|
|
|
 Re: الصورة دي وين بالضبط (Re: معتز تروتسكى)
|
Quote: جامع الاكاديمه العسكريه فى الكورنر
وانت ماشى بى شارع النيل الى جامعة الخرطوم |
اول مرة يا تروتسكي تجاوب اجابة صحيحة
و مكتملة منذ بداية المسابقة.
هو كذلك بالضبط.
| |
 
|
|
|
|
|
|
|
|
Re: الصورة دي وين بالضبط (Re: معتز تروتسكى)
|
ملاسى الاكرم
ازيك اخوى
الرسول فيك كان تنزل لى صور
شارع المعونة بحرى
شارع السيد على الميرغنى
شارع المؤسسة بالقرب من صيدلية السنجك فى شارع الجامع حق بيتنا
شارع مدرسة الاميرية بحرى وحبذا صورة الناظرة ست فائزة نقد شقيقة ابراهيم نقد شخصيا !!
واكون شاكرة جدا
| |
|
|
|
|
|
|
|
|
|
Re: الصورة دي وين بالضبط (Re: نادية عثمان)
|
سلامات يا نادية؛
Quote: شارع المعونة بحرى
شارع السيد على الميرغنى
شارع المؤسسة بالقرب من صيدلية السنجك |
لو دايرا السنجك ذاتو بصورو ليكي.
| Quote: شارع مدرسة الاميرية بحرى |
اما دا فأسهل طلب.
| |
|
|
|
|
|
|
|
|
|
Re: الصورة دي وين بالضبط (Re: معتز تروتسكى)
|
لم يكن ممكناً ان لا نأتي على ذكر الازيار في مولد الصور هذا؛
و هذه صورة لحوالي عشرين زير و كوز - صلصة - واحد؛
و الصورة مأخوذة من داخل جامع فاروق الواقع على تقاطع
الجمهورية مع الحرية ( طبعاً)
| |
|
|
|
|
|
|
|
|
|
Re: الصورة دي وين بالضبط (Re: Hussein Mallasi)
|
سلامات يا مكنات؛
و ين ياخي غايب ليك سنين؛ حتى في الجريدة
اصبحت اقرأ لاحمد يونس و لا ارى اثراً لمكنات!
Quote: أعيرونا عيونكم للحظات حتي نري هذا الجمال ،
أو أعيرونا بعض الحنين لنري بعين المحب الواله
التي تنظرون بها ، وإلا سنقول أنكم تزورون جمالاً للمدينة! |
فقط عليك المرور على تلك الاماكن في الفترة
الممتدة من السادسة و حتى السابعة و الربع مساءاً؛
و سترى ما رأيت!!
| |
|
|
|
|
|
|
|
|
|
Re: الصورة دي وين بالضبط (Re: Hussein Mallasi)
|
سلامات يا ابوكي يا السارة؛
| Quote: لو مكانك لمنعت ( الطاشمين ) من دخول هذا البوست |
اما انا؛ فلو كنت مكان نفسي لترددت كثيراً
قبل ان امنعهم ... فكما قال اخونا الحبيب
عثمان محمد صالح ( مع حفظ الالقاب):
رحم الله امرئ عرف قدرات نفسه!!
| |
|
|
|
|
|
|
|
|
|
Re: الصورة دي وين بالضبط (Re: Hussein Mallasi)
|
العزيز Hussein Mallasi
جميل بحد الكلمة ...
(صورتك الخايف عليها ...) ....
يا سيدي كثيرون يسقطون في الجغرافيا (الغريبة أنا منهم) ...
خلي الصور الظاهرة وبيشوفوها كل يوم ... كثيرون لا يعرفون أسماء شوارع الخرطوم ...
وأقرب حاجة يوم بقول لي سواق تاكسي ماشي شارع عثمان دقنة بقول لي ده وين؟؟؟
قلت ليهو طيب تعرف شارع المهاتما غاندي قال لي يا أخوي ده ممثل هندي والا شنو؟
ثقافة أسماء الشوراع لا نعرفها في السودان ... والشوارع ذاتها (بتوزع في أسمائها بدون معرفة بالتاريخ) ... (شارع المك نمر ... شارع الإمام المهدي ... شارع أحمد خير المحامي ...) تعرف في خيار وفقوس في التسميات دي ...
يا ريت يا Hussein Mallasi تجيب لينا صور للشوارع دي ...
| |
|
|
|
|
|
|
|
|
|
Re: الصورة دي وين بالضبط (Re: معتز تروتسكى)
|
ملاسى
| Quote: كان كدا جهز نفسك لما هو آت يا تروتسكي. |
نحن لها. .
| Quote: 5- ماشي توتي يا تروتسكي. |
ماذا عنها لم نرى شيئامنها منذ ان نوى عليهم وعليهااب عاج . .
| Quote: يا ريت يا Hussein Mallasi تجيب لينا صور للشوارع دي ... |
فى الانتظار. .
| |
|
|
|
|
|
|
|
|
|
Re: الصورة دي وين بالضبط (Re: عبد الله إبراهيم الطاهر)
|
سلامات يا عبدالله؛
| Quote: كثيرون لا يعرفون أسماء شوارع الخرطوم ... |
في السودان لا يتم الوصف بأسماء الشوارع و انما بالمعالم؛
لانو الناس اتعودت انو الشوارع ما عندها اسماء؛ ما عدا
تلك التي تقع في وسط الخرطوم؛ او شوارع اخرى نادرة في بقية
انحاء العاصمة.
| |
|
|
|
|
|
|
|
|
|
Re: الصورة دي وين بالضبط (Re: Hussein Mallasi)
|
تعرف يا عبد الله؛
عندما كنا ندرس بمصر؛ لم يصدق احد الزملاء ان الجوابات
يمكن ان تصله على عنوان الشقة- اي شقة - فما كان منه
الا ان كتب خطاباً لنفسه ليتأكد من الجواب سيصل؛ و بعدها
يمكن ان يكتب العنوان لذوية.
الطريف انو صاحبنا كتب على الظرف "هام و عاجل" حتى يهتم
به ساعي البريد.
المهم بعد يومين طرق البوسطجي باب الشقة و لم يغادرنا
الا بعد ان استلم بقشيشاً محترماً لان "هام و عاجل" اوحت
له بأن في الخطاب اشعار بتحويل مالي.
| |
|
|
|
|
|
|
|
|
|
Re: الصورة دي وين بالضبط (Re: Hussein Mallasi)
|
العزيز Hussein Mallasi
بمناسبة أسماء الشوارع دي ... كتبت مقال قبل كده عن أسماء الشوارع في الخرطوم ... فقلت (أن الخرطوم لم تفهم التاريخ جيداً فأعطت المك نمر ما لم تعطه الإمام المهدي الذي أعلن قيام أول دولة مستقلة في أفريقيا حينما كان منعقداً مؤتمر برلين لتقسيم المستعمرات في أفريقيا) ... وكان شارع المهدي شارعاً ميتاً وأجمل منه شارع المك نمر ... الآن أصبح لشارع المهدي ملحق من كبري النيل الأزرق حتى شارع المستشفر كله أصبح بإسمه ... المهم في الموضوع لم يعجب هذا الكلام أهلك الجعليين وكادوا أن يفتكوا بي ... لو لا أن الله ستر علي ...
وبالعموم يا سيدي نحن مشككين في كل شئ حتى التوصيف بأسماء الشوارع ... قد لا نصل ... هناك شوارع محددة في العمارات يتم التعامل معها بالأرقام وهي مشهورة شارع 61 شارع 59 شارع 27 شارع ........
بعدين بين وبينك الخرطوم سمحة في الصور وسمحة بالليل ... وبمناسبة سمحة بالليل أخونا الأستاذ محمد محمد خير بعد جيته من كندا فيما بعد زاره إبنه في الخرطوم وقد دخلها ليلاً فطاف به أبوه عبر جسر النيل الأبيض الجديد وقد إنبهر بالخرطوم بالليل وكان قد خرج منها وهو طفل إلى كندا وعاد وهو رجل ..
وفي اليوم الثاني جاء به أبوه أيضاً بنفس الشوارع فتلفت يمينا ويسارا وسأل أبوه عن تلك الخرطوم التي (شافها) ليلاً ... ؟؟؟؟!!!! تتلون الخرطوم في صورتها بإزدواجية غريبة .. وتنتابها حالات هي ليلاً في شأن ونهاراً في غيره ...
أمنياتي لك ...
| |
|
|
|
|
|
|
|
|
|
Re: أيووووووب.....نعمين.... (Re: Hussein Mallasi)
|
وقف العبث وبرد الجو ونزلت الصور...
متابعين معاك يا ملاسي ومستمتعين....بي كاميرتك الخطيره دي
بس عليك الله كاميرتك دي نوعها شنو...عيني بارده ما الحقها ليك
امات طه...
ما بكتفي ان قلت لي ياشيكا او كانون وبس...قولي نوع
ياشيكا...5 آر بي جي 77....بانوراميك....
| |
|
|
|
|
|
|
|
|
|
Re: الغول (Re: هشام مدنى)
|
سلامات يا هشام؛
| Quote: الضغط العالى بين سوبا جزيرة تمساح ام دوم |
ابداً؛ فهؤلاء الغيلان تجدهم - بسهولة - في اي ملف!!
| |
|
|
|
|
|
|
|
|
|
Re: الغول (Re: Hussein Mallasi)
|
| Quote: كوبري النيل الأبيض ( القديم طبعاً ) |
انت ماخد الصوره من داخل المنتزه بالقرب من لعبة الساقيه
ولا من خارج المنتزه على الجزيره التى يغمرها النيل فى اول فيضان..
| |
|
|
|
|
|
|
|
|
|
Re: الغول (Re: معتز تروتسكى)
|
| Quote: انت ماخد الصوره من داخل المنتزه بالقرب من لعبة الساقيه |
بمرور الوقت؛ اصبحت إستنتاجاتك يا تروتسكي صحيحة 100%
| |
|
|
|
|
|
|
|
|
|
Re: الغول (Re: Hussein Mallasi)
|
Quote: تتلون الخرطوم في صورتها بإزدواجية غريبة ..
وتنتابها حالات هي ليلاً في شأن ونهاراً في غيره ... |
عشان كدا يا عبدالله؛ اقترح ان تكون اغنية شرحبيل
"ستار يا ليل" هي الشعار الموسيقي لولاية الخرطوم.
| |
|
|
|
|
|
|
|
|
|
Re: الغول (Re: Hussein Mallasi)
|
| Quote: بمرور الوقت؛ اصبحت إستنتاجاتك يا تروتسكي صحيحة 100% |
لو الصوره حديثه اخمن بانها اُخذت عندما هبت عاصفة شديده على الخرطوم وسيول وعواصف رعديه وايضا يُقال انه كان هنا برد اى قطع ثلج صغيره. .
اما لو كانت قديمه فارجح انها فى خريف مـــــــا..
| |
|
|
|
|
|
|
|
|
 Re: الصورة دي وين بالضبط (Re: Hussein Mallasi)
|
أتابع الصور بما يليق من استمتاع!
مع أنني لم أجب على أي واحدة إجابة صحيحة. بل لم أحاول من الأساس!
ـ الغول رائعة. لا أدري إن كنت قد جربت رؤيته من أكثر من زاوية حتي يحس المتفرج أنه سيلتهمه ... أو شيئا من ذلك القبيل
ـ "من الفلوكلور السوداني" موفقة جدا وإن كنت أفضلها بالأبيض والأسود وبدون أعمدة الهاتف ـ على يمين الصورة.
ـ يقول المحترفون إن أبأس سؤال يمكن أن توجهه للمصور هو عن نوعية "كاميرته"، باعتبار أن في السؤال تجاوزا للإبداع البشري. ولا يهم أن تكون آلة التصوير من آخر موديل لأفضل "ماركة" أو أن تكون "انستماتيك" أو Auto Everything!
رغم ذلك، ومن باب الفضول لا أكثر، أضم صوتي اصوت الأخ نزار| Quote: بس عليك الله كاميرتك دي نوعها شنو؟ |
وفي حال لم تكن رقمية: فتحة العدسة، البعد البؤري لكل لقطة، حساسية الفيلم
خليها متعة وفائدة في آن
| |
|
|
|
|
|
|
|
|
|
Re: الصورة دي وين بالضبط (Re: محجوب البيلي)
|
سلامات يا ابو الريش؛
Quote: ملاسى
اخدت الصـور دى كيف والشـوارع فيها حظـر تجول |
لدي اذن خاص للتجول لمدة ساعة و ربع يومياً؛
يمتد من السادسة و حتى السابعة و الربع مساءاً.
| |
|
|
|
|
|
|
|
|
|
Re: الصورة دي وين بالضبط (Re: Hussein Mallasi)
|
حسين ملاســي ..
أمامك بحر مالـــح ..
أما نحن .. فكل يغني على ليلاه ..
وطريقك مسدود .. مسدود .. يا ولـدي
كنا واقفين وين نحن .. ايوووووووووا
وين باقي الصور المدكنه يا حسين يا ملااااااااسي ..
تحياتي ..
| |
|
|
|
|
|
|
|
|
|
Re: الصورة دي وين بالضبط (Re: waleedi399)
|
وهى لسه حى؟؟!!
ياحليلو ياخوانا
يوجد به خيارات وفؤائد..
اما ان تلعب بثمره كره قدم
او تنفخ بذروه الطائره وتلعب بها ايضا
او تاكل الغنم زهوره
فقط احذر!!
من (لبن العشر) ان تقربه الى عيونك
وايضا من اى (ايريا) اخذت هذه الجداريه
ارجو تحديد معلم
| |
|
|
|
|
|
|
|
|
|
Re: الصورة دي وين بالضبط (Re: معتز تروتسكى)
|
بتعرفها يا معتز الترعة دي وييييين؟
ولا (ضحك ساااااااااكت على الدقون)
العبارة ما بين القوسين عاجباني شديد عشان كدا دخلتها هنا،،
رغم اني عارف انها مافي محلها
ملحوظة
اعني بالترعة ترعة الحبيب .. عفواً هذه تخريمة ملاسية
لك العتبى اخونا حسين ملاسي ..دي برضو صور تاريخية بالكلمات
في منطقة محددة من البقعة المباركة امدرمان جوار حي العمدة ..
ولكم خالص محبتي
| |
|
|
|
|
|
|
|
|
|
Re: الصورة دي وين بالضبط (Re: waleedi399)
|
waleedi399
| Quote: في منطقة محددة من البقعة المباركة امدرمان جوار حي العمدة .. |
الترع فى الامكان ديك كتيره..انت حدد
احتمال يكون ده اسم (كودى)
لترعة ما او شى متعارف عليه مع الشله..
لكن لو ذكرت او لمحته
بالتاكيد
سانقشها
ولن يصبح (ضحك على العقول)
ولك خالص محبتي
| |
|
|
|
|
|
|
|
|
|
Re: الصورة دي وين بالضبط (Re: Hussein Mallasi)
|
تعرف ملاسى انا عندى عاده غريبه نوعا ما..
لااتذكر الاسامى الا نادرا
لكن صوره شفتها تانى مابتروح من مخيلتى..
يمكن تكون ماشى معاى مرات داير اعرفك لى زول بنسى اسمك لكن صورتك بتظل فى محفروه فى الذاكره محل ماتمشى بنقشك..
انا لمن سبهتا بى بحرى شفت السوق المركزى شارع كلية شرق النيل..
مش فى شبه؟؟
ويلا واصل
مشاين فى السكه نمد..
| |
|
|
|
|
|
|
|
|
|
Re: الصورة دي وين بالضبط (Re: Hussein Mallasi)
|
Quote: ـ "من الفلوكلور السوداني" موفقة جدا وإن كنت
أفضلها بالأبيض والأسود وبدون أعمدة الهاتف ـ على يمين الصورة. |
قصدك كدا يا محجوب.
Quote: رغم ذلك، ومن باب الفضول لا أكثر، أضم صوتي اصوت الأخ نزار
| Quote: بس عليك الله كاميرتك دي نوعها شنو؟ |
|
أجلت الاجابة على سؤال نزار حتى لايذهب الفضل للكاميرا
فهي فعلاً كاميرا رقمية و مواصفاتها كالاتي:
HP Photosmart 720
3.3MP
12x zoom
Ato Focus 3x
| |
|
|
|
|
|
|
|
|
|
Re: الصورة دي وين بالضبط (Re: هشام مدنى)
|
ومره
| Quote: شكراً يا Killer ..... ما قصرتا تب. |
انت عايز تضبح لى وتسمينى من جديد ولا داير تورينى الناس انو انا Killer
| Quote: ويـــــن فى ودمدنى |
اعتقد السوق الشعبى
| |
|
|
|
|
|
|
|
|
|
Re: الصورة دي وين بالضبط (Re: Hussein Mallasi)
|
يا معتز ..
killer دا انا عارف قصتو مع ملاسي ..
الرجل متربص بحسين .. يظهر يوم من خلف الكواليس
طبعاً بدون كلام بدون تعليق بدون مداخلة يمشي ويجي بعد شهرين ثلاثة
وصاحبك من يظهر كيلر .. يختفي تماماً .. لانو بتشائم منو
لانو بعتقد ظهور كيلر في هذه الفترة ليهو تأثير كبير في تغيير مجرى المنبر
أما آبارو فدا سمير أبارو الدكتور ما في منو خوف، الا يكون من "الحقنة"
آها يا اخوانا عندي مقاضي .. وبجي
| |
|
|
|
|
|
|
|
|
|
Re: شارع المدارس (Re: Hussein Mallasi)
|
حسين ملاسي ..
عــدنا ..
قلت لي ياتو مدارس دي .. كدي معليش قول لي "الصورة وين بالضبط"
عشان انا باقي طولت ما جيت السودان .. الخرطوم، بحري ولا امدرمان ..
وبعدين الشارع دا مالو عامل كدا التقول حالق "كاروليس" الاسفلت قصر ولا شنو ..
الشارع ما شاء الله واسع وما يحتاج لتوسعة .. ناس الطرق ديل ما يتمهلوا في الشارع شويه..
الليلة وين يا ملاسـى .. بيتكم بي وين يا ملاســي
| |
|
|
|
|
|
|
|
|
|
Re: شارع المدارس (Re: waleedi399)
|
كيفك يا وليد؛
| Quote: كدي معليش قول لي "الصورة وين بالضبط" |
شارع المدارس دا يا وليد بالنسبة لناس بحري اشهر - و اهم -
من شارع الشانزليزيه. و هو يمتد - من الشرق للغرب - من شارع
المعونة لشارع شمبات اوالعكس. كانت تحده شرقاً مدارس الشعب بنين
و غرباً مدارس الشعب بنات.
و اسه لو ركبتا مواصلات امدرمان من بحري و انت ماشي على الشهداء؛
الحافلات حتمر بيك بالشارع دا؛ اما في طريق عودتها من الشهدا؛
فأنها تسلك شارع المؤسسة.
اما مواصلات السوق الشعبي امدرمان؛ فانها تسلك شارع شمبات
في الذهاب و العودة.
| |
|
|
|
|
|
|
| |
Osman M Salih
Hussein Mallasi
معتز تروتسكى
almohndis
محجوب البيلي
abookyassarra
عبد الله إبراهيم الطاهر
waleedi399
مريم الطيب
ناذر محمد الخليفة
فيس بوك
تويتر
انستقرام
يوتيوب
بنتيريست