♧حِينمَا تُطْفَؤُ الأنْوَارُ تبيتُ نساءُ العالمين سَوَاسِيةً كَأَسْنَانِ المِشْطِ£

《كيدهن عظيم》
جنية ساحرة لمت ليها في عروسين نددة عمرم 60 سنة ،
لكن شكلهم و لا في عمر الزهور عمر المُنى ؛ في غاية السعادة
فحبت تكافيهم. قالت شبيك لبيك جنية الغرام بين يديك؛ يلا ،
كل واحد يطلب أمنية العمر بحققا ليو في رمشة عين.

♡ و عشان فالو: ليديز فيرست ابتدينا بعمتك
حبوبة عروس؛ و هي بكل براءة طلبت أحلى أمنية
رومانسية في حياتا قالت : " يا حبيبي قلبي حاب..رحلة
بين طيات السحاب.. وحدنا إنتا و أنا" عاوزة منطاد جوي
يحملمنا أنا و ولد عمي ، شريك همي ، قسيم ريدي، الغالي
تمر السوق الهن قسمو ما بحوق، نقضي شهر العسيلة على
جناحين رفرافين كبساط ريح أو طائر خرافي سمندلي
الإهاب.الجنية منبهرة بكل هذا التفاني الأنثوي و انفجار
تسوناني الرومانسيات اانتزل عليان دا . فمن حيثا
العروس الستينية و من فورها كان لها ما تُريد.

♤ ثم قبلت الساحرة على البغل عريس الحيرة:
ما هي أمنيتك كمان يا سلعة البرمبة¿ فتنحنح الراجل
فتجشأ ثم تشجع و أخد الساحرة على جنبة كدا و همس
في بطين أذينها الأيسر و قال ليها و قد طارت شُعاعن: بيني
و بينك ياخالتو جنية فلانة دي عاملة لي وجع وشمن 35
عاماً حسوماً لازقة لي في صفاقي كاتعة نفسي فرد يوم واحد
ساي ما اتفارقنا فغايتو أكان لبرنامج رحلة العسلالجوية دا أمتع
من ماتع و سرو باتع ظاطو كمان.علا بس ياريت لو تتكرمي خالتو
تخيني أعمل شوية تغيير طفيف في الوفد المرافق . فبصراحة
ربنا.كدا عندي أمنية رحلة العمر دي تصحبني فيها بنوتة صغموطة
كدا في عمر الزهور تكون أصغر مني ب30 سنة و بس.

●هنا الحاجة عروسو انقهرت لامن مرارتا قربت
تنفقع منو، الأناني عدلم الزوق الما عندو عُشرة!!

● لكن الساحرة قالت ليو يااااه بسي كدا؛ دا عال العال،
طب ثواني بس و يلا صنعقت و دنقرت و عاينت لعمك
لقى عمرو قفز ل 90 و الحاجة بتاعتو لسة60 في محلها.
كسرة على جنبة كدا:
▪ يا جماعة كمان ما تنسو إنو الجنيات ديل برضو نتايات؛ فإذا
كانت النساء كاهمسواسية في إنو كيدهُن عظيمو، فما بالكم
بواحدة جنية: يعني مهنتا المكر و الدهاء و السحر الأسود.
هذا ، و دمتم جميعن تامينن و لالمين؛؛؛