حـكايــــة عــــوض ود حــلتــنـــا

مرحبا Guest
اخر زيارك لك: 04-16-2024, 09:25 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة على الحلاوى(Ali Alhalawi)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
03-24-2004, 12:27 PM

Ali Alhalawi

تاريخ التسجيل: 02-10-2004
مجموع المشاركات: 1467

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حـكايــــة عــــوض ود حــلتــنـــا - الحداســة (Re: Ali Alhalawi)

    عوض ود حلتنا .. الأخلاقو فى راس نخرتو .. إن فارقت أخلاقة نخرته .. كان لى فيها دوما نصيب النمر .. لو حسبنا عدد مفارقة أخلاقه لنخرتة .. لوجدنا أن ما يفوق النصف منها يقع من نصيبى .. كأننى مستثمر أجنبى فى نخرة عوض .. فى عصر يومى الأحد و الأثنين من كل أسبوع تجدنا نركض نحو الشفخانة لنلحق ببص الحلة الورانية القادم من الخرطوم علنا نحظى بصحيفة يجود بها أحد المسافرين .. ليس بدافع قراءة الأخبار .. لأننا أشد ما نكون الحرص على متابعة الأخبار من إذاعة لندن .. لكنها عادة توارثناها أملا فى قراءة خبر ينبئ عن " كركبة" فى الخرطوم .. لو كان لها المقدرة على الشكوى .. الصحف لا الخرطوم .. لمثلنا آلاف المرات أمام لجان حقوق الورق .. و إن أراد أى باحث .. إحصاء من يفكون الخط فى قرية جيب لما تكبد المشاق فى أخذ عينات سكانية .. لكفته أى صحيفة صادرة ذلك الأسبوع العناء فى ملء الأستبيانات و تحليلها .. فقط عليه برفع بصمات الأبهام المطبوعة بحبر لقيمات أو تمباك أو نفنفة برد .. ثم يخصم من الناتج الكلى ثلاث أو أربع إبهامات كان قصدها أجر المناولة .. و لأورد هذا الباحث ملاحظة جديرة بالأهتمام .. و هى تناقص عدد الأبهامات فى الملحق الثقافى .. عدا إبهامى عوض ود حلتنا و ياسـر الحنكوش .. تنحصر جل إهتمامات ياسـر فى متابعة الجانب الأدبى من قصة و شـعر .. و جل أهتمامه بالشعر مصبوب على الشعر الحلمنتيشى .. لا توجد قصيدة من نتاج رواد حلمنتيش إلا و كان ياسـر يحفظها عن ظاهر كبد .. عرفنا من ياسـر أسماء حساس محمد حساس و ود بادى و الحميد و المتجهجه الأممى .. قرأ علينا ياســر قصيدة شغلت ألسنتنا عن الكلام الغير مباح .. و ردت لعوض أخلاقه قبل أن تمور .. إنتهز ياسـر هدنتنا الغير معلنة و بدأ يحدثنا عن شاعر القصيدة .. منعم الجزولى و كنيته جزولوت .. و كيف أنه تبوأ مقعده فى مدرستى الحداسة و الخفنشارية الجديدة .. حدثنا عن المدرسة الخنفشارية و حروبها مع الحداسية .. أظنه قال كلاما كثيرا لم نسمعه لأننا حينها سددنا دى بى طينة و دى بى عجينة .. فى غفلة منّا إنفلتت الطينة أم العجينة لا أذكر .. لنجد أنفسنا مقهيين نتخاطف الأحرف من بين فلجته فى غبطة تؤكدها أعيننا التى إتسعت ببلاهة .. لم تمر أيام لنكتشف أن كل أفراد شلتنا يحفظون جزءا من القصيدة عن ظاهر كبد

    " واحــد شـايل أخـلاقو ف صـرّة
    و واحــد شايل أخلاقو ف شنطة
    مستفة بى دولارات جايبها من برة
    و واحــد شايل أخلاقو ف ستيانة بتو
    و واحــد نسى أخلاقو ف رف الحمّام
    شال شوالو و سافر جدّة
    و واحــد ما كانت عندو الفرصة
    عشان يعمل أخلاق بى مليم حتى"

    كل من قرأ أو سمع هذا المقطع يرى صورة عوض تبرز من بين الأحرف .. كعادتنا إختلفنا فى موضع خروجها .. إنضمام عوض المتأخر لمجلسنا خصوصا بعد زواجه من التاية منحنا فرصة للتندر من الأخلاق التى تخالف موضعها و تصور أيهم من الحالات التى أوردها منعم تشابه حالة عوض .. نصّبنا من أنفسنا نقّاد .. حتى يحى الزين الذى إنقطعت صلته بالشعر منذ إختفاء "دجاجى يلقط الحي و يجرى وهو فرحان" من كتاب المطالعة الأول .. إشترط علينا ياسـر أن يختار كل منّا بيتا و يفند إختياره .. إختلفنا ثانية فى أيهم يبدأ .. قطع ياسـر الحنكوش إختلافنا و بدأ فى تفطيع البيت الأول " واحــد شـايل أخـلاقو ف صـرّة" .. فى الحقيقة .. و الكلام لياسـر .. البيت دا لو عدلناهو و أبدلنا كلمة صرّة بى حـفّــة " واحــد شـايل أخـلاقو ف حـقّــة " حا ينطبق تماما على وصف عوض .. كدى بس إنتو لاحظو معاى و شوفو عوض لمن أخلاقو تنعدم بسوى شنو .. يروح فاتح الحقة و ياخد سفة .. أكيد الحقة مافيها تمباك .. و دا بيعنى لينا أنو عوض شـايل أخـلاقو فى الحـقّــة .. و الدليل أنو بعد كل سفة بروق و بيهدأ .. يحـى الزين إختار البيت الرابع "واحــد نسى أخلاقو ف رف الحمّام ...." .. أنا بقول زى ياسـر الشى دا عايزلو تصليحة أنا قلبى بقول لى " واحــد نسى أخلاقو ف حفرة مرحاض
    شال إبريقو و طلع لا برّة" .. بالتقطعكم فى واحد فيكم شاف عوض داخلو أدبخانة ؟؟!! .. قاطع الجميع يحـى و نطوا له فى حلقومه .. مما لم يعطنى الفرصة للأستمتاع بتفنيد يحـى غريب الآراء .. ياسر ابراهيم إلتزم الصمت .. لانها مرته الأولى التى يزور فيها حلة جيب بدعوة من ياسـر الحنكوش .. و لم يتشرف برؤية أخلاق عوض أى كان موضعها .. والله يا جماعة أنا ما عايز أسوى ألى تعديل على البيت .. لأتو دا بيعتبر سرقة أدبية .. هكذا إبتدر محمد ود التومة حديثه "واحــد شايل أخلاقو ف شنطة مستفة بى دولارات جايبها من برة" لو متابعين أخلاق عوض بى دقة كنتو لاحظتو أنو أخلاقو بدأت تضيق بمجرد رجوعو من السعودية مكشوش .. كل الأمانات الجابها معاهو إتسرقت فى بورسودان .. ومن اليوم داك اخلاقو طارت مع الدولارات الراحت فى الشنطة .. راشد ابشيبة .. أنا بتفق مع محمد ود التومة فى حكاية السرقة الأدبية لأنها ما فيها تأدب .. عشان كدا بخلى البيت زى ما ياهو .. "واحــد ما كانت عندو الفرصة عشان يعمل أخلاق بى مليم حتى" .. عوض مليم واحد ما عندو و دا الجاب ليهو إنعدام الأخلاق .. تنحنح الصديق الأنتهازى .. و تسميته بالأنتهازى سنرجع لها لاحقا حتى لا نفسد روح النقد الشعرى و أخلاق عوض .. واصل الصديق بصوته المبحوح .. بلاش سرقة أدبية بلاش كلام فارغ .. يعنى هو سرقة الشعر حرام .. البيت لازم يكون .. " واحــد شايل أخلاقو ف ستيانة مرتو" أولا لأنو الواحد بيستحى من يشوف ستيانة بتو خلى كمان يشيل فيها حاجة و خصوصا لو كانت الحاجة متعلقة بالأخلاق .. ثم ثانيا مرتو ليهو الحق يشوف ستيانتها و ما تحت الستيانة .. طيّب علاقة أخلاق عوض بموضوع ستيانة المرة شنو ؟؟ .. إنفرجت شفاهنا لتبين أسنانا لاهى بيضاء و لا هى حمراء .. واصل الصديق بحبحته .. عوض من يوم ما عرس التاية يدخل بيتو من غير أخلاق و يجينا بشوية أخلاق .. أظنة بيرضع أخلاق الستيانة .. هذا العوض .. الصديق أحيانا يتحدث الفصحى .. لو أكمل فطامه فى عامين لردت إليه أخلاقه بدون زيادة أو نقصان .. أها فضلتا أنتا يا ود الأرباب .. هتف الجميع ككورال .. كانوا يقصدوننى .. فقليل من أفراد شـلتنا ينادوننى بحلاوى .. ود الأرباب هذا نجار حلة جيب الوحيد .. ليس عنده تخصص معروف .. مهارته تبتدئ بالبنابر مرورا بالعناقريب و حتى الفضيات و الدواليب .. مهارة إكتسبها فى العهد الممتد من السحارة الى سراير المخرطة .. شلتنا تؤمن أيمانا لا يقبل الشك بأننى "بتاع كلو" .. أنا من ينظم الدوبيت و الشعر و الحكى بأنواعه فارغ و مليان .. لهذا كان لى فى أخلاق عوض .. المنفلتة دوما .. نصيب النمر .. و كان التشبيه بود الأرباب لوجود علاقة النجارة فى كل .. أسمعوا يا شباب .. بدأت حديثى بصوت يقطر ثقة .. الظاهر إنتو داقسين .. القصيدة قد قرضت كقرض غرائب الأبـل .. لم يبقى إلا أن أنجر ليكم بيت مدوزن .. مدوزن هذى إحدى الكلمات التى أقحمها فى حديثى حتى تعطيه بعدا لا يستطيعون إليه وصول .. و هى أحدى الأدوات التشطيبية التى تضفى على نجارتى لمعانا متفردا .. ببديهية نجار متفرد أنشدت .. و واحـد ما عندو أخلاق بالحـبـّــة ..

    قرأ علينا ياسـر قصيدة الحداسة بعد التحديث ..

    واحـد شـايل أخـلاقو ف حـقّــة
    و واحـد شايل أخلاقو ف شنطة مستفة بى دولارات جايبها من برة
    و واحـد شايل أخلاقو ف ستيانة مرتو
    و واحـد نسى أخلاقو ف حفرة مرحاض شال إبريقو و طلع لا برّة
    و واحـد ما كانت عندو الفرصة عشان يعمل أخلاق بى مليم حتى
    و واحـد ما عندو أخلاق بالحـبـّــة


    ضحكنا كما لم نضحك من قبل .. ظهور عوض المفاجئ كتم ضحكنتا فى مرحلتها الأخيرة .. كتمها قبل أن تتحول لقهقهة لا محل لها من الأفكاك .. بفطنته المقهورة رمـق عوض الضحكة المنصبة على ورقة ياسـر .. أمسك الورقة و راح يقرأ

    ياسـر الحنكوش .. شـايل أخـلاقو ف حـقّــة
    محمد ود التومة شايل أخلاقو ف شنطة مستفة بى دولارات جايبها من برة
    الصديق الأنتهازى .. شايل أخلاقو ف ستيانة مرتو
    يحـى الزين .. نسى أخلاقو ف حفرة مرحاض شال إبريقو و طلع لا برّة
    راشد ابشيبة .. ما كانت عندو الفرصة عشان يعمل أخلاق بى مليم حتى
    ود الأرباب .. ما عندو أخلاق بالحـبـّــة

    و نـتـابـــــــــــــــــــــــع

    (عدل بواسطة Ali Alhalawi on 04-20-2004, 02:42 PM)
                  

العنوان الكاتب Date
حـكايــــة عــــوض ود حــلتــنـــا Ali Alhalawi02-18-04, 12:43 PM
  Re: حـكايــــة عــــوض ود حــلتــنـــا Tumadir02-19-04, 01:23 PM
  Re: حـكايــــة عــــوض ود حــلتــنـــا Ali Alhalawi02-19-04, 01:33 PM
  Re: حـكايــــة عــــوض ود حــلتــنـــا -كمان تانى Ali Alhalawi02-19-04, 02:50 PM
    Re: حـكايــــة عــــوض ود حــلتــنـــا -كمان تانى سجيمان02-19-04, 11:28 PM
      حـكايــــة عــــوض ود حــلتــنـــا {3} Ali Alhalawi03-08-04, 06:50 AM
  Re: حـكايــــة عــــوض ود حــلتــنـــا AlRa7mabi03-08-04, 07:00 AM
    Re: حـكايــــة عــــوض ود حــلتــنـــا Ali Alhalawi03-08-04, 07:26 AM
  Re: حـكايــــة عــــوض ود حــلتــنـــا THE RAIN03-08-04, 07:17 AM
    Re: حـكايــــة عــــوض ود حــلتــنـــا Ali Alhalawi03-08-04, 07:53 AM
      Re: حـكايــــة عــــوض ود حــلتــنـــا Ali Alhalawi03-08-04, 08:40 AM
  Re: حـكايــــة عــــوض ود حــلتــنـــا بدرالدين شنا03-09-04, 06:03 AM
    Re: حـكايــــة عــــوض ود حــلتــنـــا Ali Alhalawi03-24-04, 12:24 PM
      Re: حـكايــــة عــــوض ود حــلتــنـــا - الحداســة Ali Alhalawi03-24-04, 12:27 PM
        Re: حـكايــــة عــــوض ود حــلتــنـــا - الحداســة Ali Alhalawi04-05-04, 07:27 PM
          Re: حـكايــــة عــــوض ود حــلتــنـــا - الحداســة Ali Alhalawi04-11-04, 05:10 PM
            Re: حـكايــــة عــــوض ود حــلتــنـــا - الحداســة Tomader Habiballa04-11-04, 06:30 PM
              Re: حـكايــــة عــــوض ود حــلتــنـــا - الحداســة Ali Alhalawi04-11-04, 06:47 PM
                Re: حـكايــــة عــــوض ود حــلتــنـــا - الحداســة Ali Alhalawi04-14-04, 03:41 PM
                  Re: حـكايــــة عــــوض ود حــلتــنـــا - الحداســة Tomader Habiballa04-15-04, 00:43 AM
        Re: حـكايــــة عــــوض ود حــلتــنـــا - الحداســة maha abdella04-15-04, 02:04 AM
  Re: حـكايــــة عــــوض ود حــلتــنـــا Mamoun Zain04-15-04, 05:50 AM
    Re: حـكايــــة عــــوض ود حــلتــنـــا Ali Alhalawi04-19-04, 05:44 PM
  Re: حـكايــــة عــــوض ود حــلتــنـــا أمير تاج السر04-15-04, 09:10 AM
    Re: حـكايــــة عــــوض ود حــلتــنـــا Ali Alhalawi04-19-04, 05:54 PM
  Re: حـكايــــة عــــوض ود حــلتــنـــا Ali Alhalawi04-20-04, 02:51 PM
    Re: حـكايــــة عــــوض ود حــلتــنـــا Ali Alhalawi04-26-04, 01:16 PM
      Re: حـكايــــة عــــوض ود حــلتــنـــا Mamoun Zain04-27-04, 05:39 AM
        Re: حـكايــــة عــــوض ود حــلتــنـــا Mamoun Zain04-27-04, 08:54 PM
          Re: حـكايــــة عــــوض ود حــلتــنـــا Ali Alhalawi04-30-04, 02:59 PM
            Re: حـكايــــة عــــوض ود حــلتــنـــا Ali Alhalawi04-30-04, 03:04 PM
              Re: حـكايــــة عــــوض ود حــلتــنـــا Mamoun Zain05-02-04, 03:05 AM
                Re: حـكايــــة عــــوض ود حــلتــنـــا Mamoun Zain05-08-04, 04:40 AM
                  Re: حـكايــــة عــــوض ود حــلتــنـــا Ali Alhalawi05-10-04, 04:36 PM
                    Re: حـكايــــة عــــوض ود حــلتــنـــا فرح05-10-04, 04:45 PM
                      Re: حـكايــــة عــــوض ود حــلتــنـــا Ali Alhalawi05-12-04, 05:48 PM
  Re: حـكايــــة عــــوض ود حــلتــنـــا مريم بنت الحسين05-12-04, 06:23 PM
    Re: حـكايــــة عــــوض ود حــلتــنـــا Mamoun Zain05-12-04, 07:18 PM
      Re: حـكايــــة عــــوض ود حــلتــنـــا Ali Alhalawi05-18-04, 12:13 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de