|
Re: لحظة من فضـلك .. ممكن? (Re: Muna Khugali)
|
اها مدام كلكم بجاي ومني جابت الككوية انا جبت ليكم شمار سعديه يت جبريل شمار كتير يا رافت اطول من عمة نور البيضا ...
Quote: شمار سعدية بت جبريل «شهادة بحث» في حمد النيل..تراجيكوميديا من ثلاثة فصول «الفصل الأول» - ناس البيت هوووي يا ناس. يا عشمانة. يا إخلاص. بنات كلتوم يا فوزية كيف حالكن مشتااااقيين سلاااام بالكوم .......... جات سعدية شايله شمار معاهو «التُوم» مشت شهرين تَنَفِّس بتها «الخمجانه» في الخرتوم ........ تمام شهرين بيوت الحله لا سمعت خبار لا شَمار ولا قرقر ضحك حلقوم. ولا طقطق لبان هيمان في مُبْخر بخور تيمان ولا شالن حريم فنجان وسيرة زول على قدوم. لا ضحكو الصغار في حجوة لا سهروا الكبار في حكوه واتمحّن وطار النوم. ...... نان سعدية بت جبريل كان عارفين؟! رويحة الحِلة والطلّة. لا قِدْمت ولا هِمْلت لا مسخت لخلق الله لا عِرْفَت بيوت الحله ليها متيل. ..... كان غابت تقول نامت عيون القمره أو ترتر وفات النيل. ....... هي المشاطه والحنانه والدلاّكه والدبّاره والشمشاره والسمساره. والطهاره بي موسا ما خلت في هذا الشان لِبت في الحله شي مطلوق. ...... هي الجهّازه للعرسان ما بتقعد عروس في حُفره لو سعدية ما وقدت طلح دخان. هي ديمه الراس. القيدومه. دق الريحه. ست الشوره والطايوق. مرسال النَقَص للسوق عَرَق الهِمّه للحبان خبيرة الخُمره بي ميزان لو شم العريس عوسا تسيل دمعاتو ويتجرّس تقول ولّع عديل بمبان. ........ كان دقّت إيدين سعديه في التعليمه دلوكه تلاقي النخله تِتْفَنّس وعودها يميل تبوس سعفاتا موج النيل. وكان شالن بنات الحله غنوه معاها تِتْقَطّع عديل قمصان ويتكشّف ضهر شبان يولول في الجلود السوط يرْكز في البُطان عاشق تزغرد ليهو زولتو السمحه «ست الفوت» يفور عِشقو ويقول - يا سوط اريدك موت تهز فوقو الايدين طايرات تولع نار في وسط الدار تَجِن زغرودة من سعدية ويتلهلب غنا البنوت. ........ - ناس البيت هوووي يا ناس. يا عشمانه يا فوزيه يا إخلاص بنات كلتوم كيف حالكن مشتااااقين سلاااام بالكوم ... إنفتحن عيون البيت وانجدعن ايدين الاوضه والراكوبه واتسرّح شَعَر لالوبه رجعت شابه فاتا الشيب. وركّت رشّه فوق صفقات شديرة الحنه واتمسّح غَباش الصنّه واتجمّع حمام الحله واتراصص تقول «قرقول» صَدَح «قوقايو» بي تهذيب ..... - جات سعديه - جات سعديه ..... جَرَت عشمانه لي سعديه حفيانه وجات إخلاص تَنَقِّز زي وليد الريل وطربانه. ضحك قرقار ودمع الشوق نزل سرسار وصار شَهَقى السلام دوبيت ... - جات سعديه - جات سعديه .... سباليق البيوت رفعت عديل تعظيمها بالترتيب. وشوفو الشامه بت كلتوم وكت سمعت سلام سعديه - بالدهشه- قدّ الإبره اتغاتت واتسمّر رويس الخيت وإتنخَجَت تقول راجياله بس هبشه .... ومن بين إيدين فوزيه بت كلتوم وبالهجمه كمان طارت عديل كمشه. ونُص السهله «بت الريله» إتنفَضَت واتْنَفَشَت وجات زغروده إنبهلت إتْقَسّم ضِليل شَدَره واتبسَّم خشيم مُفراكه في حَلة مُلاح خُدْره واتشرشر في نُص الطوه واتْطاير حنين الزيت. ..... - جات سعديه - جات سعديه ... اتعنكش في عود سعديه كل الناس. الشُفَع حريم البيت الجيران تقول نخله سبايط خيرها إتدْلّت وتِقلو خلاص. وهاك يا سلام وهاك يا شوق وهاك يا كلام إتجمّع في رمش العين هوى الأرحام واتجدّع وطال الضُل فَرش لي بِرشو لي قِدّام واتردّت رويحة البيت قلع توب زهجو بالايدين ... اتْفَرشت في غمضة عين عناقريب الأهل صفين وكم سجاده كم بنبر. ومن مبخر مستّف بي بخور تيمان طلع صَفّق سحاب دخان واتحكّر في نص تربيزه جك ليمون مندِّي قزازو زي حتّل دموع مكنون. ووسط الرجّه والضحكه إتماسك تمام الكون صِبِح موزون. .... جات قُراصه بي دمعه واتراجف صحن لقمه وكت دلقن إيدين نعمه عليهو ملاح نعيميه واترصت صحون الفول تقول لمه وبالفرحه ضحك سرويس وكت رَدَمَن إيدين الشامه بت كلتوم تلات مرات تل من نارو طعميه ... وهاك يا ونسه يا قرقار ويا سعديه ست القعده إنفتحي تقول رادي وهاك يا نشرة الشهرين من الخرتوم جِنس أخبار؟! تُوم وشمار حتى الضُل وقف شمشار .... صواني تفوت صواني تجي قصص بالكوم ضحك وحكي ويا سعديه ما خلت نَفَس يتشال ولا إيداً تحك الراس جِنِس قصصاً تجيب هلواس .... راس البيت وقف مشطوب. في عين النخله كان الزير خروف دبدوب وبالهجمه إنزلقن من الايدين كبابي الشوب واتلخبط حمار مربوط نهق في الخُلعه بالمقلوب. صهل ضحك الحريم كورس وكت فرقع تقول في الحته نُص القصه كان مكتوب. ..... يا سعديه هاك الرص وراهو الرص وتتجادع حريم البيت سؤال وسؤال تقول دوبيت .... - سجم خشمي مسك إيدينها جوه البص؟! ... - أجي يا يمه؟! كمان قلعن عديل التوب؟! .... - سجم أُماتن الخايبات شن راجيات؟! ... - أخير واحسن يقولن روووب ..... - قلتي شنو؟! واحدات شربن عديل الـ...... شنو؟! الشيشه ولاّ حشيش؟!! .... - سجم أمي يا سعديه قلتي الشي الورا داك سموهو برضو شنو؟ الدِش؟! ... يا سعديه بت جبريل تقول حاوي اتحكرتي شلتي الجو حريم البيت بضحكه طويله سَوّن شوووو وكت سعديه إتفَنَست وقالت - أيّا اسمو الدِش وحاة الله شفت بنيّه نُص السوق وبالفستان تَقَلِّب ليها في دِشّاً تقول عتالي شايل ليهو قنطار عيش جوه الخيش ... ويا سعديه بت جبريل وكت كِتْر الطَعِن في الضُل إتعدلت في نص الداره زي ملْكه وخَشّت توووش عديل في الفيل .... - هي يا يمه نان ما نسيت أقول ليكن حكاية الزاكي ود قنديل - الزاكي منو؟ - ود قنديل جار التوم - التوم راجل بتك «الخمجانه» في الخرتوم؟ - أيّا ... وانعصرن حريم البيت على سعديه جايى شمار كبار مردوم معاهو التُوم وشِيهن رارا للاخبار ... يا سعديه خُشي عديل طَعِن في الفيل .... - هو زول سمسار قروشو كُتار وخالو وزير - سمسار سوق ولاّ بيوت؟! - في شيتاً ما بسمسر فيهو ود قنديل؟! من الخرفان لحدي الخُرده والعربية والتلاجه والدكان. سواقي لواري طيارات. بيوت للبيع بيوت تأجير حصين وحمير كمان أكشاك تجارْة الشنطة والتمباك. جزم قمصان ورق أقلام كمان دخان. .... وكت دقّت سديرها الشامه بت كلتوم كمان كل الحريم تبعوها في ذا الشان .... - سجم خشمي سجم خشمي وا خجيلتي وا خجيلتي يا نسوان - كمان دخان؟! .... سعديه غمزت ليها غمزه طَرَف وزي حاوي وبي حركة صوابْع الإيد سوّت ليها ورقة لف ومطّت للحروف تبيان - دخاااااان ما دخااااان فهمتن حسه يا نسوان؟! - سجم خشمي حتى البنقو باعو كمان؟! - أصُبْرَن أصُبْرَن وقالوا الساترو وساندو خالو وفاهمو. وسمعت شمار قالوا استوردو البمبان ..... الشامة شهقت وصوتها عشرق والريله نَفّت دموعها سالت وفوزيه قَحّت. عشمانة عطست. .... وسعديه ضحكت - سجمكن مالكن حسه يا نسوان؟! شان قلت بس بمبان؟!! .... - وخالو وزير - أيّا مكنكش في الكراسي عديل لا شالوهو في تعديل لا نقلوهو بره سفير. ولو ساط البلد بي حالها ما سألوهو من تفسير - مساخْر الدنيا في ناس ديل - ناس مدفوره يوت لي فوق وناس بنيانها درب السيل. .... ويا سعديه زيدي شمار لسه الرادي فيهو خبار .... - أها اتذكرت حاجة كمان والله لو حجُّونا ما بتدخل عَقُل وأضان ... اتفتحت عيون شباك وصَنُّو اتصّنتُو البيبان واتمدّت إضين نسوان ويا سعديه اتشمرتي واتحكرتي واتمهلتي واتوكلتي بالرحمن شمارا الجاي صنفو تقيل عديل يكسر رقيبة الفيل. ... - قالو الزاكي خَشّ عديل يسمسر في مقابْر البكري وأحمد شرفي وحمد النيل ... في تربيزه نص القعده منّ الخلعه انكسرت كبابي الشُوب وطارت ليك صواني الشاي وقعت رُب. .... - عشان الموت صبح بالكوم وموت الجُمله صار معلوم ناس الزاكي شان ما يبقوا يوم في لوم قالوا الناس تقدم لي قَبُر بدري وما تْسهِّى ويشيلك نوم تخُت دمغات في طلب التُربه تدفع للحجز ورسوم ويدوك.... ويدوك.... شن سموها يا سعديه بت جبريل شن سموها يا سعديه بت جبريل.... أيّا «شهادة بحث» مكان عايز. تُرب فاروق ود البكري أحمد شرفي حمد النيل .... إنْقَلَدن حريم البيت وانفقعن دموع وعويل ... صوت النخله بالمليان زِعِل كورك - يا نسوان بدل تبكن على الخرتوم بدل تبكن على امدرمان أخير تبكن على السوداااان «و...تتوالى الفصول» الفصل الثاني قريباً شمار سعدية بت جبريل «كضبة ناس.. في شهر ابريل» هاشم صديق 17/3/2007م نقلا عن صحيفة الصحافة
|
| |
|
|
|
|
|
|
Re: لحظة من فضـلك .. ممكن? (Re: abubakr)
|
Quote: اها مدام كلكم بجاي ومني جابت الككوية انا جبت ليكم شمار سعديه يت جبريل شمار كتير يا رافت اطول من عمة نور البيضا ... |
نقعد برواقه بعدين نقرا هاشم صديق في فصله الأول...
أمس جاتنا مطره متلجه.. يعني تشوف المطره نازله زي القطن تصل الأرض تسيح طـوالي! تذكروا سنو الشر الفات? وفرشه باب الشارع الأول ماشفتها افتكرت في زول جاب لي فرشه بيضاء? ياها دي صورتها ليكم
نواصل...
مني
| |
|
|
|
|
|
|
Re: لحظة من فضـلك .. ممكن? (Re: abubakr)
|
العزيزه منى...
الربيع والخريف... دى واحده ..ومجال اللقيا...!!والاستحاله للجمع..!! يعنى ذى تختى النار...مع البنزين..!! برغم التباين.الوضعى..!!(لكن الغبا حاصل..!!)
وصراخ العنصريه..ونحن نعيش الفصل العنصرى فى كل مناحى الحياه فى السودان..!!.. ونجاهر به فى صمتنا.وادبياتنا..ومسلكنا.وسلوكنا..ونغمض العيون...!! دى الثانيه.. والثالثه.. الزهور..والورد..!!
ونخلى الرابعه.. العدد القادم.. كثيف الود
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
جارتي العزيزة الكريمة منـــو :
Quote: بس كنت عايزه أطمنكم عن قرب نهاية تعبكم .. أبشركم بقرب انتهاء الأخطاء في الطباعة.. بس بعد كده بمشي أحضر دروس في قواعد اللغة واجيكم شاطرة تاني..
كويس؟؟ |
هو نحن لسه ح ننتظر ؟
طيب أبدئ بي دي :
يالا ياشطارة !!!!
| |
|
|
|
|
|
|
Re: لحظة من فضـلك .. ممكن? (Re: abubakr)
|
الرجل النقي الأصيل : أبو بكر
صباحك زين يا أمير ، ، ،،
Quote: انا بس مع "الككوية |
يا أبو بكر ككوية شنو في الوقت ده ، هسه كده شوف ( بنت خالة منى دي كيف ) أنا عايزك تدخل لي واسطة خير ، عائز أخطبها ، أها رايك شنو ، أنا أبوي متوفي يعني بعتبرك كده ولي أمري كده شوف لي الموضوع ده بعدين نرجع للككوية بتاعتك دي .
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: صباحك زين يا أمير ، ، ،، |
انت الامير يا عماد ... بس انا عايز "الككوية " بشان تكف العين .. كفاية النضم السمح البترسمو مني ...وروحها الاحلي بعدين صور مني كلها حلوة وما بتسمح للتحيز بوضع واحدة في البروفايل ولذا انا داير "الككوية "
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
ألقت ايران القض علي 15 بريطانيا (عسكريا) بتهمة التعدي علي حدود وسلام البلد أجريشن أكشن Aggression Action بالدخول الغير قانوني لايران..
بينما تحتج بريطانيا بأن جنودها لم يكونوا في المياه الاقليميه الخاصه بايران.. بل كانوا في المياه الاقليميه الخاصه بالعراق!
وبس الدنيا مقلوبه هنا زي ماقردي قالب الدنيا في البوست ده..
نواصل..
مني
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
يا نور يا صحبي ... بعديين الزهور تغيير منها ونبقي في مشكلة زي بتاعة ال15 بريطاني الهي حكتها هسع .. يعني منو في المياه الاقليمية بتاعة التاني الزهور واللا هي ... بشان كدة انا عايز "الككوية "
| |
|
|
|
|
|
|
Re: لحظة من فضـلك .. ممكن? (Re: abubakr)
|
دقيقه ياشباب نشرح ليكم الوضـع..
أنا دلوقتي متقمصاني حالة النسيبه ماذر ان لو mother in law آيه وبودي بايتين معاي.. أمس عزموني سينما ماقدرت امشي قلنا نأجلها.. المهم حلاتهم ..جوني شايلين لي عشاء وبوكيه زهور وبارفان.. ساهرت معاهم للساعه 12 بليل ومشيت نمت.. وقمت الصباح أطبخ ساااااكت.. وكان نصيبي كم كبير من القبلات الحلوه من ضنايا الأصلي آيه.. وضنايا التاني بودي زوجها.. طبخت ليهم وماشاء الله زي مابودي بيقول كل دقيقه..باميه انماايه..ورز انما ايهين.. وياسلام ياسلام علي الملوخيه والجـداد بالكريمه والبينوتالدكوه..ولا سلطة الدكوه ذاتها.. حاجه ماتخلص..أديكم حبه?
الحلو بقي موضوع تاني..بس انا دلوقتي ماشية معاهم لماما جاره.. بكتب ليكم بعدين من عندها...
نواصل...
مني
| |
|
|
|
|
|
|
Re: لحظة من فضـلك .. ممكن? (Re: abubakr)
|
عليك الله يا ابو بكر صورة القط الشايف نفسه أسـد دي مش معبره ? وبتتحـدث عن 'البعض' بكل صراحه?
أهه أنا من 'البعض' ده.. مغشوشه في نفسي..وياريت اقدر اراجع نفسي في تفكيرها!
ماما جاره بتسلم عليكم..
نواصل..
مني
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
البورد ده هايجنني بعد ماقردني ! مجموعة مناوي والإنقاذ بيتبادلوا الضرب بالنار.. يعني موت ودم وجروح.. مجموعات زي دي تسرق وتهدد وتقتل..نقوم نتوقعها تعتذر? كدي لبنوا لعنواين البورد!
نواصل..
مني
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: ماما جاره بتسلم عليكم.. |
تسلمي يا ماما وربنا يخليك لينا ويديك الصحة والعافية كمان وكمان
( سلامُ قولاً من ربٍ رحيم )
تخريمة :
الككوية ... الككوية ... الككوية ( مظاهرات ) .
| |
|
|
|
|
|
|
Re: لحظة من فضـلك .. ممكن? (Re: عماد محمود علي)
|
Quote: تخريمة :
الككوية ... الككوية ... الككوية ( مظاهرات ) . |
عمده صباح الخير...وأهلنا السودانين في كل مكان.. وأتمني انه يكون خير..خاصه انه الدنيا مولعه في كل بقعه في السودان.. يا مولعه ونارها ظاهره.. يا مولعه ونارها تحت السطح لسه ماظاهره!
انت ياعماد عامل زي الكديسه الفي بروفايل.. شايفني قرد وهي شايفه نفسها أسـد!
ولا ياربي كومبيوترك لسه معلق القرد?
ولا آآآآه انت عاجباك صورة الككويه وعايزني أرفعها تاني?
نواصل...
مني
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
نيران السودان كالاتي
نار اسعار
ونار تحت رماد
ونار امتحانات الشهادة
ونار جمرتها خبيثة
نار في العربيات المظلله
ونار في دارفور والشرق والشمال والمهندسين العودة
ونار في الحفرة ( تجهجه رجال وانصاف رجال)
ونار في قلبي من بنات خوجلي
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
كـل مايحـدث في الخرطوم الآن هو نتيجه لسياسة الدوله الإرهابيه والتي لم تنتج الا ارهاب.. ضحيتها المواطن..ولن ينته الوضع بالقبض علي هذا او قتل ذاك.. فقد أصبح العنف سياسه متبعه في السودان كله.. لن تتوقف المليشيات من الظهور والإنشقاق بعد الظهور..ولن يكف النظام من التعامل معها بطريقة بديك "انت" معاي.. النظام اسس بقوه لمبدأ القتل قوة والعنف هو سبيل الظهور والبقاء.. والخوف هو ايضا طريق للعنف..الخوف وفقدان الطمأنينه الطريق لحمل الكثير للسلاح..
أخبرني عديد ان السلاح الآن موجـود في بيوت مواطنيين عاديين ..خوفا علي سلامة أسـرهم.. وسلامة المواطنين هي اولا وأخيرا مسئولية الدوله..
وتحت حكم الإنقاذ المرسخه لمفهوم العنف لا توجـد دوله تحمي المواطنين..فحياة الفرد لا تساوي شيئا.. والحركات المسلحة في الخرطوم وشرعيتها المستمده من شريكتها الإنقاذ لا يهمها أيضا أرواح الناس..
نواصل..
مني
| |
|
|
|
|
|
|
Re: لحظة من فضـلك .. ممكن? (Re: nourelhadi awad)
|
منــــو
أنعمتي ظهراً ، ، ،،،
Quote: ولا آآآآه انت عاجباك صورة الككويه وعايزني أرفعها تاني? |
بصراحة ده تضامن صريح جداً مع البرينس أبو بكر ، كديسة شنو يا منى ، إنت ناسية آية ومصطفى عملوا فيها شنو ؟؟ ولا ناسية الكديسة عملت فيك شنو ؟!!! . شان كده أحسلنا الككوية . مش يا أبو بكر !! ؟
| |
|
|
|
|
|
|
Re: لحظة من فضـلك .. ممكن? (Re: nourelhadi awad)
|
Quote: ملحوظة قالوليك نفر البتعملي فيهو دا ضمة مامرضيهم |
إنت ياجميل مابتجيب الا الجميل.. دحين صورتك دي صورة نصاح? عجبتني عجب ماليهو حـد.. وعشان خاطر أهلنا الطيبين أنا برجع صـورة منويه ال... .... .........
صورتك وديتها وين يانور? حردتها? ولا مادايرها تقعد في جنينتنا دي?
نواصل..
مني
| |
|
|
|
|
|
|
Re: لحظة من فضـلك .. ممكن? (Re: عماد محمود علي)
|
صباحكم جميل .. طيب يا أبو بكر وعماد.. أنا عنـدي حل.. نورنا الفنان.. يشيل الصوره الكانت فيها الكديسه بتعاين فيها في المرايه.. وشايفه نفسها أسد.. وبعدين يستبدل الكديسه بالقرد..والأسد بالصوره دي.. ايه رأيكم موش.أنا فالحه ورضيتكم? نرتاح ذاته من ود شيقوق البقي شكال ونرضيه.. مارأيكم?
حكمة اليوم الهي برضه أزليه.. دعوني أعيش يا أحباب..
نواصل...
مني
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
من المهم جدا عند نقاشنا لأي موضوع أن نتفهم أبعاد الموضوع تماما..حجمه..اسبابه.. وأثره علي المجموعه أو المجموعات المعنبه بالحديث..وعلي كل من يمت لها بصله
فاذا تحدثنا عن ظاهرة تفشي استخدام المخدرات أو اي شكل من أشكال الانحراف بين أبناءنا.. يتوجب عليناأن نتناول مناقشة الظاهرة في حد ذاتها.. وأن نتجنب تماما تخصيص نقاشنا لمجموعة معينه من البشر دون غيرها.. الانحراف له أسبابه دائما ولا يحدث بين مجموعه دون الأخري..اي مجموعه من البشر موجوده علي ظهر هذه البسيطه لابد من أن يوجد بينها بعض الانحرافات وبدرجات مختلفه ..تعميم ظاهرة انحراف معين.. علي مجموعة معينه دون وجود منهج علم يؤكد افتراض الانحراف علي المجموعه المحدده..فعل خاطيء ويسبب الغضب لكل المجموعة..وتنقصه الحساسيه ولا يخرج من كونه قول مستفز.. علينا أن نحافظ علي مشاعر بعضنا... والمحافظه علي المشاعر لا تعني أغماض العين عن الخطأ.. بل تعني الموضوعيه وعدم التعدي علي الغير.. أبناءنا هم قرة أعيننا ولا نتحمل فيهم القول الظالم... بل نتحمل فقط محاولة اصلاح حالهم دون تدميرهم بقول غير لطيف..
نواصل...
مني
| |
|
|
|
|
|
|
Re: لحظة من فضـلك .. ممكن? (Re: nourelhadi awad)
|
قال مناوي نائب رئيس.حكومة الإنقاذ في بيانه أولقاءه الصحفي.. ان الحرس بالمنزل محل الحـدث والقتل والذين قتلوا..كانوا 'أولاد أسر'..
ابناء أسر..أبناء أصول..أبناء ناس..مصطلحات اجتماعي تستخـدم لشكر أخلاق المشار اليهم.. وهذا ما قصده مني أركوي..قصـد أن الحرس لم يكونوا من مسببين المشاكل ولا فاحش الفعل.. ونحن نتفهم هذا المعني تماما..
لكن.. ماذا يقول البعض.هنا فيما قاله مناوي لوصف حرسه..
هل يرونه حـديث سخيف يقصد به أن الآخرين ليس لهم أسر? هل يرون فيه طبقيه? هل يعتبرونه عنصريه? أم يرونه قولا عاديا?
نواصل...
مني
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
عارفين أكتر مرضانين بيشفوا من المرض وين?
في الأفلام العربيه!
تلقي الواحد ولا الواحده راقده من المرض..ورابطه راسها وحالها يصعب علي الكافر.. يقوم ولدها.. وعلي الأغلب بنتها.. تجيب ليها 'برشام' ولا كباية لمون .. ترد الدم..وطوالي يبقي العيان كويس!
ايه حكاية الليمون دي?
وليه ما برتقال?
زمان مره في امتحانات الجامعه..جاني المراقب وسألني في صوت منخفض.. معاكي برشام? قلت ليه أيوه.. طيب إديهوني.. أنا طوالي أديتو شريط الأسبرو..افتكرته عايز حبوب صـداع.. لكن بعد نظرته الغريبه ..واستغرابي لها..شرح لي زميلي في المقعد المجاور بعد انتهاء الإمتحان معني السؤال والبرشام..
اتضح انه المراقب بيقصد ببرشام ورقة غش..يعني بخره بلغة الغشاشين!!
نواصل...
مني
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
سؤال يحيرني...
لو أن أي مواطن ليس له تنظيم سياسي..رأي وشاهد وعاصر أفعال شنعاء للحكومه ولرأسها في بلده.. لم تشمله هو شخصيا... لكنها شملت ربما جيرانه..أصدقائه..اقرباء أصدقائه وابناء وطنه.. هل نقبل أن نري هذا المواطن في سعاده وتودد مع الحكومه ورأسها دون أن نلومه?
ثم نجـد له العذر ونقول أنه ليس سياسي?
نواصل....
مني
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
منى خوجلي تقول:
(سؤال يحيرني...
لو أن أي مواطن ليس له تنظيم سياسي..رأي وشاهد وعاصر أفعال شنعاء للحكومه ولرأسها في بلده.. لم تشمله هو شخصيا... لكنها شملت ربما جيرانه..أصدقائه..اقرباء أصدقائه وابناء وطنه.. هل نقبل أن نري هذا المواطن في سعاده وتودد مع الحكومه ورأسها دون أن نلومه?
ثم نجـد له العذر ونقول أنه ليس سياسي?)
انا ذاتي السؤال ه محيرني
| |
|
|
|
|
|
|
Re: لحظة من فضـلك .. ممكن? (Re: د.محمد حسن)
|
صباحكم ورد..
وتزداد حيرتي عندما أري من لومناهم يستغربون حقا لومنا!
وفجأه نصبح نحن الملومين عندهم..وتستلب مواقع اللوم بين اللائم والملوم حتي يصغر موضوع اللوم فتضيع القضيه بالتدريج!
ولا شنو يادكتور ?
نواصل ..
مني
| |
|
|
|
|
|
|
Re: لحظة من فضـلك .. ممكن? (Re: فاروق حامد محمد)
|
Quote: ككويات خاينين مش تقولوا في سياسة بي هنا,,,,,,,, |
فاروق انت بقيت ممارس لسياسة الاستعباط..
بس برضه كويس..احسن من مناقشة قضية الشرق الأوسط وموقف جامعة الدول العربيه.. والتي أصبحت تدهش البعض بهويتها..فتسائلوا في براءة أو حتي غباء..
هل هي عربيه ولا غير عربيه?
نواصل...
مني
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
بصراحه أنا عايزه أغير صورتي..زي مابغير في احساسي.. عايزه المره دي ارفع صـورة حمار.. اشمعني حمار?
علشان هو حمار..يعني مابيفهم.. وحتي لو فهم الناس بتكون مقتنعه انه مابيفهم.. وبكده يترفع عنه اللوم.. وعلشان الحمار يقدر يتحمل البيحصل هنا من .. كراهيه فظيعه عدم التهذيب... إجرام والتلفيق... الغرور من نوع النفخه الكذابه خالص... الشكل.. وضربني وجري سبقني اشتكي.. مواضيع ذبح محمد أحمد طه..ربنا يظهر القتله.. اشتعال النار في كل البلاد..والتي انتقلت لهذا البورد.. العنصريه.. التعدي علي الأسر..
بس..
عايزه أكون حمار من غير بردعه!
نواصل...
مني
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: علشان هو حمار..يعني مابيفهم.. |
الحمار ما غبي توريهو الدرب ما بنساهو لو لقي حفرة قدامو بيحرد ويقيف لو الحمولة زادت علي طهرو يا رقد في واطة الله يا رماها لو ضربتو كتير يشيلك فوق ويضرب بيك الدلجة
بشان كدة فنانا الصلحي عندو مجموعة كاملة من الرسومات للحمار ولمان ضحكنا مرة وواحد دكتور بتاع فنون بيحكيلنا عن حمير الصلحي قام زعل وحلف تاني ما يدرسنا فنون وقال لينا انو الحمار اشطر منا ... وبعدين لما اهتماتي زادت بالحصان لاسباب هندسية كمصمم لاندية الفروسية والبولو لقيت كلام استاذنا بتاع الفنون صح الحمار اذكي من الحصان الحصار بيجري لحد ما يموت ينوم واقف وما بيريح جسمو ممكن تغشو بحتة سكر فيجري لحد ما يقع لما يكون منتشي ويبدا ياكل ما بيقدر يوقف اكل فتجييه تخمة ولعبكة كان ما لحقوه وعملولو غسيل معدة يموت... بشان كدة اخوي الكبير لما كان مدرس كان بيقول للطالب البيغلط "يا حصان "
اها "حمار" والا "حصان" ؟؟؟
| |
|
|
|
|
|
|
Re: لحظة من فضـلك .. ممكن? (Re: abubakr)
|
انت بهنا يا ارباب
الهبت ذكرياتي في هذا الاستريت يا بكوري كنت اتجول فيه قبل عامين وكنت الوحيد اللابس جلابية وعمة وشال وحامل عصاية جمييييييييييلة -
اذكر واحد بريطاني استاذنني لاخذ صورة فوتوغرافية منى وانا بهذا الزي الوطنى اللافت للنظر
| |
|
|
|
|
|
|
Re: لحظة من فضـلك .. ممكن? (Re: الطيب شيقوق)
|
Quote: الهبت ذكرياتي في هذا الاستريت يا بكوري كنت اتجول فيه قبل عامين وكنت الوحيد اللابس جلابية وعمة وشال وحامل عصاية جمييييييييييلة -
اذكر واحد بريطاني استاذنني لاخذ صورة فوتوغرافية منى وانا بهذا الزي الوطنى اللافت للنظر |
اتخيلت منظرك بالزي السوداني والانجليز والزوار بيتفرجـوا عليك.. كل زول بهمه...انت بتتفرج علي تن داوننج ستريت عايز تشوف بلير .. وهم بيتفرجوا عليك...
تذكروا اليوم داك مش.قلت ليكم عملت نفسي سائحه في البلد?
أهه كنت شايله الكاميرا معاي اشيل وأصور.. وبعدين لقيت شبان ضخمين كده ماعارفاهم تبع بوليس المجتمع ولا تبع الطرق واصلاحها...
المهم وقفتهم وقلت ليهم ممكن اتصور معاكم? وبأدب الانجليز وافقوا وابتسموا كمان للسائحه العايزه تذكار... ناديت زول تاني اديته الكاميرا وصورنا!
والله كان يوم سياحي.جميل..كله استهبال!
نواصل...
مني اتخيلت منظرك بالزي السوداني والانجليز والزوار بيتفرجـوا عليك.. كل زول بهمه... انت بتتفرج وهم بيتفرجـوا... تذكروا اليوم داكمش.قلت ليكم عملت نفسي سائحه في البلد? أهه نت شايله الكاميرا معاي اشيل وأصور.. وبعدين لقيت شبان ضخمين كده ماعارفاهم تبه بوليس المجتمع ولا تبع الطرق واصلاحها... المهموقفتهم وقلت ليهم ممكن اتصور معاكم? وبأدب الانجليز وافقوا وابتسموا كمان للسائحه العايزه تذكار... ناديت زول تاني اديته الكاميرا وصورنا!
والله كان يوم سياحي.جميل..كله استهبال!
نواصل...
مني
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
مش في صباحات كده تقوم فيها بحماس من النوم وأول ماتبدأ صلتك بالحياه والحركه حـولك يصيبك تعكر المزاج ثم يتحول الاحساس الي خواء?
طيب..إستعنا علي الشقا بالله!
نواصل...
مني
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: الهبت ذكرياتي في هذا الاستريت يا بكوري كنت اتجول فيه قبل عامين وكنت الوحيد اللابس جلابية وعمة وشال وحامل عصاية جمييييييييييلة |
ات متاكد انك كنت جوة الجلابية لاني شفت واحد في نفس الوقت الشيه الخاق الناطق انت وجاري ليهو عربانة ما عارف فيها شنو لكن الناس كانت بتفز منو وتفسحلو الطريق وكانت في يدو حاجة تشبه العصاية بس سويبر مكنسة وبرضو لابس ابيض بس اوفروول ..زي الكانت لابساهو نيومي كامبل الاسبوع الماضي وهي بتقضي عقوبتعا في العمل الاجتماعي ... عجيبة شبه تقول انت
| |
|
|
|
|
|
|
Re: لحظة من فضـلك .. ممكن? (Re: abubakr)
|
Quote: ات متاكد انك كنت جوة الجلابية لاني شفت واحد في نفس الوقت الشيه الخاق الناطق انت وجاري ليهو عربانة ما عارف فيها شنو لكن الناس كانت بتفز منو وتفسحلو الطريق وكانت في يدو حاجة تشبه العصاية بس سويبر مكنسة وبرضو لابس ابيض بس اوفروول ..زي الكانت لابساهو نيومي كامبل الاسبوع الماضي وهي بتقضي عقوبتعا في العمل الاجتماعي ... عجيبة شبه تقول انت |
إنت قصدك ده??
لالا ده ما الطيب أخونا..أولا ده لونه أبيض ...... ........
ولا ده مع انه ضعيف زيه ولونه اسود وكمان لابس أبيض
يا ابوبكر..الطيب كان بيتفسح ولابس جلابيه في 10 Downing Street
وبعدين هو كنسه ذاته ما كنس أرض..كنسه في البورصه وقوانينها هناك..
نواصل مع 10 داوننج ستريت..
مني
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: نواصل مع 10 داوننج ستريت.. |
هو عامل شاطر مشي وقف جنب العسكري الواقف دة وعينو ما تشوف الا النور العسكري طلع واحد كان في زيارة لمسقط ومشي البورصة وهناك سال عن الاسهم النشيطة فصاحبنا اتدخل وعمل نفسي محلل اسهم وهات يا افتراضات لحدما العسكري كل جنيهات الملكة ضيعن وما كان في جيبو حتي حق التاكسي ويالله ساعدوه ناس كانو في السوق وصلو الاوتيل ومن هناك الي المطار ورجع وهو يلعن سلسفيل العرريب وحيث ان العرريب كان انسحب - زي انسحابو اليوم من القضية والشكوي المقدما ضدي- فالعسكري كان مناهو يلقاهو واهي الظروف جابتو واها بعد داك سمعنا انو بقي احوص وشايل عكاز يتكل عليهو وحالتو شلش
| |
|
|
|
|
|
|
Re: لحظة من فضـلك .. ممكن? (Re: abubakr)
|
Quote: اها انتي اصلك مشيتو ياتو كوكب ؟ الاتنيين دييل ما بيشبهو ناس الارض المعفوصيين في النص بيناتن ... |
والله يا أبوبكر الناس ديل وقت اتصورت معاهم كانوا عاديين جـدا.. ولما شفت الصـورة اتخلعت..احنا التلاته زي الميزان الفاضي ..موش? أنا غايته بعد ماعاينت في الصوره بقيت أغني لنفسي المسخوطه بينهم وأغني ليهم..
العيب فيكم..يافي حبايبكم والله يرحم الست!
علي فكره.. ده شارع مارشمونت ستريت Marchmonte Street في طرفه رسل سكوير تيوب ستيشن.. Russelle square محطة الاندرجراوند المعروفه..جنبها طبعا جامعة لندن ..بيربك كولدج.. داخليات وميادين ومولد سياحي..زي المتحف البريطاني..
نتفرج علي الصور?
نواصل...
مني
| |
|
|
|
|
|
|
Re: لحظة من فضـلك .. ممكن? (Re: abubakr)
|
سوق برومسبري - مارشمونت ستريت
عارف يا أيو بكر مع انه دي خطوط المرور للمشاه.. لكن كانت مغربيه للواحد يلعب فيها أريكا عاميه
لأنه طول ما انت فوق الخطوط دي العربيات ما تقدر تعدي!
نواصل...
مني..
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
مني
Quote: لأنه طول ما انت فوق الخطوط دي العربيات ما تقدر تعدي! |
الغريبة اولاد جون بتاعنكم البيجو هنا وهم كتار بيعتبرو الخطوط البيضا دي "الميس" بتاع السبق وقالو في الخرتوم بيعتبروها شلوخ للشارع بس يعني حاجة جمالية
| |
|
|
|
|
|
|
Re: لحظة من فضـلك .. ممكن? (Re: abubakr)
|
جلسة الليله الخاصة بجامعة الدول العربيه المنعقده بالرياض فيها حاجات بتضحك كتير..
أنا عندي احساس كده-وهو مجرد احساس- انه في عدد من الرؤساء ساقطين كانوا في العربي في المدرسه..
نواصل...
مني
| |
|
|
|
|
|
|
Re: لحظة من فضـلك .. ممكن? (Re: د.محمد حسن)
|
Quote: راجعي لقاء القذافي مع قناة الجزيرة اول امس |
انت عارف القذافي ده أصله رامي طوبتهم من زمااااان
زول 'جزر القمر' كان بيقول دولتنا عربيه.. طريقة تأكيد بعروبنها لمن قال أنها ليست عربيه!!
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: أنا عندي احساس كده-وهو مجرد احساس- انه في عدد من الرؤساء ساقطين كانوا في العربي في المدرسه.. |
انا الرطان جبت كرديت وون في العربي زمان - قريب من ايام تابط شرا- وعامليين رؤساء للعرب وما بتعرفو الانا بعرفو في العربي؟ ...دة كلام .. هو العربي اصلو ما بتاعهم ولا حاقة هو اصلو اندنا وبعديين زهقنا منو رمينا في المويتتين الحلوة والمالحة فانتشرت ... فانتشروا
| |
|
|
|
|
|
|
Re: لحظة من فضـلك .. ممكن? (Re: abubakr)
|
Quote: وثيقة رقم: IOR 30/006/2007 (للتداول العام) بيان إخباري رقم: 060 بتاريخ : 27 مارس/آذار 2007
يجب أن تمارس جامعة الدول العربية ضغوطاً من أجل إنشاء آلية مراقبة دولية في الأراضي الفلسطينية المحتلة وقوة حفظ سلام قوية في السودان.
عشية اجتماع جامعة الدول العربية في الرياض بالمملكة العربية السعودية في 28 مارس/آذار 2007، أصدرت منظمة العفو الدولية نداء إلى الجامعة العربية دعتها فيه إلى اتخاذ موقف قوي يستند إلى حقوق الإنسان حيال المشكلات التي تواجه منطقة الشرق الأوسط وشمال أفريقيا.
وقالت المنظمة، في إشارة إلى استمرار تفشي الانتهاكات الفادحة لحقوق الإنسان في العراق وإسرائيل والأراضي الفلسطينية المحتلة والسودان، إن الجامعة والدول الأعضاء فيها يجب أن تساعد على التصدي لهذه الأوضاع، وألا تُخضع حقوق الإنسان إلى الاعتبارات السياسية بعد اليوم. وقالت المنظمة إنه لا سبيل إلى حل المشكلات المستعصية التي تواجه المنطقة من دون الاعتراف بالأهمية الأساسية للحقوق الإنسانية لكل شخص في كل بلد.
إن منظمة العفو الدولية تدعو جامعة الدول العربية إلى ما يلي بشكل خاص:
إسرائيل والأراضي الفلسطينية المحتلة · دعم إنشاء ونشر آلية دولية فعالة لمراقبة أوضاع حقوق الإنسان من قبل الأمم المتحدة في مختلف أنحاء إسرائيل والأراضي الفلسطينية المحتلة، بحيث تتمتع بصلاحية مراقبة مدى تقيد كل طرف بالتزاماته بموجب القانون الدولي. وينبغي أن تقدم مثل هذه الآلية تقارير علنية عن عملها وأن تحدد التدابير الملموسة التي يجب اتخاذها من قبل الأطراف المعنية والدول الأخرى والمنظمات الدولية لضمان الالتـزام بالقانون الدولي لحقوق الإنسان والقانون الإنساني. ضمان أن كل جهد يُـبذل في سبيل استئناف مفاوضات السلام يجب أن يكفل الحقوق الإنسانية الأساسية لجميع أطراف النـزاع، ومن بينها حق جميع الفلسطينيين والإسرائليين في الحياة، وحق الفلسطينيين في حرية التنقل عن طريق تفكيك السور/الجدار الذي بُني في الضفة الغربية، وإنهاء القيود التعسفية المفروضة على حرية التنقل، وإزالة المستوطنات الإسرائيلية من الأراضي الفلسطينية المحتلة، وإيجاد حل عادل لمشكلة اللاجئين في الأجل الطويل.
السودان · ضمان قبول الحكومة السودانية، بلا تأخير، بإنشاء ونشر قوة فعالة لحفظ السلام تابعة للأمم المتحدة والاتحاد الأفريقي، على أن تتمتع هذه القوة بالموارد الكافية والصلاحيات القوية لحماية المدنيين بكافة الوسائل الضرورية، مع الالتزام التام بالقانون الإنساني الدولي. · حث الحكومة السودانية على نـزع سلاح مليشيات الجنجويد وفقاً للاتفاقيات الدولية الموقَّعة من قبل السودان، ومنع وقوع الهجمات عبر الحدود ضد المدنيين في تشاد على أيدي الجنجويد.
العراق · ضمان أن تتخذ الحكومة العراقية خطوات فعالة لحماية السكان المدنيين في العراق، وممارسة كل ضغط ممكن وكل نفوذ ممكن على أطراف النـزاع في العراق، بما فيها الجماعات المسلحة المعارضة للحكومة العراقية، وذلك من أجل وقف عمليات قتل المدنيين واحتجاز الرهائن وغيرها من الانتهاكات الجسيمة لحقوق الإنسان. كما يتعين على الدول الأعضاء في الجامعة العربية توفير الحماية للاجئين العراقيين.
الصومال · ضمان منح صلاحيات قوية في مجال حقوق الإنسان لبعثة الاتحاد الأفريقي في الصومال وعملية حفظ السلام التابعة للأمم المتحدة المقترح إنشاؤها في وقت لاحق.
لبنان · تشجيع الحكومة اللبنانية على التصدي، في إطار حقوق الإنسان، للقضايا العالقة التي تذكي نار المظالم وعدم الاستقرار في لبنان، ولا سيما التصدي لقضية إفلات الجناة المشتبه في ارتكابهم انتهاكات لحقوق الإنسان من العقاب، بما فيها تلك التي ارتُكبت إبان الحرب الأهلية التي استمرت من عام 1975 إلى عام 1990- وإجراء إصلاح شامل لنظام العدالة الوطني.
السلطة الفلسطينية · أن يكون واضحاً لحكومة الوحدة الوطنية أنها يجب أن تتخذ خطوات ملموسة لوضع حد لحالة الإفلات من العقاب وانعدام القانون وعمليات الاقتتال بين الفصائل السياسية التي لا تزال تحصد أرواح المواطنين، وخاصة في قطاع غزة. |
From Amnesty International and the title of this press release is League of Arab States must press for international monitoring in Occupied Palestinian Territories and strong peacekeeping force in Sudan
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
دعوني أغني خارج السرب فليتني أمارس الآن عادة المشي فوق تقنت يمر بصعوبة وسط غابة نخيل وأسجار النجو المتكلسة وتملأ خياشيمي رائحة زهرة البرسيم ونفس القوسيل لأدخل أرجلي المتعبة ويغادرني زهايمر الإغتراب واستلقي على سجاد سعدةالله وأرسل زفراتي المخبأة في تلافيف الرهق حتى السماء السابعة وأصلي ركعتين للرب
| |
|
|
|
|
|
|
Re: لحظة من فضـلك .. ممكن? (Re: nourelhadi awad)
|
شفت يا نور أحلامك البسيطه دي..مش شكلها ساهل تحقيقه لبساطتها؟ تصدق صعبه جدا.. انتهاء الحروب حلم ساذج.. فالكراهيه متزايده في القلوب.. عارف بيت الطين في الشماليه القلنا نبنيه؟ حلم وذاب في حب الدم والقتل وصدقني ماكان الفيضان الغرقه وذوب طينه.. كان الدم وحب ريحة البرسيم وهو بيتحرق..والنخل وهو بيضيع هو السبب.. أخاف أن نكتفي قبل أن نصل .. لمساحة مقبره تضم أجسادنا في الوطن ...
نواصل...
مني
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: لمساحة مقبره تضم أجسادنا في الوطن ... |
حنرحل ما يهم!!! لكن احلام اولادنا ما ترحل ابدا .. احلام ماتت عشانا بشر كتيرة ما عايزنها ترحل معانا ..هي باقية عند اولادنا وحيترجموها حقيقة رغم بأس السلطان والسلطانية المليانة عقارب وديدان ....
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
الجماعه ديل ليه مابنقلوا صلاة الجمعه التي تؤديها النساء? شكلهم يعني عيب.. ولا في حكمه تانيه أنا جاهله بيها? ولا مابيعرفوا يقيفوا في الصفوف زي الرجال? وهو وقوف صفوف الرجال ده صعوبته شنو? ولا يعني النساء بتعمل حركات قدام الكاميرا نوع سلام يا أهلي شوفتوني وانا في الجامع? ولا آآآه.. بيكونوا العيال بيصلوا معاهم وامكن يكونوا بيخربوا أداء الصلاه.. غايتو ماعارفه الا زول يجي يوريني...
نواصل...
مني
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
صباح الخير يامنى بمناسبة الصلاة واحد من اندكم عمل جامع والناسبيصلوا فيه في امان اللع
قامت الحكومة عملت جامع اكبر من بتاع صاحبكم وتحول المصلين للجامع الكبير الراجل جامعه بار فقام يمو بالميكرفون قال ليهم
( اعلان هام الصلاة اندنا مخفضة المغرب والعشاء ركعتين
والمفاجأة الكبرى
صلاة الفجر الساعة 7 صباحا)
| |
|
|
|
|
|
|
Re: لحظة من فضـلك .. ممكن? (Re: د.محمد حسن)
|
Quote: صباح الخير يامنى بمناسبة الصلاة واحد من اندكم عمل جامع والناسبيصلوا فيه في امان اللع
قامت الحكومة عملت جامع اكبر من بتاع صاحبكم وتحول المصلين للجامع الكبير الراجل جامعه بار فقام يمو بالميكرفون قال ليهم
( اعلان هام الصلاة اندنا مخفضة المغرب والعشاء ركعتين
والمفاجأة الكبرى
صلاة الفجر الساعة 7 صباحا) |
الصلاه في الجوامع في لندن ليها شكل اجتماعي أكبر في رمضان.. صلاة التراويح طبعا النساء بالذات بيمشوا ليها جماعات.. وهناك في الجامع بتلقي بعد الصلاه أكل مختلف..يعني لو في واحد مؤمن وكمان طفس (دني) يقضي وقته في ايمان ومعاه مرح.. وعلشان كده جارتي كل رمضان تزيد 5 كيلو ومابينزلوا منها خالص.. احتمال كبير رمضان الجاي ماتقدر تصل الجامع وتضطر تصلي في البيت..
جمعتك سعيده بإذن الله..
نواصل...
مني
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: احتمال كبير رمضان الجاي ماتقدر تصل الجامع وتضطر تصلي في البيت.. |
اها الجماعة في التلفزيزنات الامريكية واللبنامريكية بيعملو برامج تخسيس وجوائز قربت المليون ودولار وانتي بجاي شغالة تخسيس .... زمانك ( قريب لحكاية 1/1/1900) ناس المراعي فتحو مكتبهم في شارع وراء داخلياتنا -الشينيين- وفي نفس شارع داخلية البنات ووضعو يافطة وسهم " تسميين الماشية " وبدل ماالسهم يشير الي مكتب المراعي كان بيشير الي داخلية البنات وكانت حكاية .. يارب اليافطة في واللا الماشية اكلتا ..
| |
|
|
|
|
|
|
Re: لحظة من فضـلك .. ممكن? (Re: abubakr)
|
شكرا أبو بكر..
فعلا مختلف..أهلنا الأثيوبين مزاجهم في وردي وسيد خليفه.. علشان كده غناهم لكابلي غريب... بتحب إثيوبيا وأهلهم أبوبكر? أنا بحبهم جـدا لأنهم فنانين خالص..جميلين وكمان ناس عريقين.. لكن برضه بحب الأريترين جدا جدا..فيهم قرب شـديد مننا وبرضه هم فنانين وشعب صنع واقتلع حريته..
نواصل...
مني
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
منـــــو
مساء الخير
Quote: وبعدين يستبدل الكديسه بالقرد..والأسد بالصوره دي.. |
بالنسبة لي اقتراح وجيه جداً بس بكوري ده البقنعو شنو زول جنه ككويات .
Quote: بتحب إثيوبيا وأهلهم أبوبكر? |
غايتو لو عندهم ككويات أنا متأكد أنه بيحبهم . أما خلاف ذلك فلا .
أنا شخصياً بحبهم تماماً . وكنت علئز أتزوج منهم بس في آخر لاحظه سافرت أمريكا وتلاشى حلمي الجميل .
أنا ضد تغيير هذه الصوره إلا بصورة ماما جاره بس . اي تغيير ح أضرب نهائياً عن البوست .
| |
|
|
|
|
|
|
Re: لحظة من فضـلك .. ممكن? (Re: Muna Khugali)
|
مني كل سنة وانت وكل الحولينك والمعاك في الخاطر والمكان بخير
انا غايتو الاثيوبيين والاريتيرين عندي واحد .اها بحبهم وبحب بلادهم وفنهم ...
ان يغني مغنيا اثيوبيا شعرا فصيحا كما فعل علي هذا وكما ن للكابلي فيه كثير من المقدرة الابداعية وحب اهلنا في الشرق لاغاني السودان ...
| |
|
|
|
|
|
|
Re: لحظة من فضـلك .. ممكن? (Re: abubakr)
|
الرجل النقي أبو بكر
يسعد صباحك بكل خير صديقي ، ، ،،
Quote: الككوية ما فتحت لي كوبري ومشت ...وانت الامهرية سابتك ومشت امريكا ... |
أنا غايتو يا أبو بكر كل ما أمشي السودان بمشي أبكي على الاطلال ، إنت غايتو إلا تدخل الغابة ( ما غابة جون قرن ) ، وتطلع ليك في شجرة ، غايتو أطلالك صعبة شدييييييد . وتسلم عزيزي .
منـــو : غايتو لو غيرتي الصورة دي أنا بشيلها وبنزلها في البروفايل بتاعي وبدخل الغابة .
| |
|
|
|
|
|
|
|