|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
الاعزاء بدون فرز
الذي ساتي به هنا ليس "اجاويدا" ولكن دعوة للاستفادة:
مداخلات الجمع الغالب هنا يجب ان تتجاوز الشكل العام لمفردات الفاظ الامثلة الي السجال في مسببات وجودها اصلا وكيفية الاكثار من استعمال بدائل لها لاتستعمل كلمات والفاظ نافرة كتلك .. فالامثال كما ذكرت في رسالة اخري "تقبلها العامة والخاصة " ولذا تبقي وحيث انها صارت امثالا ووصلتنا ممن اتي بها منذ اجيال فيجب ان نتجاوز قبح اللفظ مجبوريين فالامثال باقية هنا في هذا المنبر منذ ان اتي بها محسن في مداخلة .. اي انها امامنا وتتكرر طالما هنالك مداخلات وسجالات ...اذن فهي تتداول هنا غصبا عنا كما بقيت متداولة في مجتمعاتناغصبا عنا وعن كثير غيرنا ..ولا اظن ان صراعاتنا هنا بسببها تفيد وانما تزيد من الاتيان بمفردات قاسية الم تكن خارجة في بعض مداخلاتنا ... والان اما ان نوقف المداخلة هنا وهكذا نقلل من تداولها او وهو الاهم ان نحاول الغوص في المعني العام ومحاولة التعرف علي مسببات الاستعانة بالتعابير الجسدية والجنسية والحسية بدلا من مهن وحرف كما ذكرت في مداخلة سابقة ثم التفرع منها الي ساحة اوسع لكل الامثال السودانية(العربية فهنالك امثال بلغات اهل السودان المختلفة) ومفرداتها ولقد لاحظت ان عدد كبير من المتداخليين عليم بامور ثقافات اهل السودان وهكذا يكون لسجالنا معني و نثبت علي مقدرتنا مناهضة القبيح من القول واللفظ وادارة سجالاتنا بما يفيدنا جميعا وكذلك نحاول ان نضع حدا لاستعمالاتها بالاشارة الي ما يوجد في الارث السوداني من امثلة بديلة لا تستعمل لفظا نلفرة كهذه ..
ولكم شكري ومودتي ابوبكر
| |
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
محسن خالد قريت الرسالة الاخيرة دي لقيت بعض المفارقات في النظريات الحاولت تسوقها هنا عن اللغة .. اول حاجة يا محسن بتتكلم وكأنه في لغة عالمية موحدة ودا بيظهر جليا في عداءك السافر لجغراية اللغة والاستدلال بترجمة صديقتك الصينية و اقتصاصك من اللاتينية والهيلوغلوفية او كما يسمونها . يعني يا محسن انت زول بتستخدم اللغة العربية في كتاباتك كما اعلم لكن من خلال كلامك الفوق دا المفروض القي نصوصك بالطريقة دي ولكنهم دائما ما كانوا 닭을 사기 위하여 купить кур went to 市场 ولا استدلالك اعلاه محض حرفنة بتاعة منطق غير مقنع ولا كمان انا ما فاهم انت بتقول في شنو ودي مشكلة كبيرة تانية في انك ما بتكتب للاذكياء فقط او كما تشير باعطائهم الخيوط , فما جريرتنا ان كنا غير اذكياء كفاية لندرك كل صروف الكتابة . ما تقول لي ما مشكلتي كمان لانه الدكتور اعلاه او المهندس الاستشهدت بيهو بيبني للفقير والغني كل بامكانياته البيت الذي يلائمه وكذلك الطبيب يعالج الجميع . فرزك لحالة كونه محسن الكاتب متلبسك من حالة محسن البينضم برجع لي دورانية البنيوية وما ادراك ما هي ودي حتة اشتباك دائم . انا شخصيا استمتعت بكتابتك للخطاب ( المكُرب ) اعلاه بلغته وفلسفته ولكن ليس بافكاره عموما حتي الان ما ازال معجب بك جدا ولا املك ان اقول انت خطأ او صواب هذه نتركها لاهل الحرفة او كما تشير دائما ( فنحن الهتيفة والفريجة) لا نعرف مصلحتنا حتي الان وما يهمنا اللعبة الحلوة وفي النهاية النتيجة .
| |
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: اساسي)
|
يا أساسي ياخي الأيامات دي أنا خاتي ليك الدبورة اللتكدَّر فيها العقيد شيخ حسن موسى. جيت من هناك مستغرب منو هو، إنت قعدت تعمل في حركات العلمانية الأباها شيخ حسن حافّة، خليتني أنتقل من الاستغراب داك لاستغرابك إنت المملَّح. لدرجة ناوي أناوشك بكتابة عديل بعد ما ننتهي من الحكاية دي. هسّع إنت لفحت الفكرة، ما قريت كويس. هدفي أنا أضرب عالمية اللغة –الصوت لصالح عالمية الفلسفة/ الأخلاق/ المنطق. فهمتني؟ يعني اللغة لو بقت موضوعة جغرافية يستحيل تكون (أخلاقية أو غير أخلاقية)! لأنو الأخلاق شيء عالمي بالضرورة، فهمت يا شفت؟ عجبتني نظريتك بتاعة الواحد ما يجي طاير وفاكّي الزراير لصاحبنا القديم الله يطراهو بالخير "القنيط" حميدة. فأدِّي الرسالة قراءة ثانية. أخوك محسن دا إنت قادر تعرف إنو حريف ودقساته في الكتابة قليلة، لكن بسهولة ممكن تدقسني إدارة فور أوول وتقلع باسويوردي. ليه؟ لأني مفكّر مش سياسي ولا إداري ولا عندي دربين.
| |
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
تعرف يا محسن انت ما بتنفع للكتابة (الحوارية) في المنابر دي انا من زمان دا رأي قول لي كيف .. انت زول تكتب للقراءة وليس للحوار ..حوار المنابر (امسك لي واقطع ليك) مثل غير سري... عارف انه الردود مهلكة جدا بعض الناس هنا علي شاكلتنا وصحبي الكاشف يسلقو بيضك (مثل سري) بمداخلات تجيب الكاروشة وما تعرف ترد عليها كيف زاتو في ظاهرها - شوفوني - وفي باطنها - انا هنا . بكري كان قدم لينا قبل كدا منصور خالد ونزل ليهو كم بوست طبعا ما عارفين ان كان دا فعلا البيدخل بالباسويرد منصور ولا بكري بستلم البوست وينزله هنا لكن المهم شنو انه البوست بينزل والناس بتتداخل ومافي زول بيرد ودا المفروض تعمله انت هنا يعني اتفرغ (للفلفسة ) وخلي المنبراب يلتو ويعجنو زي ما عايزين ولاكمان اتحمل نار سلق البيض . بي كدا بتكون كسبت زمن كتير تكتب فيهو ومن ناحية تانية بتكون اشتريت دماغك بي ( طرادة) بعد رديت عليك قريت تاني ووصلت لاني ما فهمت من البداية لطول الرسالة ولنفاد صبري .. عموما قرايتنا ليك هنا من الاحداث الفارقة الحصلت لينا في منبرينا والما بننساها بالساهل والممكن نقول بكل كل ارتياح انه استفدنا منها الكتير لو سلبا او ايجابا .. اخر ابداعات حسن موسى( البوخها يلوي) لسع رسمك وصحبك الكاشف بتاع البنيوية والحالة الدنيوية ( الخواض بي لباسو) في لحظة تجلي . وقالوا
| |
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: celecon)
|
وصلتني هذه المساهمة من الأستاذ عبد الماجد محمَّد عبد الماجد
(فلان دخل ليهو في جعاب باطل وسمن فوقو) للشخص يدخل في مطب
(البعشوم كان ما عارف قنيطتو واسعة ما ببلع اللالوب) للشخص يعرف علو قدراته فيتجشم المخاطر عكس الذي يقتحم بلا قدرات فيهلك
(فلان سكاتو سكات الطيز علي العفن) للشخص كثير الصمت يظن فيه الخير ولكن في سريرته سوء
(فلان مجرجر بيضو زي جقر الفار) يظن الرجالة والعلو كبر بيض ولا يدرك أنه هو في نظر الناس جرذ (فلان ماسخ زي دبر الفقير "الفكي") يضرب لشخص ثقيل لا يطاق ويعاف مجالسته ومؤاكلته كالفقير (والفقيه مسّخ دبره وعافه الناس من كثرة الاستنجاء) (فلان دا كلامو "موصوعه" فسوة رقاص) لا أحد يحس أو يستشعر وجوده. وجوده كغيابه أو فعله لا يؤثر أو يفعل المنكر اختلاسا لمّا ينشغل الناس.
| |
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
يا أحباب كلّكم معليش علي الخفسة الراجياني لقدام دي. ناس الجامعة الليلة أدوني هرشة من الصباح. وقالوا لي مباري لينا دكاترة الانترنت بلا دكتورة ودا كلام ما كويس منّك. طلبوا مني عذاب الله أكبر عديل أكتبوا ليهم في شان يقرروا حكاية القاموس التاريخي بتاعي. عليه معاكم سلامة لأحدي ما نحلحل الحكاية دي. وحكاية الشرتيت بتاعهم يحلحلها الحلحال.
| |
|
|
|
|
|
|
|