|
|
 Re: الحزب الشيوعي يحيي استرجاع القوات المسلح� (Re: Gafar Bashir)
|
الشيوعيين راح ليهم الدرب في الموية
في حالتنا دي وحالة الجيش وحكمه الاهوج دا
ما دايرين أي حرب
لا مع إثيوبيا ولا مع مصر ولا مع الجن الأحمر
تقول تدخل في حرب عشان ترجع مية كليومتر مربع
تدخل في خراب يطال الكم مليون كيلومتر الباقية
أكتوينا بنار الحروب وكفاية علينا حروب الجنوب والجنوب الجديد
والحرب في نهاية التحلييل تقوي الجيش وتعصيه علي الشعب وحكومته المدنية
فقد كانت كل الإنقلابات في السودان بسبب الحرب
وكيف للجيش أن يقرر الدخول في حرب بدون موافقة الحكومة ؟؟؟؟
من سيوفر له الإمدادات والمؤن ؟؟؟؟؟
كدي في الاول يرجعوا لينا شركاتنا التي تستحوذ علي أكثر من نصف الدخل القومي
بدلا عن أن يشغلونا بحروب طواحين الهواء هذه
ما يدريهم أن الحرب لن تطول ؟؟؟؟
وحرب الجنوب تطاولت لعقود وعقود
خلفت ملايين الضحايا وخربت المعمر وشردت الناس
دخلت السعوية في حرب اليمن وكانت تظنها أيام وتخلص علي الحوثيين
وبعد كم سنة وكم موت وهلاك والحرب ما زالت مدورة
عندنا كم مليون كيلومتر فاضية تنتظر التعمير
وعندنا ملايين من البؤساء والكادحين
وصفوتنا الجبيبة ما زالت في وطنيات القرون الماضة الفجة
Vulgar Nationalsims
عند إنتصار ثورة البلاشفة في 1917 كان مرسوم السلام هو أول ما أصدر
كان يهدف لوقف الحرب مع ألمانيا
والتي كانت تحتل أجزاء من روسيا
الوطنية ليست في إسترجاع شبر أو كيلومتر مربع
الوطنية الحقيقية في أن يحي شعبك حياة كريمة
مشاريع الشرق في القربة والقاش وطوكر فاتحة خشمها راجية البعمرها
واثيوبيا تمدنا بعمالة زراعية تفوق الاربعة ملايين نسمة سنويا
وأثيوبيا عملت سد تكزي والذي رفغ إمكانية ري مشروع القربة لمية في المية من الأرض
وكنا قبلها نروي أقل من 30 في المية منه
سد النهضة الدي تبنيه إثيوبيا علي مقربة من حدودنا يوفر لنا ماء للزراعة طوال لعام ويرفع اإنتاجية
محطات توليد الكهرباء في الروصيرص وسنار ومروي لأكثر من 60 في المية
حتي مصر مستعمرنا التاريخي والتي تحتل أرضنا وشايلة مويتنا
وعديل كدا بتجارب في أمكانية للتنمية في بلدنا
مصر دي ما عايزين معاها حرب
ومستعدين للتعاون معاها وفي كل المجالات بما ينفع بلدينا
الجيران أحسن نحاربهم ولا نتعاون معاهم ؟؟؟؟؟؟؟؟؟؟؟؟؟
أروبا بعد كم حرب عالمية ومحلية مع بعضهم البعض
أقتنعت بلا جدوي الحرب
وتعمل للتعاون بل والوحدة
للأسف الشيوعيين السودانيين راح ليهم الدرب في الموية
|
|
 
|
|
|
|
|
| |
Nasr
فيس بوك
تويتر
انستقرام
يوتيوب
بنتيريست