|
|
|
 Re: منى عوض خوجلى.....( حبّوبه) (Re: يحى حسين القدال)
|
أهلا شـرفتنا أخي يحي القدال ..الله يبارك فيك وفي أيامك..
الليلة آية عاملة فيها ربة أسـرة..الليلة السـبت طـبعا إجـازة..
يوم الزيارات والمجاملات..بكرة قالت يوم الفسحة ..
جـاتنا بعـد إتصلت..وبعـد كـده مشت لنسابتها!
أنا طـبعا أي حـاجة تعملها بكون عايزة اضحك..لأني شـايفاها لسة صغيرة شـديد!!
ربنا يسـعدك دايما..آمين
| |
 
|
|
|
|
|
|
|
|
Re: منى عوض خوجلى.....( حبّوبه) (Re: عبد الدائم سيد أحمد)
|
عبـد الدايم يـديك العافية..
زول واحـد من الإمتـداد قـدم أوراقه مافي..
أسة بعـد آية عرست بقيتوا تقولوا الشقة جاهزة والعريس شـنو..
ياريتني كنت ولـدتهن عشرة..كـان نشوف كـلامكم ده حـده وين..
اليوم ديك خبطت ليكم وللؤي.. كـنت خابزة بتي فـور عشانكم لكن زول فيكم فتح علشان
أديه صحنه مافي..إضطريت أرجـع بيه ..اسه ياهو ده قاعـد يسـمع في كلامي!
نبارك ليك ان شاءالله تحقق كل الذي تتمناه..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: ناذر محمد الخليفة)
|
ناذر الفنان..إيه رأيك في ونسة زي ونستنا ديك تاني?
مش كانت ونسة حـلوة?
أنا مازال في بالي عرسك الشهر ده..ياتري في موعـده ولا أخـرته?
طبعا أنا نفسي أجي وأحضر لكن ظروفي هنا في لنـدن صعبة شـوية..
آية وعبـد الرحيم قالوا عايزين يجـوا السودان يتعلموا عربي..
وأنا خايفة علي الولـد يجي السودان ويمرض بالأمراض العجيبة... وبعد شـوية تجي السخانة
والهبوب وعينه تطلع..
أها شـفت يانادر بـدل هم واحـد بقوا همين..آيه وعبـدالرحيم!
ومخلف البنات شايل الهم للممات!
ربنا يتم ليك زواجـك علي خـير ويسـعـدكم ببعض..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: عبد المنعم سليمان)
|
أهلا ياعبـد المنعم..اله يبارك فيك..
أخـتي منال في الخرطـوم ما قادرة تخـيل إنه آية فعلا متزوجة دلوقتي ..
كل شـوية تسألني منها..
وطبعا ده شئ طـبيعي لأننا دايما بنكون شـايفين أطـفالنا ما بيكبروا وخـاصة في زمن يتأخـر
فيه سن الزواج عـن خيار..والخيار من أجـل النضوج واكمال التعليم ثم العمل وبعد ذلك الزواج..
بس طبعا الناس تختلف في خياراتها..وعلشان كـده قلت لمنال أحـسن تصـدقي بعد تتخيلي..آية فعلا متزوجة دلوقتي..
عقبال ماتفرح بخياراتك إنت..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: حسام يوسف)
|
شـكرا ياحسـام أخـوي ..
ألوانك البترقص في كلمة مبروك دي..براها جـالبه للفرح السـريع..
الليلة آية وعبـد الرحيم جايني بالمساء بعـد الشغل..هتكون في ونسه جميلة هاترجم
ليه كلامكم..عارف هايقول شنو?
ماشـاء الله..ويقعـد يرددها كـل شـويه..بس في إحتمال آيه تكون حفظته كلمتين زيادة..
تسلم حسـام ..وكل سنة وانت طـيب..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: ودرملية)
|
شـكرا ود رملية أخـوي الجميل..
عايزين حفلة ولا رحـلة معاك تكون حـلوة زي أخلاقك الجميلة دي..
عبـد الرحيم ولـدي الجـديـد-زوج آية- أنا عايزة أناديه بإسم مختلف..فكرت
اناديه عبودي..لكن ماينفع لأني كـنت بنادي بيه أبو آية 'عبـدالرحمن'..
بتعرف إسم?
ولا ايه رأيك في بودي Boody ??
منتظراك..إسم عبـدالرحيم ده اسم عجايز وماخايل علي زول عمره ماوصل ال19 ..
تسـلم ود رملية ويخليك لكل البيحبوك ومن ضمنهم أنا وآية..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: sudania2000)
|
سـودانية حبيبتي..أناجاية أعمل حفلة لآية عندك في مدني..ممكن?
بس بـدون عريس وعروسة..موش.هم قالوا ماعايزين هيصات?
اتخيلي قبل العقـد النس تقوم وتقعـد في التحضيرات وفي حاجات آية بالتحـديـد..عارفة
قالت لينا شنو قبل العقـد بساعتين?
You are wasting your time and money!!
عقبال ماتتحقق كل أمانيك..ونفرح معاك بيها ياكريمة..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: محمد المرتضى حامد)
|
شـكرا أخي محمـد المرتضي علي مباركتك الكريمة..
كلمة مبروكزواج آية علي الرغم من اني اتعودت عليها دلوقتي.. لكن مرة مرة كـده تجيني
غريبة..
آية امس اتصلت مبسوطة..قالت اشتروا كنبتين للصالة وهايستلموهم بعد اسبوعين..
طـوالي قارنت بين زمنها وبين زمني أنا..إتذكرت كيف الخليفة دفع لي تمن الأثاث وكيف أنا
كنت فرحانة وانا بختار فيه..ماكان في احساس بالإتكالية علي الإطلاق بل بالعكس كان في فخـر
واحساس بالعزة..
وتبقي الثقافة وبيئتها في زمنها هي المشكـل لشخصياتنا..
تسلم يسعـدك المولي...
| |
|
|
|
|
|
|
|
|
|
Re: منى عوض خوجلى.....( حبّوبه) (Re: ود محجوب)
|
ود المحجوب إنت قايل علي أبو العريس موش?
ما فرقت كتير..عشرتنا لعلي عبـد الرحيم فاقت ال14 سنة يعني من آية عمرها 4 سـنوات ..
علشان كـده علي كـان فرحـان شـديـد وجاكم جاري علشان يكلمكم..أدعي ليه يا ود المحجوب
رينا يقومه بالسلامة..
وادعي كمان لآية ربنا يسـعـدها في زواجها..ويسعـدك ويـديك كل الفي مرادك..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: احمد العمار)
|
سـعدت بمباركتك أخي احمد عمار..ونفرح معاك بإذن الله بكـل اللي يفرحـك..
ومافي أجمل في الـدنيا من تشوف وتسمع وتستمتع بفرح الإبن ولا الإبنة..
حصل جـربته?
أي ضـحكة لآية من عمرها شـهور لغاية دلوقتي وهي عمرها 18 سـنة..بتسـاوي الدنيا والفيها..
أنا مسجلاها في وجـداني..زي ماهي حافظة لي أول قصة قريتها ليها..
ربنا يســدك ويسعـدنا جميعا بأحـباءنا..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: Adil Isaac)
|
تسلم يا عادل اسحق..
كـلمت آية بمباركاتكم ..وهي فرحانة جـدا بيكم وكلمت زوجها عنكم كتير..
وكل ماتلقاني قاعـدة في الكمبيوتر تقول لي..
مع أصحابك في ـودانيز أون لاين مش كـده ?
أقـول ليها آآآي أصـحابي وقبل كـده أهلي..
شـكرا يا عادل اسـحق...
مني
| |
|
|
|
|
|
|
|
|
|
Re: منى عوض خوجلى.....( حبّوبه) (Re: عامر تيتاوى)
|
آمين ياتيتاوي ويفرحـك انت كمان بأسرتك وحبانك..
عاين..
آية ليها كام يوم كـده بتجيب أخـوات عبـد الرحيم الصـغيرات معاها في البيت..وتقـوم
تطـبخ ليهم وتسرح ليهم وهي مبسوطة..
طـبعا آية من هي صغيرة بتقول نفسها يكون عـندها عيال كتار..علشان كـد قاعـده تهتم
بأخـوات عبـد الرحيم..
آية أمس قالت هي ماهاتفكر تجيب عيال دلوقتي ولما تجيبهم ما هايكونوا كتار..
سألتها ليه..
قالت..
متعبين ياماما..أسـه أنا عايزه أنوم وماقادره علشان لازم أخلي بالي منهم!!
تسلم تيتاوي
| |
|
|
|
|
|
|
|
|
|
Re: منى عوض خوجلى.....( حبّوبه) (Re: Elmoiz Abunura)
|
المعز ابو نورة..نورة دي بتك ولا بس لقب اخترته لنفسـك..
ياتنا دي لو قعـدنا ونظرنا ليها نظرة شـاملة وأخري متفحصة واحنا بنتخيل انها حياة
زول تاني..هانلقاها مليانه بالتفاصيل المدهشة..بتضيع مننا كتير التفاصيل واحنا عايشنها..
بنسي مرات نسجلها في عقولنا..
خبر الحمل بعـد ان تحقق..شـهور الحمل وترقب الولادة..ثم الولاده..
وأول حضنة للبيبي وملمس كف صغيرة نخاف علي ملمسها الناعم..
ثم تمييزهم لأصـواتنا وبسمتهم وضحكتهم وبداية خطـوات السير..
وفجـأة المـدرسة..ولسة ما ارتحـت كويس من مشوار المدرسة يجيك الزواج..
متي وكيف وأن?
ماهاتعرف بالتحـديـد العاطفي...
يحفظك وأعـزاءك يارب..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: علي عبد الرحيم)
|
العزيزة منى
حبوبة (طيوبة)
بأبناء آية وبدونهم
اللهم اجعله زواجا مباركا
اللهم اجمع بينهم في خير
اللهم بارك لهم وبارك فيهم
تحياتي وتبريكاتي للاسرة جميعا في داخل وخارج السودان,
وفرحة لا تسعها السطور
أحمـد الشايقي
| |
|
|
|
|
|
|
|
|
|
Re: منى عوض خوجلى.....( حبّوبه) (Re: أحمد الشايقي)
|
تسلم أحمـد خـال آيه..ربنا يـديك الفي مرادك كله ويتمم لكمقاصـدك
قـول آمين..
كنا فاقدنك في العقـد!
آية قالت لي ياماما هاتغيري لون الأوضة بتاعتي..قلت يها طـبعا..
موش انتي عنـدك بيتك? لونيه زي ماعايزه..وأنا ألون ده زي ماعايزه..
ولا شـنو يا أحمـد?
يهنيك بأسـرتك ويسـعـدك بصحتك وعملك..
| |
|
|
|
|
|
|
|
|
|
Re: congratulations Muna Khugali (Re: الخير محمد عوض)
|
مرحب أخي الخير محمـد الخير..يباركوا ليك كـل الأفراح..
إنت موش شايف أولادك قدامك كأنهم مولودين أمس?
بكـرة القريبة دي .. يجـوك عـديل ويقعـدوا قـدامك بثقة ويقولوا ليك
بابا عايزين نتكلم معاك..
أنصحك نصيحة مجرب ماترد طـوالي..قول تمام..مكـن بكره المسا عشان انا دلوقتي مشغول?
بعـد كـده توقف أي حاجة في يدك وتقعـد تفكر..
ياربي في شـنو?
أنصحك نصيحة تانية..فكر في إحتمال رغبتهم في الزواج وماتنهجم!
ربنا يحفظك لأولادك ويحفظهم ليك..
| |
|
|
|
|
|
|
|
|
|
Re: congratulations Muna Khugali (Re: السنجك)
|
شـكرا يالسنجـك علي مباركتك..
عارف في الدنيا دي في حاجات كتيره يدهشك حـدوثها لدرجة عـدم التصـديق!
الاستيقاظ من غيبوبه أحـد هذه الأشياء..
والغيبوبة هنا غيبوبة متعلقة بالزمن الذي يمر أو يسرق من عمرنا..
أنادلوقتي ماقادرة أصـدق تماما انه آية اتزوجت ومشت بيتها!
تسلم أخـوي
| |
|
|
|
|
|
|
|
|
|
Re: congratulations Muna Khugali (Re: Hisham Osman)
|
إزيك يا هشام وكيف أحـوالك مع الشتاء?
الله يبارك فيك ياهشام..وعقبال مانفرح بكل البيفرحك..
نفسي أبقي زي الحموات لكن ماعارفة أبقي كيف!
بس بودي وده إسم عبد الرحيم الأناإخـترته ليه..
يعني معقول يكون إسمه زي اسم أبو علي صاحب البوست?
ماممكن موش?
الناس البيسلموا ديل لو يستشيرونا في الأسـماء كان أخير ليهم!
أسه أحمـد ولا محمـد كان ماله?
غايتو انا بناديه بودي وخلي ناس الجامع ينادوه عبـد الرحيم..
تسلم ياهشـام
| |
|
|
|
|
|
|
|
|
|
Re: منى عوض خوجلى.....( حبّوبه) (Re: hajhamad)
|
حاجة غريبة
انا رسلت التهاني من امس وما شايفها؟ عايزني تلوموني مع منى ولا شنو؟ طبعا يامني انت عارفا انو ما ممكن اتاخر عليك في واجب.
الف مبروك وبيت مال وعيال وقولي امين اول حفيد ليك ما يولد في ظل هذا النظام.
| |
|
|
|
|
|
|
|
|
|
Re: منى عوض خوجلى.....( حبّوبه) (Re: hajhamad)
|
الله يبارك كـل أيامك أخي الحاج حمـد..
كنت أظـن ان الزواج ماعاد هاجسا في هذه السن الصغيرة عنـد الأجيال الجـدبدة..
لكن رأيت ارتفاع معـدله بين العديـد ممن نعرفهم..
وعرفت أن ظـني ما هـو الا ظـن!!
شـكرا أخي الحاج علي تهنئتك سعـدت بها كثيرا
| |
|
|
|
|
|
|
|
|
|
Re: منى عوض خوجلى.....( حبّوبه) (Re: Salah Musa)
|
Quote: الدنيا مني وأحلام
مبروك يا مني |
أسه بقت آيه وعبـد الرحيم..
يعني الأحلام دي زادت زيادة سـريعة..
طيب دي يحـلوها كيف مع عنصر المفاجأة.. وغيرة الأم.. وعين النسيبة المتفحصة
وكـده?
صـعب موش?
شكـرا لمباركتك أخي صلاح حسـن
ويسـعـدك ربنا بكـل أحباءك
| |
|
|
|
|
|
|
|
|
|
Re: منى عوض خوجلى.....( حبّوبه) (Re: عمر ادريس محمد)
|
عمـر إدريس أولادك الحلوين ديل ماشاء الله عليهم..بقي عمرهم كام?
ماتقول لسه بـدري!
أقـول ليك سـر..
ناس بيتنا كلهم بيخافوا من كلمة حـبوبة..وحكمة الله كلنا مستمرين في كـلمة ماما بس..
يعني ماما عاشة..بنتها ماما جـارة..بنتها ماما مديحة..بنتها ماما سحـر ولما أولاد
سحـر يكبرو ويتزوجـوا..هايقولوا ماما سحر!!
شـايف كـلمة حبوبة دي خطـره كيف??
الله يبارك فيك عمر أخـوي في أولادك ويحفظـكم لبعض..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: يحيي مصطفي)
|
تسلم أخي يحي مصطفي...
اتفضل حلاوة وبلح وخبيز..
الله يبارك فيك..
عارف منال أخـتي وان شاءالله ماتجي تقرا كلامي ده..
بتشـاكل أولاد سـحر بت أختنا الكبيرة مـديحة..واحـد عمره 5 والتاني 4
عارف ليه?
لأنه بينادوها حبوبة!
مش خـالة أمهم?
واجمل حاجة بينادوني طـنط مني مع إني أكبر من منال!
أنا مبسوطة فيها كتير..لكن مبسوطة أكتر بمباركتك الحلوة..
شكرا
| |
|
|
|
|
|
|
|
|
|
Re: منى عوض خوجلى.....( حبّوبه) (Re: Solafa Alagib)
|
شكرا ياسـلافاالعاقب الظريفة علي كلماتك الطيبات..
حكاية الزول يكون أم حكاية جميلة ومدهشة..وخاصة لما دكتورالمعمل يمـد ليك نتيجة
الفوصات كـده ووشـه مافيه أي تعبير.. ثم يخبرك ببرود.. مبروك ..حـامل!
تقعدي كـده مخلوعة ومندهشة وفرحانة ومستغربة لغاية ماتبقي 7 شهـور ويبتدي البيبي
يخبطك في بطـنك..
وبعـد ماتولديه تندهشي الدهشة الكبيرة التانية..
وبس آخـر دهشة دي بتكون يوم عرس بتك..يادوب كـده بيقع ليك الفيلم المدهش!
شـكرا حبيبتي..نفرح ان شـاء الله معاك بكـل ما يفرحـك
| |
|
|
|
|
|
|
|
|
|
Re: منى عوض خوجلى.....( حبّوبه) (Re: خالد العبيد)
|
ما أنا أصـلو ياخـالدالعبيد خـلصت الإبتدائية كلها عمري 9 سـنوات ونص!!
بـدين قريت المرلتين الباقيات في 3 سـنوات ونص..
بعـدين قريت الجامعة في 4 سنوات..الحاسـدين أبو يفططـوني!
أها بقي عمري سـاعة التخرج 17 سـنة!!
قبل مااتخرج بخمسة سنوات كنت عرست
وولدت آية!!
شـفتني بتصرف سـريع كيف?
تسلم خـالد أخـوي..رفعت معنوياتنا..
أنا ماناوية أبقي حبوبة..لكن ناوية أبقي نسيبة!
يسـعـدك واسرتك..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: garjah)
|
أخي garjah
شـكرا جزيلا علي مباركتك لآية وزوجها..
بإذن الله نبارك ليك أفراح كتيرة تجيك..
أنا المرة دي كتبت اسمك بالإنجليزي علشان يكون صح وانت ماتزعل..
شـكرا لأمنياتك لآية وبودي..هايفرحـوا بيها أكيـد
| |
|
|
|
|
|
|
|
|
|
Re: منى عوض خوجلى.....( حبّوبه) (Re: Mohammed Haroun)
|
شـكرا ود هارون أخـوي علي حـضورك العقد انت والأسـرة..
شـفت المأذون ده كـلامه كتير كيف?
وكمان مره بالإنجليزي ومرة بالعربي..لغاية ماحـير أهل الولد!
وبعـدين ياهارون أخـوي ..الكلام الكتير البيكتبوه للعريس والعروس ده شـنو?
ذكرتني أقـوم اشوف القسيمة فيها شـنو أنا ماجايبة خبره!
يباركـوا ليك نجاح وفرح بناتك وأولادك ان شـاء الله..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: تراث)
|
عـزوز ياحبيبتي..
كـده ياحـلوة ممكن نسافر لوقت أطـول..ونتفسح زي ما إحنا عايزين..
كضابة موش?
قعـدت أفكـر في السفر في العيـد..لكن قمت طـوالي فكرت في آية..
طيب هي لو احتاجت لي تعمل شنو?
خـاصة انو اهلي كلهم مسافرين?
شـوفتي حبيبتي ..الأم ماممكن ترتاح أبـدا!!
لما يكونوا صغار نخاف عليهم ..
ولما يكبروا برضه نخاف عليهم..وين ينتهي الخـوف?
ربنا يسـعـدهم..
ويسعـدك حبيبتي بحياتك وخلي ليكم ماما وكل البتحبيهم..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: تراث)
|
شـنو ياتراث يعني?
انتو مالكم كـده تغيروا مواقعكم بسرعة?
في الأول في ناس كـده قالت ماقايلا عنـدي أطـفال..
بعدين لما عرفـوا عمرها وكان 17 قالوا ماشاء الله..
بعـدين بقت ماشاء الله تمنتاشر ماحصل تغيير يقـولو عليه..
وفجأة كده قالوا أنا عجـزت..بس علشان بتي عرست..مع انها هي ذاتها البت الحليوة
الصغيرة ام18 سنة..
ماذا يقـول لك هذا يا هـذا?
شـكرا يا عثمان ياظـريف ..يللا عايزين رحـلة لجبل أولياء..
يخلي ليك أماني والأولاد ويسعـدكم ربنا..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: معتصم دفع الله)
|
بعـد إتمام مراسم العقـد والاستماع الي خطـبة الإمام عن الزواج بإنتباه مفروض وبدون التفوه بكلمة أيوه عارفين .. بدأنا في تقبل التهاني والتمنيات..
فجـأة إختفت آية..وإختفي عبـدالرحيم الذي أصبح بقـدرة قادر زوجها من انظارنا!
تفتكروا لقوهم وين?
هي مشت تلعب مع صـديقاتها في القاعة السفلي..وهو نادوه أصحابه مشي يتونس معاهم!!
كـان بودي أن أرد علي تهاني كل منكم ..لكن في الوقت الحالي ده صعب شـديـد ..
أولا عنـدي نزلة مطـلعة عيني ..بس إن شاء الله بأشفي منها..
كمان أنا لسة مااتعودت علي فكرة آية اتزوجت..وماأظن اتعود..بقيت انوم في أوضتها.. وعلي الرغم من انها كانت بتسافر كتير بـدوني وأنا برضه بسافر كتير بـدونها ومتعودة علي بعـدها..إلا انه غياب المرة دي ليه طـعم تاني!
حـتي ارجـع لكم..
أعلمكم للمرة المائة بعـد الألف..أنني أحبكم جميعا.. وفرحت كثيرا بتهنئاتكم المشاكسة منها والهادئة...جميعها أشعرتني بالقرب منكم والفرح وتصـور وجـودنا جميعا في حفلة كبيرة نتبادل فيها المعزة بكل أريحية..
ولغاية ماأرجـع..سـلام يباريكم محل ماتمشوا......
وانت ياعلي ..يادوب عرفت ليه ماتميت قعـادك معانا!!
1. عاطف عمر
2. malamih
3. الملك
4. Tumadir
5. طارق جبريل
6. nourelhadi awad
7. mahmed alhassan
8. نصار
9. بكري الصايغ
10. رأفت ميلاد
11. سارة حمزة
12. عثمان سيد أحمد
13. محمد مكى محمد
14. Ahmed Hamza
15. ديامي
16. Gaafar Ismail
17. عبدالمنعم الرزوقي
18. عواطف ادريس اسماعيل
19. نادر الفضلى
20. shazaly gafar
21. Adel Sameer Tawfiq
22. Ishraga Haimoura
23. ابو جهينة
24. إسماعيل وراق
25. انعام حيمورة
26. Haytham Abdulaziz
27. محمد عمر الفكي
28. elham ahmed
29. فيصل محمد خليل
30. حمد فتح الرحمن
31. أبو الحسين
32. خالدة البدوي
33. عبد اللطيف بكري أحمد
34. رشا سالم
35. hameem
36. حمزاوي
37. سيد محمد احمد سيدنا
38. محمد العميري
39. انعام عبد الحفيظ
40. فاروق حامد محمد
41. doma
42. الفاتح يوسف جبرا
43. Adel Sameer Tawfiq
44. الفاتح يوسف جبرا
45. معتصم الطاهر
46. عبد الدائم سيد أحمد
47. يحى حسين القدال
48. ناذر محمد الخليفة
49. عبد المنعم سليمان
50. omar ali
51. Adil Isaac
52. احمد العمار
53. ود محجوب
54. حسام يوسف
55. محمد المرتضى حامد
56. sudania2000
57. ودرملية
58. Elmoiz Abunura
59. عامر تيتاوى
60. أحمد الشايقي
61. Hisham Osman
62. السنجك
63. الخير محمد عوض
64. عمر ادريس محمد
65. hajhamad
66. محمد عمر الفكي
67. يحيي مصطفي
68. خالد العبيد
69.
Solafa Alagib
70. Mohammed Haroun
71. garjah
72. عزاز شامي
73. معتصم دفع الله
love you all
Muna
| |
|
|
|
|
|
|
|
|
|
Re: منى عوض خوجلى.....( حبّوبه) (Re: معتصم دفع الله)
|
عصـومي..
أصـغرنا معتصـم كنا نناديه في الصغر 'صـاصا'..
ولما كبر بقي يحتج علي صـاصـا..فصـار عصـومي!
أنا كنت عايزة آية تتزوج واحـد سـوداني علي خـلق زيـك..
لكن آيه من جيل مختلف..مقاييس الأخـلاق عندها لا تعرف الجنسية..
والفرق في العمر بينها وبين من تتزوجه كان في رأيهاأمر لا يجب ان
يتجاوز العامين..
والمهم.. ثقافة ابناءنا تختلف عننا حـتي وهم يتدينون بنفس الديانة..
أتمني لها ولبودي الإستقرار والسعادة..
شـكرا عصـومي علي وجـودك مع آية وأنا في مراحل حياتها الجميلة..
وعقبال مانفرح معاك بأفراحـك..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: munswor almophtah)
|
شـكرا أخي أسـتاذ منصـور علي تهانيك العزيزة...
لماذا يفرحنا كثيرا خـبر الزواج?
أعتقـد لأننا نحب مايحبه الآخـرين لإستقرار حياتهم..
ولأننا أيضا لنا أفكارنا أو فهمنا المحدد للإستقرار والسعادة..
وهي الزواج والإنجـاب والفرح في الإستغراق بتربيتهم..موش?
يهنيك ربنا ويسـعدك بأسـرتك..شـكرا لمشاركتنا الفرح
مني
| |
|
|
|
|
|
|
|
|
|
Re: منى عوض خوجلى.....( حبّوبه) (Re: سجيمان)
|
ياسـلام عليك..
شـفت أنا نفسي نقعـد كلنا سـوا تاني ..نسـمع غـنا سـمح شـديـد..
زي الأغنية ديك الغلبك تقعـد منا تسمعها وطلعت بره تغالب روحك بالصبر!
ونسم أغنية تاني نغني فيها كلنا مع بعض في فرح كـده طـلع من قلوبنا ومشع
في عيونا..
لكن لازم لما يحصل الفي نفسي ده يا دكتور عادل " سجيمان" ..تتبعه حفلة تانية
بالدلوكة..عشان أنا بحب جـدا أغاني البنات... وتكونوا كلكم قاعدين..
وكمان آيه وبودي يكونوا قاعـدين..
شـكرا لتهنئتك الجميلة..
أتمني أن نشـاركك وأسرتك كـل أفراحكم..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: hatim ibrahim)
|
الاخت منى
تحياتى
العم علي عبد الرحيم
داير يكبرك ساي بكلمة حبوبة
هو لانو خجلان من صلعتو المطلعاهو اكبر زول في المنبر
فانت تبدين زهرة في ريعان الشباب
مع احر تهانينا للعروسين وبيت مال وعيال
عم عبدالرحيم لك الود والتحايا
وبنقرق معاك
| |
|
|
|
|
|
|
|
|
|
|
Re: منى عوض خوجلى.....( حبّوبه) (Re: Hololy)
|
مبروك يا منى وآيه..
منعني "الشديد القوي" من الحضور للعقد.. (قابلت محمد خارج القاعة وتفهم جداً هذا الشديد القوي!)...
المفروض التحايا و"التهاني" تكون وصلتكم مع نجوى ونبته...
الف سلامة "للنزله"
سيف
| |
|
|
|
|
|
|
|
|
|
Re: منى عوض خوجلى.....( حبّوبه) (Re: عبد المنعم سيد احمد)
|
اهلين عبـد المنعم .. كيفك وكيف الأسـره?
بلغت الأسـرة بتباريك اللطـيفه..
إن شـاء الله ياعبـد المنعم يوم نتلاقي في الخرطـوم ونمشي الإمتداد
منتصرين بإذن الله .. ونفرح بأولادنا كلنا سـوا ..
آيه وبودي قالوا عايزين يمشوا السـودان يتعلموا عربي كويس!
أنا متأكـده لو مشوا بيقعـدوا شـهر بالكتير..
تسلم يا أمير بلغ سـلامي لأسـرتك ولصـديقي مسعود...
| |
|
|
|
|
|
|
|
|
|
Re: منى عوض خوجلى.....( حبّوبه) (Re: saif basheer)
|
أنا عارفة ياسيف بشير الشـديد القوي ده شـنو..لكن هأسـكت..
عارف ياسـيف لما أعاين لآية ونبته وانا بفكر في طـريقة حياتهم وتصرفاتهم ..بتجيني
أفكار كتيره خالص .. وموضوع أصـله ماهايروح من بالنا للأبد علي الرغم ن تخبطنا في
نقاشه اوالتفكير فيه بصمت او بصوت..أقصـد الهويه
معظـم حاجاتهم مدهشه... فيها قوة وعزيمه وبالطـبع ليست كل تصرفاتهم محل رضاءنا
التام..
أتحـدث هنا عن جانب القناعه في القرارات وعدم التردد..
لما شـفت نبته الطفله لابسه الحجاب وآيه نفس الحكايه..قعـدت افكر براي
ايه بالضبط أسباب لبس الحجاب?
لا اعتقـد انه الدين فقط..لكن اعتقـد انه الدين كهويه!
نتناقش في الكلام ده في بوست تاني..
عقبال ماتفرح وحبيبتي نجـوي ببناتكم..آمين يارب ..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: Ahmed Abushouk)
|
جميله هي زيارتك لنا وحـلوة تهنئتك..
كيف حـالك وحال المؤتمرات?
زرت الرابط وقضـيت وقتا طـويلا أقرأ دون ملل أو تعب..
وهذا هو حالي عنـدما أقرأ لحميـد..
شـكرا دكتور أحمـد أبوشـوك علي الإهـداء بس نقول..
كون انه الله خلقنا سـودانيين شـماليين مامعناته إننا مابنعاني!
| |
|
|
|
|
|
|
|
|
|
Re: منى عوض خوجلى.....( حبّوبه) (Re: Hololy)
|
إزيـك يا هولولي..
أسهعليك الله احنا مش فعلا زي القاعدين في حـته واحـده بنبارك لبعض?
وزي البنعرف بعض كـده لينا سنين?
ما أحـلاها مودتنا السـودانيه ..صـادقة وبسيطه وسـريعه!
لما آيه حكت لبودي عن سـودانيز اون لاين وعنكم وعن بوستات العيـد ميلاد.. هو ماكـان
قادر يتخيل الوضـع..مسكين ضـايعة منه حاجات كتيره زي دي لأنه ماسـوداني..إن شاء الله
نعلمه!
شـكرا علي تهنئتك الحـلوة ..نتمني نشاركك كـل أفراحـك..
| |
|
|
|
|
|
|
|
|
 Re: منى عوض خوجلى.....( حبّوبه) (Re: بكرى ابوبكر)
|
عمو بكري أبو بكر..
أيوة.. موش انت لميتنا هنا كلنا وبفضل الله وبفضلك بقينا كـلنا أخـوان وأخـوات ..نحس ببعض ونحب بعض ونخلي بالنا من بعض?
خلاص يبقي إنت عمو!
شـكرا لمباركتك زواج آية.. والإتيان بالفنان الوردي والفرح..
عن اذنك امشي أطـلب ليكم العشاء..
يحفظ ليك اولادك ويحفظك ليهم ويهنيكم ببعض..مافي زول بيعرف يزغرد??
| |
|
|
|
|
|
|
|
|
|
Re: منى عوض خوجلى.....( حبّوبه) (Re: معتصم مصطفي الجبلابي)
|
شـكرا معتصـم مصطـفي..
أولا علشان بتبارك لآية..
ثانيا علشان كشفت خطط علي الخبيثه
ثالثا علشان اسمك زي اسماء أخـواني الإثنين
السنة البوردية الجـديـده هانعمل حـفلة لآية هناارجـوك أن تحضـر مع من تحب ..
وأدعي معانا علي عبـد الرحيم يبقي كـويس..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: hatim ibrahim)
|
تسلم أخي حاتم ابراهيم..
مرة زمان في التلفزيون السـوداني..كان في حـوار أدارته احدي مقدمات البرامج عن الزواج
ومعرقلات الزواج الماديه..
وبالطـبع جـاء ذكـر المهر وعلوه كأحـد الأسباب..ثـم جـاء ذكـرأو ما شابه.." خـذوهم فقراء يغنيهم الله" (أعتـذر لا أحفظها) ..
وكان ذكر هذا لدعم ان الفقر وضعف المهر لا يجب ان يكون في حـد ذاته مانعا للزواج..
أضحكني كثيرا رد المقدمة للبرنامج..
قالت وهي تضفي علي صوتها رنة احتجاج..
مع احترامي للدين الإسـلامي..لكن في ناس كتار عرسـوا فقرا ومازالوا فقرا!!
قلت شـنو?
فرحتنا جيتك هنا...وهانفرح معاك بإذن الله
| |
|
|
|
|
|
|
|
|
|
Re: منى عوض خوجلى.....( حبّوبه) (Re: تماضر الخنساء حمزه)
|
Quote: ألف مبروك منى ..
ربى يسعدها ويوفقها فى حياتها الجديدة
وياربى تفرحى بأولاد أولادها ..
·
|
قبل يومين قلت منى خوجلي مابترد علي زول في بوستها سريع
وبوستاتها ما شاءالله بتتصاعد بسرعة جنونية ...
في بوست أية في العيد السبعتاشر ردت علي بعد ما آية وصلت التمنتاشر .....
وفي بوست الاجازة .....قلت ياسيدي ولايهمك .. لما ترد عليك... تكون نزلت السودان تاني...
والجدير بالذكر منى بتنزل السودان كل تلتاشر سنة ....
علشان كدا على عبد الرحيم كتب حبوبة باعتبار ما سيكون......
عليه
اتوقع الرد على بعض المباركات من .......
حبوبة منى
| |
|
|
|
|
|
|
|
|
|
Re: منى عوض خوجلى.....( حبّوبه) (Re: omer almahi)
|
الحبيبة منى خوجلى
فرحة من وسط كل احزانى غمرتنى حد التدفق عندما وقع هذا البوست الذى يحمل النبأ السعيد تحت عينى !!
الف الف مبرووووووووك للحبيبة آيه وعقبال تشوفى اولاد اولادها يارب
كل التبريكات لماما جارة وخالات وخيلان العروس الحلوة وياريت تجيبى لينا صورتها وهى عروس ..سمح؟
| |
|
|
|
|
|
|
|
|
|
Re: منى عوض خوجلى.....( حبّوبه) (Re: نادية عثمان)
|
حبيبتي نادية..
ليس هناك أقوي وأروع من أن يصمـد الإنسان في حزنه ويتعـداها ليشارك الآخرين افراحهم..
الوقوف بقوة يتطلب قلب واع ومؤمن..وحب للبشرية فيه قيمه تسامح عالية..
ففي ضعفنا نفكر احيانا ... كيف يفرحون هم وحزننا يغرق بلاد?
ولكن كما قلت لك حبيبتي من قبل..
فقط ذوي القلوب المؤمنه والرحيمة يعلمون كيف يتخطون احزانهم ليشاركوا الآخـرين
أفراحهم..
لأحبائنا في السماء كل الدعاء ..ولك حبيبتي كـل الحب
وان شاء الله تشوفي صـورة آية وعريسها..
| |
|
|
|
|
|
|
|
|
|
Re: منى عوض خوجلى.....( حبّوبه) (Re: Muna Khugali)
|
الحبيبه منى خوجلى
الف مبروك للحبيبه آلاء الكبرتك قبل ماتكبرى, وربنا يتمم ليها على خير
طبعا لسه مامصدقه الاء الصغيرونه الحضرنا اعياد ميلادها كبرت وبقت عروسه ماشاء الله, ربنا يحفظها ليك ويحفظكم لى بعض
Quote: طـبعا آية متحجبة..والفسـتان شـوية قصـير..طـيب يا آيه..الحاجة دي طـولها ناقص..
عارف قالت شنو وكانت جـادة جـدا?
مامشكلة بلبس معاه بنطلون جـينز! |
عارفه انا كمان بلاقى صعوبه شديده فى اختيار الملابس ولو الفستان ماناذل للارض بلبس معاهو بنطلون ولا بوت طويل, فضحكت لما لقيت الآء بتعمل زى
آسفه جدا للتأخير فى التهنيئه بجد فرحت لآلاء شديد وياريت ترسلى ليها تهنيئتى وترسلى لى تلفونك فى الماسنجر لأبارك ليك
والف مبروك مره اخرى
وفى امان الله
لا اله الا الله
| |
|
|
|
|
|
|
|
|
|
Re: منى عوض خوجلى.....( حبّوبه) (Re: bint_alahfad)
|
عارفة يابت الأحفاد.. انا برد ليك اسه وعارفاك مشغولة شـديد في استعدادت زواجك..
لما آيه اتحجبت قبل سنه ونص ..كنت قايلاها حاجه طـلعت في راسها وبتخليها..
قلت كـدي أراقبها..لقيتها ماشيه في الموضوع ..وبعد شهور كده عرفت انها جادة في
حجابها..قمت قلت تكون بت الأحـفـاد لمت فيها في لنـدن دي!!
ربنا يسـعدك حـبيبتي ويتمم ليك علي خير.. ويـديك كـل الفي مرادك.. ويجعل فسـتان
زفافك طـويل حتي لا ترتدي تحته جـينز فيلمحه 'بعضهم' من الحضور.. ويظـن انك ذاهبه
الي الجهاد
كما قلت أنا لآيه..
ليه حـبيبتي بطلتي تقولي لي خـالتو?
| |
|
|
|
|
|
|
|
|
|
Re: منى عوض خوجلى.....( حبّوبه) (Re: مروة احمد مكى)
|
كيف حـالك مروه حبيبتي?
بتكوني مريتي بتجارب شـفتي فيها التحضيرات للزواج ..
متعب موش?
الحمـد لله ربنارفع عننا أغلب التعب..يعني الهيصـات بتاعة اهل العريس من الرجـال
جـايين الليلة... ولسه ما ارتحنا منها يجوك اهل العريس من النساء.. وشي فتخ خشم..
وشي شـبكة.. وشي ده عاجبنا ود ماعاجبنا وغايتو شـي عجيب خـالص!
دعـوه في قاعه تستضيف فيها المعزومين وخلاص ينفك المولد ايه رأيـك?
شـكرا علي حضـورك للتهنئة وربنا يسعـدك ويفرحـك دايما
| |
|
|
|
|
|
|
|
|
|
Re: منى عوض خوجلى.....( حبّوبه) (Re: Munir)
|
ود عمي منير كيفنك?
الأيام دي ماشيه أموت عشان امشي احضر العيـد في الشمالية!
أمشي الزومه وأحضر صـلاة العيـد في جامع أجـدادي الوهاهيب وبعـد داك
نعيـد علي بعضـنا.. واي زول بعـد داك يجي يهنيني زيك كـده بزواج آيه..
ان شالله نتلم كلنا في فرح كبير ونفرح بأولادنا سـوا
| |
|
|
|
|
|
|
|
|
|
Re: منى عوض خوجلى.....( حبّوبه) (Re: omer almahi)
|
Quote: قبل يومين قلت منى خوجلي مابترد علي زول في بوستها سريع
وبوستاتها ما شاءالله بتتصاعد بسرعة جنونية ...
في بوست أية في العيد السبعتاشر ردت علي بعد ما آية وصلت التمنتاشر ..... |
شـفت يا عمر الماحي خـذلتك كيف?
جـيت أرد سـريع موش?
أنا بتأخر في الرد لأني بحاول أكـون قـدر كرم اي واحـد فرحني بتهنئه
والقدر عنـدي يعني المجهود والاحساس..
يعني انت كنت في عيـد ميلادات آيه موجـود وأسـه في زواجها..معقوله بس أكتب ليك
الله يبارك فيك بس وأمشي?
إتفضل حلاوة وماتنسي تجي الحفلة في البورد..
ممكن ياعمر تصمم لي كرت دعوه للحفلة لما نعرف مواعيـدها?
تسلم وان شاء الله نبارك ليك أفراح كتيره
| |
|
|
|
|
|
|
|
|
|
Re: منى عوض خوجلى.....( حبّوبه) (Re: تماضر الخنساء حمزه)
|
تسلمي حبيبتي تمرا..
وعقبال كـده مانبارك ليك الديوان..وأي حـاجة بتتمنيها..
من أمس عايزه أمشي لآية لكن مكسوفه..أظنو دي حاجه اتعلمتها من اهلي!
اتعلمت إنه الزوج يجي سـاعة مايحب ويقعـد كمان ..لكن أهل الزوجـة عيب لغاية ماتمر
الأيام ولا السنين وبعـدين نشوف!
شـوفي بكـره الخميس آيه هاتجيني علشان كـده انا بكره هاكون فرحـانه!
ربنا يفرحـك انتي كمان وشـديد>>
أنايا تماضر سـميتك تمرا ممكن?
| |
|
|
|
|
|
|
|
|
|
Re: منى عوض خوجلى.....( حبّوبه) (Re: القلب النابض)
|
منى
اولا: الف الف مبروك لآيه وربنا يسعده في حياته يارب
ثانيا : استوقفني العنوان كذا مره ولكن لم اتوقع او اخمن حتى محتواه المفاجاه
ثالثا : شدي حيلك حتبقي حبوبه قريب لكن ولا يهمك انا بقيت جد لي تلاته سنه 
رابعا : زي ما قالت تماضر
واخرا وليس اخيرا : عقبال كل الباقين ويديم عليكم الافراح يا رب
وشكرا علي عبد الرحيم
| |
|
|
|
|
|
|
|
|
|
Re: منى عوض خوجلى.....( حبّوبه) (Re: Aymen Tabir)
|
وعقبالك انت كمان ايمن وتبقي جـد زي مابقيت لبنت أخـتك ..
غايتو انا بحب البيبيهات شـديد لكن لما يصرخوا بزهج منهم!
يارا بت هاني ولد أخـتي حـلوه شـديـد.. وبتضحك كل الوقت ..وأحسن حاجه فيها
مابتصرخ لما تزعل.. تبكي شـويه وخلاص ..
وبعـدين يا أيمن جـدها وحبوبتها وابوها..كل زول عنـده أغنيه مختلفه ليها..
وهي عندها رقصة ليها..عمرها 7 شـهور ماشاء الله!
لو آيه لقدام شـويه جابت لينا بيبي وديع ولطـيف زي يارا أنا بفرح وبشيلو معاها..
غير كـده لأ..أنا أكتافي مملخات!
ربنا يخليك أيمن
| |
|
|
|
|
|
|
|
| |
عبد الدائم سيد أحمد
Muna Khugali
ناذر محمد الخليفة
عبد المنعم سليمان
omar ali
Adil Isaac
ود محجوب
حسام يوسف
محمد المرتضى حامد
ودرملية
Elmoiz Abunura
عامر تيتاوى
Hisham Osman
السنجك
الخير محمد عوض
عمر ادريس محمد
hajhamad
محمد عمر الفكي
Salah Musa
يحيي مصطفي
خالد العبيد
Mohammed Haroun
garjah
تراث
معتصم دفع الله
سجيمان
munswor almophtah
معتصم مصطفي الجبلابي
بكرى ابوبكر
عبد الحميد البرنس
saif basheer
عبد المنعم سيد احمد
omer almahi
bint_alahfad
Munir
saadeldin abdelrahman
القلب النابض
Aymen Tabir
Yassir Tayfour
فيس بوك
تويتر
انستقرام
يوتيوب
بنتيريست