|
|
 هــلالابى جـناح النـقر... !!!!!
|
صديقنا ياسر عرمان يكتب فى ذكرى الفقيد دكتور جون..ولفقده مقام..
عقد السبعينات من القرن الماضى كان عقدا بديعا عندى والوعى فى بواكيره والامانى الحلوه...
فى حى الهاشماب ..كم وسبعين..لقيت لاول مرة كابتن الهلال مصطفى النقريزور بعض اقاربه وكدت اجن.. وو كنت مهووسا بالهلال درجة التعصب وحتى حضور التمارين ومطالعة بعض جهالات النقد الرياضى...
وكان الهلال وقتئذ مثل الاساطير..
سيماوى..عبدالله موسى..عزالدين..الريشة..قاقرين والزعيم رحمه الله ..
فى السبعينات ...
بزغ نجم فنانين جدد فى سماء الاغنية عبر مهرجانات الثقافة..
ثم..وردى والدوش والتجانى سعيد وفتنة التوب الانيق..بعد سماعين حسن,,
وفى ذات العقد..
سينما ام درمان والوطنية والمسرح القومى فى خطوبة سهير مع تحية زروق ومكى سنادة والخرطوم بالليل التى حدت برئيس افريقى بان يدفع ببنتيه لقضاء اجازتهما بها وهى باريس افريقياحسب تعليقه بشهادة السفير الحاردلو..
الايام تمضى وارسم فى مخيلتى صورا للعيبة الهلال وحياتهم ونجوميتهم قبل ان التقيهم...
ثلاثون عاما..لالتقى قلة..الريشة..الدحيش..فوزى..الفاتح النقر..شوقى..جكسا ومقاربات بين مخيلتى وان اشاهد صورهم فى التلفزيون والصحف وبين لقائى بهم وقدتقدم العمر ومساحات التخييل..
حالة موحية..تلك..
ذات الشىء..ان تتعرف الى شخص عبركتاباته..صورته..الكى بورد وعبر سودانيزاون لاين..
ابوجهينة..حيدربدوى..عزة سوميتا..و...و..
اعود الى لقاء بورداب الداخل والخارج..وصورهم..
ونوستالجيا الحنين الى الماضى..مع الخرطوم والهلال ومن اعلن النعى على ذاك الزمان؟؟
مودتى وتقديرى
|
|
 
|
|
|
|
|
|
|
|
Re: هــلالابى جـناح النـقر... !!!!! (Re: محمد عكاشة)
|
محمد عكاشة
طلعت رشاشة
من زمن الكماشة
والكرة القماشة
كنت ساكن ود دهاشة
وبحضر الكرة زى الفراشة
النقر جاء
ياب داوود ارجا
زمنا تلاشى
الليلة فيها البرينس
واخوانو الفتاشة
غلبو الزمالك
واولاد اموكاشا
الترجى الفلاشا
واسيك مع الدهشة..
منتظرين الاهلى
وباقى المعاشا
جميل انك هلالابى
وجميل ذلك الزمن
المتسرب سرا
| |
|
|
|
|
|
|
|
|
 Re: هــلالابى جـناح النـقر... !!!!! (Re: abuguta)
|
الحبيب محمد عكاشه - تحياتى
القاهرة تفتقدك هذه الأيام وهى مليئه بكلما هو جميل وكم هائل من المناسبات
قله معى كل يوم فى مصر .. أما النقر ( آه يا دنيا آه) !!!!!!!!!!!!
طالما انت هلالابى يا محمد عكاشه -وانا طبعا عارف هذه المعلومه من قبل- فأن شاء الله تكون جناح "ام جكو" مش جناح النقر برضو مكانك قوق فوق .. محفوظ وزى مكان "السر" فى دار الرياضة بأم درمان ما فى زول بقدر يتجرأ ويقعد فيهو !!
| |
|
|
|
|
|
|
|
|
|
Re: هــلالابى جـناح النـقر... !!!!! (Re: ismeil abbas)
|
Quote: ...(هناك أناس مفتونين بحب الهلال والله يديم عليهم ذلك الحب الجميل.......وزاد حبك عندى بعد إعلان حبك للهلال....
وأنا أحب الوطن.وأم درمان.والهلال.وعثمان حسين...وهناك شخصيات تفرض علينا حبها..
مودتى......... |
عمى الحبيب
ابوالزهور
ومنك تعلمت الحب..ومضيت فى طريقه ..والصعاب
مودتى وتقديرى
| |
|
|
|
|
|
|
|
|
|
Re: هــلالابى جـناح النـقر... !!!!! (Re: محمد عكاشة)
|
الاخ تاج السر
كيفك يارجل...والقاهرة الجميلة..
طبعا عمى الازهرى اسماعيل يشاركك الحب المدنف بالهلال وام درمان وجمال الحياة فى السبعينات..
ليتك تحكى عن تلك الايام والازرق والنقر..
حتى اعود
مودتى وتقديرى
| |
|
|
|
|
|
|
|
|
|
"مريخابية جـناح النـقر".. (Re: محمد عكاشة)
|
العزيز محمد عكاشة..
سلامات وتحايا عاطرة..
| Quote: هــلالابى جـناح النـقر |
أما أنا فـ "مريخابية جـناح النـقر "
ويشرفني إنه قريبنا (نسابتنا الرباطاب)..
وبرضو "مريخابية جـناح فوزي المرضي "
وأتشرف بمعرفته وصداقته وأهل بيته.
تخريمة: غايتو إحنا مع أي هلالابي (وجيه )..
تحياتي
| |
|
|
|
|
|
|
|
|
|
Re: هــلالابى جـناح النـقر... !!!!! (Re: محمد عكاشة)
|
محمد عكاشة
ازيك ياخي ومرحبتين.
النقر كان فريق براه.ما كان مجرد لاعب كورة ....كان حالة من الابداع....مافي لاعب كورة في السودان جمع بين الحرفنة وحس القيادة والسلوك الرياضي المحترم زي النقر!!! لكن هسة وين مع الجماعة البيشيلو الكورة ويطلعوا بيها برة ويقولوا مادايرين!!!!
احترامي كبير
عمر عثمان التوم
| |
|
|
|
|
|
|
|
|
|
Re: هــلالابى جـناح النـقر... !!!!! (Re: omar altom)
|
Quote: النقر كان فريق براه.ما كان مجرد لاعب كورة ....كان حالة من الابداع....مافي لاعب كورة في السودان جمع بين الحرفنة وحس القيادة والسلوك الرياضي المحترم زي النقر!!! لكن هسة وين مع الجماعة البيشيلو الكورة ويطلعوا بيها برة ويقولوا مادايرين!!!!
احترامي كبير |
تسلم ياعمر
والنقر امة وحده
مودتى وتقديرى
| |
|
|
|
|
|
|
|
|
|
Re: هــلالابى جـناح النـقر... !!!!! (Re: محمد عكاشة)
|
ياســـــــــــــــــــــلام
يامحمد عكاشة
عرفت يادوب لبش اخترت جناح النقر...
ما كنت عاوز تفشى سرا لتورا وقع
وماكنت داير تقول النقر واقع فى مشكلة
بدات بوست بحب النقر,,,
اصلو المحبين الحنان
لا بنسو ولا بتحولو
تعالو يامحبين النقر...
| |
|
|
|
|
|
|
|
|
|
Re: هــلالابى جـناح النـقر... !!!!! (Re: abuguta)
|
محمد عكاشة
تحياتي ازفها اليك بكلمات اكثر القا ورقة من مدادك
تسللت في الدواخل الذي توجعت اليوم بالخبر الفاجعة
زراع الفرح في قلوب الملايين
النقر جاء
لن العن البلد
ولكن اقول اين المسئولون عن رعاية الموهوبين \
الملايين التي دفعت لاولئك الذين قتلوا ونهبوا وعاثوا في الارض فساد افضل ان تدفع للنقر وامثاله لانهم عنوان الوطن
النقر الوطن
اه يا بلد يقبع رواده في .......... بينما الاخرون يتمتعون لانهم لم يقدموا شيئا للوطن
ولكن يالنقر
ستاتي
ونهتف
النقر جاء
فانت في الدواخل
اااااااااااااااااااااااااااه
مصطفى
ااااااااااااااااااااااااااه
النقر
ستاتي . لا محالة ضحتكت من فوق الجراح وسنغني
للهلال للمريخ للسودان
النقر
وماذا عن اسرة المرحوم سامي عز الدين
اين هم في الزحام
اياكلون
ويشربون
ويتعلمون
ام انهم مثل النقر وامثاله
يعانون
عودة
| |
|
|
|
|
|
|
|
|
|
Re: هــلالابى جـناح النـقر... !!!!! (Re: abuguta)
|
Quote: ياســـــــــــــــــــــلام
يامحمد عكاشة
عرفت يادوب لبش اخترت جناح النقر...
ما كنت عاوز تفشى سرا لتورا وقع
وماكنت داير تقول النقر واقع فى مشكلة
بدات بوست بحب النقر,,,
اصلو المحبين الحنان
لا بنسو ولا بتحولو
تعالو يامحبين النقر... |
الاخ ابوقوته
خبر سجن كابتن النقر اوردت صحيفة الوطن ببنط عريض فى صدر صفحتها الاولى ..ولم افهم اهو قصد نبيل للمساهمة فى فك ضائقة نجم الكرة السودانية من فخاخ السوق الكافر ام هو رغبة المحرر فى التشهير واحراز المزيد من نسب البيع والتوزيع..
انتظرك وانتظر الاخ تاج السر
اعود
مودتى وتقديرى
| |
|
|
|
|
|
|
|
|
|
Re: هــلالابى جـناح النـقر... !!!!! (Re: محمد عكاشة)
|
إبن أخى/عكاشة
كيف حالك وسلمت إن شاء الله.\\\
موضوع مصطفى معلوم للكثير من قبل ثلاثة شهور تقريبآ .وبحكم مصطفى شخصية مشهورة بتتسرب ألأخبار.
نسأل الله أن يفك أسره بأذن الله.
مودتى
إسماعيل محمد أحمد عباس........
| |
|
|
|
|
|
|
|
|
|
Re: هــلالابى جـناح النـقر... !!!!! (Re: محمد عكاشة)
|
الاخ / محمد عكاشة ......تحية نيلية
يعني أنا نيلابي ..... ( نيل الخرطوم ) .....الذي كان رافد مهم في امداد كل الاندية بأفذاذ اللعيبة ....الله يفك جريانه لانه حبيس المجرى
نجي راجعين للنقر ،،،، الفنان ،،، ولكن هكذا حال اللعيبة في السودان ،،اول مايتركوا المستديرة بتبقى أمورهم جايطة شديد ،،، وحتى الجمهور والمسئولين بيشجعوا ويقفوا بجانب اللاعب الحالي الذي يجد فيه المتعة ولايلتفت الى لاعب الزمن الجميل ،،،،فهكذا حال الدنيا ،،، نسأل الله أن يفرج كربة أخونا مصطفى النقر ....آمين
ود الأمير
| |
|
|
|
|
|
|
| |
محمد عكاشة
abuguta
ismeil abbas
Raja
omar altom
ياسر الامير ابوجكة
فيس بوك
تويتر
انستقرام
يوتيوب
بنتيريست