النور جاني بتسم وعيسى ود دربو رفع كِمه قال المال ما بهمه على سلام ( توره ) مدنبل لي حرن لي فوق النسوره ولهذه الأغنية مناسبة معينة: عندما خرجت سيرة عريس من احدى ارياف جنوب الأبيض ( عريسنا وين نقيل بيه قي الشجرة ام كقول كيه ) للمقيل به في مكان بعيد عن بيت العروسة مرت زفة العريس بالقرب من فريق (على ود سلام وهو رجلا كان معروفا وغنيا بالمال انذاك ) و خاتي في منطقة مخارف بقارة وعند تبلدية النسور تحديدا استقبلهم النور (ولده الكبير) (باسماً)* وكان يرافقه عيسى ود دربو ( بن عمومته) أنسان له مواقف وحكايات، رافعا كِمه جلابيته مهللا ومبشرا عليهم حسب الأصول والعادات التي يتعارف عليها الناس هناك وما كان من الشهم على ود سلام إلا التقدم في قدح المكارم و ربط لهم( تورفحل) تحت ظل شجرة التبلدية وقال لهم بلغة بقارية صرفة توا اليوم ده يا ناس القوز مالكم راحين منا ، قيلوا بعريسكم في تبلدية النسورة دى ولما سمعت الحكامة الخبر ألفت هذه الأغنية.. ايفاءاً لجوده وكرمه أشارت في الأغنية لكلمة النسور فقط دون ذكر شجرة التبلدية لأنها تسمى تبلدية النسور لكثرة النسور بها وتقع خلف جبل أم شجيرة جنوب مدينة الأبيض، ومن بعد ذلك انتشرت الأغنية في المنطقة ، تغنت في شكل الدرملى( حوارفنى)..
01-22-2023, 02:20 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4973
كلمات : محمد عمر عبد الرحيم ألحان : عبد الرحمن عبد الله ( الرمية للشاعر : عبد الله محمد خير )
ساعة ساعة أنا بتاوقن ولحظه ما بقدر أفارقن لي عيوني الشوق حارقن والدموع داير تغرقن والدن قال ما يمرقن خايف النظرات تلحقن وخايف العين لاتعوقن هن وين تانى بيتلقن ولى يخفظن الخالقن متلى كم زول مات بالشجن وقبلى ود الزومه اتسجن كان زمان لى شتلو بيسقن وديمه فى اللوبه يورقن مره فى القعده ينقنقن يحلفنو ولا يصدقن أنا ما بخاف الموت والسجن ولسه جسمى الصدى بتعجن جدى الريل ابو كزيمة تعال نتمشى فى الغيمة ماغيمة ريد تكب فى ريهدة شواطيهو الخدر ديمة نصارحك لا نخاف إنسان ننسى الماضي والأحزان نلاقى القمري لابس الطوق يغني يغني للوجدان يفر جنحيهو زى توبة يصفق للزهور نشوان جدي الريل أبو كزيمة تعال نتمشى في الغيمة ما غيمة ريد تكب في رهيدة شواطيهو الخدر ديمة أنت هناك ياحليلك بفر فى قلبى ونشيلك وتلقى الدنيا ياحبيب تشيل افراحه تمشيلك جدى الريل ابو كزيمة تعال نتمشى في الغيمة ما غيمة ريد تكب في رهيد شواطيهو الخدر ديمة جدى الريل ابو كزيمة تعال نتمشى فى الغيمة ماغيمة ريد تكب فىريهدة شواطيهو الخدر ديمة
01-22-2023, 02:29 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4973
والله ادفع كل ما املك بس اكون قاعد فى واطه الله السمحه وباكل فى ملاح الباميه دة باشمار مع العصيده والله تبا على الغربه وكمان لو بكسره فتريته يكون دى الدنيا كلها بريمه نازل متين السودان والله اجى اقضى معاك عشره يوم فى كردفان والله انزل السودان مخصوص ليك مع تحياتى
ودرعيه
01-22-2023, 02:35 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4973
حامد ازرق تعليق ظريف من شخص ظريف كتب فى اليوتيوب عن الفيديو رغم اعتزازي بكل وطني الحبيب السودان من شرقه إلى غربه ومن جنوبه إلى شماله إلا أن تراث البقارة يعتبر رقم واحد في السودان والفضل في ذلك يرجع إلى الله سبحانه وتعالي ومن بعده إلى الفنان الدكتور عبد القادر سالم الذي نقلنا إلى العالمية أطال الله في عمرك ومتعك بالصحة والعافية على إيقاع رقصة المردوم البقارية و بمشاركة الجمهور ، يتغنى الأستاذ عبدالقادر سالم بأغنية اللوري حلّ بي و هي مستوحاة من تراث البقارة بإقليم كردفان
01-22-2023, 03:46 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27312
أي إنسان سوداني .. ومن أي بقعة في السودان .. يمكنك أن تنزل أي مكان في كردفان .. وسوف يعطوك الاراضي الزراعية .. وتفلح ما تشاء .. بالجد كردفان ما زلت بكر .. وخيرها جوه وبره كما يقول أهلها ..
بريمة
01-22-2023, 05:21 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4973
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة