|
|
 عندما أحرجنى أبنائى الصغار مع حبوبتهم
|
زارتنا فى جدة السيدة الفضلى سعاد قسم الله ، والدة زوجتى ، وحبوبة الأولاد ، وما زالت تقيم بيننا منذ شهر رجب الماضى ، فأعددنا لها برنامجا حافلا ، حيث قضينا عيد رمضان فى رحاب الحبيب المصطفى بالمدينة المنورة ، وقضينا عيد الأضحى فى رحاب المشاعر حيث أدينا فريضة الحج برفقتها ،
وكانت تجلس البارحة تبادل أبنائى الصغار (أحفادها) الحديث والسوالف ، فقال لها اصغر أبنائى (الأمين)
يا حبوبة أوعى السنة الجاية تجيناتانى ،
فتفاجأت الحبوبة لهذا الأمر ، وسألته مستفسرة عن السبب ، فقال لها يا حبوبة إنتى جيتينا وحرمتينا الفسحة ففى عيد رمضان ذهبنا معك إلى المدينة المنورة وفى الحج ذهبنا إلى مكة والمشاعر لأداء الحج ، وكل هذا كان بسببك فلم نستمتع بالإجازات كما كنا نفعل فى كل مرة
فقالت لهم الحبوبة ، أنا زاتى يمكن السنة الجاية أموت ولا ترونى بعد ذلك
فقالوا لها
لو مُتى فسنبكى عليك كثيرا حتى يعذبوك فى القبر
فسخطت الحبوبة وغضبت كثيرا لهذا القول ، فرأيتهم يتهامسون مع بعضهم البعض ،
يلا نمشى نعافيها عشان ما تزعل مننا
فاحترت فى أمرى ، هل أبكى أم اضحك ، فما رأيكم دام فضلكم؟
|
|
 
|
|
|
|
|
|
|
 Re: عندما أحرجنى أبنائى الصغار مع حبوبتهم (Re: يازولyazoalيازول)
|
الاستاذ هشام
لكم وللصغار العافية
دائما اولاد المغتربين يحرجوا اهلهم
مرة واحد قريبنا مشى اجازة بعياله الذين يزورون السودان لاول مرة
في اول يوم البت قعدت تبكي
قالت لابوها : يا بابا ديل شنو الناس الزرق الشنين ديل العايز تقعدنا معاهم.
واجتجت بشدة ان (الموكيت حقهم) مليان تراب وكانت تقصد ال وا ط ه
| |
|
|
|
|
|
|
|
|
|
عندما أحرجنى أبنائى الصغار مع حبوبتهم (Re: يازولyazoalيازول)
|
الأخ / هشام
سلام واحترام ،،،،
كل عام انت والاسرة الكريمة بألف خير
والحجة مبروكه
والله اولادك عسل ربنا يخليهم ليك
تذكرت ابني كريم الموجود مع حبوباته في السودن
من قبل العيد لان اي زول يتكلم معه بيقول ليهو اسكت
وربنا يستر
تقبل تحياتي
أبو كريم
| |
|
|
|
|
|
|
|
|
|
Re: عندما أحرجنى أبنائى الصغار مع حبوبتهم (Re: saif massad ali)
|
يا اخ طبعا تربية العيال في الغربة تعتمد علي التي دائما the family في حالة جري وعمل مستمر لكن في السودان المجتمع اللحولك كله بيساهم في التربية يعني البيت الحبوبة الشارع المدرسة الخ لكن برضو في الغربة لازم نعلم اولادنانحن منو ونحب بلدنا بكل ترابه الكويس والبطال
real story
مره انا راجع علي السودان بالاماراتية في عيد الضحية السابق لي ده,, في الطيارة في اسرة سودانية مع اطفال صغار والاطفال في حالة السفر بيكون exited وبيحب يلعبوا حي جوه الطيارة بالله الام نهرت ليك الشافع
- يا ولد والله لو ما قعدت ساكت نخليك في السودان و نرجع برانا
والله الولد كضم واظنوا لهسع ما فتح خشموا
عموما الاطفال are childrenوالحبوبة مدركة وكانت ام اطفال
ربنا يخليهم ليك ويخليك ليهم
| |
|
|
|
|
|
|
|
|
|
Re: عندما أحرجنى أبنائى الصغار مع حبوبتهم (Re: يازولyazoalيازول)
|
إزيك يا هشام
إنه النقاء والصدق مع النفس
واجهت موقفاً مماثلاً لا يزال يضحكني .
كنا في إجازتنا السنوية . نزلنا عند نسابتي ، أعجب أطفالي بمشروب ( ستيم ) و لحسن حظهم كان قرب المنزل بقالة ، فكانوا يقضون نهارهم كله بين البقالة والمنزل حاملين لمشروب الـ ( ستيم ) هذا .
أبدت حبوبتهم ( والدة زوجتي ) امتعاضها من خروجهم المتكرر . وأعلنت :-
أنا والله الـ ( ستيم ) أصلو ما حبيتو
جادلتها صغيرتي ذات الخمسة سنوات
_ ما حبيتيهو ليه يا أمي سكينة ؟؟؟
ردت الحبوبة
- والله يا بتي أحس بيهو زي العرقي كدا
استنجدت صغيرتي بأمها
- عرقي يعني شنو يا ماما ؟؟
ردت زوجتي
- شراب ما كويس بيشربوه الناس الما كويسين وبيسكرهم
ردت صغيرتي
- يعني خمرة ؟؟؟
ردت زوجتي
- برافو عليك أيوا خمرة
التفتت صغيرتي لحبوبتها
- طيب يا أمي سكينة إنتي ضقتي العرقي عشان تقولي إنو الـ ( ستيم ) زيو ؟؟؟؟
تكهرب الجو
وصرخت الحبوبة في إبنتها ( زوجتي )
امسكي شواطينك ديل مني
تاني أصلو ما بتونس معاهم
| |
|
|
|
|
|
|
|
|
|
Re: عندما أحرجنى أبنائى الصغار مع حبوبتهم (Re: SAdo7)
|
| Quote: ( ثياب كثيرة و دهب وعيال قلة ادب) |
نحنا لا عندنا لا التياب لا الدهب
بس عندنا قلة الأدب المسمعمتو بيها
كيفك يا حاج هشـام
تعرف المسـألة دى مهمة جدآ . وهى قلة أدب عيال المغتربين .
المقاييس بتكون من داخل البلد . وناس السـودان عنصرين
وعندهم مقايس ثابتة ورادعة . وأولادم الكنا نحن زاتنا
بيعرفوا يجاروا المجتمع والأهل بما يرضيهم وعندهم الشقاوة
المستترة . عيالنا نحن إتجاه واحد .
وبعدين عيالنا جيل النت والكمبيوتر وعيالم شرامة سـاكت 
| |
|
|
|
|
|
|
|
|
|
Re: عندما أحرجنى أبنائى الصغار مع حبوبتهم (Re: يازولyazoalيازول)
|
هشام
ربنا يحفظ ليك الاولاد
ولكن بصراحة اولاد الغربة ليهم عالمهم الخاص شئنا ام ابينا
ولهذا دائما نحاول ان نقرب الشقة بين اطفال الغربة واطفال الداخل ونوريهم شوية معلومات او سمها ( تعلم البيئة السودانية - تربية الداخل )
واذكر اننا في الرياض قمنا بعض المحاضرات في مثل هذا الشأن وقمنا بتجيمع بعض الاطفال والقاء بعض التوجيهات والارشادات لهم وذلك دائما يتم قبل الاجازات بقليل .
صلاح غريبة - الرياض
| |
|
|
|
|
|
|
| |
يازولyazoalيازول
Hussein Mallasi
معاذ حسن
الصادق صديق سلمان
الفاتح خليل الفكي
saif massad ali
Abdulbagi Mohammed
عاطف عمر
SAdo7
رأفت ميلاد
Salah Waspa
ghariba
فيس بوك
تويتر
انستقرام
يوتيوب
بنتيريست