الصحاف مات ... عاش الصحاف

مرحبا Guest
اخر زيارك لك: 03-28-2024, 12:50 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف اراء حرة و مقالات
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-13-2014, 03:43 PM

شوقي بدرى
<aشوقي بدرى
تاريخ التسجيل: 10-26-2013
مجموع المشاركات: 974

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الصحاف مات ... عاش الصحاف

    الصحاف كان الناطق الرسمي لنظام صدام حسين . كان يهاجم العلوج الامريكان ، ويقول انهم يستدرجون تلك الحية الي بغداد وسيقومون بتقطيعها . وواصل الكلام والفبركة وكان لايزال يتوعد امام الكاميرات ولم يلاحظ ان الدبابات الامريكية كانت علي الجسر وفي الخلفية ، وهو لا يزال يتوعد .

    وبعد الاحتلال الامريكي الذي سبب كل هذه المشاكل في المنطقة . قدم الجميع الي المحكمة .الصوارمي تجاهلوه لانهم يعرفون انه انسان جعجاع لا يعض ولم يعض . وقدم الآخرون الي المحكمة . وبعد فترة عندما ظهر للكاميرات كان يبدو مسكينا خاصة بعد ان فكت الجملكة وراح الاذبداج والسمكرة . حتي ان الناس قالت انه شقيقه الاكبر .

    الصحاف كان قبلها سفيرا في اسطوكهولم . وكان يكذب ويتوعد اللاجئين السويديين . وعندما هاجموا السفارة . قام الحرس باطلاق رصاص من كلاشنيكوف . وهذا ممنوع حسب العرف الدبلوماسي فالمسموح به هو بعض الاسلحة الصغيرة الغير اوتوماتيكية للحماية الشخصية . وحاشاك يا ام كرم الله من سرقة القنقر . انكر الصحاف وجود اي اسلحة اوتوماتيكية . وجابوا ليه تسجيل لعلعة الرصاص طططططططط ... ذي سيمفونية موزارت بالنوتة وايقاع آلات النفخ والنحاسيات . واعترف اخيرا وسلم السلاح .

    قبل كم سنة مات الصحاف . لكن قام بعاتي في السودان . الصوارمي قال للصحاف انت بتعرف شنو ؟ بيقول ان ما حصل للعميد في الضعين ليس بتعذيب . بعد القوب الفي راس القايم المقام ده وخطوط المشاه علي ظهره ده ما تعذيب ؟ اظني كان بيلعبو معاه ام الحفر .

    خطوط المشاه دي شفناها زمان في الموردة قبل الاستقلال بشوية . كانت الناس بتدلا البوسته علي البحر جنوب الحديقة . وفتوات الموردة عرفوا انه ده حق المشاة والعربات مفروض تقيف ليهم . بقوا يضرعوا في الشارع وكمان ياخدوا وقفة ويمشوا صف . اذا بتاع العربية احتج يمشوا عليه واتنين لسة في خطوط المشاه . ويقولوا ليه انت الحق ده ما بتعرفوا ؟؟ دي خطوط المشاة . ناس الخركة تعبوا منهم ، مسحوا الخطوط . وشمتوا عليهم ناس العباسية . الوكت داك الاربعين والعرضة ما اترصفوا . الخطوط الراحت في الموردة الليلة ظهرت في ظهرت في ضهر القائم مقام .

    القائم مقام ده زمان الضبابة ماتقدر ترك فيه . رحم الله الزين حسن الذي قاد القوات لحلايب واوامر اللواء الذي لحقه احمد عبد الوهاب مافي مصري يصبح في حلايب . وكان حاكم كردفان الغرة ام خيرا جوه وبره . والعم القائم مقام محمد مصطفي الكمالي حاكم اعالي النيل الي مساحتها اكبر من غانا .

    وقال ايه . الاعتدوا علي القايم مقام ديل ما عساكر ديل مواطنين . قالوا حموها الكلوميت بقت تشد العرقي . الكلوميت ذي العسلية بتخمر وبتصفي , العرقي عاوز مونة وفنطاز وبوصة ونار وحطب وتعب . قالوا ابو نواس في المجلس همز الخليفة هارون الرشيد . لمن الخليفة زعل قال ليه ما قصدي كنت قايلك السيدة زبيدة . ملكية يكبعوا ليهم قائم مقام ؟ الكشافة فيها انضباط اكتر من ده . ام سلمة سعيد رحمة الله عليها ماكان مدني ممكن يتطاول عليها . كانت رئيسة الكشافة .

    وبعدين البشير لمن اطلق الرصاص في عرس في المجلد واصاب ثلاثة اشخاص احدهم بنت توفيت في الحال مش احتمي بحرسه الخاص . لان العميد يعتبر ظابط عظيم له حماية . العميد ده حرسو كان بيلعب منقلة ؟؟ والناس الجات وفلفلت القطار ده لحداشر ساعة الهيلوكوبترات والطيارات بس لضرب المدنيين في جبال النوبة والنيل الازرق ودارفور ؟؟ الرجالة السووها في مظاهرات سبتمبر والاعتداء علي البنات والمدنيين . ما كان تمشوا تسووها في الضعين . والمدنيين ديل جو بي بساطين ؟ ما شايلين كلاشنيكوف . وده غلط وجريمة يحاكم عليها القانون . واذا ما شايلين سلاح العميد ده طبنجة ما عندو ؟؟

    المخجل انه الصحاف قال ان العميد كان سيخرج الفرقة للاستعراض وارجاع هيبة الجيش . ولكن بسبب الامطار لم تخرج الفرقة . واله يا صحاف السودان حيرتنا . بيقولوا في كل الجيوش . ات كان رين اون ذي آرمي . بط ، ات نفر رينز ان ذي آرمي . وتعني ان الامطار تهطل علي الجيش لكن الامطار لا تهطل في الجيش . بمعني مطر ثلوج برد صواقع لا يعترف بها ولا وجود لها في الجيش . في اليابان الظابط الذي يأتي بنتائج سيئة في تمارين اصابة الهدف ينتحر . وديل المطرة توقفهم . طيب حتحاربوا كيف ؟ يعني اول ما يجي الخريف اللواري بتقيف والعساكر تعسل في الرديف وتاكل الرغيف . والصحاف يقول يا لطيف

    كركاسة

    وكمان ندي النقارة عود . الصحاف قال انه الصوماليين التلاتةالاختفوا مش طلبة حربيين لكن قدموا طلبات للالتحاق بالكلية الحربية . دي مش محن سودانية دي مسخرة . قدموا بس يعني ، انا بكرة امشي اقدم للخطوط الجوية السودانية كطيار . يقولوا لي حنرد عليك . لكن التصرف الصاح حيقولوا لي جيب شهاداتك . وحتي جبت ليهم شهادات اني كنت بسوق ماكوك فضاء ومش سنجر ، حيقولوا لي . بعدين يا خال الطيران ده عندة سن معينه . وربنا يفتح عليك . من البداية اذا طلاب حربيين ولا لا . قبلتوا اوراقهم ليه ؟؟ يعني اي انقيب في الصومال ممكن يجي يلتحق بالكلية الحربية . الانقيب هوراعي الابل .























                  


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de