|
|
 السيــدة حـــرم رئيس الجمهـــورية
|
بعد مرات.... لما اكون قاعد براي.... بتخيل نفسي حاجات كتيرة....مرة فنان...ومرة مذيع في الام بي سي......ومرة اشطح واتخيل نفسي رئيس.... عديل كدي....قاعد اتونس مع ام الخير قلت ليها...والله يا ام الخير نفسي...نفسي ... ابقى رئيس...... ام الخير سمعتا غلط.... مدت قدوما وزعلت ....وقالت لي انت البي تدورك مني دي.... والبي ترضى بك غيري منو؟......مسكينة قايلاني قلت لها داير ابقى عريس.....وضحت ليها قلت لها رئيس.. رئيس يا ام الخير... حتين ضحكت واتكيفت وقالت لي..... يا يابا نان مو خايله فيك ..كُر اريتك رئيس السرور...وبلد انت رئيسا الله راضي عليها....وناسن انت رئيسم دي الجنة واتفحت ليهم... ابقى ريئس يا ام الخير... واعين لك مشاطة.....ونقاضة.... الاتنين يقعدن عن راسك....واحدة تمشط والتانية تنقض المشطتو المشاطة.. واعين لك وداعية...تقعد قبلك طول النهار وترمي في الودع....واجيب لك حفرة دخان من اليابان.... من حفر البراكين الكتيرة ديك....والله يا ام الخير ابسطك بسط...واعينك مستشارة لي.. والناطقة الرسمي باسمي... يوم اكون زهجان ومتلبش.... تنضمي انتي بدلي انضمي قولي أي حاجة والراجل ولا المرا اليقول لك نضمك اعوج كان ما عوجت رقبتو.....بقرار جمهوري...انتي هينة ...ولاّ مقطوعة لينة؟.....ووحات الله اشاورك ونضمك ما ارميهو البحر........واسوقك معاي محل ما امشي..... بس عندي طلب وااااااحد.... الطلب دا انو. فوفو بنيتك دي ما تشيليهاو تشتحيها في صفحتك...ونحن نكون بنزور بلد..تبقي شايلها في صفحتك وتسلمي علي مرة رئيس البلد....وانا عارفا فوفو.... هابشة. وهباشة.. انت شايلاها وومشغولة بالسلام تقوم فوفو... تمد ايدا وتشعبط في شعر مرة الريئس التاني.....وتقعدي تصارعي فيها عشان تفيكي ايدا من شعر مرة الريئس التاني.....قدام الكميرات والتفلزيونات.....
وبعدينك ......ان مشيت موعتمر....وانتي معاي........ وقمت انا حردت في نص الموعتمر عشان ريئس دولة تانية حمر لي عينو وصرا لي وشيهو...... انتي طوالي تتقنعي في توبك...وتعملي موعتمر صحفي.....
وتقولي انو السيد الرئيس الله يغتي عليهو..... من البارح دي وحات الله مشتكي من بطنو.... وماها لبابة...ماني عرفاهو ماكل شنو يا حباني؟.....والليل دا كلو يشولت علي الحمام....وحسي دي لا حردان ولا حاجة.... دي دعاية صهيونية. وانا عارفاهو النضم دا من قنقون قناة القشيرة دي.... علا النصيحة لك يا الله بطنو عصرتو.... انتو ما شوفتوهو كان قاعد يتحرقص كيفن في الكرسي؟..... حسع مرق ومشى المستراح. الله يحفضو ويغتي عليهو ويهون لو القواسي ويسهل لو كل امر صعيب.. وبعد ما يجي من المستراح.الله يحفضو..... حيعمل موعتمر صحفي... ويرجع يقعد في بكانو.....
|
|
 
|
|
|
|
|
| العنوان |
الكاتب |
Date |
| السيــدة حـــرم رئيس الجمهـــورية | سجيمان | 05-23-04, 03:17 PM |
| Re: السيــدة حـــرم رئيس الجمهـــورية | ابو جهينة | 05-23-04, 03:44 PM |
| Re: السيــدة حـــرم رئيس الجمهـــورية | omer almahi | 05-23-04, 05:06 PM |
| Re: السيــدة حـــرم رئيس الجمهـــورية | صديق الموج | 05-23-04, 05:14 PM |
| Re: السيــدة حـــرم رئيس الجمهـــورية | سجيمان | 05-23-04, 11:59 PM |
| Re: السيــدة حـــرم رئيس الجمهـــورية | سجيمان | 05-23-04, 10:23 PM |
| Re: السيــدة حـــرم رئيس الجمهـــورية | سجيمان | 05-23-04, 08:45 PM |
| Re: السيــدة حـــرم رئيس الجمهـــورية | مريم بنت الحسين | 05-23-04, 05:37 PM |
| Re: السيــدة حـــرم رئيس الجمهـــورية | سجيمان | 05-24-04, 07:44 AM |
 Re: السيــدة حـــرم رئيس الجمهـــورية | عبدالماجد فرح يوسف | 05-23-04, 06:35 PM |
| Re: السيــدة حـــرم رئيس الجمهـــورية | سجيمان | 05-24-04, 08:50 AM |
| Re: السيــدة حـــرم رئيس الجمهـــورية | abdalla BABIKER | 05-23-04, 08:01 PM |
| Re: السيــدة حـــرم رئيس الجمهـــورية | سجيمان | 05-24-04, 12:54 PM |
 Re: السيــدة حـــرم رئيس الجمهـــورية | ABUHUSSEIN | 05-24-04, 00:21 AM |
| Re: السيــدة حـــرم رئيس الجمهـــورية | سجيمان | 05-24-04, 01:17 PM |
| Re: السيــدة حـــرم رئيس الجمهـــورية | Al-Shaygi | 05-24-04, 09:37 AM |
| Re: السيــدة حـــرم رئيس الجمهـــورية | سجيمان | 05-24-04, 01:30 PM |
| Re: السيــدة حـــرم رئيس الجمهـــورية | حمزاوي | 05-24-04, 10:08 AM |
| Re: السيــدة حـــرم رئيس الجمهـــورية | سجيمان | 05-24-04, 01:39 PM |
| Re: السيــدة حـــرم رئيس الجمهـــورية | كبسيبة | 05-24-04, 12:09 PM |
| Re: السيــدة حـــرم رئيس الجمهـــورية | omer almahi | 05-24-04, 01:22 PM |
| Re: السيــدة حـــرم رئيس الجمهـــورية | سجيمان | 05-24-04, 01:45 PM |
| Re: السيــدة حـــرم رئيس الجمهـــورية | جمال السنوسي | 05-24-04, 03:22 PM |
| Re: السيــدة حـــرم رئيس الجمهـــورية | سجيمان | 05-24-04, 03:43 PM |
|
| |
سجيمان
فيس بوك
تويتر
انستقرام
يوتيوب
بنتيريست