|
|
 خازوق الدستور الدينى المصرى والنوم فى العسل جاك عطالله
|
خازوق الدستور الدينى المصرى والنوم فى العسل
جاك عطالله
mailto:جاك%20عطالله
هل سئم الاقباط من ضرب القفا ولا لسه ؟؟
ماذا يفعل الاقباط لاسقاط الدستور الدينى الذى وضعه السلفيين بموافقة السيسى واعوانه
فى غفلة ونحن نائمون ؟؟ وممثلينا بيحلموا بالعسل فى لجنة الخمسين ؟؟؟
فى فضيحة شبه مؤكده وبعد ان نطق ابو الهول الممثل للكنيسة متاخرا جدا كالعادة لتلبيسنا فى الحيط بدون اى حكمة سياسية وهذذ بالانسحاب بعد بيع الاقباط بسوق الكانتو للسلفيين
الان وقد لبسنا فى الحيط كمدنيين و تم بيعنا بواسطة السيسى وعمر موسى وزياد بهاء ولجنة الخمسين كبة بمافيهم الاقباط الذين تنقصهم الحنكة والمناورة السياسية والخبرة على احسن الفروض او متعاونين وخونة على اسوأ الفروض ويتهمل وزرهم من اختارهم واصر رغم معارضة شديدة مننا لسابق مافعلوه بلجنة المائة الاولى من هرى قفا الاقباط وهم بجام نيام و تتكرر نفس المأساة ونلبس مرة اخرى بالحيك بدستور دينى مغطى برغاوى صابون لزحلقته للاقباط ولارضاء السلفيين على قفانا
الان علينا ان نتدبر مانحن فاعلون وتعالوا نحسبها
السيسى والسلفيين حسبوها بطريقة شريرة لم يقراها جهابذتنا القابعين بلجنة الخمسين ومن الان باقول ربنا ياخدهم جميعا ويريخحنا
ها يستخدموا الاخوان فزاعه ومعهم السلفيين اذا صوتوا ضد الدستور ها يقع الفاس فى الراس ويروح السيسى وييجى الحكم للاخوان يمسكوها ونهاركم ها يبقى اسود من قرن الخروب فالاحسن البسوا الدستور بالصبغه الدينية وتعايشوا معه و انتوا احرار تاخدوه لبوس تاخدوه شربة تاخدوه بالعضل مشكلتكم حلوها بيناتكم
طيب ايه اللى نعمله؟؟
الامر فيه ضحك ع الدقون لان السيسى لن يسمح للاخوان بالعودة لان بقى بينهم دم واذا سمح ها يتقتل اول واحد ولازم نعرف كده كويس لا هو ولا كل القادة العسكريين الحاكمين الان وان كان طنطاوى خد هو وعنان خروج امن فده بعيد عن دقن السيسى يا رقبته يا رقبتهم وعلشان كده ماسك بالسلفيين بايده وسنانه وبيهوى بريش النعام ويبسمل ويحوقل عليهم زى الفاسوخة
لكن على السياسيين الاقباط وده اتكتب علينا وعلينا كلنا نتحرك بربطة المعلم من مؤتمر الاقباط بنيوجيرسى وطالع اننا نلعب على الونجين بلغة الكورة- ترغيب وترهيب معا
الترغيب نفهم السيسى ان التصويت المرة اللى فاتت جاب شفيق موش مرسى باكثر من مليون ونص صوت و التزوير والتهديد والاتفاق مع طنطاوى هو اللى عكس الموضوع ومعاهم امريكا
يعنى بالمفتوح الاقباط هما اللى ها ينجحوا السيسى رغم اننى اتنبأ انه سيكون رئيس فاشل ودكتاتورى لكثرة عداواته والنقطة الوحيدة ستكون استكمال تصفية الاخوان وغرز خازوق اكثر تغرية وهم السلفيين الذين كتبوا الدستور السابق ويكتبوا الحالى و متمسكين بعداوة شديدة للاقباط والمرأة تمنع وجود دولة مدنية وكوته مناسبة للاقباط وحتى المادة and#1634;-;-and#1633;-;-and#1641;-;- حياة او موت بالنسبة لهم
يعنى ذميين ذميين وكفرة كفرة وخطف بنات وحرق كنائس واضطهاد وتصفية علنى وبالدستور حتى تتم تصفيتنا وسلملى على الثورة بسلطاتها وبابا غنوجها ولازم يفهم السيسى اننا موش ها يهمنا يسقط الدستور واللى يحصل يحصل لاننا واقعين بين حانا ومانا وضايعين ضايعيين
وقد ما نورى استبياع قد ما ها نقدر نصلح ولو جزء من المصيبة بتاعة الدستور اللى لا يمكن ها يتعدل ولو بالطبل البلدى مهما عملنا لما ما اعتراضناش مبدئيا واساسيا بطريقة واضحة
خلينا بقى نعترض على كله ونرجع الموضوع للصفر لا للمادة الثانية واى نص يدين الدولة ونعلن انسحابنا ورفض واضح وصريح للدستور وللانتخابات الرئاسية وطلب تدخل من الامم المتحدة ومظاهرات واعتصام مدنى مننا داخل وخارج واحتلال لمقرات السفارات المصرية بالخارج واستغاثة بالفاتيكان وبروسيا وبالدول الاوروبية ومجلس الامن
انا باحذر اهوه من السكوت والتمييع وقاعدين بنعض الارض لاننا ماطالبناش كوته سنة and#1633;-;-and#1641;-;-and#1633;-;-and#1633;-;- فى مؤتمر الاقباط وكان معانا وزرا وفلوس وجاه ومن اغنيا البلد دلوقت ادينا بنصوت زى الولايا
ياريت الكل يؤيد مؤتمر الاقباط فى نوفمبر الحالى لانه الفرصة الاخيرة قبل التهجير الجماعى الى الصحارى والقوارب فى صحراء التيه مثل بنى اسرائيل -- احذروا التحالف بين السلفيين والسيسى قائم وقوى وضدنا على طول الخط فماذا نحن فاعلون؟؟؟؟ خازوق الدستور الدينى المصرى والنوم فى العسل
جاك عطالله
|
|
 
|
|
|
|
جاك عطالله
فيس بوك
تويتر
انستقرام
يوتيوب
بنتيريست