|
Re: الآن مطر شديدة ولحمة شديدة وبقنية شديدة (Re: بلدى يا حبوب)
|
بلدى يا حبوب كيفك يا عزيزنا والعيد مبارك عليك يا خ الاسكوتش ديل ال red label حقهم طلع اشاعة ساكت مع بقنيتنا الحلال. أما كان جيت للخرفان حقاتنا . بس اسكت ساكت . عان يا بلدى يا حبوب واحد يضرب في الضحية من الصباح ولاحدي العصر وهو ما عارف انو الكهرباء قاطعة هههههها
| |
|
|
|
|
|
|
Re: الآن مطر شديدة ولحمة شديدة وبقنية شديدة (Re: Arif Nashed)
|
ودموسي تعود الايام عليك بالصحه والعافيه وسنتنا الجايه زي أمس نافرين سوا من جبل عرفات لي مزدلفه وزي الساعه دي رجمنا وطفنا واتحللنا وقاعدين في مني نكمل ايام التشريق ... حرم ... خروفي التني وصل أمس بعد عشرة ليلا وزي أمس بعد فطور صيام عرفه قتا أفقل الشربوت لقيتم عملوهو عصير بلح بس ... جبتا جكي الما خمج وفرزتا عيشتي ورميت فيهو نص رغيفه وقبضة ابري أحمر وختيتو برا البيت في حته كدي زي المشلعيب ... صباحا بعد الصلوات المقبوله إن شاالله لقيت داك الضباح الما ماسوره جيه ليك الخروف تمام قبل الساعة ٩ صباحا وسلمناهو الجهات المختصه وبقيت زول تلفزيون ... اها الساعة ١١ قالو لي نقناقة المطره بدت والفطور جاهز ... صحن ام فتفت بي هني وصحن شية الجمر من تالاك وصحن شية الفرن (بسكويت بس)* في النص وداك يا سرويس شطة القبانيت مخلوته بي الشطه الخدر مع الدكوه وعصير الليمون وملعقة ألتي ... وبي هناك سرويس البصل البصل الأبيض مشقق زي التفاح ... ضربنا واكلنا في العريشه وريحة الدعاش عاملا عمايلا براك وجواك .... بعد داك قمتا علي المشلعيب ولقيت الشربوت بقي حاجه كدا زي bacardi rum with coc ... المهم فرد نومه واحده صحيت قبل دقائق ... * اللحمه تنجض بي نيران كافيه ... في السودان المسأله دي ما مهتمين بيها ....
| |
|
|
|
|
|
|
Re: الآن مطر شديدة ولحمة شديدة وبقنية شديدة (Re: Salah Zubeir)
|
أخونا صلاح الزبير سلامات وكيف حال الأهل هناك . جماعتك في ولاية ميرلاند كلهم عافية . والحمد لله . والبلد في نعمة . البحر قلب . والتمر مال بين الصفار و الحمار وشوية ام رأس. والليمون راقد هبطرش . والشطة طلعت أنواع جديدة . في نوع اسمو مكوة. ونوع جديد نجح في منطقة الرباطاب اسمو كهرباء . حبة شطة من كهرباء دي تخليك تضرب خروفك براك.
| |
|
|
|
|
|
|
Re: الآن مطر شديدة ولحمة شديدة وبقنية شديدة (Re: Abd Alla Elhabib)
|
كل سنة وانت طيب يا أخ عبدالله والأسرة الكريمة وعموم اهلك . مطر بحجم النبق الفارسي. طبعا يا أخ عبدالله النبق الفارسي نجح في السودان وبالغ في النجاح . والان في انتظار نصدر نبقنا . ولو نجحت الحكومة الجديدة كمان نصدر بقنيتنا الشديدة. .. تحياتي أخ عبدالله
| |
|
|
|
|
|
|
|