|
|
|
 Re: باركوا للانيقة منى !!!!!! آية بقت أم (Re: Tragie Mustafa)
|
Quote: الف مبروك يا منى خوجلي
وقالوا ما اعز من الولد الا ولد وبنت الولد
وما اعز من البنت الا بنت البنت وولد البنت.
اها مبروك عليك تجربة الحبوبة ويا بختك.
وحمد على سلامة آية.
ويا حواء عقبال تفرحي بوليداتك وبيناتك وتشوفي سمح اولادهم. |
الله يبارك فيك وفي اولادك ياتراجي..
وعقبال مايكبروا أولادك ويفرحوك بشهاداتهم وبتكوين اسرهم..وتشيلي جني جناهم..
تجربة الحبوبه يادابها بدت..لكن اكد ليك انا اسه داخله من المستشفي ومشتاقه جدا
أرجع أعاين للبيبي..
شكرا ليك..
| |
 
|
|
|
|
|
|
|
|
Re: باركوا للانيقة منى !!!!!! آية بقت أم (Re: Amiral)
|
Quote: الف مبروك المولود يا منى
وحمدا لله على سلامة آية
وإن شاء الله يتربى في عزكم |
الله يبارك فيك يا أمير وعقبال ماتفرح بكل التتمناه..
شوفت نحنا خلاص بدينا الشكل في الأسم..
أنا عندي اسماء..
وآيه عندها أسماء..
وهو عنده أسماء!
والتلاته ما مستعدين نتنازل!
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: Frankly)
|
Quote: الف مبروك المولود يا منى وآية
ويتربى في عزكم
شكراً حواء على الخبر السار |
شكرا يا كمال فعلا هو خبر سار..
تشوف زول يادوب عمره في الدنيا دقيقه دي حاجه ماساهله..
وأجمل منظر اني اشعر انه المنظر اتكرر..
لسه في بالي آيه أول ماخرجت للدنيا..واشوفها برضه شايله جناها..
احساس رائع ربنا يهديكم احاسيس ومشاهد وتجارب زي دي وزي ماتحبوا..
شكرا ليك اخوي..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: انعام عبد الحفيظ)
|
Quote: الف مبروك المولود يا منى وآية
ويتربى في عزكم
شكراً حواء على الخبر السار |
نعومتي..
والله فرحت فرح لما سمعت صوتك..
اتذكرت الخرطوم وايام الخرطوم وسمايات الخرطوم وأبدا مانسيت ضبان الخرطوم..
انتي يا نعومتي العيال الفي بروفايل بتاعك ديل لسه ما وصلوا البحر؟؟
فترونا ياخ!
ربنا يسعدك حبيبتي..آيه بتجيب البيبي وزوجها ويجوكم في الخرطوم..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: خالد علي محجوب المنسي)
|
مشاعر فرح ودموع انجرفت.....
يالنسمة من الجنة تلك التى بلت وجهك وانت تهبينا حياة يا آية يا بنتنا وحبيبتنا
مبرووووووك يامنى.... يابختك
يالها من مشاعر...
وموعودات بحكاية الحبوبة الشابة،، المشاعر التى جاشت جواك،، الدموع التى سالت فرحا.. فرحا وفقط يامنو...
ربنا يخليكم لبعض ويفرحنا دايما بيكم
شكرا ياحواء ياعزيزة وعقبال مانشوفك حبوبة
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: Ishraga Mustafa)
|
Quote: مشاعر فرح ودموع انجرفت.....
يالنسمة من الجنة تلك التى بلت وجهك وانت تهبينا حياة يا آية يا بنتنا وحبيبتنا
مبرووووووك يامنى.... يابختك
يالها من مشاعر...
وموعودات بحكاية الحبوبة الشابة،، المشاعر التى جاشت جواك،، الدموع التى سالت فرحا.. فرحا وفقط يامنو...
ربنا يخليكم لبعض ويفرحنا دايما بيكم
شكرا ياحواء ياعزيزة وعقبال مانشوفك حبوبة |
شروقتي..
احساس غريب..عارفه بيجيك في أول ثانيه بعد الولاد.. بس فرحه بسلامة الأام..بتي الأغلي من نفسي
وطبعا سلامة الجنين..
بعدين بتبقي بس في فرحه..لامه لكل شيء..الخلق..شكل البيبي فرحة الناس كلها..
وبعدين بتلاحظي مع الأيام كيف العلاقه بينك وبين البيبي بتنمو..
لو نايم تكوني عايزه تصحيه..
مع انه نايم أو صاحي لسه ما بيعرف يعمل اي استجابه لونستك..
وبعدين تلقي نفسك عايزه تطلعي اسه دي وتشتري ليه حاجه..اي حاجه..
والأحلام اصلها ما بتزح من راسك..
بكره يكون عنده 3 شهور ويبقي عسل..مش العسل مافي أحلي منه؟؟
المهم..اسه آيه لو عايزه تسافر وتخلي لي ياسين بكون فرحانه..لكن هي بس البيقنها شنو
تعمل كده؟؟
وكان هي اقتنعت ومشت..البيقنع ابوه شنو؟؟
شغله ماعايز يمشيه وكل ما ياسين ينوم يصحيه!!
وشايله الهم..عندي شغل متأخر لازمه سفر بره..كل يوم اقول خلاص الأسبوع الجاي!
يا رب تشوفي بتك وولدك كبار وناجحين ومتزوجين,,وتشوفي عيالهم وتعرفي أنا بقصد شنو بالظبط..
زمان الخليفه نور الله قبره..كان ما بيقدر يقعد لو ماشاف عيالنا كلهم حواليه..
واول ماشوفت ياسين اتذكرت والدي الصالح..
ربنا يحفظك وعيالك..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: خالد علي محجوب المنسي)
|
Quote: ألف مبروك الحفيدة يا منى جعلها الله من الصالحات لدينها ودنياها ووطنها
ولك التحية والشكر الأخت حواء |
شكرا يا خالد..عقبال ما نفرح معاك بولدك..ونبارك ليك السمح كله..
تسلم اخوي..
الليله ياسين كبر شويه وبقي ماشاء الله عليه بيعمل حركات صعبه..
حركات زي شنو؟؟
بيلعب رياضه بيتقلب علي سريره ويعمل حركات بادينه ورجلينه..
انت يا خالد..كدي النسألك
انت اولاد الزمن ده بيولدوهم مفتحين ليه؟؟
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: حواء سليمان ابراهيم)
|
ألف مبروك المولود الجديد والحمد لله على سلامة إبنتنا الحلوة آية. مبروك ياالخوجلية أخيراً وصل الحفيد المنتظر... ربنا يجعله من الأبناء الصالحين البارين.
تحياتي لكل الأسرة والله يادوب جيت من الشغل ولقيت الأولاد وأمهم نايمين ... يعنى عشا ما في الليله -وقلنا أحسن ندلف على سودانيز أون لاين عسى أن نجد فيها من الأخبار ما يشبعنا وما خيب ظننا هذا الموقع الذي جمعنا فأصبحنا أسرة واحدة ... يا سلام يا أولاد.
شكراً ليك يا أخت حواء سليمان على الأخبار الحلوة دية.
تحياتي
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: Mohammed Haroun)
|
Quote: ألف مبروك المولود الجديد والحمد لله على سلامة إبنتنا الحلوة آية. مبروك ياالخوجلية أخيراً وصل الحفيد المنتظر... ربنا يجعله من الأبناء الصالحين البارين.
تحياتي لكل الأسرة والله يادوب جيت من الشغل ولقيت الأولاد وأمهم نايمين ... يعنى عشا ما في الليله -وقلنا أحسن ندلف على سودانيز أون لاين عسى أن نجد فيها من الأخبار ما يشبعنا وما خيب ظننا هذا الموقع الذي جمعنا فأصبحنا أسرة واحدة ... يا سلام يا أولاد.
شكراً ليك يا أخت حواء سليمان على الأخبار الحلوة دية.
تحياتي |
شكرا هارون اخوي..
ما بتقصر يا طيب..
سلم علي ثريا وساره واشكرهم كتير علي الزياره اللطيفه..ولما آيه تتعود علي البيبي شويه بنجيكم..
وان شاء الله نزلة ام ثريا تكون راحت..
تسلم محمد..ربنا يهنيك باسرتك وتربي معاهم عيالهم..
| |
|
|
|
|
|
|
|
|
 Re: باركوا للانيقة منى !!!!!! آية بقت أم (Re: حواء سليمان ابراهيم)
|
حواء يا حبيبة..
خبر حلو حلو..
مبروك يا آية ومنى ولينا إحنا زاتنا الوليد..
إن شا الله يطلع زي أخوال أمه..
يا جماعة النت عندي شبه مستحيل من أمبارح بسبب الأحوال الجوية الظاهر..
طالبني ورود وعلبة ماكنتوش
وإن شا الله يا حواء تشوفي وليدات وليداتك ووليداتهم كمان
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: ود محجوب)
|
Quote: نحمد الله على سلامة ابنتنا اية
ومبروك المولد
وجعله الله قدم سعد على اسرته
ومبروك يا منى
ولك الشكر يا حواء |
يا حليلك ود محجوب اخوي..
اول ما آيه ولدت اتذكرت الخليفه ودعاءه وفكرت قدر شنو كان بيكون سعيد
لو كان حضر ياسين..انا لله وانا اليه راجعون والحمدلله الذي اكرمنا بالخليفه ابا في حياتنا..ثم اكرمنا بياسين بعد انتقاله....
تقبل الله دعواتك الطيبه واسعدنا جميعا بأسرنا...
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: Raja)
|
Quote: حواء يا حبيبة..
خبر حلو حلو..
مبروك يا آية ومنى ولينا إحنا زاتنا الوليد..
إن شا الله يطلع زي أخوال أمه..
يا جماعة النت عندي شبه مستحيل من أمبارح بسبب الأحوال الجوية الظاهر..
طالبني ورود وعلبة ماكنتوش
وإن شا الله يا حواء تشوفي وليدات وليداتك ووليداتهم كمان
|
والله يا رجويه كان شوفتيه ماشاء الله لذيذ بشكل!
أول امس ناداني وكنت نايمه..
طوالي مشيت ليه قلت ليه في شنو يا ياسين العسل؟
طوالي قام ورمي نفسه في حضني!
لذيذ موش؟؟
لما عملنا الكرامه..هدي عملت ليه اللقيمات ومديدة البلح..جنس حركات علينا في لندن!
قلت ليك يارجويه..
بتك لما تجي ياسين اهو موجود..لكن في موضوع لازم أعرفك بيه امكن تكوني ناسيه ولا حاجه..
انتي لازم تتكفلي بمصاريف ياسين لغاية بتك ماتجي وتكمل الثانوي..
وبعد كده تلموا المهر..اصله الزمن داك قوانينه براها..
وبعدين في الهند العروس بتحضر المهر للراجل..واحنا ولدنا نصه من هناك..ما تنسي..سمح؟!
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: حواء سليمان ابراهيم)
|
| Quote: باركوا للانيقة منى !!!!!! آية بقت أم |
أت يا حوا ما تقولي منى خوجلي حبوبه عديل كدة
ألف مبروك الوليد وحمداَ لله على سلامة آية
وبعد ده يا منى باقي لي جياتك هنا ماشي تقل ما بعد ده بدل الكي بورد ح يبقى الحفيد
الله يخليه ليكم ويخليكم يه وعقبال ما أية تلحقه بي أخت شبه حبوبته.
الشايقي
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: Al-Shaygi)
|
Quote: أت يا حوا ما تقولي منى خوجلي حبوبه عديل كدة
ألف مبروك الوليد وحمداَ لله على سلامة آية
وبعد ده يا منى باقي لي جياتك هنا ماشي تقل ما بعد ده بدل الكي بورد ح يبقى الحفيد
الله يخليه ليكم ويخليكم يه وعقبال ما أية تلحقه بي أخت شبه حبوبته.
الشايقي |
باقي لي بقالها صعب تقولها الشايقي اخوي
يباركوا ليك سمح وليداتك وتشوف أولاد اولادهم..
عارف ياسين ولد لذيذ جدا..
اصله ما شاء الله ما بيبكي..
وبعدين هنا قاعدين نحاول نعله علي عدم الشيل..علشام كده الشيل بسيط
لكن لامن يحصل اسكت ساكت!
جنس لعب وحركات..
مرات غايته بشيله بالسرقه
واسه المحاولات علي قدم وساق يظلوا قاعدين معاي..أدعي لي!
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: حواء سليمان ابراهيم)
|
حواء يا حلوه..
ويا أحلي غنوه..
الله يبارك فيك وفي أولادك وفي أيامك..
ويسعدك بيهم كبار حلوين معرسين وجابين أطفال حلوين..
يونسوك ويفرحوك زي ولد آيه وعبدالرحيم مفرحني..
الولد قبيل ماشاء الله..والله أكبر.. ونسني جنس ونسه..
اسكتي ساكت اصله ما تقولي ولدوه الساعه سبعه ونص مساء
30 يناير 2008!
زول جديد شديد!
وكان شوفتيهو ماشاء الله وصلاة النبي فوقه حلو حلا!
لما شافني قال لي وحشتيني ياماما
قلت ليه طبعا حبيبي مش أنا ماما؟
وآيه دي ماتغشك... وبس امرنا لله..أعتبرها أختك!
هو بيعرف يتكلم بس بيتمتم شويه
شكرا حواء حبيبتي علي السؤال والأهتمام وعلي الفرح المافي زيه..تسلمي
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: doma)
|
Quote: الف مبروك يامني ويتربي في عزكم وليد آيه
وعقبال تولد بنيه كمان انا طبعا بحب البنات شديد |
طبعا يا دوما انا زيك بحب البنات جدا..
لما مشيت مصر بقيت اشتري ملابس الطفال علي اساس بت او ولد..
الأسكان بيوري في الشهر الخامس بس..
المهم تأقلمت علي فكرة الولد من الشهور الأخيره.
وافتكر الفرق بين الأتنين بيظهر في السنه التانيه والتالته..
الولاد عامه مابيخافوا خالص..
وشياطين جدا..
بس اسه وفي الوقت الحالي..
ياسين مافي احلي منه..ومنتظره مينت يكبر شويه واسرقه ينوم عندي!
يا رب تفرحي بعيال عيالك كلهم..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: motaz ali)
|
Quote: مشيت المستشفي (بوست مديده....ومفحضه وحقه! ) باركت لأختي أيه وسألت منك قالوا مشيتي ناس حواء سليمان فقلت لازم أصلك عشان ابارك ليك انت وحواء.. ومنتظركم تباركو لي
(بارك الله لكم المولود الجديد ورزقتم برّه وبلغ رشده ألف مبروك للوالدين
مع تمنياتنا بحياة ملؤها السعادة والهناء للمولود...)
شوفي في زول فرحان اكتر مني الساعه خمسه صباحا وانا صاحي عشان ابارك ليك
تحياتئ
أبرأهيم |
ابراهيم ولدي وأخو أيه..
متين أشوفك كده فرحان معرس وعندك أولاد؟
اوعدك أعمل ليه بيبي سيتنج مره كل اسبوع لمدة 3 ساعات
وينك قاطع الأيام دي؟
سلم علي معتز..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: abubakr)
|
Quote: ابتدينا ؟ طلع ينضم .........
الف مبروك ياجدتو ..... |
ابو بكر شنو مستغرب؟؟
مامصدق يعني ولا شنو؟
اها انا كلمتك باكتاب البقؤاه ليه كل يوم قبل النوم؟
كان ما متأكد تعال الأيام الحايه سودانيزأونلاين الساعه 7 مساء بمواعيد لندن..
هاتلاقاني مافي!
قايلني ليه مافي؟؟
ماعشان بقرا لي ياسين القصه بد تايم ستوري..
وهو في الصفحه الأخيره يقول لي اقريها تاني..
ودقيقه مافي يكون نام!!
اها شوفت كيف؟
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: Soumeta)
|
Quote: مبرووووك البيبي الجديد خالتو مني و آية،،
يتربي بين حضنكن و ابواب حبكن و ابوه،، |
سوميتا يا عسل..
بمناسبة القدام الساتان الحله دي..
ياسين بيحب المساج في قدمه!
والله العظيم جد..ما درابه!
ربنا يديك عيال..
يجوا يدخلوا البورد..
وتبقي سلمي وخيتها مني وانتي وهم في حالة حوار وضحك مستمر..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: bakri abdalla)
|
Quote: الف مبروك
ودامت الأفراح... |
تتبارك كل اوقاتك بكري عبدالله..
مسئلة حبوبه دي يا بكري شكلها غريب..
عارف لما اشيل ياسن وأعاين ليه..
بلقي بس شكل ىيه لما كانت في عمره..
يعني كأنك بتعيد في تجربه حصلت في حياتك بنفس الأحساس!
عقبالك يابكري..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: ALGARADABI)
|
Quote: ألف مبروك للحبوبة مني
وللابنة آية
الحبوبات أسماؤهم تغيرت خالص الزمن ده
عقبال لي حبوبة سلمي |
القردابي هلالك سمح جد!
الله يبارك فيك وعقبال عندك..
اسه اسم مني وسلمي ديل ممكن يكونو جديدين وممكن قديمين..
لكن المشكله في الجينز
اسه انت ممكن تتخيل حبوبتك لا بسه كداره وجينز؟؟
والله بيكون جنس منظر
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: محمد البشرى الخضر)
|
Quote: 1000 مبروك و حمدا لله على سلامة آية
ربنا يقر عين ابويه و حبوبته به ويحفظه ويجعله من الصالحين
وشكرا حواء |
وشكرا ليك كمان محمد البشري..
انت الأطفال الموليدين جديد ديل؟؟ليه كلهم بيتشابهوا؟
اسه عاينت لصورة بتك اللذيذه دي لقينها تشبه ياسين!
ربنا يخلي ليك عيالك..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: عاطف عمر)
|
Quote: نبارك للأنيقة منى
ونبارك للأمورة آية
ونبارك لأنفسنا
قدوم هذا الشبل
يتربى إن شاء الله في عز والديه
ويقر الله تعالى به أعينهما
وتاني مبارك يا منى
شكراً حواء |
عقبال ماتشيلوا احفادكم انتو وسعديه..
يجوا يملوا ليكم البيت زيطه وهيصه..
الخليفه نور الله قبره كانت اسعد الوقات عنده لما احنا وعيالنا نكون حوله..
البناء وبعدهم الحفاد جمال نسال الله ان ينعم به علي الجميع..
شكرا يا عاطف..دمت اخوي..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: osama idris)
|
Quote: الف مبروك المولود الجديد
تهانينا للاسرة الكريمة
وللحبوبة الرائعة منى
أسامة محمد إدريس |
شكرا يا اسامه..ياربي عندك عيال؟؟
لو عندك ما تفتكر قضية زواجهم دي بعيده..
فجأه تلقاهم واقفين ليك ويقولوا ليك عايزين نتزوج..
ولسه ما فقت من كلامهم تلقي السنه مرت وجوك بزول أحلي منهم!
ربنا يسعدك بكل حاجه تحبها..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: osman righeem)
|
Quote: الف مبروك وعقبال يا مني ما تشوفي وليداته
ارجوك تبريكاتي وتحياتي الي اية وبودي |
كيف حالك عثمان اخوي..
عارف اشوف اولاد ياسين دي صعبه شويه ولو انهم بقي يعرسوا في سن صغيره شديد
لكن اتخيل البيت لو بقي فيه اربعه او خمسه اجيال!
جمال مبالغ فيه!
الله يبارك فيك وفي ذريتك..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: احمد العربي)
|
Quote: الف مبروك
وجاينكم للسمايه
جهزوا الشطوط |
معقوله يا أحمد بعد التحضيرات دي كلها ما تجي؟؟
خسرتني شطة كتيره خلاص!
انت قايلها شطتنا السودانيه الحمرا ديك بس؟؟
ابدا والله الجماعه البنغال ديل عندهم شطه فظيعه..
تشوفهاكده زي الفلفل الأخضر والأصفر تفتكرها خضار بارد..
شكرا علي كل حال علي مباركتك هنا وعقبال تشوف عيال عيالك
يا مأذونا الطيب..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: اسعد الريفى)
|
Quote: الاخت العزيزة منى خوجلى و الابنة ايه
مبروك المولودة و جعله الله قرة اعينكم
و حمدلله على السلامةو ربنا يحفظكم
و جعل الله ايامكم كلها فرحة و سعادة
و كدى يا منى حنتوه بين تيتا و نينا و حبوبة..
و شكرا للخبر الجميل من الاخت حواء |
ازيك يا اسعد..
عارف احنا في بيتنا مافي غير كلمة ماما..
ماما (دي أنا) ماما جاره (أمي)
البيت كله كده...مستهبلين موش؟؟
اسه هو ناني دي الا يقولها لأم أبوه..وماخايله فيها علشان عندها 36 سنه بس
...
...
شكرا يا سعد وربنا يسعدك مع اسرتك دايما..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: نهلة عمر)
|
Quote: مبرووووووك يا منو
يتربى فى عزكم الوليد و تفرحوا بيو يا ربى
سلمى على ايوية و ابو الوليد
خبر حلو شديد شكرا حواء |
نونا يا حلوه..شوفتي ياسين عسل بشكل!
وبيحب الهدوء شديد..أي حركه جنبه تصحيه..
آيه محتجه الأيام دي..
قالت ياسين بقي يضحك لي وما بيضحك ليها
ربي يحقق ليك كل امانيك..
علي فكره..انتي ليك مده مافي..ليه؟
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: تيسير عووضة)
|
Quote: ألف حمد لله على سلامة آية يا حبوبة منى
وألف مبروك البيبي .. |
الحمدلله تايسا حبيبتي..
ايام وعدت بالسلامه!
جنس حال كان..شنطه محضره ليها اسابيع جنب السلم..استعدادا للمستشفي..
وياماما ختي ايدك علي بطني..
وياخالتو لازم تدخلي معاي غرفة الولاده!
عقبال ما تفرحي بأسرتك حبيبتي..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: النذير حجازي)
|
| Quote: مبروك الحفيد يا "منو" وحمدلله على سلامة إبنتنا آية |
كيف حالك النذير أخوي..وين غايب مننا؟
الله يبارك فيك..والله ياسين ربنا راضي علينا وعليه الحمدلله..ولد حلو وهادي..
عارف جني وجن العيال البيصرخوا كده وانت ما تفهم سبب صراخهم!
ربنا يهنيك بأسرتك ويسعدك بذرية الذريه الصالحه..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: الجندرية)
|
Quote: حمد لله على السلامة
بركة الانحلت طيبة
ويتربى في عزكم يا منى
شكراً حواء |
تسلمي يا أماني..
يارب كده تشوفي أولاد اولادك..
اسه انا بقي عندي برنامج فرح كده طعمه براه..
وما ببدله بأي برنامج تاني..
أغني وألعب مع ياسين وهو بس يعمل في اصوات استجابه..
عارفه هو طبعا لسه ما بيقدر يوجه ادراكه..بس دلوقتي بدأ يتعلم يستجيب..
بيسمع الأصوات كويس..زي البيثبتها في الذاكره..
شكرا اماني حبيبتي..سلمي علي عثمان صاحبي وقولي ليهو ليه غايب من البورد..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: منى على الحسن)
|
الحبوبة الأنيقة منى خوجلى
حمدأ لله على سلامة آية..
والوليد مبروك وإنشاء الله يربى فى عزكم..
وعقبال ما يجيب أخواتو وأخوانو..
طبعاً برضو حا أخلى حكاية الورود عليك عشان توصليها لى آية
مع تحياتى الخاصة جداً جداً ليها..
حواء..
سلامات وعقبال ما نبارك ليك الجديد..
و...
ولك ولكل من مر/ت من هنا محبتى
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: azhary awad elkareem)
|
Quote: الحبوبة الأنيقة منى خوجلى
حمدأ لله على سلامة آية..
والوليد مبروك وإنشاء الله يربى فى عزكم..
وعقبال ما يجيب أخواتو وأخوانو..
طبعاً برضو حا أخلى حكاية الورود عليك عشان توصليها لى آية
مع تحياتى الخاصة جداً جداً ليها..
حواء..
سلامات وعقبال ما نبارك ليك الجديد..
و...
ولك ولكل من مر/ت من هنا محبتى |
كيف حالك ازهري أخوي..
غايتو يجيب أخوانو واخواتو دي تبقي شغله تاني..
انا في الأول قلت لآيه أنا لا بشيل طفل لا بحمي طفل بطريقتك..
كفايه ربيتك انتي!
لكن من ياسين جه..بقيت اكابس معاهم..
واسه آيه لما تكون عايزه تطلع نص ساعه ولا تبعد منه..
تقول لي ماما لو سمحتي ممكن تخلي بالك من ياسو..
في نفسي اقول..شوف آ’يه الدايشه دي..
بتستأذني..وانا بكون ميته من الشوق علشان أشيله!
الورود اعتبرها وصلت وعقبال ما تشيل احفادك..لأنهم نعمه من الله نحمده عليها كثيرا عليها..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: منى على الحسن)
|
Quote: الف الف مبروك البيبي يا احلي حبوبة (منوية )
ربنا يجعله من الابناء الصالحين
وسلامة الغالية آية وربنا يخليهو ليها ويزيدو
التهئنة موصولة للحبوبة التانية ماجدة
غايتو ما شاء الله وعيني بارده الولد ده عندو
حبوبات عسل بس ....
الاخت العزيزة حواء شكرا على الخبر المفرح والعقبال لاولادك |
منويه ازيك..
عارفه ياسين ده بقي يفور بطني عديل..عارفه لما يبتسم استجابه للعبي معاه..
احس ليك بالدنيا دي كلها بترقص فرحانه..
حلوين شديد البيبيهات وخاصه لما يكونوا مامتضايقين من عيا..
اسه ياسين لما بطنه توجعه علشان الرضاعه والغازات..انا بتعب معاه..
ياخ هو كله قدر شنو علشان يجيه مغص؟؟
والمشكله عيالنا ما بيرضو نديهم الحاجات الكانوا بيعملوها ناس أمي وامك..
زي اليانسون والحلبه وكده..حاجه ماقالها الدكتور مافي طريقه ليها!
........
........
ربنا يسعدك يا منويه بأي حاجه بتتمنيها لنفسك..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: انعام حيمورة)
|
Quote: الف الف الف الف ميرررررررررررررررروك
خبر مفرح جدا جدا ..
يتربى في عزنا
شكرا حوة كتير |
شوفتي يا نعومتي..
من ياسو جه (ياسو ده ياسين) بقينا نفرح كتير..
وكمان نقعد التلاته كده لو اتكرع ساكت..تلقينا كلنا قلنا الحمددلله في لحظه واحده!
الله يديم الفرح علينا وعلي الجميع..
سلمي علي ناس البيت..
| |
|
|
|
|
|
|
| |
حواء سليمان ابراهيم
Tragie Mustafa
Muna Khugali
yasiko
انعام عبد الحفيظ
Frankly
هجو الأقرع
الملك
خالد علي محجوب المنسي
Ishraga Mustafa
Elawad
Alsa7afa_30
Mohammed Haroun
Raja
ود محجوب
Al-Shaygi
Rashid Elhag
أحمد الشايقي
doma
motaz ali
abubakr
Soumeta
ALGARADABI
bakri abdalla
محمد البشرى الخضر
عاطف عمر
osman righeem
osama idris
اسعد الريفى
احمد العربي
salma subhi
haroon diyab
نهلة عمر
نجوان
الجندرية
ابو جهينة
النذير حجازي
Mubarak Eltayeb
السمؤال بدرالدين
انعام حيمورة
Salah Waspa
sama7
فيس بوك
تويتر
انستقرام
يوتيوب
بنتيريست