داير لي ملحن

مرحبا Guest
اخر زيارك لك: 03-28-2024, 08:47 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2020-2023م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-27-2021, 07:04 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
داير لي ملحن

    06:04 PM July, 27 2021

    سودانيز اون لاين
    أبوذر بابكر-
    مكتبتى
    رابط مختصر



    عوافي وسلام

    معروف طبعا انه ما كل الشعر ممكن يتلحن ويتموسق ويبقى أغنية

    خصوصا الشعر المكتوب ب العامية الدارجة

    السبب هو طريقة النظم نفسها وبنية القصيدة او
    ال Structure
    ودي هي تقريبا الأشياء البتتحكم في قابلية الشعر للتحلين

    في نصوص بتكون اساسا اتعملت على اساس انها اغنية، او ما يسمى ب الشعر الغنائي
    ودا لون او ضرب معروف ومفهوم طبعا

    بعض القصائد الأساسا ما اتكتبت عشان تبقى اغنية، ربما مع بعض التعديل تبقى صالحة وقابلة للتلحين

    عايز اشوف أراء القراء هنا، وخصوصا الزملاء الموسيقيين في النص المنشور دا

    وهل ممكن يتلحن مثلا او انه بحكم بنيته وطريقة نظمه، ما بنفع






                  

07-27-2021, 07:07 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    يا جايه من عمق الألق
    مرسومه بى لون الصفا
    ومسقيه من روح العبق

    جايه وحِداك الأغنيات
    شايله فى إيد الخريف
    وفى إيدك التانية الوفا
    كل الدروب
    مرقت تبارك طلتك
    تتمعنك
    مندهشه كيف
    إنه الفراش إنضم ليك
    سمّاك حديقه
    وفيك سرح
    كيف الكلام
    حاضن حروفه ومشتهيك
    سواك حقيقه
    عشان يحاول يكتبك
    عنوان فرح

    وكيف الشمس
    نست الغروب
    لبست ألق جيتك طِرح
    بدل الشفق
    يا جايه من عمق الألق

    جايه ومعاك الأمسيات
    نديانه بى معنى الحضور
    نتقاسم الأيام هدايا
    شويه ريد
    وشويه عيد
    شويه زهرات للفريق
    وشويه غنوات للصبايا
    وكل ألوان البريق
    تشعل تفاصيل الحكايه
    تعلن صباحك
    ونشوة الريد الدفق
    يا جايه من عمق الألق

    يا جايه زي لحنا رزين
    من جوه من عصب الوتر
    موسق خطاويك بالحنين
    يا طلتك
    ضحكة نجيمة بعيدة عاشقه
    وغمزه في وجنة قمر
    يا طلتك
    إشراقة في الزمن الضنين
    شبّال مزخرف بالنجوم
    موسم سنا
    وإيقاع مدوزن في نسق
    يا جايه من عمق الألق

    يا مارقه من ضوء القصيد
    وطالعه من زهو النشيد
    نشوان مقام الريده
    فى زحمة غناي
    طربان مبلل بي شذاكِ
    ودمعة الفرح العنيد
    روّضتي حزن الليل معاي
    جيتك وطن
    خليت تباريحي و أساي
    ومعاكي خلاني الشجن
    جيتك وطن
    فتّ المواجع والرهق
    يا جايه من عمق الألق
                  

07-27-2021, 07:10 PM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2664

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    ابوذر يا حبيب
    من العايدين وربنا يحقق الاماني.

    كلامك السمح ده ملحن من امو وما محتاج تلحين كتير.
    حاجه زي دي ما ح تتعب اي ملحن.
    وننتظر راي اصحاب المزيكا.
                  

07-27-2021, 07:39 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: الشيخ سيد أحمد)

    تتبارك ايامك يا الشيخ

    الشاعر ما بشوف عوجة قصيدتو

    علي وزن السيد الجمل الما بشوف عوجة رقبتو

    ههههه

    انا مقتنع تماما والله انه ما كل القصائد ممكن تتلحن وتتغني
    علي الاقل في شكلها الطلعت بيهو اصلا
    اللهم الا يحصل فيها تعديل

    الشي دا بعرفوه ناس المزيكا والفنانين

    بتكون محتاجة restructuring من اول وجديد

    كدي نشوف رأي الميوزيشنز

    وين أحمد ياسين ؟
                  

07-28-2021, 04:36 AM

طارق محمد الطيب
<aطارق محمد الطيب
تاريخ التسجيل: 05-18-2020
مجموع المشاركات: 190

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    سلام استاذ ابوذر
    انا ماملحن لكن خليني انظر شويه في هذا النص الجميل
    تصوري كالآتي :
    الايقاع حيكون محصور بين السامبا وال١٠ بلدي المقعّد وربما الريقي ..
    النص يقبل القلبه بمعني لحن داخل لحن ( ايضا كالحان احمد المصطفي )
    ماضروري تتلحن كلها ويمكن اختيار كوبليهات محدده
    اما لو عايز لحن جبجبه فبتحتاج لحن كلامي بمعنى كل النص بلحن واحد ودا اعتقد اقل درجه جماليه
    تحياتي
                  

07-28-2021, 11:25 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: طارق محمد الطيب)

    تحياتي يا طارق

    اعتقد زيك تماما، انه رؤية الملحن وتذوقه وفهمه للنص هو البحدد الإيقاع المطلوب مثلا
    أو نوعية البناء اللحين والسلم او المقام المناسب

    عبد الرحمن الريح المبدع الكبير في الشعر الغنائي كان بكتب النص وهو ملحن سلفا
    ومعظم او كل اغنياته بتكون جاهزة نصا ولحنا

    أحييك وليك كل التقدير
                  

08-03-2021, 06:59 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    وكل ألوان البريق
    تشعل تفاصيل الحكايه
    تعلن صباحك
    ونشوة الريد الدفق
    يا جايه من عمق الألق
                  

08-18-2021, 09:02 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    مندهشه كيف
    إنه الفراش إنضم ليك
    سمّاك حديقه
    وفيك سرح
    كيف الكلام
    حاضن حروفه ومشتهيك
    سواك حقيقه
    عشان يحاول يكتبك
    عنوان فرح
                  

08-05-2021, 10:49 AM

علاء خيراوى
<aعلاء خيراوى
تاريخ التسجيل: 11-09-2017
مجموع المشاركات: 358

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    قصيدة جميلة شايلة جواها اللحن كما ذكر البعض
    تشكر على مشاركة الإبداع المريح ده
    وزى السمعت فيها صوت مصطفى سيد احمد

    تحياتى

    (عدل بواسطة علاء خيراوى on 08-05-2021, 10:52 AM)
    (عدل بواسطة علاء خيراوى on 08-05-2021, 10:54 AM)

                  

08-05-2021, 03:46 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: علاء خيراوى)

    مشكور يا علاء
    علي المشاركة
    وتجميلنا بي جيتك
                  

07-27-2021, 07:09 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    اول إشكال في النص

    هو انه طويل
                  

07-27-2021, 07:26 PM

Abureesh
<aAbureesh
تاريخ التسجيل: 09-22-2003
مجموع المشاركات: 30182

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    ماستر بيس.. كلمات بديعة ومعظمها ملحنة .. ما عارف كنت أقرأ أم أغنى. جــد
                  

07-27-2021, 07:42 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: Abureesh)

    لا لا والله

    كان كدي الشي دا فعلا سمح وكويس

    طالما عجب ابو الريش

    دي شهادة قيمة جدا والله يا ابو الريش

    انا عارف عجبك ما بالساهل ابدا

    والله فرحت عديل تصدق

    كان هسي مرقت
    سيغازلني الناس في الشوارع
    علي قول استاذنا بشرى الفاضل الله يطراهو بالسعادة والخير
                  

07-27-2021, 08:14 PM

Shinteer
<aShinteer
تاريخ التسجيل: 09-04-2002
مجموع المشاركات: 2525

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    "أبو زر"، الكلام ده أغنية أصلاً وملحّنة خِلقة. والله كلام يدغدغ. مع أني لا أحب كلمة "الألق" دي؛ لكن حلو الكلام غطى عليها.

    أتاريك رومانسي!!!! غايتو لو أنا عندي ملكة شعرية، حأغيِّر كلمة الألق دي بكلمة تانية، إن شاء الله عَبَق أو أي كلمة تتوافق مع السجعة.

    وفي الختام، هذه أغنية ملحّنة براها. رايعة والله.
                  

07-27-2021, 10:37 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 5507

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: Shinteer)

    البناء اللحني اكثر ما يكون عند عثمان حسين.. و..وردي ..الكاشف ومصطفى سيداحمد
    قصيدتك دي عايزة توظيف السبعة درجات الموسيقية للمقام الكبير "الدياتون" ياها عمايل
    عبدالقادر سالم وابراهيم موسى ابا..
    لكن في السجانة عند عثمان حسين بقى ( بنتاتون ) .يعني الخماسي الصغير
    لكن موسيقانا دي زي ماقال محمد الامين'-
    فيها من الثراء والسعة والجماليات وصعب جدا فهمها ووصفها على قاعدة السلم الخماسي
    هي اكبر من واشمل واجمل من الوصف دا.


                  

07-28-2021, 04:14 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: Ahmed Yassin)

    تعرف يا احمد انا لو قالو لي اختار ليها ملحن

    طوالي بغمض واقول

    مجاهد عمر

    الزول دا فنان حقيقي والله بالجد
    مليان إبداع وموسيقى وخلق creation فني عجيب
                  

07-28-2021, 04:19 AM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 5507

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: Ahmed Yassin)

    النص جميل.. قراءة
    لكن تلحين نص مثل هذا النص عايز سمكرة تقيلة( الغاء و تبديل واضافة)
    لصعوبة بعض الكلمات كمثال بسيط( يتمعنك ) دي انت تقريبا جمعت فيها
    الحروف التقيلة زي العين والنون والكاف.. والياء ( المتصلة ) وليست( المنادى )
    برضو زي ( يحاول يكتبك ) دي عايزة على السقيد.
    القصيدة تقريبا تصنيفها ( شبه الفصيح )
                  

07-28-2021, 04:27 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: Ahmed Yassin)

    كلامك صحيح فعلا

    بدعم كلامي تماما
    النصوص الغنائية عايزه قالب وبنية خاصة جدا
    يعني زي النص دا لازم "يتبربح" بربحة شديدة جدا

    البربحة دي ناس البنادر ما اظن بعرفو معناها
    هههههههه

    كان جا اخونا شنتير بشرحها ليكم

    غير كدا كمان النص طويل جدا
    مفروض عشان يتحول لنص غنائي ما يزيد عن تلاتة مقاطع
    أو كوبليهات بلغة ناس الغناء
                  

07-28-2021, 04:11 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: Shinteer)

    ازيك يا شنتير
    ليك مدة ما بنت زي ماةقال محمد أحمد عوض

    لا والله انا لا رومانسي لا روثمان

    تتذكر الروثمان
    دعايتو لي هسه ياها ذاتا - اجود ما يمكن شراؤه من تبغ

    المشكلة نحن ناس ود عماري ساااااي
    هههههههه

    ياخ كتر خيرك علي الإعجاب

    لكين الالق دي غايتو الا نخت بدلها "النبق"

    هههههههه

    بس المشكلة انه الجايه دي
    فعلا والله جات من تالا الألق

    انت شان ما شفتها ساي

    ههههههههه
                  

07-28-2021, 08:38 AM

عاصم الطيب قرشى

تاريخ التسجيل: 12-12-2005
مجموع المشاركات: 714

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    سلام يا أباذر و تحيات للأخوة الضيوف.
    أولا و قبل كل شيء، هذه القصيدة جميلة شكلا و مضمونا.
    ثانيا، الإيقاع الداخلي لا تشوبه شائبة سوى تعلل الملحن بما ليس فيه.
    ثالثا، من وجهة نظري كموسيقي أؤكد ما قاله الإخوان قبلي أن هذا العمل قابل للتلحين بدون صعاب.
    أخيرا، إذا اتفقنا على حسم علة الطول إما بانتخاب ابيات معينة لتلحينها أو تلحين الأغنية بإيقاعين مختلفين،
    ثقيل و خفيف مثلا، تقسيم القصيدة لأغنيتين:
    الأغنية الأولى أو الجزء الأول على سبيل المثال:-
    Quote:
    يا جايه من عمق الألق
    مرسومه بى لون الصفا
    ومسقيه من روح العبق

    جايه وحِداك الأغنيات
    شايله فى إيد الخريف
    وفى إيدك التانية الوفا
    كل الدروب
    مرقت تبارك طلتك
    تتمعنك
    مندهشه كيف
    إنه الفراش إنضم ليك
    سمّاك حديقه
    وفيك سرح
    كيف الكلام
    حاضن حروفه ومشتهيك
    سواك حقيقه
    عشان يحاول يكتبك
    عنوان فرح

    وكيف الشمس
    نست الغروب
    لبست ألق جيتك طِرح
    بدل الشفق
    يا جايه من عمق الألق




    الأغنية الثانية أو الجزء الثاني بالايقاع السريع.
    Quote:
    جايه ومعاك الأمسيات
    نديانه بى معنى الحضور
    نتقاسم الأيام هدايا
    شويه ريد
    وشويه عيد
    شويه زهرات للفريق
    وشويه غنوات للصبايا
    وكل ألوان البريق
    تشعل تفاصيل الحكايه
    تعلن صباحك
    ونشوة الريد الدفق
    يا جايه من عمق الألق

    يا جايه زي لحنا رزين
    من جوه من عصب الوتر
    موسق خطاويك بالحنين
    يا طلتك
    ضحكة نجيمة بعيدة عاشقه
    وغمزه في وجنة قمر
    يا طلتك
    إشراقة في الزمن الضنين
    شبّال مزخرف بالنجوم
    موسم سنا
    وإيقاع مدوزن في نسق
    يا جايه من عمق الألق

    يا مارقه من ضوء القصيد
    وطالعه من زهو النشيد
    نشوان مقام الريده
    فى زحمة غناي
    طربان مبلل بي شذاكِ
    ودمعة الفرح العنيد
    روّضتي حزن الليل معاي
    جيتك وطن
    خليت تباريحي و أساي
    ومعاكي خلاني الشجن
    جيتك وطن
    فتّ المواجع والرهق
    يا جايه من عمق الألق


    ح ارسل ليك نماذج صوتية في الخاص لتوضيح الرؤية عمليا.
                  

07-28-2021, 09:36 AM

عاصم الطيب قرشى

تاريخ التسجيل: 12-12-2005
مجموع المشاركات: 714

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: عاصم الطيب قرشى)

    بعد قراءة النص و إعادة قراءته عادة ما يبدأ الملحن بتصورات كثيرة
    تبدأ بالانطباع الاول الذي يشمل الفكرة اللحنية الأولى و الايقاع المستوحى
    من القصيدة و السلم و الجمل اللحنية الممكنة. هذا كله يصب من ناحية تفكير
    منطقي في خانة العصف الذهني Brain storm.
    تأتي المرحلة الثانية التي تترتب فيها الافكار المنطقية فيظهر القالب اللحني
    بشكل منطقي و مقبول للجمهور The form.
    قد لا يقنع المؤلف المبدع بهذا الشكل فيبدأ بإعادة قولبة الافكار الموسيقية و
    محاولة خلق موازنات موسيقية لموازاة الافكار الشعرية بالنسيج اللحني و هذه
    المرحلة هي مرجلة إعادة الترتيب و إصلاح الأخطاء Reform.
    أخيرا، يصل اللحن الى مستوى اكثر قبولا نسبيا يؤكد منطقيته و يكسب الملحن
    درجة من الثقة تجعله يقبل على عرضه أو استعراضه مضيفا له تفاصيله الإبداعية
    في التنفيذ الآلي و الصوتي و هذه هي مرحلة العرض الموسيقي المتقدمة Performance.
    الخلاصة Storm, form, reform and perform.
                  

07-28-2021, 03:27 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: عاصم الطيب قرشى)

    فعلا يا عاصم دا هو تكنيك وطريقة التلحين الحقيقية والعلمية كمان

    سمعت كتير من المطربين والملحنين بقولو نفس الكلام دا او قريب منه

    الله يسعدك ويملاك ويزيدك إبداع اكتر كمان
                  

07-28-2021, 09:52 AM

بدر الدين الأمير
<aبدر الدين الأمير
تاريخ التسجيل: 09-28-2005
مجموع المشاركات: 22928

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: عاصم الطيب قرشى)

    اخونا ابوذر وضيوفه
    تحياتى
    ابدا من حيث انتهى صديقنا
    وحبيبنا الموسيقى عاصم الطيب
    هناك شعراء بكتبو القصيدة وهى
    تحمل لحنها في داخلها منهم على
    سبيل المثال شاعرنا الكبير القدال
    له الرحمة والمغفرة مصطفى سيد احمد
    كان بقول ان كل الاغنيات التى غناها للقدال
    لم يجتهد كثيرا في البحث عن لحن لها لانه
    بلقاهو شبه ملحن بالنسبة لمقترح اخونا عاصم
    لتقسيم النص لاغنيتين او ايقاعين لنفس النص
    في تقديرى مقترح في محله هل تصدق ان اغنية
    ارحل للشاعر التجانى سعيد التى ابداعها وردى هى
    عبارة عن نصين لنفس الشاعر وكل نص له حكاية
    غرامية ومختلفة بس وردى قدر يسمكر النصين في
    اغنية واحدة وبجيكم لقصة النصين ومصطفى عمل
    نفس الشىء لاحد اغنياته المطولات للشاعر عاطف خيرى
    الايقاعات في مثل هذه المطولات بكون هو اللاعب الاساسى
    في احد اغنيات وردى الاخيرة كان ايقاعها مردوم ووردى لم يسبق له ان
    غنى في ايقاع المردوم بس كان اقتراح من صديق العمر عازف
    الايقاع عبدالمنعم الفكى حين قال لوردى وهو ووردى ببرفو تلك
    الاغنية منعم قال لوردى هذه الاغنية ايقاعها مردوم وردى قال لمنعم
    انا ماحصلت غنيت مردوم منعم قال لوردى ياستاذ نغنيها مردوم وقد كان
    وردى اعجبه ان يغنى على ايقاع المردوم
                  

07-28-2021, 03:35 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: بدر الدين الأمير)

    مساء الخير يا أمير
    بدر الضياء

    طبعا كلما كان الايقاع والموسيقى الداخلية مضبوطين وموزونين
    كلما اوحى النص بسهولة تلحينه وساعد الملحن في التفنن وابتكار واستخراج أجمل ما في النص

    نصوص وأشعار انبياء الشعر ناس القدال وازهري وعاطف خبري، اصلا بتكون فياضة ومترعة بموسيقاها وجرسها وايقاعها العجيب
    عشان كدا بتكون مموسقة منها وفيها
    يضاف ليها بعد داك تجليات الملحن وابداعاته بالجمل الموسيقية والسلم والتنويع المناسب

    تسلم يا مضيء
                  

07-28-2021, 03:25 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: عاصم الطيب قرشى)

    يتبارك عمرك يا عاصم
    وتسعد أيامك

    قول آمين

    ما حصل ابدا والله طيلة معاقرتنا محاولات الكتابة الشعرية، انه فكرت انه اي من النصوص يمكن يتلخن ويتحول لأغنية
    لقناعتي الكاملة انه الشعر الغنائي ضرب مختلف تماما وليه التكنيك الخاص ببه

    اتذكر مرة واحدة بس اخونا الفنان ضياء الدين ميرغني، لحن واحد من النصوص وغناه فعلا
    النص كان منشور هنا برضو قبل سنين طويلة

    مدي ضل رمشك مرافي

    واظنه موجود في نواحي اليوتيوب

    ياخ شكرا علي التشجيع وشد الازر

    ومنتظر طبعا تجلياتك البنعرفعا
                  

07-28-2021, 12:02 PM

Hani Arabi Mohamed
<aHani Arabi Mohamed
تاريخ التسجيل: 06-25-2005
مجموع المشاركات: 3515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    ارسل رقم الواتساب في الخاص
                  

07-28-2021, 12:20 PM

ياسر السر
<aياسر السر
تاريخ التسجيل: 08-06-2010
مجموع المشاركات: 3204

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: Hani Arabi Mohamed)

    اولا يا يفتى واستاذنا الموسيقار الكبير عاصم الطيب موجود ولكن النص جميل ماف كلام يا استاذ اباذر وبرضو حا اكتب ليك تلفون اخ عزيز وملحن جميل اسمه بلال عبد الله حاول برضو اتواصل معاه وقد تفيدو بعض هو بالحانه وانت بكلماتك الجميلة ..
    وموفق يا استاذ .

    ( 0918165012) هذا رقم الاستاذ بلال عبد الله

    تحياتي : ياسر العيلفون ....
                  

07-28-2021, 06:36 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: ياسر السر)

    تحياتي يا ياسر

    وشكرا كتير لحضورك الجميل دائما
    وبرضو الشكر علي رقم الهاتف، ودي فعلا هي أريحية وفيض الفنان

    تعرف يا ياسر
    القصد الأساسي والله ما كان السعي الجاد لتلحين النص
    بقدر ما هو التفاكر فنيا او موسيقيا وشعريا في قابلية وامكانية تلحين النص الشعري، كيف ما كان نوعه

    وبرضو معرفة اراء المختصين الموسيقيين مع بحث ونقاش أمور ومواضيع فنيه كتيرة بالتاكبد حتتفرغ وتطلع من الموضوع الأساسي

    وزي ما انت عارف طبعا، الغالب والمالوف هو اختيار الملحن او المغني للنص، مش اختيار الشاعر للملحن او المغني

    وليك الود والتحية
                  

07-29-2021, 05:50 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: Hani Arabi Mohamed)

    تحايا وسلام يا هاني

    من امس بحاول ارسل ليك في الماسنجر
    يبدو أنه خلل فني عندي

    ما عارفه من الجهاز او من التطبيق

    اخوك بليد في الحاجات الفنية دي
                  

07-29-2021, 06:16 AM

Abureesh
<aAbureesh
تاريخ التسجيل: 09-22-2003
مجموع المشاركات: 30182

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    Quote:
    تبدأ بالانطباع الاول الذي يشمل الفكرة اللحنية الأولى و الايقاع المستوحى
    من القصيدة و السلم و الجمل اللحنية الممكنة. هذا كله يصب من ناحية تفكير
    منطقي في خانة العصف الذهني Brain storm.
    تأتي المرحلة الثانية التي تترتب فيها الافكار المنطقية فيظهر القالب اللحني
    بشكل منطقي و مقبول للجمهور The form.
    قد لا يقنع المؤلف المبدع بهذا الشكل فيبدأ بإعادة قولبة الافكار الموسيقية و
    محاولة خلق موازنات موسيقية لموازاة الافكار الشعرية بالنسيج اللحني و هذه
    المرحلة هي مرجلة إعادة الترتيب و إصلاح الأخطاء Reform.
    أخيرا، يصل اللحن الى مستوى اكثر قبولا نسبيا يؤكد منطقيته و يكسب الملحن
    درجة من الثقة تجعله يقبل على عرضه أو استعراضه مضيفا له تفاصيله الإبداعية


    بالله عليك يا عاصم الطيب، بعد دا كله النتيجة هى كركبـة الصفايح اللى طرشت اضاننا وخربت الذوق الموسيقى للشعب السودانى؟
    طبعا لا أتحدث عن الموسيقيين السودانيين الكبار.
                  

07-29-2021, 06:36 AM

عاصم الطيب قرشى

تاريخ التسجيل: 12-12-2005
مجموع المشاركات: 714

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: Abureesh)

    سلام يا ابو الريش و تحايا عاطرة.
    طبعا الحال من بعضه في كل نواحي الحياة السودانية الممعنة في التقليدية.
    لكن السبب الأساسي في نظرتي المتواضعة هو غياب المنهج الفكري القابل للتطبيق.
    لذلك تجدني متضامنا و بقوة مع الأخ أبوذر في رؤيته المطروحة حول نقد العقل السوداني.
    غياب المنهج الفكري السوداني الان يتجلى في غياب الدستور كقانون عام اساسي في توحيد
    وجداننا و ضبط حركتنا و تنظيمها. ثم أثر غياب الاثنين معا، أعني الايديولوجيا السودانوية و الدستور
    في غياب الهوية و التنمية في كل النواحي البشرية سواءا كانت اجتماعية، سياسية، اقتصادية و ثقافية.

    دمتم للسودان

    احترامي
                  

07-29-2021, 12:04 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: عاصم الطيب قرشى)

    تحياتي يا عاصم

    بالطبع اتفق معك في غياب وعدم وجود وحضور منهج فكر سوداني حقيقي وأصيل

    وهذه نتيجة حتمية والسبب الأساسي فيهل في نظري هو غياب وعدم وجود هوية سودانية فعلية
    صدقني ما زلنا وحتى راهن اللحظة لا نعرف من نحن

    هذا هو المشكل الاعظم في ما نحن فيه
    وسيستمر كما هو طالما نحن لا نزال نتخبط في لجة هذا التيه
                  

07-29-2021, 07:34 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: Abureesh)

    تحياتي يا ابو الريش

    كل أنواع النتاج الموسيقي تدخل في بلب الإبداع الفني والانساني
    خصوصا كمان انواع وضروب الموسيقى الشعبية والفولكلوربة المختلفة والمتنوعة

    من أجمل الحاجات السمعتها واكيد زي كتير من الناس سمعوها، هي طريقة قرع القرع المجوف البكون موضوع في المويه في وعاء او إناء مسطح، عندنا اسمو الطشت
    وتحديدا طشت غسيل الملابس
    وتقرعه وتضرب عليه النساء في الماتم مع ترديد مناحات معينة

    دا قريب من ودا شي قريب من كركبة الصفايح الانت ذكرتها

    يا ريت تسمع كركبة الصفايح دي وانت بتسمع في اغاني الفلامنكو الإسباني

    يا سلاااام

    والله حتطرب حتى الثمالة يا ابو الريش
    وتغير رأيك في كركبة الصفايح
                  

07-29-2021, 04:01 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    ايه رايك يا عاصم في ابقاع اغنية مصطفى

    والله نحن مع الطيور

    اعتقد انه إيقاع ريقي مش كدا

    الإيقاع بس طبعا مش تفاصيل اللحن او البناء النغمي

                  

07-30-2021, 04:38 AM

Hamid Elsawi
<aHamid Elsawi
تاريخ التسجيل: 09-22-2005
مجموع المشاركات: 3450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    Quote: يا مارقه من ضوء القصيد
    وطالعه من زهو النشيد
    نشوان مقام الريده
    فى زحمة غناي
    طربان مبلل بي شذاكِ
    ودمعة الفرح العنيد
    روّضتي حزن الليل معاي
    جيتك وطن
    خليت تباريحي و أساي
    ومعاكي خلاني الشجن


    إبداع و كلام أعدت قرايتو كم مرة
    مبلل بي شذاك دي بالغت فيها ..... تصوير ما عادي
    بالتأكيد ح ارجع في عطلة نهاية الاسبوع
                  

07-30-2021, 08:21 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: Hamid Elsawi)

    تحياتي يا حامد
    ووقتك سعيد وين ما تكون

    كان بلل فياض والله حد الامتلاء بالطرب

    لما يبللك الشذى ويستعمرك الفرح

    أحييك ياخ واهديك كل العطر الفي التقدير

                  

07-30-2021, 04:51 AM

عاصم الطيب قرشى

تاريخ التسجيل: 12-12-2005
مجموع المشاركات: 714

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    انطباعي الأول لما قريتها اول مرة و غنيت مقدمتها على ايقاع الريقي.
                  

07-31-2021, 07:48 AM

عاصم الطيب قرشى

تاريخ التسجيل: 12-12-2005
مجموع المشاركات: 714

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: عاصم الطيب قرشى)

    صباح الحب

    حسب فهمي المحدود، المزيكا بإيقاعتها و ألحانها و ألوانها أحاسيس مشبعة بالحب، حتى لو عبرت
    عن ملاحم و حزن. استاذي الكوري مستر اوشان كان يردد لي بلغة عربية مكسرة "آسيمو، (يقصد عاصمو، عاصم) إنت مزيكا تاليمو لازم هبو أنا"، (عشان تتعلم موسيقى لازم تحبني). في الحقيقة الأستاذ درسني الموسيقى بالحب، لذلك سأحاول توصيل ما تعلمته منه بمنهج الحب من خلال هذا البوست. سأبذل جهدي في تعليم الموسيقى متضامنا مع الأخ زهير مجيبا على سؤال ما هي الموسيقى و كيف نصنع الحانا لأشعارنا؟
                  

07-31-2021, 08:15 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: عاصم الطيب قرشى)

    صباحك الق يا اسيمو

    بتوقيت الجمال

    اعتقد والله اعلم
    تقطيع تفعيلة كل بحر شعري، ليها علاقة وتأثير وتأثر باللحن ال حيكون مناسب معاها
    دا اجتهاد ساي طبعا مني

    لكن وبما انه اساس الشعر الأول والرئيسي هو الإيقاع
    فمن الممكن حصول وحدوث العلاقة التفاعلية دي

    الريقي فعلا جاي مع تفاعيل الأبيات

                  

07-31-2021, 10:06 AM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 5507

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    Quote: وكيف الشمس
    نست الغروب
    لبست ألق جيتك طِرح
    بدل الشفق
    يا جايه من عمق الألق

    الكوبليه دا ممكن يتماشى مع ايقاع الريقي او الرومبا اللي هو (النوبا) حقنا ..حق الذكر في حمدالنيل والمدائح
    على شرط لازم عاصم يجمل الشغل دا كله ويدخل بى تفانينو (الصفارة) البشرية

                  

07-31-2021, 01:13 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: Ahmed Yassin)

    إزيك يا احمد يسن يا فنان

    شفت البقت علي الشمس

    نست الغروب بالمره
    وانشدهت واندهشت زينا

    ووقفت تعاين معانا
                  

07-31-2021, 01:34 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 5507

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    عارف يا ابوذر
    كأنك عبيت ضوء الشمس في قزازة
    وأديت الضوء لون افول
                  

08-01-2021, 09:16 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: Ahmed Yassin)

    الضوء في زجاجة
    الزجاجة كأنها كوكب دري

    جاي من جوه الالق
    لما طل وانبثق

    كيفك يا ميوزيشن
                  

08-01-2021, 12:10 PM

محمد علي البصير
<aمحمد علي البصير
تاريخ التسجيل: 06-24-2011
مجموع المشاركات: 5367

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    والله الليلة البوست العجيب دا رجعني البورد بعد غيبة

    طبعاً بعد السلام على كل الناس وصاحب الدار ابوذر على وجه الخصوص


    طالما العالم عاصم الطيب قرشي بجلالة قدرو بقى ربان السفينة أهي دي تحكرا

    بس أنا جيتكم بشتاً كتر

    أنا شايف الكلام الجميل دا بناسبوا أيقاع ¾
    لانو الريقي أيقاع سريع بمتص جماليات النص الرائع دا

    لكن الـ ¾ أيقاع هادئ بمكن المتلقي من تمعن كل مفرادات النص وسماعها بروية

    دا مجرد راي قابل للنقد وعدم القبول
                  

08-01-2021, 03:25 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: محمد علي البصير)

    عودا حميدا وجميلا وسعيدة مستجاب با بصير

    فعلا والله ليك زمن طويل ما شفناك

    زي ما اتفقنا تقريبا او شبه اتفقنا
    انه بنية النص وتفعيلته وايقاعه الداخلي ممكن يؤثر نوعا ما في نوع الإيقاع المناسب لتلحينه

    واظن إيقاع الريقي البطئ يمكن هو انسب نوع

    رايك شنو مثلا في إيقاع اغنية "المدينة" حقت الهادي الجبل؟

    أو مثلا برضو إيقاع اغنية بوب مارلي
    Natty Dread

    ريقي يكون هادي

    موسيقارنا عاصم طبعا جملنا بحضوره واسهامه الما بيعلى عليه
    الله يزيده جمال وابداع وتفرد
                  

08-02-2021, 08:20 AM

محمد علي البصير
<aمحمد علي البصير
تاريخ التسجيل: 06-24-2011
مجموع المشاركات: 5367

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    Quote: عودا حميدا وجميلا وسعيدة مستجاب با بصير

    فعلا والله ليك زمن طويل ما شفناك

    زي ما اتفقنا تقريبا او شبه اتفقنا
    انه بنية النص وتفعيلته وايقاعه الداخلي ممكن يؤثر نوعا ما في نوع الإيقاع المناسب لتلحينه

    واظن إيقاع الريقي البطئ يمكن هو انسب نوع

    رايك شنو مثلا في إيقاع اغنية "المدينة" حقت الهادي الجبل؟

    أو مثلا برضو إيقاع اغنية بوب مارلي
    Natty Dread

    ريقي يكون هادي

    موسيقارنا عاصم طبعا جملنا بحضوره واسهامه الما بيعلى عليه
    الله يزيده جمال وابداع وتفرد


    تسلم حبيبنا ابوذر

    تعدد الأراء في هذا السجال الفني الرائع حتماً سيفضي للاتفاق على أيقاع مناسب يبرز جمال هذه القصيده ويخرجها في ثوب قشيب

    أيقاع أغنية المدينة بشقيه مناسب

    ليتنا نسمع رائ الأستاذة عاصم الطيب وأحمد يايسن في أيقاع ¾
                  

08-02-2021, 10:23 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: محمد علي البصير)

    كيفنك يا بصير

    اكيد طبعا التفاكر بولد حاجات سمحة
    زي ورش العمل البتولد وتخلق رؤى جميلة ومتنوعة

    إيقاع ال تلاتة من أربعة دا ياهو القريب من التم تم ؟
    أو هو التم تم نفسه
    برضو اظن المردوم التقيل او الهادي من نفس الميزان

    كدي نشوف حبايبنا الميوزيشنز عاصم وياسين
    يفتونا فيه

    شكرا ليك يا بصير

    وكل الود
                  

08-02-2021, 10:44 AM

محمد علي البصير
<aمحمد علي البصير
تاريخ التسجيل: 06-24-2011
مجموع المشاركات: 5367

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    Quote: إيقاع ال تلاتة من أربعة دا ياهو القريب من التم تم ؟
    أو هو التم تم نفسه


    لا ـ الـ ¾ مختلف عن التم تم

    أديك نماذج لاغاني أيقاعها¾ الحزن النبيل ـ التسجيل الأول لمصطفى سيد أحمد

    المستحيل لوردي ـ الكوبليه الأول والأخير

    الوداع (داوي ناري) زيدان


    وما زلنا في إنتظار أستاذتنا الإجلاء عاصم الطيب وأحمد يسن
                  

08-02-2021, 11:16 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: محمد علي البصير)

    لا خلاص كدا فرزتو تب ووقع لي

    دي معلومة سمحة جدا والله عشان الزول يعرفها

    لو ب اييييدي
    كنت طوعت الالحان

    هههههه

    شكرا يا بصير يا مبصر ب البصيرة والبصر
                  

08-03-2021, 12:21 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 5507

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    محمد علي البصير بى فطنتو وتفانينو حيفتح لينا باب الداخل فيهو مصروع بالوله الايقاعي الجوانا
    صحيح الشعب السوداني دا اكتر شعب عنده ايقاعات .. واي ايقاع بتفرع منه عدد من الايقاعات.
    اكثرها مرونة هو (التم تم) وتتخيلوا اكثرها تعقيدا هو ايقاع (الدلوكة) البغنن بيهو البنات في بيوت الاعراس
    الريقي: عارفين علي ابراهيم اللحو رص ليك اغنية (دمعى اللِتشتت .. دمعى الغلب اللقاط) بايقاع الرقي وخلاها راقصة
    البصير قال 4/3 تمام ... دا ميزان بتم التدوين ليهو كضرب ايقاعي حتى للتم تم 4/3 و 8/6
    وبرضو ايقاع الفالس في محيط الابهة الخرطومية وجمال الخرطوم وناس الخرطوم غني بيهو
    حسن عطية (الحرموني منك) وكمان احمد المصطفى بدأ اغنية (ظالمني وطول عمري ما ظلمتك يوم) بإيقاع فالس صريح
    لكن ادخل في نفس الاغنية ايقاع العشرة بلدي الغني بيهو ايضا (يا بنت النيل.. النيل )
                  

08-04-2021, 11:24 AM

محمد علي البصير
<aمحمد علي البصير
تاريخ التسجيل: 06-24-2011
مجموع المشاركات: 5367

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: Ahmed Yassin)

    Quote: محمد علي البصير بى فطنتو وتفانينو حيفتح لينا باب الداخل فيهو مصروع بالوله الايقاعي الجوانا
    صحيح الشعب السوداني دا اكتر شعب عنده ايقاعات .. واي ايقاع بتفرع منه عدد من الايقاعات.
    اكثرها مرونة هو (التم تم) وتتخيلوا اكثرها تعقيدا هو ايقاع (الدلوكة) البغنن بيهو البنات في بيوت الاعراس
    الريقي: عارفين علي ابراهيم اللحو رص ليك اغنية (دمعى اللِتشتت .. دمعى الغلب اللقاط) بايقاع الرقي وخلاها راقصة
    البصير قال 4/3 تمام ... دا ميزان بتم التدوين ليهو كضرب ايقاعي حتى للتم تم 4/3 و 8/6
    وبرضو ايقاع الفالس في محيط الابهة الخرطومية وجمال الخرطوم وناس الخرطوم غني بيهو
    حسن عطية (الحرموني منك) وكمان احمد المصطفى بدأ اغنية (ظالمني وطول عمري ما ظلمتك يوم) بإيقاع فالس صريح
    لكن ادخل في نفس الاغنية ايقاع العشرة بلدي الغني بيهو ايضا (يا بنت النيل.. النيل )


    تسلم يا حبوب

    أستاذ أحمد ليتك تتبحر لينا في جانب الأيقاعات دي ـ وتدينا مزيد من الجرعات

    منك نستفيد وأنت الأكاديمي المتخصص ونحن مجرد هواة
                  

08-05-2021, 09:33 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: محمد علي البصير)

    تحياتي يا بصير

    الإيقاع هو عضم العمل الموسيقي

    وعارف الإيقاع في اي اوركسترا، من الاوركسترا السيمفوني لغاية أصغر فرقة
    هو أهم عضو في الفرقة كلها

    دا من وجهة نظري انا
    يا ريت برضو الموسيقيين يشاركونا النظر في الشي دا
                  

08-05-2021, 07:16 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: Ahmed Yassin)

    التم سيد الايقاعات كلها

    إيقاع ساحر وعميق ومتميز

    تعشقه كل الشعوب في المنطقة من القرن الافريقي شرقا
    لغاية سواحل الأطلسي غربا في شمال غرب الفارة



    مشكور يا احمد علي الحضور المموسق
                  

08-05-2021, 10:43 AM

بابكر قدور
<aبابكر قدور
تاريخ التسجيل: 02-26-2013
مجموع المشاركات: 1561

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    عزيزنا أبوذر
    لك الود والتحايا الطيبات
    للقصيدة الغنائية من وجهة نظري ثلاث عناصر مترابطة أذكرها
    إجمالاً في : الكلمات – الموسيقى – الصوت .. وها أنت تنادي
    باحثاً عن "ملحن" وهو صاحب الموسيقى في الأغنية ..
    حقيقة مكثت مع هذا النص طويلاً وكنت قد قرأت المداخلات حوله
    وأنا أتمعن في النص وجدت أنني استصحب معي تعليقين: التعليق
    الأول هو تعليق الأخ الشيخ سيداحمد الذي أشار فيه إلى أن التص
    جاهز وملحن ولن يتعب أي ملحن – وفعلاً تلك حقيقة فالنص تحتشد
    فيه الكلمات التي تحمل حروف المد المختلف على رأسها المد بالألف
    ثم الياء والواو وهذه الكلمات موزعة في النص بحيث تبسط أمام الملحن
    خيارات متعددة وتتيح للمغني صاحب الصوت أن يمارس فيها إبداعه
    وهنا أضرب مثالاً بصوت خوجلي عثمان في أغنيته "مابنختلف" واستمع
    إلى المقطع الذي يقول:درسني بس قانون هواك .. وانظر ماذا يفعل صوت
    خوجلي في كلمة "هواك" فستجد تدفق لا نهائي للتطريب الذي يحمله صوت
    هذا الخوجلي .. والتعليق الثاني الذي وجدت نفسي تستصحبه هو تعليق الأخ
    شنتير الذي لم تعجبه كلمة "ألق" وأحس بأنها كلمة ثقيلة في النص وهي كلمة
    إذا نظرنا إليها منفردة فهي كلمة "غليظة " من حيث بناء حروفها وبعيدة جداً
    عن الغنائية .. وربما وافقت شنتير في البداية .. ولكن إذا نظرنا لتوظيف الكلمة
    في النص لوجدنا أنها محور النص واتخذت مكانها في استهلال القصيدة وإذا
    حذفناها إنهارت القصيدة فكل القصيدة عبارة عن وصف للتي أتت من عمق
    "الألق" وأكثر من ذلك فهناك ركن من أركان الإيقاع في القصيدة مبني أساساً
    على هذه الكلمة .. أنظر لوقع الإيقاع بين هذه الكلمات "ألق-عبق-الدفق-نسق-الرهق"
    هذا كلام موجز عن النص أردت به التعبير عن أن النص هو نص غنائي بكل
    ماتحمل الكلمة من معنى وجاهز أمام الملحن ليضيف إليه الموسيقى وما عليه إلا بدء
    العزف على العود والتغني بالنص وليت مصطفى سيداحمد كان بيننا فهو صاحب
    الصوت لهذه الأغنية ....
                  

08-18-2021, 09:07 AM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 5507

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: بابكر قدور)

    Quote: مندهشه كيف
    إنه الفراش إنضم ليك
    سمّاك حديقه
    وفيك سرح
    كيف الكلام
    حاضن حروفه ومشتهيك
    سواك حقيقه
    عشان يحاول يكتبك
    عنوان فرح

    هات يا ابوذر .. هات يا ابوذر .. جيب كل افراحك تعال
                  

08-19-2021, 02:14 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: Ahmed Yassin)

    حكمة الجابري

    الصوت العبقري

    كيفك يا موسيقار
                  

08-18-2021, 09:12 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: بابكر قدور)

    العزيز بابكر قدور

    كيف الحال ياخ وان شاء الله طيب
    ومعذرة للإنقطاع من الموضوع في الأيام الفاتت

    وكل التقدير لتحليلك الغني والمغني للنص
    وتفصيلك لحاجات كتيرة

    الله لا يحرمنا من طلتك السمحة

    مع كل الود
                  

09-26-2021, 03:20 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: داير لي ملحن (Re: أبوذر بابكر)

    لسه والله

    في انتظار المنسقة

    تقرأ برضو

    في انتظار غودو
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de