|
Re: درجات الدكتوراه الوهمية في السودان بقلم د (Re: أمل الكردفاني)
|
فعلا... اصبتي فيما كتبتي ... ووصفتي.. البيئه التعليميه والبحثيه ضحله للغايه للاسف حتي في المراكز المفروض بحثيه مثل المركز القومي للسرطان.. خاوي علي عروشه.. لانو لا الدوله ولا الوزارة تولي اهتمام للبحث العلمي احكي ليك نكبه (نكبه عديل) اثناء الماجستير في جامعه عريقه جدا وصاحبة ماضي تليد تقني المعمل بقول تدفعو لي ميه جنيه خمسين lab bench.. وخمسين حقتي.. واسطوانة الغاز نملاها نحن شان نشغل بيها ال flame .. والمضحك مرة احتجت ل خمسه جرام جلوكوز التقني قالت لي بديك ليها بس جيبي بدلها سكر من البقاله.. مع العلم الطالب بدفع رسوم اشراف ورسوم عملي وحق ارضية المعمل وللتقني مع انو م بعمل اي حاجه بس بتدفع ليه حسب العرف.. وبتشتري حاجات كلها من A to Z حدي الكبريت البتوع بيها ال flame.. دا غير رسوم خلو طرف من المصروفات الدراسيه ورسوم استلام شهادة
بالاضافه لمعاناة كتييييرة.. شان كدا طالب الدراسات العليا م بقدر يبدع او ينشر اوراق علميه.. لانو بكون عامل زي السايق حافله م حقتو في شارع مدني الخرطوم ... الجلابي (المشرف) داير حقو نقدا ودا البهمو اكتر من جوهر ومضمون البحث غير اي مطب بتدفع فيه... ام مُهاب..
|
|
|
|
|
|