|
غائبون عن الساحة
|
أهل العوض أبو حراز بدر الدين شنا أبكر آدم إسماعيل دومه قرشو ديك الجن صلاح درار يارا الخواض ود عزه أبنوسه وجن عزه أبو يوسف أم درماني بامسيكا ودكتور نت السنجك وبنت الجزيرة ياسر الشريف زولا 123 وجن حسن الجزولي كبر منوت بيان ساري الليل يحى إبن عوف عادل أمين الخواض ودر ميله عاطف عبد الله ياسيكو الخواض الزومه زوربا فتحي البحيري زمراوي إنسانه حنينه بشرى الفاضل لنا مهدي ياسر حنا إيمان أسامه الخاتم بت الأحفاد حبيب الكل روعه سوما قرنفل رقيه وراق مهيره أنور عمر أزرق ود الحلفاية كولا عسوله الجعلي مودي موديك الفاضل دينق زاكي أبو تميم شرير والبرتقاله كوفي راكوبه فنجري مشاكس مهاجر إشراقه مصطفى أبو يوسف جيمس الكيك مامان سودانية 2000 بن بن فتحي البحيري توما دبيب ندا أمين حسن المك الرشيد أحمد أبو القاسم رقم صفر نصار ريل بنيه وليد 500 عمر رجب طارق إسماعيل جاد بناديها خضر أو خدر
|
|
|
|
|
|
|
|
Re: غائبون عن الساحة (Re: dreams)
|
الملا عمر "الملا وعمر" بفتح الميم واللام العين وتشديد الميم مع فتحها"
شكرا للسؤال وأختك والله مزنوقة زنقة ترزي في يوم الوقفة "على حد تعبير نادوس" فأمر الآن بتجربة صعبة ومرهقة وآمل أن تكلل بالنجاح، وأسأل الجميع الدعاء بأن تكلل بالنجاح قولوا يا رب
| |
|
|
|
|
|
|
Re: غائبون عن الساحة (Re: Raja)
|
أنا
انا الذى نظر الاعمى الى ادبى واسمعت كلماتى من به صمم
وليس الفتى من يقول كان ابى ولكن الفتى من يقول هانذا!!!!!!!!!!!!!!!!
| |
|
|
|
|
|
|
Re: غائبون عن الساحة (Re: bayan)
|
سلام مربع
سيدي الملا عمر سلام مربع خاص وانت تذكرنا بمن عاب من اخوتنا برضو اضيف
دكتوره الساره ميرفت نصر الدين
نورا ريل هاله قوته راويه العباسي نهي جي غدي ابو مهيار اسامه الخواض حمزه سليمان زوربا هدهد السمندل جبران روبينسون اساسي المطر serenader انور كينج
يارب تتحسن ظروفهم ويرجعوا ينورا البورد بطلتهم
| |
|
|
|
|
|
|
Re: غائبون عن الساحة (Re: shiry)
|
أظن أنه يجب على الأخ بكري أبو بكر السماح لنا بتكوين لجنة تهتم بمسألة غياب الأعضاء خاصة وأن باب التسجيل في المنبر مغلق إلى أجل غير مسمى. وأرى أن تكون هناك عقوبات تتمثل في كتابة أربعة مقالات جديدة في أقصاها إلى مقال أو التعليق على مقالين بالمنبر كحد أدني ، لأنني بصراحة أجد أن عدد الغائبين كبير جدا. ما رأيكم دام فضلكم.
| |
|
|
|
|
|
|
Re: غائبون عن الساحة (Re: almulaomar)
|
السلام عليكم اخوي الملاعمر كتر خيرك وان شاء الله عافيه انا قاعده اجي كل يوم اشوف البورد وناس البورد علا (بكسر العين وتشديد اللام)) بقيت مابقدراكتب باقي الرطوبه بعيد عنك خلخلت الاصابع. اضم صوتي لصوتك واسأل عن كل الحبايب الغايبين ارشحك تكون الفه للبورد يااخوي عشان تسجل الغياب وتعاقب كل من يتغيب عن البورد لاكثر من اسبوع بدون سبب مقنع والشهادات المرضيه لاتقبل عشان بتكون مزوره.
| |
|
|
|
|
|
|
Re: غائبون عن الساحة (Re: bint algazeira)
|
الحبيب الملا عمر
نذكرك في روضة الحبيب ونديك الفيها النصيب
انا موجود اشارك في بوستات الاخوان فقط انا توقفت منذ فترة
راجع بوست
لن ينجح المهرجان في الارشيف وتعرف السبب
شكرا لسؤالك
| |
|
|
|
|
|
|
Re: غائبون عن الساحة (Re: مهاجر)
|
الأخ العزيز مهاجر أذكرني في أى روضه إن شاء الله روضة ست وداد التي خرجت فطاحلة أمثال عمو قرجه - لزوم المبالغة في الكلام - لأنو قرجة خريج كتاتيب أو ربما خلوة الفكي صالح ولا أزيد ، المهم يا مهاجر في الموضوع هو الفيها النصيب دي ، والنصيب بالنسبة للمهاجرين يفوق الألف دولار أمريكي وبالعدم أرسلها باليورو عن طريق تيلي موني أو أى طريقة أخرى يرتأيها سيادتكم وفي حالة تعذر مرور مكالمتك يمكنكم سيدي التفضل بتحويل الفيها النصيب على البن الذي أتعامل معه ولحسن الظ أنه موجود في مدينة نيويورك وبالتالي لا إرهاب ولا يحزنون أما رقم حسابي وأرقام هواتفي تجودنها على الشاشه مش الغشاشة شاشة تلفزيون جمهورية السودان:
JP Morgan Chase Bank, New York
| |
|
|
|
|
|
|
Re: غائبون عن الساحة (Re: رقية وراق)
|
لك دوما فى القلب مقام يا بنت الوراريق...و يا الوراريق ليكم بصيح...و يسأل عنك الخير...نحن نعرف قدرك قدر معرفتنا للوراريق..شغلتنا مشاغل الدنيا ولكن نرجو ان نعود كما نود
ابن النخيل
| |
|
|
|
|
|
|
Re: غائبون عن الساحة (Re: ايهاب)
|
الاخ الفاضل الملا عمر
يسأل منك الخير
موجودة احيانا بسبب المشغولية وبرضو قلنا نسمع اكتر مما نقول!!!
اين Yaserhana Abdo Sudany Agooz وعيد ميلاد سعيد للاخ سودانى عجوز تحياتى
| |
|
|
|
|
|
|
Re: غائبون عن الساحة (Re: willeim andrea)
|
أخي وليم أندريه أباوت يو يا أخي إنك بقيت مقل في كتاباتك ومشاركاتك في البورد وحق علينا أن نفتقدك وجميع الأحباب هذا كل شئ أباوت يو أما عدم ذكر إسمك ربما لأن الذاكرة شاخت وربما لأن القائمة أطول من البانودثات المسموح بها في منتدانا هذا. تسلم للطله يا رايق
| |
|
|
|
|
|
|
Re: غائبون عن الساحة (Re: Rawia)
|
ربنا يطمئنك يا راويه ، وللجميع فإن أخونا العمدة قرشو فإن إنترنته مقطوعة من جذروها الأمر الذي لا يمكنه من التواصل مع المنبر وبذلك لن يتمكن من الدخول قريبا وربما يدخل مع دخول العام الجديد بعد يومين إن شاء الله
| |
|
|
|
|
|
|
Re: غائبون عن الساحة (Re: Raja)
|
الأخت رجاء لي رجاء أن تتفضلي مشكورة وتعفيني من الترشيح لمنصب الألفه هذا فهو عادة ما يكون مرتبطاً بطالب مفتول العضلات له سنوات خبرة معتبرة في الدراسة ومن النوع الذي يأخذ الإبتدائية في عشر سنوات والمتوسطة في خمس أعوام على أحسن تقدير إضافة إلى أنه عادة ما يأكل ملح من سندوتشات ناس حماده وهو بالضرورة يدخن سيجار متى ما سمحت الظروف بذلك غير أن كيس تمباكه لا يفارق جيبه ويمتلك ربما عجله دبل كما يقولون أو يمارس هواية الشعبطة في عربات الكارو واللواري ولا يدفع لا بالتي هي أحسن أو بغيرها في المواصلات ويجلس في آخر كنبه في الفصل ويدخل الرعب في قلوب التلاميذ النجباء وأستاذ الرياضيات لضعف بنيته وأكثر لحظات سعادته تكون في حصة التربية البدينة أو فسحة الفطور ، ويندر أن يخرج أو يدخل من باب المدرسة وبخاصة تلك المدارس التي تمارس الإنضباط ، وهو قادر بفضل بنيته الرياضية من القفز فوق الأسوار والأشجار واالأسلاك الشائكة. وبرضو عاوزاني أكون ألفه أنا الموقع أدنا وبكامل قواى العقلية أتنازل عن لقب الألفه لمن يريد.
| |
|
|
|
|
|
|
Re: غائبون عن الساحة (Re: Raja)
|
الأخت رجاء أنسى موضوع الملا وخليها عمرولا أقول ليك ضيفي ليها واو في الآخر تبقي عمرو دياب وأظن صعب يكون ألفه في بلد يقف على خشبة مسرحها شعبله وأمثاله.
| |
|
|
|
|
|
|
Re: غائبون عن الساحة (Re: almulaomar)
|
يعني يا رجاء الفصل راق بعدعملوك ألفة؟ ...والله تلقيهو لحدي اسة جايط تسلمي يا ستي على السؤال لكن والله أنا اكتشفت إنه فتحي البحيري الكان بيكتب الكتابات الكتيرة دي من السودان يستحق جائزة نوبل في الصبر والجلد والكتابة أنا بدخل البورد يومي ..وبالليل...لكن بآخر نفس يصلح للقراءة فقط ..ولا أستطيع ان امد يدي للكي بورد نامل ان ينصلح الحال قريبا لك تحياتي وما زلنا في انتظارك ومجهزين كانون الشية وبالمناسبة راس السنة كالعادة عند منذر ..وبرضو بي كانونه الكبير داك تحياتي لسارة وخالتي علوية فيصل
| |
|
|
|
|
|
|
Re: غائبون عن الساحة (Re: almulaomar)
|
يــــــا حليلكم يا فيصل صالح ويا حليل لمه ناس منذر وفاطمه ويــــــاحليل السودان مهمتي كانت الشيه وتتبيلها وفاطمه السلطات ومنذر الشوي وايمن الفاتح النقه يا حليل هندسه القاهره وناسها ابو عبيده وعزت وامين قنجاري وحليم ابو قصيصه( .....الزمالك) وناس امنه ونهله بالمناسبه انا احتمال اقضي راس السنه مع ناس امنه ابوقصيصه وسلام كتييييير لي امين اشقر وال العقلي زول زول كبيرهم لي صغيرهم وسلام للوالده عزيزه مكي وطبعا لي سميه كتير السلام والحب وانت النبي ما تغيب كدا ومعليش يا الملا عمر انا عملت الحاله واحده و سويتو ما يطلبه المستمعون
و الوصيه بالمهله نجاه عبد السلام بتسلم عليكم كلكم وساله منكم
(عدل بواسطة Rawia on 12-30-2003, 01:51 AM) (عدل بواسطة Rawia on 12-30-2003, 01:55 AM)
| |
|
|
|
|
|
|
Re: غائبون عن الساحة (Re: ود عقاب)
|
الوقور الملاعمر : تحياتي
حسن الجزولي إنسانة ود الشيخ حبيب بلدو الفاتح يسن الموصلي ياسر الشريف
أما سيف كلي فهو في إجازة بالسودان و سيصل بحول الله يوم السبت القادم
| |
|
|
|
|
|
|
Re: غائبون عن الساحة (Re: almulaomar)
|
هى محاولة طيبة وجميلة منكم فى السؤال عن اعضاء البوست الذين غابو عنا لظروف خاصة بهم خطوة جيدة فى ان نبحث سويا ونسال ايضا عن
فيصل حسين
اسامة زيو
ابويسرا
زمراوى
سوباوى
واملى كبير فى ان يكونو على خير ونجدهم بيننا
تحياتى
| |
|
|
|
|
|
|
Re: غائبون عن الساحة (Re: almulaomar)
|
ياسلام ياعبد العاطي ياخي شكرا ليك كتير انو انا على البال لسع زي ماقالت سميرة سعيد تاني حاجة كل سنةوانت طيب وسودانيز اون لاين واوف لاين كلهم طيبين وربنا يحقق الاماني والملا عمر طلع اي كلام لوووووووول يكه
الشرغوف بكاش ابو احمد سماح اوتماتيك سماح بوكو زيكو
وشكرا
زاتووووووو
| |
|
|
|
|
|
|
Re: غائبون عن الساحة (Re: ALZOLZATOO)
|
أخي الزول زاتووووووو ألف حمد لله على سلامتك وبركه الشفناك ولسانك حصانك ويبدو أن حصانك هنا دبل قبين والدليل قوى عضلات اللسان وبالمناسبة أرجو أن تحسب عدد تكرار حرف الواو في توقيع سيادتكم وفي ترحيبي بكم حتى لا أكون قد أنقصت العدد وأكون من المطففين. أشكر لك خروجك كما أخرجت عملية حفرة العنكبوت فخامة الرئيس من جحره ليؤكد لنا ما جاء في الشعر في شأن الحكام: أبصر الحكام أعشى أكثر الحكام زهداً يحسب البصقة قرشا أطول الحكام سيفا يتقي الخيفة خوفه ويرى اللاشئ وحشا أوسع الحكام علماً لو مشي في طلب العلم إلى الصين لما أصبح جحشا
أعذر شيخوخة ذاكرتي فأنا لن أستطيع إحصاء الغائبين وإن حرصت وأن سقوط إسم سيادتكم سهواً من كشوفاتي لا يعني أنكم غير أهل للذكر ، سلمت يا سيدي للطله وسلم لسانك
| |
|
|
|
|
|
|
Re: غائبون عن الساحة (Re: almulaomar)
|
شكرا الملا عمر والجميع على السؤال واسال ايضا عن عبدالاله زمراوى حمزاوي امادينق فغائب بسبب اعياد الكرسمس وراس السنة
العزيز نهار الفتى الماهرى غائب لرغبته فى تنظيم بعض الامور واداء بعض المهام وسيعود قريبا
| |
|
|
|
|
|
|
Re: غائبون عن الساحة (Re: degna)
|
الملا عمر تسلم علي السؤال متواجدة هذه الأيام و اختفي احيانا لظروف العمل والله الواحد حاسي انه بين اهله البفقدوه عند الغياب لك تحياتي وربنا يرجع الغايبين
| |
|
|
|
|
|
|
Re: غائبون عن الساحة (Re: zumrawi)
|
الغالي زمراوي مشكور علي الاخبار تحياتي لعزت وقول ليهو نهار بسال منك وبتمني ليكم سنة جديدة عامرة بالافراح والانجازات
مع ودي نهار
| |
|
|
|
|
|
|
Re: غائبون عن الساحة (Re: almulaomar)
|
صديقي الملا عمر .. شكراً على سؤالك عني .. تحياتي للحضور جميعاً ، تحياتي للغائبين .. ظروف والله يا خوانا .. ظروف ..
الأستاذة رجاء تقوم بدور الألفة بمهنية عالية ..
| |
|
|
|
|
|
|
Re: غائبون عن الساحة (Re: Ahlalawad)
|
أخي أهل العوض الحمد لله أن أمر غيابكم إقتصر على بعض المشغوليات في الحياة الدنيا وكنت أخشى ما أخشاه عليكم أن تكونوا مكرمسين في بقعة من بقاع العالم التي تسمح أنظمتها بإقامة إحتفالات الكريسماس ، ولأنك عوضي قح خشيت عليك من موسيقى الراب.
| |
|
|
|
|
|
|
Re: غائبون عن الساحة (Re: almulaomar)
|
الملا عمر .. التحيه ليك قدر الطيبه الجواك يا نيل بلدى .. ما تفقدك شينه يا دخرينا .. رغم البعد الطال يعلم الله كلكم فى البال .. والله مشغوليات لكن حقك علينا ما المفروض نختفى كده .. على الاقل من وقت لى وقت نطل ..انا بوعدكم ان شاء الله واسال المولى التوفيق للجميع.. وكتر الف خيرك يا ملا يا حنين ويديك الف الف عافيه يا صافى النيه
| |
|
|
|
|
|
|
Re: غائبون عن الساحة (Re: almulaomar)
|
حبيبنا وملتنا عمر
كتر الف خيرك وتسال عنك العافية ان شاء الله
الدكتورة مهيرة شكرا ليك كتير والله انا موجود بس كنت في مامورية عمل في الخلا، تسال عنك العافية ان شاء الله
الزوووووووول زااااااااااتو
والله الف حمدلله على السلامة والحمد لله البوست ده المرقك لينا، والله الشوق مطر بس اوع تقول لي المره ضفرتك من هسع ومنعتك النت
| |
|
|
|
|
|
|
Re: غائبون عن الساحة (Re: Yassir7anna)
|
الأخ / العزيز الملا عمر و Raja لكم منى كل الشكر و القدير ذكرتكم العافيه أنا موجود دائما لكن ظروف العمل تحكمنى أحيانا من المشاركه
لكم منى أحلى و أجمل الأمنيات
| |
|
|
|
|
|
|
Re: غائبون عن الساحة (Re: almulaomar)
|
الملا عمر ، رجاء ، راوية وبقية العقد لكم التحبة يعني أنا بقيت زي الكل يوم معانا ، ما حد بيسأل عني ، ما برضو ساعات النوم نحن ما بنكون موجودين ، يعني الواحد يغيب كم من الزمن عشان الناس تسأل عنه يسأل عنكم الخير يا طيبين ما شايف تمبس لا في البورد ولا في الرياض ، شوفوا لي الولد ده مشى وين
| |
|
|
|
|
|
|
Re: غائبون عن الساحة (Re: Raja)
|
كثر الله خيرك يا رجاء ما قصرت في تفقد احوال ناس البيت ربنا يديك في 04 الما اداكى ليهو فى 03
Happy New Year player 1/1/04
| |
|
|
|
|
|
|
Re: غائبون عن الساحة (Re: Raja)
|
العزيزات بنات العباسي
ليتني لي من حضوركن البهي بعض
بالمناسبة يا راوية
سلمي لي على الأخت نجاة عبدالسلام وقولي ليها أختك ليلى من الدوحة بتسلم عليكي
| |
|
|
|
|
|
|
Re: غائبون عن الساحة (Re: ود العجمى)
|
الملا عمر و الاخوة و الاخوات الاحباب......التحيات الطيبات
كل سنة و انتو طيبين و السنوات الجاية اجمل و احلى و الله غيبتنا بتتعبنا اكتر منكم لكن نسوى شنو ما باليد حيلة و استعير عبارة ود العجمى ( تتعدد الاسباب و الاختفاء واحد) ....ربنا دائما يلم الشمل و مافى زول يغيب!!! يا اخوانا تخيلوا معاى لو ربنا قبل دعوتى دى و جينايوم لقينا كل اعضاء البورد اون لاين !!! لوووووووول اكيد اول عكاز على رأسي حيصلنى من بكرى بعد ما البورد يطرشق
| |
|
|
|
|
|
|
Re: غائبون عن الساحة (Re: almulaomar)
|
الملا عمر الود والتحية وكل سنة وانت وكل الناس بخير لك الشكر وانت تبحث عن الغائبين وتنادي
رقية وراق ودريمز
لكما الود اقصاه والشكر كله هو الغياب القسري لظروف العمل وهانذا اعود وما لدي الا الود والتقدير كم هو دافئ هذا المنبر....نحتاج عودة كل الناس دون فرز
عبد الله جعفر
| |
|
|
|
|
|
|
Re: غائبون عن الساحة (Re: ملكة سبأ)
|
malikat saba salam thanks for asking iam thousands of miles away from home, visiting dear friends from the board i will be back in arabic soon kulli sana wa al gamee3 bi kheir salam
| |
|
|
|
|
|
|
Re: غائبون عن الساحة (Re: almulaomar)
|
أنا حردان...أنا حردان منكم يا أخواني وأخواتي مالو مافي زول سعل عني..السعال اليمسكم..( الكتكوته) ............ مالكم ومالكن ما بتسألوا علي. ما عندي فيكم وجيع يعني..أصبروا تاني كان أساهم ليكم..والله اقول ليكم اي حاجة...اصلو أنا مما ماتت أمي السنة الفاتت بقيت ( ملطشة) زمان أمي تسأل على وتغتيني وأنا كبير..وتسأل مني إن غبتا..ولما اجي ترجيني الأكل السمح وقراصة القمح ........... يعني ما عيب عليكم الكلام دا..بوست أرررر جاري زي المطر اسمنا ما يجي فيهو.دا كلام دا...أنتو قايلين انا هين والله لين..حومة والله دومة.. والله قايلني مقطوع راس والله ورقة كراس.. ...................... عيب عليكم البي تسووا فيهو دا..هسه حردان ذاتو..ما بقدر ابارك ليكم العيد بي حردتي دي..
| |
|
|
|
|
|
|
Re: غائبون عن الساحة (Re: almulaomar)
|
يسأل منكم الخير يا جماعة... وكل سنة وانتو طيبين وتامين ولامين انشاء الله زي شفت اسمي ذكرته العزيزة رجاء... تسلمي يا عزيزتي وإنشاء ما نعدمك
شايفة الغياب كنير خلاص ، طيب مواضيع البورد دي البكتبها منو؟ انا غايتو سبب غيابي الوحيد مشاغل الدنيا و العمل ،بس الواحد ما بقدر الا يديها قراءة سريعة للمواضيع من وقت لآخر.
ربنا يجمعنا على الخير دايما بالله يا جماعة الزول الحردان و زعلان ده راضوه بحاجه الدنيا عيد ، كان يرضى ليكم .
لكم تحياتي
| |
|
|
|
|
|
|
|