|
Re: كتابات في زمن النكبة (Re: Abdalla Gaafar)
|
يالله من هادي النهارات المبرقعة بالحزن يا شعب من هادي الصباحات الملوثة بالغبن فترت خيول أحلامنا من شيل الغنا المليان بكا وسالت دموع أماتنا فوق خد البلاد الشالتك درقة وسيوف تكلت على مسدار غناك ضهرا ومشت للضو مجرتقة بي أناشيد الشباب الشالو صوتك غنية لا تعبت خطاهم من مكاتلة العساكر في الشوارع الما بتخون حلم الغلابا الواقفة ما بين الرصاص في الراس ومابين الحيوش الما بتفرق بين نياشين الرجولة وسقطة الكاكي المبرقع بي نزيف شهدانا في حرب الهتاف والطلقة ...... يا صوت الوليدات المبلل بي عشق نيلك سلام يا أريج نمّ البنيات المعطر بي رحيق عشقك سلام يا حزن أمات قناديل السما الضوت سلام ويا وطن رسمت حدود حلمو المتاريس والقبور الرحبة يا مليون سلام ....... لملم جراح العزة واكتب بي نزيف الدم علي صحف التوارايخ عن حكايتك من نضال المرقة لي الشمس البتشرق بكرة في وكت الخلاص عن حكايات العساكر الضالة والصدر الموسم بالرصاص عن سقوط الأرزقية الساجدة قدام الأرازل عن ولاد الهرمة أشباه الرجال الراقدة في حضن العساكر وعن داردر جاتنا من تالا البخونك والسفالة والعساكر الراكدة في عفن الخيانات والعمالة ..... يا صباحات النزيف الغسّلت قلب الشوارع بالهتاف يانهارات الأماني الواقفة فوق حدب الشموس الجاية من خلف المتاريس والدموع يا ضيا الشهدا البيبرق في ضلام ليل المظاليم ضي شموع يا دموع اماتنا تنضم سبحة الحلم البيطلع من رحيل ضحك الوليدات للقبور الرحبة يا مليون سلام يا بلد مليون سلام يا وطن مليون يا حزن مليون سلام ياجراح مليون سلام يا شمسنا الشارقة بكرة مع الصباح مليون سلام
عبد الله جعفر 21 نوفمبر
|
|
|
|
|
|
|
العنوان |
الكاتب |
Date |
كتابات في زمن النكبة | Abdalla Gaafar | 11-16-21, 04:44 PM |
Re: كتابات في زمن النكبة | Abdalla Gaafar | 11-16-21, 04:52 PM |
Re: كتابات في زمن النكبة | Abdalla Gaafar | 11-19-21, 06:10 PM |
Re: كتابات في زمن النكبة | Abdalla Gaafar | 11-19-21, 06:21 PM |
Re: كتابات في زمن النكبة | Abdalla Gaafar | 11-19-21, 07:13 PM |
Re: كتابات في زمن النكبة | Abdalla Gaafar | 11-19-21, 07:25 PM |
Re: كتابات في زمن النكبة | Abdalla Gaafar | 11-21-21, 08:34 AM |
Re: كتابات في زمن النكبة | Abdalla Gaafar | 11-21-21, 04:47 PM |
Re: كتابات في زمن النكبة | Abdalla Gaafar | 11-23-21, 06:57 AM |
Re: كتابات في زمن النكبة | Abdalla Gaafar | 12-02-21, 12:25 PM |
Re: كتابات في زمن النكبة | Abdalla Gaafar | 03-13-22, 02:37 PM |
Re: كتابات في زمن النكبة | Abdalla Gaafar | 03-13-22, 02:39 PM |
Re: كتابات في زمن النكبة | Abdalla Gaafar | 03-13-22, 02:42 PM |
Re: كتابات في زمن النكبة | Abdalla Gaafar | 03-13-22, 02:44 PM |
Re: كتابات في زمن النكبة | Abdalla Gaafar | 03-16-22, 05:47 PM |
Re: كتابات في زمن النكبة | Abdalla Gaafar | 03-19-22, 05:12 PM |
Re: كتابات في زمن النكبة | Abdalla Gaafar | 03-30-22, 02:09 PM |
Re: كتابات في زمن النكبة | Abdalla Gaafar | 03-30-22, 02:18 PM |
Re: كتابات في زمن النكبة | Abdalla Gaafar | 04-02-22, 09:21 AM |
Re: كتابات في زمن النكبة | Abdalla Gaafar | 04-09-22, 02:22 PM |
|
|
|