|
|
 حوار هادئ، مع الصديق د.حيدر بدوي، حول خالد الاخر.
|
صحبي العزيز د.حيدر تحياتي الذاكيات.
بعد ان هدات العاصفة قليلا، ومن باب الدروس المستخصلة نعيد فتح ملف هجومك الغريب جدا جدا، علي المصادم بروف خالد كودي.
انا مزنوق، بعد اليوم مامعروف ذاتو اجي متين.
ياريت ظروفك تسمح باقي اليوم ده اوتشرفنا بي جاي.
طبعا عندي ماخذ بالكوم علي هجومك out of the blue علي رمز ذي بروف خالد، ولكني افضل ان اسمعك في الاول.
العزيز خالد، انا عارف الواطين الجمرة زيك، ابدا مابسمحو لي انفسم الانزلاق في متاهة المرارات والضغائن الشخصية، مهما كان الحيف، مهما كان الظلم.
قبلك زيك تعرضت للكثير، ولكني باستمرار بحاول اتسامي فوق اي ترسبات، مع التركيز الكامل علي الطرح والابتعاد كليا عن العمل بردود الافعال.
اتمني انك تناقش د.حيدر بي سعة صدر، رغم تسليمي انو ده عوم في البر، اوكلام زول ايدو في الزير، مافي الكفتيرة زيك، لانو ظلم ذوي القربي الفكرية اشد.
خلونا نسمع من د.حيدر في الاول.
دكتور حيدر تقدم للمنصة واستلم المايك:
|
|
 
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
| Quote: حوار هادئ، مع الصديق د.حيدر بدوي |
صديق ؟؟ وكمان حوار هادئ ؟؟
ما عامل فيها بتاع قوات خاصة وبتجي زول دواس ؟؟
بطل البلبصه بتاعت الجلابة دي وقول كلامك توووووش ..
..
Quote: انا مزنوق، بعد اليوم مامعروف ذاتو اجي متين.
ياريت ظروفك تسمح باقي اليوم ده اوتشرفنا بي جاي |
ياخ والله كلامك دهـ .. الباندويدث زاتو حفظــــو .. تجي تجدع ليك كلمة كلمتين .. وتقول انا ماشي ..
نحن ما لاعبين كورة باسكـــت .. ما بتقدر تقعد هنــا خارج نفسك ، مش تجي تجوط البوستات وتقول انا ماشي ..
أنت قايل القصة دي على كيفك ؟؟ والا عندك اسهم في البورد دهـ ..
| Quote: علي رمز ذي بروف خالد |
.. والله البروف دهـ إلا ترمزو أنت براك هناك في حلتكـــم .. هنا دهـ ما في رموز ولا نبلاء ولا كهنــه.
| Quote: قبلك زيك تعرضت للكثير، ولكني باستمرار بحاول اتسامي فوق اي ترسبات، مع التركيز الكامل علي الطرح والابتعاد كليا عن العمل بردود الافعال |
.. بـــلاي ؟؟ والله يا بشاشا انت كوووم بتاع ترسبات .. وكان ما ردود الافعال دي حسع البخليك تفتح ليك بوست زي دهـ وبي كل ( بلبصة ) الجلابة الفيك وحوار هادئ وصاحبي وشنو ما عارف والله ما باقي إلا تجيب السيرمس بتاع القهوة معـــاك..
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: tmbis)
|
صديقي العزيز بشاشا،
تحياتي وأشواقي. افتقدتك في خيطي "نحو جمهورية سودانية ثانية..." ظاناً بأن سخونة الحوار بينك وبين العزيز عادل أمين، ثم تفجر الأزمة بيني وبين الأخ خالد سببا تجافيك عن المشاركة هناك. وأثلج صدري أنك حريص عى رأب الصدع بين إثنين تعزهم بحكم وشائج فكرية تربطك بكلاهما، وشخصية تربطك بواحد منهما على أقل تقدير.
يشرفني أنك صديقي، يا كمال. ويثلج صدري أننا مااختلفنا قط وعاقت تواصلنا الفكري مرارة أو كدورة، وكثيراً ما نختلف. واختلافي معك، كما تعلم ليس في الأطروحات الكلية بقدرما ما هو في الجزئيات التي احسب أنها لا تتسق مع تلك الرؤى الكلية.
كنت أحسب الأخ خالد، مثلك، من زمرة رفقائي الفكريين، على الرغم من اختلافي الشديد معه في أسلوب خطابه. ولكنه قد يرى غير ذلك. وقد التقيته قبل أيام (بعد الأزمة الطاحنة التي كادت أن تعصف بعلاقتنا) على هامش فاعليات المؤتمر الخامس والعشرين لجميعة الدراسات السودانية. ولم تمنعني الأزمة من التداخل معه في معرض نقاش أداره هو عن مساهماته الفنية. ولم تمنعه تلك الأزمة من إعطائي الفرصة بكل احترام. وتبادلنا الحديث كذ لك في فترات متقطعة قصيرة خارج الإطار العام للمؤتمر. عبرت له عن وجهة نظري كما شرحتها في هذا المنبر، وعن تقديري ومحبتي له كشخص، حسبته في زمرة أصدقائي، وإن تجافي هو عن النظر إلى من نفس المنظار. أملي أن يكون الأخ خالد قد أدرك بأنه ليست بيني وبينه مشكلة شخصية.
ظني، يا عزيزي، أنني انطلق من منطلق مبدئي، وأن خالد لا يملك الحديث عن المهمشين ملكية عين حتى يحمل سيفه يقطع أوصالنا الفكرية والشعورية ذات اليمين وذات الشمال، كأننا لسنا مهمشين. أوضحت للأخ خالد بأنني هجرت من بلدي - وادي حلفا - عنوة، ورأيت أهلى يبكون، ولم أبلغ بعد الثالثة من العمر، لأنه خلعوا من ديارهم خلعاً. هذا في الوقت الذي كان فيه خالد ينعم بطفولة هادئة في مدني.
كمال، يا عزيزي، حملت مجروسات الجيش الضحمة "عنقريبي" الصغير، فظللت أبكي بكاءً مراً، لأن ذلك العنقريب كان وطني بالليل، في حين كان منزلنا الذي غمرته المياه وطني بالنهار. تخيل أن ينزع الجيش منك وطنك وأنت صغير، ثم يهرس فكرك وشعورك هرساً وأنت كبير. هذا نوع من التهميش لم يعانيه الأخ الكريم خالد، الذي تربى في ود مدني، فيما عرفت من صديقي وأخي النور حمد.
ثم هناك نوع آخر من التهميش عانيته كما لم يعانيه أي شخص غير جمهوري في شمال السودان قاطبة. هذا التهميش لا يخرجك من الملة بالتكفير والقتل فحسب، بل يطلب أن يميتك بالحياة ويسحقك سحقاً وأن تتنفس!! وما اليتم الذي عانيناه بمقتل الأستاذ محمود إلا حادثة واحدة في مشهد ذلك التهميش المستمر حتى اليوم!! كثيرون لا يرون غير حادثة استشهادالأستاذ كحادثة قهر وقتل واقصاء، ولكنا مررنا بكل المراحل التي أدت إليها تلك الحادثة. تصور أن تطرد من بيتك لأنك أصبحت تؤمن بأفكار لا يؤمن بها أهلك أو جيرانك وأنت لم تبلغ العشرين بعد. وتصور أن تضرب في ركن نقاش، وأنت طالب جامعي، حتى تصرع وتفقد الوعي. وتصور أن تودع المعتقل لأنك توزع كتاباً يحدث الناس عن المعاملة الحسنة أو عن وحدة السودان. أحدثك هنا، باختصار ربما كان مخلاً، عن تجارب شخصية، لا عن قصص سمعتها من آخرين. عدد منا، نحن الجمهوريين، هدد بالقتل. بل إن بعضنا نجا من محاولات قتل. مثلاً يوم تقدمت لخطوبة زوجتي هددت بالقتل من قريب لها لانني جمهوري!!
أن يأتي شخص ليصمني بكوني جلابي وأنني لا أعرف عن التهميش والمهمشين شيئاً، فهذا لا يجوز. العدل اقتضى أن انتصف لنفسي، خاصة وأن خالد لم يعاني عشر ما عانيته من التهميش. وأزيدك من الشعر بيتاً. خذ مثلاً كوني كنت أسمع كثير من الناس من حولي يتهكمون من أمي لأنها لا تجيد العربية، والشعور الذي يخلفه ذلك في نفس طفل صغير. أوليس هذا نوعاً من التهميش لم يعاني منه خالد، وغير خالد، ممن انتموا من قبل للعروبية الناصرية؟ أوليس الذين عاشوا مأمونين في حواضر شمال السودان كانوا ينطوون، لردح من الزمان، على عقلية القهر والقاهرين، إلى أن ظللتهم غمامة الصحوة الكبرى التي قادها المهمشون؟ كثيرون من القاهرين كانوا من خلفيات مهمشة، ولكنهم نسوا التهميش والمهمشين. أن تصيب أحدهم صحوة فيأتي ويعيث في الأرض فساداً باسم التهميش والمهمشين، فهذا لا يجوز أبداً، أبداً، أبدا!!
كثيرون أصبحوا يمارسون المتاجرة الفكرية بالتهميش والمهمشين في الدول الغربية. أرجو، مخلصاً، ألا يكون الأخ خالد من هؤلاء. وقد أصبح جلياًً للكل، في زعمي، أنني أثمن مجهودات خالد في صراعنا ضد الهوس الديني أيما تثمين، وإن كنت اختلف معه أشد الاختلاف في أساليب تعبيره في هذا الصراع. كونه في مركب القوى الجديدة لن يعفيني من واجبي الأخلاقي في التصدي له. قرباه المواقفية مني، وبعده المواقفي من مشروع الهوس الديني، لم، ولا، ولن يجعلني أقبل منه أن يستخدم نفس أساليب المهووسيين في التضليل والكذب والابتزاز ضدي أو أي من معارضي أساليبه. لا يجوز أن نطلب من المهووسين أن يسلكوا سلوكاً لا نلتزم به نحن في سفينة القوى الجديدة. وأرجو ألا نسمح لأحد منا أن يخرق السفينة.
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Haydar Badawi Sadig)
|
دكتور حيدر بدوي
سلام
وشكرا لمداخلتك التي اراها مختلفه عن كتاباتك الماضيه حول الموضوع.
دعني اناقش معك تهميشك الذي ذكرته:
1)تحدثت عن ايام التهجير وهي فعلا مؤلمه جدا...ولكن للنوباي او الغرباوي
اذا حدث نزوح لظروف طبيعيه...فهم لا يعانوا من فقدان (الموطن الصغير)اياه فقط
بل يعانى من الوجود في بيئات تضطهدهم لسحناتهم وثقافتهم ولهجاتهم واحيانا معتقدهم.
2) وتحدثت عن احساسك بالخجل من تلقين المجتمع او ضحكه على لسان امك المعوج
او تحدثها العربيه بلا طلاقه....وهو ايضا احساس ليس سهلا ,اضف اليه في حالة
النوباوي او الجنوبي او الغرباوي يضاف اليه للطفل ان يخجل من سحنة امه....
فتخيل انت تتحدث عن لسان معوج فقط علمك المجتمع ان تخجل منه وبينما الآخر
هو لقن ان يخجل من اللسان المعوج+ السحنه لانها لا تحمل ملامح مخلوطه بالاعراب!!!!
3)اما حديثك عن نشأة خالد كودي في مدني ومعناها بعده عن التهميش فهذه قصه آخرى
خالد نشأ لاب نوباوي وام شماليه هل تعلم نوع التعليقات الممكن يكون سمعها في حياته؟؟؟؟
ملامحه طلعت شماليه,ربما قد يخفف هذه الاضطهاد عليه,ولكن انت لا تعلم كيف ممكن المجتمع ان يحسسك
كيف تنكر ذلك الجزء منك(انتمائه للنوبه) ولا تلعم كيف ممكن عندما يحضر ابوك مثلا للمدرسه للسؤال عنك
ان تسمع تعليقات الصغار حوله.
وانت لا تعرف احساسه ربما اذا زاره ابناء عمه وهم من ام واب نوباوي كيف ممكن ان يزرع فيه
المجتمع عدم الرغبه في الخروج برفقتهم امام الجيران....
وانت لا تعرف معنى ان يزورك صديقك ويقول لك عن اخوك الذي قد يكون طلع كله لابيك  والله وصيت
لك الود الشغال معاكم).....وتعلم وقتها انك تنتمي لمجتمع فظيع في قسوته...وتمييزه ضد الآخرين
بسحناتهم ,وتتعلم وقتها ان تحمد الله انه وهبك هذه الملامح وهذه السحنه وتبدأ تشفق في داخلك على الآخرين
من اخوتك ذو الملامح الافريقيه....
صدقني يا دكتور هذه اكثر من مأساة...
وتعود لتسميها متاجره:
| Quote: كثيرون أصبحوا يمارسون المتاجرة الفكرية بالتهميش والمهمشين في الدول الغربية. |
تحدث الناس عن اوجاعهم وهمومهم ليس متاجره,والا لكان الجمهورين اكبر تجار بالغرب.
وهذا يقودني للعوده لتهميشك كجمهوري....
وهذا حقيقة اكثر وضوحا فعلا وانا اثق انك عانيت فعلا كما عان غيرك من الجمهورين....لكن عايزاك
تسرح بخيالك شويه وتتخيل لي وضع الجنوبي المسلم او النوباوي او الغرباوي لو بقى جمهوري؟؟؟؟؟
قادر تتخيل كمية معاناته؟؟؟؟؟؟؟؟؟؟؟اكيد اضعاف معاناتك.
لو تزكر من كم يوم اوردت لك قصة المواطنه الغلبانه (عائشه النسيم) امرأة تندلتي....
وكيف تجرأ معذبيها من ادخال آلة حاده بمهبلها..ليحصلوا منها على اعترافات بما لم تراه...
ولم اقرأ او اسمع يوما ان هذا تم لنساء شماليات اشد خطورة من عائشه النسيم,فهل تهميشها مثل تهميشك؟؟؟؟
ولك الود.
تراجي.
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Deng)
|
دينق الكـــوز ..
أنت بوست عمتي التاني قالو وديتو الخـــور ..الكلام دهـ صاح ؟؟
عليك الله دي اخــــلاق؟
أنتو كان ما بتقدرو على الرجم دهـ مالكم بتجو المولد ؟
اهــا دكتور حيدر رد .. أنت ردك وينــو ؟؟
والا بعد شوية ح تفتح ليك بوست شان يشطبو دكتور حيدر كمان ؟
يا بتاع فك التسجيلات أنت..
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Deng)
|
Quote: تمبس
مدعي العروبة الزائفة. أمشي شوف بوستات عمتك وين.
أطلع من البوست ده وخلي دكتور حيدر يرد.
دينق. |
بالله ده وعي زول قاعد في امريكا
الكوز قام والكوز قعد.. الكوز ده جاء امريكا..انت امش وانت تعال
الاخ دينق تدهورت كثير في البورد ده في ايامك لاخيرة
الديموقراطية وعي وسلوك
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
تمبس يامراحب،
طبعا وبما انو الضرب علي الميت حرام، فسنتوصي بيك خير لانك ماحمل مدفع بشاشا اب سكلي!
قبل كده قمنا عليك قعدت تسوي عووووك يابكري الحقني!
حنسترك، مادايرين فضايح!
نخش في الموضوع:
نعم النقاش الهـــــــادي، الموضــــــوعي، مدخور لي ناسنا، وقع ليك؟
امامن هم ناسنا، فهم كل الناس البينا اوبينم ارضية مشتركة.
وقع ليك؟
في غياب الارضية المشتركة، ذي حالتك دي، يالمجولب تمبس، فماعندنا ليك غير سيف الكلمة!
وقع ليك؟
احنا كقوي سودان جديد، مافي دواس بينا.
الدواس مدخور لي قوي السودان القديم او ادواتم ذي تمبس ده بالضبط!
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
اهلييين بالأمير الكوشي ..
والله مشتاقين ..
قلت قبال ما تعمل زغبير النلحقق ( المطرق ) بتاعنــا دهـ
وطبعا انا كنت منتظر بوست الغباشه بتاعك دهـ يا الارستقراطي المسكين شان يلم لينا الرموز كلها ابتداء من ( الكوز ) المتنكر دينق .. مروراً بي ( المزوراتية ) تراجفونيا.. ولسه في انتظار باقي ( الكورجــه ) بتاعت سودانك الجديد بي فهمك وفهم النموذجين الاتنين ديل وما يليهم من توابع..
اهــا يا جلابي طبعا كلامك دهـ كلووو ما وقع لي وما ظنيتو يقع بالساهل كدهـ لانو ما مستوفي الشروط المن ضمنها لازم تجيني بي حاجة جديدة تقدر تقنعني بيها .. غير شغل المليشيا البتعمل فيهو دهـ من يوم ما عرفناك وللاسف نجحت في أنك ( ترهب ) بيهو المساكين الهنا ديل ..
تعرف يا جلابي يا ناكر أنت عندك ( تضخم ) وورم خبيث في الحتات الليها علاقة بالانسانية وده طبعا اتضح في حتات كتيرة هنــا وما عايز ليها درس عصر فكلما تجي داخل هنــا انا قاعد احن عليك والله .. واقول ياربنا اشفي لينــا الزول دهـ بسرعة مسكين ومتغرب وما عارف الساعة كم زاتو .. احلام ( ظلوطو ) دي اتنفخت جواهو وصدق نفسو أنو زعيم كبير جدا وليهو رؤية واضحة في تغيير مسار تاريخ السودان .. وركز لي شديد عليك الله في مفردة ( السودان ) دي ..
..
اما مدفعك اب سكلي دهـ يا النجيض مدفع دلاقين .. وعويــش كان نشنت بيهو على قمرية ما بتدليها..
تعرف زمان لما كلمت ليك بكري ز ما انت متذكر ، جيت تفرفر وشايل لسانك وحايم بيهو وواقع شتمي .. ونحن في ( السودان القديم ) بتاع اهلنا الجلابة قالو لينا ما تشتمو زول لكن ادرشوهو بي لسانكم وكان عايز دواس الميدان الجد جد اليحضر كفنو من ( ضوء ) ولما لقيناك مسكين ساكت وقاعد ف يالصقيعة غير طولة اللسان ما عندك حاجة .. هددناك عديل كدي بي اللائحة لان الخارجين عن القانون في أي مكان عملو ليهم سجون .. واصلاحيات ، للتهذيب وإعادة الصياغة .. وحسع دي ما تمشي بعيد كان قمت تنبذ وتشتم زي عمنول .. تاني بكلم ليك بكري اهــا شن قلته ؟؟
| Quote: نعم النقاش الهـــــــادي، الموضــــــوعي، مدخور لي ناسنا، وقع ليك؟ |
ناس ديل زي الرمز خالد كودي ؟؟ كدي عليك النبي مد راسك دهـ لي ردو التحتاني دهـ .. كان دهـ رمزك .. الترابة في خشمك وخشــم سودانك الجديد بتاع دينق وتراجي وكودي العامل عرابو أنت ..
| Quote: احنا كقوي سودان جديد، |
الله يمتعك دنيا وآخره يا الجلابي الارستقراطي بشاشا رع .. والله متعتني عديل بالجملة دي ..
غايتو الدواس أنت ما من ناسو ولا بتقدر عليهو ..
امش زي كل مرة الله يعدلة عليك .. وكلما تجي اشيلاك الهوشــة ياهــا ( المطارق ) راجياك .. بنجيهك تب لمن تنبسط ..
امش وخلي لينا ناس دينق وتراجـــي وكلما ينعصرو .. يضربو ليك ( الرورو ) وتجي تاخد الفيها النصيب وتتوكل على الله.
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
الحبيب دكتور حيدر،
اولا مع اني زعلت من هجومك غير المبرر علي رمز ذي خالد، ولكن ابدا ماتخذت موقف منك، اوغبت عن ذاك الخيط متعمد.
لاابدا.
بالنسبة للتهميش، فدعني اختلف معاك شوية، لاننا كشماليين لايمكن ندعي التهميش او احنا المهيمنين حتي علي هواء الله الطالع اونازل في السودان ياعزيزي.
زيك تماما انا عشت لحظات الترحيل وانا طفل زيك في حلفا العشت فيها بعض الوقت في طفولتي، بل بتذكر حتي اليوم تفاصيل رحلة القطر، اوكيف اول مرة اركب نوم مع عمي الزبير محمد صالح الانغاذي المعروف الله يرحمو.
مع تقديري التام ده ماتهميش بالمعني المفهوم لي انسان الهامش المهدرة ادميتو، مش مجرد حقوق الملكية والانتماء لموطن بعينه.
نحن لانملك ياعزيزي د.حيدر اي حق يخولنا، تحديد اسلوب وابعاد ردود افعال من كابدو جحيم الانتقاص لادميتم، كالاستاذ خالد كودي، ابن الجبال، البار باهله والمعتز في شموخ باصله ياعزيزي.
صراحة دي كتيرة مننا يادكتور، كمحموعة مارست القهر والاذلال ضد بقية السودانيين لعقود متواصلة.
استاذ خالد لايحتاج بالمرة انو ياخد اذن من د.حيدر، اويجبر بي خاطر بشاشا، في ثورتو النبيلة، نبل انسان الجبال من اجل الكرامة، ياعزيزي د.حيدر!
صراحة مع تقديري او احترامي الشديد ليك، انا بشوف دي قلة ادب مننا ومواصلة لذات خط الوصاية والاستهتار، ان نفكر ولو لثانية، في تحديد اسلوب رد فعل ملفوظيفنا، علي فعل قهرنا ياصديقي العزيز!
انت لاتملك اي حق علي الاطلاق في املاء اسلوب محدد للمصادم خالد، كرد فعل، لي فعل قهرنا، وظلمنا للناس ياعزيزي.
خالد وكل ثوار التحرر عندهم الحق يعبرو عن رفضهم القاطع لغطرسة الجلابي، باي اسلوب، وباي شكل يختاروهو ياعزيزي.
نعم المصادم خالد مقارنة بي اي جلابي، كبشاشا او د.حيدر يملك حكرا حق التحدث باسم المقهورين اذا شاء، مع انو عمرو ماادعي كده علي الاطلاق.
خالد مارس حقو الالهي في التعبير ضد الظلم ضد القهر ومحارق التطهير، ولا تملك ياعزيزي، ولااملك الا الاذعان وبطيب خاطر، لو كنا مؤمنيين في الاساس بالقضية ياعزيزي.
خالد وكل مقاتلي الحرية ابدا مابلزمم دعم ليبرالية الجلابة المشروط ياعزيزي.
لااحسبك ليبرالية جلابة ياصديقي، وان كان موقفك الاخير يدل علي ظلال منطلق كهذا.
انا بنظر ليك كعسكري نفر، اختار يحارب بمحض ارادتو في خندق ثوار السودان الجديد يادكتور حيدر، اوبالذات انك جمهوري ياصديقي.
اسهام الاستاذ محمود اليتيم، يظل الحسنة الوحيدة في سجل الشمالي، لمايقيف يوم الحساب بين يدي الله ياعزيزي.
عساه اسهام الشهيد محمود يشفع لينا ياعزيزي.
في دي انت غلطت غلطة كبيرة في حق الثورة او في حق الشهيد محمود، الخذلوهو تلاميذو في حياتو، كما حدثتنا من قبل.
دكتور خالد،
ثقتي في حسن نوايا الدكتور حيدر بدوي لاتحدها حدود.
لمان جيت المنبر ده، لقيت كلاب مستعلواتية الجلابة، ملمومة في الحبيب دينق والحبيبة رودا، من كل الاتجاهات، او دكتور حيدر كان الوحيد من نخب الشمال حينها الاتحزم او اتلزم وقف في الدارة ينافح في اباء، وبلا ادني تعالي اوتافف من وحل الصراع.
لدكتور حيدر تاريخ حافل مشرق، مشرف في مجمله.
الرجل تحدث اعلاه من القلب والي القلب، بغض النظر عن الاتفاق والاختلاف، فالان دعنا نسمع منك يادكتور خالد، لو موجود طبعا.
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
أتابـع,
وباهـتمام بالـغ,
ما تفضـل به العالم الثبت الدكتور حيدر بدوي,
وإن كنت لم أر رداً من بشـاشـا , أو تفهما على الأقــل,
أعلم أن بشاشا يعلم علم اليقين أن شهادة د حيدر بدوي قد تم استخدامها كشهادة وحيدة معضـدة لشهادة د ندى على في اتهام رسام التعري بانتحال اسم رودا مردا,
وقد آن الاوان أن يخلي د حيدر مسئوليتـه عن تلك الشهادة, وقد فعــل بطيب نفـس,
الذي فهـمـته أن دكتور حيدر بدوي قد تعرض للخداع , وأنه لا يقر الميكافيليـة في الصـراع المقدس نحـو ديمقراطية المجتمع,
لكم جميعا تحياتي
أحمـد الشايقي
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
الشايقي مرحب،
هسي كيف دكتور حيدر هاجم صابون عيونكم، المصادم خالد كودي، طوالي روحتو ملبسوني ذات كسوة الشرف الكسو بيها اولياء نعمتكم، المصريين والانجليز رموزكم العميلة؟
انت متخيل دكتور حيدر بالسذاجة دي، عشان ماتستدرجو بالاسلوب الوضيع ده؟
انت استهبال اسيادك المصريين ده ماحتسيبو يالشايقي؟
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
الاخ العزيز بشاشا،
تحياتى، معذرة لعدم تمكنى من التداخل فى هذا البوست من قبل لانشغالى.
كتب حيدر بدوى عدة مداخلات غير جديرة بالاحترام فى الايام السابقة، وتنقل بها من بوست الى آخر مكرر لها فى إصرار غريب، ولايزال!!! ... ورغم اننى رددت على بعض منها الا أننى توقفت عن الرد عليها...هى لاتعنى لى شيئا.
لا أجد حيدر بدوى سوى إنسان ردىء مثل الكثيرين فى هذا المنبر وغيره، عندما قابلته قبل أيام فى مؤتمر جمعية الدراسات السودانية أفصحت له عن رأيى فيه ... وهو: هو إنسان ساقط أخلاقيا .
ولايزال هذا رأيى فى الرجل؟
تحياتى .
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Khalid Kodi)
|
كتب الدكتور : حيدر بدوى
| Quote: وقد التقيته قبل أيام (بعد الأزمة الطاحنة التي كادت أن تعصف بعلاقتنا) على هامش فاعليات المؤتمر الخامس والعشرين لجميعة الدراسات السودانية. ولم تمنعني الأزمة من التداخل معه في معرض نقاش أداره هو عن مساهماته الفنية. ولم تمنعه تلك الأزمة من إعطائي الفرصة بكل احترام. وتبادلنا الحديث كذ لك في فترات متقطعة قصيرة خارج الإطار العام للمؤتمر. عبرت له عن وجهة نظري كما شرحتها في هذا المنبر، وعن تقديري ومحبتي له كشخص، حسبته في زمرة أصدقائي، وإن تجافي هو عن النظر إلى من نفس المنظار. أملي أن يكون الأخ خالد قد أدرك بأنه ليست بيني وبينه مشكلة شخصية. |
وكان رد الاخ كودى
Quote: أجد حيدر بدوى سوى إنسان ردىء مثل الكثيرين فى هذا المنبر وغيره، عندما قابلته قبل أيام فى مؤتمر جمعية الدراسات السودانية أفصحت له عن رأيى فيه ... وهو: هو إنسان ساقط أخلاقيا .
ولايزال هذا رأيى فى الرجل؟
|
وشتان ما بين الردين ،وحالتك داير تصلح البين يا كمال ،
أخ كمال ،كان ممكن تحاورهم بى تليفون أول وبعدين تجى تفتح بوستك ده،ولو كنت عارف
خالد كودى حيرد بالطريقة دى وبالرغم من كده فتحت البوست تبقى المصيبة أكبر.
وربنا يكون فى عونكم
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
كويس يا بشـاشـا,
يا تمومـة الجـرتـق, دا كلامك............
Quote: الشايقي مرحب،
هسي كيف دكتور حيدر هاجم صابون عيونكم، المصادم خالد كودي، طوالي روحتو ملبسوني ذات كسوة الشرف الكسو بيها اولياء نعمتكم، المصريين والانجليز رموزكم العميلة؟
انت متخيل دكتور حيدر بالسذاجة دي، عشان ماتستدرجو بالاسلوب الوضيع ده؟
انت استهبال اسيادك المصريين ده ماحتسيبو يالشايقي؟ |
شــوف سيـدك رسام التعـري الفاحشي,
لم يخيب ظني رسـام التعري, وظني فيـه على أشــد الســوء, فرد بردوده فاقدة الأدب:
كالتالي:
Quote: الاخ العزيز بشاشا،
تحياتى، معذرة لعدم تمكنى من التداخل فى هذا البوست من قبل لانشغالى.
كتب حيدر بدوى عدة مداخلات غير جديرة بالاحترام فى الايام السابقة، وتنقل بها من بوست الى آخر مكرر لها فى إصرار غريب، ولايزال!!! ... ورغم اننى رددت على بعض منها الا أننى توقفت عن الرد عليها...هى لاتعنى لى شيئا.
لا أجد حيدر بدوى سوى إنسان ردىء مثل الكثيرين فى هذا المنبر وغيره، عندما قابلته قبل أيام فى مؤتمر جمعية الدراسات السودانية أفصحت له عن رأيى فيه ... وهو: هو إنسان ساقط أخلاقيا .
ولايزال هذا رأيى فى الرجل؟ |
ضـيـل الكلـب ما ينعـدل, أو كما يقول الصعايدة,
أحمـد الشايقي
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
بشاشا
انت مدرك بالجد لكلامك دا والبتعمل فيهو دا؟؟؟
بشاشا من شوية فى بوست محمد ادم
اتهمته بأنه بدلل لبيان والجلابة
ليه بتدلل عند خالد كودي لدكتور حيدر ليه؟؟؟؟؟
ليه يا بشاشا النفاق والكيل بمكيالين ؟؟؟
انتقادات د. حيدر كانت مجحفة لابعد الحدود
كانت عبارة عن تعدي سافر لا يمكن تبريره
تعدت اعمال خالد وليته وقف عند اعمال خالد
لا بل انتهز الفرصة وضربه فى شخصه وفي اخلاقه
باي الموازين تحكم يا بشاشا
بشاشا تتحدث هنا بمثالية وشفافية عالية جدا
فى موقف لا يحتمل اي مجاملة ما فعله د. حيدر
ضد كل ما تطرحه وضد القضية التى تؤمن بها
لماذا التدلل يا بشاشا من اجل ايه؟؟
ما فعله الدكتور ابشع من اي فعل فعله جلابي هنا على ححد تعبيرك ومنطقك
ما كتبه د. حيد جد كثير وكلام كثير جدا
ما نصه الدكتور فى مجمل نقده لاعمال خالد كودي الفنية يجعل جيل وشعب بأكمله يتساءل بعلامة استفهام كبيرة بحجم السودان
اين مثقفينا ؟؟؟؟؟؟؟؟؟؟؟؟؟؟؟؟؟؟؟؟؟
وما عارف انت وتراجي بأسم الاحترام والتقدير بتجاملوا للمستوى دا ليه؟؟
الحق دا صعب للدرجة دي ؟؟؟
دا مش منطقك وعمودك الفقري لكل مسيرتك يا بشاشا
Quote: انت لاتملك اي حق علي الاطلاق في املاء اسلوب محدد للمصادم خالد، كرد فعل، لي فعل قهرنا، وظلمنا للناس ياعزيزي.
خالد وكل ثوار التحرر عندهم الحق يعبرو عن رفضهم القاطع لغطرسة الجلابي، باي اسلوب، وباي شكل يختاروهو ياعزيزي.
نعم المصادم خالد مقارنة بي اي جلابي، كبشاشا او د.حيدر يملك حكرا حق التحدث باسم المقهورين اذا شاء، مع انو عمرو ماادعي كده علي الاطلاق.
خالد مارس حقو الالهي في التعبير ضد الظلم ضد القهر ومحارق التطهير، ولا تملك ياعزيزي، ولااملك الا الاذعان وبطيب خاطر، لو كنا مؤمنيين في الاساس بالقضية ياعزيزي. |
مش من المفترض انك تلتزم نهجك بحقانية يا حقاني
وما تجامل على حساب حقوق خالد كودي فى التعبير ولا شنو ؟؟؟
همسة فى اذن خالد كودي واصدقائه بشاشا وتراجي
بتذكروا Time to Kill
صموئل ال جاكسون
قال لمحاميهو شنو؟؟؟؟
قال ليهو : انا ما اخترتك تدافع عني لانك افضل منهم
اخترتك لانك مثلهم زيهم وبتعرفهم
وبمنطقكم وبفهمكم للتهميش واسلوب التعميم المطلق
المتبع من جانبكم على ساحات المنبر منذ سنين عددا
البتحاولو من خلاله تعكسوا مدى صدق ايمانكم تجاه
جور واستعباد الجلابة وصرامتكم تجاه كل ما هو جلابي
ورفضكم لاي رياء وتنازل فى الحقوق عبر طرح صارم ومحدد.
مش دا شعاركم وهمكم الدائم والمخليكم معسكرين فى المنبر دا ؟؟؟؟؟؟؟؟؟
بسألكم انت وتراجي وكل من يحذو حذوكم
ما الفرق بينكم وبين هذا المحامي الآن ؟؟؟؟؟
و يا ترى هل خالد كودي بيرى فيكم هذا المحامي الآن؟؟؟؟؟
| |
|
|
|
|
|
|
|
|
 Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
التحية لك
ايها
السنجك ... الحقاني
Quote: انتقادات د. حيدر كانت مجحفة لابعد الحدود
كانت عبارة عن تعدي سافر لا يمكن تبريره
تعدت اعمال خالد وليته وقف عند اعمال خالد
لا بل انتهز الفرصة وضربه فى شخصه وفي اخلاقه
باي الموازين تحكم يا بشاشا
بشاشا تتحدث هنا بمثالية وشفافية عالية جدا
فى موقف لا يحتمل اي مجاملة ما فعله د. حيدر
ضد كل ما تطرحه وضد القضية التى تؤمن بها
لماذا التدلل يا بشاشا من اجل ايه؟؟
ما فعله الدكتور ابشع من اي فعل فعله جلابي هنا على ححد تعبيرك ومنطقك
ما كتبه د. حيد جد كثير وكلام كثير جدا
ما نصه الدكتور فى مجمل نقده لاعمال خالد كودي الفنية يجعل جيل وشعب بأكمله يتساءل بعلامة استفهام كبيرة بحجم السودان
اين مثقفينا ؟؟؟؟؟؟؟؟؟؟؟؟؟؟؟؟؟؟؟؟؟ |
| |
|
|
|
|
|
|
|
|
 Re: حوار هادئ، مع الصديق د.حيدر بدوي، حول خالد الاخر. (Re: ahmed haneen)
|
هل لبشاشا اي موقف اوعداء لللعرب؟
بالتأكيد نعم..
بدليل دفاعو عن.. خالد كودي في إحتفال الهلوكوست (توجد صورة)..
May 1, 2006
On April 25, Holocaust Remembrance Day, fine arts faculty members (from left) Khalid Kodi, Claude Cernuschi, and John Michalczyk speak with CBS4 News anchor Liz Walker, who produced an independent documentary on Sudan, at “Never Again? From Auschwitz to Darfur: A Commemoration of the Nazi Genocide Through a Current Prism,” in Devlin Hall 101. Holocaust Remembrance Day, Yom HaShoah in Hebrew, also marks the anniversary of the Warsaw ghetto uprising of 1943. Members of Boston College Hillel conducted a candle-lighting ceremony, cellist John Letizi ’09 performed, and Kodi, Michalczyk, and Walker gave presentations. The event was sponsored by the Fine Arts Department; the Center for Christian-Jewish Learning; the Jewish Studies Program; BC Hillel; the Faith, Peace, and Justice Program; and the Jacques Salmanowitz Program for Moral Courage in Film.
إنتهى..
دوس هنا الدليل.. On April 25, Holocaust Remembrance Day
( )
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
Quote: تحياتي وأشواقي. افتقدتك في خيطي "نحو جمهورية سودانية ثانية..." ظاناً بأن سخونة الحوار بينك وبين العزيز عادل أمين، ثم تفجر الأزمة بيني وبين الأخ خالد سببا تجافيك عن المشاركة هناك. وأثلج صدري أنك حريص عى رأب الصدع بين إثنين تعزهم بحكم وشائج فكرية تربطك بكلاهما، وشخصية تربطك بواحد منهما على أقل تقدير.
|
الاخ الحبيب حيدر بدوي
تحية طيبة
بشاشا ده انت ما عارفو من زمن الاركان.... يناكف ولا يبحث عن حقيقة والشيء الذى اكتسبه هنا هو التولي يوم الزحف..مرة شرد خلى ناس دارفور بعد ما خزلو في تشرزمهم القبلي وغيره حتى في هذا المنبر ...وشايفو حايم في بوست عسكوري لكن اعترف هناك بان المشكلة هي ايدولجية الاخوان المسلمين وليس قبائل الشمال
بشاشا ورهطه اعجز من فهم مقولة السودان الجديد التحرر من ((شنو)) وليس من ((منو))
عشان كودي بدا في تعرية الرموز الوطنية السودانية(منو).. وهذه حالة تسول بعاهات الوطن يمارسه الكثيرين في الخارج.. واحتكاره لمفردة الهامش لجهله بالهندسة الاقليدية وجمهورية العاصمة المثلثة التي هي عب على الشمال ايضا(الهامش الشمالي الذى دفنته الرمال...
لانو سعى يعري منو وليس شنو..ونفس الشيء يمارسه بشاشا فقط عبر الرسم بالكلمات..
الناس ديل بكرهو الكيزان...وانا وانت ايضا لنا موقف من الكيزان
ولكن الفرق بينا وبينم
اننا نحارب هذه الايدولجية اللعينة كوعي وسلوك بالفكر والحجة
وهم يحاربوها كاشخاص.. ثم قبائل ثم رموز وطنية تاريخية
اول مرة حصرو الكيزان/الجلابة في حزب المؤتمر الوطني ثم انتقلو لثلاث شخصيات البشير ومجموعته وعلي عثمان ومجموعته و مصطفى عثمان اسماعيل...ثم في هذيانهم المستمر تركو هؤلاء وانتقلو لاهانة القبائل الثلاث الجعليين والشايقية والدناقلة..ثم في مشوار الصعود للهاوية في سباق المسافات الطويلة في الاتجاه المعاكس لليسار السوداني المازوم والبائس...انتقل خالد كودي للرموز الوطنية للاحزاب السودانية التقليدية الامة والاتحادي
طبعا نخبة دار فور الواقعة من جمل..يسكن دواخلهم المريضة..ما يهذي به حكامتهم بشاشا
عبر
نكذب في قراءة التاريخ
نكذب في قراءة الاخبار
ونقلب الهزيمة الكبرى انتصار
بنقل ازمة دارفور من عواملها الداخلية.. تاني حالف ما اكتبا للصم والبكم الذين لا يعقلون..ويسقطوها علي عوامل خارجية..كانها بدت سنة 2002
ويطالبونا بالسكوت عن اهانة اهلنا في الشمال واهانة حزبهم الذى ارتضوه(الاتحاد الديموقراطي/الختمية )
وطبعا ذى ما بقول دائما الكيزان/اليمين والشيوعيين/اليسار وجهين لعملة واحدة لا تصلح لمرحلة وصراعهم يف هذا البورد غاية الوضاعة والابتزال...
لا اجد فرق ابدا بين تابلويد خالد كودي او الوان حسين خوجلي زمان في زمن الديموقراطية
(ديموقراطية الجداد غمت)...وهم اكبر عبء علي الدولة المدنية وعلى الشعب السوداني..
وكا يوم اترحم علي الاستاذ محمود وجون قرنق القامتين الاخلاقيتين العظيمتين..نفسي
كانت تضحياتهما جسيمة...وذهبت هباء
واردد في
وهل في الدنيا قمامة
سفحها انقي من القمة
********
فاين للشعب السوداني من نموذج اخلاقي اعلى مرة اخرى ؟؟؟
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
كتب الاخ خالد كودي
| Quote: لا أجد حيدر بدوى سوى إنسان ردىء مثل الكثيرين فى هذا المنبر وغيره، عندما قابلته قبل أيام فى مؤتمر جمعية الدراسات السودانية أفصحت له عن رأيى فيه ... وهو: هو إنسان ساقط أخلاقيا . |
ولايزال هذا رأيى فى الرجل؟
هذا.حكم قاسي علي شخص دكتور حيدر
.... ....علي المستوي الشخصي د حيدر شخص فاضل وخلوق وأجتماعي يتحلي بمكارم الاخلاق
وعلي المستوي العام ...دكتور حيدر يقف ضد الفاشية والشمولية و الاقصاء وضدالمجازر والتشريد والقتل والدمار... يناصر أهل الهامش والاقليات
وقضايا المرأة ....يقف مع قضايا الحريات والاستنارة والعدالة
فأين سقوطه ?
..... نأتي لموضوع الخلاف وأعتقد أنه.شخصي أي موضوع رودا
مردا
أثار الاخ ملاسي موضوع أفادة لحيدر يقول فيها أن رودا طالبة سودانية
بكندا وطفق يغمز من قناة حيدر...
...أوضح حيدر بأن المعلومة وصلته من أمين الموقع
...لم يقم ملاسي بأثارة النقطة ويناقش أمين الموقع بمثل ما فعل مع حيدر
ولم يعتذر لتعريضه لحيدر !!! وأنما واصل في الطرق ليقوم حيدر
بالكلام عن أن خالد هو رودا..وقدذكرت أنا شخصيا لحيدر أن من حقه
أن يعلن ما يري و وأختلفت معه في التوقيت والمكان والظرف
قلت له أن المتابع قد يفهم أنك أستخدمت وتم أستغلالك وتوظيفك كأداة في الصراع
ضد كودي وأنه كان يكفي أن توضح مصدر معلومتك أي أمين الموقع وتحتفظ
بأاثارة رأئك حول رودا في توقيت تختاره أنت لاتوقيت يفرض عليك
قال أنه وجدتها فرصة مواتية ليعبر عن رؤيته .....
....الخلاصة أري أن دكتور حيدر شامخ علي مستوي المواقف العامة وعلي المستوي ا لشخصي وليس كل من أختلف مع كودي ساقطا (وأن جانبه الصواب)
كودي ليس الوطن ولايمكن أن يكون مصدرا وموزعا لصكوك الالتزام الوطني
لكودي أخـطائه وسلبياته ولحيدر أخطائه وسلبياته وسوءتقدير للامور
في أحيان قلائل من هنا أرفض التجريم وأطلاق أحكام قطعية قاسية تبني
علي رؤية مغائرة في صراع طابعه شخصي
كمال
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: kamalabas)
|
النخبة وادمان الفشل، الصراع الدائري الذي يحطم الاصدقاء قبل الاعداء. البون شاسع بين احلام الفقراء والمساكين والاغلبية الصامتة واحلام النخبة، انت معي او ضدي، وحين تكون ضدي فلا عاصم لك من عدائي وكرهي وبغضائي، اين نحن من محمد (صلعم) و مانديلا وغاندي وكل العظماء الذي يدووان حتي اعداءهم.
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
Quote: بالله ده وعي زول قاعد في امريكا
الكوز قام والكوز قعد.. الكوز ده جاء امريكا..انت امش وانت تعال
الاخ دينق تدهورت كثير في البورد ده في ايامك لاخيرة
الديموقراطية وعي وسلوك |
عادل أمين.
أنت عندك مشكلة في كشف وتعرية الكيزان؟
بعدين تمبس ده بفهم كويس أنا قاصد شنوا بكلامي معاهو.
الفرق بيننا يا عادل أنو أنا ما بنسى أي كلام بينكتب في البورد ده.
وعندما وصفت تمبس بمدعي العروبة فأنا أعرف جيدا ما خطاه قلم تمبس بهذا الموضوع.
رسالتي لك هي أنني ليس برسول ديمقراطية بهذا البورد, وأتعامل مع الناس بالمثل.
هذا هو أسلوبي في هذا البورد. وأنت تعلم ذلك جيدا أنني لا أجامل ابدا.
دينق.
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Deng)
|
دينق الكـــوز..
| Quote: بعدين تمبس ده بفهم كويس أنا قاصد شنوا بكلامي معاهو. |
| Quote: وعندما وصفت تمبس بمدعي العروبة فأنا أعرف جيدا ما خطاه قلم تمبس بهذا الموضوع. |
والله كان فهمتك يا دينق يضربني جناح الطيارة ، والبقرا كلامك الكاتبو دهـ يقول ( قابض )على حاجة .. كدي بلاي اضرب ليك عبارين من البوست بتاعك داك .. وتعال اشرحه لي واحده واحده شان افهم قاصد شنو ..
بعدين يا كــوز .. بلاي من الله خلقك ووراك طريق البورد دهـ حصل يوم واحد شفتني كتبت لي مداخله واحده وقلت فيها فلان داك ( عب ) وفرتكان داك ود ( عرب ) ؟؟ انا قبل كده قلت ليك لما زميلتنا الشلعوها من هنا ( شدته ) ليك ان من ضمن الناس القالو ليها يا زولة عيب تقولي كدهـ .. تجي أنت حسع جاري وراء صاحبك بشاشا الموهوم ده .. وتشبكني عربي وهندي وتركي ؟؟
دينق الكــوز..
ياخ أنت اليومين الفاتو ديل ( اتملطشته ) ملطشت الجن ، حتى بوستاتك بقيت ( تقد ) تخليها واهو متجدع ليك فيها أحمد الريح .. وكتمك النفس ..
ياخي حقــو ترسل لي بكري بدل ما تقول ليهو ( اشطب ) فلانه و( امسح ) لي فلان .. حقو تطلب منو .. ( دفتر العيادة ) وتعال لي انا بصرف ليك ( سلفه ) + ( بنسلين ) واربط ليك رجلك بي شاش . واكتب ليك علاج وراحــة للابد ..
ارحم نفسك يا دينق
وكلم معاك صاحبك بشاشا ده برضو وقول ليهو ارحم نفسك
وما تنسى ( رمزكم ) خالد كودي .. وعمتك رودا مردا.
يلالا انصراف .
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Haydar Badawi Sadig)
|
| Quote: خالد يتاجر بقضايا المهمشين، ويتاجر بالغرائز البشرية، ويجاري من يستغلون قضايانا لخدمة أجندتهم الخاصة. هذا رجل لا يشرف قضايا المهمشين بأية حال. وإلى أن ينفض عن نفسه جهالات الجهلاء، من عنصرية وصفاقة في الفكر والقول والعمل، فإني غير مستعد لتضييع الوقت معه أو مع الموضوعات المتعلقة به. |
كأنها فقرة مسحوبة من تقرير جهاز الامن الخارجى!
هذه كلمات تقطر حقدآ ولزوجة. وحسدآ لا مبرئ له!
تجدنى حائرآ اشد الحيرة فى موقف حيدر بدوى صادق، هذا الذى يتوهم انه مخلّص السودان ومهديه المنتظر!
واحتار اكثر فى كونه من قيادات الفكر الجمهورى وحركة حق!
هل هذا ما تعلمه من سنين عمله الدبلوماسى؟
هذه اللزوجة؟ وخدمة اعداء الديمقراطية والعدالة الاجتماعية بكتابة هذه التقارير الاستخبارية البائرة؟!
منذ قرأت لحيدر بدوى صادق هنا لم استلطفه.
وكان لدى شعور gut feeling انه لزج وسقيم المنطق ويتطلع الى رسالة موهومة وزعامة لا يملك مؤهلاتها، سوى بعض الضجيج البلاغى وزخرف اللغة!
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Adil Osman)
|
Quote: وقد ذكرت أنا شخصيا لحيدر أن من حقه أن يعلن ما يري وأختلفت معه
في التوقيت والمكان والظرف قلت له أن المتابع قد يفهم أنك أستخدمت
وتم أستغلالك وتوظيفك كأداة في الصراع ضد كودي وأنه كان يكفي أن
توضح مصدر معلومتك أي أمين الموقع وتحتفظ بأاثارة رأئك حول رودا
في توقيت تختاره أنت لاتوقيت يفرض عليك |
ياريت لو في منك اتنين في المنبر دا يا كمال؛
من حيث الحكمة و رجاحة العقل.
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Hussein Mallasi)
|
أختي الكريمة تراجي،
وأخي الكريم بشاشا،
فاتني أن أقول في مداخلتي السابقة بأني لم أقصد بسردي لبعض أوجه التهميش التي تعرضت لها كشمالي التقليل من فداحة القهر والإذلال والقتل والتشريد وإهلاك الزرع والضرع في هوامش السودان المخلتفة، بخاصة في الجنوب وفي جبال النوبة وفي دارفور. ولا أدعي بأنني أعرف مدى الألم الذي يمر به من يبقى حياً ممن أحرقت ديارهم واغتصبت أمتهاتهم وقطعت أوصال ذويهم وهم ينظرون. ولا ينبغي لي أن أدعي!
ما قصدته هو أن أقول بأنه ليس من حق أحدنا، كائناً من كان، أن يحتكر الحديث عن التهميش والمهمشين. وعلى الذين يتحدثون عن التهميش أن يفهموا بأن المشكلة في السودان مركبة ومعقدة وشائكة بحيث لا تفيد فيها الاطروحات التبسيطية التي تقسمنا إلى شماليين وجنوبيين ونوبيين وهدندوة وفوراويين، وغيره. أزمتنا تحت جلد كل واحد منا. كل واحد منا يحتقر نفسه بدرجة من الدرجات، ويعتز بها اعتزازاً قبلياً، غرائزياً، متخلفاًن بدرجة أخرى من الدرجات. هذا ينطبق علينا كلنا. لهذا وقعنا تقتيلاً في بعضنا البعض، شأننا في ذلك شأن كل الشعوب التي عجمت عودها، أوأبادتها، الحروب الأهلية.
هناك، يا أعزائي، صنوف عديدة من التهميش، لم يسلم أي سوداني من بعضها. ثقافتنا ما زالت ثقافة كارهة لنفسها، ومحبة لها في آن معاً. هذا في إهاب كل واحد منا. كل واحد منا لديه حربه الأهلية الخاصة به، التي يجب أن يديرها بحيث تنتصر عنده قوى الخير على قوى الشر، قوى السعة على قوى الضيق، قوى العدل على قوى الظلم. أتفهم أننا الآن نمر بمرحلة تحول بناء مفاهيمي جديد، فأتفهم بأنه ليس هناك معدى عن التلطخ بطين البناء. لهذا فإني لا أرى بأن الأزمة التي تمر بها علاقتي مع خالد شراً لا خير فيه. بالعكس من ذلك، فإني أرى ما يجرى باعتباره ضرورة لتمتين مشروع البناء نفسه.
حربنا الأهلية في السودان بدأت تتطامن لتصبح حرباً للرؤى. وهذا في حد ذاته نقلة كبرى. نعم، حربنا الأهلية قد بدأت تعجم عودنا، وستعجمه عجماً بريعاً، إن عاجلاً أم آجلاً. والنظرة السطحية التبسيطية لأزمة الهوية في السودان ستؤخر هذا العجم. أي ستؤخر أجل الوصول إلى صيغ جديدة مبدعة لسودان جديد نفكك فيه قوى القهر لبنة لبنة، لنبني بنفس اللبنات المفككة مفاهيم جديدة وأبنية جديدة. ذلك لأنك لا تريد أن تذبح وتقتل كل أهل الشمال لأنهم "جلابة،" ولا كل أهل الجنوب لأنهم زنوج. أنت تريد أن تحيل نفس الإنسان السوداني العنصري الحاضر، شمالياً كان أو جنوبياً أو شرقباً أو غربياً، إلى إنسان سوى معافى من العنصرية.
صحيح أن درجة معاناة كل واحد منا من التهميش متفاوتة فلا خالد جرب أن يوصم بالكفر وأن يطرد من بيته لأنه التزم فكراً جديداً، ولا أنا جربت بعض المرارات التي مر بها بسبب انتمائه العرقي. نعم نشترك في بعض القواسم، حتى في استهزاء الناس بنا، خاصة وأن نوبة الشمال ونوبة غرب السودان بينهم روابط تاريخية عميقة (لغوية وغيرها...) لو كنا في مستوى التحدي الفكري الذي يواجهنا اليوم لكنا جلسنا لنتحاور حول جذور التهميش التي أدت إلى انفصال المد الجغرافي والتاريخي بيننا وبين أهلنا في جبال النوبة(قبل دخول العرب للسودان!) ولربما ساعدنا مثل هذا الحوار في ابتكار أدوات وأساليب جديدة في مقاومة قوى التهميش. ولكن بعضنا اختار المهاترة واختلاق معارك في غير معترك.
ربما تعلمان بأنني أعتبر أنه من شروط إنسانية السوداني أن ينفعل بالأزمة التي خلقها العقل الجمعي عندنا. لا أدعي بأنني "إنسان سوداني" بعد!! ولكني أسعى لأن أكون!! وفي سعيي هذا لأكون إنساناً، لا أريد أن أحدد للآخرين أساليب مصادمتهم للهوس والتهميش. ولكني أيضاً لا أقبل منهم أن يصادروا حقي في اختيار أساليبي بالحط من كرامتي وإنسانيتي. وإن فعلت فإنني سأظل أحرث في البحر.
من حق خالد أن يختار مايرى من أساليب. ومن حقي أن أفعل. ومن حقي أن أبدي رأيي في أسلوبه. ومن حقه أن يبدي رأيه في أسلوبي. الحرية لنا ولسوانا، كما نقول! ولكن الحرية شرطها المسؤولية. ومن يظن بأنه حر ثم يصر على استخدام بذئ القول، وجارح اللفظ (بغير حق)، وأساليب حاطة من كرامة البشر، فهو ليس بحر مهما أدعى! ولا يستطيع من يقع تحت أسر الغرور والخيلاء الفاجرة أن يحرر غيره مهما أدعى من تحرر!!
لكما احترامي، وتقديري.
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Adil Osman)
|
كتب(اللخو*) عادل عثمان
Quote: كأنها فقرة مسحوبة من تقرير جهاز الامن الخارجى!
هذه كلمات تقطر حقدآ ولزوجة. وحسدآ لا مبرئ له!
تجدنى حائرآ اشد الحيرة فى موقف حيدر بدوى صادق، هذا الذى يتوهم انه مخلّص السودان ومهديه المنتظر!
واحتار اكثر فى كونه من قيادات الفكر الجمهورى وحركة حق!
هل هذا ما تعلمه من سنين عمله الدبلوماسى؟
هذه اللزوجة؟ وخدمة اعداء الديمقراطية والعدالة الاجتماعية بكتابة هذه التقارير الاستخبارية البائرة؟!
منذ قرأت لحيدر بدوى صادق هنا لم استلطفه.
وكان لدى شعور gut feeling انه لزج وسقيم المنطق ويتطلع الى رسالة موهومة وزعامة لا يملك مؤهلاتها، سوى بعض الضجيج البلاغى وزخرف اللغة! |
ونسى أن يزيِن مداخلته بصورة
_______
(اللخو) أي الأخ؛ كما هى عليه لا تحتاج لترتيب حروفها كما أوضح (عادل عثمان)ذلك فى بوست لأحد الزملاء
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
الاخت تراجى،
تحياتى.
كتبت:
Quote: دكتور حيدر بدوي
سلام
وشكرا لمداخلتك التي اراها مختلفه عن كتاباتك الماضيه حول الموضوع.
دعني اناقش معك تهميشك الذي ذكرته:
1)تحدثت عن ايام التهجير وهي فعلا مؤلمه جدا...ولكن للنوباي او الغرباوي
اذا حدث نزوح لظروف طبيعيه...فهم لا يعانوا من فقدان (الموطن الصغير)اياه فقط
بل يعانى من الوجود في بيئات تضطهدهم لسحناتهم وثقافتهم ولهجاتهم واحيانا معتقدهم.
2) وتحدثت عن احساسك بالخجل من تلقين المجتمع او ضحكه على لسان امك المعوج
او تحدثها العربيه بلا طلاقه....وهو ايضا احساس ليس سهلا ,اضف اليه في حالة
النوباوي او الجنوبي او الغرباوي يضاف اليه للطفل ان يخجل من سحنة امه....
فتخيل انت تتحدث عن لسان معوج فقط علمك المجتمع ان تخجل منه وبينما الآخر
هو لقن ان يخجل من اللسان المعوج+ السحنه لانها لا تحمل ملامح مخلوطه بالاعراب!!!!
3)اما حديثك عن نشأة خالد كودي في مدني ومعناها بعده عن التهميش فهذه قصه آخرى
خالد نشأ لاب نوباوي وام شماليه هل تعلم نوع التعليقات الممكن يكون سمعها في حياته؟؟؟؟
ملامحه طلعت شماليه,ربما قد يخفف هذه الاضطهاد عليه,ولكن انت لا تعلم كيف ممكن المجتمع ان يحسسك
كيف تنكر ذلك الجزء منك(انتمائه للنوبه) ولا تلعم كيف ممكن عندما يحضر ابوك مثلا للمدرسه للسؤال عنك
ان تسمع تعليقات الصغار حوله.
وانت لا تعرف احساسه ربما اذا زاره ابناء عمه وهم من ام واب نوباوي كيف ممكن ان يزرع فيه
المجتمع عدم الرغبه في الخروج برفقتهم امام الجيران....
وانت لا تعرف معنى ان يزورك صديقك ويقول لك عن اخوك الذي قد يكون طلع كله لابيك والله وصيت
لك الود الشغال معاكم).....وتعلم وقتها انك تنتمي لمجتمع فظيع في قسوته...وتمييزه ضد الآخرين
بسحناتهم ,وتتعلم وقتها ان تحمد الله انه وهبك هذه الملامح وهذه السحنه وتبدأ تشفق في داخلك على الآخرين
من اخوتك ذو الملامح الافريقيه....
صدقني يا دكتور هذه اكثر من مأساة...
وتعود لتسميها متاجره:
Quote: كثيرون أصبحوا يمارسون المتاجرة الفكرية بالتهميش والمهمشين في الدول الغربية.
تحدث الناس عن اوجاعهم وهمومهم ليس متاجره,والا لكان الجمهورين اكبر تجار بالغرب.
وهذا يقودني للعوده لتهميشك كجمهوري....
وهذا حقيقة اكثر وضوحا فعلا وانا اثق انك عانيت فعلا كما عان غيرك من الجمهورين....لكن عايزاك
تسرح بخيالك شويه وتتخيل لي وضع الجنوبي المسلم او النوباوي او الغرباوي لو بقى جمهوري؟؟؟؟؟
قادر تتخيل كمية معاناته؟؟؟؟؟؟؟؟؟؟؟اكيد اضعاف معاناتك.
لو تزكر من كم يوم اوردت لك قصة المواطنه الغلبانه (عائشه النسيم) امرأة تندلتي....
وكيف تجرأ معذبيها من ادخال آلة حاده بمهبلها..ليحصلوا منها على اعترافات بما لم تراه...
ولم اقرأ او اسمع يوما ان هذا تم لنساء شماليات اشد خطورة من عائشه النسيم,فهل تهميشها مثل تهميشك؟؟؟؟
ولك الود.
تراجي. |
الاخت تراجى،
اسمحى لى بالاختلاف معك فيما تحته خط
فهنالك الككثير مما يمكن أن يقال فى هذا الصدد، وهذا ليس مجاله، الا أن هنالك نقطتين لابد من التعليق عليهما:
1/خلافى مع حيدر بدوى لاعلاقة له بنشاتى وما إلية...لا اعرف اين نشأ حيدر بدوى ولايهمنى، مثلما لا اعرف أين نشأت تراجى أو نشأ غيرها من أعضاء المنبر وهذا الامر ليس من إهتماماتى، فأنا لا ابحث عن تاريخ أعضاء المنبر لأستخدمه فى حالة الاتفاق أو الاختلاف معهم .
ان فعلت أكون قد أمارست ميعرف بالسياسة القذرة. أنا لا أتجسس وأتلصص على من اتحاور معهم فى هذا الموقع!!
2/ ازعجتنى محاولتك لتحويل مواقفى الفكرية والسياسية الى ردود أفعال لتجارب إنتمائى الاثنى، عرقيا وثقافيا وهذا ليس الحال على كل.
النوبة والجنوبيين يعتزون بمن هم ، ويعتقدوا بان الذى لايستطيع "بلعهم" وقبولهم هو من يعانى من مشكلة وليس هم..
فكلاهما النوبة والجنوبيين لم يتوقف الامر لديهم على التصالح مع من هم، وماهى طرائقهم فى الحياة، بل ذهبوا أبعد من ذلك، عندما إعتدى عليهم من يضايقه وجود الاخر كما هو تصدوا لهذا الاعتداء حتى إنتصروا وفرضوا على الاثم تعلم انه لن يستطيع ان يتعالى على من يختلفون معه ويذهب دون عقاب...ولانقول مقاومه، إنما عقاب...تتعالى على النوبة والجنوبيين وتحاول فرض ثقافتك وطرائقك فى الحياة عليهم تعاقب.
فأنا وأى نوباى أو جنوبى ليسوا ضحايا.ولانقبل بأن نكون ضحايا.
اختلافى مع حيدر بدوى ليس لديه علاقة مع كل هذا!!!
الخلاف مع الدكتور حيدر حول : حيدر بدوى يقول أن خالد كودى هو رودا مردا، وقد جعل الدكتور من هذا الأمر قضيتة المقدسة .
وأنا أقول أن حيدر بدوى جاسوس ومتلصص. ووصفته بالواشى الصغير..
عنما قابلت الدكنور حيدر بدوى قلت له وعينى فى عينه أنه من العار أن يدعى إنسان مثله انه تلميذ الشهيد محمود محمد طه إذ أن حيدر بدوى صادق فى إعتقادى هو تلميذ صلاح قوش.
لك الود.
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
Quote: كأنها فقرة مسحوبة من تقرير جهاز الامن الخارجى!
هذه كلمات تقطر حقدآ ولزوجة. وحسدآ لا مبرئ له!
تجدنى حائرآ اشد الحيرة فى موقف حيدر بدوى صادق، هذا الذى يتوهم انه مخلّص السودان ومهديه المنتظر!
واحتار اكثر فى كونه من قيادات الفكر الجمهورى وحركة حق!
هل هذا ما تعلمه من سنين عمله الدبلوماسى؟
هذه اللزوجة؟ وخدمة اعداء الديمقراطية والعدالة الاجتماعية بكتابة هذه التقارير الاستخبارية البائرة؟!
منذ قرأت لحيدر بدوى صادق هنا لم استلطفه.
وكان لدى شعور gut feeling انه لزج وسقيم المنطق ويتطلع الى رسالة موهومة وزعامة لا يملك مؤهلاتها، سوى بعض الضجيج البلاغى وزخرف اللغة! |
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
دكتور حيـدر بـدوي,
كان علمي يقيناً أنك لم تـدل بشهادتك في شـأن ارتباط اســم رودا مـردا برســام التعــري كـ ـ ـودي لتنصــر فريقاً كان منتصــرا بغيـر شــهـادتك, لأنه يتخنـدق في موقـف الإنسـانيـة ويرفـض الميكافيليـة ويتقيـد بموقـف القوانين ويـؤيـد كريـم الأخلاق حتى في أساليب التعبير عن الخلافيات.
لكن الحاقـد رسام التعري أبى إلا أن يواجهـك بوجهـه الحقيقي حيث لا قناع,
هــذا العنوان للبوســت مكتوب بعيون الرضـا لمســخ الهــوية الأكبــر في هذا البورد,
| Quote: حوار هادئ, مع الصديق د. حيدر بدوي, حـول خالـد الآخـر |
وبطبيعـة بشـاشـا , فالعنوان أيضـاً من (خيــرك ) عليه وعلى غيره في هذا البورد, ومرجعه يعود لحديثك عن أن هناك شخصيتين لرسام التعــري إحداهما فاضلة وملتزمة بقضايا والاخرى حاقدة عناء , (المعاني منك والصياغة مني ).
لكني وبعد تمحيـص شديد لما قاسيته من نقاشاتي مع الاسـم السابق رودا مردا ولتجاربي مع خطاب رسام التعري الاستعلائي (في غير ما مبـررات ) وجــدت أنـه لا تـوجـد له ســوى شخصـيـة واااااااحدة.
لرســام التعري شخصـيـة كارهــة للذات وللآخـرين وحـاقـدة ولـه قـنـاع كـثـيـف ,
ولأنــه يعتمـد (نـفـسـيـاً ) على هذا القناع ويعتمـد على تقنيات وأساليب التخفي فهـو يحفـل كثيرا بالأقنعــة, وحتى بالملابـس الساترة وحتى بجلـد الإنسـان والحيــوان كرداء وطبقـة من طبقات الســتر,
مـن أهــم وسائل التعبيـر البصـري لدى رســام التعري هي وسـائـل التعريـة, والكشــف والإنتهــاك, وبالنسـبـة له فالإنتصـار الأكبـر يكون بتجــريــد (العدو المكروه - المحقود عليه ) من لباســه وأحيانا من جلـده فيدخـل داخلـه ويبدي عظامـه النخرات,
لذلك هـو يرســم الزعماء الممثلين لشمال السودان , وللدين الإســلامي عــراة , ويرســم حتى الإمام المهدي, الذي أيــدتــه ( جـبــال تــقــلـي ), عـارياً ولم يكن للإمام المهدي علاقـة بدارفــور أو بمشكلات فشلنا الحديثــة, لكنه مع ذلك يحتفظ لهم جميعا بالعمـائــم الرمز الاسلامي المعروف.
كثيـــرون ســدروا مع رســام التعري في كـراهـيــتــه المطلقة على غـيــر هــدى, وسـدروا معـه في مشاكله النفسيـة على غير استبصــار, وهي مآلات (ترابلة البوستات ) وطبقاتهــم.
إذن فالقناع الســاتر الذي يحتفظ به لنفســه ويســلبــه (انتصــاراً ) عن الغيــر , هــو قناع المفكر العالــم القيادي المقتنع بالناصــريــة العروبيــة ثـم الحاقد عليها ثــم المقتنع بفكـر التحالف الديمقراطي ثــم المنقلـب على زمـلائـه ثم المقتنع بفكرة السودان الجـديد ولا أدري متى سيصـل إلى مرحلـة الحقـد عليها برفـع الســتر عن حرمـة الميت قرنق كما فعل مع الإمام المهـدي,؟
هـذا القناع هــو (خالـد الآخــر ) , الذي توســمـه د حيـدر بـدوي,
لكني أزعــم أنه لا يــوجــد ســوى الوجــه واحــد ورجــل واحــد هــو خــالــد الحــاقــــد
فهــل أحظى بلقـب ( الواشــي الكبيــر ) ؟
أحمـد الشايقي
| |
|
|
|
|
|
|
|
|
 Re: شهادة للتاريخ..!! (Re: أحمد الشايقي)
|
شهادة د. حيدر في خالد كودي..
| Quote: خالد يتاجر بقضايا المهمشين، ويتاجر بالغرائز البشرية، ويجاري من يستغلون قضايانا لخدمة أجندتهم الخاصة. هذا رجل لا يشرف قضايا المهمشين بأية حال. وإلى أن ينفض عن نفسه جهالات الجهلاء، من عنصرية وصفاقة في الفكر والقول والعمل، فإني غير مستعد لتضييع الوقت معه أو مع الموضوعات المتعلقة به. |
أسمع؛ يا ود الطالب..
الله يرحم الخليفة عبدالله التعايشي (ود تور شين)..
الموسو سنين..
شوف يا ود الطالب..
دي..
شهادة أولى القربى الفكرية مع تقديرنا..
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
Quote: النوبة والجنوبيين يعتزون بمن هم ، ويعتقدوا بان الذى لايستطيع "بلعهم" وقبولهم هو من يعانى من مشكلة وليس هم..
فكلاهما النوبة والجنوبيين لم يتوقف الامر لديهم على التصالح مع من هم، وماهى طرائقهم فى الحياة، بل ذهبوا أبعد من ذلك، عندما إعتدى عليهم من يضايقه وجود الاخر كما هو تصدوا لهذا الاعتداء حتى إنتصروا وفرضوا على الاثم تعلم انه لن يستطيع ان يتعالى على من يختلفون معه ويذهب دون عقاب...ولانقول مقاومه، إنما عقاب...تتعالى على النوبة والجنوبيين وتحاول فرض ثقافتك وطرائقك فى الحياة عليهم تعاقب.] |
Quote of the day. I can't agree more.
Mahjob
| |
|
|
|
|
|
|
|
|
|
Re: حوار هادئ، مع الصديق د.حيدر بدوي، حول خالد الاخر. (Re: Bashasha)
|
اب رزقة عجرم،
قت لي يشرف؟ ياحليلك! هو الموضوع تشريف؟ ذي كلام الظلامية بيان كيف "قضية دارفور" علي وزن "مشكلة الجنوب" كانت حارقة تش اوما معناه! ابتزالي، يجنح الي تحويل الموضوع الي مجرد سفسطة او فلقسة مثقفاتية مترعين بالترف الذهني! في العادة ده بعض البعر البدل علي بعير تبلد الاحساس لدي الجاني اللي هو الجلابي، او مسخ الجلابة ذي اخونا رزقة ده!
الاعزاء والعزيزات مشاركي ومتابعي هذا الخيط، اجلنا المواصلة في الخيط نسبة لعدم ملاءمة الظرف الراهن، والان حان موعد رحيلنا المعتاد، وعندما نعود سنواصل من محل ماوقفنا، لانو غرضنا الاساسي استخلاص الدروس والعبر، بالاضافة لتقريب وجهات النظر بغرض تمديد مساحة الارضية المشتركة بين الاخوين العلمين، المصادم والمبدع الملتزم بروف خالد كدي مش "كودي" كما تعودنا نطق الاسم المنتشر في الشمال، او دكتور حيدر.
حتي ذلك الحين، اسمحو ارد باقتضاب علي الاخ السنجك والذي خطي خطوات كبيرة للامام، بالذات انو كان في 2003 من ابرز مستعلواتية المنبر لي حدهم! كان بقول لي كولن باول "عب"! اولا احييك يا عزيزي وانا سعيد بي مداخلتك، او ما حاعتبرا شغل "نفخ في الكير" لوكنت السنجك القديم، الجعلي "الحر" الجدو الرسول توش كده!
نعم يالسنجك الصديق د.حيدر اخطأ خطأ شنيع في حق بروف خالد، ولكن ربما كنت متوقعنا نخاطب د.حيدر بذات لغة الدواس المعهودة، ولهذا اوده تخمين من عندي، لمان لقيتني بخاطبتو بي لغة "الحوار الهــــــادي"، فطوالي رحت مديني واحد من البرميل حسب النكتة عن الدنقلاوي في الحج! خطاب دواسنا مدخور فقط للمستعلواتية، الكيزان، والوهابية اوالجلابة عامة!
فتكم بي عافية نتلاقي في ساعة خير، اولغوتنا الحادة دي، حدها حلبات الملاكمة الفكرية فقط!
خلاف كده، اجتماعيا ماعندي ده كوز ولا ده بعثي ولاده وهابي، اوبالذات بر السودان.
اوسبحان الله، احب الناس الي هم الانا اكثر عنفا معاهم، ذي عبدالرازق الطالب بريمة او نور تاور.
ياريت الاقيهم اوبالذات عبدالرازق!
| |
|
|
|
|
|
|
| |
Bashasha
tmbis
Haydar Badawi Sadig
Tragie Mustafa
Deng
adil amin
أحمد الشايقي
Khalid Kodi
ترهاقا
A.Razek Althalib
alsngaq
Hussein Mallasi
ahmed haneen
Faisal Al Zubeir
kamalabas
رأفت ميلاد
خالد خليل محمد بحر
Adil Osman
Yassir Tayfour
HOPEFUL
فيس بوك
تويتر
انستقرام
يوتيوب
بنتيريست