أسئلة للإخوة الجمهوريين ، دالي

Quote: يا ابو حسين * الجانب ال بيهم الناس فيك ـ هو جانب معاملتك ، ما عبادتك . * عبادتك دا شيء بيخصك انت ـ تعبد أو ما تعبد على كيفك ، دا شيء انت حُر فيهو ، ما مفروض زول يسألك عنو . * معاملتك هي ال بتهم الناس فيك . * ومافي زول بيكون أخلاقو كريمة ومعاملتو كريمة إلا ويكون متصل بالله ـ بصورة من الصور . * الصِلة بالله ـ نتيجتها الأخلاق الحَسَنة والمعاملة الحَسَنة للخلق . * أي زول ما عندو أخلاق ، وما عندو معاملة مع الناس ـ اعرف انو دا بعيد من الله ـ حتى وإن شفتو صائم وساجد وقائم الليل والنهار ـ هو بعيد عن الله وما بيعرف الله . * الأخلاق الكريمة والمعاملة الحَسَنة ـ هي المحَك في دينك وفي علاقتك بالله . ** * والفردية في العبادة ـ إذا عايز تتأكد منها ، راجع القرءان ـ ح تلقى آيات كتيرة بتتكلم عن الفردية . * الناس بيلاقوا الله ـ أفراد . * دي ـ حقيقة ـ أي زول مفروض يعرفها .