12:59 PM July, 04 2021 سودانيز اون لاين محمد محمد قاضي-الدوحة - قطر مكتبتى رابط مختصر الأحد, يوليو 4 الراكوبة أخبار السودانالبرهان يطمئن علي صحة الفنان عبد الرحمن عبدالله2 يوليو، 2021 قام الفريق أول ركن عبد الفتاح البرهان رئيس مجلس السيادة الانتقالي، مساء اليوم بزيارة للفنان عبد الرحمن عبد الله بداره بأمدرمان، وذلك للاطمئنان على صحته.وأشاد الفريق أول ركن عبد الفتاح البرهان بالإسهامات الكبيرة للفنان عبد الرحمن عبد الله في إثراء الساحة الفنية عبر أعمال فنية قيمة ظلت خالدة في أذهان السودانيين، مثمناً دوره في نشر الأغنية السودانية.تجدر الإشارة إلى أن الزيارة تمت بحضور الأستاذ عبد القادر سالم رئيس اتحاد المهن الموسيقية ودكتور وليد الجاك الأمين العام للاتحاد والفنان عمر إحساس.
الجمال كل الجمال في أغنية ضابط السجن عندما أدخل رمية أغنية حتي الطيف رحل "محمد كرم الله قامة أخري من قامات فن الطنبور" ذكر زميل المنبر الأستاذ محمد المرتضي حامد له التحية في مقال ما قال ما وجدت في العالم كله بكل لغاتهم ولهجاتهم فنان يغني لضابط السجن إلا في سودان الإبداع والمبدعين - أو كما قال
07-04-2021, 03:19 PM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1604
وهذه لأستاذنا المعلم علي عبد الوهاب عثمان وتحية وتقدير في شخصك الفاضل لكل المعلمات والمعلمين ولعموم المرأة السودانية في كل المجالات ونرفع القبعات و"الدعوات" من كل بيت لبلوم السودان المغرد
07-04-2021, 07:58 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12475
سلامتك و الألم بيزول و كفارة ليك يازول ألف سلامة ليك يا حبيبنا عبد الرحمن و ما شاء الله مصعب كبر كون بخير يا عزيزي بيت عبد الرحمن في السعودية كان بيتي التاني في حي النسيم عبد الرحمن رجل مضياف و دائماً بيتو عامر بالضيوف حاول عبد الرحمن يعلمني على العود بدينا لكن للأسف ما استمريت العود اشتراهو لي استاذي في المرحلة الثانوية العامة استاذي أبي عز الدين البشرى وهو زميل في المنبر دا لكن ليهو فترة ما بكتب بعد عملتا سهرتين للأستاذ عبد الرحمن عبد الله عندنا صاحبنا اسموعبد الرحمن عمل لينا عزومة في بيتو في حي الملز عبد الرحمن عبد الله جاء هو و اسرتو الكريمة بدون أي آلة و الناس منتظرين عبد الرحمن يغني كان في اكتر من أسرة انا مشيت جبتا العود لعبد الرحمن و نسيتو هناك و بعدها سافرتا لي يوم الليلة ما شفتا العود دا تاني هههههههه
تحياتي محمد قاضي
07-05-2021, 07:39 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10039
شكر ليك يا خضر علي إثرائك البوست, إنت طبعا كإعلامي عاصرت وعملت وزاملت وربطتك علاقات مع كتير من المشاهير خاصة ناس الطرب والمغني فحقيقة محتاجين توثيق كتير منك في المجال ده وذكرياتك ومواقفك وطرائفك ما تروح في زحمة الدنيا. من ذكرياتنا أنا أولاد الحلة بقيادة زميل المنبر الخال صلاح "أسأل منه ود الأمير يحكي ليك العجب" وذلك من بداية التمانينيات نكتل جميع حفلات الكريسماس وراس السنة بداية من نادي الفروسية, نادي الخرطوم والعربي واليوناني ونادي الضباط والقرين فلج والبستان والهابي لاند والقراند هوتيل وووووو ونختمها بي نادي الأسرة والبلوم المغرد عبد الرحمن عبد الله كان ثابت سنويا في نادي الأسرة ويكون معاه من برينسات ذلك الزمن مرة الخالدي ومرة عمار ومرة الأطرش ومرة الهادي الجبل وصديق سرحان ووووالخ وفي سنة ما كان البلوم المغرد معاه عثمان الشفيع وما أدراك بهذا العثمان الشفيع يا سلام زمن كان جميل إلي أن جاء كيزان السجم والرماد وقلبوا عاليها واطيها لعنة الله عليهم.
07-05-2021, 02:38 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10039
مرحب حبيبنا ود القاضي طبعاً اول مرة اعرف انو خالك صلاح عبد الله (ابوشنب) أول مرة اقابل الأستاذ صلاح عبد الله كان في المعرض الدولي الكتاب في الدوحة كان في المعرض كتاب معروض للدكتورة محاسن زين العابدين زميلة المنبر رد الله غربتها خالك إنسان جميل و في قمة الرقي عظيم تحياتي ليهو
Quote: شكر ليك يا خضر علي إثرائك البوست, إنت طبعا كإعلامي عاصرت وعملت وزاملت وربطتك علاقات مع كتير من المشاهير خاصة ناس الطرب والمغني فحقيقة محتاجين توثيق كتير منك في المجال ده وذكرياتك ومواقفك وطرائفك ما تروح في زحمة الدنيا. من ذكرياتنا أنا أولاد الحلة بقيادة زميل المنبر الخال صلاح "أسأل منه ود الأمير يحكي ليك العجب" وذلك من بداية التمانينيات نكتل جميع حفلات الكريسماس وراس السنة بداية من نادي الفروسية, نادي الخرطوم والعربي واليوناني ونادي الضباط والقرين فلج والبستان والهابي لاند والقراند هوتيل وووووو ونختمها بي نادي الأسرة والبلوم المغرد عبد الرحمن عبد الله كان ثابت سنويا في نادي الأسرة ويكون معاه من برينسات ذلك الزمن مرة الخالدي ومرة عمار ومرة الأطرش ومرة الهادي الجبل وصديق سرحان ووووالخ وفي سنة ما كان البلوم المغرد معاه عثمان الشفيع وما أدراك بهذا العثمان الشفيع يا سلام زمن كان جميل إلي أن جاء كيزان السجم والرماد وقلبوا عاليها واطيها لعنة الله عليهم.
العمل في المجال الإعلامي له ارتباط بكل رموز المجتمع وهذا الإرتباط في كثير من الأحيان قد يتحول الى علاقة أسرية و تواصل دائم اي برنامج تسجيلي يأخذ وقت طويل مما يتيح الفرصة للتعارف و حتى البرامج المباشرة تكون هناك دردشة قبل البث المباشر الحيشان التلاتة كما هو متعارف عليه هي الإذاعة و التلفزيون و المسرح و كان بين هذه الحيشان نفاجات و كان التواصل و التقارب بين الزملاء و المبدعين كبير جاء النظام البائد وقام بإغلاق تلك النفاجات و صعب التواصل و التقارب بين الزملاء صعب و لكن لم ينقطع تماماً ,مثلاً اذا اردت الذهاب من التلفزيون للإذاعة يتطلب هذا الأمر خروجك من استقبال التلفزيون و ضرب اكباد الإبل للوصول الى استقبال الإذاعة حيث مكتب الأمن التابعة له الحيشان التلاتة و هكذا الحال بالنسبة للذهاب للمسرح حيث الاساتذة محمد السني دفع الله و خطاب حسن أحمد و جمال حسن سعيد و امفريب و الموصلي و تحية زروق و مكي سنادة و الفاضل سعيد و الكاتب الكبير حمدنا الله عبد القادر والد مولانا سيف الدولة الإعلامي المعروف و غيرهم هؤلاء يا عزيزي من أجمل و امتع الناس شكلوا دواخلنا بروعتهم و بشاشتهم و ونستهم الغير معهودة بالنسبة لنا في تلك السن بالنسبة لنا في ذلك الوقت و نحن في مدخل الخدمة و لسه زغب الحواصل ..حلوة طبعاً زغب الحواصل دي :) كنت ألتقيهم في كافتريا عمنا خالد و الذي هو اشهر من علم ,حيث فتة القراقير و فتة العدس و الفول الذي عندما تأكله لا تحتاج لبنج لأي عملية جراحية تدخل العملية وانت مخدر جاهز :) النظام البائد افسد الحياة علينا أول ما وطئت اقدامهم النجسة ارضة السودان الطاهرة و تشتتنا أيدي سبأ كنت قبل فترة في اتصال مع الأستاذ جمال حسن سعيد و الذي كان وقتها مريضا تحدثنا عن بعض الذكريات جبت ليهو سيرة كافتريا عم خالد حيث فتة القراقير و اللمة الجميلة , قال لي يا الله و يا سلاااام قال لي هسه انا كان لقيت الفتة دي و اللمة دي كنت مرضتا , قلت ليهو قوم بالسلامة من المستشفى و على طول على مطعم عمنا السكي له الرحمة تجيب ليك سمك و في نفس السوق سلطة و على مطعم عمنا عبد الواحد حيث الكبدة و الكلاوي و القلوب تتمنى ليك عاجل الشفاء.... يا دب :) المبدعين ديل ما كانوا ساهلين و فرصة العمل في الإعلام اتاحت لي التعرف عليهم عن قرب أما إذا دار حديثك حول بلبل الغرب عبد الرحمن عبد الله الكردفاني كنت قد شاركت بالعمل في أكبر سهرة له بتلفزيون السودان واتقابلنا بعدها في السعودية و انتجت له سهرتين بعد عودته من دولة الميجر متعافيا و كان الحضور كبيراً من الجالية السودانية في مدينة الرياض بعودته متعافيا نسأل الله له الآن عاجل الشفاء ابو مصعب الجميل طبعاً شاعره المفضل هو الزميل الإعلامي الاستاذ محمد حامد آدم (اغنية يا ضابط السجن) و الذي كان يعمل وقتها بالإذاعة السودانية و للفنان عبد الرحمن عبد الله تعاون مع شعراء آخرين ... عبد الرحمن بدأ في تعليمي على آلة العود و لكن مع ضغط العمل و بعد منزلي عن منزله لم تتثنى لي المواصلة .. عندي اغنية محفوظة في احد الهارديسكات (صوت) غناها لي عبد الرحمن للفنان وردي هي اغنية مرحباً يا شوق حقيقة لا استطيع أن اقول أن عبد الرحمن عبد الله وهو استاذ للصوتيات غناها احسن من وردي انا ما ناقد فني لكن مستمع جيد وقتها عبد الرحمن غناها بصورة ادهشتني الآن لقيتا ليك ممكن صوتو يكون بين التنور و الألطو و دي بعرفوها الأساتذة ترهاقا و احمد ياسين و بالمناسبة العود البعزف بيهو عبد الرمن العوددا حقي اشتراهو لي استاذي في المرحلة الثانوية العامة و نسيتو عند عبد الرحمن و انا مسافر لبريطانيا لكن عبد الرحمن يمتلك اروع الأعواد لكن عجبو العود دا ربما محبة و ربما ان العود من اجود الأنواع العراقية
آداء وردي
07-13-2021, 12:45 PM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1604
Quote: العمل في المجال الإعلامي له ارتباط بكل رموز المجتمع وهذا الإرتباط في كثير من الأحيان قد يتحول الى علاقة أسرية و تواصل دائم اي برنامج تسجيلي يأخذ وقت طويل مما يتيح الفرصة للتعارف و حتى البرامج المباشرة تكون هناك دردشة قبل البث المباشر الحيشان التلاتة كما هو متعارف عليه هي الإذاعة و التلفزيون و المسرح
ناس حسين خوجلي والسر قدور قدونا بي تاريخ وذكريات مكررة ومكررة لناس حقيبة الفن لمن الواحد حفظهم عن ظهر قلب وكأن الجيل التاني والتالت والأخير ما عندهم مساهمات ولا إبداعات في هذا المجال عشان كده أمثالك يا خضر والقريبين من الحيشان التلاتة لازم يوثقوا ويدونوا هذا التاريخ القريب بكل ما فيه من حسنات ومساوئ.
صلاح يبلغك السلام والتحايا
07-24-2021, 01:54 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10039
Quote: وكأن الجيل التاني والتالت والأخير ما عندهم مساهمات ولا إبداعات في هذا المجال عشان كده أمثالك يا خضر والقريبين من الحيشان التلاتة لازم يوثقوا ويدونوا هذا التاريخ القريب بكل ما فيه من حسنات ومساوئ.
من حق الجيل الجديد ان يغني و أن يتم التوثيق له لكن للأسف يا عزيزي أن التلفزيون القومي لا يمتلك سيرفر بسعة كافية و تقوم إدارة التلفزيون العاجزة بمسح الكثير من المواد بعد بثها و للأسف بعض المواد يتم مسحها حتى قبل البث و في هذا اهدار للزمن (و الجهد) و للمواد
Quote: صلاح يبلغك السلام والتحايا
عظيم تحياتي للعزيز و الإنسان الرائع صلاح عبد الله و اسرته الكريمة و كل عام انت وهو و اسرتك بألف خير
07-24-2021, 05:27 AM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1604
بالأمس نشر مشكورا الأخ الزميل خالد سعيد من قروب "أغاني السودان زمان" بالفيس بوك
Quote: ...أدركوا ...بلوم الغرب.. من منا لم يطرب الايقاعات المردوم والجراري التي شجي بها بلوم الغرب وشكل وجدان الشعب السودانى.. الان البلوم طريح الفراش الابيض التقيته صدفة بمستوصف درة بالخرطوم بحري يبحث عن التشافي والسفر القاهرة بحثا عن العلاج ...دعواتنا له بعاجل الشفاء
09-12-2021, 05:34 PM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1604
تحياتي أستاذنا القدير علي كيف أخبارك وصحتك طولنا منك وإن شاء الله بينا تواصل تلقينا الخبر الأليم وفقدنا هذا الإنسان الجميل والفنان الطروب ربنا يرحمه ويغفر ليه ويسكنه عالي الجنان ويصبر أهله ومحبيه ومعجبي فنه الأصيل وعارفي فضله الصبر الجميل وصادق المواساة ولا حول ولا قوة إلا بالله.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة