يا زول وللا ياجماعة (وبالصريح كدا ياناس شبكة الامن الالكترونى)
اها انا بقولها بخشم مليان: انــــــــــــــــــــــــــا غـــبى وبـلـــــــــــــيد زى ما شتمتونى بدل ما تردو على النقاط والاسئلة الانا جبتها. انا متاكد انكم ما بتقدرو تردو اولا. وتانيا لانو النص الادوكم ليهو مافيهو فرقة للتنويع وحرية الحركة والتعبير. مش لو كتيبتكم تجتمع وتتشاورو فى امر "النوبى الواعى وفاهم" العمل ليكم سافوته وفضحكم من حيث لا تدرون يا شطار
يا ناس كدى بالعقل كدا ليه 19 أسم حتى لو هو زول واحد يرصو ليهو 29 مداخلة بنفس النقاط عشان يشتموا ويمنعو زول عبر عن مشاعره وحبه لى اهله ولى ارضة وتاريخه بقصيدة اروع ما يمكن فيها ايجابية ودعوة تحفيزية لاعادة بناء الامجاد والتمسك بالارض؟ وما قال غير انى انا بحبكم يا اهلى ويا بلدى ورغم عذابكم وحدتنا بترجع لينا امجادنا ونبنى ارضنا فى جد واجتهاد ثابتين فى ارض الاجداد. رسالة سامية زى دى تقابلوها بكل السباب والشتايم دى؟ ما لازم الناس تعرف انتو منو وبتعملوا كدا ليه؟
اها الاجابة على السؤال دا بتحتاج لى اجابة على "الاسئلة البليدة" الانا سالتها حسب كلامك يا ذكى يا عبقرى يا شاطر
بطل اللف والدوران وجاوب على السؤالين ديل:
- هل انت عاوز النوبيين يهجروهم؟
2- هل إنت داير السدود تتبنى وتغرق كل ارض النوبة؟
حوار شنو الانتا بتدعيهو. وينو هو الحوار؟ ياهو شتايمك دى المابتنتهى؟
جاوب على السؤالين وخلى اللولة.
اولا انا صحى زى ما قلت عن نفسى انى غبى وبليد. لكين كمان ما لى درجة الهبالة يعنى. عليكم الله انت يا شاطر بتسال بى جدك عشان تطلب منى اديك اسمى بالكامل؟ وكمان باستفزاز بانى مرة وماعندى رجولة؟ العب غيرها يا شاطر!!!!!!!!!
انا قلت انى غبى لكين ما قلت انا اهبل عشان اديكم اسمى الاصلى، وبالتمومة كدى اديكم عنوانى كمان. ليه؟ لانى برضو "جبان" فوق انى "غبى". وما بقدر على بيوت الاشباح بعد المرتين الوريتونى فوقم الجحيم. خاصة وانا شايفكم بتتعاملو بى حنية مبالغ فيها مع معارضين السدود زى مظاهرتنا الالفية الاستشهدو فيها شبابنا الاربعة الكتلتوهم فى كجبار من خلف ظهورهم يا جبناء لانهم رافضين للسد، ومظاهرات الالوف الجبتا فيها الاعتقالات زى النزلت فوق والانتظمت كل ارض النوبة الانتو قلتو الناس زهجانه منها ودايرا تهجرا (باللفة كدا دى فى احلامكم بس).
.......
لكن يـاصـوتـى جَـلـجـِل
أكد أن النوبة َ شـعبٌ صلـبٌ لايـُـقهـر
.......
إزأر بـجهـيـر ِالـصــوت ِ:
خَلـُودٌ أمـتـُنا لـن تفـنى حـتى الحـشــر
.......
لـن نركعَ؛ لن نـتـراجــعَ
أو نتــنازلَ أبدا للغاصــب ِ عـن شــبر
.......
كالنخل ِ المُتَأصل عُمقاً فى
رَحم الأرض مـديداً بالسـاق وبالـجـذر
.......
كالـبـركل ِ زادَ شـمـوخـاً
وتمددَ أوتاداً ضاربة ً فى أحشـاء ِ البر
.......
كـعُـروق ِ الكـنداكـةِ
تـسرى نبـضاً دفاقـاً فـى صُـمِّ الصخـر
.......
إحـكـى صـوتُ الـنـوبـةِ ...
عن عظمةِ قـوم ٍ شُــم ٍ كخـلـودِ النـهــر
وكمان ما تنسو قبل ايام وحشية زميلكم العقيد شوقى احمد صالح بتاع النجدة والعلميات البيسكن فى "بانت" فى امدرمان وضربنا هو وعساكرو ضرب البهم بوحشية واجرام وصل حتى ضرب شيوخنا الفوق السبعين لاننا معارضين للسدود. انا هنا فى خرطومكم دى يا سفله بس انتوهنا بتسو شنو لو انتو فعلا نوبيين. انت وللا انتو ما عندكم انتما ولا اصالة لانكم كلاب امن نظام مجرم مهما حاولتو تدسو الحقيقة دى الناس بقت واعية وبتعرف الاعيبكم.
وانا يانى السم القدر عشاكم وللا غداكم كمان. ما قلتو "ســــــكتناهـــــو سـيادتك"! والله فضايحكم يارخيصين بتورى الناس نوعيتكم المافيها لا انسانية لا رجولة لا شهامة وانتو بتعرفونى من قبل بفرمكم. عشان كدا دايرين تحرقو اوراقى بالشتيمة. لكين شد حيلك وابقى راجل. بس اوعى تكون كنت كوز فى الثانوى؟
انا بجيكم، زى ما قلت ليكم، الغريق لى قدام. وبوضح للجماهير البتقرا هنا سر هجومكم المركز والمكرر النصو واحد ولو اختلفت الاسماء عشان تعرف الكتيبة بتاعتك ولا بتاعتكم العندنا تفاصيل عن البدور فى اجتماعات التنوير بتاعا. عارفين كيف؟ انتظرو واحبسو انفاسكم.
فيس بوك
تويتر
انستقرام
يوتيوب
بنتيريست