ادبيات الثورة

مرحبا Guest
اخر زيارك لك: 04-25-2024, 04:40 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2020-2023م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
07-11-2021, 06:19 PM

عاصم الطيب قرشى

تاريخ التسجيل: 12-12-2005
مجموع المشاركات: 714

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ادبيات الثورة (Re: عاصم الطيب قرشى)

    *بين قداسة النيل و دقساته*
    عاصم الطيب قرشي

    على شاطيء نهر النيل الأزرق أسفل كبري الحديد، جلس كامل و جلال و جمال جلسة ودية على إيقاع هتافات الثورة.
    رصاصة حية: ثورة.
    يقولوا ليك مطاطة: ثورة.
    ديل عصبجية: ثورة.
    جنجويد رباطة: ثورة.
    كامل: رغم قداسة نهر النيل ده يا جلال و تاريخو الطوييل و عذوبة مويتو، قداستو دقستنا و عذوبتو عذبتنا و تاريخو شاهد على تأخيرنا.
    جلال: قداسة و دقاسة و تاريخ و تأخير! مالو كلامك بقى زي الرندوك يا كامل! ذكرتني عقيرب سار تحت راس بريقع و لا عقرب سار تحت رأس برقع، ينقري من اليمين للشمال و الشمال لليمين.
    كامل: "لداع ما، كل في فلك ام عادل" محسية من حسان النوبة.
    جلال: ما قلت ليك، كلامك بقى كلو رندوك، هسة الجاب عادل و أمو مرحبا المحس شنو؟.
    كامل: أقرأها يمين شمال، شمال يمين و مارش محس سمح محس، كلمة محس بالرندوك و لغة المحس معناها سمح، الحمدلله أم عادل ست حسان المحس، هي و حبوبتا الكنداكة أماني فلتت من أماني سلطان جن النيل عشان تجيب لينا زول زي عادل.
    جلال: و الله قداسة النيل فعلا دي ظلمت أجمل فتواتنا و حرمتنا من نسل أجمل الكنداكات عشان يشبعوا غرور ملوك جن النيل.
    جمال: أعياد عروس النيل كانت سادية جدا يا كامل، قدموا فيها قرابين بشرية اغرقن بالماء في زمن مائي غامر زي ما وئدن كنداكاتنا بالتراب في القرن الترابي الغابر، إستلاب و إغتصاب و ظلم في ظلم تربيع إتربع فينا.
    كامل: قلت ليك عذوبتو عذبتنا يا جلال! دا الخلانا عذابة و نحن اتجاوزنا عمر النبوة. أما قداستو دي دقستنا بشكل!
    جلال: تعرف يا كامل حتى أوكسجين مويتنا و هيدروجناتها الإتنين إتواطؤوا علينا و دعموا الدولة الترابية دعم سريع جدا لمن قعدونا في قوز الرملة دا، مثلا بدل زراعة أخصب تربة في الدنيا بأعذب موية في جروف النيل، قامت أطماع الإنتهازيين حرقت كل أطماء المزارعين عشان يبنو بيها قصورم العشوائية و فللم الرئاسية. الغريبة كلما كبرت قصورهم زاد قصورهم!
    كامل: تراب يعمي عيونهم و قصور تقصر أجلهم إن شاءالله، نحن حتى الآن بنشرب موية النيل إما عكارة معكرة بالطين أو موص ملوث بالسموم الكيماوية والبكتيرية، ياخي حتى موية الصرف إتصرفت يي انتهازتم و عملت ليها صرفة في نهر النيل المقدس.
    جلال: بالمناسبة، مع تغيرات الزمن المائي و حرب المياه الراهنة أخشى إنو تركيبة موية النيل الكيميائية تتغير بفعل الطبيعة أو فاعل و أخشى إنو سد النهضة يكون قنبلة موقوتة. زي ما قال المبعوث الأمريكي قريشون "الحقيقة الوحيدة في السودان هي نهر النيل و أخشى يوما أن يغير مجراه" و يبقى سودانا وهمة كبيرة.
    جمال: بيني و بينك أربعة و سبعين مليار متر مكعب موية دي لو كسرت علينا ح تسد نيتنا و دنيتنا من حلفا لي نمولي، بعدين جابت ليها رجوع فلاشا و تطبيع صهيوني و تركيع يانكي مع حرب المياه!
    كامل: غايتو أي زول يجهز مركبو للطوفان، لكن مصداقا لي قولك في تغيير الموية، أنا متخيلها تتحول لى مركب رباعي العناصر بي إضافة الكالسيوم والفلورين بي موية زمزم.
    جلال: و ليه ما تتوقع الخواجات ديل يحضروا موية في المعمل!
    كامل: أنا متوقع أغرب عمليات الأمن المائي بين السودان و دول الصحراء تبدا بي شق ترعة من النيل تسقي بورتسودان و تتحول لي أنابيب من بورتسودان تعبر البحر الأحمر عشان نسقي معانا ناس اليمن و السعودية والأمارات و الكويت و قطر، و كده يكونوا أخواننا في الشراب طالما ما الملح و الملاح و الإسلام و الإنسانية ما خاوونا.
    جلال: و ديل خوتهم ح تفيدنا بي شنو؟ مش كفاية إستعمرونا ثقافيا و إقتصاديا و إتعالوا علينا! مع إننا نحن اللي علمناهم، خلاص دفقوا بترولهم على السراب جايين يشاركونا في مويتنا بعد الخراب؟
    كامل: بالراحة يا جلال، الأراضي المقدسة و العرب كلهم ممكن يشتروا مننا موية و ح تكون بلا شك أغلى من البترول اللي ح يكون على وشك النفاد، و أكتر من كدة بدايل البترول الزراعية زي الجاتروفا والطاقات البديلة النضيفة تكون وصلت مرحلة متطورة في السودان. بس أنا متخيل السعودية ترسل لينا أنبوب من بير زمزم يصب في النيل و يزم فيضاناته المدمرة دي.
    جلال: هههههه يعني النيل ح يتزمزم و زمزم ح تتنيل معانا في ستين ألف داهية.
    كامل: بدون تريقة يا جلال، موية زمزم فعلا بتزمزم أي موية بعملية أقرب للتأين الكيميائي، بعدين هي وقاية و علاج روحي، في سر من أسرار زمزم كشفو العالم الياباني ميسارو إموتو اللي كان بيتحدث مع الموية ويصور أثر كلامو بالمجهر، إموتو هو صاحب نظريات الكلام مع الماء والعلاج بالماء وتأين الماء الزلال بموية زمزم المالحة.
    جلال: يا طلس تتذكر مرة حكيت لي إنك مشيت مع الطيب أمين سر موية طيبتكم و كبيتوا زمزمية مليانة موية زمزم في البير الوراني.
    كامل: أيوة .......مشيت معاهو و مشوا معانا أبدال حال حلتنا، أنا كنت مراقب الفاتح حارفاتح خط مع سيد القبة، ناجي ناجى القرشي الساد في طيبة و بشير أدانا آخر إشارة و بشارة. بي كدا نكون زمزمنا البير الوراني راوي السلفية و الصوفية و ساقي الكيزان و الشيوعية، فتحنا غطا البير مع بداية قراية سورة الفاتحة بي صوت واحد، يس كبينا بيها الموية بي نية الحب، أخيرا ختمناها بالإخلاص سبعة مرات بي نية الإخلاص. تصدق قربت أشوف نوايا أهالي قرية طيبة الطيبة. لو شفت أمين سر الموية لمن فتح غطاية البير و كب القارورة كان مبتسم كيف! في اللحظة ديك الأبدال رفعوا ايايديهم بالدعاء و حسيت بي سعادة كأنو الحال إتبدل في الحال.
    جلال: يا ربي قريت عرضحال الحلة و لا حصلت ليك مكاشفة و لا كشف حال!
    كامل: ده كوللو حصل يا جلال، بأمارة سحابة إترسم فيها صوت المطر، تقلت في سما الحلة اليوم داك طول النهار و أمطرت مطر ملون نص الليل، الصباح بدري مشيت السوق و شفت فيض الطاقات الإيجابية بيتماوج فوق رؤوس الناس زي قوس قزح. والله لو كان
    كنت عندي كاميرا كنت قطعت ليك الشك بي صورة سيلفي، تخيل الزول يشوف طيف إحساسو و لون موجتو و طولها بين عمق اللون الأزرق و نفسيات الريح الأحمر.

    صمت الجميع و نظروا للسماء بدهشة حين انداحت سحابة لونها أقرب للبمبي من البنفسج، تركت أثر جميل في كل النفوس. لحظة جميلة طافت على خيال كامل بنكهة الكاراميل و على خيال جلال بطعم قبلة مطبوعة على خدود عذارى الحي.
    *****************،*******************
    جمال: ما شاءالله يا جلال و كامل، الليلة ونسة كاملة الدسم، بحر كبير لاقى عوامو يا كامل.
    جلال: كامل دا دييب يااا، لكن ما تخاف منو لأنو ا
    أهلي في دارفور بيقولوا "دبيب في خشمو جرادة و لا بيعضي".
    كامل: أنت ذاتك أكبر جرادة يا دمباري، بس زي ما أهلك قالوا " جرادة في سروالاي و لا بسوي حاجة لكن قعادو و لا حلو".
    جمال: قووووون يا كامل "أبو القدح بيعرفي محل يعضي أخيو".
    جلال: و ليه يا كوز ما تقول "شدرة كان مالت بتكي في اخيو"؟
    جمال: قلت ليك مليون مرة ما تصنفني سياسيا، أنا فنان بشوف بالألوان و بسمع بالأنغام و أكبر من إطاراتك الحفيانة و تصنيفاتك البلاك آند وايت دي، بعدين كامل ده بالله الزمن ه كله عامل لينا فيها نمر و هو ترا دبيب!
    جلال: هوي يا جمال أعمل حسابك من كامل دا، نمر عدييل، إنت ما سمعت أهلي قالوا "نمر كان مات كلو جلدايتو ارقط".
    جمال: و الله هانت لكن، "الديك أجاويدو عيالو".
    كامل: أنا أبو الرجال كلهم يا وهم.
    جمال: الرجال دناقر ما كبر عناقر، أها جاكم القاضي العادل.
    عادل: السلام عليكم يا خوة، الجوطة في شنو؟ أخوي كامل إن شاءالله مستور معاكم؟ معليش مرض حامد خلاه عضم بلا لحم. زمان أنا قلت ليهو عرس "الراجل بي أم عيالو". جمال: و المفنقل بي سروالو.
    جلال: يا جمال ما تدخل في كلام الكبار، ديل فهيم و فهيم، ح يحلوها عادي.
    جمال: ما إتدخل كيف! إذا كنت إنت و كامل غشيم و غشيم وديتوها بي غادي!
    عادل: خلاص باركوها يا جماعة و صلوا على النبي، أصلو الدنيا لو ما كان فيها غشيمين ما كنا ح نحتاج لي قاضي، و لا إنتو ما رضيانين بحكمي العادل؟
    قبل أن يردوا وقف عادل و أخرج مطرقته الخشبية و ضرب طاولة كانت بالقرب منه. عادل: محكمة..... حكمت محكمة النيل حضوريا علينا و على جميع شهداء ثورة ديسمبر الذين أحرقهم المؤتمر و أغرقهم العسكر في الزمن الترابي الأشتر، بالزواج المؤبد من عروسات نيل الزمن المائي.
    كامل: أيوي يوي يوي يوووووي، يوي.
    جلال: أبشر بالحب الأبدي.

    (عدل بواسطة عاصم الطيب قرشى on 08-01-2021, 10:10 AM)






                  

العنوان الكاتب Date
ادبيات الثورة عاصم الطيب قرشى07-11-21, 04:00 PM
  Re: ادبيات الثورة عاصم الطيب قرشى07-11-21, 04:24 PM
    Re: ادبيات الثورة عاصم الطيب قرشى07-11-21, 04:28 PM
      Re: ادبيات الثورة بدر الدين الأمير07-11-21, 04:56 PM
        Re: ادبيات الثورة عاصم الطيب قرشى07-11-21, 05:14 PM
          Re: ادبيات الثورة عاصم الطيب قرشى07-11-21, 05:26 PM
            Re: ادبيات الثورة عاصم الطيب قرشى07-11-21, 05:41 PM
              Re: ادبيات الثورة عاصم الطيب قرشى07-11-21, 06:06 PM
                Re: ادبيات الثورة عاصم الطيب قرشى07-11-21, 06:15 PM
                  Re: ادبيات الثورة عاصم الطيب قرشى07-11-21, 06:19 PM
                    Re: ادبيات الثورة عاصم الطيب قرشى07-11-21, 06:36 PM
                      Re: ادبيات الثورة عاصم الطيب قرشى07-11-21, 06:57 PM
                        Re: ادبيات الثورة عاصم الطيب قرشى07-11-21, 07:06 PM
                          Re: ادبيات الثورة الشيخ سيد أحمد07-11-21, 07:41 PM
                            Re: ادبيات الثورة عاصم الطيب قرشى07-11-21, 08:08 PM
                              Re: ادبيات الثورة عاصم الطيب قرشى07-11-21, 08:40 PM
                                Re: ادبيات الثورة عاصم الطيب قرشى07-11-21, 08:57 PM
                                  Re: ادبيات الثورة عاصم الطيب قرشى07-11-21, 09:23 PM
      Re: ادبيات الثورة عاصم الطيب قرشى08-04-21, 11:53 AM
      Re: ادبيات الثورة عاصم الطيب قرشى08-07-21, 04:19 AM
  Re: ادبيات الثورة أبوذر بابكر07-11-21, 09:07 PM
    Re: ادبيات الثورة عاصم الطيب قرشى07-11-21, 09:29 PM
      Re: ادبيات الثورة عاصم الطيب قرشى07-11-21, 09:50 PM
        Re: ادبيات الثورة خضر الطيب07-12-21, 07:10 AM
          Re: ادبيات الثورة عاصم الطيب قرشى07-12-21, 08:12 AM
        Re: ادبيات الثورة عاصم الطيب قرشى07-12-21, 08:06 AM
        Re: ادبيات الثورة عاصم الطيب قرشى07-12-21, 08:07 AM
        Re: ادبيات الثورة عاصم الطيب قرشى07-12-21, 08:07 AM
          Re: ادبيات الثورة عاصم الطيب قرشى07-12-21, 08:27 AM
            Re: ادبيات الثورة عاصم الطيب قرشى07-12-21, 08:35 AM
              Re: ادبيات الثورة عاصم الطيب قرشى07-12-21, 08:55 AM
                Re: ادبيات الثورة عاصم الطيب قرشى07-12-21, 09:16 AM
                Re: ادبيات الثورة عاصم الطيب قرشى07-12-21, 09:16 AM
                  Re: ادبيات الثورة عاصم الطيب قرشى07-12-21, 09:27 AM
                    Re: ادبيات الثورة عاصم الطيب قرشى07-16-21, 04:26 AM
                    Re: ادبيات الثورة عاصم الطيب قرشى07-16-21, 04:26 AM
                      Re: ادبيات الثورة عاصم الطيب قرشى07-16-21, 05:17 AM
                      Re: ادبيات الثورة صباح حسين طه07-16-21, 05:20 AM
                        Re: ادبيات الثورة عاصم الطيب قرشى07-16-21, 05:53 AM
                          Re: ادبيات الثورة عاصم الطيب قرشى07-16-21, 06:03 AM
                            Re: ادبيات الثورة عاصم الطيب قرشى07-16-21, 09:02 AM
                              Re: ادبيات الثورة عاصم الطيب قرشى07-16-21, 09:39 AM
                                Re: ادبيات الثورة عاصم الطيب قرشى07-17-21, 11:05 AM
                                  Re: ادبيات الثورة عاصم الطيب قرشى07-17-21, 02:15 PM
                                  Re: ادبيات الثورة عاصم الطيب قرشى07-17-21, 02:30 PM
                                    Re: ادبيات الثورة عاصم الطيب قرشى07-18-21, 02:31 AM
                                      Re: ادبيات الثورة عبدالغني محمد الحاج07-18-21, 01:06 PM
                                        Re: ادبيات الثورة عاصم الطيب قرشى07-18-21, 03:42 PM
                                      Re: ادبيات الثورة: حكايات عاصم الطيب قرشى07-18-21, 03:51 PM
                                        Re: ادبيات الثورة: حكايات صباح حسين طه07-18-21, 07:10 PM
                                          Re: ادبيات الثورة: حكايات عاصم الطيب قرشى07-19-21, 09:08 AM
                                            Re: ادبيات الثورة: حكايات عاصم الطيب قرشى07-19-21, 10:03 AM
                                              Re: ادبيات الثورة: حكايات عاصم الطيب قرشى07-19-21, 04:48 PM
                                                Re: ادبيات الثورة: حكايات عاصم الطيب قرشى07-21-21, 04:18 AM
                                                  Re: ادبيات الثورة: حكايات عاصم الطيب قرشى07-22-21, 10:21 AM
              Re: ادبيات الثورة عاصم الطيب قرشى08-09-21, 09:21 AM
  Re: ادبيات الثورة أبوذر بابكر07-22-21, 11:58 AM
    Re: ادبيات الثورة عاصم الطيب قرشى07-24-21, 04:48 AM
      Re: ادبيات الثورة عاصم الطيب قرشى07-24-21, 06:32 AM
        Re: ادبيات الثورة بكرى ابوبكر07-24-21, 05:01 PM
          ادبيات الثورة الثورة السودانية بقلم الفنان عاصم الطيب قرشي بكرى ابوبكر07-24-21, 05:12 PM
            Re: ادبيات الثورة الثورة السودانية بقلم الفن� عاصم الطيب قرشى07-26-21, 10:14 AM
              Re: ادبيات الثورة الثورة السودانية عاصم الطيب قرشى07-26-21, 10:53 AM
                Re: ادبيات الثورة الثورة السودانية عاصم الطيب قرشى07-26-21, 01:17 PM
                  Re: ادبيات الثورة الثورة السودانية عاصم الطيب قرشى07-26-21, 01:31 PM
                    Re: ادبيات الثورة الثورة السودانية عاصم الطيب قرشى07-27-21, 04:35 AM
                      Re: ادبيات الثورة الثورة السودانية بكرى ابوبكر07-27-21, 05:00 AM
                        Re: ادبيات الثورة الثورة السودانية عاصم الطيب قرشى07-27-21, 05:17 AM
                          Re: ادبيات الثورة الثورة السودانية عاصم الطيب قرشى07-27-21, 05:57 AM
                            Re: ادبيات الثورة الثورة السودانية عاصم الطيب قرشى07-27-21, 04:01 PM
                              Re: ادبيات الثورة الثورة السودانية عاصم الطيب قرشى07-27-21, 04:30 PM
                                Re: ادبيات الثورة الثورة السودانية صباح حسين طه07-27-21, 04:43 PM
                                  Re: ادبيات الثورة الثورة السودانية عاصم الطيب قرشى07-27-21, 05:19 PM
                                  Re: ادبيات الثورة الثورة السودانية عاصم الطيب قرشى07-27-21, 05:19 PM
                                    Re: ادبيات الثورة الثورة السودانية نعمات عماد07-27-21, 05:54 PM
                                      Re: ادبيات الثورة الثورة السودانية عاصم الطيب قرشى07-28-21, 04:20 AM
                                        Re: ادبيات الثورة الثورة السودانية عاصم الطيب قرشى07-28-21, 04:45 AM
                                          Re: ادبيات الثورة الثورة السودانية عاصم الطيب قرشى07-28-21, 05:17 AM
                                            Re: ادبيات الثورة الثورة السودانية عاصم الطيب قرشى07-28-21, 07:51 AM
  Re: ادبيات الثورة أبوذر بابكر07-28-21, 08:02 AM
    Re: ادبيات الثورة عاصم الطيب قرشى07-28-21, 08:15 AM
      Re: ادبيات الثورة عاصم الطيب قرشى07-28-21, 12:36 PM
        Re: ادبيات الثورة عاصم الطيب قرشى07-28-21, 01:44 PM
          Re: ادبيات الثورة عاصم الطيب قرشى07-28-21, 02:26 PM
            Re: ادبيات الثورة عاصم الطيب قرشى07-28-21, 02:43 PM
              Re: ادبيات الثورة عاصم الطيب قرشى07-28-21, 03:52 PM
                Re: ادبيات الثورة عاصم الطيب قرشى07-29-21, 05:19 AM
                  Re: ادبيات الثورة عاصم الطيب قرشى07-29-21, 06:27 AM
                    Re: ادبيات الثورة عاصم الطيب قرشى07-29-21, 07:23 AM
                      Re: ادبيات الثورة عاصم الطيب قرشى07-29-21, 01:27 PM
                        Re: ادبيات الثورة عاصم الطيب قرشى07-29-21, 04:32 PM
                          Re: ادبيات الثورة عاصم الطيب قرشى07-29-21, 05:00 PM
                          Re: ادبيات الثورة علي دفع الله07-29-21, 05:11 PM
                            Re: ادبيات الثورة عاصم الطيب قرشى07-30-21, 04:08 AM
                              Re: ادبيات الثورة عاصم الطيب قرشى07-30-21, 04:44 AM
                                Re: ادبيات الثورة عاصم الطيب قرشى07-30-21, 06:28 AM
                                  Re: ادبيات الثورة عاصم الطيب قرشى07-30-21, 07:08 AM
                        Re: ادبيات الثورة عاصم الطيب قرشى08-03-21, 03:35 PM
  Re: ادبيات الثورة أبوذر بابكر07-30-21, 07:39 AM
    Re: ادبيات الثورة عاصم الطيب قرشى07-30-21, 07:54 AM
      Re: ادبيات الثورة عاصم الطيب قرشى07-30-21, 08:56 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de