|
|
 العقــاب..... بالرضاعـــة
|
زمان...الواحد فينا...لما يا دوب يدخل المدرسة.... ابوهو يقودو من اضانو....ويدخل بو علي ناظر المدرسة...زويقول للناظر..اها هاكم اديناكم اللحم وادونا العضُم.....يعني دقوهو لمن لحمو يكمل وجيبو العضم ارموهو لينا عن خشم الباب.....
قريت في موقع سودان نت.... خبر مفادة....انو معلمة من زمبابوي....معلمة في مدرسة اولاد.... ابتكرت طريقة جديدة...ومدهشة....ولزيزة...من العقاب..... كانت المعلمة تخير التلاميذ العاوزا تعاقبهم... بين مائة جلدة.. او يرضعو نهديها..... طبعا كلهم اختارو يرضعو.... هو في زول لاقي؟......وخاصة ناس زمبابوي ديل بيدخلو المدرسة بعد ما يبقى الواحد عمرو عشرة سنين......
الخوف... انو هذه الطريقة المتحضرة من العقاب.... تنتقل الي السودان....وعينا ما تشوف علا النور.... اليوم الدراسي كلو.... الجماعة يعدوهو رضاعة...واباء التلاميذ يجو ويحلفو طلاق علي المدرسات انهم يرضعو بدل وليداتهم....وممكن تتعمل لجنة في وزارة الرضاعة والتعليم....لجنة لي تأصيل الرضاعة....وتضاف مادة في كليات التربية...مادة الرضاعة الادبية....وشوية وشوية.. المسألة تتطور شوية...وبدل ما المدرسات كلهن يقعدن يرضعن....يعملو مرضعة لكل فصل.... تكون في مشرفة الفصل ومرضعة الفصل....والمرضعة لازمن تكون مؤهلاتها تمام.... يعني ما يجيبو واحدة معصعصة وحالا واقف ويقولو ليها انت ابقي مُرضعة.... انا عارف الواسطات اصلو ما بتخلي شي يشمي دُغري....و لابد من وضع اسس للرضاعة التاديبية...ما كلو واحدة اول مايقولو ليها امسك الولد قليل الادب رضعيهو وخليهو يشوف نجوم النهار.... طوالي تديهو الشطر...لا النضافة وتطهير الشطر ضروري.... دا شطر بيرضعو منو شباب المستقبل.. وامل الامة....
يعني ما تجي مرا..من الصباح كارا ولدا وراها وتدخل مكتب الناظر....وتقول لو... الولد دا عاين لي شلاليفو ديل وارمات كيفن...الرضاعة حقتكم دي.... ما عندها رحمة كلو كلو.........
وتلقى الطلبة في الحلة قاعدين يتونسو ويحكو عن مدارسهم....وكيف بيفتخرو بها......والله لو شفتو ست فلانو المرضعة بتاعتنا.... عيييييييييك....والله عندها شطور قدر دا....ويفرد ايديهو الاتنين قدر ما يقدر...
وتظهر المدارس الخاصة....مدرسة النهدين النموذجية.....مدرسة الشطور الخاصة....ودعاية للمدارس الخاصة... يوجد بالمدرسة مرضعة لكل طالب.......وتلقى يافطة في مدخل المدرسة مكتوب عليها.... "ادونا الخشُم ونديكم الشطُر"......واوعى ثم اوعى محاولة تطوير اسلوب العقاب بالرضاعة في المدارس.... لانو لو طوروهو...ممكن الطالب يتخرج ولسانو جاري بي كرعيهو.....
وتفكر الدولة في سن قانون.... لمعاقبة عتاة المجرمين بالرضاعة...لكن ديل يشوفو مرضعات... يحملن سيعون..... لارضاع المجرمين والخارجين على القانون....والمساجين السياسين لما يطلعو يكتبو مذكراتهم.. يورو كيف انهم اتعرضو للتعذيب وان الواحد...فيهم كان الليل كلو يرضع وهو واقف علي كرعيهو.....
وتقولو لي برضو ابو غريب
|
|
 
|
|
|
|
|
|
|
|
Re: العقــاب..... بالرضاعـــة (Re: بدرالدين شنا)
|
حسع لو كان طبقوا العقوبة دى فى السودان كان محوا امية الشعب السودانى وكان د.التيجانى مشرف ما مشى امريكا وقال اخير ليهو يشتغل استاذ فى السودان.
اها ولو فى واحد المدرسة ما دايرها تعاقبوا دايره تعمل ليهو لفت نظر ؟
| |
|
|
|
|
|
|
|
|
|
Re: العقــاب..... بالرضاعـــة (Re: Dr. Moiz Bakhiet)
|
د.معز
النكتة...كانت حلوة..وانا ما شايف فيها اي خدش لي مشاعر زول....في زول هنا ولدوهو وما رضع؟......
رودا دي نحن ما بندور نزعلا....علا هي.. شايله عُكازا وحايمة من بوست لي بوست....وتدق في الناس
حسي انا سعلتها سوعال....ونهرتني وخليتا
| |
|
|
|
|
|
|
|
|
|
Re: العقــاب..... بالرضاعـــة (Re: Roada)
|
أختي العزيزة رودا،
لا أعتقد أن هذا البوست يمثل غير مزحة وأن سجيمان لم يقصد إحراجاً لآحد..
لقد قمت بسحب الطرفة التي رويتها تقديراً لأي مشاعر يمكن أن تخدشها واعزازاً لك
ولسجيمان معزتي بلا حدود
ولك احترامي
معز
| |
|
|
|
|
|
|
|
|
|
Re: العقــاب..... بالرضاعـــة (Re: Ana Zaty Omdur)
|
انت زاتك امدر
Quote: معز و سجىمان
تســتاهلوا الوداكم شــنو
|
والله يشهد الله...د.معز دا ما عندو اي دخل في الموضوع دا.... الموضوع كاتبو انا وبتحمل تبعاتو...... اما المعز دا والله ما عارف المرا دي دخلتو في الموضوع لي شنو؟
| |
|
|
|
|
|
|
|
|
 Re: العقــاب..... بالرضاعـــة (Re: سجيمان)
|
العزيز سجيمان
| Quote: الخوف... انو هذه الطريقة المتحضرة من العقاب.... تنتقل الي السودان |
والخوف اكثر من ان ممارسة هذا النوع من العقاب يكون في مدرسة مختلطة وتكون هي المدرسة الوحيدة في القرية مثلا.
ح بتزوجو من وين؟
| |
|
|
|
|
|
|
|
|
|
Re: العقــاب..... بالرضاعـــة (Re: Deng)
|
دينق
دينق يا اخوي.... انت مباري روضة دي بس...هي تدق وانت تخلف...وماك عارف القصة شنو؟
عليكم الله انت ورودا دي اعتذرو لنا..... عشان ما نتلوم فيكم
سمح؟
| |
|
|
|
|
|
|
| |
سجيمان
بدرالدين شنا
محمد الامين احمد
Dr. Moiz Bakhiet
walid taha
Habib_bldo
Frankly
Deng
فيس بوك
تويتر
انستقرام
يوتيوب
بنتيريست