|
|
|
 Re: معتصم الطاهر ومولود جديد ..الف مبروك (Re: محمد عبدالرحمن)
|
الحبيب معتصم
قالو لينا
اولادك سمر ومليانين بالعافيه
رغم بياض قلبك ورهافة حسك
وقديما قيل (النار بتلد الوهج)
مرحبا بمولودك الذي حجز مكانه بين رفوفنا
ومرحبا بالشبابيك التي توسع دوائر الحنين
شكرا لمحمد عبدالرحمن ذاك الكائن المدر للفرح فينا
والي من ياتي هنا نقول له
لك ان تستمتع بنص واحد هنا وبس (وابحث عن الباقي بطريقتك)
Quote: شباك الحنين
وقلتِ ما هـَم’ نصل
الهم .. المشاوير الَبدَنْ
ما يلحق خُطاها حَـدْ
ويتفاصح صهيل البدن
خيل اللَّحوق يتلبدن
وفى اللفة يلقاك المحل
وكان حُضنك وهيط
واعد البرم المواسم الطيبة
ويقَّن ألوان السبيط
دقّ باب الطيبة
والوعد البسيط
واستبدل الدم هواك
يا قاعدة
بين الجِّتة والروح وسيط
ما جدوى الجداول والمتَـر
تغسل أصابع الموية من وجع الفتر
والبينا خصب واستوائى
وما هم نصل ..
وهمِّـك نصل رمش الحقيقة
وحرّش على طيفِـك
زحم النفس على ضيقـا
واتوهط على كيفِـك
وعلى كيفِـك .. بعيد منِّـك
قريب من شهوة مجاديفك
تطفِّر من سارية نزيف آهة
يجدّف فى وجع الجرح سيفِك
تقريفى ألمى البقردِن قشعريرة القهوة
كلما سطل فنجان السفر كيفِـك
وكيفِـك .. تسلِّمى على ساكت !!
سلِّمى على النفس متصالحة
جازيتك على عيونك
فكى الضايقة يا صالحة
وأبرى من دم العشق والخوف
تنقيك الموية للورتاب
تضاريس الصبية نصاب
زكّت للحبيب قبلة
وما عرفت يمينـا ما فعل الشباب !!
وأنا ياتو باب !!
فى السّكة لابس بسمتك
سمّاك أول المشوار وصول
حرسّك فى الجنة بيبان همتِّـك
شفِّـعك بين العاشقين رسول
شهَّـلك للعتمة حزمة ضوء
واتشهى فيك الصباح
ضحكة تقاسيم الفصول
أطراك فى شباك الحنين
ألقاك فى باب الدخول
منو !! التاتاك .. قواك .. ولمْ ..
لمْ علمِك صبر الرضاعة وانفطم
وأنا كنت قايلك ..
- والدرّة بكريه -..مشحتفة
وطعم العشق فى الفم
وأنا أسه ناحتك
فى جدار القلب .. من جوه
شباك الحنين للضم
تدخلى فى خلايا الروح
تمرقى من النفس للدم
وأنا ما مرقتك من خلية عشان عسل
ولا شهرتك للخليقة ضرب مثل
فإذا أتحجب الريد فى العروق
أتبرج الشوق فى المقل
سابق الليل الشروق
واتشابه الطين والوحل
ما تِدّسى من شبق المروق
ولا تتوبى من لذع النحل
وسلِّــمى على ســاكــت ..
مدنى 1996
|
| |
 
|
|
|
|
|
|
|
 Re: معتصم الطاهر ومولود جديد ..الف مبروك (Re: Tabaldina)
|
استني لي يامحمـد السـر أنـا لابـدة ليك...
وياتبلـدينـا المضـحك في الموضـوع أنـا عاينت في الشـهادة.... وقـدر مـاحـاولت أفهم المكـتوب غلبني..... قلت خـلاص تكـون شـهادات ميلاد الجمـاعة ديـل شـكلها ومضـمـونهـا كـده!
وشـكـرا يا خـالـد العبيـد باظـريف محـاولة اخـراجـنـا مـن المـوقف...
لكـن الجماعة ديـل صـعبين خـلاص...
أبو سـانـدرا قاطـع الحـركـة مالك?
مـبروك تاني يامعتصـم
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: Salah Abdulla)
|
saif massad ali
شكرا ابتداءا ..
وأنت السبّاق ..
Muna Khugali
لقد كان مخاضا متأخرا
أرجو أن يسعد به الآخرين ..
أبو ساندرا
| Quote: أهو لسه فيك رقشة يا هندسة |
أنت شن رايك ؟
عفيف اسماعيل يدعوها ( الغيرية ) وأنها أخذتنى عن نشر أعمالى ..
ولا يعلكم كم كنت فرحا
بـ ( وضاحة) أزهرى
و ( فخاخ وثمة أثر ) ..
Imad Khalifa
ماذا أخذك منا ؟
هو بعض من جهد قديم .. عرفناه معا ..
نيازي مصطفى
الأمة يظل فيها نبض مادام فيها مثلك
نحاول ايقاظ دواخل رتيب ايقاعها ..
معتصم دفع الله
سمى العزيز
شكرا لمداخلاتك
وفرحك الذى يغمرنى ..
بدر الدين الأمير
لو وصل كنت عرفت
لو ليس منى
لدق قلبك
فالنبض واحد ..
ودقاسم
شكرا ود قاسم
ودا قطع نفسى
لذا أعجب من وبــ محسن خالد ..
فيصل عباس
يا حرف اللام ..
أنت من هذا الحنين
وتطل من شباكه وتعرف ..
Nada Abdelwahab
شكرا ندى
و ذوقك حنين ..
فيصل محمد خليل
تشكر يا فيصل
هناك ما يخبرنى أن بيننا ما يجب أن نتكشفه ..
ونكتشفه .. ونكشفه ..
wadalzain
هذا الديوان نبضه ودقاته الأولى كان من هناك
على ضفاف الأزرق
من البيت
أو المرفأ
أو مكاتب الأمن ..
لذا تخبره وربما خير منى ..
محمد السر
الرجل الجميل
وجوزدك زادنى سعة فى الجمال وبسطة فى الانبساط
Tabaldina
شهادة ميلاد فى عمر متأخر
تجعلنى صبيا ..
شكرا وجودك شهادة فخر ..
حمزاوي
شكرى
وطلتك من شباكى نورت ( الديوان)
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: محمد عبدالرحمن)
|
مبروك يا ريس
بس بقيت المواليد لازم ترى النور ..
قبل استعامل (...) أمرق ما عندك نرفع أقلامنا عنك
أمرق أطفالك الغير معترف بهم أبناء تلك (السرية) أولئك المنتشرين بين مقبرة الدرجة في تلك الطاولة .. وبين الشنطة الآثنة التى ترفض حتي التفليس ... أو سنرجعك لحملات التفيش مرة أخرى ..
النسخ شكلها وصلت .... والحاجزين بعد الفردة صلاح عبد الله أنا
شيل شيلتك
ياسر حامد
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: محمد عبدالرحمن)
|
شاعرنا المهندس ..
مبروك
شباك حنينك
( حنينك ) الذي أعرف ..
و لن أرضى بغير نسختي الموقعة .
تمنيت أن أرسم لك الغلاف .. و عرضت عليك ذلك , يبدو أن غيري كان له الشرف .
مبارك لنا ..
و يقينا أن لنا ندوات أخر مع ديوانك الوليد .. و نقاش لن يفتر .
( المشكلة أنك لن تساهم في تنظيم ندوتك تلك باعتبارك أبو العروس .. و سنفتقد تنظيمك لها , و سينفرد بنا ود الأمير .. و ما عافي ليك يا معتصم ) .
و سألح حينئذٍ في سؤالك عن ما أورته عن ( القصد ) و علاقته بالمنتج الإبداعي .. وعن علاقتك بنصوصك ( جدلية الخلق .. و مراوحة النقد القيمي فيه بين المطلق و النسبي ) و عن كل ما أفحمتني به من ردود لم و لن تشفي غليل , لكنني عرفت أن ذلك يتطلب حوارا مباشرا معك ..
فاشحذ أسلحتك الجميلة .
مبروك مرة أخرى
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: singawi)
|
( ضواقة يعني )
سنجاوى ..
تحية
وتذوق ..
إتلمِّـى فى صدرى
فارس حوارى الروح
حارس هواك تملّى
تاتيت بسيمتك ضل
والرمضا من رملى
إتلافيت الهجير من لاك
لقيت مرجلك يغلى
لما الحنين يلقاك
فاتح مسام البوح
ماتندسى تتدّلِّى
بين الجرح والنوح
شايل الحنان بلقاك
واسع الحُضُنْ مفتوح
عارف الصباح حساى
خابر النسيم مفضوح
مّـدِّى الخطاوى قريب
خلِّى المسافة تضيق
بين النّفِس و الروح
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: تيسير عووضة)
|
الاعزاء
سيف مساعد
منى خوجلى
ابوساندرا
عمادخليفة
نيازى مصطفى
معتصم دفع الله
بدرالدين الامير
ودقاسم
فيصل عباس
جاد
ندى عبدالوهاب
فيصل محمد خليل
ودالزين
محمد السر
تبلدينا
حمزاوى
صلاح عبدالله
ياسر حمد
معتز تروتسكى
الطيب بشر
بناديها
الصادق خليفة
عمادعبدلله
كيقا
الفاضل الهاشمى
امين عمر عثمان
محمد السنى دفع الله
تيسير عووضة
تحياتى وجزيل الشكر على المرور والمشاركة ...
وعذرا سأعود لاعقب على بعض التساؤلات والملاحظات ..
ودى لكم جميعا ..
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: خالد العبيد)
|
الماجد معتصم محمد طاهر
تحياتي
الف ..الف مبروك..رغم ان هذا الميلاد جاء متأخرا كثيرا..عقبال مواليد أخر
ارجو ان ترسل لي نسخة..وقبل نسختي ارجو ان ترسل نسخة للصديق سليمان الامين..حتي تكون له الفرصة
في تغيير رأيه القديم..
لك مودتي..والود يتصل الي الاخ محمد عبد الحمن صاحب البوست
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: saif khalil)
|
الأخ سيف
سليمان الأمين ( رئيس اتحاد التمثيل النسبى)
هو من أخّر انتاج هذا الديوان
وهو من جعلنى لا أخرج الا عملا مجودا
وطبعا اولا عفيف وأزهرى ..
أهديك هذى الأبيات 0.
يا مُتْكَتِّفْ بالتكوين من..
إحباط الشارع
صمت الميدان الخايِس
يا محتوت من جذعى اليابس
مرتب فوضى ومُتجانس
يا مصيــــود من
شطْ الرفضْ
وأول ضِدْ
وهامش شكِّى
ورسماً فاضح ضلعى السادس
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: محمد عبدالرحمن)
|
مية مليون مبروك جميلة يا معتصم. أهو كدة قدرت تنكشني عديل . ده نوع البمرقني من الجحر . لك الباقات الجميلة بقدر كل لحظة ابداع عشتها
ما تخلي عماد يجنن جنك بي جدلية الابداع وفكرة الخلق . الله يجازي محنو كان عرفت الانقليزي ده بيجيبوا من وين!!
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: هشام آدم)
|
معتصم ،،، أن تأتي متأخراً خير من أن لا تأتي ، سأورد مدحي في مولودك قبل أن أضعه في حضني واسمي الله عليه من عين كل حاسد ،، عظيم أن نرى الأيام وهي تخرج لنا من ظهر الفنان فنان وشاعر ،، ماهي حكاية المهندسين مع الفن هل هم مهندسون لأنهم فنانين أم العكس صحيح ورونا ياناس حكايتكم شنو ؟
معتصم الطاهر مهندس وفنان وشاعر وخبير في العلاقات العامة وفي إدارة الجلسات وحلقات النقاش ،، عماد عبدالله مهندس تشكيلي وروائي وشاعر وشقي وشفيف ، هاشم ميرغني مهندس معماري وشاعر وفنان ،، اللهم ألهمنا الفن والشعر لأننا تجاوزنا مرحلة الهندسة .
مبرووووووووووووووك لمعتصم وياريت نلقى من يجيد فن الالقاء ليتحفنا بشذرات من المولود الجديد في ليلة دوحاوية وفي ديوان طرزت جدرانه برسوم الفن والفنانين في حضرة بدرنا الساطع ود الامير.
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: أيزابيلا)
|
شذابيلا .. سيدة الأرصفة..
ما زلنا فى اقتراح الاسم لمولود قادم
حتى حينها اهديك ..
أخير لو مركبك عَـدّت
و سوط الموج
فوق صفحة قفاها يصيح
وعزا الشطّان
إذا الطيفان يشيلها الريح
لى مُشْرَع غريب ولَدِيح
يترجّل فارس ضهور الخيل
من وجع السروج والقيح
وعزا النجمات..
يتوشحك القمر دورين
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: Emad Abdulla)
|
..
إزيك يا صاحبي محمد،..
مبروك يا معتصم، أهو ناول كرعيك للدرب دا، وما تسأل من الرمض في السكّة دي كم،..
أسوأ ما في الكتب هو تحريرها، ومراجعتها، ومتابعتها لاحدي ما تطبع،
أما تأليفها دا فخليهو ساي،..
في كلمة حلوة قالها إبراهيم نقد عن الكتابة:
(يتحدثون عن "القراية أم دق" وما دروا أنَّ الكتابة هي "الدق ذات نفسه")،..
مبروك من القلب،..
ونحو مستقبل طليعي في فعل الكتابة
...
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: محسن خالد)
|
محسن خالد
| Quote: أسوأ ما في الكتب هو تحريرها، ومراجعتها، ومتابعتها لاحدي ما تطبع، |
تشكر يا ( بنى) .. شكّلها براك
وأهو الدرب مسكناهو ..
"ما هَـمْ نصل "..
ما هَـمْ طريق غير الدروب
الفاتحة حُضن الريد أهل
ما هَمْ بيوت غير القلوب
الواسعة أكبر من مَهَلْ
الهَمْ.. مشاويرنا الَبدَنْ
ما يَلحَقْ خُطاها حَـدْ
يتـفاصَح صهيل البَدَنْ
خيل اللِحوق يَتْلَبّدَنْ
فى اللَفّة يلقاكِ المَحَلْ
يوم كان حُضْنِك وهيط
واعَدْ البَرَم المَواسْم الطيبة
يَـقّن ألوانو السبِيط
بى رِقة دقّ باب الطيبة،
والوَعْد البسيط
واستبدَلْ الدم نبضة هواك،
يا قاعدة
بين الجِّتة والروح وسيط
ورينى جدوى الجداول والمتَـر،
تغسل أصابع الموية وجع الفَتر
والبينا خصب واستوائى !
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: mohamed elshiekh)
|
المعتصم الطاهر، الباهر....
وأخيرا، سوف ندخل كالاطفال من الشباك، نرى الباب، ولكن لدخول الشباك حلاوة ولطافة، وشقاوة، وتمرد، وهي خاصية الانسان الفطري، يريد ان يكسر الحواز ويطير ويختفي، والله الشعر ده مشكلة، داير ذورة خاصة من الوعي والحس، وزائر غريب، بجي وبمشي بدون اذن، ولكن شيطانون كبير ومبارك، والله بلعب باللغة لعب، وبجسد ومض من المعاني، يتجاوز خمر العرقي والمريسة، ويحلق بنا لمشاعر داخلية، خارج إطار الزمان والمكان (وماذا خارج إطار الزمان والمكان غير الله).....
حرم ما بدخل من الباب، طالما شباك الحنين فاتح، زي قلب الام، وقلب الإله...
طبت عزيزي معتصم، ، بهذا الوليد الباسم، ما أسعدنا بهذه الحروف، وهي تحلق على اديم الورق، جزلى وفرحة...
اهه، نسختي وين؟ شئ لله ياحسن، يامعتمصم...
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: عبدالغني كرم الله بشير)
|
عبد الغنى كرم الله
| Quote: ولكن لدخول الشباك حلاوة ولطافة، وشقاوة، وتمرد، وهي خاصية الانسان الفطري، |
أشيل براى النجيهة
وأكُون الوليد البِخَالْف القبيلة
مِشَـنِّـق هوايا
أبارى القمارى
البِتَقْطَع تذاكِر لحفل الخريف
وترقص معايا
أقيفى النشوفك ..
واحَفِّظ ملامْحِك عيون المرايا
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: عزاز شامي)
|
الأستاذة عزاز
مِنِّـك..
عرفت الكلام الأباجِد
رأيت العيون السَوافِر
مسافِر.. وما لاقى جِيهة
رَميت الأكُف البِتَفرُك..
صقيع القليب البِكابِِر
كايس دفوها
لِقِيت.. الحدايِق تبادر..
ترسّل غصونها..
تَسَائل خُدودِك أزاهر
تنضِّـر وِجيها،
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: بهاء الدين سليمان)
|
الاستاذ الشاعر الشفيف
معتصم الطاهر
الف مبروك علي باكورة انتاجك الشعري
شباك الحنين وبالتأكيد سيشكل اضافة
حقيقية للابداع الشعري ويفتح مساحات رحبه
عبر هذا الشباك لنشر المعرفه وتوسيع ماعون
الابداع وخلق تواصل وجداني بين ابناء وبنات
السودان المنتشرين في فضاءات العالم
ومتشوقين ومتعطشين للقرأة
وكيف نستطيع حجز نسختنا ؟
والتحية للاستاذ محمد عبد الرحمن
ودمتم
عفاف ابوكشوه
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: عفاف ابوكشوه)
|
ضــــــــــوة
عـزّ مفتاح الكلام ..
"خاطرك .."
أدينى سر الصراخ ..أبدأ
طويت كل المخاوف فيك
نعيت برد الغنا الرّدة
دندن حر الدفوف مغناك
شهق همس المسام مُدة
.. وإتقاسم الشوق دهشتك
نتقاسم الشوف والنفس الحلو
وننقسم بين اللقيا والصبر الحرام
ألقاك .. أشتاقك ..أبدأ ..
ألفاك ..أشواقك تبدأ ..
وسرق لون الفراش شوفى
صهل فينى البصر والدم
شتت مصابيح ضوة
وقهر الظلام مقدور
لو صقر المخاوف هـَوّ
ونور المنارة يغور
لو قِدْر المراكبى النوّة
وضوّت مصابيح ضوّة
يا ضوة ..
فاتنى الزمان فى الدور
قاودنى الأتر
.. مجبور
مجبور ياضوة إلا أجيك
..أشيل إسمِك
أشق قرمصيص الموت
أشيل وسمك
عنوان الصراخ والصوت
متحيّز فيك الجمال بالعدل
وجايز ليك الظلم والعدل ..
انعدلى وسط الضلوع ضوة
كِملت ليالى العدة
وانعدل فى وقفتك ريقى
ندهت الخطى .. وسميت
سميتك : مَهَل ضيقى
وشفهتَ ..
" ماتضيقى.."
ندهتَ .." ماتضيقى "
صرختَ .. " ما تضيقى
ها .. ضوة .. ما تضيقى .. ماتضيقى ..
جاتك قوافل ريد فى الرمل مغسولة
والطينة مد الأيد وعيونها مبلـولة
أبنوسة مابية تبيت والغابة بتحجّـى
ضوة،فى عتبة البيت والنخل مترجّـى
يا ضوة .. ما تضجى ..
ضجى ..
ضجى ..
ضجى ..
وقرياف الصراخ مربوط
ما تلاوزى تلجّى
ضهبت خطاوى الصوت
اتقدرى وكجى
شرك الصقور للحوت
بلّل مناديلك
سفر البكا الجبدة
والخطوة حين تبدأ
بسقط قناع التوت
فيا حاجبك المرفوع
يا شقك الرقدة
يا ضوة حين نبدأ
يا ضوة حين نبدأ
| |
|
|
|
|
|
|
|
|
|
Re: معتصم الطاهر ومولود جديد ..الف مبروك (Re: احمد العربي)
|
الأخ معتصم الطاهر
والله الواحد قايلو ولد جد جد .....
وقعدت أدقق فى الشهاده وأقول والله الشهاده بقت تشهى الولاده...
ويا ربى سماه منو....
لكن طلع مولود إبداعى إسمه شباك الحنين.....
ألف مبروك وإلى المزيد من الولاده الإبداعيه....
أخوك أسامه خلف الله
والشكر موصول لاخى محمد عبد الرحمن ....وعناوينك فيها فكره هبانيه(هبانى) إبداعيه...
| |
|
|
|
|
|
|
| |
محمد عبدالرحمن
saif massad ali
Muna Khugali
أبو ساندرا
Imad Khalifa
نيازي مصطفى
معتصم دفع الله
بدر الدين الأمير
ودقاسم
معتصم الطاهر
فيصل عباس
JAD
فيصل محمد خليل
wadalzain
محمد ميرغني حسين
Tumadir
معتز تروتسكى
الطيب بشير
banadieha
الصادق خليفة
Emad Abdulla
keiga2000
محمد سنى دفع الله
ودرملية
خالد العبيد
saif khalil
عشة بت فاطنة
عبدالكريم الامين احمد
أيزابيلا
هشام آدم
عبدالرحمن عبدالله أبوشيبة
محسن خالد
ود محجوب
mohamed elshiekh
عبدالغني كرم الله بشير
Mayada
بهاء الدين سليمان
عفاف ابوكشوه
عبدالله الشقليني
ابوعسل السيد احمد
الجندرية
انعام عبد الحفيظ
Dr. Moiz Bakhiet
أبوذر بابكر
الفاتح وديدي
احمد العربي
أسامة خلف الله مصطفى
عبد المنعم سيد احمد
فيصل نوبي
فيس بوك
تويتر
انستقرام
يوتيوب
بنتيريست