محمد سليمان .. وكان لزومو الغلط من الاول شنو .. ياخي خليك منصف مع أخوك بقال .. الزول دا لو بهمك امره .. احسن تنصحه .. وتقعد توريهو الغلط من الصاح .. طوالي هو في حالة اعتذار وسحب بوستات .. ما تخلقوا لينا مناضل من كرتون .. عشان القضية ما يشيلها الهواء .. النفاق الزائد .. والتطبيل الخطأ " عشان تغيظ الآخرين " دي حركات بتضيع الزول دا .. ما تنفخوا فيهو كتير .. بنشرط والله ..
11-16-2005, 02:03 AM
Ahmed Mohammed Osman
Ahmed Mohammed Osman
تاريخ التسجيل: 10-10-2005
مجموع المشاركات: 1381
Quote: مشكلة الأخ أبراهيم بقال أنه أعتذر للجميع ( البيستاهل و الما بيستاهل ) . كان من الاجدر به أرسال أعتذاره بالماسينجر أنتقائيا ( لمن يحترم نفسه و نفسها من الكرماء و الكريمات) . لأن بعض اللئام أن أكرمتهم ..... أهنتهم ( و المعني واضح )
هل تعتقد حقيقة ان مشكلة ابراهيم بقال انو اعتذر للجميع؟؟؟ طيب ما هو ابراهيم بقال دا اساء للجميع برضو .. لي ما ارسل اساءته بالمسنجر انتقائيا؟؟؟؟ بعدين الاحترام دا انت قاصد بيهو انو الزول يتقبل الاساءة بصدر رحب؟؟؟؟ وله يمكن الاحترام هو الاساءة للناس في اعراضهم والاعتذار؟؟؟ بعدين حقيقة ابراهيم بقال اساء وحقيقة برضو اعتذر واعترف بي غلطتو وقبول الناس للاعتذار دا اتخيل لي الزمن كفيل بتفعيله ودي ما مشكلة المشكلة بقت في عبد الفتاح الجا ناطي وبخرف بي كلام فارغ اعتذر عنو بقال ... يلا نجي لي نضال الكرتون القالو حميدة بقال نال شهرة واسعة بسبب الكلام المغلوط القالو دا ودي حقيقة.. دا غير قصة اعتقالو الوهمية والتي كشفها زميل في المنبر يبقي نضالو وهمي + شهرة بالفاظ غير كريمة واساءة لعروض نساء = نضال كرتوني والظاهر انو عبدالفتاح عجبتو الفكر وداير يشتهر برضو علي حساب سمعة امراءة كل ما يعرف عنها الشجاعة والوطنية ... يبقي يا محمد سليمان الناس دي يا تركز وتحترم نفسها وتعرض قضيه دارفور بعيداً عن القيل والقال والقذف يا اما الرد -ودا شي طبيعي ح يكون مافي صالح زول - والبادي اظلم
ياعبد الفتاح شفتك كم مرة اون لاين وما جبت المراجع الذكرتها فوق دي الحاصل شنو؟؟
11-16-2005, 02:57 AM
humida
humida
تاريخ التسجيل: 11-06-2003
مجموع المشاركات: 9806
يا أبو حميد .. عبد الفتاح دا فكو خلاص .. عشاني .. هو حبا يشارك بكلمتين .. ويتفلسف شوية .. ويشوف نفسو بالكرفتة .. ويمكن كلمة مراجع دي .. تكون جديدة عليهو .. فحبا يستعملها .. ما تبقى ثقيل .. ولايوق ..
11-16-2005, 03:59 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: المشكلة بقت في عبد الفتاح الجا ناطي وبخرف بي كلام فارغ
Quote: ياعبد الفتاح شفتك كم مرة اون لاين وما جبت المراجع الذكرتها فوق دي الحاصل شنو؟؟
يا أحمد صاحبك ده مابجي لانو ما عندو موضوع .. كل العندو يجي يكتب ليهو كلمتين كدا حافظهم .. إلى السماء .. وفليرفرف عاليا خفاقاً وترهات كده عجيبة متكيف ليهو من كلمات منمقه كدا عايز يجي يفكها فينا وكلما الواحد يقول يسكت وما يهبش ليهو زول علشان ما يقولوا الناس دي بتتربص يجو يصرو ويحرجوك بي كلامهم الدراب دراب زي البكتبو فيهو ده .. صاحبك ده انا منتظرو لحدي الآن يرد لي بعدما جدع ليه كلمتين في بوست قديم لي ومشي.. الزول ده بيعاني من حاجتين 1- يا اما عايز يظهر زي صاحبو بقال ده ويقشر بي ردودو الغريبة دي 2- يا اما عايز يعمل لينا زلزال بس هنا .. لكن انا بعتقد أنو الزول ده .. رومانسي حالم ونرجسي للطيش بالرغم من أنو الجماعة أخوانو طلعو فيهو بيان طويل وعريض وقالو الراجل ده امنجي وعندو موتر سوزوكي مية خمسة وعشرين وعندو طبنجتين .. يلالا شوفو قال شنو الولد الفتك ده .. وما جاء راجع تاني ..
Quote: الصورة هي لطفل من دارفور مهما يقال ومهما قيل،لماذا لا نستوعب الحقيقة الماثلة أمامنا والتي أضحت تضاحي ضوء الشمس ، لماذا لا نحزن لها الطفل ؟ لماذا نحاول الإيعاذ بأن ما حدث في دارفور ليس حقيقة ؟ لماذا لانعترف ولو لمرة أن هذه الصورة حقيقة ؟
صورة واحدة من الصور الكثيرة المؤلمة .....................
حميدة و تمبس لكن باقي ليك لو فكيتو بنتحلا منو؟؟؟ يعني ما بلخلبت تاني؟؟؟؟ نعتبرو بتكلم برا راسو؟؟ مجنون؟؟؟ ما مشكلة عشان خاطركم .. نتجاوز المرة دي بس كنت عايز اسمع حاجة من حماة الادب والذوق والمرجعية وحقوق الانسان والعنصرية وووووو
وفي الانتظار
11-16-2005, 04:22 AM
Ahmed Mohammed Osman
Ahmed Mohammed Osman
تاريخ التسجيل: 10-10-2005
مجموع المشاركات: 1381
Quote: بس كنت عايز اسمع حاجة من حماة الادب والذوق والمرجعية وحقوق الانسان والعنصرية وووووو
حسع بكونوا نايمين .. يااحمد عندك ( جنابو ) عبد الفتاح ده .. ممكن يزازي بيك يا يفسحك بي موترو ده ويعمل ليك فرش متاع لحدي ما الوردية التانية تصحى وتجي تستلم منو .. . . ياكمان يكون عبدالفتاح ده مشى مكتبة الجامع الكبير علشان يجيب ليك المراجع بتاعت مهيرة دي .. . . وقال شنو ؟؟ قال احييك على شجاعتك يا بقال ..
ياخ قوم بلا فقر معاك .. عملت لينا قيرقان
11-16-2005, 04:48 AM
humida
humida
تاريخ التسجيل: 11-06-2003
مجموع المشاركات: 9806
المشكلة الضحية في الامر كلو دا .. هو ابراهيم بقال نفسه .. بُيستعمل كعنصر مشوش لعمل زلزال وطمام بطن .. الناس ديل شغالين بمبدأ الحرب مكيدة .. وبحرقوا في مغفل نافع جديد .. ولحدي ما تخلص الكروسة .. شيلوا الصبر .. !!
11-16-2005, 05:28 AM
Ahmed Mohammed Osman
Ahmed Mohammed Osman
تاريخ التسجيل: 10-10-2005
مجموع المشاركات: 1381
الناس دي لو كانت شافت ليها شغلة تاني مش احسن؟ اول مرة اشوف لي زول كادر في تنظيم وكتاباتو كلها غلط خليك منطقو يعني مش المفروض الناس دي يكون عندها ناس بتصحح ليها كلاما قبل ما ينزل ولا رابطة دي شنو يعني
كدي يا تمبس وحميدة تعالو نعمل رابطة ولا حركة نسميها حرطة تحرير السودان بس من شنو ومن منو ما مهم المهم بس شوفة عيونكم
ابه رايكم؟؟؟؟
11-16-2005, 06:14 AM
humida
humida
تاريخ التسجيل: 11-06-2003
مجموع المشاركات: 9806
انا داير اناضل من زمان .. وكل ما اقول امسك ليك حتة يا ولد .. واتخصص فيها .. القى ليك زول اتشعبط وكنكش فيها .. اتجهت مؤخرا الي دراسة سوق "الجضاض" .. والقيود المكبلة لتجارة اللحوم البيضاء في السودان .. رغم أنه اقتصاديا ثبت وبما لا يدع مجال للشك .. ان "الجضاض" اقل تكلفة بالمقارنة مع الماشية .. وقد يساعد في ردم الفجوة الغذائية الهائلة في السودان .. والسودان مهيأ مناخيا وزراعيا لاستيعاب مشاريع ناحجة للاستثمار في لحوم " الجضاض " فأقترح علي الاخوة الكرام .. تأسيس جمعية تحرير " الجضاض " .. وعلي فروعنا في الإقاليم مراعاة فروق التوقيت .. يعني ما يجينا زول فارق زمن .. !!
11-17-2005, 01:42 AM
Ahmed Mohammed Osman
Ahmed Mohammed Osman
تاريخ التسجيل: 10-10-2005
مجموع المشاركات: 1381
ماذا يضير (مهيرة بنت عبود) إذا صح القول بأنها (داعرة) ، أو بالاحري هل سيغير هذا من واقع كونها مهيرة التي فعلت كذا وكذا ، ما المشكلة إذا صح ادعاء بقال واتضح أن مهيرة كانت (داعرة)، من المتضرر في هذه الحالة؟ التاريخ أم رأسمال المدافعين عنها الرمزي .
فلنقل إن مهيرة (داعرة) ، هل يستحيل كل مافعلته إلي رماد ؟ علي ماذا يركز المدافعين عنها هاهنا ؟ هل علي كونها رمز للطهر والعفة أم علي دورها الوطني ؟ ومن جهة أخري ماذا إذا حالف الحظ الأخ(عبد الفتاح)وتوفر علي المراجع إياها؟ أين سيكون موقع (مهيرة) ضمن (الرأسمال الرمزي) للمدافعين عنها ، هل سيتم إقالتها من التاريخ ؟
أما الفريق الخصم:
والحديث موجه بشكل خاص إلي الأخ عبد الفتاح
أذا حالفك الحظ وتوفرت علي المراجع المزعومة واثبت بما لايدع مجالا للشك أن (مهيرة) ليست داعرة وحسب بل تدير ماخورا، أي فائدة نجني؟ إلي أين تقودنا ؟
تحياتي
11-19-2005, 04:57 AM
humida
humida
تاريخ التسجيل: 11-06-2003
مجموع المشاركات: 9806
الاخ عثمان عجبين .. كتبت في مداخلة سابقة في هذا البوست ..
Quote: المشكلة يا جماعة وين .. هل في مهيرة بت عبود .. ونتغالط في المراجع .. من الاول الدخلها في الحوار شنو .. مهما كانت .. لا أعلم عنها غير مواقف تاريخية مختصرة .. فهي رمز من رموز التاريخ السوداني .. وأظن أن التاريخ للسودان جميعه .. جنوب وشمال وشرق وغرب .. تعرض بقال للعنصرية او حتي " المسح بالبلاط " .. لا يعطيه الحق .. بسب أو التعريض بشخص آخر .. خارج نطاق الحوار .. مهيرة .. بما لها وما عليها .. ماتت وشبعت موت .. ولا تعتبر رمز لفئة او قبيلة معينة .. ليتم شتمها للنيل منهم ..
Quote: يتعرض بقال للاستهزاء والسخرية .. وليس للعنصرية .. فهو ضعيف في اللغة العربية .. قواعد واملاء .. واذا كان لا يرتضي اللغة العربية .. فليأتي بلغته الخاصة .. وسنتعامل معها ما استطعنا الي ذلك سبيلا .. علي شرط صحة الاملاء وتناسق الكلمات .. والمقدرة علي صياغتها في جملة مفيدة ..
الشئ الآخر .. علي بقال .. " نصيحة مجانية " البعد كل البعد عن قضية دارفور .. فأهل دارفور " لهم الله " يكفيهم ما هم عليه .. بقال يعتبر " عنصر مشوش " علي كثير من الامور التي تخفى علي رجل الشارع البسيط .. والتي نريد من ابناء دارفور المثقفين والمطلعين علي خفايا الامور توضيحها لنا .. فكما يعلم الجميع هناك امور كثيرة وخلفيات تاريخية تحتاج الي توضيح عاجل .. بقال " علي حسب ما يكتبه هنا " .. لا مثقف ولا مطلع .. ولا يعلم حتي أنه لا يعلم .. والمرحلة حساسة .. " ما وكت يتعلم لينا فيهو ركوب العجلة " ..
11-19-2005, 09:19 AM
Ahmed Mohammed Osman
Ahmed Mohammed Osman
تاريخ التسجيل: 10-10-2005
مجموع المشاركات: 1381
Quote: ماذا يضير (مهيرة بنت عبود) إذا صح القول بأنها (داعرة)
Quote: أذا حالفك الحظ وتوفرت علي المراجع المزعومة واثبت بما لايدع مجالا للشك أن (مهيرة) ليست داعرة وحسب بل تدير ماخورا،
بين العبارتين ديل في سمعة امراءة وغير كدا حبوبتنا ... اذا كان الاسلام الايام دي بيشوه كله بسبب فئة متهورة وارهابية وكان زملائي واصدقائي واهلي ماتو او حتي تم ضربهم بسبب موت جون قرن واحنا شمالين وكان الشوايقة يعلق عليهم مشاكل الانقاذ وكان العروبة تحتقر لاسباب بي الجد ما عارفها شنو انا وكنت انا مسلم عربي شمالي شايقي وكنت بسكت ودي برضو ما عارفها ليه المهم بسكت فدا كلو كوم وسمعة حبوبتنا دا كوم تاني عارف كوم تاني كيف؟؟؟ لو جاب مراجع عندي ليهو كلام بعدين الموضوع ما بقبل انو البضيرا شنو وهي وانا عارفين هي كانت شنو براحة كدا لو جا زول ومسك مكرفون وقال واحدة من اهلك داعرة وعندو اثبات ح تقول ليهو انا عارفها هي شنو وتمشي؟؟؟؟؟؟ انا غايتو ما بمشي
11-19-2005, 01:33 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة