Quote: في رأيي لا يمكن استنساخ الثقافة الكوشية بضبانتها.
اتفقنا!
نعم، هذا مستحيل، والسبب بسيط جدا، ممكن نلخصو في كلمة واحدة:
البيئـــــــــــــة!
يا بشاشة انا ذكرت لك تجربة اهلي في عاصمة مملكة مروي القديمة، مع التراث المعماري الذي خلفته تلك الحضارة الباذخة: هم وانا نفسي قبل ان ادخل المدرسة، يعتقدون وكنت اعتقد انهم من عبدة الاصنام.
وهم غرباء عنا، ولاتربطنا بهم صلة، بينما نرى خواجات ياتون لزيارة تلك المناطق الغامضة لدى السكان ولدي كطفل. ولم اعرف علاقتي بهم الا بعد دخولي المدرسة وفي حصة التاريخ.
فالتعليم الحديث، دام ظل مناهجهـهو الذي جسّر "نظرياً تلك الهوة بين اولئك الاغراب ووعيي.
طبعا هنالك مئات السنين ضائعة من تاريخ الارض التي ولدت فيها، اي ما بعد انهيار مملكة مروي.
تلك فترة يلفها الغموض الكامل.
ماذا حدث للسكان الاصليين بعد تدمير مملكة مروي؟؟
لا احد يعرف.
لذلك انقطع الارث الكوشي، وكيف عاش السكان في تلك الفترة المجهولة؟ وماذا كانت ثقافتهم؟ لا احد يعرف، فالمسيحية التي ورثت الكوشيين كانت ديانة الطبقة الحاكمة.
لذلك كان من الطبيعي لمجموعات سكانية ذات ثقافة لا تحميها مؤسسات، ان تتحول بالكامل الى الاسلام بثقافتها الضخمة،
بالرغم من ان الاسلام الذي شهدت المنطقة اكبر موجاته بعد سقوط الاندلس، كان في فترة الانحطاط "هذا راي ابوالقاسم حاج حمد على ما اذكر".
وهو راي تدعمه الادلة من كتاب الطبقات من خلال الكتب التي كانت متوفرة في ذلك الوقت، وانتشار الخرافات والاساطير.
اعتقد ان المناهج الدراسية من اكثر الطرق فعالية في اعادة الارتباط الثقافي مع التراث الكوشي، واكثر فعالية من ذلك صانعو الازياء والفنانون وغيرهم من المبدعين الذين يمكنوا ان يطوروا الازياء الكوشية والتراث الكوشي ويجعلونه جزء اصيلا من الثقافة الراهنة السائدة.
02-28-2021, 04:51 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: والاتجاه الثاني واضح من خلال "الخرافة" التي اوردتها يا بشاشة في مداخلة سابقة عن مجيئ مخلص او نبي ومن على شاكلتهم في ٢٠٦٠
عيييييييك، يا خواض!!
هذا تقويم كوشي او مش خرافة، متداول، مجرب، منذ اكثر من 50,000 سنة!
بناءا عليه لما اقول الشمس ستغرب غدا في كالفورنيا الساعة 5:50 م، فهل هذه خرافة او تنجيم ام شئ مثبت مفروغ منه؟
صدقني، اجدادنا كصوفية، وصلو مراحل بعيدة جدا، جدا بالمناسبة، عالم اليوم بما حمل لايستطيع حتي ان يفهم ما انجزناه، دعك من يجاريه!
نحن من صاغ التقويم الحالي، ابتدا من الثانية، الدقيقة، الساعة، اليوم، الاسبوع، الشهر، السنة، وانتهاءا بالدهر، اللي عمرو 26,000 سنة في مرجعية اجدادنا!!
اذن وبناءا عليه، فكوننا كسودانيين اي كقوم سود، جايين راجعين، لنستعيد مجدنا، فهذا حراك كوني طبقا لاجدادنا وهذا طبيعي لما تتامل طبيعة حركة الشمس اللي بتشرق في وكت بعينه، ثم تغيب في وكت بعينه، يوميا.
نعم ان دامت لنا، لما الت لامثال الطرمبة!
ولانو لن تدوم لهم، فستؤول لنا، والشواهد علي قفا من يشيل!
اذن كقاعدة، كل شئ في الوجود ده، بتبع دورة بعينها، لولبية، حلزونية، ليها بداية محددة ونهاية محددة متي ما اكتملت الدورة، كما شروق وغروب الشمس.
المتخصصين في المجال ده، لما رصدو تاريخنا القديم كلو وجدو انو التغيير فعلا تما بناءا علي التقويم الكوشي!
نعم حتي في عصرنا، الثورة المهدية كمثال تنبأ بي اشتعالا شيخ دان فوديو من زمن طويل، وهذا لعب الدور الاكبر في نجاح هذه الثورة الفريدة، لانو جنود هذه الثورة جو مهاجرين من غرب افريقيا، ولارض اجدادم، قبل فترة طويلة من اندلاع الثورة، جاهزين، مستعدين!
نعم شيخنا دانفودو قال لي احبابو، نجمة الثريا علي وشك الظهور في الشرق، فاستعدو لظهورا، قبل الثورة بفترة طويلة!!
شخصيا لا اميل للخوض في الموضوع ده، ولكن احيانا بضطر!
من علامات التغيير القادم، هو معجزة ثورتنا في 19 ديسمبر، بزعامة المراة السودانية!!
بنقول معجزة، لانو مذهل، كيف رغم التفتيت، التشرذم الكان حاصل لينا كشعب علي اساس الجهوية من شاكلة "جلابة في مواجهة غرابة"، "زرقة في مواجهة عربة" بواسطة نظام الفسقة، في لحظة الصفر، المركوذ في اعماق، اعماقنا، في اللاوعي، في اللاشعور كشعب واحد، احد، جا مارق!!
هذا توقعته شخصيا في 2011، ولهذا حاولتا اغير خطاب الصعق الكهربي بتاعي، الموجه ضد جلابتي!!!
ياخي وريني وين في عالم اليوم الذكوري ده، المراة قادت ثورة "اندروجينية" بمعني لانوعية، بمعني ما خاصة بي نوع الاناث، كما حدث من قبل في تاريخ اوربا، بواسطة الاوربيات الامازونيات وضد نوع الذكور في اوربا؟
ياخي يكفي، مثل هكذا كفر، بمنظومات دويلة الاحتلال الثنائي، في اوساط الجيل الراكز، الانجز المعجزة دي!
باختصار ماحدث هو حراك وعي كوشي بامتياز، غريزي نعم، ينطلق من اللاوعي، ولم يصل الي السطح اي الوعي بعد، وهذا طبيعي!!
لهذا موعدنا مع الوعي الكوشي في 2060، طبقا للتقويم الكوشي!
الان الوعي الكوشي، بلغ الكتفين!!
في ال40 سنة القادمة، سيقتحم الراس، اي الدماغ، اي السطح، اي الوعي الواعي، رغم انف المخاطر المهولة المحيطة بنا، بواسطة امثال حمرتي، اللي فعلا، ممكن يشلع حاجة اسمها سودان!
بالعقل، هذا ممكن، وارد، متوقع!
ولكن بالقلب، هذا مستحيل!!
القلب اي الحاسة السادسة، وليس عقل الحواس الخمسة، كان هو مرجعية اجدادنا، والقلب كاهو الKA بي لهجة دنقلا في المدونتر اي الهيروغلوفية، اي بيت الروح AH,KA!
نعم AH هو القلب بي لسانا!!
اخير نقيف هنا!!!!!!!!
02-28-2021, 08:32 PM
Bashasha Bashasha
تاريخ التسجيل: 10-08-2003
مجموع المشاركات: 25803
لهذا جدي، أو حبوبتي كانو علي قناعة انو الإثار دي في دنقلا، هولة خواجات وليس هم، لانو كانو بشوفوهم كتير كسواح، وهناك نكات كتيرة بخصوص منظر أو شكل الخواجة الكان غريب بالنسبة ليهم!
بالنسبة لي حبوبة، من اكثر مالفت نظرا كان الشعر "الاشغر" اي ال"blond hair" بالنسبة للخواجيات!
نعم هكذا لون للشعر كانت بتكش منو، نعم كان بضرس سنونا!
لدرجة كانت بتقول "بلا صوف النعاج" لانو غريب عليها!!!
بينما في امريكا، هكذا لون "اشغر" هو حلم، الكثيرات من اخواتنا، افريقيات امريكا!
ايضا من القصص الطريفة كيف واحد من ناسنا في دنقلا، كان متعود يقوم بدري جدا بعد صلاة الصبح، شايل صينية الشاي، في اوساط ركاب اللواري، المعطلة نتيجة للوحل، في الرمال، عشان يسقيهم الشاي، باعتبارم ضيوفو، تأمل!
اها مرة زولنا ده، لما جرا البطانية من راس واحد نايم جنب لوري معطل، أو شاف وش خواجة، فانخلع شديد خالص، لمن صينية الشاي، انكشحت في الراجل!
ليه؟
لانو دي أول مرة في حياتو، بشوف إنسان بي شكل زي ده، مختلف عن البعرفوا!
باختصار، هذا ساهم في استفحال التصور المسبق لدي اهلي، في دنقلا، كيف الاثار دي حقت خواجات، ولا علاقة لهم بها!!!
هذا يثبت كلامنا، عن التيه أو حالة الغيبوبة العايشنها احنا كشعب!
بالنسبة للمقرر الحالي، اللي وضعو الاحتلال، للاسف، فزاد الطين بله، وهذا طبيعي، مادام مؤلف هذا المقرر هم مستعمرينا!
نعم المقرر الحالي اختزل ارثنا الحضاري في من يسمون "نوبيين" حصريا، بالفهم القبلي اي المحس اولا، ثم الحلفاويبن ثانيا، ثم الدناقلة ثالثا، وهذه ماساة!
ده كان ملعوب وبخبث، تبلور في الثمانينات لاسباب محددة متصلة بالصراع الكوني حول ارثنا الحضاري، اللي إشتعل في السبعينات!
لاحظ ده كلو،ونحن آخر من يعلم، وكنتيجة، الي الان المتخصصين في المجال ده "افتراضا" بحاربو جنبا، بجنب الي جانب قادة المعسكر الاخر، أو ضد المعسكر السوداني، تخيل!
03-01-2021, 05:25 PM
Bashasha Bashasha
تاريخ التسجيل: 10-08-2003
مجموع المشاركات: 25803
رسالة، لي بناتي، واخواتي العازفات، وطالبات الموسيقي:خليكي واعية بالحقيقة دي:
كل مارجعنا ورا، في تاريخنا، بنجد المرأة السودانية هي اللي كانت مهيمنة علي المجال دهش!
ياتو مجال؟
مجال العزف الموسيقي علي الالات!
عكس التصور المسبق المتداول الان، بالذات في عصر المملكة القديمة.
نوع الرجال كعازفين ابتدا يظهر بي صورة جلية، من عصر المملكة الحديثة، اي الأسرة 18، اي العصر الذهبي، الثالث، اللي أبرذ ملكاتا، كانن حتشبسوت والملكة التاية، مع أنها رسميا مااستلمت اي سلطة، ورغم ذلك التاية كانت ستهم، أو ستهن، بالاشارة حكمت عالم ذاك الزمان كلو!
اذن السودانية كاصل لي كل شئ كقاعدة، في حضارتنا، ماصدفة ولاعابر!
(عدل بواسطة Bashasha on 03-02-2021, 01:03 AM) (عدل بواسطة Bashasha on 03-02-2021, 01:06 AM)
03-02-2021, 04:04 AM
Bashasha Bashasha
تاريخ التسجيل: 10-08-2003
مجموع المشاركات: 25803
الدليل انو كمت، اي "مصر" بالعربي هي ارض اجدادنا، هو شهادة اجدادنا انفسم.
فيما يلي تعريف اجدادنا لمن هو السوداني في مقابل الكمتي اي "المصري" في وثيقة تناولت موضوع الاجناس الكانت معروفة عندهم في الزمن داك، اي قبل اكثر من 3,000 سنة، كالاتي:
A) بمثل الكمتي، اي "المصري". C) بمثل السوداني،اي النــــوبي، اي المحسي(النحسي من TA NEHISI)، الكوشي.
لافرق اطلاقا مابين السوداني والكمتي اعلاه!
تذكر ده تصور اجدادنا لي انفسم لو في السودان الحالي او كمت.
03-02-2021, 06:29 AM
Bashasha Bashasha
تاريخ التسجيل: 10-08-2003
مجموع المشاركات: 25803
رجاء، قارن وجوه اجدادنا اعلاه قبل اكثر من 3,000 سنة من تاريخ اليوم، بذات العراقي والسروال بتاعنا اليوم، بي وجوه اهلنا من دافور في الشريط اعلاه بالجلاليب والطواقي.
اخونا بتاع المنطلون ده، خرب الرصة!!!
حنواصل رصد الادوات في الشريط اعلاه، الشايلنها اعضاء الفرقة او هم بادو في الرقصة دي..
03-02-2021, 06:40 AM
Bashasha Bashasha
تاريخ التسجيل: 10-08-2003
مجموع المشاركات: 25803
الاعزاء، قراء بشاشا: مقدر جدا الاتصلو بي في الخاص مطالبين بالعودة للبوست ده، ولكن زمن مافي للاسف!
اوعدكم اقعد باقي الليلة او بكرة هنا، لاني لي روحي اعترف، مبسوط جدا من موضوع هذا البوست، لاني اعترف مرة اخري، رغم العمر الدخلتو في الموضوع ده، ما اتخيلتا اطلاقا، اسلوب حياتنا الحالية كقاعدة، لم يتغير بما يذكر عن اسلوب حياة اجدادنا عبر الاف السنين!!!
هذا سيلغم المعسكر الاخر، حجر اخير عشان يملو خشمم تراب، فيما اتصل بالصراع الكوني العنيف الدائر حول ارثنا الحضاري!!
هي المعركة اتحسمت من زمن، وتحديدا في الثمانينات، ولكن المعسكر الاخر ماحيسلم سلاحو اطلاقا!!!
علي العكس شخصيا متوقع اشتباك بالايدي، مع اصدقاءنا وحلفاءنا اليهود، لي قدام، لما نصحي كسودانيين!!!
حاليا هم راقدين قفا، لانهم واعين جدا جدا، وباكثر من اي مجموعة اخري، اننا ككوشيين، نوبيين، نايمين او بنشخر بي اعلي صوت، ولهذا اعلمو هناك بعد اخر مخفي غير مرئي، في اهتمام اسرائيل الزائد بالسودان!!!
التوراة فيهو كلام كتير عن السودان الحالي، المذكور 40 مرة، تخيلو، نعم السودان بتاع ناس حمرتي، هو المذكور 40 مرة، او مش امريكا او روسيا، او الصين او دورو المتوقع في القرون القادمة!!!
بنعرف الكتير، ولكن مابنقدر نقول كل البنعرفو!!!!!!!!!!!!!!!!!!
عييييييييييييك!!!!!!!
الكلام مخلوق وكتو، مش كده برضو؟
03-20-2021, 06:08 AM
Bashasha Bashasha
تاريخ التسجيل: 10-08-2003
مجموع المشاركات: 25803
قبل ما نتناول موضوع تاريخ الة العود، خلونا نتناول رقيص الرقبة، اللي في تقديري يشير الي كيف ايقاع الدلوكة المنتشر في اركان السودان الخمسة بدل الاربعة وباكثر من اي ايقاع اخر، يعود الي عصر الاهرامات!!!!!
هذا تقدير بشاشا، بناءا علي رقيص الرقبة المثبت من الزمن دااااك!!!
لانو رقيص الرقبة ايقاعو الدلوكة تحديدا، ولا رايكم شنو يا احبابنا اختصاصي الموسيقي؟
03-20-2021, 06:45 AM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: رجاء، قارن وجوه اجدادنا اعلاه قبل اكثر من 3,000 سنة من تاريخ اليوم، بذات العراقي والسروال بتاعنا اليوم، بي وجوه اهلنا من دافور في الشريط اعلاه بالجلاليب والطواقي.
اهلا يابشاشة
بالعكس ، الصور تظهر جمالا يفوق بكثير العراريق والسراويل التي كنا نرتديها والتي تقوم فقط بحماية الجسم ومراعاة الذوق الاجتماعي في الاحتشام.
الافارقة الآخرون متطورون اكثر منا في حسهم الجمالي بالازياء.
يبدو ان هنالك مرحلة انحطاط مرّت بها تلك المجتمعات.
فيا بشاشة الله يرضى عليك، التاريخ يعيد نفسه مرتين:
مرّة في شكل ملهاة، ومرة في شكل ماساة.
لاتكن سلفياً أعمى !!!
ههههههه
03-20-2021, 10:04 PM
Bashasha Bashasha
تاريخ التسجيل: 10-08-2003
مجموع المشاركات: 25803
نعم ماممكن تقارن اي شي في حياتنا اليوم، من حيث الquality بالقدموهو اجدادنا، بل عالم اليوم بما حمل، ملك من خبرة، امكانات، تقنية لايستطيع حتي يجاري انتاج اجدادنا، وهذا باعترافم هم!!
الطريف جدا، حتي بي معايير اجدادنا أو في زمنم نجد المستوي عامة تدني مع مرور الزمن، لما تقارن العصر الذهبي الثالث مثلا، اي الأسرة 18، و 19، بالعصر الذهبي الاول، اي عصر الاهرامات.
ياخي ماوريتنا رايك، بخصوص كيف اسلوب حياتنا مااتغير بما يذكر كقاعدة، مقارنة بي طول الزمن الممتد بطول وعرض الاف السنين!
نعم كنتا مصر، مايسمي تاريخ شئ انتهي والسلام، وبالتالي لامعني لتناولو، والان ثبت انو تاريخنا ياهو ذاتو، من حيث اسلوب الحياة كقاعدة، رغم انف مرور آلاف السنين!
اها، شن قولك؟ غيرتا رايك؟
03-21-2021, 01:19 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20422
نعم ماممكن تقارن اي شي في حياتنا اليوم، من حيث الquality بالقدموهو اجدادنا، بل عالم اليوم بما حمل، ملك من خبرة، امكانات، تقنية لايستطيع حتي يجاري انتاج اجدادنا، وهذا باعترافم هم!!
الطريف جدا، حتي بي معايير اجدادنا أو في زمنم نجد المستوي عامة تدني مع مرور الزمن، لما تقارن العصر الذهبي الثالث مثلا، اي الأسرة 18، و 19، بالعصر الذهبي الاول، اي عصر الاهرامات.
ياخي ماوريتنا رايك، بخصوص كيف اسلوب حياتنا مااتغير بما يذكر كقاعدة، مقارنة بي طول الزمن الممتد بطول وعرض الاف السنين!
اهلا بشاشة لا يمكن النظر الى تطور الثقافة بنظرة سكونية ترى في الماضي نموذجها الذهبي. وعموما لايمكن النظر الى الظاهرة الثقافية الاجتماعية دون منظور تاريخي.
لو ان مجتمعاتنا التي نشأت في نفس المنطقة التي نشأت فيها تلك الحضارة العظيمة، تعرضت لتغيرات اقتصادية واجتماعية ملموسة لوجدنا على الاقل لمسات جمالية مختلفة في الازياء مثلا والمعمار.
ماتعرضت اليه مجتمعاتنا انطلاقاً من المعطيات التاريخية المتوفرة لنا-نسبة لوجود انقطاعات تاريخية طويلة صمت فيها التاريخ في منطقتنا- هو ظهور دينين مختلفين: المسيحية والاسلام.
كانت المسيحية دين الطبقة الحاكمة والنخبة.
لكن الاسلام كان دين الشعب المنقطع اصلا عن حضارته الام، ولذلك غيّر الاسلام المضمون الروحي الكوشي بكامله تقريبا.
والممارسات التي بقيت هي ممارسات ناتجة عن بطء تطورّ مجتمعاتنا .
وعدم تغير اسلوب الحياة في اية منطقة في العالم ليس مدعاة للفخر والتباهي،
بل هو دليل على الضمور التطوري لتلك المجتمعات، وعلامة دامغة على بقائها في حالها لالاف السنين دون روح وجوهر كوشي.
03-21-2021, 01:30 AM
Bashasha Bashasha
تاريخ التسجيل: 10-08-2003
مجموع المشاركات: 25803
سلام ياخواض، بتكلم عن الQuality بتاع منتجاتنا تحديدا ياخواض. نعم ماانتجه اجدادنا من حيث الQuality عالم اليوم أو بي اعترافو، لايستطيع حتي يحاكي، دعك من يجاري، بي كل كمبيوتراتو، أو ده هو المقصود.
03-21-2021, 02:28 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20422
Quote: بتكلم عن الQuality بتاع منتجاتنا تحديدا ياخواض. نعم ماانتجه اجدادنا من حيث الQuality عالم اليوم أو بي اعترافو، لايستطيع حتي يحاكي، دعك من يجاري، بي كل كمبيوتراتو، أو ده هو المقصود.
تحايا اسفيرية بالصحة والعافية
طيب يا بشاشة خلينا نحدّد موضوع \مواضيع النقاش:
هل هي مفخرة\ مأساة استمرار الحياة لالاف السنين؟* ام جودة منتجات اجدادنا؟ وما هي تلك المنتجات التي تتحدّث عنها؟
*استمرار الحياة الالفية هي مفخرة في نظرك يا بشاشة، وماساة في نظري .
** لاحظْ الان غياب النقاش من اطراف اخرى في المنبر ، رغم دعوتك لبوست جماعي، لان المسالة هي اكبر من الفخر .
03-21-2021, 03:50 AM
Bashasha Bashasha
تاريخ التسجيل: 10-08-2003
مجموع المشاركات: 25803
سلام ياخواض، بالنسبة لي موضوع المفخرة، فلو هناك فرد واحد احد في الكون ده كلو، يملك حق الافتخار بي زاتو وارثو، حد الطشمي، فهو الســـــــوداني تحديدا، وحصريا، مقارنة بالاخرين!!!
ليه بنقول كده؟
لانو وياللاسف، سوداني اليوم، هو اكثر مخلوق في الكان ده كلو، علي النقيض بيكره من هو!!
ليه؟
لانو اكثر خلق امون، جهلا بذاته، نعم بمن هو، كسوداني!!!!
اذن حد ادني من الاعتزاز بالذات، مفتاحي في عالم دينو "القومية"، "العرقية"، نعم "العنصرية"، والهو المعبود الفكة، اي المقتنيات المادية !!!
اذن ماصدفة، اعتداد الالماني كمثال بي ذاتو، وكنتيجة مكانة ووضعية المانيا كدولة في تراتبية عالم اليوم، مقارنة بالسودان بزعامة امثال حمرتي، في قاع القاع رغم انو المانيا لاتملك ولا واحد من عشرة، من حيث الثروات الطبيعية، مقارنة باللي بملكو السودان!!!
احتجاجك واعتراضك علي ما اسميتو "الحياة الالفية"، حقيقة شئ يموخل بحق، ولكن لما اتذكر كيف معاييرك ارية، اوربية، فبقع لي كلامك!!!
والا، فقول لينا مشكلتك شنو مع "الاف السنين"؟
فهل ده نعمة، ام نغمة، وعلي اي اساس؟
اما المنتجات، فبقصد اي شئ مصنوع في زمن اجدانا، مقارنة بالمصنوع في العصر ده.
03-21-2021, 05:13 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20422
Quote: ولكني اتحدث عن فخرك باستمرار الحياة الكوشية نفسها لالاف السنين. لا احد يفتخر بمثل هذه الحقيقة المؤسفة.
ياعزيزي، مشكلتي معاك، انو معيار التطور عندك مرجعيتو هو الثقافة الارية، الاوربية، وهذه مصيبة!!
بختلف هنا معاك، اختلاف جذري!!
ده غير انو المدخل بتاعي للموضوع ده، هو ازمة الهوية!!
نعم من باب الاجابة علي سؤال، "من نحن" انا مشيت او نكتا الكلام ده!
ده غيرو انو كل مجموعة بشرية بتتطور داخل مجري "نيل" حركة تاريخا هي، اي ثقافتا هي، اي اسلوب حياة هي!
بناءا عليه، كقاعدة لكل ثقافة معيارا هي، الخاص بيها، لتحديد مفهوم تطور، انطلاقا من مرجعية ثقافتا هي، والا وكماهو حالنا، بحكم الغيبوبة العايشين فيها، بنقوم ناخد ونتبني معيار الثقافة المهيمنة علي وعينا، او بي كده بنطش، ضما، او ده هو الحاصل لينا!!!
كمثال خد عندك، وضعية المراة الان في مجتمعنا، اللي بدي الحق للرجل، انو يروح دافر 4 "نسوان" قدامو في الشارع، مملوكات ليهو، لانو من حيث النوع ذكر، او ديك "اناث" وبالتالي "دون" بالميلاد، وهذا قالو "دين"، و "اسلام"، نعم "كتاب" و "سنة" وهكذا!!!!
انا افهم معيار كهذا وفق مرجعية الثقافة العربية الوافدة، الاجنبية!
اما من حيث مرجعية ثقافتي انا، الكوشية، فالدون تاريخيا كان الذكر السوداني وليس الانثي السودانية، او بالتدريج هذا انتفي تماما، ليتساوا النوعان مساواة كاملة، وهذا لامثيل له في اي ثقافة اخري!!
اذن ماممكن نجدع اشياءنا في التراش، ونتبني قيم الاخرين، المسوقة عندنا، معبأة، ومقدمة، ك"دين" و"اسلام" شغل وعي استرقاق ثقافي، روحي!!!
واضح جدا، الفرق مابين معاييرك، ومعاييرنا!!!
03-21-2021, 05:03 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20422
خليني اذكّرك بفقرة وردت في كلامك قبل يوم واحد فقط، رغم انني كنت اعتبر اننا تجاوزنا هذه النقطة، اتفقنا فيها ام لم نتفق. وهذه هي الفقرة :
Quote: ياخي ماوريتنا رايك، بخصوص كيف اسلوب حياتنا مااتغير بما يذكر كقاعدة، مقارنة بي طول الزمن الممتد بطول وعرض الاف السنين!
وانا وريتك رايي:,وحاقولو مرة اخرى بالفصحى: استمرار حياة مجتمع ما لالاف السنين بدون تغيير هو امر مؤسف، ويعني ان هذا المجتمع إما راكد، أو بطيئ التطور.
وفي حالة مجتمعنا الذي تتحدث عنه فالامر اكثر تعقيدا: هذه المجتمعات فقدت هويتها الاولى، ولظروف صمت عنها التاريخ المادي، تحوّلت برمّتها الى الاسلام وفقدت جوهرها وروحها الكوشي.
ما تبقّى من ممارسات كوشية، هي بلا روح ولا جوهر كوشي،
وهي دليل قاطع على بطء تطوّر تلك المجتمعات لالاف السنين وهذا امر محزن،
ولا يستحق التباهي والفخر والفرح، كما في حالتك للاسف.
هذه هي النقطة التي جعلتني ادخل الى البوست. وهي لا تعني باي حال من الاحوال استنكار الفخر بالتراث،
بل الفخر باستمرار حياة راكدة خاملة لالاف السنين.
وساعود الى نقاطك الاخرى المهمة بخصوص المرجعية الثقافية او الهوياّتية، ومعيار التطور الثقافي.
هل وضَحت نقطتي؟؟؟
03-21-2021, 07:22 PM
Bashasha Bashasha
تاريخ التسجيل: 10-08-2003
مجموع المشاركات: 25803
ماممكن اقول ليك، الشي تور، تقول لي، لا احلبو، ياصديق!
ياعزيزي، ماممكن نتكلم عن تطوير، وتطور والزول المسؤول من ده، من حيث الوعي "ميت" مرمي في غرفة عناية مكثفة والدكاترة مضربين!
لاحظ، اجدادنا انتبهو لكل هذا، منذ عشرات آلاف السنين، وبالتالي وضعو وصفة لعلاج هكذا حالة مرضية، وإن كان منطلقم روحي صرف ولاعلاقة له، بالقومية أو الوطنية ومااليه من ترهات تراش، مفاهيم عصرنا، المادية، العرقية العنصرية!
نعم طبقا للتقويم الكوشي، هكذا موت بي معني غياب للوعي، فهوي دوري، كوني، كما غروب الشمس من بعد شروقا!
ولهذا اجدادنا وضعو ليهو تقويم محدد!
ماعايز اخوض في الجانب ده، لأنك ككمساري، حتقول لي خدك "الطرادة" بتاعتك دي، يابشاشا أو فحط، لانو الدفار ده، ماماشي كرتون كسلا، في حاج يوسف!!
خلينا نرجع للموضوع: ياخواض، دعنا في الأول نستعيد وعينا، أو نطلع من الكوما الحالية، أو بعد داك نتكلم عن موضوع التطور، ياسليل ماري انطوانيت!!
بعدين يا بشاشة انت نفسك مثال جيّد عن أن الهوية قد تتغيّر.
تعرُّفك على كتابات المركزية الافريقية ألهمك بان تتبنّى هوية جديدة.
لكن في نفس الوقت هنالك من هم من نفس المنطقة واصبحت لديهم هوية اسلامية، بل والمزاج الشعبي اصطبغ بتلك الهوية.
أدناه مثال لعضو من المنبر ، بالنسبة له الاسلام هو الهوية والذاكرة الشخصية .
هو الاستاذ علي عبدالوهاب عثمان، اقرأه وهو يحكي عن ذكرياته عن رمضان:
Quote: جلست اليوم أتامل ذلك الزمن الجميل أيام الناس على السليقة لا أيدلوجيات ولا تشدد ... الخ الناس كانوا على الطبيعة الانسانية وأذكر مثل هذه الايام قبل رمضان وحركة الناس في القرية الخاصة الاخوات والامهات .. لتجهيز حاجات رمضان
لا يمكنك اتهام الناس بالضلال عن الهوية الاصلية،
بناءً على قرارك الشخصي لتغيير هويتك.
العبدلله مثلاً كانت هويته التي نشأ عليها انه مسلم وجعلي وختمي.
تطوُّر شخصيتي جعلني اعيد تركيب هويتي بما ارى انه يمثّلني، فغدتْ أكثر تعقيداً مما نشاتُ عليه.
لكنني لا اتهم الآخرين بالضلال،
لانهم لم يحذوا حذوي في ما يتعلّق بإعادة النظر في ما ورثته من هويّة.
03-22-2021, 00:38 AM
Bashasha Bashasha
تاريخ التسجيل: 10-08-2003
مجموع المشاركات: 25803
سلام ياخواض، حتي هنا، بختلف معاك: هوية في فهم بشاشا معناها ثقافة اي اسلوب حياة المجموعة البشرية المحددة. بتكلم عن الSum Total لاسلوب حياة المجموعة البشرية المحددة منذ إن ظهرت هذه المجموعة والي اليوم، أو مش فترة يعينها، وهذا مدفون في لا عينا والمشكلة هنا!
الاديان بالفهم الاري للمصطلح ده، اللي لامعني بل لا وجود له حتي كمفردة في لسانا، بتمثل جزء محدد، وليس كل جوانب ثقافة المجموعة المحددة!
اليهودية، المسيحية، والاسلام، من حيث الأصل هي سودانية اعترف، أما بي صيغتا الراهنة، فهي وافدة واجنبية، وهي تمثل أبرذ واخطر ادوات استرقاق امثالنا علي الاطلاق!
يكفي الخلافة المسماة راشدة خلافة الثقافة العربية، هي اللي أستنت استعباد امثالنا، وفقا للكتاب والسنة علي مستوي جهاز الدولة!!
عثمان ابن عفان دفع حياتو ثمن، للدفاع عن أخوهو المرتد، أو جرايمو الفظيعة في مصر اليوم، بعد بلادنا، فقط لانو أخوهو بالرضاعة!!
الاتراك والدولة العثمانية غزو ديارنا وفقا للكتاب والسنة علنا لاستعبادنا، نعم للتكسب من بعينا، رغم انف شهادة لا اله الا الله!
ومافعله امثال اوردغان بالاكراد، باللبنانيبن، المصريين دعكا من امثالنا لايوصف قط!
في امريكا يكفي مافعلته الكنيسة بامثالنا والي اللحظة، حيث 80% من مسيحي امريكا، زعيمم هو واحد زي الطرمبة، النازي سليل هتلر!
أما اليهودية فيكفي نصوصا، الفظة الغليظة بحق امثالنا!
03-22-2021, 04:41 AM
Bashasha Bashasha
تاريخ التسجيل: 10-08-2003
مجموع المشاركات: 25803
كان غرضنا ننتقل للحديث عن "البشير" اي فرقعة الاصابع مادام جا الكلام عن رقيص الرقبة، ولكن للاسف ما لميت في شريط الفديو البتناول الكشف ده، فنرجو المعذرة!!
الاكتشف الوثيقة الجدارية دي، وهو نقش داخل مقبرة احد شيوخ التصوف، اي Karakhamun في عصرة الاسرة 25، في "واوسي" لاحظو للاسم ياخلق، المسماة الان الكرنك، في نواحي اسوان الحالية في كمت، هو بروف Anthony Browder له التحية، وهو الان ابرذ متخصص في تاريخ الاسرة 25، وهو الافريقي الوحيد الان الشغال حفر في كمت، ينقب في مواقع خاصة بي تاريخ كوش في كمت.
03-22-2021, 04:51 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20422
بالنسبة للمجسم اعلاه، بتاع رقيص الرقبة، والشبال ياللعجب، احفاد الهكسوس اي مصري اليوم مابين محرك البحث قوقل يسوو ده، اصل العشرة بلدي بتاعم، بينما احنا كالمعتاد واحد مننا كتب سطر مافي، عشان يوري الاخرين كيف ده رقيص رقبة، مش عشرة بلدي.
لما اصل الكمبيوتر سنتناول الالات الموسيقية.
استغربتا جدا، لما لقيت طمبورنا الواحد ده منتشر جدا، لاني كنتا فاكرو ألة حديثة!
03-23-2021, 05:13 AM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: اليهودية، المسيحية، والاسلام، من حيث الأصل هي سودانية اعترف، أما بي صيغتا الراهنة، فهي وافدة واجنبية، وهي تمثل أبرذ واخطر ادوات استرقاق امثالنا علي الاطلاق!
يكفي الخلافة المسماة راشدة خلافة الثقافة العربية، هي اللي أستنت استعباد امثالنا، وفقا للكتاب والسنة علي مستوي جهاز الدولة!!
كمال أمبس كلامك متضارب ، كيف تكون الأديان السماوية من حيث الأصل سودانية ولم نشهد نزول نبي واحد في السودان ، هذه الأديان عندما أتت الينا اتت تحمل وعاء اللغة والثقافة الأم ، فالأسلام انتشر بالعرب والعربية ، فالعربية كانت مادته ولا مجال لفهم الأسلام الا بالعربية اما مباشرة او عن طريق الترجمة والعرب كانوا مادة الإسلام فهم الذين نشروه في العالم سلما او فتحا ... قصة عبيد وما عبيد عندنا دي العرب ما عندهم بيها شغلة ، دي اصلا متجذرة عندنا وعند العرب والفروس والروم وحتى اوروبا كانت عندها رقيق الأرض ، وعندما اتي العرب فاتحين لبلادنا تم الصلح وتمت المقايضة بشروطها ومن ضمنها تصدير السلع والتي كان الرقيق جزء منها ، ولا تنسى يا بشاشا ان الرق كان موجودا في بيئتنا النوبية حتى منتصف القرن الماضي وما زالت هناك اسماء معروفة تنسب لأسيادها ودا معروف لأي دنقلاوي او محسي .. الرق كان متأصل وسائد ولا دور للعرب او المسلمين في نشره او اختلاقه ... وبصراحة يا كمال انت ( بتلقط في الكويش ) وكلامك دا ( كورتن كلد ) وطقطقة أسافير وحديث نخبة ، الشمال تعرب وأسلم وانتهى ... توت عنخ وبعنخي وآمون رع كانت آلهة في وقتها وانقذنا الله بالأسلام من عبادة الأحجار والأصنام والبشر ... شكرا للعرب الذين اتونا بهذا النور المبين ........... صدقني انت تسبح في بركة معزولة من الأفكار يا بشاشة ، ودي لفت ليها النظر الأستاذ الخواض ، هسع في كم نوبي في المنبر دا صدقني مافيش واحد ضد العرب والثقافة العربية إلا بشاشة و نيف .... ديننا ولغتينا العربية والنوبية متعايشين في وئام وسلام من دون اي خصام او فطام يا استاذ كمال ..... مولر وديبون ......
Quote: لانو اكثر خلق امون، جهلا بذاته، نعم بمن هو، كسوداني!!!!
Quote: ايوا، وحات امون، "البنقذ" بتاعنا الواحد ده
Quote: خصمتك بامون، نقطة نظام ياخي!
كما أمبس انت تستبدل ربك الذي خلقك بشخص ميت منذ آلاف السنين ولا نتأكد حتى من وجوده !!! طيب لو قلنا الاسلام دين العرب المستعبدين ، اها ربنا برضو حق العرب ؟؟؟ يا زول راجع دينك واترك عبادة البشر والأوثان واللأحجار أمون بتاع وين ... اليوم حتى أهلنا عندما يدعون غير الله ( وهذا منافي للتوحيد ) يدعون النبي العربي والصحابة ومن يعتقدون انهم أولياء من المسلمين العرب ولا يعبهون بأمون بتاعك ولا يدر لهم بخلد !!!!!!!!... مافيش زول في الشمالية بيعرف آمون ، لا جدي ولا جدك ، دي أمة انقرضت وبيننا وبينهم جبال من البعد العقدي والثقافي والروحي ... كدا انت علم اولادك النوبية وسميهم بأسماء نوبية وكذا بتكون ما قصرت .. غير هيك ما بصير ... كولر وديبون
03-23-2021, 08:00 PM
ابو جهينة ابو جهينة
تاريخ التسجيل: 05-20-2003
مجموع المشاركات: 22488
تعني كلمة المسيد في اللهجة الجزائرية المدرسة، وأصل الكلمة هو المسجد وقد استعير معنى المدرسة باعتبار أن المسجد كان يؤدي دور التربية والتعليم في الماضي، وقد تم إبدال الجيم بالياء على حسب نطق الجيم في عدة مناطق عربية، وقد أشير إلى هذا المعنى في تاج العروس، فذكر أن المسيد لغة في المسجد بلغة أهل مصر، أما بلغة الجزائر والمغرب فهو المكتب أو الكُتّاب، وقد حلت لفظة ليكول من الفرنسية l’école وكوليج collège مع انطلاق نموذج التعليم النظامي في فترة الإحتلال الفرنسي في كل قرانا بالشمالية، فان كلمة المسيد تطلق على المساجد، اما الان مع فقد انتشرت المساحد باسمها العربي واندثرت كلمة مسيد، بل وتم هجر المسيد الا في بعض القرى في الشمال وبعض قرى الجزيرة
03-23-2021, 08:28 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20422
Quote: في كل قرانا بالشمالية، فان كلمة المسيد تطلق على المساجد، اما الان مع فقد انتشرت المساحد باسمها العربي واندثرت كلمة مسيد، بل وتم هجر المسيد الا في بعض القرى في الشمال وبعض قرى الجزيرة
اهلا ابوجهينة بشاشة مسالة المسجد لا تعنيه اصلاً.
فالاديان الابراهيمية هي كوشية الاصل.
فانتم النوبة المسلمون ضالّون عن الطريق المستقيم الكوشي.
03-24-2021, 00:28 AM
Bashasha Bashasha
تاريخ التسجيل: 10-08-2003
مجموع المشاركات: 25803
سلام ياخواض، اولا، شايفك للاسف فاهم اسم/مصطلح نوبيين بالفهم القبلي الاستعماري للمصطلح ده، أو ده ماعابر اوصدفة، كحوار مركزية أوربية/عربية!!
بالنسبة للاديان، فاعلم لاوجود حتي لهذا اللفظ/المصطلح حتي كمجرد مفردة في لسانا السوداني، مع اننا اصل/منبع/مهد ماتسمي اديان في عالم اليوم!
ويكفي كيف أبو انبياء الاديان الابراهيمية دي، تعلم قدر العرفو، من اجدادنا، لما جانا كلاجي، كمهاجر، في عصر اهلو الهكسوس، كماغيرو، بحثا عن حياة أفضل في امريكا ذاك الزمان، اي كمت!!
لهذا اله ابراهيم كان امون رع، و"اب، را" لغة بي لسانا معناه:
"عبد رع"!
نعم حتي اسمو، سوداني، كما "ابرا، ها" المعروف، اميرنا الكوشي!
ياخي موسي زاتو كان سوداني، أو قبلو أول الرسل، واب الأنبياء جميعا اي جدنا "اوسار" اي النبي إدريس بالعربي كان سوداني!
اذن باختصار هذه الاديان هي مجرد مقاربة ثقافة سامية لي إرث روحي، صوفي تحديدا، سوداني!!
لهذا ماصدفة كيف اسلام الثقافة العربية الوافد الاجنبي، اي الإسلام السياسي، الكيزاني، الوهابي، دمر بلدنا، وكنتيجة كانت اعظم ثورة، اللي قادتا السودانية تحديدا!
للاسف، واضح وبحكم طريقة تفكيرك، انتا ماقادر تستوعب ماحدث!!!
اذا لسة مصر، فاعلم، الإسلام ده، مشي هناك في BA,KA بي لسانا لاحظ اي "بكة" أو "مكة"، من السودأن الحالي، وليس العكس!
ياخي كنا نشهد ان لااله إلا "اتون" اله موسي، مش "امون" ، أو بنصوم 30يوم، أو بنصلي 7 اوكات مش 5 في ذات سعودية اليوم لاحظ، قبل 1٫000 من ظهور رسالة القرن السابع، هولتنا من حيث الأصل!
03-24-2021, 04:17 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20422
أولا دعني اشيد بهدوء نبرتك في الحجاج.وأرى ان هذه الطريقة تكسبك تعاطفاً أكثر وتسهم في نشر هويتك الجديدة في الاسافير، بدلا من النفس الحار وهو ما اثبت فشله الماحق الساحق.
ثانياً ليس لدي اي اعتراض في ان تتبنّى ما تشاء من هوية او هويات متداخلة.
وهذا حق لكل انسان، طالما لم يفرض هويته على الآخرين، ولم يتهم الآخرين بالتقصير والضلال، والزيغ، لانهم لم يسيروا على نهجه "الهوياتي"...
انت بالنسبة اليك "الكوشية" تختلف عن الذين يدّعونها.
وحدث ان سالت احدهم من الكوشيين المتمسّحين الجدد وهو مسلم متشدد نوعا ما عن كيفية التوفيق بين اسلامه وكوشيته الجديدة: فقال الاسلام دين والكوشية ثقافة؟؟؟
فتأملْ.
تشكيل هوية جديدة بالدرجة التي يجعلها تمسخ الهويات الموروثات كما في حالتك يا بشاشة،
ليس امراً سهلاً، ولا سياحة ممتعة بين الهويات المتنازعة والمختلفة والمتقاتلة في حين آخر.
الهوية ليست أزياء يمكن لبسها وخلعها متى نشاء.
تشكيل هوية جديدة" لنج" يستغرق وقتاً طويلا..
يمكنك التبشير بهويتك الجديدة دون مساس بهويات الآخرين وخياراتهم في الانتماء.
03-24-2021, 03:35 PM
Bashasha Bashasha
تاريخ التسجيل: 10-08-2003
مجموع المشاركات: 25803
النفس الحار دايما وكقاعدة يعبر عن صدق ونقاء، بينما الكلام الدبلوماسي، كقاعدة بنطلق من، ويعبر عن نفاق أو تمثيل، ولكل قاعدة استثناء طبعا!!!
الاقرب لارثنا لطبعنا هو الكلام الدغري، طبقا لتعاليم "إلا لهة" Maat مصدر الten commandments اللي تحول الي توراة، كتاب مقدس، نازل من السما، وحين اوحيا، أو كده!!!
نجي لي موضوع هويات هذا يا اسامة:
ياعزيزي، انت ليه مصر علي حكاية "هويات" هذه، أو مش هوية؟
ياخي تصورك بتاع "هويات" هذا، قنا ليك بيلغي مفهوم "هوية" تماما أو يجدعو في التراش!
الهوية بطبعها احادية لاتقبل الضرب، أو الجمع أو القسمة إلا علي واحد، احد!
فما معني هويات هذه ياخواض؟
ياخي ماممكن وهم العروبة كمثال يكون هوية لي كوشي!!
بل العروبة لاتصلح حتي كمجرد واحدة من مكونات هويتنا/ثقافتنا الكوشيةلانها وافدة، اجنبية، فرضت علي رقابنا بحد السيف، بالاحتلال بالاستعمار بالاسترقاق، وفقا للكتاب والسنة ماتنسي!
نعم الهوية معناها ثقافة بعينها!
واضح للكل يااسامة، انك ماقادر اطلاقا تنفطم، ايوا، تبطل مص، رضاعة ثدي العروبة هذا، أو عشان كده مصر انو وهم العروبة هوية لامثالنا، وهذا مؤلم!
03-25-2021, 07:34 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20422
اهلا بشاشة وآسف لتأخري عن الرد، وقبل ذلك اقول انني مستمتع بالحوار ،واتمنى ان يكون هذا هو شعور المتابعات والمتابعين
قلت سيدي:
Quote: :شلووم، ياخواض مشكور علي الاطراء.
النفس الحار دايما وكقاعدة يعبر عن صدق ونقاء، بينما الكلام الدبلوماسي، كقاعدة بنطلق من، ويعبر عن نفاق أو تمثيل، ولكل قاعدة استثناء طبعا!!!
الاقرب لارثنا لطبعنا هو الكلام الدغري، طبقا لتعاليم "إلا لهة" Maat مصدر الten commandments اللي تحول الي توراة، كتاب مقدس، نازل من السما، وحين اوحيا، أو كده!!!
بالطبع لا اقصد الكلام الدبلوماسي، ولكن الحجاج بالحقائق. النفس الحار لا يفعل سوى خسران المحاورين وكثير من المتابعين.
لو كان مفهومك للصدمة هو "النفس الحار"، فهذا ليس صحيحا. الحقائق هي التي تصدم لا النفس الحار.
ارى ان تواصل في نهجك الاخير بسرد ما تراه حقائق للقارئ، بدون نفس حار.
أما بالنسبة لكلامك المنكر لتعدد الهويات، فهو مرتد عليك: لماذا تصرّ على النقاء الهوياتي؟ لا يمكنك استبعاد الثقافة العربية من هوية الذين تربّوا عليها، فليس من السهل خلع الهوية الموروثة والذهاب الى سوق الهويات لشراء هوية جديدة.
الهوية يمكن ان تتعدّد: يمكنك ان تكون مسلما وعربيا وغربيا وافريقيا في آن واحد.
مع العولمة والتزاوج المختلط بين اعراق وثقافات مختلفة ، وايضا بناء على تطور الشخصية سنجد انفسنا امام شخصية ذات هويات متعددة.
وهذا الحديث ليس من اختراعي وتاليفي.فيمكنك البحث عن Multiple identity
03-25-2021, 10:39 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: لا يمكنك استبعاد الثقافة العربية من هوية الذين تربّوا عليها
عييييييييك ياخواض!!!!
معقولة؟
ياعزيزي دخلنا شنو من اساسو بي هوية مستعبدينا الاعراب؟
هذه هوية وافدة، اجنبية، فرضت علينا بحد السيف، عبر قرون الغزو، الاحتلال، الاستعمار، والاسترقاق وفقا للكتاب والسنة، ماتنسي!!
اذا وقع ليك تعريفنا اعلاه لطبيعة هذه الثقافة، شارة استعبادنا، فكيف تقول لايمكننا استبعاد هوية/ثقافة مستعبدينا؟
ده كلام وين ياخواض؟
علي العكس تماما، لاتملك قوة علي سطح هذا الكوكب، مهما بلغت، ان تفرض علينا هوية وافدة، دخيلة، اجنبية كهذه، للابد!!
ده مؤقت، عابر، مصيرو الي صناديق القمامة، وهكذا مشوار تحرر سلفا بدأ، وابلغ دليل هو معجزة ثورتنا اللي انجزتا المراة السودانية تحديدا!!!
اتدري رمزية هكذا انجاز احرزتو السودانية، اكثر من تضررت، تعذبت، اتبهدلت، اتهانت، اتمرططت، من تداعيات هكذا وعي استرقاق ثقافة عربية ذكورية، شاطحة، ناطحة، مقدمة كدين واسلام، كمان؟
علي مستوي جهاز الدولة؟
واضح للكل يا اسامة انك ماقادر تقرا طبيعة ماحدث، حادث، سيحدث!!!!
قنا ليك ده، حراك كوني!!!
طبقا للتقويم الكوشي، العصر الذكوري الحالي، تبقت له، 19 رغيفة فقط!!!!
نعم العصر الاموي سيبدأ بعد 19 سنة، مشوار عودتو الطويل!!!
اعمل حسابك، من فكي بشاشا!!!!!!!!!
لما نقول حراك كوني، فما نعنيه، انو كمثال ودليل قاطع، السودانية الانجزت الثورة دي، علي مستوي الوعي، ماعندها ادني فكرة اطلاقا، عن زي كلام الطير بتاع بشاشا ده، اطلاقا!!!!!
هل غياب هكذا وعي، علي مستوي الوعي/الشعور، منعا/اقعدا من انجاز مشروع ثورتا الفريدة دي، في التاريخ المعاصر للبشرية؟
قطعا لا!!!
اذا ماواقع ليك مفهوم حراك كوني، فاعلم بالفهم المادي دي حركة تاريخ!!
نعم احنا ماشين في اتجاه خلع، ثم دفن، غشاء هكذا وعي استرقاق عروبي Once And For All، نعم للابد!!!
نعم ده كلو، كلو، حينتهي!!!
نعم عما قريب، همبريب وعينا الكوشي، حيطرق شبابيك الحبيبة، امنا "الست" او حتستجم، او نستجم، والحال حيطيب لا اشك في هذا في المدي البعيد!!!
03-25-2021, 10:56 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: الهوية يمكن ان تتعدّد: يمكنك ان تكون مسلما وعربيا وغربيا وافريقيا في آن واحد
عجبي!!!
ياعزيزي هل صدفة انو كل فرد منا، عندو بصمة واحدة، خاصة بيهو هو، لا تتكرر قط؟
ماممكن اكون افريقي، وعربي في ان معا!!!
هذا مستحيل، مرفوض تماما بواسطة العرب انفسم!!
في السودان امثال الخواض او بشاشا من الجلابة، لو الشمالي كان فيهو نقطة دم واحدة، من الهامش، فهو ما شمالي، اي ما"ودعرب"، او "فيهو عرق"!!!!!!!!!
مش كده برضو يا رفيقي في الوعي الجلابي؟
اذن مافي انجلوساكسون بيقبل بي افريقي كانجلوساكسون اطلاقا، مهما توهم الافريقي هكذا هوية/عرق!!
ولكن العربي او الاوربي، كخبث سياسي ولخدمة مصلحتو ماعندو مانع يخلي "هـــــاوس نقـــــا" الاعراب او الخواجات يعيش في وهم زي ده، بغرض استغلال هكذا وعي استرقاق، لمصلحتو هو!!!
اذن هذه لعبة قذرة جدا، غير مدهش بالنسبة لي انو اللعبة دي مرت عليك، لانو امثالك ياخواض، للاسف، هم قادة السودان الحالي، وكنتيجة ده حالنا اليوم!!!!
وقسما ماخطر بي بالي ياخواض انك تقول كلام زي ده، فضيحة، علنا او بالاريحية دي!!!
قال "ابن الســــــوداء"، ايو "الخال"، ايو "عبدن حبشي" وفقا للاحاديث "النبوية" ممكن يكون عربي وافريقي في انن معا!!!!
عييييييييييييييييييييييييييييييييييييييييييك!!
03-26-2021, 02:32 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20422
عزيزي القارئي، عندي باقي الاسبوع ده، لحدي الاحد، وبعدها سنفحط الي اجلن غير مسمي، الذا وجب التنبيه!!
سنرد علي الصديق الخواض وبعدها حنرجع نواصل موضوع الالات الموسيقية لاهمية هذا الموضوع.
فيما اتصل بي موضوع الالات الموسيقية، هل بتصدق عزيزي القارئي، انو الدليب الواحد بتاعنا ده، طلعو يوناني؟
نعم الطمبور قالو اغريقي تخيلو، شغل الارث السائب، البغري ويحث الاخرين علي القلع، دعكا من السرقة!!!
المافاهمو، هل في السودان معاهد الموسيقي، في السودان، ياربي مقرراتا بتقول شنو عن تاريخ هذه الالات؟
لو جيت اخمن حاقول قطع شك، المقرر الحالي لي معاهد الموسيقي، او مادة الموسيقي بتقول لي طالباتنا او طلابنا الالات دي، يا اما عربية، او اوربية، او اسيوية، وما اليه، ولكن ما سودانية، رغم انها سودانية!!
قاصد الالات الاساسية المتداولة حول العالم، من حيث الاصل، لو الات ايقاع، الات نفخ، او الات وترية.
في بالي افتح بوست خاص بالاصل السوداني لي فن المسرح!!!
نعم نحنو من اخترع حاجة اسمها مسرح/دراما، والمنطلق دائما وابدا، افهمو يا احبابي، لكل انواع الفنون دي، كان روحي، صــــــوفي، عكس التصور العام المسبق!!!
لاحظو اسلام الثقافة العربية والثقافة العربية بعامة، بتعادي الفنون كيف، اللي خرجت في ديارنا من داخل جدران معابدنا يا سبحانه!!
04-02-2021, 05:44 AM
Bashasha Bashasha
تاريخ التسجيل: 10-08-2003
مجموع المشاركات: 25803
عزيزي القاري، لوسمحتا، عايز أسرح شوية في المداخلة اعلاه:
نعم حقيقة اعترف كباحث متخصص في المجال ده، انو فعلا شئ يموخل كيف هذا السودان، اللي لايسوي شئ في عالم اليوم، فعلا هو اصل الحياة المنظمة علي سطح هذا الكوكب!
طيب، اذا الحقيقة دي بتموخل حتي واحد زيي دخل عمر بي حالو لاحظ في الموضوع ده، لانو غير متاح، فما بالك بالغبش والفرد العادي في حلال ريفنا، قبل شوارع مدنا المالاقي حق اللقمة؟
قطع شك ماحيقع ليهو كلام طير زي ده، والمصيبه هنا!!
بالذات لما كلام زي ده يجي من واحد أغبش زيهم، مش سويسري ابيض، خواجة، أو أميرة قطرية!!!
شئ جد يحير كيف بلد كالسودان كان مركز دايرة الوجود كلو لعشرات آلاف السنين وحده لاشريك له، الان لغتو الرسمية القومية هي العربية، أو مش اول لسان نطق به بشر!!!!!
ولكن رغم هذا كله، اعترف، اني اري بين ذرات رماد وعينا الحالي، المسترق، المستعبد هذا، وميض نور، وعي كوشي، يوشك ان يكون لهذا النور، ضرامو!
قطعا ما حاكون حي عشان أحضر واشوف اليوم داك، ولهذا بقول يابخت الجايين في الطريق، اللي حيعايشو، نعم حياكلو سماية ميلاد سودانا الكوشي، النوبي!
يالهي!
لا املك غير السرحان في الاحلام وانا نايم لما تمر ومضات هذا المشهد علي، من حين لاخر وهذا كل ما املك!
06-04-2021, 04:40 AM
Bashasha Bashasha
تاريخ التسجيل: 10-08-2003
مجموع المشاركات: 25803
الاسلام بالالف واللام، "دين ادم" بي تعابير ادبيات خطاب الثقافة العربية، مش نسخة الثقافة العربية، مشي هناك من السودان الحالي وليس العكس!!
دعك من هذا:
حتي اللات والعزي ومناة وهن نساء لاحظ، الكانن الاعراب بركعو ليهن، رغم انف انهن نساء، وبالتالي ناقصات عقل ودين، كانن سودانيات!!!
WoW!0
نعم هذا:
اصلو او منبعو من هذا:
مافي ابلغ من كده اطلاقا كدليل دامغ، للتاثير البالغ، والهيمنة المطلقة لارثنا الحضاري علي عالم ذاك الزمان!!
بالذات لما نضع في الاعتبار كيف المراة العربية كانت بتدفن حية، بينما ســــــــتهن، ستـــــــهم، السودانية كان العرب بالذات في سعودية اليوم بعبدوها كالهــــــة!!
الشخصية اللي في النص في الصورة التانية، هي واحدة من ملكات مروي!!!
لسة مالقيت وكت عشان انقب في الوثيقة دي، ولكن الوثيقة اعلاه "للثالوث المقدس" من مروي!!!
12-30-2021, 06:46 AM
Bashasha Bashasha
تاريخ التسجيل: 10-08-2003
مجموع المشاركات: 25803
وانا يافع في دنقلا كنتا بستغرب من مثل ذاك اهتمام متجذر عجيب بي "ليلة الدخلة"، دون بقية مراسم الزواج الاخري، لدرجة البعض كان بجي حايم انصاف الليالي بي قطعة فيها دم عديل لاثبات العذرية!!
ولكن شطب راسي لما لقيت انو الاهتمام بي موضوع العذرية في مراسم الزواج شئ قديم خالص، خالص في ارثنا الحضاري، وهذا يدعو للتامل!
لاحظ، وضعية المراة اليوم في مجتمعنا، قطعا شئ مختلف اختلاف جذري عن وضعيتا في عصر الاهرامات، او ده كلو هو بعض "زغوم" شدرة ارث الاسترقاق الثقافي العروبي، الذكوري، الحاصل لينا، والمسوق كدين واسلام، في مجتمع او ثقافة حققت معجزة المساواة المطلقة بين النوعين منذ الاف السنين، وهذا انجاز فريد بحق، ولكن ماوقفنا عندو!
لما كبرتا او درستا تاريخ طبقا لترهات المركزية الاوربية، كنتا بنظر للعادة دي، كانعكاس لي واقع القهر الذكور الماثل في مجتمعنا الحالي المستعمر ثقافيا!!
ولكن لما اكتشفتا انو دي عادة قديمة جدا، فاحترتا حقيقة!!
ايضا في الزمن داااك، عرفتا انو ذات تقليد "المهر" بتاع يوم الليلة ده كان ممارس متبادل في الزمن داك، رغم انف انو ماكان عندنا مفهوم/صيغة/اداة عملة، فكة، قروش، بتاع عالم اليوم!!
ايضا الطلاق كان حق مكفول للنوعين علي قدم المساواة دون ادني تمييز!!!
نعم السودانية كان عادي بتمشي تطلق زوجها متي قررت!!!
الفرق كان في حالة وجود اطفال، والزوج هو الطالب بالطلاق:
هنا، الزوج البطلق، كان ملزم قانونا بما يسمي الان نفقة، تخيلو الي ان تتزوج الام!!!
هل الثقافة العربية ولا الاوربية، كانت بتعرف حاجة زي دي، والمراة كانت مملوكة كما اي قطعة اثاث لنوع الذكور، نعم "ملك اليمين" وبالتالي ما كان هناك اصلا زواج من اساسو، او وجع راس بتاع تفاصيل زي دي!!!
تاملو هذا ياسودانيين!!!
شوفو كنا متقدمين علي عالم اليوم كيف، وبسنوات ضوئية قبل الاف السنين!!!
هذا يشطب الراس حقيقة!!
عالم اليوم، البمثل فعلا، قاع هرم البشرية، فعلا بما حمل لايسوي شئ، مقارنة بعالم اجدادنا، قمة هرم البشرية، وحدهم لاشريك لهم، اطلاقا!!!
هل صدفة عالم ذاك الزمان، تغني، مجد، احتفي، تغني، بي نموذج شخصية السوداني، البلغ عندهم مقام الالوهية، من دون غزو، بي اسم الجهاد لاحظ، احتلال، استعمار، استعباد للاخرين؟
يالهي!!
01-13-2023, 11:02 PM
Bashasha Bashasha
تاريخ التسجيل: 10-08-2003
مجموع المشاركات: 25803
هذا مانعني، لما نقول ماكان هناك زواج من اساسو في الثقافة الارية!!
السودانية هي الاخترعت صيغة الزواج، ولهذا والي اليوم، امهاتنا مش اباءنا، هن البضعن، بشرفن، علي امتثال الابناء والبنات لما يسمونه "اصول" اي قواعد تقاليد، عادات، طريقة تعاملنا اليومي مع الاخرين داخل الاسرة، وامنا "الست" اي Auset تاريخيا في ارث اجدادنا، هي الوضعت اساس تقاليد، اصول تعاملنا اجتماعيا!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
osama elkhawad
Bashasha
ابو جهينة
فيس بوك
تويتر
انستقرام
يوتيوب
بنتيريست