أمى الله يسلمك ويديكى لى طول العمر. وفى الدنيا يوم ما يألمك امى الله يسلمك.. أمى يا دار السلام يا حصنى لو جار الزمان ختيتى فى قلبى اليقين يا مطمنانى بطمنك أمى الله يسلمك.. خيرك على بالحيل كتير يا مرضعانى الطيبة بالصبر الجميل سا سعد أيامى وهناى لو درتى قلبى أسلمك أمى الله يسلمك .. أنا مهما أفصح عن مشاعرى
وقولة بحبك ما بتكفى وكل كلمات الغرام يا منتهى الريد ومبتداه يا الليا الله يسلمك ويديكى لى طول العمر وفى الدنيا يوم ما يألمك أمى الله يسلمك ..
09-21-2022, 05:31 AM
مصطفى نور مصطفى نور
تاريخ التسجيل: 05-13-2022
مجموع المشاركات: 4973
بكتب ليك رسالة طويلة يا امي بكتب ليك رسالة طويلة بدمي اقالدك فيها يا امي واضمك ساعة في حضني ... يا امي وحاتك لا بخت عنوان ومابكتب اسم انسان ومابرمي الجواب في بريد ما بديه ما بديه لزولا كمان في الايد كفاية اقيف وانقش في جناح الريح سلامي الدايرو يوصل ليك يخلي الريح ترتر في المسافة عروس تحيل كل الصحارى بروش مرسلة ليك يا امي وحاتك لا بخت عنوان ما كتب اسم انسان وما برمي الجواب في بريد ما بديه ما بديه لزولا كمان في الايد كفاية اقيف وانقش في جناح الريح سلامي الدايرو يوصل ليك خلي الريح ترتر في المسافة عروس تحيل كل الصحارى بروش مضفرة بسعف بلدي مرسلة ليك يا امي
09-21-2022, 05:45 AM
مصطفى نور مصطفى نور
تاريخ التسجيل: 05-13-2022
مجموع المشاركات: 4973
امي انا امي بردان تدفيني عطشان بترويني وتشيل معاها الغيم في الصيف تباريني قولت صباح الخير من امي بالدنيا تتجدد الامال تتحقق المنيه يا امي يا نسمه يا ورده يا غنيه انا نظره من عينيك بالدنيا تكفيني سهرانه امي علي من قمته لو ساعه بس ما جيت شفقانه مابتنوم لو مارجعته البيت ومدت اياديها بالفرحه تحضني وصانا رب الكون نكسب رضى الوالدين وانا امي راضيه علي وطالب رضاها سنين لون شعرها الابيض زي زهرة الياسمين ودعواته لي في الليل في الاخره تنجيني امي يا امي
09-21-2022, 06:11 AM
مصطفى نور مصطفى نور
تاريخ التسجيل: 05-13-2022
مجموع المشاركات: 4973
عد بي إلى النيلِ لا تسال عن التعبِ الشوق طي ضلوعي ليس باللعبِ لي في الديار ديارٌ كلما طرفت عيني يرف ضياها في دجى هُدبي وذكرياتُ أحبائي إذا خطرتْ احسُّ بالموجِ فوقَ البحرِ يلعب بي شيخ كأن وقار الكون لحيته وآخرونَ دماهُمْ كونت نسبي وأصدقاء عيون فضلهم مدد إن حدثوك حسبت الصوت صوت نبي أمي التي وهبتْ حرفي تألقَهُ تجئ رحمتها من منبعٍ خصبِ وإن تغيّبَ في دربِ الحياةِ أبي قامت إلى عبئها أيضاً بعبء أبي والناس في وطني شوق يهدهدهم كما يهز نسيم قامة القصب والجار يعشق للجيران من سبب وقد يحبهم جدًا بلا سبب الناس أروع ما فيهم بساطتهم لكن معدنهم أغلى من الذهب عد بي إلى النيل لا تسأل عن التعب قلبي يحن حنين الأينق النجب من كان يحمل مثلي حب موطنه يأبى الغياب ولو في الأنجم الشهب ثارت جراحي نيراناً يؤججها عدو الرياح على قلبي وفي عصبي كنا سماء تبث الخير منهمرًا على البلاد كقطر الديمة السكب وكان موطننا عزًا ومفتخرًا ما هان في عمره يوماً لمغتصب وقدوة لشعوب لا تماثلنا في الحلم والعلم والأخلاق والأدب والكنز كان هو الإنسان مكتملاً في محفل الجد لم يهرب ولم يغب والنيل إن فاض أروتنا جداوله وإن تراجع جاد النخل بالرطب والحب أروع ما في الكون نغزله خيطاً من الشمس أو قطراً من السحب والحنبك الفذ في الأشجار لمعته ازرت بكل صنوف الكرم والعنب والناس قاماتهم طالت إذا هتفوا بالشمس جيئي تعالي هاهنا اقتربي جاءت على خجل حيرى تسائلهم من ذا على النيل يا أحباب يهتف بي ماذا أصاب ضمير الناس في زمن صعب كان به داء من الكلب هذا زمان غريب كيف نعرفه أو كيف يعرفنا من زحمة الحقب ارجع الي شباب العمر مؤتزراً بالحب والوصل لا بالوعد في الكتب وارفع عن القلب ما يلقاه من عنت واغسل عن الوجه لون الحزن والغضب فقد أعود كما قد كنت من زمن فخر الشباب ورب الفن والأدب
09-21-2022, 06:55 AM
مصطفى نور مصطفى نور
تاريخ التسجيل: 05-13-2022
مجموع المشاركات: 4973
وقفت بعد حلبت لبينة الشاي تكورك يا الحسن يا ام الحسن وينو الحسن ولمن صفت رغوة شخيبات اللبن في حلتا المبنية من طبق السكن واقفه في حوش البهايم ولسع تكورك يا الحسن وتلاوي في الحمل العنيد جاها حساً من بعيد مارق من القاطوع ورا قال ليها خير يا الحاجه خير قالتلو خير تعال لي جاي دايراك تعنون لي جواب يا الراسي لولدي الخدير لا تبقي زي شافع السرير يقول لي زين آيمة زين وزين تبقي بعد شهير وان جاني يكتب فد سطير اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم
بعد المغيرب بي شوي جاها الحسن تعبان يسير العشى غنمو من الدرب وسرقت ندي وشو الهجير سوتلو شاياً بي لبن قرض معاهو حرف فطير قالتلو بسم الله قول واكتب وصيتي انا للخدير الزمن يا ولدي ماحقاهو السنين البعيش في الدنيا ما بعيش مرتين العمير فاضل لي بس منو اليقين وانت طوّل في البنادر يا الحبيب لا متين تعال اوريك حق ابوك الجم حقيق حاج اللمين ان عرفتو بلا عمار يقولو ولداً عندو طين العلاج لا تنسي رسلو لي دحين العوينات يا جناي شوفن ضنين سلامنا ليك مطرز للبنيات والبنين ولو الارض يا ولدي تنشال في الايدين انا كت برسلا ليك في لوري الخزين
09-21-2022, 10:35 AM
مصطفى نور مصطفى نور
تاريخ التسجيل: 05-13-2022
مجموع المشاركات: 4973
⛔قصة اغنية ابوي ما تقول ليه لا⛔ تعود قصة أغنية «أبوي ماتقول ليه لا» إلى سفر الفاضل سعيد في رحلة فنية بالقطار إلى مدينة بورتسودان مع الفنانين إبراهيم عوض وصلاح محمد عيسى ومحمد أحمد عوض وكان يرافقهم لتقديم وصلات فكاهية أثناء الفواصل الغنائية، وأثناء الرحلة قام الفاضل سعيد بغناء قصيدة رجاء وكان حينها يعاني من أزمة عاطفية ونفسية بعد أن تقدم لخطبة زوجته حسنة المدثر، ورفض من قبل أهلها لأنه ممثل قبل أن يوافقوا بعد ذلك، وبعد أدائه للأغنية وجدت إعجاباً من الجميع خصوصاص من الفنان محمد أحمد عوض الذي تغنى بها بعد ذلك و أصبحت من أشهر الأغنيات السودانية. 🚫 أبوي يا يابا ما تقول ليهو لا🚫 غناء: محمد أحمد عوض كلمات: الفاضل سعيد أبوي يا يابا ما تقول ليهو لا... وافق عليهو أنا راضية بيهو.. عليك الله ما تقول ليهو لا... من زمان بحبو وهو لي حبيب.. ما خان عهودو وجا قالّي خطيب... قابلو بي حنية وبي صدر رحب.. قولّوا ان شاء الله خير يبقى في النصيب... عليك الله ما تقول ليهو لا... ٭٭٭ يا با أرعى بتك وأفرح بي جديدها.. وريدن يابا سامي والدموع شهيدة... ما تحرم قلوب قصتهم قصيدة.. وقصة حبهم يا أخي في الغرام فريدة.. عليك الله ما تقول ليهو لا... ٭٭٭ يابا ما تشك فوقو وتدور الشورة.. بتك يابا بيهو سعادتها وسرورها.. ما تحرم فؤادها وما تجرح شعورها.. والخطاب لو بالغوا زادوا في مهورها.. عليك الله ما تقول ليهو لا
09-21-2022, 01:00 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4973
محمد عبد الله الحسين اخى الغالى تحيه طيبه والله لو فى زول متفرغ ممكن يعمل مش بحث ممكن يعمل بحور من البحوث والفناء السودان لم يترك شارده ولا ورداه الاكتب عنها واهديك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مصطفى نور
محمد عبد الله الحسين
فيس بوك
تويتر
انستقرام
يوتيوب
بنتيريست