|
Re: فروع الويسترن يونيون فى السودان (Re: Abureesh)
|
هل يعني ذلك انه يمكننا التحويل عن الطريق الرسمي
بدلا عن التحويل عن طريق شبكات غامضة
أراها مشبوهة
اتمنى ان تكمل الحكومة باجراءات تشجيعية، كما في اثيوبيا ومصر، تجعل كل تحويلات المغتربين تتم عبر قنوات قانونية
وتخدم الاقتصاد الوطني بدلا عن الاضرار به
الباقر موسى
| |
|
|
|
|
|
|
Re: فروع الويسترن يونيون فى السودان (Re: Elbagir Osman)
|
تحياتي ابوالريش وصحبه ...
Quote: وتخدم الاقتصاد الوطني بدلا عن الاضرار به |
غايتو يا الباقر بسلموك الدولار الآخدر في يدك ... تديهو سوق الملجا ولا تدسو تحت المرتبه إنتا مخير ... علي اية حال ممكن نقول دولارات حية ودخلت البلد أخير من تدفعها برا السودان وتجي تستلما جنيهات لا تسمن ولا تغني من جوع ... هي بالتأكيد لا علاقة لها بالنظام المصرفي السوداني بي طريقة مباشرة ... امكن بعد تداولها في السوق تدخل أحد البنوك ...
| |
|
|
|
|
|
|
Re: فروع الويسترن يونيون فى السودان (Re: محمد مدني)
|
مرحبا يا شباب وشكرا على الطلة والتساؤلات
التسليم بالدولار لو الإرسال بالدولار.. والتحويل من كل الدول التى بها فروع الشركة Western Union
ما فى أى رسوم عند الإستلام.. لا يغشوكم.. يرسلوا ليك 100 دولار تستلمها 100
| |
|
|
|
|
|
|
Re: فروع الويسترن يونيون فى السودان (Re: Asim Ali)
|
خبر جميل جدااااا واتمني يكون حقيقة.. ح يساعد كتييير بدل لفة طويلة عشان تصل للاهل او اي تحويلات تاني.
Quote: فروع الوسترن يونيون دى قديمه واظنها قفلت مع تدهور الجنيه السودانى بعد الانفصال . غايتو المتاكد منو بتاع سعد قشره ماشغال مجرد لافته قديمه فى محل مقفول |
اتاكد لينا منها يا عاصم..
| |
|
|
|
|
|
|
Re: فروع الويسترن يونيون فى السودان (Re: Mutasim Idris)
|
ح تكون في مشكلة تانية اعتقد إن السوق الموازي متقدم على البنوك بخطوات واسعة جداً مثلاً: أنا في مكاني بتواصل مع واحد بالواتس، وبرسل لي رقم حساب في الراجحي وبحول عليه وانا في مكاني وبسرعة فائقة جداً، خلال خمسة دقائق بجيني إيصال التحويل في الحساب الاخترتو أنا هناك لكن في الويسترن يونيون انت محتاج تمشي مشوار وتقيف صف، ودي صعبة لي أي مغترب وزولك الهناك محتاج يمشي يقيف صف، وغالباً المستلم هناك يكون امرأة لأنو معظم المغتربين برسلو لي ولادهم، يعني في مخاطرة إنها في الطريق تتعرض لي نشل أو حتى نهب خاصة في الظروف الحالية دي اذا عايزين المغتربين كلهم يحولوا ريالاتهم بالطريق الرسمي يلتزموا بي حاجتين مهمات جداً: التحويل يكون عبر البنوك العادية من بنك في الخليج مثلاً الى بنك في السودان مباشرة.. الالتزام بتسليمك بالدولار أو بالريال .. وأي فشل في واحدة من الاتنين دي بحكم على المحاولة دي بالفشل وح يأثر على أي محاولة مستقبلية لأنو الناس سابقاً فقدوا الثقة في البنوك، إذا لم تلتزم البنوك في عهد الحكومة الحالية فذلك يعزز الانطباع السائد لدى المغترب أن هذه البنوك لا تتغير ولن تتغير وبالتالي تموت مثل هذه المحاولات للأبد وتحياتي
| |
|
|
|
|
|
|
|