القلوب النقيه لا يتوقف نبضها عن العطاء مهما حاول البعض كسرها لانها تعيش في مساحة لايصل اليها إلا الاتقياء
🌺. 🌺 العمل الجماعى سمى التوازن الديناميكي فإذا ساعدنا وسندنا بعضنا البعض فلن نسقط سواء كان ذلك في محيط العائلة أو الأسرة أو الحي أو العمل أو المجتمع الصغير أو الوطن !
التعليم اول ما يهتم اول ما يهتم بالقيم الاجتماعية..تربية.
والتعليم عندنا انحصر في الحصول على اكبر نسب نجاح: *فلان قفل الامتحان *فلانة جابت 9'98 *مدرسة زعيط ومعيط نجاحها 100٪
🤔
لا بد من "إعادة ضبط المصنع" ولا بد من "رؤية" جديدة لفلسفتنا في التربية والتعليم.
فقد كال الرماد حمادا!!!
#عريس يفاجئ عروسته بالطلاق اثناء مراسم زواجهم 👩❤️💋👨 وهذا هو عدم الحياء عندما ينعدم فى المراه في افخم صالات الخرطوم عندما صاحت العروس بأعلى صوتها عند رؤية صديقها بيبو قادم لتهنئتها (هييييييييي يا عنبة) في دهشة للعريس واهل العروسين والمعازيم فما كان منه الا رمي عليها حلف الطلاق بالتلاته وقد خرج كل اهل العروسين والمعازيم في دهشة وحيرة من امرهم تاركين خلفهم اطباق وجبة العشاء مبروك يا عريس شغلك نضيف 💪💚 #خليبيبوينفعك 🏌️♂️
* قال تعالى: { فَأَتَتْ بِهِ قَوْمَهَا تَحْمِلُهُ قَالُوا يَا مَرْيَمُ لَقَدْ جِئْتِ شَيْئاً فَرِيّاً } مريم 27. لا تتسرع في الحكم على الأمور بظواهرها ، وإن بدت لك كما تظن ، فتريث ولا تطلق أحكامك ، فكم من مظلومٍ بسوء الظن .
إضاءة الفجر :
* قد يُشعرك تأنيب الضمير بأنك أسوأ إنسان على وجه الأرض ، لكن تأكد أنك ما دمت تشعر بذلك التأنيب ، فأنت من أطهر الناس قلباً .
عندما قال بائع الشاي أحمد الحفناوي الذي كان يتجمع في مقهاه الشباب التونسي صاحب الحلم بوطن حر ، قال لحظة سقوط بن علي " فرصتكم أيها الشباب التونسي تسطيعون أن تقدموا إلى تونس ما لم نقدم لها نحن ، لأننا هرمنا ، هرمنا من أجل هذه اللحظة التاريخية " . هذه العبارة التى أبكت الناس وحفظوها هي ليست لزعيم سياسي أو ناشط أو صحفي أو كاتب أو شاعر ، لقد كان الحفناوي صاحب المقهى الصغير صادقا في إحساسه وهو يمسح بيده على شيب رأسه ويردد بدموع الفرح والأمل لقد هرمنا، هرمنا من أجل هذه اللحظة التاريخيه . رحل بالأمس أحمد الحفناوي ربنا يرحمه ويحسن إليه . وما كانت اللحظة التاريخية سوى لحظة لم تسمح لها قوى الردة المحلية والإقليمية بإكتمال الحلم ورحم الله جميع أصحاب الحلم ومن دفعوا أرواحهم ثمنا من أجل تلك اللحظه التاريخية شهداء ثورات الربيع العربي التي لم يدم نجاحها إلا قليلا ثم إنتكست . هيا. ياشباب هيا. للعمل✌🏽
🌹اللهم أرزقنا الصبر على البلاء، و الرضا بالقضاء، والشكر عند الرخاء. ربنا اجعلنا ممن حمدك فزدته، وشكرك فأكرمته، ودعاك فأجبته، وأطاعك فقبلته، وأستغفرك فغفرت له ياغفور يارحيم 🤲🏽 صباح الخير والعافية 🌹🌺🌷🌹
لا تتسرع في إصدار حكم على احد حتى تسمع منه لا عنه فرب واش ملأ اذنيك كذباً فاتخذت كلامه حقا فبنيت عليه حكماً جائراً
لا تتسرع في الحكم على نيات احد قرأت له شيئاً ما فربما قصد بما كتبه او قاله خلاف ما فهمته انت
كثير هي المواقع الكاذبة اليوم والاسماء الوهمية التي تنشر زوراً وبهتانا فلا تتسرع في نشر شيء حتى تتاكد من مصدره الحقيقي فكم من اناس قوَّلهم الناس مالم يقولوا فلا تكن اداة لنشر كل ما تقراه
{وكفى بالمرء إثما ان يحدث بكل ما سمع}
كم شُوِّهت من شخصيات وهتكت سمعة اعراض بسبب وشاية كاذبة تسرع الكثير في بثها على المواقع لا تتسرع في شيء فربما ادى بك تسرعك الى عض اصابع الندم
كم هدِّمت من بيوت وقُطعِت من علاقات وتمزقت اواصر وتباعدت قلوب
بسبب تسرع احمقِ
الفاتح جبرة وووين هو ؟؟🤔🤔 بطل كتابة ولا شنواا ؟؟ طبعا الفاتح ده قدامنا فى المدرسة نحن فى خامسة ابتدائى وهو غى تالته ثانوى عام ..وكان شاطر خلااااس .. بيشرح لينا الرياضيات .. والطبيعه .. والجغرافيا .. وعندو عرق نيم طوويل كده بيجى شايلوا معاهوا .. وهوز زاتوا قصيرونى .. بيمحطنا بيهواا فى التسميع . (مصطفى نور )... بلاهى شووف لينا جبره ده غاتس وووين .. ما يكون محبط من الوضع الراااهن .
الشعب السوداني فقد الثقه في كل الناس الليله حصل لي موقف ماعارف اوصفو بشنو والله هل هو نتيجة نحسي وكجي انا ولا قضاء وقدر وانا في السوق لقيت لي واحد ببيع خواتم فضه عجبني خاتم كدا وشلتو دخلتو في اصبعي عشان اجربو وبقينا نتكلم في السعر بكم ومابكم قال لي الخاتم دا ب 3الف قلت ليهو نفصني قال لي شيلو ب 2ونص المهم مااتفقنا وعايز اطلع ليهو خاتمو ارجعو ليهو وسبحان الله مجرد مالخاتم دخل في اصبعي كأنو اصبعي كبوا ليهو خميره فار واتنفخ واتورم وقال اعرفو طلعوا مني الخاتم دا تاني وبقيت اجر وبتاع الخواتم يجر لمن اصبعي كب دم قلت ليهو عندك صابونه؟ قال لي صابونة شنو العندي؟ قلت ليهو طيب ارح ع المطاعم ديك بنلقي عندهم باقي صابونه اعملها في اصبعي عشان الخاتم يتزلق ف بتاع الخواتم شكا في انو انا حرامي وعايز انصب عليهو قام مسكني من لياقة قميصي وقال لي ارح قدامي ع المطاعم وكلم واحد يحرس ليهو باقي خواتمو ومشينا ل بتاع مطعم كدا لقيناهو ممحن ومهموم وخاتي يديهو في راسو قلت ليهو لو سمحت ياخال داير لي حتة صابونه اطلع بيها الخاتم دا ف الراجل رفع راسو عاين لي وعاين لبتاع الخواتم دا وهو مقبقني من هدومي وقال لينا دا اخر مااتوصلتوا ليهو في النصب والاحتيال؟ ياخ انا زاتي ماعندي حاجه تسرقوها مني ياها ديك حلة عدس ملانه من الصباح مابعت منها صحن واحد لو عايزين تشيلوها شيلوها وريحوني منها ياخ وفجأه غير رايو قال لي عايزين صابونه مش؟ دقيقه اجيبا ليكم ودخل جوه وانا وزولي دا مقبلين كدا نحاول في الخاتم مااشعر ليك الا بخرطوش اسود نازل في ضهري زي السيف قولة صررر انا خميت بتاع الخواتم في وشي ووقعت بيهو وقبل نفهم الحاصل وقع ليك فينا هبد بالخرطوش انا وبتاع الزفت دا ونحنا واقعين هرد لحمنا هرد وانا انكرش واتحيحي واكورك ليهو دقيقه ياخال افهمني وهو يقول لي افهمني انت وحاول حس بي اقول ليك مابعت صحن عدس واحد وتسمع صررر وبتاع الخاتم يبكي وينكرش ويقول احييي انا يايمه وماقادر يقوم ولاقادر يجري يخلي خاتمو عندي يعني موت موت المهم لمن الدق كتر علينا كربشنا كدا وقمنا جارين لانو سمعناهو يكورك ل بوليس شرق الزلط تعال ياجنابو بس جنابو البرجاهو منو انطلقنا جري الوحوش والزول العبيط دا ماسك في هدومي لمن وصلنا حته كدا وقفنا بتاع الخواتم قال لي وهو يبكي خليتك ل الله جيتني من وين انت املص لي خاتمي يازول ولا اقسم بالله اجيب لي منشار اقطعو ب اصبعو وكان جادي في اللحظه ديك لانو وصل مرحله من الغضب قرب يغمي عليهو قلت ليهو دقيقه خلاص امشي اشتري ليك صابونه من الدكان قال لي ليه اشتري لي صابونه ب 200جنيه؟ ذنبي شنو؟ تشتريها انت دا قلت ليهو خير ارح نشتريها مشينا اشتريت صابونه ومشينا المزيره بقي يشيل ويكب لي وانا اغسل في يدي بالصابونه لمن الصابونه قربت تكمل حتي خاتم الجن دا مرق من اصبعي جدعت ليهو خاتمو وقلت ليهو تاني داير مني شي؟ يلا طير اختاني قال لي طير اختاني انت اصبعك زي عود الطوريه الخاتم ليك شنو؟ المهم اتنابذنا زييينتي وبردنا بطنا في بعض واي واحد طار ع جهه وهسي اصبعي ورام ومنفخ ومحمبق زي بلح الشام وينتح زي القارصاني عقرب وجسمي كلو يشح من الدق انا ماعارف البحصل لي دا شنو اليومين ديل واقع فيني دق وجلد كدا ماطبيعي انا لسه السوطين الاخدتهن في عرس الجعليين مابرن وينتحن وهسي كمان اتجلد بخرطوش مويه اسود ممنوع دوليا؟ اللهم لا اعتراض ع حكمك يالله... 😂😂منقول😂😂
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مصطفى نور
فيس بوك
تويتر
انستقرام
يوتيوب
بنتيريست