الزول دا حقو يفصلوهو .. والزولة دي أحسن ليها تستقيل براها .. وهناي داك .....!!!

مرحبا Guest
اخر زيارك لك: 03-28-2024, 06:38 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الأول للعام 2005م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-28-2005, 06:22 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الزول دا حقو يفصلوهو .. والزولة دي أحسن ليها تستقيل براها .. وهناي داك .....!!!

    أعزائي

    بحلول هذا اليوم 28\3\2005 أكون قد أكملت شهرين كاملين في هذا المنبر الحر . تشرفت خلالها بالتعرف على بعض من أفضل الكتاب والذين يضاهون في براعة قلمهم أشهر كتابنا وصحفييناالذين تمتلئ بهم مكاتب إعلامنا المحلية والعالمية ..
    وبذات القدر فإنني في هذين الشهرين كان لي بؤس التعرف على بعض من أناس في هذا المنبر لا يعرفون شيئا سوى محاولات الإفتاء في مواضيع هم ليسوا على صلة أو علم بها ولكنهم إنما فقط يحاولون تعلم إسلوب الكتابة والمناقشة ..وحقيقة أنا نفسي لا ألوم أحدا منهم يحاول تنمية قدراته وأسلوبه هنا حتى ولو كان التعلم على حساب المهاترات والإتهامات التي يلقونها على الغير جزافاً وأعتقد أن هذا المنبر الحر سيكون له فضل على غير قليل من صحفيين وكتاب كثر سيكون لهم بإذن الله في المستقبل شأن كبير ..تعلموا هنا ونهلوا من علمه أساليب كثيرة في فن المحاورة والنقاش بل وربما أيضا فن المناورة وال(مزاوغة) عندما يشتد بهم الحصار في إحدى البوستات ..

    أتشرف بأن تعرفت في هذا المنبر على خيرة بوردابيه وكتابه أولهم دون شك صديقي العزيز معتز تروتسكي والذي تداخل معي فكريا في عدد كثير من البوستات وكانت كتابته وأفكاره تجعلني دوما أقف عندها كثيرا وأقرأها أكثر من مرة وهو كاتب ذو طعم ونكهة ويعرف كيف يحاور وكبف يكتب وكيف يجعل لنفسه مخرجا إذا ما حوصر في إحدى الأراء ...

    الصحفية الشاعرة نادية عثمان .. الكلام عنها يطول هنا ولكني أود فقط أن أشكرها على شئ واحد .. إذ أنني إكتشفت وأنا أتداخل معها في بوستها الخاص عن الدوبيت مقدرة متواضعة لي على الدوباي وقد إندهشت أنا حينها على مقدرتي على هذا النوع من النظم !! والغريبة أنني واصلت في أماكن أخرى محاولة الإستمرار في الدوبيت وأعتقد أنني قد نجحت نوعا ما .. لذا فأنا بكل الفخر والتواضع أقول أن الأخت نادية هي من إكتشفت في هذا النوع من النظم فلها التحية..

    عمر الفاروق كاتب ذو نكهة خاصة في التصوير البلاغي والجمل البيانية تحس ببساطة كلماته وعباراته وتوصيفاته ورأيي هذا قد لا يعجب كثيرين ليس لشئ ولكن فقط لأن عمر الفاروق صريح لأبعد الحدود لدرجة الحدة .. أراءه في القضايا الخلافية واضحة لم تختلط بعد بعبارات ساس يسوس النتنة .. وأرتاح جدا عندما أتداخل معه في مختلف البوستات وأحيانا كتاباته ولشدة نكهتها وطعمها تجعلني أضحك كالمجنون وأرتج من راسي حتى أخمص قدمي ..

    الأخت العزيزة جدا لنا مهدي .. عرفتها محاربة ضارية عبر البوستات تمتاز بصلابة في الأراء ومقدرة على التحمل الفكري غير معهود لبني جنسها .. أي بوست يكتب عن حزبها ونتظيمها الذي تنتمي له أتوقع دائما وجود لها داخله ولم يخيب أملي ولا مرة واحدة ..

    الصاوي .. تداوسنا فكريا في إحدى البوستات دون ملل ودون تراجع .. كل منا متمسك بأرائه ولكن كان الإحترام ديدننا إلى أخر لحظة ...

    متولي الشريف صاحب أكبر البوستات غي هذا المنبر من حيث عددية الزوار والردود له مني تحية خاصة إذ أنه وفر لنا نحن خريجي الهند بيتا صغيرا في هذا المنبر نتبادل فيه الذكريات ونجكي ونأرخ عن فترتنا التي قضيناها هنالك له مني ولخريجي الهند عاطر التحايا..

    الدبلوماسي اليمني نزار غانم قد يكون هو الوحيد بيننا في هذا المنبر الذي به نكهة أجنبية مختلطة مع نكهتنا السودانية .. عرفته مثقفا وأديبا وكريما ومضيافا في منزله ومنتداه وإني أتمنى أن تنجح المساع التي تبذل في سبيل إستبقائه في الخرطوم ..

    عبد اللطيف كاتب ذو نكهة خاصة أيضا تناقشنا طويلا في بوستي الخاص بحزب البعث إذ أنه لا يتحدث عبثا ولا يتكلم من فراغ بل الوثائق وتواريخ الأحداث هي ديدنه وسلاحه .. ملما بكثير من أسرار الحركات السياسية ولم يبخل بها علي شخصي عند الحوجة وقد إستفدت منه الكثير ....

    لا أريد أن أطيل في ذكر الأسماء وأعلم أن هنالك الكثير والكثير لم أذكرهم ولهم العتبى حتى يرضو وربما من خلال المداخلات سأذكر الكثيرين غير من ذكرتهم ..

    طبعا لا أريد أن أذكر أسماء النقيض من القائمة أعلاه والذين يمتازون بمقدرة غريبة على الظهور (من فراغ) وإدلاء أراء وقذف إتهامات دون سند أو دليل ثم الإختفاء لفترات طوال دون أن يجد الشخص حتى الفرصة لمناقشته وتبادل الأفكار ..ومثل هؤلاء كثر وأنتم تعرفونهم جيداً ..


    المهم أنني أكملت اليوم شهران في المنبر الحر !!!..
    لا أدري درجة قبولي أو رفضي منكم !!!!..
    لا أعلم بالضبط إذا ماكنت قد أسهمت في الإثراء أم لا!!!! ..
    ولكنني في ذكرى إكمالي هذين الشهرين من تاريخ التسجيل !!! ...
    أعتزر لكل من يعتقد أنني أسأت له أو لفكره أو لإنتماءه !!!..
    اعتزر لكل من أصابه رشاش كلماتي وحروفي وقلمي !!!!..
    أعتزر للجميع دونما إستثناء أو فرز!!!! ..
    وأطلب منهم فقط الصفح والعفو إذا ما إعتقدوا أنني جنيت في حقهم !!!..

    والأن .....
    أنتظر تهانيكم لي بإكمالي الشهرين بينكم ...

    فهل من مرحب ومهني ؟؟!!
    أم هنالك رافضون حتى لإستمراري ؟؟!!


    أبو النيز

                  

03-28-2005, 06:24 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    Quote:
    تاريخ التسجيل: 28-01-2005
    مجموع المشاركات: 353
                  

03-28-2005, 07:06 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    ناذر محمد خليفة :
    طبعاً كنت داير أكتب ليك زي كل مرة ناذر يا حبيب لكن عااااارف أسة يجو الجماعة يقولوا قام للتطبيل عشان شكروهو ..عشان كده يامان قلنا نكتب ليك بدون ألقاب ...
    تعرف يا مان شهور العدة للأحتفائية في البورد ده هي 4 شهور (وعشرة يوم) لكن عشان إنت طالب سمحنا ليك بي نص القيمة (شهرين) بس يا ريت يكون معاك بطاقة ترحيل ...

    تعرف يا مان :
    والله لو ما قلت لي إنو ليك شهرين كان أي واحد حايفتكر إنك قديييييم في البورد ده من خلال ما تطرح من أفكار ومواضيع بل وحتي المداخلات ..

    Quote: أتشرف بأن تعرفت في هذا المنبر على خيرة بوردابيه وكتابه

    تعرف يامان ما حا أقول ليك الرد المستهلك بتاع " ونحن زدنا شرف بي معرفتك " لكن بقول ليك انا كمان أتشرف معاك بمن تعرفت عليهم في هذا المنبر وبي النسبة ليك إنت يا حبيب في موضوع الشرف ده انا بهدي ليك شرف والأسد ...

    Quote: عمر الفاروق كاتب ذو نكهة خاصة في التصوير البلاغي والجمل البيانية تحس ببساطة كلماته وعباراته وتوصيفاته ورأيي هذا قد لا يعجب كثيرين

    ياأخوي كلامك ده انا ما عجبني خليك من الكثيرين
    تسلم يا ناذر وياريت نكون عند حسن ظنك بينا ووالله ختيتني في حتة ضيييييقة شديد وتاني انا أي مداخلة حا أكتبها معناها لازم أمشي أجيب كتاب " علي الجارم" في البلاغة ..


    Quote: وأحيانا كتاباته ولشدة نكهتها وطعمها تجعلني أضحك كالمجنون وأرتج من راسي حتى أخمص قدمي ..

    اما انا فصوف راسي وأخمص كرعيني بيرتجو من حاجة تانية هاك ليها :
    وقت شفتك شعرت الرعشة من (صوف راسي ) لي (كرعي)..
    من الساعة ديك يا ناذر ولع فيني جمر الحي ..
    كتمت الريدة ما شافوها ناس الحي ..
    كتابتك في البورد معدومة وشبيهك ما كحل عيني ..
    أقدل وسكت الخشامة وأنزل في (العوازل ) كي ...


    Quote: المهم أنني أكملت اليوم شهران في المنبر الحر !!!..
    لا أدري درجة قبولي أو رفضي منكم !!!!..


    يازول مقبول وبي إمتياز كمان وخشيت كلية الطب عديييييييييييييييل ..

    Quote: أنتظر تهانيكم لي بإكمالي الشهرين بينكم ...

    نهنئ نفسنا بوجودك معنا خلال الشهرين ديل ...

    تخريمة :
    Quote: طبعا لا أريد أن أذكر أسماء النقيض من القائمة أعلاه والذين يمتازون بمقدرة غريبة على الظهور (من فراغ) وإدلاء أراء وقذف إتهامات دون سند أو دليل ثم الإختفاء لفترات طوال دون أن يجد الشخص حتى الفرصة لمناقشته وتبادل الأفكار


    انا غايتو بعرف لي واحد بي المواصفات دي وأظنك إنت ذااااااااااااتك ممكن تعرفو ..
    عموماً انا كان قلت إسمو الهوا بقسمو....
    وكان قلت حرفو الناس بتعرفو .....
                  

03-28-2005, 08:07 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: عمر الفاروق شيخ الدين)

    عزيزي الغالي عمر

    Quote: اما انا فصوف راسي وأخمص كرعيني بيرتجو من حاجة تانية هاك ليها :
    وقت شفتك شعرت الرعشة من (صوف راسي ) لي (كرعي)..
    من الساعة ديك يا ناذر ولع فيني جمر الحي ..
    كتمت الريدة ما شافوها ناس الحي ..
    كتابتك في البورد معدومة وشبيهك ما كحل عيني ..
    أقدل وسكت الخشامة وأنزل في (العوازل ) كي ...


    والله ما عارف أقول ليك شنو غايتو في دي بالغت عديل ودخلتني جوة ضفري لدرجة إني ما عارف أشكرك ولا أنبذك ..
    الخشامة ديل انا ما قابلتهم لكن العوازل ديلك حا أكويهم وأتشهم لمن يقولوا الروب ..
    وهسي ردك دا والله تاني خلاني أضطحك زي المجنون
    تعرف يا مان أنا بيقولوا علي قلبي حار لكن بسبب بلاويك البتكتبا دي والله خايفو يموت وبالتالي إنت أول من يتحمل المسئولية ..
    Quote: تسلم يا ناذر وياريت نكون عند حسن ظنك بينا ووالله ختيتني في حتة ضيييييقة شديد وتاني انا أي مداخلة حا أكتبها معناها لازم أمشي أجيب كتاب " علي الجارم" في البلاغة ..


    بلاغة شنو وعلي الجارم شنو ؟؟!!
    الكلام دا قولوا لي زول ما إندو هديدة (للمرة التانية) .. البلاغة دي أنا عارفك جايبا من وين ومن ياتو بوست دا علي أنا ؟؟!!
    بالمناسبة قلت لي الفورة كم ؟؟! ووصلنا وين هسي ؟؟!!
    Quote: انا غايتو بعرف لي واحد بي المواصفات دي وأظنك إنت ذااااااااااااتك ممكن تعرفو ..
    عموماً انا كان قلت إسمو الهوا بقسمو....
    وكان قلت حرفو الناس بتعرفو .....


    أنا برضو بعرفو لكن جيب أضانك هاك التخريمة دي :
    (يامان إنتا كترتها شوية والله انا خايف عليك جد جد .. هدي اللعب شوية وخليك حريف) ..

    تسلم يا مان وإنشالله يكون رايك دا راي الناس كلها ..
    Quote: طبعاً كنت داير أكتب ليك زي كل مرة ناذر يا حبيب لكن عااااارف أسة يجو الجماعة يقولوا قام للتطبيل عشان شكروهو ..عشان كده يامان قلنا نكتب ليك بدون ألقاب ...

    حاشاك من الطبي ل والله .. عهدتك صارما وبتقول للأعور أعور في عينو ..
    وأوعى كلام الناس ديك يأثر في معنوياتك وانا عارفك زول حريف ..

    أشوفك بعافية
                  

03-28-2005, 08:52 AM

lana mahdi
<alana mahdi
تاريخ التسجيل: 05-07-2003
مجموع المشاركات: 16049

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)



    Quote: الأخت العزيزة جدا لنا مهدي .. عرفتها محاربة ضارية عبر البوستات تمتاز بصلابة في الأراء ومقدرة على التحمل الفكري غير معهود لبني جنسها .. أي بوست يكتب عن حزبها ونتظيمها الذي تنتمي له أتوقع دائما وجود لها داخله ولم يخيب أملي ولا مرة واحدة ..

    الحبيب ناذر
    يشرفني توطيد معرفتي بك عبر هذا المنبر فقد عرفتك منذ 1997 إبان إجازتنا الأسرية في الهند
    والحقيقة اننى كسبت أخا حبيبا تختلف او تتفق معه و لكن لا تملك إلا احترامه
    لك شكري الجزيل على كلماتك التي تزيد كثيرا عن حقي
    فمن واجب الانسان الدفاع عن قناعاته بضراوة طالما مؤمن بأنه على حق

    محبتى ووافر احترامي
                  

03-28-2005, 09:01 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 06-28-2007
مجموع المشاركات: 19580

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: lana mahdi)

    الحبيب ناذر
    يا زول يطيب أيامك إنشاء الله في البورد و إنت برضك إضافة حقيقية.
    بس سؤال:
    97 أنا في بونا ما قابلتك ليه؟
                  

03-29-2005, 07:19 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: علاء الدين يوسف علي محمد)

    الحبيب علاء الدين

    شكرا للمجاملة ..
    أنا حقيقة من بنقلور و علاقتي ببونا ضعيفة ورغم ذلك كنت في العام المذكور 97 في مدينة بونا ونزلت في باشان مع ناس نجيب محفوظ وطارق التيبر ..
    ولكنها كانت إجازة قصيرة ..

    شكرا للمداخلة

    تخريمة (شاديها من عمر)

    الكورة هسي كم كم !!!!
                  

03-29-2005, 07:16 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: lana mahdi)

    الغالية لنا

    تحياتي لك ولأسرتك
    وحقيقة صدى زيارتك لنا في بنقلور الهند لا زالت عالقة في الأذهان ..
    ولكني تعرفت بك أكثر من خلال كتاباتك وصراعاتك في هذا المنبر وذلك ما جعلني
    أكتب ما كتبته عنك ...

    مزيدا من الأراء والمعارك من أجل القناعات ..
    وإختلاف الأراء لا يفسد للود قضية ..

    تحياتي
                  

03-28-2005, 08:59 AM

معتز تروتسكى
<aمعتز تروتسكى
تاريخ التسجيل: 01-14-2004
مجموع المشاركات: 9839

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    خالص التحايا..

    الرفيق أبو النيز

    دلوقت اقول ليك شنو ..
    اكتب ليك زى ماكتب عمر ولا افكر فيهو واتامل كلامك ده ولا شنو من الخيارات..


    كل الداير اقولو اساسا ماكان فى داعى للبوست ده نهائى اولا الناس الفارغه هنا وطالعه فى الكفر بالكوم والناس الجميله وبنستفيد منها برضو بالكوم يعنى حتبقى حتت خيارات وفقوس..


    *انت مامحتاج ترحيب ترحيبك للناس البعرفوك ويعزوك ..تعرف ذكرتنى اول ما جيت ..
    جيت داخل كانو لى 100 سنه فى المنبر ده بعد مادرستو من بره وقدرت اعرف طريقة الكيمان والتطبيل لليسوى والمايسوى جيت نزلت وكتبه بوستى فى الموضوع طوالى لا كتبه انا عضو جديد لا خاشى لا داخل ....

    شفت كيف..
    عشان كده قلت ليك دعهم فى سكرتهم يعمهون..

    *شكرا ليك ياصديق على الكلام الكتبتو واتمنى الواحد يبقى قدرو (ياسنير) وعلى الناس الذكرتها برضو تستاهل كل جميل (لنا وشريف وو الخ)..

    طبعا منتظر بتين تطل عشان موضع الاستشاره ونعيد الايام جمعيةالعلوم ومشاكل الاتحاد ومكتبه عبد الماجد..

    ياصديقى باعتبار انى اقدم منك يعنى سنيرك هنا بحاول اديك بعض الارشادات بس لمن نتلاقى من الجرى الكتير ده.. وصلح جهاز البانتيومzero ده

    بعدين خفف علينا شويه مانسحرك بتعمل لينا ارهاق ذهنى خلى طاقتناالفكريه البتفضل دى الزول يشارك بيها فى مواضيعك التانيه ..
    قايتو بكتب ليك بى لغة بسيطه زى الونسه ..


    قايتو كتبت ليك باخر نفس اصلو الواحد منو يجى ينوم يخش يتاوق ..

    اديك شمار وارويك عرضحالى لمن نشوفك بى هناك ..
    كنت بحضر لى فى فلم مخيف وقتل اليوم ماقريت اى شى قضيتو كلو فى المشرحه واكلت هناك (عادى بقى يافرده) وجيت تميت الباقى بى فلم ..

    بخصوص المشاهد الدمويه اليوميه دى خطرت لى فكره
    الواحد لو ما لقى شغله بعدين عندى فكرة افتح جزاره..

    ويبقى المعلم عضمه..
    ملحمة وجزارة تروتسكى لصاحبها المعلم عضمه..

    اها الفلم انتهى شغلت لى فلم كرتون عشان الواحد يعمل (ريلاكس)و (refresh) ويدقش شويه فى النت ويمشى ينخمد..

    الرفاق كيف وناس المزيكا ..

    سلامى كتير ليهم لمن نتلاقى
    يارفيق ..
    طبعا رفيق دى جاية عليك كيف..



    *بعدين مداخل لى ابوعمير ده
    بهناك شفت ردك لمن انا كتبت..
    دعهم فى سكرتهم يعمهون
    هى يافرده انا كان فضيت بحتت ليك رويشاتك ديل..

    (عدل بواسطة معتز تروتسكى on 03-28-2005, 11:44 AM)

                  

03-28-2005, 09:25 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: معتز تروتسكى)

    يا (تور)تسكي :
    تور بقر الجواميس الرقادن شخخخخخخخ لخخخخخخخخخخخ جخخخخخخخخخخ
    Quote: بعدين مداخل لى ابوعمير ده
    بهناك شفت ردك لمن انا كتبت..
    دعهم فى سكرتهم يعمهون
    هى يافرده انا كان فضيت بحتت ليك رويشاتك ديل..

    إنت يا مان موضوع (سكراتهم) ده حقو تنساهو خصوصاً وإنت زول بتحب الشاي شديييييد
    بعدين يا فردة نحن ما عندنا ريش نحن ناس عضمنا مر ونحن الشافو خلو ونحن ونحن الشرف البازخ ..
    تخريمة :
    بي مناسبة (الريش) دي نحن مش إتقابلنا في براك أفينيو ؟؟؟
                  

03-28-2005, 09:57 AM

معتز تروتسكى
<aمعتز تروتسكى
تاريخ التسجيل: 01-14-2004
مجموع المشاركات: 9839

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: عمر الفاروق شيخ الدين)

    ابو عمير...

    شكيتك على الله..

    ده شنو ده..
    يابتاع نيافادا بارك انت

    Quote: يا (تور)تسكي :
    تور بقر الجواميس الرقادن شخخخخخخخ لخخخخخخخخخخخ جخخخخخخخخخخ


    انا لو من سعاتو اقدم فيك شكوى..
    صراحه مارضيتها ليهو تقطع فى الزول وهو مافى ..


    وكمان..
    Quote: إنت يا مان موضوع (سكراتهم) ده حقو تنساهو خصوصاً وإنت زول بتحب الشاي شديييييد


    بعدين انت مالك انا العباره عاجبانة ووداير اجربها..
    وكان على الشاى ما اكتر منك يابتاع اليانسون انت..


    Quote: بعدين يا فردة نحن ما عندنا ريش نحن ناس عضمنا مر ونحن الشافو خلو ونحن ونحن الشرف البازخ ..
    تخريمة :
    بي مناسبة (الريش) دي نحن مش إتقابلنا في براك أفينيو ؟؟؟



    عضم شنو ولحمة شنو نحن الجزاره لسه ما فتحناها..

    وكان بقت على العضام انت فضل فيك شى من الحوامه من بارك لى بارك...


    وماشين فى السكه نمد...
    عشان لمن لقى فرقه تانى نجى نغشاكم..

    فى شمبات حليل مجلسنا..
    الحياء والعفاف حارسنا..
    استاذ الغرام درسنا..
    لى شجر المحنه غرسنا..
    ياعينى ياعينى سفرك طال متين الجيه..(هاك الحدائق دى)..
    نفس اسلوبك مش؟؟!!
                  

04-03-2005, 07:52 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: معتز تروتسكى)

    ...
                  

03-29-2005, 07:30 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: معتز تروتسكى)

    العزيز تروتسكي

    طبعا منتظر بتين تطل عشان موضع الاستشاره ونعيد الايام جمعيةالعلوم ومشاكل الاتحاد ومكتبه عبد الماجد..

    ياصديقى باعتبار انى اقدم منك يعنى سنيرك هنا بحاول اديك بعض الارشادات بس لمن نتلاقى من الجرى الكتير ده.. وصلح جهاز البانتيومzero ده


    ما حاتصدق لو قلت ليك الماسنجر دا أباني عديل ؟؟؟!!
    صدق جهاز البيت خليتو مشيت قعدت في جهاز بره برضو أبا ما يفتح ..!!!
    ما الماسينجر براهو المشكلة الهوت ميل زاتو أباني ...

    والله ياسنير يا رفيق قول أي إرشادات أنا بقبلها منك ... لإنو طبعا أخوك لسة برلوم في المنبر دا وفي ناس كتيرين أنا ما بعرف عنهم أي حاجة وأكيد إنتا شاربهم ...

    طبعا منتظر بتين تطل عشان موضع الاستشاره ونعيد الايام جمعيةالعلوم ومشاكل الاتحاد ومكتبه عبد الماجد..

    من هذا المنبر أنعي إليك مكتبة عبد الماجد التاريخية التي أزيلت بقرار ظالم (بالمناسبة ما المكتبة براها نادي الأسرة زاتو الظاهر لاحقا قريب)

    اديك شمار وارويك عرضحالى لمن نشوفك بى هناك ..
    كنت بحضر لى فى فلم مخيف وقتل اليوم ماقريت اى شى قضيتو كلو فى المشرحه واكلت هناك (عادى بقى يافرده) وجيت تميت الباقى بى فلم ..

    بخصوص المشاهد الدمويه اليوميه دى خطرت لى فكره
    الواحد لو ما لقى شغله بعدين عندى فكرة افتح جزاره..

    ويبقى المعلم عضمه..
    ملحمة وجزارة تروتسكى لصاحبها المعلم عضمه..

    اها الفلم انتهى شغلت لى فلم كرتون عشان الواحد يعمل (ريلاكس)و (refresh) ويدقش شويه فى النت ويمشى ينخمد..


    والله برنامج ناعم عشان كدة أنا أحسن ما أبوظوا ليك وأشرح ليك يومي كان كيف .. الليلة بالذات كلو نكد في نكد وغايتو نسأل الله السلامة ..

    والله المزيكا تمام التمام إصلها الوحيدة البقت تعيننا في البلد دي ..

    تسلم يا زميل وفتك بعافية
                  

03-28-2005, 10:25 AM

نصار
<aنصار
تاريخ التسجيل: 09-17-2002
مجموع المشاركات: 11660

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    العزيز ناذر

    مشاركاتك ترحب بك
    و كذا مواقفك
    اما في شأن (الشأن) فقد سكبت احبار كثيرة
    و الحال الان افضل من مراحل كثيرة مضت


    و كل شمعة توقد تشغل مكانا كان مظلما
                  

03-29-2005, 07:33 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: نصار)

    العزيز نصار

    Quote: العزيز ناذر

    مشاركاتك ترحب بك
    و كذا مواقفك
    اما في شأن (الشأن) فقد سكبت احبار كثيرة
    و الحال الان افضل من مراحل كثيرة مضت


    و كل شمعة توقد تشغل مكانا كان مظلما


    تسلم كثيرا على الإطراء وأنا حقيقة أعتز بك وبوجودك معي في هذا المنبر وإسهاماتك ومداخلاتك معي في البوستات تكشف لي عن عظمة القلم والفكر الذي أتعامل معه ..

    تخياتي
                  

03-29-2005, 08:03 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    يا تروتسكي
    إنت فعلا قاعد في الصين ولا دا حنك بتاع بروفايلات ساكت ؟؟؟؟؟؟؟!!!!!!!!!!!!!!!!!!
                  

03-29-2005, 08:16 AM

عبداللطيف خليل محمد على
<aعبداللطيف خليل محمد على
تاريخ التسجيل: 09-01-2004
مجموع المشاركات: 3552

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    ناذر :

    أنت الآخر ذو قلم رائع ؛ سموك في هذا المنبر تأتى بطرحك الموضوعي و بعدك عن الإسفاف و التهاتر ...
    و السب الذى امتد هنا حينا من الزمن .

    مراحب ؛ و عقبال ان تكون أيام شهريك هذين سنينا مديدة فى عمرك و فى وجودك هنا ..

    تحياتي ..
                  

03-29-2005, 08:18 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    ناذر (هنا لا تجوز كلمة حبيب ) أو تجوز مع الكراهة

    في زول قال ليك شكرني ؟؟؟ تاني طوااااااااااالي بجيك ناطي شيل شيلتك ..

    Quote: تخريمة (شاديها من عمر)

    يازول حقوق الطبع محفوظة وانا حا أمشي لي ناس التيجاني حاج موسي وأقول ليهم الحقووووووووووووني يا لجنة المصنفات عايز تعويض 100 مليون لأانو ناذر سرق غنيتي بدون علمي ...

    تخريمة :

    Quote: يا تروتسكي
    إنت فعلا قاعد في الصين ولا دا حنك بتاع بروفايلات ساكت ؟؟؟؟؟؟؟!!!!!!!!!!!!!!!!!!

    إنت ما سمعت بي المقولة السودانية الشهيييييييييييرة :
    " الصين فيها حصين "
    أها تاني السؤال شنو ليك ؟؟؟؟ما واااااااااضحة إنو معتز تااااااااااكل بي هناك

    سلاماتك يا عمك ...
                  

04-02-2005, 06:30 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: عمر الفاروق شيخ الدين)

    فوق
                  

03-29-2005, 08:37 AM

معتز تروتسكى
<aمعتز تروتسكى
تاريخ التسجيل: 01-14-2004
مجموع المشاركات: 9839

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    يارفيق..
    ده كلام شنو وبيت الكلام ده حصل ..
    يعنى الزول يرجع مايلقى شى يتذكر بيهو

    Quote: من هذا المنبر أنعي إليك مكتبة عبد الماجد التاريخية التي أزيلت بقرار ظالم (بالمناسبة ما المكتبة براها نادي الأسرة زاتو الظاهر لاحقا قريب)



    ياااااااااااااااااه..
    كدى ده بجيهو بعدين..بس التفاصيل شنو ونادى الاسره كمان تانى نلعب وين


    طبعا ازف ليك الخبر انا راجع قبل نهاية السنه الشهر بخليهو ليك مفاجاءه لمن تلقانى قدامك..


    بعدين سؤالك ده مامحرج ..
    ماكان تمشى الماسنجر ولا تجى الايميل ..
    اسى يقولوا علينا شنو صاحبو ما عارفو وين..
    وانت زاتك الوداك تعاين شنو؟؟


    انت فضيت لى عشان القاك
    الايام الاخيره كنت مع ناس محمد سلطان ووليد ود السجانه طبعا رحلو الكلاكله..
    الايام ديك قاعد عاطل بعمل فى اجرائتى بالكرب كنت معشعش معاهم فى جامعة السودان ..
    بس بينى وبيتك انا ماكلمته ذاتو ناس كتار ..(تامين يازميل)
    وفى ناس قايلنى فى الهند اسى..
    ووحدين فى استراليا..

    قايتو اسى فى داعى لى ده.. ولا دى عملية مفبركه مع الاسمو ابوعمير ده..
    فضايح الله يفضحك..
    كمية صحاب اوغاد..
    لوووووووووول

    ابو عمير بجيك اصبر..
    ماتشفق حقك بجيك..

    لى عندك يابتاع الحدايق انت...

    (عدل بواسطة معتز تروتسكى on 03-29-2005, 08:44 AM)

                  

03-29-2005, 08:46 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: معتز تروتسكى)

    يا مان خلاص ما مشكلة

    مالك عاوز تبقى لينا زي نقد اللحدي هسي ما عارفنو قاعد وين

    هسي أقوم أزعل أرفع البوست داك تاني وتكون إنت السبب في المهازل الحاتحصل فيهو ..

    لكن صحبك عمر حسم النقاش (لكن سيرة الحصين دي أنا ما عندي بيها علاقة)

    بالف وأجيك أديك تفاصيل إزالة المكتبة وأجزاء من النادي ..
                  

03-29-2005, 10:00 AM

عثمان فضل الله
<aعثمان فضل الله
تاريخ التسجيل: 03-22-2005
مجموع المشاركات: 529

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    العزيز ابوالنذر والله تابعت عدد من بوستاتك وحقا هى اضافه وان كنت لا اتذكر ان تداخلت فى احدها ام لا غير انى متاكد من جمالها معنى ومبنى ولك الشكر
                  

03-30-2005, 06:15 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    الأخوان عبد اللطيف وعثمان فضل الله ...
    شكرا لكلماتكم التي قلتموها في حقي وأنمنى أن أكون عند حسن ظنكم ..

    الرفيق تروتسكي ..

    ما ناسيك جاييك يا مان ..
    وبالله قبل ما تخت كراعك في مطار الخرطوم نديني خبر عشان أكون في إنتظارك ..


    i will be back
                  

03-31-2005, 06:38 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    فوق
                  

05-14-2005, 09:32 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    عمر الفاروق ..

    ذكرت في حديثي عنك في هذا البوست ...

    Quote: عمر الفاروق كاتب ذو نكهة خاصة في التصوير البلاغي والجمل البيانية تحس ببساطة كلماته وعباراته وتوصيفاته ورأيي هذا قد لا يعجب كثيرين ليس لشئ ولكن فقط لأن عمر الفاروق صريح لأبعد الحدود لدرجة الحدة .. أراءه في القضايا الخلافية واضحة لم تختلط بعد بعبارات ساس يسوس النتنة .. وأرتاح جدا عندما أتداخل معه في مختلف البوستات وأحيانا كتاباته ولشدة نكهتها وطعمها تجعلني أضحك كالمجنون وأرتج من راسي حتى أخمص قدمي ..


    وأعتقد أن هذا هو رأي الجميع عنك هنا .....
    كم ليحزنني أنك بعيد عنا الأن ..
    تقرأ ما نكتبه دون أن تتمكن من الرد على الأخرين في غيابك ..
    ثق أنن يجد حزين ليس لشئ إلا لأننا في هذا المنبر غير قادرين على إتخاذ
    موقف موحد ضد سياسة الفصل التي تحدث هنا ...
    جميعنا ندعي الديمقراطية ونحلم بأن تسود في وطننا السودان ...
    ولكننا هنا غير قادرين على الوقوف في وجه أبشع دكتاتورية هنا ..
    والأسواء أن بعضنا يدعمها بالمبررات رغم إدعاءات الديمقراطية !!!
    صدقني كلنا في هذا المنبر فشلنا في حماية من تم فصلهم ولكن عزاءنا أننا..
    سنفشل أيضا في حماية أنفسنا من ذات المصير .....
                  

05-14-2005, 09:42 AM

معتز تروتسكى
<aمعتز تروتسكى
تاريخ التسجيل: 01-14-2004
مجموع المشاركات: 9839

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    ناذر
    ازيك ياعزيزى

    لاشى يُقال
    غير
    Quote: عمر الفاروق ..

    لقد تم اكتشاف مكان الرفيق عمر..
                  

05-14-2005, 09:50 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: معتز تروتسكى)

    معتز تروتسكي

    Quote: لقد تم اكتشاف مكان الرفيق عمر..


    مكان الرف.. هي قصدي عمر الفاروق معروف للجميع
    انتا يا مان زمان شبكتني الزميل والرفيق لمن جبت لي الهواء
    عمر دا هنا معروف زول ضلامي ومولع شوية كدي لكن ألقابه معروفة والرفيق دي
    مامنهن
    أما إذا كان قصدك محلو البرة القلوب ورينا ليهو
                  

05-15-2005, 11:51 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    الأخ ناذر.. لم يحدث نقاش بيني وبينك وقد رأيتك قد حمّلتني تبعات نقاشك مع د.ياسر الشريف.. استغل هذا البوست لأمد يدي وأسلّم عليك وأرحّب بك .. فلم أكن قد فعلت هذا من قبل..

    بنت الحسين
                  

05-15-2005, 01:37 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: مريم بنت الحسين)

    الأخت مريم

    Quote: الأخ ناذر.. لم يحدث نقاش بيني وبينك وقد رأيتك قد حمّلتني تبعات نقاشك مع د.ياسر الشريف.. استغل هذا البوست لأمد يدي وأسلّم عليك وأرحّب بك .. فلم أكن قد فعلت هذا من قبل..


    وأنا قبل ان أميد يدي إليك بيضاء ...
    أعتزر لك إذا ماكنت قد إحتديت معك في إحدى المداخلات ....
    وإذا ماكنت قد أذيتك وحملتك تبعات نقاشي مع ياسر الشريف ..
    وكما قال معتز تروتسكي ...
    (ليس كلهم اكلي لحوم بشر) ...
    وأتمنى ان نتداخل مجددا من أجل الحقيقة ..
    وبعيدا عن الإنتماء ..
                  

05-15-2005, 02:34 PM

الرفاعي عبدالعاطي حجر
<aالرفاعي عبدالعاطي حجر
تاريخ التسجيل: 04-27-2005
مجموع المشاركات: 14684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    أخوي ناذر ما لك كده زي البتودع فينا!!!أجمد شوية وخليك ذيب !!!فأن لم تك ذئبآأكلتك الذئاب وووووووأخوي لك بعض النصائح من أخوك الكبير وتأكد اذا عملت بيها فلن تفصل الا يحينن أجلك :ـ
    1/خليك كما أنت في هذا البوست لا تغير صورتك دي لا تبدلهابراك شفت عمر ركب صورتوالخايف عليها فطيروه طييرت عدوك((توشح بالسواد)) وشايف بكري رغم كلام محمدين ود اسحق الا إنه مطنش طناش ام العروس ((ودي بحكيها ليكم بكرة))يكون بكري حاسي بالحاسة السادسة انو محمدين ده ما من قلبوا كلامو ده والله في تنسيق مواقف ومؤامرة نحن ما جايبيين خبرها... الله تعالى أعلم.
    2/ إياك ثم إياك وأوعاك أن تخفف دمك وتكون مفرفش دي نقطة لابد وأنت بتكتب تتذكر إنو الرقيب ماسك بستلة البوهية السوداء وقاعد هسع أنا شايفو إنت شايف والله أنت مركب لي نضاراتك دي زي سواق الترلات في السودان كدة ماأظنك شايف... فتح زي الريال ابو عشرة .
    3/ هناك قضايا لو حنسوووك ودفعو ليك ما تقربها ابدآ ... ولو بحسن نية! عرفتها لو ما عرفتها حاول خمن جوالي كم وإتصل وستصل الي حتفك المؤكد لأنك عرفتها.
    4/ البنات ديل في البورد ده أختاهن تب خير شر ماليك دعوة بيهن شايف وحدة دعوتها جاهزة وموجهة تلفحك بيها بكرة اذا معرس ح تطلق واذا ما معرس ح تعرس ويوروك جنهن.وحدة لو وقعت في يدها قال الله بي قولك ( تعني شنو العبارة دي) تهراك عن العلاقات الجدلية والنقاشات الفشخرية والفلسفة البيزنطية... ووحدة تب بس لكن ما عارف انو اقول والله ...اللهم قرب البعيييييد ...وأبعد أخوي ناذر من الفصل وقالو التحاذرو تلقى والنية زاملة سيدها وعين الفتا فيها الواطه ويحرسك ويحفظك ويصونك ..... لسانك ...بس من بوهية بكري السوداء...
    وعارفك قبل ما أمشي داير تقول لي انت تعلمت وعرفت ده كلو من وين؟ وانت اجدد مني يعني برلوم .... الاجابة في كراسة المطالعة الابتدائية زمان من علمك هذه القسمة؟؟؟؟؟؟؟؟؟؟؟
    ياديك (والله جداده كانت الفترة طولت) عمومآ راس عمر الفاروووق شايفو والله نضارتك برضو يا عاذر اخو ناذر والشاطر يقعد أطول مدة ....؟؟؟؟!!!!
    5/
                  

05-16-2005, 08:00 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: الرفاعي عبدالعاطي حجر)

    الرفاعي ...
    والله محنتني الله يجازيك وحتى طريقة كتابتك زكرتني بي عمر الفاروق
    Quote: أخوي ناذر ما لك كده زي البتودع فينا!!!أجمد شوية وخليك ذيب !!!فأن لم تك ذئبآأكلتك الذئاب


    لا والله قاعد يا الرفاعي لكن بس الدنيا ما معروفة مع الفرشة السوداء القلتها دي .. بعدين أنا حاولت أبقى ذئب لكن لقيت الذئاب بقوا أسود
    أها دحين اقعد أساكك فيهن لا متين من شكل لي شكل
    Quote: وووووووأخوي لك بعض النصائح من أخوك الكبير وتأكد اذا عملت بيها فلن تفصل الا يحينن أجلك :ـ


    أها نصايحك دي أنا حا اقراهاوبعد داك حا أمشي طوالي أضيف إسمك في اللستة بتاعت ترشيحات الفصل بتاعتي ديك لإنك كترت شوية في النصايح لامن نسيت نفسك
    Quote: / إياك ثم إياك وأوعاك أن تخفف دمك وتكون مفرفش دي نقطة لابد وأنت بتكتب تتذكر إنو الرقيب ماسك بستلة البوهية السوداء وقاعد هسع أنا شايفو إنت شايف والله أنت مركب لي نضاراتك دي زي سواق الترلات في السودان كدة ماأظنك شايف... فتح زي الريال ابو عشرة .

    كلامك صاح ما في شي جاب خبر عمر الفاروق وحايجيب خبري غير خفة الدم دي
    وتاني من الليلة (قطع ناشف) ..
    بعدين نضاراتي دي أنا شايف بيها كويس ما تخاف علي .. خاف علي سواقين الترلات
    Quote: هناك قضايا لو حنسوووك ودفعو ليك ما تقربها ابدآ ... ولو بحسن نية! عرفتها لو ما عرفتها حاول خمن جوالي كم وإتصل وستصل الي حتفك المؤكد لأنك عرفتها.

    ما عرفتها والله والحمد لله إنتا ما قلتها عشان ما تلحق أمات طه .. إنت بس وريني رقم الجوال وأنا حا أتصل بيك عشان توريني ليها بي رواقة
    Quote: البنات ديل في البورد ده أختاهن تب خير شر ماليك دعوة بيهن شايف وحدة دعوتها جاهزة وموجهة تلفحك بيها بكرة اذا معرس ح تطلق واذا ما معرس ح تعرس ويوروك جنهن.وحدة لو وقعت في يدها قال الله بي قولك ( تعني شنو العبارة دي) تهراك عن العلاقات الجدلية والنقاشات الفشخرية والفلسفة البيزنطية... ووحدة تب بس لكن ما عارف انو اقول والله ...

    تعرف يا الرفاعي والله البورد دا فيهو بنات زي الدهب قدر ما تختهن في الجرح يبروهو ليك وانا برتاح لمن أتحاور معاهن والمشكلة إنهن قليلات جدا في البورد دا ..
    أها يا المك الأكترية هنا بس نسأل الله السلامة الواحدة تجي ناطا ليك من وين ما تعرف وتشبكك وهمان زي الإنتا قلتها ديك وزي ديل الحمد لله أنا ما بجيبن جمب الجرح أصلو لإنو إذا دا حصل إلا الواحد يستأصل العضو مرة واحدة بدل ما يبرا ويشفى
    Quote: وعارفك قبل ما أمشي داير تقول لي انت تعلمت وعرفت ده كلو من وين؟ وانت اجدد مني يعني برلوم .... الاجابة في كراسة المطالعة الابتدائية زمان من علمك هذه القسمة؟؟؟؟؟؟؟؟؟؟؟

    وأنا مشكلتي لسة ما نسيت قصة الدجاجة الصغيرة الحمراء وشغال على هداها
    بعدين الشغلة هنا طلعت ما بي الجديد والقديم ..
    طلعت بي قانون (الحشاش يملا شبكتو) و (العفش داخل البص على مسئولية صاحبه) ..
    Quote: والشاطر يقعد أطول مدة ....؟؟؟؟!!!!

    أها إنتا نصايحك دي ما تقولا لي زول تاني غيري عشان تقعد أطول مدة
    Quote: 5/

    تسلم يا عزيز لكن خفت من النصيحة الخامسة مالك ؟؟!
    ولا أأأأأأأأأأأأأا


                  

05-16-2005, 06:24 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    Quote: وأنا قبل ان أميد يدي إليك بيضاء ...
    أعتزر لك إذا ماكنت قد إحتديت معك في إحدى المداخلات ....
    وإذا ماكنت قد أذيتك وحملتك تبعات نقاشي مع ياسر الشريف ..
    وكما قال معتز تروتسكي ...
    (ليس كلهم اكلي لحوم بشر) ...
    وأتمنى ان نتداخل مجددا من أجل الحقيقة ..
    وبعيدا عن الإنتماء ..


    الأخ ناذر لا داعي للاعتذار فأنا كنت أعلم انه في يوم ما سيظهر الحق.. احترم الدكتور ياسر الشريف جداً.. واحترمك أيضاً... لا اعتذار بين الاخوة.. ولا أعتقد أن وصف "اكلي لحوم البشر" كانت موفقه من معتز.. متأكده سيجيء اليوم الذي يظهر فيه هذا أيضاً...

    ونحو حوار واعي ورزين بعدين عن الشخصنة .. وقائم على الاحترام المتبادل

    شكرا لك..
    بنت الحسين
                  

05-16-2005, 08:04 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: مريم بنت الحسين)

    Quote: ونحو حوار واعي ورزين بعدين عن الشخصنة .. وقائم على الاحترام المتبادل


    شكرا يا مريم وأتمنى ان أكون عند حسن ظنك ..
                  

05-16-2005, 09:10 AM

الرفاعي عبدالعاطي حجر
<aالرفاعي عبدالعاطي حجر
تاريخ التسجيل: 04-27-2005
مجموع المشاركات: 14684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    أخي ناذر
    لك التحية
    وتأكد عوداتي عليك كتار بس الا الحساد يدخلو خياشيمهم, والخامسة دي لو قدرت تتصل بي عمر خلي يديك جوالي ما بقصر معاك ,رغم انو هو وصاني امبارح عمر عليك وشايف اصلو ماقصرت معاك تحياتي لي بت الحسين ,,, وقوليها ذات النصائح اصلو هنا لا بنفع توجه حضاري ولا خضاري كلو تحت رحمة البستلة والفرشة السوداء والله لا يسود اسم عزيز عليكم...وكان حيين بنتلاقى ولو طلعوا الجماعة من نصنا برضو بنتلاقي..وياناذر خت بالك وبالليل اعمل حسابك الدبيان والشاطر يطول اقامتو... وأقرأ نصايحي ليك مرتيين تلاتة في اليوم , وقبل الدخول في النت واثناء الكتابة ارجع ليها ولو قدرت تعمل منها حجاب مفتوح وتختو في لوحه امامك ما تقصر وبرضو ما في طريقة ح تعك وتلحق امات طه (ديل منو) معانا في البوردتسودان.
                  

05-17-2005, 06:59 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: الرفاعي عبدالعاطي حجر)

    الأخ غبد العاطي ..

    تحياتي الحارة لك وللأخ عمر وأرجو ان نتقابل قريبا ...
    شكرا جزيلا مرة ثانية لكت يا دا !! بدور أسعلك ؟؟!!
    إنتا كلامك المرة دي مالو زي الأنتا داير تودعني
    حيرتني والله وإنشالله إسمك ما يدخل الترشيحات .
    وديما عامرين وبجو عايدييين إنشالله عايديين يا الله
                  

05-18-2005, 03:03 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الزول دا حقو يفصلوهو .. والزولة دي أحسن ليها تستقيل براها .. وهناي داك .....!!! (Re: ناذر محمد الخليفة)

    UP
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de