جواب مرسل باليد مع عتمان ود نفيسة في بوسطة قطر اللتنين
الأخت المحترمة ...................... منى بت جارة السلام عليكم ورحمة الله وبركاتو إن شاء الله الكريم ورب العرش العظيم تكوني بخير وصحة جيدة كما نحن والحمد لله بخير وعلى مايرام وصحة جيدة ولا نفقد شيئ إلا سوى عدم رؤياكم الغالية وبعد اهديكي تحية أنغى من الجاز وأحلى من العسل مع الحمام الزاجل إذا مرت بالجبال هدتها وإذا مرت بالبحار ( دي نسيتها) سلمي لي علي أبوبكر والجنون والبنوت المعاكم في لوندون والجماعة هنا كلهم مبسوطين وماعندهم فد عوجة وبسلموا عليك كتير السلام كبير وسغير أها أبقي عشرة علي رقبتك وتحرسك الشريفة مريم ملحوظة خيت ليك طرد تمر من تمر الخليفة وقطعو لي ود أحمدانة بعد حنيث علا الجنا الخايب دا رفد يشيلو وأكان سألتي عن أخبارنا بس فاقدنك أه قبال ما أنسى ودمحمد زين طهارتو الليلة وخديخة جابت تيمان حلاتن والكهربة وصلت فريق التحتانية والله يكفينا شر العقارب مع السموم دي أها مانسيت عابدين بقت عليهو جنس بشتنا جابوهو في الكشة وهسع يترقد من ضل لي ضل والمرا حردانة عند ناس أبوها
والرد مع ساعي البريد ودعتك الله
03-05-2007, 11:56 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: قبل سنوات خلت احتشدت نساء وبنات السودان فى قاعة الشارقة ليتعلمن اصول الحجاب وليستمعن لبضع كلمات عن فضل الحجاب من ممثلة مصرية عاشت حياتها بالطول والعرض ثم تحجبت ولم يجد اولئك النفر افضل منها لتقديم النصح والإرشاد... ولم يسأل احد نفسه عن مدى العلاقة بين الحجاب والسلوك... وعلى ذات النسق تفتقت عبقرية البعض الآن عن دور جديد لممثلة أخرى... هبطت مطار الخرطوم سافرة ولم يلفت سفورها نظر أحد... رغم أن احدى الصحف قد أوردت قبل ايام ان طالبات مدرسة ثانوية منعن من حضور احتفال بحجة السفور...!
الآنسة ليلى علوى كلفت فيما يبدو بدور محدد وبعبارة واحد ة تقولها حين تصل دارفور وهى (ان الوضع فى دارفور ليس كما يصوره الإعلام الغربى) ولو سئلت الأستاذة عن الفرق بين ما يقوله الإعلام الغربى وبين الواقع لحارت جوابا... ظن البعض (وليس كل الظن إثما) ان مهمة ليلى الأساسية فى دارفور هى اختراق جدار المنظمات الأجنبية وإقناع اهل دارفور أن المنظمات العربية تشعر بمعاناتهم وتتعاطف معهم... ولكن ليلى بدلا من ذلك لم تكذب الإعلام الغربى فحسب... وكان هذا أقصى ما يرجوه منظمو رحلتها... بل ذهبت اكثر من ذلك وغدت ملكية اكثر من الملك حين قالت ان الحالة فى دارفور عال العال... والحال كذلك فعلى كافة المنظمات العاملة فى الحقل الإنسانى بدارفور أن تغادر فورا... فلم تعد ثمة حاجة لهم وفقا لشهادة ليلى علوى... كما أن على المانحين أن يكفوا ايديهم عن تقديم أى دعم.... اذن ليلى علوى لم ترحم ولم تترك الرحمة تغشى اهل المعسكرات...!
والممثلة ليلى علوى لم تكتف بذلك بل ومن منصة عالية وضعت نفسها فيها ووضعها منظمو رحلتها التاريخية حين سخروا لها الولاة والوزراء واجهزة الإعلام التى لا تتذكر معسكرات النازحين إلا اذا جاء زائر، قالت انها بصدد تعليم اهل دارفور كيفية الاعتماد على انفسهم لكى لا يمدوا ايديهم للغريب!!!!!!!!!
لو أن بنت علوى هذه كانت قد قامت بتمويل حمولتها لأهل دارفور وهى عبارة عن خمسة آلاف علبة لبن (قيمتها الإجمالية حوالى 20 الف دولار فقط) من مواردها الخاصة لاحترم الناس دعوتها للاعتماد على النفس. والمبلغ اقل من اجرها فى الفلم الواحد بكثير..
العنوان الحقيقى لزيارة ليلى علوى انها عملية علاقات عامة.. لها اولاً.. ولمن دعوها ثانياً... أما اهل دارفور فقد كان نصيب الفرد حوالى 4.3 جرامات من اللبن باعتبار ان عدد النازحين فى الولاية التى زارتها حوالى 460 الف نازح..!
تحليل سياسى :- محمد لطيف
المصـدر جريدة السـوداني عدد اليوم 5 مارس 2007
03-06-2007, 00:50 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
والي أن نتعلم المحاسبة مع انفسنا والآخرين,,, نبقي نحن كما نحن... مجرد ناس طيبين... ويسـتمر الحال كما هو الحال... لأننا فقط نعشق أن يقول عنا الغير.. اننا أحسن ناس... وهكذا يضيع الوطن...
نواصل...
مني
03-06-2007, 10:57 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
جواب مرسل باليد مع عتمان ود نفيسة في بوسطة قطر اللتنين
الأخت المحترمة ...................... منى بت جارة السلام عليكم ورحمة الله وبركاتو إن شاء الله الكريم ورب العرش العظيم تكوني بخير وصحة جيدة كما نحن والحمد لله بخير وعلى مايرام وصحة جيدة ولا نفقد شيئ إلا سوى عدم رؤياكم الغالية وبعد اهديكي تحية أنغى من الجاز وأحلى من العسل مع الحمام الزاجل إذا مرت بالجبال هدتها وإذا مرت بالبحار ( دي نسيتها) سلمي لي علي أبوبكر والجنون والبنوت المعاكم في لوندون والجماعة هنا كلهم مبسوطين وماعندهم فد عوجة وبسلموا عليك كتير السلام كبير وسغير أها أبقي عشرة علي رقبتك وتحرسك الشريفة مريم ملحوظة خيت ليك طرد تمر من تمر الخليفة وقطعو لي ود أحمدانة بعد حنيث علا الجنا الخايب دا رفد يشيلو وأكان سألتي عن أخبارنا بس فاقدنك أه قبال ما أنسى ودمحمد زين طهارتو الليلة وخديخة جابت تيمان حلاتن والكهربة وصلت فريق التحتانية والله يكفينا شر العقارب مع السموم دي أها مانسيت عابدين بقت عليهو جنس بشتنا جابوهو في الكشة وهسع يترقد من ضل لي ضل والمرا حردانة عند ناس أبوها
والرد مع ساعي البريد ودعتك الله
03-07-2007, 11:48 AM
Mohamed Abdelgaleel Mohamed Abdelgaleel
تاريخ التسجيل: 07-05-2005
مجموع المشاركات: 10415
Quote: ودمحمد زين طهارتو الليلة وخديخة جابت تيمان حلاتن والكهربة وصلت فريق التحتانية والله يكفينا شر العقارب مع السموم دي أها مانسيت عابدين بقت عليهو جنس بشتنا جابوهو في الكشة وهسع يترقد من ضل لي ضل والمرا حردانة عند ناس أبوها
البرسيم طهرنا البارح والتومات طيبات ونصاح وراشد قال كان ماجيت أنا ما بطهر
وإت ماك عارف راشد لما يطنطن كل الدنيا الفيني تطنطن
وليه يا الزين بتوصي علي ليش يا الدخري توصي علي وإت ماك عارف أنو أم أحمد والتومات مرتا دغري وغلباوية ليش ليش بتوصي علي
03-06-2007, 11:26 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: جواب مرسل باليد مع عتمان ود نفيسة في بوسطة قطر اللتنين
الأخت المحترمة ...................... منى بت جارة السلام عليكم ورحمة الله وبركاتو إن شاء الله الكريم ورب العرش العظيم تكوني بخير وصحة جيدة كما نحن والحمد لله بخير وعلى مايرام وصحة جيدة ولا نفقد شيئ إلا سوى عدم رؤياكم الغالية وبعد اهديكي تحية أنغى من الجاز وأحلى من العسل مع الحمام الزاجل إذا مرت بالجبال هدتها وإذا مرت بالبحار ( دي نسيتها) سلمي لي علي أبوبكر والجنون والبنوت المعاكم في لوندون والجماعة هنا كلهم مبسوطين وماعندهم فد عوجة وبسلموا عليك كتير السلام كبير وسغير أها أبقي عشرة علي رقبتك وتحرسك الشريفة مريم ملحوظة خيت ليك طرد تمر من تمر الخليفة وقطعو لي ود أحمدانة بعد حنيث علا الجنا الخايب دا رفد يشيلو وأكان سألتي عن أخبارنا بس فاقدنك أه قبال ما أنسى ودمحمد زين طهارتو الليلة وخديخة جابت تيمان حلاتن والكهربة وصلت فريق التحتانية والله يكفينا شر العقارب مع السموم دي أها مانسيت عابدين بقت عليهو جنس بشتنا جابوهو في الكشة وهسع يترقد من ضل لي ضل والمرا حردانة عند ناس أبوها
والرد مع ساعي البريد ودعتك الله
أخـوي ود خالتي النعة لزم.. سـلامات وتحيات مطرة بأشـواق ماليها حـدود.. تطير من شمال الدنيا تصلك هناك سلم راسك وتقولك مالك طولت الغياب.. انشالله مافي عوجة وأمي النعمة طيبة وكذلك وليداتك..با حليلك يانور وحليل أيامنا السمحة ونزولنا للزراعة مع خالي عبد الحفيظ.. الله يعلم بشـوقي حاله كيف..لامن ريحة طين البحر جاتني ومعاها جاني منظر الدفاق.. ....... أما وقـد سألت عن حالي..أناطيبة احمد فضله..بس شـويه منضايقه من بعدي منكم..اليوم داك انظكرت أبوي عثمان وحال بيوتنا المقفلات وبس قعـدت فوق كرسيني الأزرق ده أبكي.. بكيت لامن الله غفر لي..لعنت الشيطان..وانستغفرت..قشيت دموعي غسلت وشي.. وقلت ياحليلنا في الدنيا..باعدانا ومفرقة بيناتنا.. الرسول عمتي أم الحسن كيفينها? ياربي مرهم الرطوبة الرسلتو ليها نفعها? حـدثني ان بقي كمل ودايره منو تاني..
ان كان شفت تمرك الرسلتو سـوي فينا شـنو..كان رسلتو أوليي.. مالك سمح ما ختيت لك شـوية جـرم ناكلوا مع التمر..ماعارفني باكلن سـوا?
وفي الختام.. مرسـلالك جلابيه سمنية معاهاملفحتها.. قلت اشتريلك عمة لكن وحات سيدي الحسن مافضل معاي غير القروش الدايرة اشتري بيها فلنة اللات صقط لفاطنه بت ياسين..طلبتها مني طـول ويادابي قـدرت عليها..وبركة اللقيتلي زولا واصلكم رضي يشيل الحاجات.. الدور الفات أحمـد ود سعيدة ابي يشيل الدوا..النبي كان ماحـدثت اهله. ولد.. أماني ماهو مسيخيط.. وسـلامي برسله ليك تاني في الختام.. وأهـديك وأهلنا أغنية.. يالرحتوا طـولتو
03-06-2007, 04:23 AM
abubakr abubakr
تاريخ التسجيل: 04-22-2002
مجموع المشاركات: 16044
شبابنا ما بتغشي تاني بحكاية "ناس طيبين " دي ... وبعديين لما الواحد فلفل الحكاية-عالاقل وسط مجموعا كتيرة عشت معها- لقي ان معظم البيوصفونا بدي بيقصدو "السذاجة ".... لبن بعشرين الف دولار لنصف مليون انسان في دارفور وتذاكر الطيارة لليلي علوي ومرافقيها والاونطجية الوكلاء اللي جابوها اكتر من العشرين الف دولار... متاجرة بالام واوجاع بشر لاذنب لهم الا انهم وقعو بين رحي الظالم والمنتفع ...
03-06-2007, 06:25 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
قصة احسان عبد القدوس..الفيلم قـديم من انتاج السبعينات..
سأل أحدهم البطل صلاح نظمي رجل الأعمال الثري والذي يسـافر لمدات طـويلة للخارج..
انت ياعمي مقيم فين بالضبط?
أخـذ عمه نفس عميق من "السيكار"..وضحك ضحكة ذواتية ثم اجاب..
الحقيقة انا معنديش محطة واحدة للإقامة..
وأي حته بروحها برتاح فيها..
لمااروح بيروت بكون لبناني..
ولما باجي مصر بكون مصري..
ولما بروح نيروبي بكون 'افريقي'
طبعا مخرج الفيلم كان يود أن يقول علي لسان البطل.. انه يعيش كأهل كينيا عندما يسافر لها.. فخرجت الجملة 'اكون افريقي' تعبر تماما عن الإحساس والفهم لمعني الإفريقيه عنده.. وعنـد كاتب السيناريو..وكأن مصر الوطن ليست افريقيا..
في واحـد عربي افريقي موظف كبير..وكبير جـدا في هيئة الأمم المتحدة.. من إحـدي الدول الافريقية في الشمال ماهاجيب اسمها علشان زعبولة القلة ما يتفشخر بيها.. المهم.. هـو قعد في واحـدة من حفلات استقبال احدي المؤتمرات يتونس مع زولنا النيجيري.. وبعدين فرحان خالص بنفسه وشطارته قال ليه..
عارف..أنا محظوظ... أنا الإسبوع الفات كنت في افريقيا!
زولي النيجيري كان مندهش جـدا وقال لي.... الزول ده لغته تشرح كتير..لأنه تحـدث عن افريقيا وكأن بلده ليست فيها..
Quote: الله..هي مصر نقلوها من افريقيا?
Quote: انتي ما تدريين ؟؟؟ ما الرطانة زي برضو نقلوهم كمان ؟ شفتي كيف ؟؟؟
قلت لي حلفة حته من مصر ولا دي اسوان الهيا حته من السودان? ولا احسن نغني معاها... س سـؤال..
أين تقع في الخرط أوربا?!
نواصل وانا مالي دعوه..
مني
03-07-2007, 04:51 PM
Giwey Giwey
تاريخ التسجيل: 09-03-2003
مجموع المشاركات: 2130
عارفة قبل كام يوم كده مشيت السجل المدنى عشان أجدد البطاقة الشخصية بتاعتى ويكون عندى ورقة سودانية سارية الفعايل والمفعول .. خلصت الاجراءات كلها وقاعد منتظر استلم .. وشغال طبعا (اتفرس) فى وجوه العالمين .. وفجأة جات واحدة قعدت قصادى عديييييل كدة .. الزولة دى ما منى خوجلى الخالق الناظر .. قربت أقوم أسلم عليها سلام المحنة والمعرفة داك واشيل واقول فى نفسى (يا جماعة بت الخليفة دى جات السودان بالدس والا ايه؟) .. وفى النهاية قعدت أغوص شوية فى التفاصيل بحثا عن الإختلافات بين الصورتين على طريقة (اللعبة القديمة ديك البجيبوها فى الجرايد والمجلات زمان.. ورصدت طبعا بعض الاختلافات .. واولها الروح .. او (النفس) الخوجلى .. عرفتى؟؟؟
تانى هام دخلت قبل شوية بوست ظرفاء المدن .. ودمدنى نموذجا.. ولقيت مجموعة من مواقف الراحل زراع الله يرحمه.. ومت من الضحك على حكايتو مع صاحبو بتاع المطعم الكان زراع متفق معاهو يغشاهو فى المطعم عشان يمشوا لعزاء وجاء زراع ولقى الراجل بيرمى فى الطعمية وانتظر وطال انتظارو وقام زراع قال ليهو ما تمرق ياخى نمشى قام صاحبو قال ليهو ياخى انا قاعد ارمى فى الطعمية .. زراع قال ليهو (الجمرات) بيوكلوا عليها ياخى وكل ليك اى زول يرمى ليك الطعمية وخلاص .. بس والله العظيم حلللللللللللللوة .. شفتى الزول ده ظريف كيف .. الله يرحمه ...
لك الود
عبد الرحمن
03-07-2007, 05:07 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
ونيابة ن أهلي في الزومه فوق والزومة تحت..والمقيمين الآن في بلاد الأفرنج في مدينة لندن بإنجلترا ومدينة تينيسي بأمريكا.. نعلن بدورنا عن قيام منظمتنا بالخارج.. وهي منظمه تهدف للدفاع عن حقوقنا المشروعة في الحياة من حرية وعمل ونخل..
حتي اشعار آخر..
شعارنا..
شومعنا نحنا!
نواصل..
مني
03-07-2007, 04:46 PM
abubakr abubakr
تاريخ التسجيل: 04-22-2002
مجموع المشاركات: 16044
عاينوا ياجماعة وانت كمان خليك معانا ابو بكر.. في زول سـوداني قال عنده فكره عبقرية .. قـال لأنه هو راسه جايط شـديد.. وماقادر يفرز مين من مين من المواقف والأقوال.. منو صادق..منو ما كده.. قال مشروعه صعب وهو محتاج يطوره علشان يعرف كيف ينفذه.. قلت ليه .. طيب ممكن تشرح لينا الأول?
قال مشروعه يسعي الي تعرية الحقيقة بين المتحدثين بغيرها.. ويهدف الي جعل المجموعة المستهدفة تتحدث الصدق.. وتكون قدرها في الدنيا بتاعته.. وهي علي فكره دنيا ماصغيرة شـديد..
طيب..المهم كيف?
قال يسألهم كم سؤال كده ويسجل اجاباتهم.. وبعدين 'يغيب وعيهم' بدون مايعرفوا بمشروب أصفر.. ويسألهم نفس السؤال وهم مصفرين..ويكتب برضه اجابتهم! وبعدين لما يكونوا مامغيبين الوعي ويعرض عليهم اجاباتهم.. ويشوف رد فعلهم..وبرضه يسجله! مسكين صاحبنا.. هايلقي شخصية ثالثة!!!
نواصل..
مني
03-07-2007, 07:46 PM
abubakr abubakr
تاريخ التسجيل: 04-22-2002
مجموع المشاركات: 16044
قررت اليوم ان استمتع بيومي خارج المنزل ..وكانت فرصة ذهابي لإيداع شيك في حسابي أجر عن عمل قمت به للمجلس فرصـة جيده للفسحة بعدها.. فالجو ربيعي يميل لبروده قليلا.. لكن الشمس كانت مشعة طوال اليوم.. ارتديت حـزائي البني الذي تعرفونه...اخبرتكم عنه كثيرا حتي بت اخاف ان تنادوني به .. مني أم حذاء بني! ارتديت التريننج سـوت والطاقية وخرجت...كنت عايزة امثل اني سائحة.. والفكرة بتاعة سائحة دي دخلتها مرة مديحة في راسي.. لما شافتني يوم عاملة في نفسي عمايل عجيبة.. المهم انا لبست المحفضة حقت الحبوبات ..دسيت الموبايل في الجيب والسماعة في أضاني.. اتأكدت من مفتاح البيت..لبست طايقتي القش وطلعت.. ده طبعا منظر غريب..أكيد اي زول هايفتكرني سائحة! قضيت الساعتين تلاته الأوائل في السير في شارع اسلينجتون...وهناك بتلقي شباب مرسلاهم الشركات المختلفه واقفين بيحاولوا يجـذبو الزباين.. مرات بيكونوا مزعجين جـدا..قبل كده اتمقلبت معاهم مقلب كبير خالص لأنه ورطوني بإمضاء غيرت فيه شركة الكهرباء المشتركة فيها..وقضيت وقت طويل بذلت فيه مجهود كبير لغاية ما اتخارجت منهم..
المهم انا بقيت ناصحة كل ما واحـد يقرب مني بإبتسامة ويبادرني السلام.. اعاين ليه وفي سـري اقول كان غيرك اشطر..وبعـدين ارسم علامة غباء علي وشي وارد بإيدي ولساني No English
لكن يقوم هو ولا هي يسـألوني ..
انتي من وين..
اقول انا سائحة..
طـوالي يقولوا لي انجوي يور داي وانا امش منهم مبسوطة.. طبعا مبسوطة.. موش عاملة فيها سائحة وقاعدة ابرطع في الشوارع واتفرج علي محلاتها ومقاهيها? قررت اني أدخل لسوق الخضار والفواكه..وفي بداية الشارع لقيت شاب واقف ..ابتسم لي وطبعا انا كمان ابتسمت بعد ما إطـمأنيت انه ما من جماعة الشركات لأن ايده ماكان فيها فايل تسجيل.. المم هو مد لي يده بورقة مسكتها منه وشكرته..ياسلام وجبة فري في ماكـدونالد! قلت لنفسي ده يوم ظريف خالص..شمس وسياحة وكمان أكل?!
نواصل...
مني
03-07-2007, 11:31 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
قضيت بعض الوقت في سـوق الخضار والفواكه.. ماشاء الله.. مافي في الدنيا أجمل من انتاج الطين..سـواء كان خضار أو فواكه او زهور.. مهرجان عظيم من الألوان..يملأ القلب بالسرور خاصة قلوب السياح زيي!! نهاية فصل الشتاء وبداية الربيع وقت تفوح منه البهجة والإشراق.. في السوق تجد فواكه وخضروات من اسبانيا.. فرنسا وغيرهم..
اعشق البرتقال واليوسفندي وصفق الشجر الأخضر يزينه..احس بطعم الفواكه اطعم عندما اشتريها واوراق الشجر مازالت عليها... قررت ان ارجع يوم تاني للزهور...تحتاج لوقت طـويل للإختيار بعد السؤال..
نواصل...
مني
03-08-2007, 05:40 AM
abubakr abubakr
تاريخ التسجيل: 04-22-2002
مجموع المشاركات: 16044
اللخبتة دي شنو هي كم طاقية ؟؟؟ وبعدين وجبة الماكدونالد الفري اكلتيها قبل واللا بعد مشيتك سوق الخضار ؟ قالت سايحة بجزمة بني ؟؟ انتو كمان عندكم كتاحة و خيران مليانا موية عفنة و طين يوسخ الجزم ؟
Quote: ونيابة ن أهلي في الزومه فوق والزومة تحت..والمقيمين الآن في بلاد الأفرنج في مدينة لندن بإنجلترا ومدينة تينيسي بأمريكا.. نعلن بدورنا عن قيام منظمتنا بالخارج.. وهي منظمه تهدف للدفاع عن حقوقنا المشروعة في الحياة من حرية وعمل ونخل..
غايتو ده كلو عرفناه بس النخل ده بيني وبينك هناك يزرعوه وين !!!!! . طيب خلاص شيلي ليك طين من طين الزومي معاكي .
03-08-2007, 12:56 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: اللخبتة دي شنو هي كم طاقية ؟؟؟ وبعدين وجبة الماكدونالد الفري اكلتيها قبل واللا بعد مشيتك سوق الخضار ؟ قالت سايحة بجزمة بني ؟؟ انتو كمان عندكم كتاحة و خيران مليانا موية عفنة و طين يوسخ الجزم ؟
ما أنا ماتميت حكاية السياجة والجزمة البنية والطاقية القش وماكدونالد.. ايه رأيك اتمها اسه? ولا أحسن لما أمشي رحلة سياحية تاني بعد شـوية? الليله برضه الجـو رهيب..ممكن امشي البارك جنب البيت.. وأرجع أحكي ليكم بالمرة. .قبل الحذاء البني مايتقطع واحتار انا للأبد!!
نواصل..
مني
03-08-2007, 01:11 PM
د.محمد حسن د.محمد حسن
تاريخ التسجيل: 09-06-2006
مجموع المشاركات: 15194
وليك موده أكبر.. عيد النساء جاء في يوم يشبه اهـدائك.. يحمل للمرأه في داخلي وداخلها.. بهجة خضراء وحمراء وصفراء.. لها رائحة مميزة تسعـد الوجود من حولها.. ماأجمل رائحة الياسمين عندما يأتيك.. الياسمين يسعدك عندما تكون سعيد.. ويضفي علي حزنك نبلا عندما تكون حـزين ..
شكرا صـديقي..
ممكن تمشي معاي البارك?
نواصل..
مني
03-09-2007, 05:36 AM
abubakr abubakr
تاريخ التسجيل: 04-22-2002
مجموع المشاركات: 16044
Quote: عيد النساء جاء في يوم يشبه اهـدائك.. يحمل للمرأه في داخلي وداخلها.. بهجة خضراء وحمراء وصفراء.. لها رائحة مميزة تسعـد الوجود من حولها.. ماأجمل رائحة الياسمين عندما يأتيك.. الياسمين يسعدك عندما تكون سعيد.. ويضفي علي حزنك نبلا عندما تكون حـزين ..
يا بتاع الورد ات بقيت شاعر كمان " شاعرة الورد"
03-09-2007, 06:06 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
منى إزيك أنا قاعد ومرة واقف ومرةفي ومرة مافي وهسع عايز أستغل فرصة إني في وإني قاعد وأقول ليك كل سنة وإنتي سمحة ما عارف يمكن أكون مختلف المرأة أم أخت حبيبة وساااي لي الله سيدا ساكنة جواي وجوة في غناي ومرة مرة جوة حزني وجوة لوني داخلة جوة تفاصيل تفاصيلي عشان كدا قاعد يتخيل لي لو سويت ليها يوم بكون مكابر وما حقيقي ماتشوفن نفختنا دي وبرمة شنبنا والواد عتريس وحاتك ساكت مناظر بس ترضو عنا والبيمرق مننا كان بيفرح إنتو ساسو وكان بزعل برضو من سواتكم وياجمالكم مودتي نورالهادي
03-09-2007, 07:33 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
أحيانا ينتابني إحساس قوي من العضوية القديمة ضيق بمن اتي حـديثا لعضوية المنبر.. (او قليلا قبل حـديثا).. تلام العضويه الحالية علي غياب العضوية القديمة..واري في ذلك بعض الأنانية والتجني أيضا.. كأن كل العضوية القديمة كانت ممتازة وكانت تملأ الدنيا ثقافة ونقاشا جادا..وفرح من نوع خاص.. وكأن كل العضوية الجديدة تجنت بوجـودها الفارغ علي كـل القديم الجميل..ونشرت وحـدهاالسطحية في المنبر..
الأصل هو الإنتقاد لما يراه البعض فارغا من كتابات ان أرادوا..وليس انتقادهم لأن الآخرين لم يعودوا موجودين..واتهام الجـدد بغياب القدامي..
لا تستمر المواضيع في الصفحة الأولي كثيرا..وأحـد الأسباب أن هناك عددا أكبر..وكذلك نشاط اكثر.. ولا يعني هذا بالضرورة ان كل مواضيع الصفحة الأولي سيئة او جيدة..ولا يعني ايضا ان العضوية القديمة يجب ان تتصدر الصفحة الأولي ..العايز يقرا موضـوع ممكن يتخلي شـوية عن كسله ويطلعه من الصفحة الخامسة والسادسة..كما ان أي موضوع يحتاج الي متابعة من كاتبه.. وبذلك لا يذهب الي الصفحات الأخيرة..
هذا مع الإعتبار لأننا لم نفتح باب تقييم هنا..للجيـد او غير ذلك.. وأستثني من حـديثي هذا بوستات الشكل المتعمد..
نواصل...
مني
03-10-2007, 03:08 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
ماما جارة تصل بعـد ساعات بإذن الله... علي الرغم من سعادتي الكبيرة برجـوعها.. الا انني بكيت بالأمس.كثيرا لسفرها من الخرطوم..
بكيت لفراقها ارضا ضمت الأحباء ..
ظننت ووددت أن والدي وأخي وسمير استمتعوا بوجـود أمي في الخرطوم.. تخيلت ابي يبتسم مع ونسةالأهل وهم متجمعون.. حلمت به يستمع ويربت بيده علي الجميع.. وبجانبه مصطفي المجيد..
ظننت..وددت ام حلمت?
لايهم..
كانوا في كل يوم يرافقونها في الزيارات..يأكلون معها ويضحكون.. والآن ترجـع أمي ويرجعون هم الي مكانهم حيث يرقدون .. بكيت علي حـزن روح قلب امي لفراقهم.. وتابعت بقلبي وداعها لحبيب في أرض فضاء.. ربما كان يرقد هنا او هناك.. وفي المحجوب وقفت أمي تسأل 'الصالح' الدعاء.. يا أبو مصطفي.. حان الفراق.. ثم سمعت بقلبي..قلب امي يئن من قسوة الفراق.. ودمعه علي وجهه الحنون تقول..
خلاص..حان الوداع?
..... ..... ....
03-10-2007, 10:22 PM
abubakr abubakr
تاريخ التسجيل: 04-22-2002
مجموع المشاركات: 16044
Quote: ظننت ووددت أن والدي وأخي وسمير استمتعوا بوجـود أمي في الخرطوم.. تخيلت ابي يبتسم مع ونسةالأهل وهم متجمعون.. حلمت به يستمع ويربت بيده علي الجميع.. وبجانبه مصطفي المجيد..
ظننت..وددت ام حلمت?
03-10-2007, 11:34 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
شاهـدت اعادة لمقابلة التلفزيون لغازي سليمان وبدريه سليمان.. الاثنين قانونيين.. الإثنين شريكان في الحكم.. هو من الحركة الشعبيه وهي عن حزب مؤتمر وطني.. تحدث غازي سليمان عن المحاسبة.. المحكمه الدوليه.. ووقف الحرب في دارفور .. وطالب بتفعيل اتفاقية أبوجا.. وتحـدثت بدريه سليمان من بين ماتحدثت عن نزاهة القضاء السوداني! التركيز من جانب غازي سليمان كان ترتيب الأوليات في وضـع دارفور .. وتأتي بذلك في رأيه المحاسبة بعـد ايقاف الحرب.. ولا أدري السبب أن لا تسير رغبة ايقاف الحرب مع رغبة المحاسبة سـويا..
حرام يعني ولا الشارع ضيق?
وبعدين الناس دي كلها كانت وين من زمان..لما الناس بتتقتل كل يوم بالمئات وبيوتهم تتحرق ويتم اغتصاب نسائهم وتشريدهم من موطنهم?
عالم تخاف ماتختشيش!
نواصل...
مني
03-11-2007, 02:20 AM
abubakr abubakr
تاريخ التسجيل: 04-22-2002
مجموع المشاركات: 16044
Quote: حمدالله علي سلامة الوصول بس انتي ما تهريها سعولات ..انا عارفك عايزة تعرفي كل حاجة اول باول ..الصبر طيب ....
عارف يا أبو بكر مافي زمن تستني في زمن الإستهبال والكذب .. لأنه لو استنيت الكذبة الأولي هتبقي كذبة تانية وتالته.. طيب ده كده كلام متعب بعدين..تتكلم علي ايه ولا إيه?
وتكشف ياتو كذبه وتخلي ياتو واحـده?
عارف التغيرات الطرأت علي الأخلاق السودانية كتيرة.. وبقت متطورة وبتحصل سـريع.. يعني لو ماسألت ماما جاره أسة بكون غلطانة وفار بهايند الواقـع.. يرضيك انام بجهلي وتأخري? أكيـد لأ!
طيب كمان في حاجة تانية.. وين غير في السـودان كنت هاشـوف العملة السـودانية الجـديده? مرة دينار ومره جنيه... مرة دينار ومره جنيه... مرة دينار ومره جنيه... أيوه الحكومة ماعايزة الناس تتعب الناس معاها كتير..مش كفاية بيتعبوا معاعا في القيمة? وبعدين الدينار نفسه كان مهم علشان المرحلة والمشروع الحضاري في الإمبراطورية الإسـلامية .. عليك الله اسه لما تسمع كلمة دينار مش بتجي طـوالي في راسك صـور ناس بعمام كبيرة يتحـدثون اللغة العربية بطلاقة...وتظهر علامات الثراء في ملابسهم وعمامهم الكبيرة?
أهه كده حققت الإنقاذ المشروع الحضاري ..ويبقي بتحقيقه محتاجين نلهف بشكل تاني..
يبقي نرجع للقديم ايمانا منا انه الفات قديمه تاه..وخاصة انه السودانيين ديل بموتو في الجنيه وكل حاجة يقولوا ليك ياحليل زمان لامن الجنيه بجيب ويجيب..
أهه اسه الجنيه بيساوي عشرة..ياريت ينفع فيكم!
طيب ماما جارة عنـدها هواية جمع عبنات في العملات وجابت معاها من كل فئة عينه..طيب نقعد نسأل ماما جارة تشرح لينا كل فئة وبتجيب شنو من السوق..ولا نستني بكرة لما كله كمان يتغير??
نواصل....
مني
03-12-2007, 02:32 AM
abubakr abubakr
تاريخ التسجيل: 04-22-2002
مجموع المشاركات: 16044
السلام عليكم.. بس أنا بجرب الكيبورد العربي رسلته لي نعومي صاحبتي حبيبتي من الخرطوم شكرا نعومي ومعليش انتو استحملوني واستحملوا حركاتي الهبله دي في رفع البوستات!
بس كنت عايزه أطمنكم عن قرب نهاية تعبكم .. أبشركم بقرب انتهاء الأخطاء في الطباعة.. بس بعد كده بمشي أحضر دروس في قواعد اللغة واجيكم شاطرة تاني..
كويس؟؟
وتكتب لماما جارة بمزاج كده.. أنا ارد رد سمح زيه كيف؟ الموضوع داير ليه مزاج.. نجيب المزاج من وين من الشكل الدور تاني ده؟
بجيك برواقة يا نور ود جارة
نواصل
مني
03-12-2007, 09:33 PM
abubakr abubakr
تاريخ التسجيل: 04-22-2002
مجموع المشاركات: 16044
الليلة عيد ميلادي.. حقو تسمحوا لي أعمل حاجة ما عملتها قبل كده.. أعمل بوست أشتم فيه زي ما أنا عايزه فلان ... و…… و…… و…… ديل كم؟ 4؟ لأ لسة في اتنين زياده و…… و……
أيوه أقول ليهم رأيي فيهم كده بصراحة ومن غير كسوف..
لكن لأ عيب ...الشتيمة عيب وخاصة يوم عيد الميلاد! ربنا يزعل.. والناس تزعل.. وأنا أزعل أكتر وايه فايدة الاعتذار مامدام أنا بشتم مع سبق الاصرار؟ بعني ايه اسيئ ليك بكلام صعب شديد.. وبعدين أجي أقول ليك متأسف كان غصب عني.. والله ينعله الشيطان؟ طيب أكون خليت شنو أنا للعيال الما مؤدبة؟ عيب أحسن من الأول ألم لساني وما أغلط!
نواصل باذن الله بدون غلط
03-14-2007, 11:16 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
لأنه في استهلاك شديد ليهم بسبب وبدون سبب.. ! وبعدين السؤال الغلبان ولا طرح نفسه ولا حاجه..بل طرحه السائل! وكمان البيجيبو سيرة الود في الكلام.. لما يقولوا الجملة دي بعد شن هجوم.. بيكونوا زي العايزين يعتذروا ان أدفانس لكلامهم.. طيب بدل كده مانعرض كلامنا ونحاول نكون فيه واقعيين... وهو براه يقنع في ود.. ولا في هباب؟!
نواصل..
مني
03-14-2007, 10:12 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
لا أدري لماذا ينتابني إحساس غير مريح عندما أري أحـدهم يفتح بوست يطلب فيه من أفراد معينين بأن يتصالحوا وأن ينسوا مابينهم من خلاف.. ربما كان الإحساس ناتج من جـو العداوه في حـد ذاتها.. ثم من حقيقة اننا عجزنا علي الرغم من كبر عمرنا ويفترض معها أيضا عمق تجاربنا أن نحل مشاكلنابسهوله.. لكن أعتقـد ان أكثر مايضايقني هو ان يكون هناك رجلا داعيا للمصالحة بين امرأتين..أشـعر كإمرأة بسخف الموقف..وأشـعر كأننا النساء نفتقد للعقل..ونحتاج لمن يرجع لنا عقلنا!
وأحس بسخف الموقف أكثر علي الرغم من نبل مقصده..في التحانيس وإظهار الإحترام الزائد للطرفين بدرجة متساوية حتي لا يغضب أحد الأطراف وينتج غضب أكثر في الموقف..
نواصل..
مني
03-14-2007, 11:36 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
ايه الفرق بين زول يشتم قبيله بحالها.. وينعت ميلاد أبنائها وبناتها بالوجود الناتج من علاقات غير الزواج... وبين زول يشتم مهيرة بت عبود.. وزول ثالث يصف الشماليات حميعا بصفات ..(مكتوبه هناك)
مافي فرق موش؟
طيب مش بتكون عوارة مني لما أطلب من الأول يقول رأيه في التاني ولا التالت؟
عارفين مشكلتنا شنو؟ اننا بنحب الكلام الما عنده مضمون.. والسبب فيه.. جزئية اننا ما قاعدين نركز علي الفكرة نحللها نضحدها.. وبعدين نوافق عليها ولا نهاجمها.. احنا بس بنهاجم حامل الفكرة..
ونقعد نشتم فيه وهو يشتم فينا وخلاص!
نواصل..
مني
03-15-2007, 09:52 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
عادة بيكون في واحد بدأ الخطأ وما إعتذر عنه..الطرف التاني قرر مايسكت وتطور الموقف.. يبقي الشئ الطبيعي ان يبدأ الأول بالإعتذار..
ويبقي من غير اللائق ان نضع الإثنين في مكانه واحده في الموقف وبدايته ونهايته.. حتي وأنا أري من الطرفين عنفا في الحـديث.. لكن سؤال مهم برضه للناس التانيه.. والناس العندها قصد نبيل في اتمام الصلح.. كنتوا وين لما الشتائم والتجريحات بدت? ليه ما أدنتوها واتدخلتوا في لحظتها او حتي في بدايتها الأولي?
نواصل...
مني
03-15-2007, 10:43 AM
د.محمد حسن د.محمد حسن
تاريخ التسجيل: 09-06-2006
مجموع المشاركات: 15194
خاصة فيما يتعلق بالوطن كدي نشوف كوزنا ده والمكابرة لحظة معاي يا منى
الزمن ايام بواكير الانقاذ ، واجتياح صدام الارعن لمنطقة الخليج ومسيرات ىالغباء التي جابت شوارع الخرطوم تصيح اضرب اضرب يا صدام وصدام طلع صدام اتوس
المهم اخونا الكوز المغترب رجع من اجازته وجوهو الجماعة يتحمدلو ليه السلامة وبدو يسالوا عن حال البلد وكوزنا ينفخ ( ما شاء الله وجزى الله ناس الانقاذ عنا كل خير ، البلد مستقر والشريع في كل شارع .. الخ ) ثم بدأ هو يسال ( انتو يا جماعة اخونا الدكتور فلان وين ) قالوا ليه والله فنشوهو قال : الحمدلله خير وبركة وهذه من بركات الانقاذ لان الثورة الصحية الان انتظمت البلاد ونحن محتاجين لاطاءنا يرجعوا لينا . اها واخونا المهندس فلان ؟ قالوا ليه برضو فنشوهو قال ليهم الله اكبر اهو ده الكلام لانو اي مهندس نحن الان في البلد محتاجين ليه ووضعهم الان احسن من وضعهم في الاغترا ، اها واستمر على هذا المنوال . بعد شوية الجماعة قالوا ليه ، والله يا شيخنا نحن كنا خايفين نكلمك لكن مادام انت نبسوط من السودان الحمدلله انت زاتك فنشوك وصاح كوزنا ( فنشوني ؟!
قبال ما اطهر المرة واحجج الشفع؟)
مودتي
03-15-2007, 02:06 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
إحباط وخيبة أمل..واحساس كده قرب يكون شلل! حاسة انه في ناس شـريرة وسطنا..ناس نفسيتها مدمرة ولا يمكن علاجها! شفت كلمة شريرة دي بتجيب ليك طوالي شكل الشيطان المخيف كيف?
الناس دي شكلها عادي زينا كلنا..وعندها اسر بالمعني العضوي زينا.. وعندها مجتمع..ودخلت مدارس وقرت نفس المناهج القريناها.. لكن برضه مابيشبهونا..لو عاينت امكن في عيونهم بتعرف انهم مابيشبهونا.. كتاباتهم تبين شـرورهم..كلماتهم تعبق بالكراهيه..ياساتر!
كيف نقدر نستمر نعيش معاهم في نفس المكان..سـواء كان مكان جغرافي ولا اسفيري?
مش لي حق أحس بالصداع والشلل?
أنا متضايقة جدا زيك وزيهم..ومايضايقني أكثر روح التحدي ضد القبيح التي تمنعني من الراحه المطلوبة!
نواصل?
مني
03-15-2007, 05:54 PM
Giwey Giwey
تاريخ التسجيل: 09-03-2003
مجموع المشاركات: 2130
قـوي يقوي.. مشتاقين كتير كتير... الليلة جيت ومعا محمد وصابر وأمين.. وريحة بخور اللبان والجبنة في هيلتون والفعده علي النيل.. حبيت ولا لسه ياقوي? والونسه عن الحب والزواج والزهج والمسئوليات وحلاوة الأطفال مازلت تدور في ذهني وأصواتكم ترن في أذني ..وماتنسي فظاير الجبنه! كلامي كله أكل موش? المهم ياقوي في البال دايما واتصلت بيك يوم عيدميلادي علشان انت تقول لي كل سنة وأنا طيبة.. بس حتي دي ماتمت!
سـلام ليك ولكل الخرطوم.. اتناول مني القهوه ..
نواصل...
مني
03-15-2007, 06:08 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
يعني قول كده أخدتك الهاشمية زي ماما عاشه ماكانت بتقول..وفتحت بوست بتطالب فيه الناس البتعمل مشاكل توقف..علشان عيب..
يقوم يحصل شنو..يجي واحد من ناس المشاكل ذاتهم يتبني وجهة نظرك ويدين أكتر منك ياصاحب البوست موضوعك.. يلي سيد البوست ذاته محتار..يكون قاعد يقول في نفسه..أسه الزول ده نقول ليه شنو?
بوست زي ده مابيعيش كتير..لأنه.. بيجي زول شايلاه الهاشمية أكتر زعلان من زولنا الشكال.. يقوم طـوالي تووووشك زي ماكان معتصم أحوي بيقول..شاتمه.. يقول ليه..
انت ما بتخجل? مش انت ذاتك القلت وقلت قبل كده? وتبدأ الشكله البمزاج...وتستمر..وبعد داك تمشي رحلة بمزاج للخـور ويكون هو وصل للعايزه..
أقصـد الزول البيستعبط!
نواصل..
مني
03-16-2007, 03:56 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
عارفين طبعا انه صلاة الجمعة تعتبر في حـد ذاتها مؤتمر.. المؤتمرات عامة تعقد من أجل تبادل المعرفة ومناقشة أمور محددة من خلال أوراق تقدم..والصلاة من اجل تقوية الإيمان الجمعي وأشياء أخري..
مؤتمرات كثيرة تفضل ان تدعوا فرقه فنيه.. شكل يضفي المرح علي المؤتمرين... خاصة بعد المجهود الشاق الذي بذلوه في كتابة الورقة ومناقشتها..وفي تكبد مشاق السفر والتفرغ للمؤتمر..
اليوم وعند رجوع الكهرباء لمنطقتنا..ونتحدث في ذلك فيما بعد..شاهدت هناك من يقيم الصلاة في تلفزيون السودان..بينما كان الإمام ينتظره في عبايته المختلفة الشكل في تطريزها..وملتفت اليه بكل جسده فيصبح بذلك ظهره للكاميرا.. ثم شاهدت الصف الأول يدمر نظرتي 'لشكل' البنيان المرصوص عن المؤمن والصلاة.. فكان هناك القصير جدا بجانب الضخم..النحيف ابو طاقية وقميص.. بجانب أبو بطن مريع بارز خارج الصف ومعها جلابيته .. ثم يمتد هذا التنافر حتي يصل لآخرالصف.. ثم يرجع علي طريقة "من أول السطر في حصة الإملاء" ليشمل باقي الصفوف..
طبعا ده مجرد وصف لا يمكن معه فعل شيئا لتغييره..يعني الكلام ده لو في المدرسه كانوا حركوا القصير قدام زي مكان بيحصل لي.. والطويل ورا زي ماكان بيحصل مع اسمهامنو ديك..
العايزه أقوله انه الصلاه الليله كانت مستضيفه إمام ضيف..مفتي الديار-وأتمني أكون سمعت صح- في سـلطنة عمان..
أتاريه العباية كانت مختلفة..والراجل الفي الصف الأول داك كان حاسس بأهميه أكتر..والجنبه قرب يأشر زي الأطفال لأهله ويقول ليهم في فرح..
أنا أهه مبسوط خالص في السودان وصحتي عال العال حتي شـوفوا
و.... و........
وهكذا استمتع المصلين ونحن معهم بمؤتمر صلاة الجمعة
ونواصل...
مني
03-16-2007, 06:11 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
هربت من شكل البورد..وفتحت التلفزيون علي قناةالسودان لقيت شكل برضه! بس صراحة شكلة التلفزيون كانت في المسلسل اليومي السوداني لذيذه جدا..
وبشرية سكت بدريه بعصاية المكنسة!
وبدريه هي أخت زوج بشرية.. والله مسلسل باين عليه ظريف..لأني شفته من أوله لآخره بتكيف.. متكيفة من تمثيل بشريه وبدريه..وناس كثيره تانيه... واضح في تحسن واضح بس ماعارفة في المسلسل ده بس..ولا في كله
بس كان منظر لذيذ جـدا وهن جاريات ورا بعضهن فى الحوش!
صباكم خير... كيف يكون شعوركم ان رجعتم يوما الي مكان او موقع منزلكم.. ووجدتم عليه مكتوبا لا يقول شيئا??!
يصيبك الوجوم..ثم تظن انك انت 'الماجيت' تمشي بعيد وترجع تاني..وتكرر المحاوله..الي أن تري مكتوبا يقول شيئا هذه المره.. هذا القول المكتوب... فقط يقول ولكنه لا يشرح..ويتحول الوجوم الي غضب.. يوقظ ذلك الغضب الذي أصابك وانت تخرج من الوطن مجبرا..ويشبه ذلك الإحساس بالغربه في أول أوقات خلق الوطن البديل في مكان يختلف تماما عن وطنك الأصل ..يختلف في اللغه..في الجو..في ثقافته وسياساته وكل أوجه الحياه.. هو غضب يستقر في داخلك بهدوء تاركا بصماته القويه عليك ..غضب لا يشرح نفسه دائما..لكنه يقوله!
تشغل نفسك قليلا بأشياء مهمة أخري..لكنك تكتشف ان هذه الأشياء ترتبط أيضا بالوطن..
نواصل...
مني
03-20-2007, 10:36 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
كيف يكون موقفكم عندما ترون من يعلن انه جزء من هذا البيت الوطن..يتقاسم معكم الكلمه.. ويعلن انه جزء منكم..يعيش معكم في نفس المساحة الإنسانيه وله نفس الحقوق.. ويفترض أنه أخلاقيا ملتزم بنفس الواجبات..
أتسائل..كيف يكون موقفكم عندما ترونه شامتا في الضرر الذي حـدث لك? ويستغل الحدث ليعلن فرحه?
وكيف تتعاملون مستقبلا مع من يحمل لكم حقدا وغلا مستمرا في قلبه?
هل تتركونه بينكم يأخـذ خيركم وهو يحمل حقدا ضاريا في قلبه عليكم?
هل تتقاسمون معه كلماتك
م ومشاعركم?
أم يجب مواجهته وعزله?
هل الديمقراطيه تعني غض البصر عن السوء والسماح للشر بأن ينمو وسطنا كما يرغب هو?
أم يجب أن تهتم الديموقراطيه بالمحاسبة العادله قبل تركهم يزرعون حقدهم بيننا?
نواصل...
مني
03-21-2007, 08:53 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
طول ما هي قاعده تقرا النشره..اكتافها والنصف الأعلي من جسدها قاعد يتمايل يمين وشمال بسرعة الذبذبه..
المخرج ياربي مالاحظ؟
يعني زمان كنا بنقول الصوره البتتهزا دي من الاريال.. والحمد لله الذي خلقنا اناثا ..لأنه الآولاد كانوا هم اليطلعوا فوق يصلحوه..
لكن دي بننهز لأسباب أخري ما ليها دعوه بالاريال..ولا الجو البيخرب الايريال..علي الأغلب توتر أمام الكاميرا..طيب مش المفروض تتدرب علي الثبات قدام الكاميرا؟
وأنا متأكده لو دربوها بنكون كويسه!
نواصل...
مني
03-21-2007, 09:19 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
سنجلس جميعا معا..نخلق ضحكة كبيره تسعد قلب أمي وتطمئن أبي في جنته أكثر.. بأننا علي الوعد سائرين.. رغم عويل الروح وجرحها سنضحك..سنحتفل بأمي احتفال بسيط..لكنه يعني الكثير..
كل عيد أم وأمهاتنا جميعا بخير..
نواصل..
مني
03-21-2007, 12:49 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
وردتنى عدة شكاوى من بعض الازواج الذين ابتليت زوجاتهم بنعمة هذا المنبر فما عدن يأبهن لترتيب شؤونهن المنزلية وتربية ابنائهن ولا حتى التناغم مع طبائع الاشياء ؟؟ فهذا احدهم يطرق بابي صباحا ويطالبني بان انقل اليكم شكواه التي يقول فيها .
كانت زوجتى تتابع بشقف شديد المواضيع التي يتم ادراجها في منبركم . كانت كلما وجدت مادة ممتعة تناديني لمشاركتها فرحتها . كانت وقتئذ مغلوبة على امرها لا تستطيع المداخلة لافتقارها العضوية . كنت منزعجا جدا عندما ارها هائمة على نفسها وعاجزة من ان تشارك المتداخلين موضوعاتهم .
اتصلنا باحد اعضاء المنبر العام ليتعاون معنا في سبيل الحصول على الادوات التي تؤهلها للمشاركة بمواضيعها الخاصة والمداخلة مع الاخرين في موضوعاتهم وقد وفقنا في الحصول على العضوية وقد كان يوما تاريخيا احتفلت به كل الاسرة .
ظلت الامور عادية في ايامنا الاولى . بعد ايام شعرت بتراجع في طبيعة ادارتها لشئون المنزل . فما عادت تصحو مبكرا لترتيب الاولاد ليذهبوا مع زملائهم في البص المخصص لهم للمدرسة مما اضطرني ان اصحو مبكرا لترحيلهم الى المدرسة ولم يكونوا مرتبين في ملابسهم كما كانت حالهم قبل ادمانها المنبر العام .
تواصل التردى في ادارة شئون المنزل وصرت في اغلب الاوقات متابع البوتوجاز الذى توقده وتضع عليه الاكل وتنسى ان النار شغااااااااااااااااااااااااااااااااالة وصرت اتابع الحلة ريثما يستوى الطبيخ واطفي نار البوتوجاز .
كانت احلى لحظاتنا هي لحظة تناول وجبة العشاء على مائدة مشتركة . كانت تهتم بوضع مطايب الطعام امامي وربما هاك اللقمة دى ؟؟؟؟؟؟؟؟؟ ابو فلان وهاك الحليب ده وهاك وهاك وهاك ثم نشبع لتعود هى لترتيبات اخرى ؟؟؟؟؟؟؟؟
كانت تحرص على اغلاق الباب الخارجي لمزيد من الامان ولكن بعد الابتلاءات تلك صرت اصحو واجد الباب مفتوحا على مصراعية .
كانت حريصة للغاية في ان اخرج من المنزل بكامل هندمتى يفوح منها عطرها الاخاذ ولكنها صارت ترمي اقرب قطعة عشان البس من طرف واديها عرض اكتافي وصارت لم لا تهتم بملابسي ان كانت مكرمشة او فيها بقعة او تعطرت ام لا .
بعدت المسافات بيننا وتداخلت المشغوليات فما عدت ادرك اين تبدا مسئولياتي واين تنتهي مع هواجس المنبرالعام .
هذه اخي بكري واحدة من الشكاوى التي وردت وطلب منى الراي حولها .
ولكن الى من يشكو هذا الرجل الطيب يا بكري ، فانا مثل زوجته ليست لدى ليلى اغني عليها سوى هذه الليلي التي لم ندرك فيها الى اى لحظة نتفضل في الانتظار يا منى خوجلي .
المخرج والحيد هو ان تحدد ساعات الخدمة في المنبر العام . مثلا ممكن تكون خدمة المنبر خلال ساعات خروج الرجل للدوام فقط .
هنالك حالات كتيييييييييييرة اخطر من هذه يا بكري في اطفال اباؤهم انفصلوا عن امهاتهم وفي مطامير تم دفنها تماما ؟؟؟؟؟؟؟؟؟ طالما انعدم الزمن الذي يمكن ان ترتب فيه لوازم تلك المطامير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ .
نحمدك يا الله اهلنا ما بيعرفوا المنبر العام حرم اكان ابتلوا بيهو يا بكري اكان البهائم يوت مرضعة والبهائم يووووووووت مسروقة والعلوق يوووووت ماكول .
فها هم اهلي بالجهالة منعمون .
03-22-2007, 09:55 AM
abubakr abubakr
تاريخ التسجيل: 04-22-2002
مجموع المشاركات: 16044
عجيبة ... ماتنعم معاهم؟ ..قبل يوميين فاتح بيت بكا بشان المنبر كان متعطل واليوم تتكلم عن حسنات ايام ما قبل المنبر .. كررررر... رووووح الي ايامك الهنية وخلينا في اسفيرنا
03-23-2007, 00:22 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
من المؤكد أن اللغة العنيفة والعنصرية من أكبر معاول الهدم في أن نكون مجتمعا يشرف الإنتماء إليه .. والسؤال هو كيـف يمكن أن نطور أسلوباً يجعلها تتراجع .. في ظني المواظبة على إلتزام اللغــــة الهادئة والموضوعية .. نحملها بأشياءنا مهما بلغت درجة حرارتها .. نحاول أن نرسل إشارات واضحة بأن الصراخ لن يفيد ولن يجدي ولن يغير إلا في إتجاه سلبي .. وهو دليل ضعف وخور وإنهزام داخلي.. كما أن الضرب صفحاً عن الصراخ ونابي القول يمكن أن يبرد سوقه حتى يعرف صاحبه أن قوله بلا قيمة ولا يثير إلا التجاهل.. ومن ثم فعسى والمطية أصابع وكي بورد فسيعرف أن لا قيمة إلا بالإتكاء على العقل والموضوعية وكتابة المفيد الذي يفهم ويشرف أن يذكر به الناس.
لصاحبة الدار لكلكم كم أتمنى لو تعلمون لو أنني أحتفل معكم بالربيع وأختال ضاحكا وأن أجمع كل زهور الدناوألفها في جزالة الحرف النسيب ولو أجتمعكم كورالا جوة ذاتي لأعزف وأنكم لحون الجمال في هذا الزمن الـ
وقد قادرت نفسي
بهت بروفايل النجيمات البهاء وغطاها دخان التكثف وجف النهر وباقتني الجدب الخواء وصوت الهزيمة يعلو فوق صحوي يزمجر كما رعود كينيا ويجيشني الدمع أطلنط البكاء وتضن سحائب المطر وقت إنهمار أطلب حق اللجوء من نفسي إليكم فالوطن مرثاة ووالنبض موؤد وغيثاري أخرس غيرأني في داخلي أعلم أني كم أحبكم وأنتم حسبي نورالهادي
03-22-2007, 06:45 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: لصاحبة الدار لكلكم كم أتمنى لو تعلمون لو أنني أحتفل معكم بالربيع وأختال ضاحكا وأن أجمع كل زهور الدناوألفها في جزالة الحرف النسيب ولو أجتمعكم كورالا جوة ذاتي لأعزف وأنكم لحون الجمال في هذا الزمن الـ
وقد قادرت نفسي
بهت بروفايل النجيمات البهاء وغطاها دخان التكثف وجف النهر وباقتني الجدب الخواء وصوت الهزيمة يعلو فوق صحوي يزمجر كما رعود كينيا ويجيشني الدمع أطلنط البكاء وتضن سحائب المطر وقت إنهمار أطلب حق اللجوء من نفسي إليكم فالوطن مرثاة ووالنبض موؤد وغيثاري أخرس غيرأني في داخلي أعلم أني كم أحبكم وأنتم حسبي نورالهادي
نور يافنان أكرمنا الله به... في دنيا نصنعها من دموعنا وأعصابنا لنضحك ونحلم.. تربعت أنت.. الطيبه والنقاء أنت.. لذلك نحبك جميعا أخي كما تحبنا كلنا..
نواصل...
مني
03-23-2007, 00:34 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Muna Khugali
Mohamed Abdelgaleel
abubakr
Giwey
د.محمد حسن
انعام حيمورة
الطيب شيقوق
رأفت ميلاد
فيس بوك
تويتر
انستقرام
يوتيوب
بنتيريست