجراء مكتمل وبعد ان أخدت الفيها النصيب قالت لصاحبنا إنت قبيل بديت غلط .. مفروض في الأول تجي تشرب كباية الشاي دي وبعدها أمورك كلها كانت سلكت ...
    فيا أعزائي من أراد منكم أن ينجز أي عمل في وزارة أو دائرة فليبدأ بست الشاي أولاً


    كلنا داقسين .. وبداياتنا دايماً غلط ..
    لكن بعدة (هاااا) .. من البيت ثم لستات الشاي
    ثم جير خلفي .. للبيت تاني ..
    وشوية شرتيت .. وكلها مقضية
                  

12-31-2004, 02:59 AM

Magdi Is'hag

تاريخ التسجيل: 12-12-2004
مجموع المشاركات: 1986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لو كانت البداية صحيحة ......؟ (Re: aboalkonfod)

    العزيز فريد
    و الله ياخي انا جاييك و شايل ليك حبة لوم لانه ألإشاعة الحايمة هنا إنو بعد البوست بتاعك ده خالتك حليمه بتاعت الشاي شرفت بيوت الأشباح و بيقدم ليها كل صنوف الترحيب المعهودة و قالو الحكاية رتبوه ليها ناس الأمن الاقتصادي و قالو يقهموها و يقهموا لسانها الفاكي ده فبل ما تجيب كمان أسامي الدقون الكبيره البتحرك اللعب........ قالوا إنو في إحتمال يودوها لمحكمة لو فضل فيها روح بتهمة إنو خالتك حليمة كادر سري خطير من كوادرالمعارضة مهمتها الاساسية محاولة تشويه صورة دولة التوجه الحضاري. طبعا عشان حكاية الإستضافةدي ما قاعدين نجيب أسامي ناس حاجة فاطمة بتاعت الشاي قدام شئون المغتربين و لا حاجة حواء بتاعت الاراضي وكل الخالات و الحاجات المنتشرين في ربوع بلدنا الحبيبة في ظل دولة الفضيلة و القانون........ولك الود
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de