*** رقراق الضحى ***

Quote: كلام بطعم وريحة أهلنا البسطاء. العبارة الصادقة تدخل النفس دون استئذان.. هكذا دائماً حروف وكلمات بت الجنيد. يديك الصحة والعافية يا سوما..

Quote: واليوم طويل ..فاقد الدليل وفضلت ابحلق فى الخلق مشدوهه بى شيتا كتر نضما كتر .. والصف طويل .. والزمن ممحوق قليل لا ضل ضحى ونومة ضهر لا كوم نجوم لاضى قمر شليل وين راح ..ودع ختر

Quote: وبقيت ممحنة فى الحلق

Quote: الفنانه سوما شليلنا ماراح شليلنا لابس توب سوما حتى الصباح بدي للعطاشان جقيمة وبدي للجعان لقيمة سوما صراحة رويتينا بالكلمة الجميلة واشبعتينا بالخيال العميق لكي نتكي ونسرح بين مفردات لاشكال نحن نرسمها ونتخيلها في نفس الوقت كتاباتك لوحة فنان

Quote: يا سومة الملكة ذكرتيني الضِهِبتَ من سيرة طريقو : " محمد عبيد الفاضلابي " سكيت دربُو في الرملة وتقاسيم ريحا ما لقيت ريحتُو تَبْ. ركّب قُرون للمطرة وقاسَم بِنيّات النسور لَحَمِن خَمجان خَمجّ يرضَع من شطر الغنيمات ويتحَمّا بى لبنا .. أها دي قصيدتو:

Quote: نص متماسك وأنيق شكرا سوما

Quote: اشتقت لي رقراق ضحاك واشتقت لي روعة الزمن الحداك ‏ واشتقت لي النغم الموقََّع بي صباك‏ اشتقت ليك وطني الهناك وألقاك وين من( طَرفة ) العِينة المعاك

Quote: سوما الحنينة الشاعرة المبدعة جملتي دواخلنا بشعرك العذب الرصين وجعلتينا نحلق في مساحت مليئة بالحب والحنين والالفة لك كل الحب والتقدير ولي عوده مودتي

Quote: وبقيت أهبش بي غناي في رذاذ لحظة لقاك ‏ لا فتر صوتي ولا بحت في المدى منو المشاعر عروة ،،،

Quote: وبقيت ممحنة فى الحلق الطقطق الوجع السكات صارى النضم حفنة وهم جوة الحشا .. والباقى مات كومين رماد مكشوحة فى الدرب البساسق لى الممات ..و فات الفوات

Quote: فوق من أجل كل هذا الجمال الموغل في الحنية، والمفردة الأصيلة الطاغية، وصدق الاحساس عندما يتجلى ويتنفس شعراً يومض كالأمل الزاهي الجميل .. تسلمي يا سوما ويسلم دائماً حرفك الزاهي الأصيل ... مع خالص التقدير والتجلة؛؛

Quote: اشتقت لي رقراق ضحاك واشتقت لي روعة الزمن الحداك ‏ واشتقت لي النغم الموقََّع بي صباك‏ اشتقت ليك وطني الهناك

Quote: الاخت اسماء الجنيد طعم كتابة حالي سالي نفس حلاة طعم كتابة بتي سوما الحكاية شنو ؟

Quote: الزولة الحبوبة ،، الزولة الرقيقة ,, الزولة المتألقة ،، الزولة الزولة ،، صاحبة المفردة الشاربة من موية النيل عذوبة نضم أهلي السمحين و من قصب السكر حلاوة الشعر الجميل عندما تسمع أو تقرأ كلمات بت الجنيد دي تحس بـ غرودة عيون والرويس يعمل كدي أها لافي ذي مشلعيباً شايلو الهوا وذي صفقاً اتدلى من طرف الشجر رقد فوق صفحة موج البحر وحنين مصحوب بـ شوية تنمل مشاعر لذيييييذ يسري في العروق رويدا رويدا حد الإرتخاء والإستسلام. وعندها تدق أجراس الحنين تسمعها فتتكيء على رصيف الذكريات الحلوة والمرة معاً تقرأها فتطرب وكأنك تردد أغنية تحمل في مضمونها الشوق والحب والألم والفراق هي منا ونحن منها و يسعدني أن أستبيح لمفرداتي الكسيحة أمامك أن تتأمل فيما ماتكتبين فاللهم لا تحرمنا من تالقك وجديدك المدهش والمبهر هيا صولي وجولي متالقة في كل المساحات فأنت عنوان لنا وتجسيداً لبت السودان الأصيلة صفراء بلادي أسماء الجنيد جند الله حروفك لإمتاعنا يديك لمن يكفيك كل التحايا النواضر ...

Quote: المجبولة من صلصال الإلفة / أسماء لك ما شئت من أماني .. دوماً هو حالك تنثرين الفرح في كل المساحات اليباب.. دعينا نرتشف من هذا الألق بحضورك بيننا وأنت تمتلكين مفردة نافذه .. هنيئاً لنا بوجودك بيننا .. ومزيداً من التواصل ... "انتهى كلام يوسف" ...

Quote: لأجل كل هذا الجمال إن شاء الله أنت تتعلاّ وما تندلاّ...

Quote: بت الجنيد سلام قدر الشوق البلغ النصاب وحال عليه الحول طبعاً تعودنا منكـ دائماً التواضع والتملص من رواسب الغرور البشري التي اكتست بها ملامح كثير من مبدعينا ويا عزيزتي أنا لم اكتشف فيك جديدا لتبحثي عن ردا لي ، لان ردك سبق مكتوبي بما أبدعتي وابهجتي نفوسنا بصبغة المحنة وريحة نضم ناسنا الطاعمين والتي لونت فينا لوحة الأمل الجميل بريشة حملتها أنامل محّنتك وطيبتك وقوة بساطتك ويا ستي النصوص اذا خرجت من غمدها أصبحت دائماً ملكـ لحظة متلقيها لا ملكـ لحظة إخراجها ... ملكنا لا ملك قائلها ، لذا يا بتنا نضميك الحلو دا رأينا في مراياه وزواياه بقايا نفسنا وأشياؤنا الصغيرة وظلالها التي تدخل دون استئذان إلى أعماق دواخلنا التي أحبتها لمن جرينا نفس العافيه ودفرنا الهوا المخنوق جوه الحشا وتسلمي امي