|
|
|
 Re: طريقة النعي التقليدية بسودانيزاولاين (Re: ABUHUSSEIN)
|
هلا أبو حسين،
وشكراً على مرورك الأنيق.
بكري أكتر زول عندو معرفة بطريقة البحث في المنبر وهو متابع جيد،
يا أخي، لمان شفت أعمال الراحل الباقر بالفيسبوك حسيت انو منبرنا دا متأخر جداً في رد الجميل للأعضاء.
بعدين بكري لازم يلقى ليهو طريقة ساهلة لانزال الصور بربط المنبر بموقع مستضيف للصور
| |
 
|
|
|
|
|
|
|
|
Re: طريقة النعي التقليدية بسودانيزاولاين (Re: أبوبكر عباس)
|
اولا ربنا يحسن للباقر و يتقبل القبول الحسن
الباقر رجل و رجل مبادئ و رحيله مبكر جدا والله.. إنا لله و إنا إليه راجعون
هذا هو المفترض يكون و يمكن كتأبين للراحلين العظماء الذين أعطوا الكثير لهذا المنبر.
أنا اعتقد إن منبر ابو بكر اوسع منبر اكثر إنتشارا من صفحات الفيس بوك و الواتساب لان تلك تعتمد على الأصدقاء بينما منبر بكري مفتوح للجميع.
ما ابعد الناس عنه صعوبة إستعماله من تنزيل صور و تلوين و إستعمال موجي و تسيجيلات و هكذا.
لا ادري إن كان ذلك ممكنا فنيا و لكن بصراحة لا مناص منه إن كان لهذا المنبر إستعادة ماضيه العريق
| |
|
|
|
|
|
|
|
|
|
Re: طريقة النعي التقليدية بسودانيزاولاين (Re: Omer Abdalla Omer)
|
سلام بكور ولضيوفك الكرام التحية و التقدير
انت يا زول غير بكري الشايل اسمه ما عندك شغلك ...بهظر معاك
يا زول المنبر دا عمل جماعي و الما بعمله بكري اعمله انت يا بكري و د عباس ...يعني بدل بوستك الضارب دا لو عملت و جمعت فيه اعمال راحلنا الباقر فيه مش احسن ما كل مرة بكري عمل و بكري ما عمل
اما بالنسبة لرفع الصور كان عندنا الخاصية في المنبر لكن جابت لي مشاكل و تحقيقات مع ناس اف بي اي
| |
|
|
|
|
|
|
|
|
Re: طريقة النعي التقليدية بسودانيزاولاين (Re: ABUHUSSEIN)
|
هنالك فرق بين النعي والعزاء والتأبين.
ما يقوم به بكري وبقية الاعضاء يجمع بين النعي والعزاء الاسفيري،
وأيضا الممارسة الدينية في الترحم على المتوفي في حياته الثانية التي تبدأ بأسئلة القبر.
أما التأبين فهو شأن آخر.
وحتى في التأبين تُقرأ أحيانا الفاتحة على روح المؤبّن.
فهنالك تشابك بين الديني والحياتي.
| |
|
|
|
|
|
|
|
|
|
Re: طريقة النعي التقليدية بسودانيزاولاين (Re: osama elkhawad)
|
يا بكري،
أولاً:
لمان يتوفى بوردابي ويقوم زميل بإنزال نعي، أنت لا تكتفي بهذا النعي وتقوم
تحت اسم الحساب سودانيزاونلاين بعمل بوست حول الشخصية، وتعلق البوست في صدر المنبر ويصبح بوست رسمي مقروء،
يعني مكنة عمل جماعي هنا ما بتقسم معاي في ردك دا.
ثانياً:
لاحظت سهولة تجميعك للمواد حول البورداب المرشحين لشغل وظيفة عامة او يكونوا مسار حديث اجتماعي أو سياسي،
يعني توجيهي البوست لك ما عدم شغلة مني ساكت والمفروض تشكرني على بادرة التطوير دي بدل هذا الرد الجاف.
ثالثاً؛ بس خلاص كدا
| |
|
|
|
|
|
|
|
|
|
Re: طريقة النعي التقليدية بسودانيزاولاين (Re: أبوبكر عباس)
|
سلام عليكم
ملاحظ انو بخلاف بوست النعى و العزاءالرسمى فى المنبر معارف الفقيد احيانا بينزلو برضو بوستات نعى برضو وافضل شىء ديل هم المفروض يكون بوستاتهم للتابين وذكر الماثر وتعريف بانجازات الفقيد واسهامتو العامه او المهنيه .
لانو بصراحه ماممكن احياناتلقى اربعه او تلاته بوستات نعى وعزاء لنفس الفقيد -زى الحله فىها كم صيوان لمرحوم واحد تمرق من وتخش هنا - لذلك افضل انو المعارف هم من يبادرو بتابين الفقيد حتى يكون تقليد فى المنير.
الفقيد الباقر متابع لصغحتو فى الفيس من فترة لكن نشاطو فيها وقف فترة اعتقد
دا تقديم سيرة الفقيد ونعى واحد من معارفو
Quote:
Biography
Elbagir Osman, is a visual artist who moved recently to live in Calgary after living in Ottawa since 1996 when he came to Canada as a refugee.
Since his arrival to Canada, Elbagir has been an active member of the visual art movement, he joined some of the most active art organizations in Ottawa such as SAW
gallery, EBA artists group, MASC organization of the art in education and CNCAC for immigrant artists.
Elbagir also taught art at the Ottawa school of art and at community centers.
Elbagir's paintings were exhibited in many countries, he is a winner of many prizes for art and design. His works are acquired by many collectors and institutes around the world.
He has also written about art, art education, cultural rights, and cultural policies.
Elbagir was born and studied art in Sudan, he studied painting in The College of Fine Art, (Khartoum, Sudan) and earned a graduate degree in Scenic Design at the Academy of Arts (Cairo, Egypt)
اللهم أغفر له وأرحمه ووسع نزله وأغلسله بالماء والثلج والبر .. يا رب العالمين.
ولا حول ولا قوة إلا بالله.
|
-------
عشان يكون بوستك ذاتو تابين للفقيد (as sample)
| |
|
|
|
|
|
|
|
|
|
Re: طريقة النعي التقليدية بسودانيزاولاين (Re: Asim Ali)
|
عشان نساعد بكرينا .. كل عضو/عضوة يكتب جزء من سيرته الذاتية في الببروفايل بتاعه أول ما يرحل عشان الناس ما تتعب في تقفي سيرته
بكري بحاول يسرع رفع بوست النعي لأنه ده المهم اولا فعلا
لو تأخر في رفع بوست نعي ، البعض هنا يقعدوا يكوركوا دون معرفة السبب
| |
|
|
|
|
|
|
|
|
|
Re: طريقة النعي التقليدية بسودانيزاولاين (Re: حيدر حسن ميرغني)
|
| Quote: الكوبي وبيست للآيات والنعي المكرر من المتداخلين، |
اهلا بالمستنير
هنالك علاقة وثيقة بين الاجتماعي وبين المنصات الجديدة الرقمية وهي اختراع بالغ الضخامة انتج لنا واقعا آخر له تسميات كثيرة اشهرها الواقع الافتراضي او الاسفيري .
فلا يمكنك ان تقفز فوق الجانب الاجتماعي أي مسألتي النعي والعزاء، وهنالك فتاوٍ مشهورة تجيز العزاء في الاسافير.
فما تسمّيه باستهجان،
"نسخا ولصقا " للآيات هو الطريقة الدينية المرتبطة بطريقة العزاء.
ما تدعو إليه هو "التأبين" ، وتقريبا في كل الثقافات يتم التعامل مع الموت كالآتي:
نعي ثم عزاء وبعد ذلك التأبين.
وبعد العزاء أو قبله تتم إجراءات تجهيز الميت ودفنه بحسب الدين او الثقافة التي ينتمي اليها.
من هنا نلاحظ ان الجانب الاجتماعي ينعكس بشكل كربوني أو مع بعض التغيير على الواقع الافتراضي .
طبعا لو انجررنا وراء اقتراحك ،
فسيضيع الحديث عن إنجازات الراحل ، وسط الكم الهائل من عبارات العزاء والمواساة.
فهو اقتراح غير عملي إطلاقاً.
يا خي احيانا تكون هنالك قصيدة رثاء لراحل ما،
فتجد عبارات الترحم والعزاء انهالت على القصيدة بدلا من الحديث عنها.
| |
|
|
|
|
|
|
|
|
|
Re: طريقة النعي التقليدية بسودانيزاولاين (Re: أبوبكر عباس)
|
| Quote: بعمل بوست حول الشخصية |
سلام حبيبنا بكور ود عباس و لضيوفك الكرام و التحية
يا حبيب الظاهر عليك انك ما قاعد تقرآ بوست النعي بتاعي كويس ...اخوك بضع كل معلومات اقصد لينكات للذي يرحل عنا في بوست النعي او عنوان مكتبته اذا كان عندو مكتبة.....
| Quote: سهولة تجميعك للمواد حول البورداب ا |
الحاجة دي ساهلة و اي زميل ممكن يعملها بالذهاب لابحث التي في صدر المنبر
| |
|
|
|
|
|
|
| |
أبوبكر عباس
ABUHUSSEIN
Omer Abdalla Omer
بكرى ابوبكر
osama elkhawad
Asim Ali
حيدر حسن ميرغني
فيس بوك
تويتر
انستقرام
يوتيوب
بنتيريست