استاذ الرشيدي. اجتماع لجنة الامن والدفاع امس. ما لم ينشر عنه هو الذي يقول ان . مرحلة التسليم والتسلم تبدأ. تسليم قحت . لقوش. حسابات دارفور. والعمل العسكري. قالت هذا. وحسابات الشرق. والفتنة هناك. قالت هذا. فحسابات الدقيق والبنزين قالت هذا وحسابات التدخل الامريكي . قالت هذا وحسابات الحال المبشتن. قالت هذا. والحال يستخرج (DNA) كما قال ظريف لكل جهه / يعني حالها / ثم يحدث عما سوف تفعله واحاديث الحسابات عن دارفور تقول ان . قتال دارفور لا يحسمه الا هيئة العمليات. وهيئة العمليات هي الان ( اقوي مجموعة مقاتلة في افريقيا. والعالم الثالث) وباسلحة لا توجد عند جيوش متقدمة. او هذا ماتقوله دراسات عسكرية رفيعة. وهيئه العمليات عن ارسالها لدارفور تقول. ولا خطوة.. ما لم تردوا لنا اعتبارنا . بعد ما حدث قبل شهور.. والنقاط السته اعلاه في اول الحديث تقول ان الشخصية الوحيدة التي تقبلها الجهات كلها ( الغرب والشرق في السودان) الغرب والشرق في العالم هو قوش. وهيئة العمليات. من اهل قوش. ولجنة الامن والدفاع تعلم ( وكيف لا تعلم ؟ ) بدخول قوش ودخول قيادات امريكية رفيعة امس الاول. ويعرفون ما تريده المجموعة هذه فهم يقينا قد اجتمعوا به . ويقينا . ان حديث الاجتماع كان يقول الموت في دارفور الان يفوق كثيرا جدا ما وقع ايام البشير. وهذا مسؤولية من ..؟؟ والسؤال المخيف يتجه بعيونه الي جهه معروفه. والاحاديث. تشير الي ان قحت انشقت. وتقول انها انشقت لان نصف قحت يقول. ( نهرب) . والنصف الاخر يقول. ( نقاتل) والنصف الثاني هذا هو ما يوقع حلفا مع الحلو وقالوا عن حميدتي. مايجعله نسخة اخري من قحت. لايعرف الان ماذا يفعل. وقالوا ان ما يجعل امريكا تتدخل دون ان تغطي ذقنها. هو ان مشروع امريكا لمشروع الارهاب يصل الي نهاياته .. وعاجلا. وعاجلا. لان امريكا التي تفاوض طالبان في الدوحة. وتتدخل في السودان امريكا هذه تستعجل. لان الرئيس الامريكي ترامب متلهف جدا لشئ يقدمه للشعب الامريكي قبل الانتخابات نهاية هذا العام هو يريد ان يقول. انه قام بحسم الارهاب الذي يعمل منذ عشرين سنة وامريكا الان يجعلها ضيق الزمن تستبدل التحنيس بالحسم. ومن يقوم بهذا عند امريكا هو قوش. ومن يزرع النيران الان في السودان هو قحت. والذين/ من قحت / يقولون . نقاتل. يوقعون اتفاقا مع الحلو ليقولوا لامريكا من هنا نحن ناس سلام. ويكسبوا من هناك جيش الحلو ليصبح هو جيش قحت ضد الناس في الخرطوم. ========= استاذ الرشيدي. وترفض امس اننا نعرف . لكننا نكتفي بالاشارة الي انه لما كان قوش يتناول طعام العشاء في بيتك في القاهرة ويهبط عليكم صديق ثالث. ينقل لكم ما قاله مسؤول امريكا للشئون الافريقية لما كان يتحدث عن الخليج. والرجل في حديثه عن دولة عربية تهابش. يقول جملة نستحي ان نكتبها هنا. وحديث العشاء كان عن ان قحت انتهت. وقوش يقول ان السودان في العقل الامريكي الان. فراغ فراغ. لن تسمح امريكا لاحد. الصين او تركيا. بان تسبقها اليه. الزيارة السادسة التي تاتي بوجه مكشوف لقوش ولغيره . تعني هذا. واخرون يبداؤن العمل في غسل السودان تمهيدا للمرحلة القادمة او للمراحل القادمة مرحلة ذهاب قحت. ومرحلة الانتخابات.. وقرار يصدر امس. يشرح هذا. قرار لمراجعة الجنسية السودانية في الشرق. والقرار يحسم ظاهرة تمدد اريتريا في الشرق وظاهرة اشعال اريتريا للحرائق واللجنه بهذا تحصر عملها الان في الشرق فقط. واللجنة اهميتها تبرز من ان .من يديرها خمس لواءات احدهم هو ابن اخت محجوب حسن سعد رشيدي.. الاسلام. والاسلاميون . راجعون. ارقد قفا.. واكرع دعاش الخريف.. .. ..
ذكرنا ما يقود اليه يا ود البشرى (عموده اخر الليل) لكن السؤال الاهم من الاسم.. كيف دخل الجنرال قوش الي الخرطوم ستة مرات دون أن يوقفه احد.. الستة بتاعة العنوان دي مني انا.. وللحقيقة انا متأكد من ثلاث زيارات ومازلنا نتحرى عن الثلاث الاخرى..
07-28-2020, 03:51 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
وهيئة العمليات هي الان ( اقوي مجموعة مقاتلة في افريقيا. والعالم الثالث) وباسلحة لا توجد عند جيوش متقدمة. ---------------------------------------------------------------------------------------------- الكوز عمر التاج افلس وصار يتاجر باكاذيب اسحاقة
07-29-2020, 05:58 PM
عمر التاج عمر التاج
تاريخ التسجيل: 02-08-2008
مجموع المشاركات: 3422
الهبل الواقعين نبذ في إسحق فضل الله وكتاباته استفيقوا من طشمتكم شوية.. الموضوع عن زيارات قوش للخرطوم المتكررة هاي عينك يا حكومة ثورة.. اول امس وصلني نبأ زيارة جديدة له؛ وما ادري هل هي السادسة ام التي تليها
07-31-2020, 05:58 PM
عمر التاج عمر التاج
تاريخ التسجيل: 02-08-2008
مجموع المشاركات: 3422
طيب خلوه اسحق اقرعوا لينا.. كتبت لينا يعقوب أمس.. أخبار تتحدث بأن رئيس المخابرات المصرية عباس كامل وصل البلاد خلال الساعات الماضية في زيارة غير معلنة بصحبة مدير جهاز الأمن والمخابرات السابق صلاح قوش هذا ولم تفصح أي جهة مسؤولة عن سبب الزيارة ومخرجاتها قبل أن يغادر الوفد الرفيع أدراجه إلى القاهرة. هذا وقد تحدث خبراء سياسيون بأن الزيارة لا تنفصل عن زيارة الإمام الصادق المهدي إلى الإمارات والتي ربما هي زيارات تأتي في إطار تشكيل حكومي جديد قد يتم الإعلان عنه في الأيام القادمة. وربطا للأحداث القادمة أفاد نفس المصدر تأكيد رئيس الجبهة الشعبية المتحدة للتحرير والعدالة الأمين داؤود أن بقاء الولاة الجدد في مناصبهم لن يتعدى الثلاثة أسابيع قبل أن يتم إعفاؤهم مرة أخرى. وتأكيدا لما ذكرناه قبل يومين في مقال لنا بعنوان (مطبخ الأمارات) قد ظهر تماما فقد تناولنا فيه وجود الصادق بالأمارات باتفاق مع حميدتي. للمساهمة في التغيير القادم. عليه نقول: (لا أحد ينكر الواقع المشين. فالبلد في أمس الحاجة لمنقذ من العبث الحمدوكي. وانهيار السوداني سوف تتداعى له دول المنطقة "عربية وأفريقية" بالفوضى والدمار. وسباقا مع الزمن لتلافي ذلك المجهول ها هو رجل أمريكا "قوش" يظهر على مسرح الأحداث. ليسهم مع الحادبين من أبناء الوطن في عودته للساحة الإقليمية والدولية). ومما لاشك فيه أن الرجل مقبول من قحت لمساهمته الفعال في التغيير (باعترافهم). وفي تقديري أول من يرحب بتلك الخطوة التجم اليتيم جناح الأصم. فهو على استعداد أن يصلي فجر الخلاص حاضر خلفه. بعد أن يمم شطره الآخر قبلة الحلو. *الخميس ٢٠٢٠/٧/٣٠*
07-31-2020, 06:39 PM
Deng Deng
تاريخ التسجيل: 11-28-2002
مجموع المشاركات: 52545
Quote: كيف دخل الجنرال قوش الي الخرطوم ستة مرات دون أن يوقفه احد.
عمر التاج و ضيوفو الكرام - كل عام وانتم بخير ++++ الغريب انك بتسأل بصيغة التأكيد ، او قصة دخولو المتكرر انت اتأكدت منها وجاي تسأل "عني تاني" بس انو دخل كيف ومنو التكتك ليهو الموضوع او لييه ما قبضوهو ! ده كلو كلام فارغ ، فانتازيا محضة من سجم رماد الصحافة اسحق وبقية الكيزان البتوهمو في دور خفي ليهم ولسة ما عايزين يصدقو انهم بقو تاريخ ! قوش بيدو شنو ولييه يكون في يدو حاجة اساسا ؟ عمر التاج لو عندك زميل اتفصل من وظيفتو ممكن يكون عندو اي علاقة بجهة العمل ؟ هي نفس الحكاية في السياسة ايضا وفي السلك العسكري والامني ، نزلت المعاش او اتفصلت او استقلت انتهت علاقتك تماما بجهة عملك. الشي التاني المضحك والمثير للرثاء وهو تصوير او اي من كبار مجرمي الانقاذ بأنو عبقري او بعمل حاجات خارقة بتتخطى حدود المألوف ، لدرجة انو بعد الثورة القامت دي كلها عليهو وعلي نظامو مازال يتحكم في خيوط اللعبة ؟ اي جنون ؟ اي عبث ؟ صلاح قوش من اغبى شخصيات نظام البشير ، مجرد مجرم تقليدي لا يمكنه العمل في فضاء سياسي او مهني نظيف لانه لا يمتلك مؤهلات تجعله يصل لاهدافه واهداف تنظيمه دون قتل وسفك وسرقة ، زول مجرد من اي اخلاق .. دي كل امكانياتو، وطالما فقد عصا السلطة فقد فقد كل شيء وفقد اي امكانية للعب اي دور داخل السودان.
07-31-2020, 07:57 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
Quote: هيئة العمليات هي الان ( اقوي مجموعة مقاتلة في افريقيا. والعالم الثالث) وباسلحة لا توجد عند جيوش متقدمة. او هذا ماتقوله دراسات عسكرية رفيعة.
Quote: اجتماع لجنة الامن والدفاع امس. ما لم ينشر عنه هو الذي يقول ان . مرحلة التسليم والتسلم تبدأ. تسليم قحت . لقوش. حسابات دارفور. والعمل العسكري. قالت هذا. وحسابات الشرق. والفتنة هناك. قالت هذا. فحسابات الدقيق والبنزين قالت هذا وحسابات التدخل الامريكي . قالت هذا وحسابات الحال المبشتن. قالت هذا.
هذا الكلام كله هراء ... اسحق فضل رجل مخبول ومجنتر وبيتوهم الحاجة وبيصدقا ثم ينشرها وممكن يحلف عليها ويجزم بصحتها .. وهي لا تعدو أن تكون محض كذب وفبركة تستغرب أسطرة صلاح قوش ونفخه بهذه الصورة المقصود بيهو شنو ؟ .. والهدف منها شنو ؟ .. أيا كانت الأهداف السرابية دي والمقصود منها .. ستظل لا تأثير لها وشغل بتاع اشاعات ليس إلا .. وصلاح قوش ليس بيده شيء كل ما يملكه معلومات مع مرور الوقت بتفقد قيمتها .. وتصبح بايته وعديمة النفع .. قوش يزور ولا ما يزور الواقع بقول .. لايمكنه أن يحرك حجر جوه السودان .. وهو مجرد كرت اتحرق وبيحاول يروج لي نفسه .. عشان يلقلى تمويل من جهات عايزة تفرض ارادتها وتسيطر وتجيب حكومة تكون مواليه ليها كي تلعب بيها سياسة .. لكن قوش والكيزان لو نططوا تاني ما بيقدروا يحكموا السودان ثم قوش ده كان عنده جرأة ومقدرة كان حكم البلد .. لامن كانت فوضى والحكومة هشه وبتترنح ولا سيطرة لها الوكت داك اي زول جريء وعنده سلاح كان بامكانه يستلم الحكم لكن هسه .. الا كان في احلام واوهام اسحاق فضل الله ده يستلم ليهو سلطة او حتى يقدر يفرض ارادته على المشهد
07-31-2020, 08:13 PM
عمر التاج عمر التاج
تاريخ التسجيل: 02-08-2008
مجموع المشاركات: 3422
Quote: الغريب انك بتسأل بصيغة التأكيد ، او قصة دخولو المتكرر انت اتأكدت منها وجاي تسأل "عني تاني"
من ناحية دخوله المتكرر هو متكرر ياقريبي؛ لكن لا أكاد أجزم ستة ام لا.. بي حقة لينا يعقوب دي احتمال يكون بقن سبعة هههه غايتو انا المتأكد منهم ثلاثة.. وفي واحدة وقف حرسه دون تنفيذ امر استدعائه بواسطة النيابة.. تتخيل يا عبد الله ادريس مواطن عادي؛ بعد ينزل من المعاش يكون عنده حرس خاص يمنع وصول الشرطة القومية اليه.. فكرك ده زول عادي؟ لو نسينا أو تنسينا امبراطوريته الأمنية زمن الانقاذ وانه كان معول الهد رقم واحد لنظام البشير الا اننا لن ننسى انه رجل امريكا الأول وانه قدم للسي اي ايه مالم تقدمه أجهزة الموساد والمخابرات المصرية مجتمعة.. وانه كان رجل إسرائيل و الإمارات ومصر والسعودية في نفس الوقت.. وانه مازال يملك رجال؛ وملفات عن الإنقاذ وتنظيم الإخوان لايملكها سواه.. فهل يمكن لهذه المحاور ان ترميه في منفاه وتتخلي عنه بهذه السهولة؟
07-31-2020, 08:29 PM
Deng Deng
تاريخ التسجيل: 11-28-2002
مجموع المشاركات: 52545
Quote: وانه قدم للسي اي ايه مالم تقدمه أجهزة الموساد والمخابرات المصرية مجتمعة.. وانه كان رجل إسرائيل و الإمارات ومصر والسعودية في نفس الوقت.. وانه مازال يملك رجال؛ وملفات عن الإنقاذ وتنظيم الإخوان لايملكها سواه.. فهل يمكن لهذه المحاور ان ترميه في منفاه وتتخلي عنه بهذه السهولة؟
ده نفس الكلام الذي كان بتقال على المجرم الفاتح عروة زمان، وف ناس كانو عاملين ليهو شنة ورنة. ولكن عندما قدم النظام البائد أسمه لمنصب السفير بواشنطن تم رفضه بواسطة الحكومة الامريكية. صلاح قوش كرت محروق والعالم كله يعلم ذلك. مصالح العالم اليوم هي مع الحكومة الموجودة في السودان.
كون أنك تنقل لنا أكاذيب أسحق فضل الله في المنبر فذلك يعني بأنك شخص مفلس.
07-31-2020, 09:14 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
كل عام وانتم بخير يا ود التاج و القابلة كدا اوعى شوية وتعرف تفرز الهراء الساي من النضيف المهم بالنسبة لكلام لينا يعقوب و اسحق هل من سقف زمني في رايك للاحداث المقصودة! عشان نحسب متى سيأتي قوش و يتولى الحكم؟
Quote: وفي واحدة وقف حرسه دون تنفيذ امر استدعائه بواسطة النيابة.. تتخيل يا عبد الله ادريس مواطن عادي؛ بعد ينزل من المعاش يكون عنده حرس خاص يمنع وصول الشرطة القومية اليه..
هل تقصد المرة المشت فيها النيابة لمنزله لتنفيذ أمر قبض ايام المجلس العسكري و ايام لسة كان جهاز الامن اسمه جهاز الامن و المخابرات وبي هيئة عملياته و بي حرسه ولا تقصد حادثة أخرى بعد ذلك
أخيرا التلاتة زيارات المتاكد منهن ممكن تفاصيل و كيف تأكدت
___________________________
معلومة عامة: لينا يعقوب كانت ولازالت ترأس تحرير موقع باج نيوز ورئيس مجلس ادارته لمالك جعفر شقيق معتصم جعفر عضو المؤتمر الوطني و هامور الصناعة الدوائية ضياء بلال يرأس تحرير صحيفة السوداني المملوكة لجمال الوالي واسحق معلوم من هو القراءة الحصيفة يجب ان تستصحب دوافع الصحفي و مدى تضرره من سقوط النظام قبل شراء أي هراء و اعادة نشره
يا عمر التاج في واحد ليافي إسمو الربيع عبدالمنعم بقول كلام فارغ زي كلامك دا محاولة إستزراع وهم بدور فاعل للمؤتمر اللوطني وكوادره ومحاولة إستزراع وهم أن كل الذي يدور في الساحة السياسية السودانية يتم بتخطيط من صلاح قوش وأن الأحداث والأشخاص الظاهرة الآن في السودان كلها تتحرك وفقاً لأدوار يرسمها المؤتمر اللوطني. هذه كلها ترهات وأوهام الواقع يقول أن المؤتمر اللوطني مات وتعفنت جثته. وهذه الحقيقة لا علاقة لها بفشل قحت او نجاحها في مستقبل الأيام.
08-01-2020, 12:04 PM
عمر التاج عمر التاج
تاريخ التسجيل: 02-08-2008
مجموع المشاركات: 3422
Quote: صلاح مناع: قوش إلتقى حمدوك في أديس أبابا وتفاوضا حول تغيير البشير
فى: أغسطس 01, 2020 كشف عضو اللجنة العليا لتفكيك التمكين وإسترداد الأموال العامة ومحاربة الفساد “د.صلاح مناع” عن لقاء جمع مدير جهاز الأمن الأسبق الفريق أول صلاح قوش، وحمدوك في أديس أبابا نهاية يناير 2019 للتفاوض معه حول تغيير النظام في السودان، وقال “مناع” في حوار بثته أول أيام عيد الأضحى قناة الهلال وأجرته الإعلامية “رشان أوشي”: “إتصل بي صلاح قوش يوم 26 يناير وأبلغني بأن الأوضاع تأزمت ولا يمكن السكوت عليها، وسألني مارأيكم بأن يذهب النظام، ولكن يجب ان يسبقه حوار، وطلب لقاء بعيدا عن الخرطوم” ، وأكد “مناع” بأنهم إلتقوا “قوش” في أديس أبابا برفقه رئيس الوزراء الحالي “د.عبدالله حمدوك” ، ورجل الأعمال البريطاني من أصول سودانية “مو إبراهيم” وتمت مناقشة ترتيبات الإطاحة بنظام البشير، وقال: ”أبلغنا قوش برفضنا لقتل المتظاهرين في الشوارع، وبالفعل إستجاب فورا واجرى إتصالات من اديس أبابا وأثناء اللقاء، أمر فيها بوقف إستخدام الرصاص، وقام برفع الحصانة عن قتلة الشهيد أحمد الخير“، وكشف “مناع” عن رفض “مو إبراهيم” لمقترح ”قوش” بأن يصبح هو بديلا للبشير وقال “مو” اثناء اللقاء: “لا يمكن أن نستبدل عسكري بعسكري آخر”.
.. .. تأتي الا اجيب لكم كلام حمدوك هههه
08-01-2020, 12:35 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7205
Quote: قوش إلتقى حمدوك في أديس أبابا وتفاوضا حول تغيير البشير
Quote: إتصل بي صلاح قوش يوم 26 يناير وأبلغني بأن الأوضاع تأزمت ولا يمكن السكوت عليها
ما فهمت المغزى من قصة قوش إلتقى حمدوك في أديس أبابا وتفاوضا حول تغيير البشير
طيب يا عمر التاج أنا كنت في الخرطوم في أغسطس 2018 وكنت عارف إنو الأوضاع تأزمت ومشيت تاني الخرطوم في نهاية ديسمبر 2018 وعرفت وقتها إنو التغيير قادم لا محالة شنو الغريب في إنو قوش يعرف إنو الأوضاع تأزمت وإنو التغيير قادم في 26 يناير 2019؟ وشنو الغريب في إنو بعد يعرف يحاول يتلب من المركب؟ وشنو الغريب في إنو يسعى يقابل بعض الشخصيات المؤثرة؟ وشنو الغريب في إنو المواليين للثورة من قحت وغيرها يستغلونه ويستغلون منصبه في إنجاح الثورة وتقليل الخسائر؟
شئ المحيِّر الوحيد في هذه القصة إنو قوش يكون بالغباء الذي يصور له في ذلك الوقت بأنه سيكون له مكان في السودان بعد الثورة؟
08-01-2020, 12:58 PM
adil amin adil amin
تاريخ التسجيل: 08-01-2002
مجموع المشاركات: 36900
يا عمرالتاج ده حصل فعلا ولي كلام جداد اللكتروني من الاول قلنا دي انقلاب مش ثورة عشان يحافظ علي مصالح مصر والسعودية والامارات وبرنامج الانقاذ بس
Quote: السودان الان السودان: مناع يكشف تفاصيل مثيرة عن لقاء (قوش وحمدوك) لإسقاط البشير تم النشر منذُ ساعتينتعليقاتمصدر الخبر / صحيفة الانتباهة
صحيفة الانتباهة مصدر الخبر / صحيفة الانتباهة
رصد: الانتباهة أون لاين كشف عضو اللجنة العليا لتفكيك التمكين وإسترداد الأموال العامة ومحاربة الفساد د. صلاح مناع عن لقاء جمع مدير جهاز الأمن الأسبق الفريق أول مهندس صلاح قوش، ورئيس الوزراء الحالي د. عبد الله حمدوك في أديس أبابا نهاية يناير 2019م للتفاوض معه حول تغيير النظام في السودان. وقال مناع في حوار بثته أول أيام عيد الأضحى قناة الهلال وأجرته الإعلامية رشان أوشي: (إتصل بي صلاح قوش يوم 26/يناير وأبلغني بأن الأوضاع تأزمت ولا يمكن السكوت عليها، وسألني ما رأيكم بأن يذهب النظام، ولكن يجب ان يسبقه حوار، وطلب لقاء بعيدا عن الخرطوم). وأكد مناع بأنهم إلتقوا قوش في أديس أبابا برفقته د. عبدالله حمدوك، ورجل الأعمال البريطاني من أصول سودانية مو إبراهيم وتمت مناقشة ترتيبات الإطاحة بنظام البشير، وقال: (أبلغنا قوش برفضنا لقتل المتظاهرين في الشوارع، وبالفعل إستجاب فورا واجرى إتصالات من اديس أبابا وأثناء اللقاء، أمر بوقف إستخدام الرصاص، وقام برفع الحصانة عن قتلة الشهيد أحمد الخير). وكشف مناع بحسب موقع (سودان مورنينغ) عن رفض مو إبراهيم لمقترح قوش بأن يصبح هو بديلا للبشير. وقال مو أثناء اللقاء: (لا يمكن أن نستبدل عسكري بعسكري آخر).
منقول صحي قال الكلام ده ولي دي الانتباهة اون لاين حمدوك يفتح فيها بلاغ تشهير المقابلة في فضائية الهلال قالو عليك الله جيبا هنا نشوف الزول ده قال شنو فضائية الهلال دي اعلام فريد فعلا وبحترم الشعب السوداني
08-01-2020, 01:00 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: وبالفعل إستجاب فورا واجرى إتصالات من اديس أبابا وأثناء اللقاء، أمر فيها بوقف إستخدام الرصاص، وقام برفع الحصانة عن قتلة الشهيد أحمد الخير“
طبعا قتل الشهداء استمر بعد نهاية يناير - تاريخ اللقاء المزعوم - وحتى صبيحة 11 ابريل أما الما مفهوم انه كيف رفع الحصانة عن قتلة الشهيد أحمد الخير الذي لم يكن قد استشهد بعد! رحمه الله استشهد في فبراير
واضح انه هناك حملة مسعورة لتلميع صلاح قوش بالحق و الباطل والاصرار على ادوار سابقة - ولاحقة - له في الثورة و هذا ليس قاصرا على الصحفيين المتضررين من اسقاط النظام فقط!
08-01-2020, 01:12 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: كشف عضو اللجنة العليا لتفكيك التمكين وإسترداد الأموال العامة ومحاربة الفساد “د.صلاح مناع” عن لقاء جمع مدير جهاز الأمن الأسبق الفريق أول صلاح قوش، وحمدوك في أديس أبابا نهاية يناير 2019 للتفاوض
قوش طار لاديس ليقابل حمدوك ؟ ومن هو حمدوك قبل 11-4 ؟ - لم يكن ناشطا سياسيا معروفا ابدا لم يلعب اي دور سياسي من قبل كمستشار مثلا لحكومة اجنبية مؤثرة اقليميا مثلا مما يؤهله لقيادة وساطة او اي عملية سياسية غايتها القيام بتفكيك سلمي لنظام البشير بدعم اقليمي. - لم يكن مسئولا نافذا في اي حزب معارض - لم يكن بإمكانه القيام بدور ثوري محوري في الداخل ، شيء حاسم كده زي عودة لينين او الخميني مثلا .. - لم يكن شخصية سياسية قومية معروفة بأمكانها التأثير على مسرح الاحداث في السودان يعني قبل محاولة البشير استوزار حمدوك كان الاخير "نسيا منسيا" ومافي اي زول بعرفو الا الناس البعرفوهو لييه حمدوك بالذات ، لييه ما اي اكس تاني من الناس؟ ده طلس جديد كمان - لا مكان لقوش بين الثوار ، قوش مكانو السجن وبس
08-01-2020, 01:19 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
اعتقد والله أعلم مولانا حافظ ما عندو الاكس اكس ................. أنا بس خلوني لى جنس دا .. لكن عمر التاج دا لابد ليهو في مكان تاني هو عارفو .. إلا ما يجي بهناك
08-01-2020, 01:35 PM
ABDALLAH ABDALLAH ABDALLAH ABDALLAH
تاريخ التسجيل: 08-26-2007
مجموع المشاركات: 7628
Quote: وانه قدم للسي اي ايه مالم تقدمه أجهزة الموساد والمخابرات المصرية مجتمعة.. وانه كان رجل إسرائيل و الإمارات ومصر والسعودية في نفس الوقت.. وانه مازال يملك رجال؛ وملفات عن الإنقاذ وتنظيم الإخوان لايملكها سواه.. فهل يمكن لهذه المحاور ان ترميه في منفاه وتتخلي عنه بهذه السهولة؟
رغم خيانته لكن تم ركله وإبعاده هو وشريكه محمد عطا وصارا خارج نطاق إهتمامات السياسه الأمريكيه
08-01-2020, 01:53 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
الاحباب الكرام .. تحياتي سؤال بسيط ما مصلحة المناضل مناع من نشر مثل هذا الموضوع ؟ أليس هو عضو في لجنة التفكيك وهذه اللجنة تم اختيار اعضاءها من اكثر الناس انتماءا واخلاصاً للثورة ..
ما المصلحة ولماذا تلميع قوش وتشويه حمدوك ؟
في حاجات كده ما قادر افهمها
08-01-2020, 05:04 PM
عمر التاج عمر التاج
تاريخ التسجيل: 02-08-2008
مجموع المشاركات: 3422
بطل تنظير وجيب ما يثبت ان الحساب مفبرك بس اوعك تجيب حساب تاني وتقول ده الأصل لانه اي قيادي ممكن يكون عنده عشرة حسابات فيس.. أما علاقة قوش بأمريكا فدى مادايرة رأيك الشخصي فامريكا هي من اعادت قوش لرئاسة الجهاز بعد أن استبعده البشير.. وإذا كانت قدرت تضغط وتعيده لحكومة مصنفة كعدو؛ فمافي شى بيمنعها من إعادته لحكومة صديقة .. علاقة قوش لقحت ما في زول بينكرها غير قحاتة المنبر.. وللذكري اقرأوا هذا البوست..
Quote: قال القيادي في قوى الحرية والتغيير وحزب البعث، محمد وداعة، إنّ الدخول إلى القيادة العامة وإسقاط النظام تمّ بعزيمة المواطنين الثائرين ودماء الشهداء ومواصلة العمل الجماعي لعدّة أشهر، مضيفاً أنّ وصول الثوار إلى أبواب القيادة أقنع المترددين في اللجنة الأمنية أنّ الإنحياز للثوار هو القرار الصائ
وبعدها طالع واتثقف من هنا..
Quote: وفي يوليو 2018 ارسل رئيس دولة مجاورة خطاب للرئيس السابق ابلغو فيه انو نتنياهو رئيس الوزراء الاسرائيلي كلمو انو هم على تنسيق مع المعارضة السودانية وانو مدير جهاز الامن السوداني صلاح قوش جزء من التنسيق ده (لو متذكرين لاحقا كشفت قناة الجزيرة عن لقاء جمع صلاح بالموساد) والرئيس لم يكترث بالخطاب ده لانو هو في اللحظة ديك كان بيهمو انو ينتهي من الصراع الداخلي في الموتمر الوطني وبعداك يشوف قصة صلاح دي في أغسطس 2018 كانت جزء كبير من حلقات المشهد اكتملت واتحدد في البداية شهر اكتوبر لبداية الاحتجاجات على ان تنتهي في يناير بسقوط البشير وتولي صلاح للرئاسة بي تحالف جديد بين صلاح والقوى الاسه اسمها الحرية والتغيير مع انو لم تكن كلها جزء من الاتفاق ده وهنا في حادثة لا تقبل الذكر هي اجلت انطلاق الاحتجاجات لي يناير وكان في اتفاق على بين قوش والجماعة بتاعين الحرية والتغير على تفعيل الكيان بتاع تجمع المهنيين مع وجود جسم مهم وفاعل وليه سنين بيقاتل هو لجنة اطباء السودان المركزية .. جات احداث عطبرة قدمت ساعة الصفر بتاعت قوش وجماعة قحت الموجودين الان لانو قوش كان عندة قناعة تامة انو احداث عطبرة دي صنعوها اطراف داخل الموتمر الوطني هدفهم اسقاط البشير وهو معسكر صلاح كان مقتنع انو لو انتصر فهو حيروح في خبر كان فكان بالنسبة ليه قبل ما يظهر كيان يخطف الاضواء ويسوق الحراك لازم هو يسبقهم فطلع بيان تجمع المهنين بعد ما تم اجتماع لي عدد من عناصرو مع صلاح في شقة في ابراج النيلين (بتقع شرق موقف شروني) وصلاح هنا كان بيفهم في الرئيس انو هو بيعمل في تسوية عشانو هو وانو بيلاقي في ناس المعارضة عشان يمهد ليها .. أعلن تجمع المهنيين مواكبو وبدت المواكب وصلاح كان عندو مجموعات من الموالين ليه رجع بعضهم للخدمة واخرين كانو من اجهزة تانيه كان مديهم عربات نفس عربات الجهاز وتسليح وغيرو والناس ديل كان قاموا بي مهمات الكلام عنها ما بيتحمل انو يتكتب هنا ..
تواصلت الاحتجاجات وفي النص في فبراير 2019 سوق صلاح للرئيس فكرة اعلان الطوارئ بعد ما المظاهرات كان هدأت وهنا صلاح كان عايز يعمل حاجتين يرفع من معنويات الشارع اللي بدت تنخفض وعزل الرئيس من حزبو وتم تسويق المسألة للرئيس باعتبارها خلاص فردي ليه واعادة لي شعبيتو وجماهيرو وهنا الموتمر الوطني (رغم انو الرئيس ما قدر ينفذ كل ما تم الاتفاق عليه مع صلاح) بقت فيه حالة عامة من الاستياء انو الرئيس مال لي خلاصو الفردي وقرر يلبسهم مشاكل البلد اللي هم بيفتكرو انو سببها الاساسي قررات بيتخذها هو وجهات بيحميها هو فبقى ما عندو استعداد لا لي حماية الرئيس ولا الحكومة ودي كانت اهم نتيجة صلاح كان عايز يصل ليها انو الوقيعة بين الرئيس والحزب تتم والقصة دي بتضر الرئيس وتضر الحزب ..
في بداية مارس جوه معتقلات الامن اجتمع صلاح بي 2 من قيادات الحرية والتغيير (ملحوظه هنا قوش كان بيلاقى عدد من ناشطين المجتمع المدني والاحزاب جوه المعتقل وباللقاءات دي قدر يجند عدد منهم لي صالحو وهم على صلة بيه حتى تاريخ كتابة البوست ده) وابلغهم انو الجيش استوى وقبلها بي اسبوعيين في فبراير قوش صرح انو سيحسم المظاهرات في ابريل والناس ما فهمتو طبعا.. وقتها كان ترتيباتو عبر اللواء المعتقل حاليا ص.س اكتملت مع عدد من قيادات الجيش وعلى رأسها ابن عوف زاتو فبقوا محتاجين مشروعية للتحرك فاقترح العميد حينها ر.ت ( الذي تمت ترقيته للواء واحيل للتقاعد) فكرة ان يذهب المتظاهرون للقيادة ويطلبون من الجيش التدخل ولذلك الغرض بدأ اطلاق سراح عدد من قيادات الحرية والتغيير الحاليين للترتيب السياسي للمسالة وفي يوم 4 ابريل كان اجتماع اللمسات الاخيرة بمشاركة واحد من قيادات قحت الحالية وقوش واللواء ص.س والاجتماع كان في عربة صلاح وابلغ حينها الرجل انو الامن حيفتح مسارات من صينية بري وشارع المطار للوصول للقيادة وبعدما تصل المجموعة الاولى ستفتح كل مسارات الوصول للقيادة والجيش سيحمي المتظاهرين الذين سيبلغون القيادة والراجل قدم ليهم تقديرات الحرية والتغيير للحشد وكان الرقم 8 الف شخص قوش قال هو حيجيب من ناسو(هنا انا ما عارف من هم) 4 الف وتوقعوا انو بي وصول العدد دا حيبدأ الناس في التدافع والوصول للقيادة وقد كان …
Quote: كل الذي تقوم به هو عبارة عن محاولات فاشلة في إعادة تسويق وتلميع المجرم صلاح قوش وهو كرت محروق ولن يعود للسلطة مرة أخرى.
أنا فوق ضربت لك مثل بالمجرم الفاتح عروة ولكنك مصر في تسير في هذا الطريق ومشككا في الثورة الشعبية.
يا ترى ما هي مصلحتك الشخصية في إعادة تسويق المجرم قوش؟؟
تلميع شنو ده انقلاب ومش ثورة وهبوط ناعم قامت به قحت مع جنرلات اللجنة الامنية للمحافظة علي مصالح هذه الدول في السودان مصر ولسعودية والامارات ثم قطر وتركيا من وراء حجاب وفي رواية اخرى البنك الدولي كمان وهرول ليه حمدوك عديييل وازاح البشير كمرحلة منتهية وترك الانقاذ وتمشطو فيها بي قملا لحدي هسة بكل صقافة ودون حياء وبي الاعلان الدستوري القعد الجنرالات ديل في راس الناس مع بعاعيت مايو ادوات المخابرات المصرية المزمنيين في السودان دي قصة ثورة تسقط بس يا دينق المستهبل او الشيوعي بالكتب باسم دينق الاعلان الدستوري 2019 وجدع دستور 2005 اكبر جريمة وخطاء استراتيجي ثالث يرتكب في حق الشعب السوداني بعد الاستقلال ولحدي هسة بن عوف في مصر وصلاج قوش في مصر وحميدتي والبرهان وحمدوك في السودان والشباب المحبط ينبح وجمل الانقاذ ماشي https://top4top.io/
دينق القاشر بامريكا اقشر بيها بعيد من السودان نحن بنحترم بس الانجليز واللورد كتشنر
08-02-2020, 09:08 AM
عمر التاج عمر التاج
تاريخ التسجيل: 02-08-2008
مجموع المشاركات: 3422
عشان خاطرك يا محمد ابو العزائم حا تتطور شوية وانقل لك كلام قيادي بارز في قحت فما هو نقاشك طال عمرك؟
Quote: قال القيادي في قوى الحرية والتغيير وحزب البعث، محمد وداعة، إنّ الدخول إلى القيادة العامة وإسقاط النظام تمّ بعزيمة المواطنين الثائرين ودماء الشهداء ومواصلة العمل الجماعي لعدّة أشهر، مضيفاً أنّ وصول الثوار إلى أبواب القيادة أقنع المترددين في اللجنة الأمنية أنّ الإنحياز للثوار هو القرار الصائب.
وأشار إلى أنّ الفريق ياسر العطا هو من تقدّم بمقترح ِعزل البشير بعد رفضه التنحي و عزمه فضّ الاعتصام بالقوة باستخدام مجموعاتٍ شبه عسكرية من الكوادر الإسلامية تمّ تجميعها لهذا الغرض. وكشف وداعة لـ”باج نيوز” عن تنسيقٍ واتصالاتٍ بين مدير جهاز الأمن الأسبق صلاح قوش وبعض قيادات قوى الحرية والتغيير قبل السادس من أبريل كان هو أحدهم، وعن اجتماعاتٍ بين قوش وقيادات المعارضة داخل المعتقلات وقيادات خارج المعتقل.
وأكّد على تلقيهم معلومة من قوش بفتح مسارٍ مؤدٍ للقيادة في الواحدة والنصف من قرب مباني الجهاز، موضحاً أنّه لم يتمّ الاعتماد على هذه المعلومة لأنّ المواطنين دخلوا من أماكن متفرّقة بهدف الوصول إلى القيادة، و اتضح فيما بعد أنّ المعلومة صحيحة وأنّ قائد القوة المكلّفة بتأمين الجهاز أمر قواته بعدم اعتراض المتظاهرين..
وأشار إلى أنّ ما تحقّق يعود الفضل فيه إلى الشعب أولاً وأخيراً ،لكنه عاد وقال إنّ هناك أدوارًا أخرى ساعدت على هذا الأمر سيتمّ الكشف عنها لاحقًا.
08-02-2020, 08:13 PM
ABDALLAH ABDALLAH ABDALLAH ABDALLAH
تاريخ التسجيل: 08-26-2007
مجموع المشاركات: 7628
Quote: أما علاقة قوش بأمريكا فدى مادايرة رأيك الشخصي فامريكا هي من اعادت قوش لرئاسة الجهاز بعد أن استبعده البشير..
هل إستطاع العميل صلاح قوش من أن يتحصل على تأشيرة دخول لأميركا عقب نجاح ثورة الشعب السودانى العظيمه على نظام السفاح عمر البشير ؟ ليس لدى الإداره الأمريكيه فرق بين صلاح قوش وعلى عثمان محمد طه ونافع ومحمد على الجزولى وعبدالحى .... كلهم إرهابيون دواعش وصلاح قوش من الأساسيين ممن وطد حكم تنظيم الأخوان المسلمين فى السودان فى بداية عهده وأمريكا مدركه لمحاولات مخارجته بعد ورطتهم فى فشل محاولة مقتل حسنى مبارك ودعمهم لأسامه بن لادن فى تفجير سفارتى نيروبى ودار السلام وتفجير المدمره كول لكنها إستفادت من إستسلامه ولا تعتبره رجل مرحله لأىٍّ من سياساتها لا فى السودان ولا فى أى مكان فقط أدى دوره لتنفيذ غرض محدد لكشف عناصر وأساليب إرهابيه هو أحد عناصرها .
08-02-2020, 08:29 PM
عمر التاج عمر التاج
تاريخ التسجيل: 02-08-2008
مجموع المشاركات: 3422
Quote: ليس لدى الإداره الأمريكيه فرق بين صلاح قوش وعلى عثمان محمد طه ونافع ومحمد على الجزولى وعبدالحى ...
مولانا حبابك وكل عام وأنت والاسرة بخير .. ولكن كيف يستقيم عقلا مساواة الداعشي محمد الجزولي مع الرجل الذي انهي داعش والقاعدة بملفاته الخطيرة التي قدمها للأمريكان .. قوش كان سببا رئيسيا في هزيمة القاعدة في أفغانستان وكان سببا قويا في مقتل أسامة بن لادن وكان عاملا مهما في انهاء نفوذ ايران في السودان وكان مخلب قط خطير تسبب في تفتيت تنظيم الاخوان في افريقيا وكان سببا رئيسيا في الإطاحة بمرسي واعدام الاخوان في مصر وكان سببا رئيسيا في سقوط كيزان السودان وانهاء حكم البشير فأي خدمة من هذه سترد أمريكا بها على قوش أو تكافئه إن هو رغب في ذلك؟
08-02-2020, 10:05 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7205
Quote: قوش كان سببا رئيسيا في هزيمة القاعدة في أفغانستان وكان سببا قويا في مقتل أسامة بن لادن
😂😂😂 قلت لي صور للامريكان أسامة بن لادن بالقمر الصناعي الصور بيهو المظاهرات داك وأداهم الإحداثيات البت الأمريكية طلعت البندقية من شنطتها وضربت أسامة بن لادن. 😂😂😂
08-02-2020, 10:47 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر التاج
محمد البشرى الخضر
mohmmed said ahmed
معاوية المدير
Deng
Hassan Farah
Abdullah Idrees
جمال ود القوز
Hafiz Bashir
adil amin
طلحة عبدالله
ABDALLAH ABDALLAH
علي عبدالوهاب عثمان
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست