|
Re: شوقي بدري يقحمني في خلاف بينه وكمال الجزو� (Re: Sidgi Kaballo)
|
سلام الأستاذ صدقي فعلاً شيء مؤلم أن ترى صديقين لك يختصما ويختارا كليهما أو أحدهما الضرب تحت الحزام والمؤلم أكثر أن ياخد الحجاز بدل كلمات الشكر عكاز أتمنى أن لا يستخدم الأستاذ شوقي أسلحة غير أخلاقية في خصامه مع كمال الجزولي وأن لا يخلق خصومات جديدة للجزولي بحسن نية أو سؤ طوية
| |
|
|
|
|
|
|
Re: شوقي بدري يقحمني في خلاف بينه وكمال الجزو� (Re: صباح حسين طه)
|
لك منى خالص الود والتقدير والاحترام د. كبلو. وللاستاذ كمال الجزولى تقدير عالى. استاذنا كمال الجزولى يمنحنا القدوة فى كيف يكون المحامى محامياً , مثقفاً وكاتباً راتباً , ومنحازاً لقضايا شعبه. ولو اراد المال , لكان قد باع عندما كان سوق النخاسة يفتح ابوابه للراغب فى البيع .. فمن هم اقل قامة منه باعوا وقبضوا اثمان كبيرة. لكما محبتى. وارجع لنا يا د. كبلو على صفحات المنبر العام , والذى يفتقد بشدة المواضيع الاقتصادية المتخصصة.
| |
|
|
|
|
|
|
Re: شوقي بدري يقحمني في خلاف بينه وكمال الجزو� (Re: Hassan Farah)
|
بركة الجيت بركة الجيت لينا كم سنة نحنس فيك عشان تجي تتحاور هنا بإعتبارك عضو منبر وفي نفس الوقت عضو لجنة مركزية للحزب الشيوعي ورغم كل الأحداث العاصفة والنقاش البناء حولها هنا ما وحاتك ما عبرتنا هسع دا الجابك المنبر ؟؟؟؟ يا خي شد سلك لكمال ودخل شوقي في الخط وأحسم الموضوع ولو أن لسانك زرب هنا وهناك فالإعتذار حيوفر ليك كثير من الغلبة والمشاكل
وبعد داك أبقي معنا لنتحاور في موقف الحزب من الحكومة والإستعداد (الفكري) للمؤتمر السابع للحزب الشيوعي
غايتو يا أولاد أمدرمان
| |
|
|
|
|
|
|
Re: شوقي بدري يقحمني في خلاف بينه وكمال الجزو� (Re: Nasr)
|
غايتو لو في زول واحد في الدنيا دي بنفع نائب عام فهو كمال الجزولي، الزول دا الحقوق بتكون عندو واضحة والكلام بتاع انو صعب في الفلوس السودانيين عادة بطلقوا الوصف دا للزول الحقاني في مواضيع القروش دي، الذي أعرفه مثلاً أن كمال الجزولي لا يشارك في حوارات ومداخلات القنوات العربية الكبرى دون تحديد مسبق للأجر والحاجات دي معظم السودانيين ما بقدروا يحسموها في وقتها وبعد اللقاء ينتهي ويظلموهم في الأجر يقعد الواحد ينقنق. صعوبية كمال الجزولي في القروش وحقانيتو هي صفة مدح في ترشيحو للنائب العام.
القصّة التانية بتاعت جمع قروش لزول بواسطة كمال ونام بيها، لا تدخل العقل ولا أحد بصدقها وبتكون من تشابك سلوك حكاوي شوقي بدري ومحنه، وأصلاً لا يمكن أصدق انو كمال الجزولي يجمع ليهو قروش لزول؛ شخصيته لا تنفع في مثل هذه الأعمال الاجتماعية.
إن شاء الله أكون دافعت عن الرجل المتفرد كمال الجزولي بمداخلتي هذه وما أكون عميتها.
شكراً يا دكتور كبلو على التوضيح غايتو كمال الجزولي بصدق انك ما قلت أكل القروش، لكن انو صعب في القروش بياخدو شك
| |
|
|
|
|
|
|
Re: شوقي بدري يقحمني في خلاف بينه وكمال الجزو� (Re: Haytham Ghaly)
|
Quote: دا شنو يا أخوانا .. السلطة ليه بتعمل في الناس كده؟؟
|
اول حاجة يا بريمة الشيوعيين الان هم في خانة المعارضة ولا سلطة لهم
اي نعم بنختلف معهم بصورة عامة وتحديداً في موقفهم من حكومة الفترة الانتقالية
ولكن هذا لا دخل له باحترام الافراد ، فالدكتور صدقي رد على مقال نشر هنا في البورد
يعني انت عايزو يرد عليهو وين مثلاً ؟؟
فياخي خليك ريلاكس شوية
| |
|
|
|
|
|
|
Re: شوقي بدري يقحمني في خلاف بينه وكمال الجزو� (Re: Haytham Ghaly)
|
سلام ول أبا بريمة، يا أخي، صدقي كبلو وكمال الجزولي من الشخصيات المهمة في الساحة السياسية السودانية حالياً، والكلام النشرو شوقي لا يشبه دكتور كبلو ولا يمكن أن يتهم صديقه كمال بمثل هذا الاتهام. دكتور صدقي يا بريمة، يحتاج يعمل هذا التوضيح في الفضاء العام حتى لو بدأ لك مسأله هامشية فشنو؟ أدي الناس فرصة تعبر انسانيتها تجاه الأصدقاء وتبري ساحتها ولو عندك تار قديم معه ممكن تنتظر سانحة أخرى
| |
|
|
|
|
|
|
Re: شوقي بدري يقحمني في خلاف بينه وكمال الجزو� (Re: أبوبكر عباس)
|
كتب كمال عباس
Quote: القصّة التانية بتاعت جمع قروش لزول بواسطة كمال ونام بيها، لا تدخل العقل ولا أحد بصدقها وبتكون من تشابك سلوك حكاوي شوقي بدري ومحنه، |
نعم القول ما قلت ...منذ زمن و انا استغرب لقصص شوقي بدري قهى ملئية بالتاقضات و مخالفة المنطق .....
| |
|
|
|
|
|
|
Re: شوقي بدري يقحمني في خلاف بينه وكمال الجزو� (Re: مدثر صديق)
|
التحية للأستاذ كبلو أكيد سوء تفاهم بين أ. شوقي و أ. كمال الجزولي الذي لم يجرؤ حتى الكيزان بإتهامه في ذمته المالية. يا بريمة هذا بمثابة تصريح صحفي للإعلام و الرأي العام من شخصية عامة لتوضيح موقفه للتاريخ. خاصة و إن الموضوع يمس مرشح لمنصب تنفيذي في وقت دقيق من مسيرة الدولة السودانية. أما الشمارات دي فبين العاديين زي و زيك.
| |
|
|
|
|
|
|
Re: شوقي بدري يقحمني في خلاف بينه وكمال الجزو� (Re: نعمات عماد)
|
التحية للأستاذ كبلو أكيد سوء تفاهم بين أ. شوقي و أ. كمال الجزولي الذي لم يجرؤ حتى الكيزان بإتهامه في ذمته المالية. يا بريمة هذا بمثابة تصريح صحفي للإعلام و الرأي العام من شخصية عامة لتوضيح موقفه للتاريخ. خاصة و إن الموضوع يمس مرشح لمنصب تنفيذي في وقت دقيق من مسيرة الدولة السودانية. أما الشمارات دي فبين العاديين زي و زيك.
| |
|
|
|
|
|
|
Re: شوقي بدري يقحمني في خلاف بينه وكمال الجزو� (Re: Deng)
|
أبوبكر المستنير قال كل الكلام لكن يا بريمه اخوى انزل الناس مقاماتها ومخاطبتك بلغه غير لائقه عنف لفظى لايبرر الاستاذ صدقى كبلو استخدم وسيله تواصل حضريه ليزيل سوء فهم وبمخاطبه الرأى العام هنا عشان اصلا الموضوع عام ونشره الاستاذ شوقى ضيف ربما غابت عنك فكره النشر فى العلن فرايته من باب الشمارات اختلافك مع الشوعيين اضبط معياره وانت زول باديه اكيد لماح وشواف. إلهم إلا تكون مجاوره الخواجات اثرت عليك
| |
|
|
|
|
|
|
Re: شوقي بدري يقحمني في خلاف بينه وكمال الجزو� (Re: Abdelrahim Mohmed Salih)
|
باش م بريمة على أي أساس صدقت أ. شوقي و لم تصدق أ. كبلو؟ هل سمعت من أ. كمال الجزولي؟ زي ما قال د. ع الرحيم توخى الموضوعية في الخلاف السياسي. المقتبس من مقال أ. شوقي بدري منشور بعنوان "العالم ملئ باللئام... التواضع السوداني سبة" مع كامل إحترامي و فخري بالأستاذ شوقي لكن المقال يدعو لأزدواجية المعايير فيما يخص التواضع الأنسان أما متواضع أو غير متواضع.
| |
|
|
|
|
|
|
Re: شوقي بدري يقحمني في خلاف بينه وكمال الجزو� (Re: نعمات عماد)
|
المستغرب ليه متين الكوز بريمة بقى يقيف ضد القوالات مع انه البوست ما فيه شي من قوالات نفي ما ذهب اليه شوقي بدري ليس بقولات يا بريمة القوالات زي بوستات الشلب والبعاتية لو كنت فاكر هههه
نقطة سطر جديد خالص الود صدقي كبلو ومن بعده كمال الحزولي مع تحايا لمجموعة اصدقاء عبر هذا البوست
| |
|
|
|
|
|
|
Re: شوقي بدري يقحمني في خلاف بينه وكمال الجزو� (Re: محمد محمد قاضي)
|
Quote: دا زول مختلف عن باقي السودانيين العاطفيين ديل |
هههه .... يا رااااااقل ... والله يا شيخي معناتا لم تلتقي بالرجل ... انطباعات من بعيد لي بعيد بتبني بيت جالوص بس ... أعرفه في السنتين الأخيرتين كمحامي ممكن يعمل (أي حاجة) في سبيل فوزه بقضيته ... ممكن يكسر كل الإستاندردز المتعارف عليها في سبيل ذلك ... وما تخليني أسترسل ...
| |
|
|
|
|
|
|
Re: شوقي بدري يقحمني في خلاف بينه وكمال الجزو� (Re: أبوبكر عباس)
|
Quote: أفتح بوست يا صلاح، بالقضية التي ترى فيها الأستاذ كمال الجزولي استخدم اسلحة غير قانونية أو غير اخلاقية لكسب القضية، |
لا أستطيع فتح بوست ... وزي ما قتا ليك القضية دي بالزات كشفت الوجه الآخر لي زولكم خاصة لي بعض أقسام النيابة العامة وخصوصا النائب العام السابق ومكتبه ... لو عفصتا هنا ممكن تاخد فكرة عن القضية ... وبدون زعل لا إجابات لأي أسئلة لحساسية القضية ... بلاغ للنائب العام
| |
|
|
|
|
|
|
Re: شوقي بدري يقحمني في خلاف بينه وكمال الجزو� (Re: Salah Zubeir)
|
تحياتى للجميع ماعارف ليه بقت محاكمة لكمال الجزولى رغم انو البوست هدفو واضح جدا نفى قصة حكاها شوقى بدر دى كل القصة اها دة كل الموضوع قال انا ماقلت كدة . اذا فى زول عندو اثبات انو قال فليأتى به دة مستند لكل من يتداول القصة علي لسان كبلو اما موضوع كمال الجزولى دة ممكن بوست تانى براهو اذا فى زول داير يقدح فى نزاهتو او اخلاقه المهنية ماتحمر لي ياصلاح انا ما معاك
| |
|
|
|
|
|
|
Re: شوقي بدري يقحمني في خلاف بينه وكمال الجزو� (Re: Salah Zubeir)
|
تحياتى للجميع ماعارف ليه بقت محاكمة لكمال الجزولى رغم انو البوست هدفو واضح جدا نفى قصة حكاها شوقى بدر دى كل القصة اها دة كل الموضوع قال انا ماقلت كدة . اذا فى زول عندو اثبات انو قال فليأتى به دة مستند لكل من يتداول القصة علي لسان كبلو اما موضوع كمال الجزولى دة ممكن بوست تانى براهو اذا فى زول داير يقدح فى نزاهتو او اخلاقه المهنية ماتحمر لي ياصلاح انا ما معاك
| |
|
|
|
|
|
|
|