رد عليكم: (الرجل الكلوروفيل) الجنس فوق وتحت الطبيعي

مرحبا Guest
اخر زيارك لك: 04-16-2024, 04:57 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة الاديب محسن خالد(محسن خالد)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
03-12-2005, 08:15 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 4961

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: رد عليكم: (الرجل الكلوروفيل) الجنس فوق وتحت الطبيعي (Re: محسن خالد)

    بعد الاستئذان سُمِح لي بنشر قصة "ذهب بني شنقول" لأنها بأي حال عسيرة الفهم على القارئ العربي،...

    هنا النص:


    ذهب بني شنقول



    أم نعيم، امرأة فارعة، وصلبها طويييييييييل، طول صف الرجال الذين يتقاطرون خلفها حينما تُقَلِّب. وود نور الدائم شيخنا وفقيه الناحية بتمامها، بحري وقبلي، سافل وصعيد، يحفظ أمور ديننا ودنيانا كلها، ويحفظ تقلّبات صلب أم نعيم بَسْمَلة بَسْمَلة، حتى وإن لم تكن متوحلة أمامه في الرمال الفاصلة بين قريتنا والنهر.
    تَكْ، عَيْ، حاويشْ، وششش، والنهر أيضاً في ذلك الصباح كان يوشوش، لتنطلق قوة المياه برمزية النزوات، وفحولتها المستترة، نحو أنثى، عظيمة العطش، خالدة ومتروكة لحَفْر المجهول. والأمر نفسه، وكما هو، مع جريد النخل الذي يوشوش عالياً ومحندكاً الصغار بالتمر. أمَّا علي ود الفَضَّالة فكان يوشوش حماره كي يتوقف، ليس ليتحكّم في مراح أغنامه الذي يرعاه كما هو بائن. ولكن ليرى صلب أم نعيم الذي نظم فيه شاعرُهم أحمر عين "الدوبيت" قائلاً:
    عالي ومكندك خُمرة ما بطلعو الدَرْفون
    قهرتَك بالنبي، المتقَّل حِلْبَة، وشيخي ود جكنون
    في المشي العديل يرجف تقول مسكون
    وفي الرملة أم طلوع لوري وبدورلو فنون
    كان وادي "رِبيلَة" عند فصول المحل يطرد الكل بلا استثناء، وبمجرد دخول الخريف، يمنح الرجال الذين يتوافدون عليه للزراعة، القمحَ والذرة والشعور بالانطلاق، وأيضاً يمنح نساءهم اللائي لا يأتين معهم –عادة- معناهن، ويُخَصِّص لهن حصاداً وأشواقاً في صدور الرجال من جملة الحصادَات التي يعودون بها. فعندما يشاكس اليمني، زميلُه العوض، الرجل الوحيد المسموح له بالخوض مع اليمني الوقور في مواضيع كأم نعيم، يبدأ حوارهما طبيعيَّاً وهكذا، يقول اليمني:
    "دحين آلعوض آخوي، مادُرنَ الرجعة للبلد؟؟".
    يترك العوض منجله الذي يحش به مقهقهاً: البلد بالبابور الليطحنها طحين، ماقاعدين فيها عمرنا دا كلو آليمني آخوي، قول لي بس سوينا فيها شنو؟ لا قروش متل الرجال، لا حريم متل الحريم.
    يحاول اليمني الخجول أن يتخَفَّى في القصب مبتعداً، طالما أنَّ آخر كلمة لفظها العوض هي الحريم، فإنه سيخوض من هنا في الفاحش والفارغة حتى ركبتيه. ولكن العوض ينادي فيه مستوقفاً وهو يقهقه:
    تعال آزول الله يقطعك، تتلبَّد كدي لامن يلطعَك دبيب. يقهقه العوض ويضيف: إنت آخوي أظنك دُرتَ النِّسا؟؟
    "وفوقها شنو كان دُرتَ النِّسا؟ يُبَرِّر اليمني وقاحته المبتدئة والضاحكة "مو بالحلال؟؟".
    لا بالحلال تَبْ، الله يقدِّرَك. خلاص أتراوح، أدّيناك الإذن. ويقهقه العوض اللعوب.
    "وإنت آشقي ما بتنزل معاي؟"، يقول اليمني وهو يجذب حبل جواده ويسحبه قريباً من أغراضه.
    لا ما بنزل، أنا برجاك فوق ضهر (ا ل واطة) دي -يلعب بالكلمات- كفى غَطَاس السنوات الفاتن مع ست الجيل.
    "علي اليمين ست الجيل مَرَة! وفيها بركة أكتر منك".
    هوي آليمني، الكلام المطرطش خَلِّي. والله الفيهو نحن دا خلا، وحوش ست سجيل خلا ليهو جضوم -يؤشر بيديه ناحية الجواد- أركب أترواح آخوي، أنا خلا ألله دا إخير لي من خلا ست الجيل.
    يقهقه الرجلان ملء الخلاءات، يلاحِحُه اليمني من جديد: آزول ما تباركها وتنزل معاي؟ يضرب العوض الجواد على صلبه ليتحرك قائلاً: سُوق آخوي. وحتىً كان نزلت معاك، والمنجل والنَّجَّامَة الشوم ديل خَلَّوا لي باقي مروَّة برميها في البحر، أنا قايل يِشْكُر أكتر من طقطيق عنقريب ست الجيل.
    يبتعد اليمني قليلاً: لا حولَّ ولا قوة، أهي هي، آآآه، سبحانو خالق الأحكام. أها أها لا حولَّ ولا قوة إلا به، رب القُدرة.
    يتباعد اليمني زوج أم نعيم، ويتقاصر ظِلُّه بسرعة أكبر من ظل جواده، بينما يراقبه العوض وهو يتداخل قطعة قطعة، وتسبيحة تسبيحة بين الرهاب المترامي وبئر الدونكي الوحيدة.
    "الله يرحمك آليمني"، يترحّم العوض على صديقه، وينظر إلى ما انتهت إليه زوجته أم نعيم. لقَّاطةَ بصل مع الجَهَلَة الغبيانين، عِزَّة النفس سمحة، إلا دايرة الزول يكرب مصارينو. ينتبه إلى علي ود الفضالة: هوي آلمسنوح، أرعى غنمك ديل، خليهن جعبات أم نعيم. يضحك الجَهَلَة من حول أم نعيم.
    "عاد ما بسألك، شَمَّتَ فيني الأولاد! تقول أم نعيم بدلعها القروي، الخام.
    يقهقه العوض بقلبه الأبيض، ينهر البقر ويقول قبل أن يُرَكِّز مع المحراث:
    أسويلو شنو لان؟ الشيء مِطَيِّر عينيهو أتقول رايحالو تَقَرَة!؟ ويجدها الصغار المتسيبون عن لقيط البصل الحار فرصة ليجلسوا على الأرض بينما هم مستغرقون في الضحك. هنا شَتْلَة.
    وكما تبدأ الأرقام تسلسلها، في وِجْهة، مَحَنَّكة ومهندسة الترقي، تبدأ شُلَّة من الرجال في التكوُّن أمام دكان بشير، مساءً، ليسمعوا صوت أم نعيم من خلال شباك الدكان:
    "لا ما عندنا ضيوف، برانا والله".
    "بس مخصَّم بالنبي سريع سريع يا بشير، عايزة ألحق المسلسل".
    يقفز المبارك، أكثر الرجال المدَّعِين لأنه سيتزوجها:
    شوف جنس مَرَة مثقَّفة، لاحقة المسلسل. والكلام المَعَجَّن وطاعم دا ساي، عايزة، سريع سريع، والله اللضان المابتنوم وهي تريانة من جنس الكلام دا نامت فاضية وطرشة. كان دي عجوبة الليلتي أنا ديك -يقصد زوجته- يُقَلِّدها بطريقة من جَرَّها من زريبة وليس من بيت رجال كما كان يقول أوان زواجه منها: هوووي آبشير، خِفْ يا ود نور الشام أختي، وراي الجَهَلَة خليتن اتنايصوا.
    يضحكون كلهم، ويقول له أحمد:
    "هازول إنت كضااااب، وكلامك ياهو في محلك دا. علي اليمين كان سقوك عرقي ما بتعرِّسها".
    - أنا؟؟ أنا اخوك آنايلة؟ يقاطعه أحمد:
    - يا خوي ما تجقلب فوقنا ساي، ياهو داك ولي أمره جُوَّه الدكان مع بشير، عليك الله يا .... ينادي أحمد ويتلفت نحو شخص وهمي، كأنه سيطلب منه أن ينادي لهم ولي أمر أم نعيم المزعوم ليشهد كلامه مع المبارك.
    يتَلَفّت المبارك أيضاً، وبخِفَّة. عييييك، يغمزونه كلهم ومن كل جانب، ويسخرون منه. عِبْتَ عاد آلمبارك؛ أسكت. يقهقه المبارك أيضاً ويقصد ترتيق الأمر: والله إن بتسدولي مالها هَسَّه ما عندي مانع.
    يدحرج مقبول سَفَّتَه على الرمال، كلامه بطئ جداً ومكرَّر، ولسانه أثقل من لسان السكران، لذلك يلقبونه –سِرَّاً- بالرَّخَمة:
    (والله هي، أقوليك شنو لان؟ هي صاح سمحة، سمحة تب، مافي شك. وصلبها دا، أقوليك شنو لان؟ مَكيَّل، مَكيَّل تب، جبال بني شنقول بس. لكن دهبها حارسو الجن).
    هم في البداية سئموا جملته الطويلة، ولكن عندما ذكر صلبها صبروا عليه. قهقهوا وقال المبارك: صلبها كيفنّو؟ جبال بني شنقول؟ والله وَصِف، بقيت سحَّاراً تاكل آب كَلَع.
    - قال ثُمَّ مَنْ؟؟ يصيح بها ود سعد من قعر الظلام.
    "الكافر،.... يا شقي،.... والله طريناك،.... كراعك فوق أتر سيرتك،.... من الصباح راحِّي وين؟؟". يُرَحِّبون به.
    رائج أنَّه كافر القرية، ورائج له الكثير من نوع "الأحاديث" الملفَّقة هذه. يحبذون مناداته بـ"أبوجهل".
    "يا اللولية، تَمَّت عاد، أبو جهل واتربَّع"، يقول ود الحسن.
    "قال ثُمَّ من؟؟ يواصل ود سعد سؤاله ثم يجيب نفسه: الدنيا إنْ أدَّتك".
    يجاريه الباسم، حُوارُه فيما لو كان غائباً: قال ثُمَّ مَنْ؟؟
    "أم نعيم إنْ حَضَنَتك".
    يقهقهون، ويضيف ود سعد: يا رب تضوِّقنا المتمَّر، ودخانو كاتح ومَعمَّر.
    "تضوق الدسمتاريا في رُكبتَك، الله ينعلك آلعفن الكافر"، يقهقه ود الحسن بعد جملته ويستفيض:
    "يعني دي ما فيها نواجذه الشريفة!؟". الباسم، حُوار ود سعد، يعجبه تَمَيُّزه هو وود سعد واحتكارهما لنكات من صنف خاص، يفاخر بشيخه مجيباً ود الحسن: نواجذه الشريفة جاية، أصبر آزول، خليهو الياخد نفسو.
    "والله بني شنقول ما رَيَّح، ما رَيَّح تَبْ" يمضغ المبارك مقولة الرخمة مع ضحكة.
    ود الحسن، يعاكسهم كعادته: ها ناس والله العاجبكم شنو في المرَة المنحوسة دي ما بعرفو؟ وكان علي المسخوت دا -يلكز ود سعد- جانا من الضُلَّمة الهناك دي، وأم نعيم كانت مِميِّلة فوق الشُبّاك ورامية صلبها لقفاها، ليل متلخم في ليل، يقاطعه الباسم: ووكت كلامها داك مع بشير، في ذمتك آود سعد ما كان صلبها بتقلَّب جاي وجاي؟؟ ضحك. يواصل ود الحسن: بعدين زولك شاف الرديس، كيمان كيمان، يا مسخِّر الجبال. يَدُس ود سعد: ومن الجبال كل شيء حي.
    ود الحسن: أها جنس دا! أتُقْبَلُ له شهادة؟؟ يختم ود الحسن بالعربي الفصيح، لينسجم كلامه مع جو النصوص الدينية الملفَّقة من بعيد. يُؤَيّده الرخمة: والله هي، أقوليك شنو لان؟ هي صاح منحوسة.
    أيْ حَرَّم منحوسة، كاتلالها تلاتة رجال ما بتخاف ربَّها!؟ يُزَكِّي ود الحسن رأي الرخمة.
    يسخر منهما ود سعد: التلاتة منو؟ ياتو تلاتة يا أبو هريرة؟ كان علي أستاذ بَا نَصَب وبي خُفُض داك، هي أصلاً عرَّستو فطيسة، وكان علي الشاويش صِدِّيق تسويلو شنو يعني؟ براهو شليق، لا داير يخدم زراعة، لا رعية، لا صنايعي، بس عينو في الحروبات البتاكل في الناس دي من زمن سودان القرنتي، أحَسِبْ بالنظام الشمسي آود الحسن.
    ود الحسن لا يقاطعه بل يستعديه أكثر بقوله: ها زول والله حضرة الشاويش أكان راجلاً فضيل، عَزَّام وفنجري.
    يستشري ود سعد: لا فضيل تَبْ، كويس إنو اتفضَّل فوقو الدود وريَّحنا. وهنا نجمة.
    يتجنب ود سعد مقاطعات أخرى بتكتيك:
    يمين غير زولكم داك، آآ.. شِنْ اسمو هو اللَّشتر كمان؟.. يُذَكِّرونه كلهم، بتوقيت مضبوط مع سؤاله سَلَفاً، وبجرَّة واحدة لألسُن كثيرة: اليمني،.... المرحوم اليمني،.... اليمني ود علي عليه الرحمة. كأنَّما يُذَكِّرونه بغرفهم من جالون ذاكرة واحد يتوسطهم.
    يستاء ود سعد من أي تبجيل، حتى الأموات، يواصل: ياهو القشري ود علي دا بي صَمَّتو، تاني منو؟؟ وحتى هو المرحوم اليمني دا ذاتو، كان مرحوم الليلة وألا أمس؟؟ لا تشوفو في بكا لا تشوفو في نفير، لا حمديل سلامة....
    "السلام هوووي"، يتركون سيرة اليمني: حبابك آلعوض، أهلاً، جُرْ الشوال الجنبك دا لي جاي. لا، بي هنا بيت نمل آزول، يمينك. والله في مكانك دا رِتيلَة تجيب الوِرْدة.
    يُزوِّغ أحمد الموضوع، من –العوض- رفيق المرحوم:
    وشيخ با نَصَب وبي خُفُض، آود سعد؟ ود نور الدائم!؟ حكايتو كيف؟؟
    "حكاية إبليس، الله يقطعو" يُعَلِّق العوض وهو ينفض مكانه ليجلس. فقد كان ود نور الدائم يرغب في أم نعيم بينما هي في عصمة صديقه اليمني. هُوَ يعرف أنَّ الكل رغب فيها منذ أن صارت تُقَلِّب، ولكن ود نور الدائم يظل الشخص الوحيد الذي سخَّر الكثير ليُحَقِّق رغبته تلك عملياً، مرحاته، أراضيه، زائغات النساء، ولم يوفَّق -قبل زواجه منها- إلا مرة واحدة فقط في لمس صلب أم نعيم، حين جرجرتها إليه النساء وهي مريضة ليعزم لها ويرقيها، وبالطبع لم يجد المسُّ المزعوم ذلك مكاناً من أم نعيم كلها يسكنه سوى صلبها، وهكذا وضع يد بِسْمِلَّة الناخسة، فنَخَسَ قبرَه النائم من رقاده.
    يستحثون ود سعد ليعيد عليهم للمرة المليون ربما، قصة ود نور الدائم:
    هُوْ ود سعد لكن ما تلفزو تلفيز تمام،....
    لكن هو ما واجعو نحنيحو في الجامع داك ورطنيهو الكتير، سبوح قدوس ورب شنو ورب شنو ما بعرفو، حَقَّت رمضان ديك إن بتطروها،....
    لا ود سعد بعرف يجيِّهو، كدي اسكتوا إنتو،....
    ينحنح ود سعد: والله خشمي دا كان بَحَر كان حِسَى من القصة دي. يضيف العوض: ها ناس أستغفروا ربكم، أذكروا محاسن موتاكم. وهكذا يجد ود سعد عدوَّه -التبجيل، القداسة، رَفَّ لا نقد- يمضي ناقداً بحد سكينه: هو خَلالو وراهو حسنة! نذكرها وألا ما نذكرها؟؟ يدعمه الباسم:
    كدي قولينا قصتو آود سعد خليهو يلحقنّو حسنات وكتين قفاهو أعوج.
    ود سعد يحكي لهم قصة هم أصلاً يعرفونها، لن تهم بدايتها: ما ياهو مشيتلو في البيت يوم دُخولو علي أم نعيم، وكوركتلو من فوق لي الحوش...
    يسأله أحمد ليتمتّعوا، فقط ليوسِّع له دائرة الحكي: والله إنت ذاتك غلطان، الراجل عريس، البودِّيك تتكبَّس شنو؟؟ وبشبه ضجر يقول ود سعد:
    شوف الزول دا يا أخي، تعَجُّبَات ود سعد تخلو من: يا ستااار، اللهم صَبِّرك يا روح، لا حول ولا قـ... تعَجُّبَات بحتة ومباشرة:
    قلنا مفتاح زريبة ناس الحَمْلَة كان معاهو، والنار ولعَّت في تَقَاة أولاد التلب يوم النضافة. أها خفناها تَسَّرْبَق شوية شوية لامن تلم في الزريبة. نخلي بهايم الناس تموت يعني في شان جعبات أم نعيم؟
    يُعَزّره الباسم: وأهل البهايم بدل تغرِّموهم يغرِّموكم، ويمكن فيها كمان شكاوي وتلاتل محاكم. ينتهره ود الحسن:
    إنت ما تقاطعو آلباسم، عليكم الرسول شوفوا الزول دا، ما ياهو ود سعد، بنضم إنجليزي يعني؟ لامن مِسَوِّي رقبتك مترجم؟
    يختصره الباسم: لا خلاص وكت بتفهم. ترى برطيعك علي الخلوة داك ما راح ساي.
    يواصل ود سعد: بالحيل، خفنا جنس دا، قلنا نَفِك بهايم الناس ما تحرق.
    يعترض المبارك، في نفس النقطة التي اعترض عندها خلال روايات سابقة للقصة: آزول البهائم طايرة. كدي تِمَّ لينا حكاية الكان منغز في صلب أم نعيم دا.
    (آي والله،....
    هو دا وكت عتودي وتقرتَك؟،....
    قال ثُمَّ مَنْ؟ المسخوت،....
    هي لكن، أقول ليك شنو لان؟ هي مادُخْلة،...) يوافقون كلهم.
    "عالم عجيبة يا أخي، قلنا كوركتلو من فوق لي الحوش.......
    ويتعاونون كلهم -بعد ذلك- راسمين المشهد مع ود سعد:
    "أها؟ وجاك يعوم بي كرشو الزي سقالة البنطون ديك".
    "وقُرْقابو الزي بَلال السعف داك! الرسول آود سعد طِراهو، وألا جاك أم ميطي ساي؟؟".
    ود الحسن يعاكسهم: هوي يا طُمش، إنتو مستهوننو يعني وألا شنو؟ علي بالطلاق صلبو المرخي داك يقول لي التور الفحل غرض شنو البتقضاهو معاي!.
    ود نور الدائم، هاهي صورتُه خارج الإطار، أجلى منها داخله. ما بروزه هو، الكاتب بينهم وبين سماء بعيدة وغامضة. المهترئ، بقرقاب عند جاهزية مُنْكَر، أشيب الفكر، المتدلي صلبه من ثقل شهواته، كأنَّ لا موت أمامه، ولا نزوات قطعها خلفه. هنا سِبْحة. يواصل ود سعد:
    "عِكْ، يا حليلها حي قيوم، ما وسَّدوها الطوب لان. شيخك جاني يِحِتْ في الخُمْرة من دقنو زي العلّيف، والله بس سَيَّالة وبَرَمها يشتَّت".
    هنا تتجلَّى مغصة المبارك، مَنْ هو أولى بتركة التترُّك تلك: نچت أب سِبْحةً خايسة، باب الهجليج، ما ضاق الشحم عاد، البحميهو ينوني شنو؟؟
    "يا زول قلت ليك جاني من الزعل زبدو يشتَّتْ قنقليس، ينخج ويكورك: يا ود سعد تِّرْبَا مافي!؟ البيبان دي سووها لي شنو؟ (ال واطة) دي خلقوها لي المهلة، الشَّفَقَة فوق كم؟
    يُعَلِّق أحمد، قهقهة فكلمة: (ال واطة).. هاها... للمهلة؟ هاها.... زولك داير يطوِّل برمندي.
    تبدأ مواضيعهم في الاشتباك والتكاثر، وكذلك عدد جمعهم. ثم تبدأ دورة ثانية في تَقَلُّص المواضيع وتشتتها، وكذلك عددهم. شويتين شويتين ويتسارق أفراد المجموعة الأم، نعسان وراء نعسان. السماء تَصَّرْصَر رُبَط رُبَط، النجم يزالِف مراقدو، جُعار البهائم يداخل صرير الجندب وصرير بيبان قديمة، صوت منجل بعيد سارح في برسيم ناس بالسرقة، ناس متاكين أبوابن، ناس نايمين، ناس يروِّبوا في جُهَال بكرة، ناس حَوَى فانوس يقروا في جواب أولاد ليهم طاشين، ناس وليل وناس، وحاجات كتيرة.
    يقف المبارك في الليل المزدهي من حوله، الليل الذي سيقطع بعد قليل حركة الناس بأجمعها، لتتحرك منهم أشياء غير الأرجل، يتحسس شيئه الأوتوماتيك، لم تُثره في الدنيا امرأة مثل ما فعلت أم نعيم، ولكن، يقول له: سمعتَ براك، دهبها حارسو الجن، النوم النوم، إلا كان داير تسكِّنا الجابرة دي آشقي.
    ينفض نعليه من الرمل، يفتش قليلاً عن الخيزرانة المندفنة بالتراب، يتحَسَّس علبة تمباكه، يطمئن، دفتر الجمعية، النظارة، ويتبدد بين أزقة حَيْ وحَيْ سَكَن، و حَيْ وحَيْ حُرْقة ووب، و حَيْ وحَيْ كتلتني، و حَيْ وحَيْ قيوم، ويمضي بينها، كلها مظلمة ونائية في نومها. يسمع خبط خطاه في الليل، هشَّة وناعسة. وحده ذهب بني شنقول لا ينعس، يلمع في يقظة الناس كلها، ثم يمضي ليلمع ويلمع، في أحلامهم.

    (عدل بواسطة محسن خالد on 03-12-2005, 08:21 AM)
    (عدل بواسطة محسن خالد on 03-13-2005, 04:38 AM)
    (عدل بواسطة محسن خالد on 03-16-2005, 02:39 AM)
                  

العنوان الكاتب Date
رد عليكم: (الرجل الكلوروفيل) الجنس فوق وتحت الطبيعي محسن خالد01-13-05, 04:42 AM
  Re: رد عليكم: (الرجل الكلوروفيل) الجنس فوق وتحت الطبيعي sympatico01-14-05, 05:39 AM
    Re: رد عليكم: (الرجل الكلوروفيل) الجنس فوق وتحت الطبيعي bayan01-14-05, 09:00 PM
  Re: رد عليكم: (الرجل الكلوروفيل) الجنس فوق وتحت الطبيعي إيمان أحمد01-14-05, 09:23 PM
  محسن: ربنا يشفيك من المرض و لا يشفيك من الجنون هشام المجمر01-14-05, 11:24 PM
    Re: محسن: ربنا يشفيك من المرض و لا يشفيك من الجنون عاطف عبدالله01-15-05, 07:50 AM
  محسن يخرج من المستشفى بعد إجراء جراحة صغيرة هشام المجمر01-16-05, 00:29 AM
    Re: محسن يخرج من المستشفى بعد إجراء جراحة صغيرة ابنوس01-16-05, 10:07 AM
    Re: محسن يخرج من المستشفى بعد إجراء جراحة صغيرة Luay Elhashimi08-04-05, 11:41 PM
  صباح الخير يا محسن هشام المجمر01-16-05, 10:13 PM
  Re: رد عليكم: (الرجل الكلوروفيل) الجنس فوق وتحت الطبيعي Mahmoud Mustafa Mahmoud01-17-05, 01:48 AM
    Re: رد عليكم: (الرجل الكلوروفيل) الجنس فوق وتحت الطبيعي محسن خالد01-17-05, 09:31 AM
      Re: رد عليكم: (الرجل الكلوروفيل) الجنس فوق وتحت الطبيعي Samer Osman07-06-05, 01:45 AM
  حمد الله على السلامة هشام المجمر01-17-05, 09:59 PM
    Re: حمد الله على السلامة الحسن بكري01-18-05, 03:29 PM
      Re: حمد الله على السلامة محسن خالد01-18-05, 03:55 PM
  (أعيش إجمالاً ليس أهم عندي من عيش نزوة صغيرة لي كهذه) محسن خالد01-19-05, 09:07 AM
    (أعيش إجمالاً ليس أهم عندي من عيش نزوة صغيرة لي كهذه) محسن خالد01-20-05, 06:40 AM
  الليلة الدراويش اتسوحروا بصلاحن، محسن خالد01-21-05, 06:44 AM
    [B](أعيش إجمالاً ليس أهم عندي من عيش نزوة صغيرة لي كهذه) [/B] محسن خالد01-22-05, 06:11 AM
  Re: رد عليكم: (الرجل الكلوروفيل) الجنس فوق وتحت الطبيعي Mannan01-23-05, 02:45 AM
    Re: رد عليكم: (الرجل الكلوروفيل) الجنس فوق وتحت الطبيعي محسن خالد01-24-05, 05:07 AM
      Re: رد عليكم: (الرجل الكلوروفيل) الجنس فوق وتحت الطبيعي bayan01-24-05, 06:48 AM
        Re: رد عليكم: (الرجل الكلوروفيل) الجنس فوق وتحت الطبيعي nazar hussien01-24-05, 08:28 AM
          Re: رد عليكم: (الرجل الكلوروفيل) الجنس فوق وتحت الطبيعي محسن خالد01-25-05, 12:51 PM
            Re: رد عليكم: (الرجل الكلوروفيل) الجنس فوق وتحت الطبيعي عاطف عبدالله01-26-05, 02:13 AM
  Re: رد عليكم: (الرجل الكلوروفيل) الجنس فوق وتحت الطبيعي نادر01-26-05, 03:19 AM
    Re: رد عليكم: (الرجل الكلوروفيل) الجنس فوق وتحت الطبيعي محسن خالد01-26-05, 06:05 AM
      Re: رد عليكم: (الرجل الكلوروفيل) الجنس فوق وتحت الطبيعي محسن خالد01-27-05, 00:35 AM
  Re: رد عليكم: (الرجل الكلوروفيل) الجنس فوق وتحت الطبيعي الجندرية01-27-05, 05:25 AM
    رد عليكم: (الرجل الكلوروفيل) الجنس فوق وتحت الطبيعي محسن خالد01-27-05, 09:08 AM
      Re: رد عليكم: (الرجل الكلوروفيل) الجنس فوق وتحت الطبيعي ودرملية01-27-05, 05:49 PM
        رد عليكم: (الرجل الكلوروفيل) الجنس فوق وتحت الطبيعي محسن خالد01-29-05, 00:38 AM
          رد عليكم: (الرجل الكلوروفيل) الجنس فوق وتحت الطبيعي محسن خالد01-29-05, 09:59 AM
            رد عليكم: (الرجل الكلوروفيل) الجنس فوق وتحت الطبيعي محسن خالد01-30-05, 04:22 AM
              رد عليكم: (الرجل الكلوروفيل) الجنس فوق وتحت الطبيعي محسن خالد01-31-05, 00:23 AM
                رد عليكم: (الرجل الكلوروفيل) الجنس فوق وتحت الطبيعي محسن خالد02-01-05, 00:21 AM
        Re: رد عليكم: (الرجل الكلوروفيل) الجنس فوق وتحت الطبيعي nashaat elemam06-22-05, 11:50 AM
  Re: رد عليكم: (الرجل الكلوروفيل) الجنس فوق وتحت الطبيعي محمد السر02-01-05, 03:27 AM
    Re: رد عليكم: (الرجل الكلوروفيل) الجنس فوق وتحت الطبيعي محسن خالد02-01-05, 05:59 AM
      Re: رد عليكم: (الرجل الكلوروفيل) الجنس فوق وتحت الطبيعي محسن خالد02-02-05, 02:46 AM
  Re: رد عليكم: (الرجل الكلوروفيل) الجنس فوق وتحت الطبيعي محمد السر02-02-05, 03:09 AM
  Re: رد عليكم: (الرجل الكلوروفيل) الجنس فوق وتحت الطبيعي الجندرية02-02-05, 03:10 AM
    Re: رد عليكم: (الرجل الكلوروفيل) الجنس فوق وتحت الطبيعي محسن خالد02-02-05, 03:56 AM
      Re: رد عليكم: (الرجل الكلوروفيل) الجنس فوق وتحت الطبيعي محسن خالد02-03-05, 00:52 AM
        Re: رد عليكم: (الرجل الكلوروفيل) الجنس فوق وتحت الطبيعي محسن خالد02-05-05, 02:08 AM
          Re: رد عليكم: (الرجل الكلوروفيل) الجنس فوق وتحت الطبيعي محسن خالد02-06-05, 02:04 AM
            Re: رد عليكم: (الرجل الكلوروفيل) الجنس فوق وتحت الطبيعي محسن خالد02-06-05, 11:08 PM
              Re: رد عليكم: (الرجل الكلوروفيل) الجنس فوق وتحت الطبيعي محسن خالد02-08-05, 00:05 AM
                Re: رد عليكم: (الرجل الكلوروفيل) الجنس فوق وتحت الطبيعي محسن خالد02-10-05, 02:08 AM
                  Re: رد عليكم: (الرجل الكلوروفيل) الجنس فوق وتحت الطبيعي محسن خالد02-11-05, 08:22 AM
                    Re: رد عليكم: (الرجل الكلوروفيل) الجنس فوق وتحت الطبيعي محسن خالد02-13-05, 08:44 AM
                      Re: رد عليكم: (الرجل الكلوروفيل) الجنس فوق وتحت الطبيعي محسن خالد02-14-05, 06:34 AM
                        Re: رد عليكم: (الرجل الكلوروفيل) الجنس فوق وتحت الطبيعي محسن خالد02-16-05, 04:32 AM
                          Re: رد عليكم: (الرجل الكلوروفيل) الجنس فوق وتحت الطبيعي محسن خالد02-18-05, 12:08 PM
    Re: رد عليكم: (الرجل الكلوروفيل) الجنس فوق وتحت الطبيعي محجوب البيلي05-09-05, 04:59 AM
  Re: رد عليكم: (الرجل الكلوروفيل) الجنس فوق وتحت الطبيعي وانجا02-19-05, 03:20 PM
  Re: رد عليكم: (الرجل الكلوروفيل) الجنس فوق وتحت الطبيعي Kabar02-19-05, 06:25 PM
    Re: رد عليكم: (الرجل الكلوروفيل) الجنس فوق وتحت الطبيعي sympatico02-19-05, 10:18 PM
  Re: رد عليكم: (الرجل الكلوروفيل) الجنس فوق وتحت الطبيعي محمد السر02-20-05, 00:09 AM
  Re: رد عليكم: (الرجل الكلوروفيل) الجنس فوق وتحت الطبيعي domdom02-20-05, 07:12 AM
    Re: رد عليكم: (الرجل الكلوروفيل) الجنس فوق وتحت الطبيعي بدري الياس02-23-05, 11:15 PM
      Re: رد عليكم: (الرجل الكلوروفيل) الجنس فوق وتحت الطبيعي Shinteer02-27-05, 08:36 PM
  Re: رد عليكم: (الرجل الكلوروفيل) الجنس فوق وتحت الطبيعي وانجا03-04-05, 07:31 AM
    Re: رد عليكم: (الرجل الكلوروفيل) الجنس فوق وتحت الطبيعي محسن خالد03-04-05, 10:48 AM
      Re: رد عليكم: (الرجل الكلوروفيل) الجنس فوق وتحت الطبيعي وانجا03-04-05, 05:47 PM
        Re: رد عليكم: (الرجل الكلوروفيل) الجنس فوق وتحت الطبيعي محسن خالد03-05-05, 11:06 AM
          Re: رد عليكم: (الرجل الكلوروفيل) الجنس فوق وتحت الطبيعي محسن خالد03-12-05, 07:54 AM
            Re: رد عليكم: (الرجل الكلوروفيل) الجنس فوق وتحت الطبيعي محسن خالد03-12-05, 08:15 AM
  Re: رد عليكم: (الرجل الكلوروفيل) الجنس فوق وتحت الطبيعي محمد السر03-13-05, 03:02 AM
    Re: رد عليكم: (الرجل الكلوروفيل) الجنس فوق وتحت الطبيعي ABUKHALID03-13-05, 09:04 AM
      Re: رد عليكم: (الرجل الكلوروفيل) الجنس فوق وتحت الطبيعي محسن خالد03-15-05, 04:20 AM
  Re: رد عليكم: (الرجل الكلوروفيل) الجنس فوق وتحت الطبيعي محمد السر03-16-05, 01:39 AM
    Re: رد عليكم: (الرجل الكلوروفيل) الجنس فوق وتحت الطبيعي محسن خالد03-16-05, 02:53 AM
  Re: رد عليكم: (الرجل الكلوروفيل) الجنس فوق وتحت الطبيعي محمد السر03-18-05, 03:12 AM
    Re: رد عليكم: (الرجل الكلوروفيل) الجنس فوق وتحت الطبيعي محسن خالد03-19-05, 01:16 AM
      Re: رد عليكم: (الرجل الكلوروفيل) الجنس فوق وتحت الطبيعي محسن خالد03-19-05, 01:29 AM
        Re: رد عليكم: (الرجل الكلوروفيل) الجنس فوق وتحت الطبيعي Arbab06-27-05, 01:03 PM
      Re: رد عليكم: (الرجل الكلوروفيل) الجنس فوق وتحت الطبيعي Kostawi07-12-05, 12:02 PM
      Re: رد عليكم: (الرجل الكلوروفيل) الجنس فوق وتحت الطبيعي فتحي البحيري07-15-05, 07:29 AM
  Re: رد عليكم: (الرجل الكلوروفيل) الجنس فوق وتحت الطبيعي خضر حسين خليل03-24-05, 03:37 AM
    Re: رد عليكم: (الرجل الكلوروفيل) الجنس فوق وتحت الطبيعي محسن خالد03-26-05, 02:26 AM
      Re: رد عليكم: (الرجل الكلوروفيل) الجنس فوق وتحت الطبيعي محسن خالد03-26-05, 02:31 AM
        Re: رد عليكم: (الرجل الكلوروفيل) الجنس فوق وتحت الطبيعي Balla Musa03-26-05, 09:32 AM
          Re: رد عليكم: (الرجل الكلوروفيل) الجنس فوق وتحت الطبيعي محسن خالد03-26-05, 11:14 PM
            Re: رد عليكم: (الرجل الكلوروفيل) الجنس فوق وتحت الطبيعي محسن خالد03-30-05, 04:43 AM
              Re: رد عليكم: (الرجل الكلوروفيل) الجنس فوق وتحت الطبيعي محسن خالد04-03-05, 02:41 AM
                Re: رد عليكم: (الرجل الكلوروفيل) الجنس فوق وتحت الطبيعي Balla Musa04-03-05, 09:32 AM
                  Re: رد عليكم: (الرجل الكلوروفيل) الجنس فوق وتحت الطبيعي محسن خالد04-03-05, 01:41 PM
                    Re: رد عليكم: (الرجل الكلوروفيل) الجنس فوق وتحت الطبيعي محسن خالد04-06-05, 04:11 AM
                      Re: رد عليكم: (الرجل الكلوروفيل) الجنس فوق وتحت الطبيعي محسن خالد04-13-05, 01:22 AM
                        Re: رد عليكم: (الرجل الكلوروفيل) الجنس فوق وتحت الطبيعي محسن خالد04-24-05, 06:04 AM
  Re: رد عليكم: (الرجل الكلوروفيل) الجنس فوق وتحت الطبيعي اشرف السر04-26-05, 06:20 PM
    Re: رد عليكم: (الرجل الكلوروفيل) الجنس فوق وتحت الطبيعي محسن خالد05-08-05, 03:31 AM
      Re: رد عليكم: (الرجل الكلوروفيل) الجنس فوق وتحت الطبيعي محسن خالد05-09-05, 03:17 AM
        Re: رد عليكم: (الرجل الكلوروفيل) الجنس فوق وتحت الطبيعي محسن خالد05-09-05, 08:50 AM
          Re: رد عليكم: (الرجل الكلوروفيل) الجنس فوق وتحت الطبيعي محسن خالد05-10-05, 04:47 AM
            Re: رد عليكم: (الرجل الكلوروفيل) الجنس فوق وتحت الطبيعي محسن خالد05-11-05, 03:05 AM
              Re: رد عليكم: (الرجل الكلوروفيل) الجنس فوق وتحت الطبيعي بدري الياس05-11-05, 11:35 AM
                Re: رد عليكم: (الرجل الكلوروفيل) الجنس فوق وتحت الطبيعي Mohamed Elboshra05-12-05, 06:03 AM
                  Re: رد عليكم: (الرجل الكلوروفيل) الجنس فوق وتحت الطبيعي محسن خالد05-12-05, 05:56 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de