|
|
 *** عاطفه ***
|
*** عاطفه ***
الحنان البينى بينك
لا بكيفى ولا بكيفك
والصلات الطاهره نابعه
من غيومى ومن خريفك
والجمال الفيهو نحن
من شعاعى واصلو طيفك
والحرير الفى ستارنا
نسجو من خيطان قطيفك
والحنين الاصلو انت
جارى من نيلك وقيفك
والكلام الجاى منى
نبعو منك ومن شفيفك
والاريج العطرو فايح
زهرو من بستان جريفك
والنجوم الفى سمانا
لوحة فى رملة مصيفك
والرموش الفينى ديمه
واحة لى نارك وصيفك
والغنيوه المن لهيجك
شاربة من بحرك و ريفك
وفى النهاية:
اصل الحكاية:
قصة مبدية فى رصيفك
اسماء الجنيد
مسقط
22/5/2003
|
|
 
|
|
|
|
|
|
|
 Re: *** عاطفه *** (Re: soma)
|
عاش مين شافك يا سوما...
وتسلمي على الطلة الجميلة بعد طول غياب
عليك الله ما تغيبي تاني البورد بقى جاف ومحتاج شويه ترطيب بكلمات عذبه نديه زي كلماتك دي
| |
|
|
|
|
|
|
|
|
|
Re: *** عاطفه *** (Re: Rose)
|
العزيزة الغالية الاستاذة سومه
والله ليك وحشة شديدة
فالف حمدا لله على سلامتك
وجميل ورائع جديدك عزيزتى الذى نقلنا الى هنالك الى حيث كل شىء يبعث على الحب والوجد والحنين
حقيقة كلمات جميلة نفتقد مثلها كثيرا فى عهد الرمزية الموغلة فى التهويم حول اللامفهوم ..
تسلمى لينا يا ستى ونرجو ان لا يطول عنا غيابك كثيرا
الف حمدا لله على السلامة ونورت البورد
مع تحياتى لك
| |
|
|
|
|
|
|
|
|
|
Re: *** عاطفه *** (Re: soma)
|
والرموش الفيني ديمة
واحة لي نارك وصيفك
...................
الرموش يا جماعة بي تظل الزول من النار ومن هجير الصيف والله شاعرتنا سومةبالغت والله الحكاية معاني سامية
شكراً لشاعرتنا شاعرة المهجر سومة
وما تطولي مننا كدي
| |
|
|
|
|
|
|
|
|
|
Re: *** عاطفه *** (Re: soma)
|
سلام سوما
فى اللحظة ديك الناس تقول الشوق رحل
والامانى الحلوة فى خطاك اصلو بتمر
والسعادة الكنه فيها والله بعدك حلوها مر
كل حاجة كانت جميلة فى حضورك
والزهور ياما تتفتح جنب عيونك
والحروف الاصلو دافيه بحنانك
ياما تفرحناتيبقى عسل فى شفتينا
وحقيقة قصديك حلوة وعاطفية وقلته يا ولد حوال جاريها بس انا ما شاعر ممكن تقولى بقتبس وبعجبنى الكلام الحلو مع تحياتى
@@@@@@@@@@@@@@@@@@
وكم لظلمة الليل بهاء من الاطياف
ولكن كثيرا حولها الى ارتكاب المصائب
| |
|
|
|
|
|
|
|
|
|
Re: *** عاطفه *** (Re: soma)
|
سلام سوما
فى اللحظة ديك الناس تقول الشوق رحل
والامانى الحلوة فى خطاك اصلو بتمر
والسعادة الكنه فيها والله بعدك حلوها مر
كل حاجة كانت جميلة فى حضورك
والزهور ياما تتفتح جنب عيونك
والحروف الاصلو دافيه بحنانك
ياما تفرحناتيبقى عسل فى شفتينا
وحقيقة قصديك حلوة وعاطفية وقلته يا ولد حوال جاريها بس انا ما شاعر ممكن تقولى بقتبس وبعجبنى الكلام الحلو مع تحياتى
@@@@@@@@@@@@@@@@@@
وكم لظلمة الليل بهاء من الاطياف
ولكن كثيرا حولها الى ارتكاب المصائب
| |
|
|
|
|
|
|
|
|
|
Re: *** عاطفه *** (Re: soma)
|
اهلى الطيبين الزينين ناس البحر والطين
سلام عليكم اريتكم تامين ولا مين
يديكم الف عافيه وان شاء ما تفقدكم شينه
اخى العزيز الحليله .. سلام وتحايا بعد غياب طال .. اتمنى دوما ان تكون بالف عافيه ..الف شكر على كلماتك يا دخرى ...
****
الاخ الكريم خالد سلام تسلم كتير والف شكر ليك يا ذوق .. اتمنى ان اكون عند حسن الظن ..يديك الف عافية ..
****
جمال عبد الرحمن شكرا ليك كتير وفرصة سعيده يا ود بلدى ..
كتر خيرك على كلماتك الرائعه .وانا معاك صاحب النصيب مبروكة عليه ...
****
ايهاب ود عمى السنى كيف حالك وكيف حال الاهل تسلم وتحياتى للجميع
خاصة الوالد الكريم ..
****
روز يا رقيقة ليك وحشة والله يا غالية .. تسلمى واتمنى من الله ان لا تبعدنا ظروف الحياة ومشاغلها .. تسلمى يا روز يا ذوق..
****
يا عمدة سلام يابحر.. بنكهة بننا فى قهوة ضهر ..
والله فيك الخير ..وانا الافتقدكم بالجد .....بس....
غدارة يا غربة ام جفاف ..وداره كم منك بخاف ..
مع هموم الغربه والجرى الكتير كنت مشغولة غصبا عنى ..التحيه لكم واتمنى ان نتواصل ..
شكرا عميق ليك عمدتنا وتسلم كتير ..
****
سودان وبس ....التحية ليك بلا حدود يا وطن ..
يديك الف عافية.. وشكرا مطر لكلماتك الرزاز يا ود العزاز
يديك العافية ..
****
اخى البعيو .وانت دائما اصيل ..تسلم كتير واتمنى ان اسعدكم دائما ..كسعادتى الان بوجودى بينكم وسماعى لكلماتك الدرر..
****
كولا ..سلام يا كولا .كيف الحال ..
سعدت انا ايضا بطلتك اليوم ..شكرا كتير ليك يا كولا يا عزيز ..واتمنى ان يدوم بيننا جميعا التواصل .. شكرا بلا حدود ...
****
الرائع حمزه سليمان ..هلا بالاهل ..اتمنى ان تكون بالف خير ..وسعدت بوجودك اليوم .. تسلم كتير يا فن..
****
بلدى يا حبوب ..يا الله عليك يا ابداع ..والله منتهى الروعه ..وبدون اى مجاملة
فيك كل المعانى السمحة يا حبوب
الشعر احساس صادق .. وصدق احاسيسك باين فى كلماتك الصادقة ومعانيها النبيلة ..
شكرا مطر ..شكرا خدار طول البحر.. شكر هشاب شكرا نخيل ..شكرا سدر..
احبتى تسلموا جميعا ..ويديكم الف عافية
| |
|
|
|
|
|
|
|
|
|
Re: *** عاطفه *** (Re: soma)
|
الحنان البينى بينك
لا بكيفى ولا بكيفك
ما بكفي يا سومات
المطوعه لازلت تطويعين حروف العاميه
وتستخرجي مكنوناتها ومعانيها العميقه الدافئه
لك الود ووحشه لكليمات يعدن ايام الوصال
| |
|
|
|
|
|
|
|
|
|
Re: *** عاطفه *** (Re: soma)
|
استاذنا الرائع جدا الموصلى ..لك التحايا والاشواق..
يديك الف عافيه يا انسان يا رائع بروعة كلاماتك.
شكرا صوت الحمام يا ابو هديل .. تسلم
****
ود الدعاش .. يا خريف بلد الجفاف .
حسن يا خدار يا نسيم عز النهار ..
ليك وحشة ولكلماتك الشجر الوريف. يا شفيف
تسلم كتير وتركت فراغ لا يستطيع ان يسده الا الحسن ود ستة
الشكر ليك انغام طمبور.. ولمة اهل وبسمة زهور..
| |
|
|
|
|
|
|
|
|
|
Re: *** عاطفه *** (Re: soma)
|
Hozy
تسلم كتير والف شكر للترحيب ..والكلمات العطره ..
والله ما مختفية بى ارداتى .. لكن الحمد لله ربناجمعنى بيكم تانى من جديد
تسلم كتير هوزى..
الاخ العزيز عمر ..تحياتى والف حمد الله على السلامه..
يديك الف عافية وشكرا لى كلامك الجميل يا كثيف..
ليك كل التحايا العطره من آل الجنيد
| |
|
|
|
|
|
|
|
|
|
Re: *** عاطفه *** (Re: dabeep)
|
سوما : تحياتي و تقديري لك.
كلمات مترعة ( بالعاطفة ) ، و لو غصنا فيها ، ففيها الكثير من المعاني التي يمكن أن نسميها ( خلفية الصورة ).
إستوقفني هذا البيت ( و في النهاية ، أصل الحكاية ، قصة مبدية في رصيفك )
كلنا تائهون وسط أمواج متلاطمة من الأحاسيس و المشاعر ، سماء بلا حدود فوقنا ، و بحر لا قرار له تحتنا و أفق بلا نهاية ، و السعيد من تبدأ قصته في رصيف دافيء يتفيأ فيه ظلال الحب و الحنان.
فوق دربك يا سوما و سلمت أختنا العزيزة.
| |
|
|
|
|
|
|
|
|
|
Re: *** عاطفه *** (Re: soma)
|
عمل جميل .. جميل .. جميل يا سوما
.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ
البلاد التى ضيعت خاتما، البلاد التى دائما
ستظل محنية، فوق الجثث
ونحن سنبقى هنا، هناك، سوف نعلو
بالذنوب الخفيفة فوق هذا العبث
| |
|
|
|
|
|
|
|
|
|
Re: *** عاطفه *** (Re: soma)
|
تشكرىيا سوما
الوطن بدورك فيه علشان افراحه تجدد
وامل الغلابة بشوفتك يمين والله تحقق
طله من عويناتك تخلى اطفالنا تضحك
وعشاقنا من ريدك ياما راجياك تتصبر
تنهل من ريدك ما اصلو هواههم قالوا خلص
تعالى مرة شوفيه تتفجر ينابيع ريده
ََََ@@@@@@@@@@@@@@@@@
وكم لظلمة الليل بهاء من الاطياف
ولكن كثيرا حولها الى ارتكاب المصائب
| |
|
|
|
|
|
|
|
|
|
Re: *** عاطفه *** (Re: soma)
|
الرائع حد الدهشه الشاعر دبيب..
سلامات وليك وحشة كبيره والله.. تسلم كتير يا دبيبنا على قول اخونا ابو مهجة واتمنى ان التقيك قريبا عبر كلماتك الرحيق..
*****
الاخ العزيز جدا ابو جهينه .. سلامات ووين الغيبة .. اعمل حسابك عمك قرجه حايم بى هنا لول
تسلم يا ابو جهينه وكتير من المعانى اقف عندها طويلا حسب تصورك لها يا مبدع .. حقيقة انت موسوعه يا ابو جهينه .. يديك الف عافية ..
*****
استاذى القدير ابو الباشا .. حبابك من اول مداخلة لك بعد استقرارك فى دارك العامره بالوطن الغالى . تسلم كتير وشعور جميل منك يا عريق..
******
الاستاذ الكريم صاحب الدار العامره استاذ بكرى .. يا مراحب بى طلتك ..
حقيقة زيارتك اليوم لها مكانة خاصة جدا .. شكرا ليك انت يا استاذ
احساسنا دائما فى هذه الواحة براحة البال .ودائما نشعر ونحن فى دارك
اصحاب دار.. تسلم كتير ويديك الف عافية ..
*******
الاخ خضر حسين سلام والف شكر ليك اخى الكريم على كلماتك الجميلة ايضا .. اتمنى ان اكون عند حسن الظن دائما ..
******
الحبوب يا بلدنا سلام تانى .. شكرا ليك يا حبوب على كلماتك الرقيقة
وشكرا على ابداعك المتواصل . وكيف لا تكون كذلك وانت الحبوب ..
شكرا كتير ومزيدا من الجمال .و اتمنى ليك التوفيق ..
| |
|
|
|
|
|
|
|
|
|
Re: *** عاطفه *** (Re: soma)
|
بسم الله الرحمن الرحيم
الوفية/ سوما
سلام وشوق
ولا بقول ليك قصيدة حلوة
ولا بقول ليك يا سلام يا سوما
ولا بقول ليك إبداع والله
بس
بقول ليك البركة اللقيتي إيديك والصاج قام ليك
عشان نشوف حروفك ونسمع أخبارك
تحياتي للجميل أبو رامي
| |
|
|
|
|
|
|
|
|
|
Re: *** عاطفه *** (Re: soma)
|
البدرى السمح ..لووووووووووووووووووووول والله ضحكت وضحكتى وصلتها مناقزا ..
وصلت كيف ما بقول ليك.. اها كيفنك .. انا زاتى ما بقول ليك ياالبدرى الفن ويا البدرى صاحب القول الكمل.. لكن قولى ليك .... اللمة ما بتكمل الا بوجودك معانا يا العشا ..
وبمناسبة العشا دى ..شايفاك جيعان ومشتهى كسره .. خلاص حصل بسرعة.. الشبيبه بغرووووك كتير السلام
*******
الاخ الشاعر المرهف منعم ..كيف حالك . غيبة طويلة ..اتمنى ان نسمع منك الجيدي فى اقرب فرصة .. تحياتى وتشكراتى على رقة الكلمات وصدقها ..تسلم كتير ويديك الف عافية
| |
|
|
|
|
|
|
| |
elhilayla
خالد
ايهاب
قرشـــو
cola
HAMZA SULIMAN
بلدى يا حبوب
KOSTA
Elmosley
omergoda
ابو جهينة
Abulbasha
بكرى ابوبكر
بدرالدين شنا
moniem2002
فيس بوك
تويتر
انستقرام
يوتيوب
بنتيريست