لا يشبه التضحيات لا يشبه دماء عظمة ودكتور بابكر و رفاقه لا بشبه دماء شهداء دارفور و ج كردفان وج النيل الازرق لا يشبه المواكب لا يشبه بسالة الكندكات و الثوار تناسى التفويض في الهاشتاغ الاشهر #شكرا_حمدوك و تراخى وتماهى مع العسكر وشلة الهبوط الناعم وضااااااع دم الشهدا ودموع امهات الشهداء.. واتى بشلة الكوميشنات و بقية الارجوزات امثال مدني وفيصل وعزل الثوريين امثال عادل واكرم ما ندمان اني سعيت لسقوط نظام الكيزان حتى وان تموسرنا في حكومة الثورة فاليذهب كل من خان دماء الشهداء فاليذهب كل من تماهى مع العسكر فاليذهب كل من فكر في انو الثورة قد خمدت والتحية للشعب الراكز وبحلم بي يوم بكرة اخير سنعبر يا حمدوك بس ما بي عبورك الماسورة سنعبر صونا لدماء شهداؤنا سنعبر حبا لشعبنا ------ خارج القرف قبل كم يوم لاقيت شخص اسمو زاكر ولا ذاكر المهم الزول دا بتاع كوميديا اظن مع مع ناس محمد موسى المضحكاتي داك لاقيتو في مطعم في بري اسمو البوادي فسلمت عليه وقام قال لي نكتة تااافهة (قال في واحد منتظر مطرة لي زراعتو فالسماء ملانة سحب ورعد وبرق فقال لي صحبو الشغل دا بجيب مطرة ولا حمدوك ساي) انتهت النكتة التاافهة فشنو يا حمدوك قرفااااان للدييين تبا لحميدتي
09-16-2020, 07:59 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
Quote: ما ندمان اني سعيت لسقوط نظام الكيزان حتى وان تموسرنا في حكومة الثورة
وين يا ابو علوة مشتاقين ياخ بس كويس امسك في المقتبس دا, الثورة ماها حمدوك ولا اكرم ولا الحكومة الانتقالية كلها بعدين ياخي المواسير ديك جابتهم الحرية و التغيير ما حمدوك
المهم اصبر و باصرها كدا لحدي اول 21 و وصول البعثة ديك البتجيب الحيرقان لجماعة كدا و ان شا الله الامور تسلك :) وح تجي تقول شكرا حمدوك براك
09-16-2020, 08:39 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
حبيبنا الجميل علي دفع الله عوداً حميداً حبيبنا علي طالت الغيبة انتم في الداخل واطيء الجمر تقييمكم مهم جداً عهد الحرية .. ما أجمل ان يبدي الشخص بدون خوف وتوجس
تحياتي حبيبنا علي
09-16-2020, 09:08 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10075
مرحب بيك الراكز ود دفع الله عساك كنت طيب نعم في احباط يا صاحب لكن حنتمسك بحمدوك رغم الإحباط الحاصل خياراتنا محدودة انحنا مصيبتنا يا ابو علوة ما حمدوك مصيبتنا في العسكر الكيزان المنحطين و بقية الزواحف
كت آوت .. تصدق في غيابك ابو العفين و شطرطون اصبحو مناضلين !! عارفك ما حتصدق و ممكن تنجلط . سلامتك من الجلطة .. عديها يا حبيب
09-16-2020, 09:31 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
هذا هو أصل الداء وهو إعتقادنا أن الحلول تأتينا من الخارج ومن الأجنبي! بلدنا إذا لم يبنيها شعبها ويؤسس مؤسساتها شعبها فلا يزيد هدمها غير هدما ولا ضعفها غير ضعف وتأخرها غير تأخر متى نقبل على أنفسنها ونتنيقن أن ليس غيرنا باني لوطنه وأن جرينا خلف الأجنبي هو الجري خلف السراب والخراب
أوكي هاك ليها: يا خضر يا واطي يا ابن الواطي, يلّا اجري اتشكّى و تسوّل التعاطف و الحسنات
● سلام لولدي علي " يا غايب عن عيني لكنك في قلبي و "جيدن جيتا حجبوكا و لا نسيتا".لكن ود البشرى دا جنس بوليغن أصلو لا بشبهك و لاهي المحرية فيك أبدن . ياخي كمان تلحق لسانك لأبوه عمنا الطيب الراجل الطيب ؟!! تصدق خاتيك واحد من اتنين رمانات ميزان عقل هذا البنمبر لمن لا (بامبر) له. و لسة برضو ما حا أنزلك بس توعدني إنك تجي هسة ديا دي تبزغا قبال ننوم .
09-17-2020, 01:25 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
والله انتو ما تستاهلوا حمدوك اصلو يا ابشن مفروض يحكمكم مرفعين الليل بس :)
لا أهوى إلا لله .. لا أبغض إلا لله لا أركع إلا للفرد الصمد الرحمن وقطعت على نفسي عهداً أن أسعد هذا الإنسان شرساً .. مفترساً همجياً أو سمجاً كان أقدره من ذل الدنيا أو رجس الإنسان حتى يغدو إنساناً لا يقوى أن يعصره سلطان لا ببغاوياً .. لا أراجوزاً .. لا خرقاً من طين لا يتبع شرقاً لا غرباً .. لا روساً لا صين لا يركع للصنم المدعو كيندي أو لينين لا يعرف في درب الله يساراً ويمين فطريق هدانا يس ومنار خطانا يس وهدى الإسلام لنا دين قد سجل في الكون بطاقة عرفت بصفاء الإشراقة يا (سبدرات) عرفت بصفاء الإشراقة وصمود سوار خفاقة ووضوح بيان ونضوح جنان تعرفه الدنيا قد بان في قرطبة الحرى .. في السند وأقصى البلدان في قلب العالم قاهرة .. في المغرب في كل مكان وجذوري غائرة جداً في صلب تواريخ الإنسان والعالم غرباً يعرفني والشرق القاصي والداني جدي عمر .. زيد جدي حسان قد ركزوا العالم من قبلي وكذلك أركزه الآن وسلكت مسالك أجدادي فنهلت رحيق القرآن ونشأت قوياً لا أخشى في ربي إنساً أو جان لا أخشى الغرب ولو كان ودليلي آي القرآن وسلاحي رب الرحمن ولذلك هاددت الدنيا وتداعي من حولي الكفار يخشون حرارة أنفاسي والحمم الغاضب والنار لا يخطر قربي أفاك لا يسلك دربي أشرار لا شوك يزرع في دربي يمنعني سبر الأغوار
ـــــــ..
09-17-2020, 01:39 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9252
اول حاجة يا حيدر بعد السلام عليك وعلى صاحب الطرح والمتداخلين بالله عليك رسينا القصيدة الرائعة دي حقت منو؟ اشتم فيها رائحة مفردة الكتيابي ولسبدرات حظ من المفردة غير قليل، ولكني اعظم الكتيابي على سبدرات
لانه وعلى لسانه قال: لم يبايع غير محمد احدا ولهذا اعشقه فأنا على نفس الدرب لم ابايع غير محمد أحدا وهذا من اسباب تعلقي بشعر الكتيابي وبالمناسبة سبدرات كتب قصيدة احسبها من اعظم القصائد التي كتبت في حق رسول الله صلى الله عليه وآله وسلم
09-17-2020, 01:52 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
وعليكم السلام ورحمة الله وبركاته الاخ علي الكنزي ..
صاحب القصيدة هو اللواء الطيب ابراهيم محمد خير الملقب بالطيب سيخة ويطلق على نفسه لقب ابوتاجا هجام الليل مرفعين الخلاء او نحو ذلك ..
وهو كضاب بالمناسبة في قوله الانت كوتته بالاحمر.. لانه بايع عمر البشير وتنظيم الحركة الاسلامية .. وكضاب ايضاً في قوله : قطعت على نفسي عهداً أن أسعد هذا الإنسان شرساً .. مفترساً همجياً أو سمجاً كان أقدره من ذل الدنيا أو رجس الإنسان حتى يغدو إنساناً لا يقوى أن يعصره سلطان
لانه غير شارك في انقلاب الكيزان الغادر المسئول عن الفصل التعسفي من الخدمة وتمت علي يده فصل الاف الموظفين دون أي قانون .. بالاضافة لمسئوليته عن إغتيال دكتور علي فضل ..
وماتنسى موقعه في خارطة تفجر الأوضاع ومآسي دارفور..
لذلك الم تر انه فعلاً الشعراء يهيمون ويوهمون ويقولون ما لايفعلون
تحياتي
09-17-2020, 04:01 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
حمدلله ع السلامة يا أبو علوة وبركة الطلة عايز أقول ليك أعمل حسابك لأنو عندي بوست قاعد هنا بتوقع فيهو انو الأمور ح تكون كويسة شديد عكس ما يهرف به المنظرين هنا وفي أية حتة.. وأنت طبعا عارفني في التوقعات. حتى بالمرة حيدروف الفوق دا سألنى عن توقعاتي للتطبيع فأجبته بأن نعم سيتم لكنه سكيتي يعنى من سكات. ................. خخخخخخخخخخخ.
09-17-2020, 05:03 PM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
Quote: حتى يغدو إنساناً لا يقوى أن يعصره سلطان لا ببغاوياً .. لا أراجوزاً .. لا خرقاً من طين لا يتبع شرقاً لا غرباً .. لا روساً لا صين لا يركع للصنم المدعو كيندي أو لينين لا يعرف في درب الله يساراً ويمين
سلام يا حيدر بعيدا عن مصايب سيخة
نفهم انو ده شعر يعني
09-17-2020, 05:33 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
فعلا يا ابوعلوة افتقدناك وليك حوبة وما جئت به من تحليل كان رائي في حمدوك منذ اكتوبر من العام الماضي لكني لم اكتف بوصفه ماسورة فزدتُ عليه (مصدية) وواضح ان الوصف لم يروق لمن ظنوا خيرا به وفيه ويقولون (شكرا حمدوك) فوداهو اخونا بكري ابوبكر الخور ولم ير النور بعدها فقد طمست معالمه ولكن الماسورة مازالت هنا بين ايدينا واليك الرابط https://sudaneseonline.com/board/510/msg/حمدوك-طلع-ماسورة-ومصدية-كمان-1581479396.html
09-17-2020, 07:19 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
التحايا النواضر لكل الاصدقاء الاتداخلوا في البوست المداخلة دي للمطايبة والتحيات ليكم جميعا حقيقي الواحد بحس بي إلفة تجاهكم مدخل تاني الصديق خضر الطيب يا اخي عليك النبي ارضا خصومة الدنيا دي بقت ما عندها اي فرقة لشراء عداوة الموت البلفح من طرف دا يا ريت نخلي ذكرة حلوة ونتسامح ونتسامى لانو اصلا مسببات العداوة يمكن تجاوزا. وبنفس الروح الداعية للتجاوز نتمنى من صديقى ود البشرى يطرق بابا شكرا جميلا لكم جميعا وحا ارد ليكم داعما ما بديتو في حالة كونه حمدوك ماسورة جلفنايز
Quote: Atif Omer Mohamed Ali توعدني إنك تجي هسة ديا دي تبزغا قبال ننوم . ... يا ود الأصيل القصة دي عندو ليها(تأصيل) عديييل! والله صحي! امش شوف اب سن يحكي ليك قصة الراكب والمركوب! ههههههههههههههههههههه
حيَّ الله أخوي عاطف ود عمر .لكن ياخي الحث دا أبدن مو غريب علي. تكننا متلاقين قبل وين يا ربي؟ غايتو في بالي إحداثيات؛ نشوفن لو صاح ياكا زولي تب. كنا في صفحة الآراء الحارة و معانا شوقي و اللمبي و كما كان ما أخاف من الكضب تقول فيقضية كانت ستخنة أياميها عن خطوبة "كرعين سهير" كنت تجادع معانا زي كدي بالطوالة ● عمومن أخوك هنا أطرش في زفة جابني الدرب ساااه حجاز بس و لا لقيت زول يهببني حتى ؤدبني عكاز.( لا الطالب ولا المطلوب). قلنا نخفف ليك التحت دي (حامضة) شديد .
09-17-2020, 11:56 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4137
المواسير نحن ديل.. لا بني سفينة لا واقف قدام بحر وقال لينا ح نعبر!! وحكمة ا الله في ناس اصابهم دوار البحر وعايشين الدور.. حمدوك انجاز وااااحد غير (تسويقه) للنموذج العسكرمدني يخربه.. الفنان علي سلامات..
09-18-2020, 07:33 AM
adil amin adil amin
تاريخ التسجيل: 08-01-2002
مجموع المشاركات: 36905
علي يا مخستك ماسورة لي ماسورة تفرق شغل مخك الطبلة ده https://top4top.io/ ومن المواسير من يتفجر منه الماء مشاكلي بسيطة بي نيفاشا وبتحل وشريحتي نظيفة ما عايزة بل مسلسل الثورات المزيفة بتكرر بي ضبانتو من الاساس وبرعاية الامارات وحليب نيدو الما بنفع مع بقر المسيرية وبنفس الادوات الرخيصة وبنفس لدول الناهبة للسودان وفضحا ابراهيم منعم منصور حمدوك ده بقوم بي دور البرادعي في مصر يقعد يلمس كده مع بعاعيت مايو وايتام الترابي لحدي يوصلك الفوضي الخلاقة والفصل السابع كعميل رخيص للبنك الدولي ودول الخليج ويجري يخلي السودان لي الجنجويد وحميدتي وصلاح قوش ونموذج الدولة القميء المصري السيسي وما تعول علي الكذاب المحترف ياسر عرمان ودحلان حايم في سيرك جوبا الامارات الايام دي طالعة في الكفر وعايزة تتتحكم في المنطقة وقد عد كلب الصيد في الفرسان تحكم السودان المسكين كمان وتفرقه ايدي سبا دي القصة المكشوفة نفس الادوات ونفس نتائح ذى ما قال انتشاين https://top4top.io/ والحل معروف وما ديارنو ناس المحاصصة الانتهازية ديل ابدا ازرقية الدفع المسبق العاطلين عن المواهب ديل الاقلمة والانتخابات فقط والشعب مصدر السلطات وليش الشرمطة مع دول الخليج والمحاصصة وامريكا قد دنا عذابا وضباع برو كلين وذائاب وول ستريت وعصابة ادارة الازمات ومقرها الاردن وتدير صحون السيرك الامريكي في كل المنطقة الثورة انك تزح من عالم العرب ودي دايرة مهدية جديدة والمهدية الثالثة وشعر ما عندك ليه رقبة طال ما مباري ناس البعاتي صديق يوسف لحدي هسة بي علم مايو وبابكر عوض الله وتحت احذية المخبرات المصرية https://top4top.io/ الوعيهم ما فايت الخرطوم ومثلث الحمدي ذى اللتخ مدني عباس مدني مثلا مش قلنا ليك ماسورة لي ماسورة تفرق برادعي السودان هو حمدوك التيس المستعار
02-11-2021, 04:57 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
حتى يغدو إنساناً لا يقوى أن يعصره سلطان لا ببغاوياً .. لا أراجوزاً .. لا خرقاً من طين لا يتبع شرقاً لا غرباً .. لا روساً لا صين لا يركع للصنم المدعو كيندي أو لينين لا يعرف في درب الله يساراً ويمين ـــــــــــــــــــــ
زي ماقال واحد كدا : 30 سنة ماسمعنا بكوز شاعر ولافنان ولاملحن ولا مفكر ولافيلسوف
كلها لا لدنيا قد مرقنا وكانوا صادقين فالعمل للدنيا هو اساس نجاح اي مشروع وطني
وكانوا يرباون بانفسهم عن الانغماس في راحة المواطن
02-12-2021, 03:19 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
الفي البر عوام. حمدوك اتورط واعتقد لو كان يعلم بتعقيدات الوضع السوداني لفضل العيش كموظف في المنظمة الأممية للأبد.. حمدوك يحتاجكم.. اليد الواحدة لا تصفق..
بعض الناس يتحدث بطيبة متناهية ويقول مادام حمدوك لقى نفسه مورط ليه ما يطلع ويوضح الأمر للناس.. يا جماعة السودان كله ماسورة كبيرة الزول البقبل يتولى أمره دا زول ما فارز حاجة..
الموضوع كبير..
02-12-2021, 03:58 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
الفنان علي تحياتي.. حمدوك (نموذج) للانسان الطيييييب بس سفيه. تلقاه في الحلة كلامه سمح وسمعته (كويزة) يطايب دا ويسلم علي دا ويوافق داك وما بزعل اااي زول من (اصحابه) وبسمع كلامهم ويمشي ليهم امورهم. يجب الشكر وكلمات الاطراء علي حساب تجويع اولاده وبهدلتهم كل ما يلم زول فيهم يشلتهم او يقلع حقوقهم. راجل حمدوك سااااي.
02-13-2021, 04:44 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
سمعة يا صديقي سلام حمدوك نسى انو وراه شعب وتماهى مع العسكر واشتغل على الملفات الخارجية وركز فيها ونسى حال الشعب الميتين اهلو طالع. حمدوك الجماهير فوضتو تفويض شعبي على اكمل وجه ولكن كان قزم نحن جميعا بندفع في تمن التساهل والتفريط في عدم الشغل الثوري بمحاكمة القتلة والمفسدين وتسليم الامر للعسكر والنائب العام الباهت الكريه لكن ثق حا تظبط لان المهر الاتدفع غالي
02-12-2021, 07:25 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
Quote: سمعة يا صديقي سلام حمدوك نسى انو وراه شعب وتماهى مع العسكر واشتغل على الملفات الخارجية وركز فيها ونسى حال الشعب الميتين اهلو طالع. حمدوك الجماهير فوضتو تفويض شعبي على اكمل وجه ولكن كان قزم
ود فع الله ما ترموا بلاويك في حمدوك ساااي ...
وريني الما متماهي منو بس ... وريني المانسي الشعب منو بس ... وريني الما غزم في هواناتكم ديل منو بس قول لي اهو داك ...
يا راجل علي بالطلاق البورد دا زاتو ( اتجغمس )علينا بقينا ما فارزين الكوز من الما كوز ...
اخدنا لينا غيبه جنا لقينا البلد دي بكرة ابيها تسب وتلعن ...
04-04-2021, 06:45 AM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
ماسورة ونص وخمسة الحقيقة دي حاولنا نزوغ منها كتير لكن بقى مافي مفر من مواجهتها سبب وقوف الناس معاهو إنه خبير اقتصادي في بلد مشكلته اقتصادية لكن وصل الوضع المعيشي لمراحل بعييييدة شديد من التدهور مهما عمل في الملفات العالمية طالما عجز عن إصلاح حال المواطن يبقى ماسورة
وكيل النيابة القبض الصحفية ويني عمر زمان عشان مشيتها ما عاجباهو قبض ممثلين وسجنهم ومنع عنهم الزيارة عشان في صحف نشرت معلومات عن فيلم كنغولي بدل يحقق مع الناشرين الخبر مشى طوالي قبض الممثلن ولما ثبتت براءتهم فكاهم وقال ليهم لو عاوزين تشتكوا الصحفية انتو أحرار !!! لسة العدالة شغالة بي اتجاه واحد وماسكينها أزلام النظام السابق وحمدوك يتفرج
04-04-2021, 08:48 AM
عماد حسين عماد حسين
تاريخ التسجيل: 06-11-2011
مجموع المشاركات: 7066
لا يمكن أن تضع كل اللوم على حمدوك أو شخص واحد. حمدوك أتى لهذا المنصب بواسطة أتفاق بين ممثلي الثورة قوة الحرية والتغير والعسكر، وخرجوا بتلك الوثيقة الدستورية الهزيلة. وألان عبد الله حمدوك هي يدير هذه الحكومة التي تقوم بترشيح الوزراء والمسئولين له، وهو ما عليه سوى الاختيار بين القوائم التي تقدم له. حمدوك لا يملك سلطة أو قوة عسكرية يحكم بها سوى أنه يقوم بتنفيذ السياسات المرسومة له بواسطة الشريكين(قحت والعسكر). نعم كلامي فيه مرارة كثيرة ولكن هذا هو الواقع. وكما تدري أن الخيارات للتغير الثوري الحقيقي صارت صعبة وليست ساهله. ولكن في تقديري الخاص يا عزيزي أن الصدام بين العسكر والجنجويد من جهة والشعب السوداني من جهة أخرى قادم ولا محالة. وذلك هو التغير الثوري الحقيقي. وعلى الحركات المسلحة أن تحدد موقفها من هذا الصراع ألان قبل غدا.
في موضوع المناهج ووزارة التربية اتدخل بي شخصه وبي اسمه وأصدر قوانين وتشريعات مهمشاً الوزارة ومدير المناهج وما صرح بي إسم فرد واحد من اللجنة القال شكلها ولا كان في أي شفافية عشان نعرفهم هل هم فعلاً أهل اختصاص ولا أئمة مساجد من الكانوا بلعلعوا لا نشر اسماء افراد اللجنة ولا مقرراتهم بس طوالي قال رفعت اللجنة توصياتها وبناء عليه قررنا الآتي !! فما تقولوا لينا ما عليه إلا الاختيار وخلاص .. أهو دة شفناهو اشتغل وزير تربية ومدير مناهج زي الما حاصل حاجة
أسد على محمد الامين التوم وعلى حميدتي نعامة
04-04-2021, 12:31 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
مهما زغنا يا ومهما دفنا رؤوسنا في الرمال نبلع ابت دوت كي ما بتنبلع وقفت في زورنا🥶🥶 لكن اتضح الثورة بيعت بثمن بخس للعساكر والمنبطحين ووكلاء المحاور حتى السلام الممكن يدفع بالثورة لي قدام كان سلام هش مربوط بالمحصصات زي سلام بشة ... الله يرحم اولادنا احمد عمر شالوم
05-12-2021, 12:09 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
كل عام الصديقة دكتور اخلاص والصديق وليد بالف خير والله فجعنا في ثورة عظيمة وقيادتا حمدوك وبقية التافهين #يسقط_الجنجويد_ #يسقط_برهان_ وشلة الهبوط الناعم بقيادة ابراهيم جل
05-14-2021, 09:23 AM
Asim Ali Asim Ali
تاريخ التسجيل: 01-25-2017
مجموع المشاركات: 13492
لو حمدوك ما رشحوهو الكيزان وزير ماليه هل كان حيكون جزء من المشهد بعد الثوره ؟ حتى لما ظهر ما اترشح للماليه اللمعتو للناس ليه ؟ . الناس عشمانه فيهو وقالو فيهو فايده ك(رئيس وزراء) عمل شنو ؟ اقل شىء يفرمل التردى لكن التردى فى كل شىء ماشى بعجله تزايديه عدم قدره على السيطره كمسئول على الفوضى الاداريه الحاصله حتى وصلنا لوضع اشبه باللادوله واسئله كتيره كلها تشير انو خازوق كيزانى بامتياز جا يؤدى دور مرسوم ولايخرج عن النص مهما انقلبت الدنيا تحت حمايه وسيطره العسكر
08-05-2021, 08:40 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
Quote: كل عام الصديقة دكتور اخلاص والصديق وليد بالف خير والله فجعنا في ثورة عظيمة وقيادتا حمدوك وبقية التافهين #يسقط_الجنجويد_ #يسقط_برهان_ وشلة الهبوط الناعم بقيادة ابراهيم جل
صعبان عليك تقول يسقط حمدوك! 😂 مع أنه بسقوط حمدوك سيسقط برنامج الهبوط الناعم كاملا ويسقط برنامج البرهان بتاع المحاور ويسقط كل سوء مهدد للفترة الانتقالية بسقوط حمدوك
09-08-2021, 07:37 AM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
أرشح دكتور حمدوك وزيرا للمالية والتخطيط .. الثورة تحتاج رئيس وزراء مصادم وصاحب كاريزما.. حمدوك فى الفترة المقبلة سينصب تفكيره وتركيزه على ما نجح فيه من انجازات الاقتصاد وفك العزلة ، لذا نحتاج لرئيس جهاز تنفيذى يحكم قبضته على مكاسب الثورة وبناء مؤسسات الحكم المدنى.. د. حمدوك خير من ينهض باقتصاد البلد ، ووجوده بجانب وزارة قوية سيحقق من المكاسب ويوطد للدولة المدنية القوية. ولكن فات الاوان .. ويبقى السؤال هل سييترد الدكتور نجاحاته السابقة فى ظل التجاذبات المدنية والتربصات العسكرية والفلول؟
سلام جنى دفع الله وحباب جيتك الواقع السوداني ملئ بالتكهنات والنظريات والوضع السياسي الراهن يقبل أي فرضية الآن سيبك من حمدوك وجماعة الهبوط الناعم فمصيبة هذا البلد في نخبه دائما وكثيراً ما تأتي الطعنة لهذا البلد من النخب سواء السياسية أو غيرها وخلونا نركّز الآن مع الثورة فالشارع قد تجاوز كل ذلك وكمثال على الفرضيات والنظريات لقيت كلام ((للبعشوم)) يسوق فيه الوضع لزاوية جديدة ينحشر فيها شعبنا وثواره وشهدائه وتاريخه النضالي:
مودتي يا راكز وخليك قريب
11-25-2021, 08:37 AM
adil amin adil amin
تاريخ التسجيل: 08-01-2002
مجموع المشاركات: 36905
فصك يا قحاتي اقعد ولول بس زي نائحات الاجرة في روتانا زمان خلاس حمدوك جاني في حناني شكرا حمدوك اتحرر من اصر القحاطة العاطلين عن المواهب عواطلية الخرتوم وبايدين عصر الجنرالات لامن جابو الزيت بقعدو بعيد يخلو يشوف شغلو تنتظر الانتخابات يا شيوعي ويا بعثي ويا ناصري يا كعوك بس وانت ما محكمة دستورية عشان تحاكم يا مفعوص ولا مراجع عام عشان تحاسب كل شنو صامولة صامولة سيصرخون والماسورة مالا من المواسير ما يتفجر منو الماء حلاة الماسورة https://www.0zz0.com انا ذاتي ماسورة تبع الصين شين مين بنغ كمان
12-22-2021, 06:57 AM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
سلام وتحايا أخ على~ ماسورة وموظف منظمات خارجية والآن أضاف ليها موظف قتلة! دا ما بيمشى لأنه موظف منظمات وعنده برنامج تخريبى لإقتصاد السودان لازم يوصله للنهاية، وطبعا الوضع الإنقلابى دا هو المناسب ليه. وقصة الإستقالة "بعد ساعات" تكون حركات من الشلة فاكرين حيخوفوا الشعب السودانى وإنه "حيجيكم الدباب ولا غيره .. لازم ترجعوا شكرا حمدوك .." وطبعا فاكرين الناس حتطلع الشارع تهتف عايزين حمدوك.
كويس إنهم يفهموا إنه #الشارع حى وليسقط كل القتلة ومن يدعمهم (حمدوك وشلته)
03-14-2022, 07:51 AM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
علي دفع الله
جلالدونا
محمد البشرى الخضر
علي عبدالوهاب عثمان
خضر الطيب
Arif Nashed
منتصر عبد الباسط
محمد نور عودو
دفع الله ود الأصيل
HAIDER ALZAIN
Ali Alkanzi
طلحة عبدالله
نصر الدين عشر
عبدالعظيم عثمان
Mutasim Idris
adil amin
Hasheem Karouri
نعمات عماد
Elhadi
محمد حمزة الحسين
عبداللطيف حسن علي
اسماعيل عبد الله محمد
عماد حسين
Deng
Asim Ali
عمر أبوعاقلة
هدى ميرغنى
فيس بوك
تويتر
انستقرام
يوتيوب
بنتيريست