|
|
|
 Re: أمثال سودانية تحط من شأن المرأة (Re: Deng)
|
حبيبنا محمد صديق .. تحياتي
رغم أنني لم أفهم جزء كبير من الامثال لأنها بلغة عامية موغلة
ومفردات صعبة علينا ..
ولكن المرأة عندنا في اقاصي الشمال هي الاقتصاد وإدارة المال
والمشاركة في زراعة السواقي ... الخ
اليوم معظم العائلات السودانية معتمدة على الشابات في المعيشة
هن الأكثر مواظبة على التعليم والوظيفة
تحياتي الحبيب محمد صديق .. بوست يحتاج الى مناقشة ..
| |
 
|
|
|
|
|
|
|
|
Re: أمثال سودانية تحط من شأن المرأة (Re: علي عبدالوهاب عثمان)
|
مرحبًا أخي العزيز علي عبد الوهاب.
الأمثال المذكورة غير مقصودة لذاتها في هذا المنشور، بل المقصود التأمل في مدى تقدمنا في مسألة حقوق المرأة مواكبة
لتطورات العصر. هذه التطورات التي تفضلت بها أخرجت المرأة إلى دور العلم وسوح العمل ودفعتها إلى الهجرة إلى فضاءات
ما كانت لتصلها في عهود خلت. فأين كنا وأين صرنا؟ وهل يتناسب التقدم الذي أحرز مع وتيرة التطور؟
| |
|
|
|
|
|
|
|
|
|
Re: أمثال سودانية تحط من شأن المرأة (Re: Deng)
|
سلام أخي دينق. عساك بخير.
الأمثال تعبّر عن التجارب الإنسانية عمومًا، ويتقاطع كثير منها في مختلف المجتمعات. ربما تكتسب شعوب تجارب شعوب أخرى، ومن ذلك
العادات والأمثال والأقوال المأثورة من خلال الهجرات؛ لكنني أميل إلى أن الأمثال في الغالب شأنها شأن الغرائز، مثل الحسد والكراهية والحب، يشترك
فيها البشر أينما وجدوا. قد تختلف أساليب التعبير عن مضامين الأمثال لاختلاف أساليب الإبانة بين اللغات واستنادًا إلى الأعراف والتقاليد الحاكمة؛ لكن
الأفكار تظل هي الأفكار ذاتها.
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abureesh)
|
سلام أخي أبو الريش.
وهل بالضرورة أن تكون هذه الأمثال موجودة في كل شبر من السودان حتى يطلق عليها سودانية؟
وهل تنكر أن عرب الوسط جزء من السودان الحالي، بل ومن أكثر الكيانات تأثيرًا من الناحية الثقافية؟
وهل تريد أن تقول إن المرأة السودانية في غير منطقة الوسط "العربي" كما سمّيته تتمتع بكامل حريتها في عصرنا هذا، دعك من العهود الغابرة؟
للأسف، هنالك نزعة غريبة وتحفُّز بين المثقفين السودانيين - أو موضة إن شئت - وهي أنك إن أردت أن تظهر ويُسمع لك في المنابر وتكون مميزًا، فأقرب
الأبواب هو مهاجمة عرب الوسط وحرف البوستات وحشرها حشرًا في زاوية صراع الهوية الضيقة والمملة.
أنا عن نفسي لم أسمع بأغلب هذه الأمثال قبل اطلاعي على دراسة الدكتوراه المشار إليها، ولكن عدم سماعي بها لا ينفي سودانيتها.
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد صديق عبد الله)
|
| Quote: وهل بالضرورة أن تكون هذه الأمثال موجودة في كل شبر من السودان حتى يطلق عليها سودانية؟ |
لا ليس بالضرورة.. و لكن لو الأمثال المذكورة من أدبيات مجموعة أقلية و الأمثال لا توجد فى أغلبية بقاع السودان، و لا فى لغتاتهم. فلا يمكن أن تطلق عليها سودانية.
ما فى أى إتجاه لحرف البوست، و لكن أعتقد أنك تعلم أن لأى أحد حق إبداء الرأى فيما يطرح.. حرف البوست يكون لو تحدثت فى موضوع مختلف.
بعدين صراع الهوية لا تستطيع نكرانه او التقليل من شأنه، و قد تسبب فى فصل ثلث مساحة السودان و موت الألاف.. كل هذا بسبب النوعة لهيمنة الثقافة العربية كما قلت أنت هنا.
بل فرضها فرضا عبر وسائل الأعلام و غيرها.. هل تصدق أننا كنا مجبرين لكتابة عبارة أجدادى سودانيين منذ دخول العرب للسودان.. فى حين أن العرب و العجم هم الذين خرجوا من
افريقيا قبل مئات الاف السنين.. حين بقينا نحن هنا.؟
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abureesh)
|
أ
طيب هل سمعت بالأمثال دي واستعملته؟
طيب هل سمعتالأمثال أو استعملتها في حياتك؟ وإذا استعملتها هل بتعبرها أمثال منطقة معينة؟ أهلك قبال تهلك .
أرع بقيدك .
إن غلبك سدها وسع قدها .
إكان شالتك خير وإن ختتك خيرين .
أكل يا كمي قبل فمي .
أخوك لو بقى عسل ما تلحسو كلو
الخوف فكة جبارة
الغاشي مغشوش
اب سنينة بيضحك علي اب سنينتين
اب قنيفد بلا شوك ولافي
أب منقود لو ما قيس ما ليس
• القرش الأبيض لليوم الأسود.
• الشقى يلقى العظم في المرارة
• التسويها بايدك تغلب اجاويدك.
• الباب البجيب الريح سدو واستريح.
• الماشاف البحر تخلعوا الترعة.
• [المال]تلتوا ولا كتلتوا.
• القلم ما بزيل بلم.
• البراميل الفاضيةبتعمل كركبة أيمن عباس
• الولادة صغرة والمشي صباح
• الراجل افجخي بصلة قبل ما يبقي اصلة
• القرصو الدبيب يخاف من جر الحبل
• الحسنة في الملعون زي الشرارةفي القندول
• الجمرة تحرق الواطيها.
• الما بهدي الكريم حيران .
• البفكك من اكل التوم قل اكلو
• البيرقص ما بيغطي دقنو.
• الخيروه حيروه.
• الخيل تجقلب والشكر لحماد .
• الحوت ما بهددوه بالغرق .
• البنريدو بنفرش ليهو الأرض والما بنريدو بنحرش عليهو الكلب.
• البكرهك في الضلمه بحدير ليك.
• الحسنة في المنعول زي الشرّارة في القندول.
• العود لو مافيهو شق ما بقول طق.
• العندو الضهر ما بندق علي بطنوا .
• العينوا في راسو بعرف خلاصو.
• البباري الجداد بوديهو الكوشة.
• التور أن وقع تكتر سكا
• الاضينة دقو واتعضر لو
• اتغدى واتمدى واتعشى واتمشى
• الغنا نمة والبت عمة والجنى خال
• بليلة مباشر ولا ضبيحة مكاشر .
• باب النجار مخلّع.
• بكرة الموز بجيبك ياقرد
• .
• تسوي بي إيدك يغلب أجاويدك .
• تسوي كريت تلقاهو في جلدها ....
• جناك إكان كبر خاويه .
• جراداية في سروال مابعضي الي قعادو ولا حلو
• جادع الكلب بارك (كناية عن الفلس)
• جراده في الكف ولا الف طايره(ود الشلال)
• جلدا ما جلدك جر فيهو الشوك
• حاميها حراميها.
• حظ الكيشه أن وقع من السما الاقي الأرض مافيشه
• درب السلامة للحول قريب.
• دخانكم يدخن وجوعكم يمحن .
• دنيا دبنقا دردقي بشيش
• دبيب في خشمو جرادة ولا بعضي
• ديكي ولا جمل ابوي
• دخان غيرك يعور عينك
ركاب سرجين وقيع وسلاك دربين ضهيب .
• سمح الغنا في خشيم سيدو .
• سرارة اللعوت تتلاقى يوم الموت .
• شن جدا في المخدة .. التنجيد ولا الكيس الجديد
• شملة كنيزر ثلاثية وقدها رباعى
• شلاقة الورل الفيهو اربعة كرعين ويمشي علي بطنو
ضربني وبكي وسبقني وإشتكي .
• عايره وادوها سوط
• عينك للفيل وتطعن في ضله
غلفاء وشايلة موسه تطهرا
قلبي على جناى انفطر وقلب جناي على حجر.
• كراع البقر جيابه.
• كتلوك ولا جوك والحاحا حوح
• كان عشقت أعشق قمر وكان سرقتا أسرق جمل
• كان غلبك سدها وسع قدها
• كل ديك في بلدو عوعاي
• لو ما عندك حيلة اعمل تيلة
• الما عندو تيلة يعمل الحد حيلة
• محل الرهيفة تنقد .
• مفطوم اللبن ما بسكتو اللولاي .
• مد رجليك قدر لحافك
• من دقنو وفتلو
• نكورك ليكم ما تجونا ونجيكم تكوركو
• نملة وشــايلة ليــها قملـــة
هبلة ومسكوها طبلة * ماريا *
سن بتضاحك نديده
الصقر إن وقع كترة البتابت عيب
الخيل تجقلب والشكر لي حماد
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد صديق عبد الله)
|
يا ود صديق أنا الأمثال هذه سمعت منها اتنين او تلاتة.. لكن كلها (جزء) من الثقافة السودانية وليست ثقافة معظم السودانيين.. و أحترم الكثير منها مثل المنسوبة للشيخ فرح ود تكتوك.. لكن دا ما الموضوع
الموضوع إنك تسحب أمثال موجهة ضد المرأة على الشعب السودانى، حين أنها متدوالة فى بيئة ضيقة و وسط أقلية .. و بالطريقة هذه فأنت تساهم فى التعريف الخاطئ للسودانيين أنهم عرب.
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abureesh)
|
والله يا أبو الريش غلبني أفهمك.
منو قال إنه دي أمثال كل السودانيين؟
أنا سألتك هل بالضرورة الأمثال دي تكون في كل شبر من السودان؟ قلت لي لا ليس بالضرورة. طيب تاني الكلام في شنو؟
إنت قلت الأمثال دي "فرضتها مجموعة معينة؛ يعني نحن بنتكلم عن "أمر واقع". ما بنتكلم عن أسباب وتاريخ هيمنة العرب على الثقافة السودانية عبر السيطرة عبر وسائل الإعلام. هذه الهيمنة أصلا مفروغ منها وما محتاجة إثبات. هذا موضوع مختلف تمامًا. نحن هنا بنتكلم عن حقوق المرأة.
الغريبة لما جبت ليك الأمثال الأخيرة دي قبلتها، بل وقلت بتستعملها كمان. طيب ليه ما قلت دي أمثال "منطقة معينة"؟ شكلك شغال بالمثل اللي بيقول "الشينة منكورة". ما تقول لي ما سمعت بالمثل ده كمان!
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد صديق عبد الله)
|
| Quote: إنت قلت الأمثال دي "فرضتها مجموعة معينة؛ يعني نحن بنتكلم عن "أمر واقع". |
ما اختلفت معاك فى دى.. فرضتها فى ظل أعلام مسخر لهذه المجموعة.. و صحافة ورقية مسخرة لخدمة نشر ثقافة هذه المجموعة الصغيرة.. و السودان الكبير بمجموعاته الكبيرة كان مغيب عن طريق
تجهيل و إمراض مخطط.. و البيتكلم منهم من اللى لقوا شوية تعليم و فتحوا عيونهم يقولوا ليه إنت عنصرى.. لكن تأكد ياسيدى.. فى زمن الفيس بوك و الواتساب وسودانيزاونلاين، أكتب زى ما عاوز و هذا
حقك.. و لكن ستجد التصحيح فوراً كما حدث الان.. "الأمر الواقع" وقته إنتهى.. و لو قلت (السودانيين) كدا ثم الصقت صفة مجموعة صغيرة على كل السودان فسوف تجد من يثبتك فى نقعدك.
مجموعات الفلاتة و الفور و غيرهم .. الواحدة فيهم أكبر عددا من جميع أعضاء مجموعات النيل الشمالى العربى.. لذلك قول للمؤلف أمثاله دى ممكن يبيعها وى ما عاوز ليكن لا ينسبها للسودانيين هكذا..
العنصرى منو هسى؟ الذى يعترف بثقافات العرب السودانيين (وأمثالهم) و يضعها فى إطارها الجغرافى و الإجتماعى ، أم الذى يفرض "أمر واقع" بفرض ثقافة مجموعته على كل السودان مستقلا وضعا
إجتماعيا مختلا أعطاه الإنجليز للمجموعة التى ينتمى اليها، فأعتبره حقا إلاهيا و "أمرا واقعا" على بقية المجموعات السودانية قبوله و الإذعان له.
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abureesh)
|
| Quote: الحسنة في المنعول زي الشرّارة في القندول. |
والصحيح: الحسنة في المنعول مثل الشرا في القندول
وهاك يا دكتور محمد صديق
أمتلك ثلاثة: اللبسة الوسيعة، والدابة السريعة والمرأة المطيعة.
أجتنب ثلاثة: الفويسة، وزاد البخيسة، والمرأة النجيسة.
كلما كبرت المرأة كبر شيطانها لما (حتي) يخرج فوق رأسها.
المرأة يشيلوها ولد المرحاكة، ترجع تشيل أمه. (هذا المثل يعنى أن المرأة يعطوها الخيار في يدها لكنها ترفضه وأخيراً تضطر إلي الأصعب .. تشيل المرحاكة ذاتها).
المرأة زوال (خيال مآتة)، كن شفتها أستعذ من الشيطان.
مع شكري،
شيخ العرب .. بريمة
| |
|
|
|
|
|
|
|
|
Re: أمثال سودانية تحط من شأن المرأة (Re: Biraima M Adam)
|
Quote:
بينهم عطر مَنْشِمَ
(منشم) - بكسر الشين - اسمُ امرأة عطارة كانت بمكة، وكان الناس إذا أرادوا القتال تعطروا من عطرها، وكانوا إذا فعلوا ذلك كثر القتلى فيما بينهم!
فكان يقال: «أشأم من عطر منشم».
ويضرب هذا المثل في الشؤم والشر العظيم.
|
منقول ..
Quote:
*مريسة تام زين*
ماهو معني هذا المثل؟
(تام زين) طفلة من قاع المدينة ......
تعمل في وظيفة (ساقي) بإحدي الانديات او الحانات الفقيرة (مكان بيع الخمور البلدية ) والحانة المقصودة هنا عبارة عن راكوبة عفا عليها الزمن (ولم يعف عنها) وإتهلهلت بفعل القدم والحرائق -التي لابد منها - والغضبات الشهيرة لرواد الحانة...
اليزعل كلو يجرلو منها عود ( تقول الخربت دي دار أبوهو)......
و تام زين تتحرك كالنحلة بين الزبائن تخدمهم وتقف عليهم بجسدها المنهك وساقيها النحيلين ...وتراقب بنظراتها المرتجفة ما يعجز عن شربه الزبائن ...فتتناوله (خفية) و( تدكنه ) في إناء يخصها...
أواخر الليل تبيعه بثمن بخس-- بخس جدا -- للجماعة المقطوعين والدايرين ( يتموها)......
كانوا يعرفون أن ما يقدم لهم هو فضل أفواه الآخرين .. ولكن في أوقات مماثلة ومجتمعات مشابهة من يهتم؟؟؟
صارت تام زين ومريستها معروفين في مجتمع الغائبين والمغيبين ...وفي عموم مجتمع قاع المدينة...
وحين ساء حال البلد وضاقت سبل العيش (وبقت الشغلة ماجايبة حقها)...صار عاديا أن يصادفك السيناريو التالي::
العربجي وهو علي الكارو ( الفاضي) يلاقي زميلو (الفاضي برضو) ويدور الحوار التالي::
ياخوي الشغل كيف والعداد؟؟؟
يرد الثاني::
(أريتو يجيب مريسة تام زين)....
يفهم الأول مغزي الإجابة ويمضي لحال أحزانه....
يتكرر السؤال وتتكرر الإجابة...... حتي صارت مثلا...لسوء الحال والمآل..
وكما يحدث في مجتمعات وظروف مماثلة ... تسربت المقولة من قاع المدينة إلي كل البيوت وتم تحويرها لتناسب أوضاعا مختلفة دون أن يتحرج من لفظها القائل ولا المتلقي....
مثلا ::
واحد بليد جدا تاخدو (هوشة) يقعد يقرا من المغرب لي نصايص الليل...
كل ما يكوركولو لي العشا.... يا ولد تعال إتسمم...
أنا قاعد أقرا يمه...
ترد الوالدة العارفة البير وغطاها ........(أريتو يجيب مريسة تام زين)....
واحدة طول اليوم تتسرح وتتمسح .. ورافعة إيدا من خدمة البيت ...تجي حبوبتها داخلة تلقاها بالحالة دي..تقول ليها -- دون حرج--.....(أريتو يجيب مريسة تام زين )...
و تام زين في (عزلتها المجيدة) ... تواصل عملها المعتاد...
لن تعرف أبدا أن اسمها صار علي كل لسان...وأنها أصبحت مشهورة أكثر من صاحبة الحانة....
و العهدة على الراوي... منقول
اريتو الكلام دا يجيب مريسة تام
…
منقول من قهوة عبد الرؤوف التكينة.
|
شيخ العرب .. بريمة
| |
|
|
|
|
|
|
|
|
 Re: أمثال سودانية تحط من شأن المرأة (Re: أحمد محمد عمر)
|
تحياتي
الكثير من تلك الامثال اختفى في الواقع
لكن ..ظل العمل بروحها سلوك تلقائى موروث ولو لم يصرح به
،
إيراد النصوص او إعادة نشرها ابدا ما مشكلة
لأنها موجودة في كتب التراث وضمن الأمثال العامة
والمراة نفسها ساعدت على هذا التنكيل المجتمعي بكيانها وشخصيتها.
الحل لمشاكل المراة المجتمعية..انها تعرف حقها وتاخد مكانتها وتطور نفسها لنفسها..
وممكن معرفة ما ورد عنها في الأمثال يكون دافع لنهضتها والقيام بدورها في المجتمع بشكل صحيح.
في النهاية مقامها حيث وضعت نفسها
والاحترام لا يشترى بالمال..
،
ومهما نلف وندور..نلقاها هي المتحكمة بشكل او بآخر
رؤساء وحكام وذوي نفوذ وتجار وووو..يشاورها..ولا يستطيع مخالفتها.
،
حاجات كتيرة اتغيرت بعد ما اصبحت المراة السودانية يد عليا
تنفق على البيت والاسرة..وتتحمل مسؤوليتها ومسؤولية آخرين
واتمنى المجتمع يلتفت لما هو اهم
،
شكرا يا استاذ على البوست التنويري
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abureesh)
|
غايتو يا أبو الريش لويت رقبة البوست وفطستو فطيس عشان تقول المحفوظة دي.
يا أخي النقاش في أي موضوع بيكون بفهم الزاوية التي طرح بيها صاحب البوست
فكرته. هو حرف البوستات شنو؟ ما يا هو زي شغلك ده. شغلك ده شغل تعالوا يا ناس الهوية
في المنتدى لميت ليكم في بوست "لايقتو" ليكم تعالوا تموا الباقي.
كلنا ممكن نفهم غلط، لكن لما صاحب البوست يقول ليك الغرض من البوست مناقشة الموضوع
من الزاوية الفلانية، يبقى لو أصريت تواصل في نقاش البوست حسب فهمك أو غرضك، فهذا هو
هو شغل حرف البوستات أمه وأبوهو.
إنت بتتكلم عن انتشار الثقافة العربية على أنها "مظلمة تاريخية" وكمان جايب مثال للسبب. منو بيختلف
في أنه في مظالم؟ بتقول هذا الانتشار حاصل وللسبب اللي ذكرته وفي نفس الوقت بتناقض نفسك
وتقول إنه الأمثال دي ما سودانية. ما هذا التناقض؟ بالطريقة دي لما أتكلم عن اللغة العربية في السودان- وهي اللغة اللي بنتكلم بيها الآن- كل مرة لازم أدبج كلامي بأنه أقول إنها لغة "أقلية" في السودان وما لغة السودانيين. ده كلام شنو يا أبو الريش؟ لكل مقام مقال يا أخي. بعدين مواضيع الهوية دي عندها بوستات مفتوحة. ما معقول أي حاجة عايزين تحشروا فيها هذا الموضوع في أي بوست، وكمان بكل تحفز وغيرة
ما في محلها لما تقول "تقعدني في مقعدي"!
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abdullah Idrees)
|
Quote: ابو الريش
جيب الامثال البجاوية المسيئة للمرأة ، او قول ما عندنا خلينا نستفيد معلومة جديدة برضو
كل المجتمعات السودانية بتعامل المرأة كبني ادم درجة تانية انت بتغالط في شنو ؟ |
عبدالله إدريس.. كمان جابت إساءات؟!! يا خوى ما داير أدخل معك فى مناكفات فأنت لا تعرف البجا و لا تعرف مدى إحترامهم للمرأة. تنميط مجموعاتك للبجا إنطلى عليك مثل ما أنطلت
على المصريين مقولات مثل فاروق كان ملك مصر و السودان.. التنميط و الضحك على البجا.. حتى فى تلفزيون مجموعاتك. و النكات من شاكلة أدروب قال ليك.. عارف دى من دلوكت
بلوها و أشربوا مويتها. يا زول لو إتكلمنا عن الشرق ما تاكلوا عيش معانا... ارعى بقيدك. و قبل ذلك لم أمثالك هذه عليك و أوع تقول دى أمثال السودانيين.. قول بعض السودانيين و مقبولة حتى
بدون ذكر مجموعتك التى (جيت هابر) تدافع عنها بالإساءة للبجا..
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abureesh)
|
امنت بالله ,,
يا زول روق شوية ده شنو البتسوي فيهو ده ؟
لو ما فهمت خليني افهمك تاني :
البوست موضوعو واضح ، سألناك لو عندكم زي الامثال دي جيبا ، لو ما عندكم قول ما عندنا عشان نعرف
وسيد البوست ذاتو وضح ليك ياخي بكل ذوق ، مالك ياخي في شنو ؟
ما عايز تفهم ، امش محل ماك ماشي
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abdullah Idrees)
|
يا عبد الله انت شايف فىر قمبور فوق راسنا؟
دا الكلام الذى كتبته أنت:
| Quote: جيب الامثال البجاوية المسيئة للمرأة ، او قول ما عندنا خلينا نستفيد معلومة جديدة برضو |
هذا يعنى أنك تعرف أمثال بجاوية مسيئة للمرأة.. و هذا بهتان.. البجا يحترمون المرأة و لا يسيئون اليها..
كونك تستفيد معلومة جديدة لما تسمع منى أننا ما عندنا أمثال تسئ للمرأة معناها شنو؟ معناها إنه الان عندك أمثال للبجة التى تسيئ للمرأة.. و هذا بهتان.
أرجةك لا تمتحن ذكاءنا..
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abureesh)
|
الاحباب الكرام
البوست لأمثال في التراث
ونشرها الحبيب محمد صديق للنقاش والشرح
حتى القرآن فيها آ يات تحكي عن أمم سابقة للعلم والتأمل
أنا بالنسبة لي أقرا البوست من الجانب المعرفي والتراثي
لأن معظم هذه الامثال كما قالت الاستاذة تماضر لا تنطبق على الحاضر
ولكن ربما في الدواخل أو في اللاشعور لدى البعض
نعم كلنا كنا قبل سنوات نلاحظ حتى عندما تكون المولود ( بنت ) كان الاب
يصاب بنوع من الكآبة عكس اليوم
في معظم العائلات التي اعرفها اليوم البنت هي التي تسعي لمعاش العائلة
وهي التي تحرز الدرجات العلمية حتى في نتائج امتحان الشهادة السودانية
لاحظ درجات البنات ..
اعتبروا بوست تراث للمعرفة فقط ..
بالنسبة لي نافذة معرفية رغم عمرنا لم اسمع بالكثير من هذه الامثال
وحتى اللغة
تحياتي الحبيب محمد صديق ..
| |
|
|
|
|
|
|
|
|
|
Re: أمثال سودانية تحط من شأن المرأة (Re: Ahmed Yassin)
|
والله برضو ما فهمت!
طيب رسالة البحث شنو؟ عاوز يأرخ للفترة البهيمية دي من حياتنا؟
وكيف يكون التأريخ لاحتقار المرأة مساهمة في رفعتها
الفيسبوك ليه 3 يوم جايط في الشافعة العاملة كولينغ (بتنشد في قصيدة والناس بشيلوا معاها) ما خلوا حاجة ما ذموها بيها لمجرد إنها ما لابسة طرحة
واحد مريض نفسي لما لقاها بت صغيرة محتشمة بالفوتوشوب كبر ليها صدرها وعمل الفنيلة ضيقة والناس شالوا الصورة قالوا مفاتنها ظاهرة
عشان كدة بسأل رسالة البحث شنو؟ وهل في مثل واقعنا المتنمر على أي أنثى تظهر قدام الكاميرا معرفة الأمثال دي بتفيد المجتمع ولا بتلجنو زيادة وتديهو مبرر لزيادة جرعة التنمر!
| |
|
|
|
|
|
|
|
|
|
Re: أمثال سودانية تحط من شأن المرأة (Re: أحمد محمد عمر)
|
ول أبا أحمد يسين
| Quote: تعال يا شيخ العرب بريمة .. افصح |
ول أبا أحمد .. ضحكت جنس ضحك .. ذكرتني بأخونا الأستاذ الأنصاري أحمد الدابي .. من ناس القضارف.
كنا 3 بقارة وهو رابعنا .. تونسنا وهو يستمع ساكت .. طلع كيت من الونسة كلها .. قال لينا يا ناس أفصحوا؟ ..
البقارة يستعملون التصغير بكثرة:
الفأس: تصغيرها فويسه (المرأة ما تامة فأس .. بل فويسة ساكت)
النجس: تصغيرها نجيس أو نجيسه
البخسة: تصغيرها بخيسه
إن شاء الله أكون أفصحت .. ههههاي!
بريمة
| |
|
|
|
|
|
|
|
|
|
Re: أمثال سودانية تحط من شأن المرأة (Re: Ahmed Yassin)
|
يا اخى على عبدالوهاب.. كلامك الاخير على العين و الرأس.. لكن زى ما متابع مداخلاتى كلها ما فيها اى اعتراض.. .. و لكن حين أذكره يجب ذكره مع المكان الجغرافي فى السودان و ليس سحبه على بقية الأمم السودانية. دا الموضوع كله.. يعنى كلمة "بعض" سابقة للسودان كان حلت المشكلة..
و انت قد لاحظت كتاباتى دائما هى عدم اختزال السودان فى مثلث حمدى.. الواحد يقول الله الحالة ف. السودان بقت كعبة و البنات بقن يليسن وشوشهم بالكربمات.. ياخى لو قلت الخرطوم بتموت؟
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abureesh)
|
الغريبة مرات كتيرة عندنا التخصيص الجهوى للثقافات.. مثلا نقول الجعليين حمقا.. (ما السودانين حمقا).. و نقول الرباطاب لسانهم سليط.. طيب لما نجى لأمثلة متخلفة زى دى ليه عاوزين
يخلطوا الكيمان؟ الأمثلاة هذه حتى مفردات الكلمات أغلب السودانيين ما يعرفوها لأنها خاصة ببيئة محددة و مجموعة محددة.
| |
|
|
|
|
|
|
|
|
 Re: أمثال سودانية تحط من شأن المرأة (Re: Abureesh)
|
سلام عليكم
الامثال فى الغالب بالنسبه للباحث يجد عند اجراء دراسه الامثال فى الثقافات المختلفه -مابالضروره فى اطار جفرافى ضيق وانما على نطاق العالم- يجد تشابه فى مضامين كثير من الامثال مع اختلاف التعبيرات والتشبيهات المستقاه من بيئه المثل المعين.
واعتقد لو بدل مانبحث عن الاختلاف بجانبو السلبى نبحث عن الاختلاف بجانبو الايجابى ونبحث عن الامثال فى ثقافاتنا ونقارنها مع القافات الاخرى سواء كان يجمل المثل مضمون سلبى او ايجابى بشكل عام - فهى واقع يعبر عن ثقافاتنا بوجههيا- ويصبح توثيقها و نقاشها مدخل للتوعيه لما للسلبى الذى يجب ان يكون تموذج فى متحف التاريخ الانسانى وبين الايجابى واستخدامو ليكون الجديد امتداد له .ولاشك لو بحثنا الان نجد انو على الاقل فى الالفيه التالته اصبح فى المجتمع السودانى كما كل المجتمعات باقه جديده من الامثال تعبر الواقع من حيث التعبيرات والتشبيهات ومن حيث المضامين المعبره عن ثقافه وواقع المجتمع المعاصر.
.
بالمناسبه المثلين اللى تم تصحيحهم لاتحط من قدر المراه وانما تعبر عن قيم ايجابيه فى المراه
(ماتاخد ام الدرفون ولو كان مدفون) فى روايه تربط القصه بجحا- وبمثل تانى مشهور- انو زوج سيده فقدت طفل حديثا وكانت متاثره جدا بفقد طفلها وكان حجا يخبى المال فى جبه له قديمه ومرقعه وكل رقعه تخفى بعض المال.وفى حضر شحات يطلب صدقه والسيده من تاثرها بفقد طفلها تصدقت للشحات بجبه الزوج:جحا ولما حصر الزوج ولم يجد الجبه وعلم بالسبب فكر واحتال حتى يستعيد حبته (وشقا عمرو) فصنع ساقيه تاخذ الماء من البحر وتعيده الى البحر واحتار الناس وظنوا الظنون بعقل حجا وحضرو ليروا ماصنع جحا وجحا يراقب يبحث عن جبيه على جسد الشحات حتى ظهر الشحات واسرع حجا جحا واستعاد جبته من الشحات وعندها قال (ماتاخد ام الدرفون ولو كان مدفون) -فالابناء هم المراه الاول - واصبحت الساقيه التى صنعها مضرب مثل اخر (ساقيه جحا).
المثل التانى البت يجوها العرسان وابوها يرفض بحجه انها صغيره السن وهى تسمع وماراضيه كلام ابوها ولكنه الحياء عند المراه .وفى يوم طلب منها ان تعد له شاى فمشت بيت الجيران تجيب جمره توقد بيها النار للشاى ودابتها جمره صغيره فلما شافها ابوها علق انو الجمره صغيره لاتوقد نار وعندها عبرت ماجرى مضرب مثل (النار ماف يها من شريره وبت النسا مافيها من سغيره) وبحكمتها وبلاغتها وصلت الرساله للاب.
| |
|
|
|
|
|
|
|
|
|
Re: أمثال سودانية تحط من شأن المرأة (Re: Asim Ali)
|
مرحبًا الأخت تماضر
الأخ بريمة
الأخ أحمد ياسين
الأخ علي عبد الوهاب
الأخ عاصم علي
الأخ أحمد محمد عمر
الأخ عبد الله إدريس
الأخ ياسر الشريف
فعلاً أخي ياسر الشريف، تماضر قالت فأحسنت المقال. الأمثال المذكورة قديمة وقد عُرضت لتبيان تقدم نظرة المجتمع
للمرأة. هذا هو القصد من البوست بالضبط. يعني لا مثلث حمدي لا مثلث حلايب.
التطورات الحاصلة في المجتمعات بدأت في قولبة الشخصية في كل أنحاء العالم وفرضت نمطًا أو أنماطًا جديدة من التعاملات.
التغيير كان حاصل في المجتمع، لكن الطفرة في تقنيات التواصل زادت وتيرة هذا التغيير. زمان لو قالوا لي واحد سوداني في السبعينيات وما دونها من
سكان العاصمة والحواضر، دعك من الأرياف، أنه زوجتك بتتراسل مع بتاع الكوافير والترزي والركشة والبقالة وأساتذة الأولاد وبتتكلم معاهم بالتلفون
وعندها ما لا يحصى ولا يعد من الأصدقاء الرجال في حساباتها في الفيسبوك وتويتر وقروبات الواتساب أظن الكلام كان حا يكون تاني خالص.
عندي سؤال متأكد بيكون فيكم ناس منكم مرّت عليهم نفس التجربة. في إجازة الصيف الماضي سافرت زوجتي مع الأولاد إلى السودان. المهم قرروا يقضوا جزء من
الإجازة في مصر. ناس الجوازات قالوا للمدام لازم تجيبي موافقة من زوجك تكون معتمدة من السفارة السودانية مكان إقامتي. فعلا مشيت استصدرت خطاب الموافقة
حتى قدروا يغادروا السودان.
سؤالي: هل لو الموضوع معكوس برضو حا يطلبوا مني أنا الزوج أجيب خطاب موافقة من زوجتي عشان الأولاد يقدروا يسافروا معاي؟ لو الإجابة بنعم يبقى
الحمد لله؛ لكن لو بالنفي يبقى لسه محتاجين شغل كتير.
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد صديق عبد الله)
|
| Quote: ونبحث عن الامثال فى ثقافاتنا ونقارنها مع القافات الاخرى |
الأخ عاصم،
ما ذا تقصد بعبارة "ثقافتنـــا"؟
هل الأمثال أعلاه تعبر عن ثقافتنا؟ هل هى ثقافة مشتركة بين كل مكونات المجتمع السودانى ؟
النقاش مع محمد صديق إنتهى لأنه أبان أنه يكرس للواقع الذى نشأ منذ خروج الإنجليز بهيمنة الثقافة العربية التى تتبناها مجموعات وسط السودان النيلى.
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abureesh)
|
Quote: فعلاً أخي ياسر الشريف، تماضر قالت فأحسنت المقال. الأمثال المذكورة قديمة وقد عُرضت لتبيان تقدم نظرة المجتمع
للمرأة. هذا هو القصد من البوست بالضبط. يعني لا مثلث حمدي لا مثلث حلايب. |
ذكر حلايب بطريقة التهكم دى، و هى جزء مقدس من الوطن محتل بواسطة المصريين.. تؤكد ان سودانييى الوسط النيلى مفهومهم للسودان هو مثلث حمدى. لا يرون ولا يحترمون بقية
الوطن إلا بالقدر الذى يجبوه من الضرائب و الجبايات و نهب الموارد.. لذلك حين ذهب الجنوب تباكوا على البترول و ليس على إنسان الجنوب.. لم يبكوا على فقد أخوانهم و أخواتهم الجنوبيين.
نخلى موضوع حلايب لأنه شعرا ما عندكم ليه رقبة.. و من قبل تهكم أهل ما يسمى المركز.. إنقاذ و معارضة.. على حلايب.. منهم نافع الذى قال لطلبة بورتسودان أهى ديك حلايب أمشوا حرروها!!
وقد كتبنا ماذا قال المعارض حينها المرحوم نقد عن تبعية حلايب.. و مواقف بقية زعماء المركز الذين تسلطوا علينا.. و الذين لا ينظرون الى أبعد من أرنبة أنفهم حينما يتعلق الأمر بالسودان الكبير.
شوف الحين السيد محمد عثمان الميرغنى، أمد الله فى عمره، ساكن و عايش فى مصر منذ سنين و هو رئيس أحد أكبر الأحزاب.. هل تعتقد يقدر يقول بغم فى موضوع تنقيب المصريين عن الذهب فى شلاتين
الذى أعلنت مصر عنه بالأمس؟ كل الزعماء من معارضة و حكومات مختلفة. عساكر و مدنيين، و تقدميين و تأخريين كلهم نفس الطين حين يتعلق الأمر بسياسة السودان.. لا يرون السودان الوطن الذى
عليهم تنميته و الدفاع عنه إلا مثلث حلايب.. و المغالطة ان اهل الأقاليم مسؤولون من تنميتها. فى حين أنهم ينهبون الثروات و ليس للإقليم الحق فى إدارة موارده من ذهب و من بترول.. يأخذونها
ثم يعيدون للإقليم الفتات الذى ينهب جله الأراجيز و الحكام الذين وضعوهم على رأس الأقليم.
تتحدث يا سيدى عن نظرة المجتمع.. و هذه التعابير الخاطئة هى التى تفرض علينا التداخل للتصحيح.. أى مجتمع؟ مجتمعات الأقاليم يعيشون حياتهم الطبيعية منذ أن خلقهم الله فى هذه الأرض. ما عندهم
أمثال و لم تكن لهم قديما أمثال تحط من قدر المرأة.. فتش الأمثال هذه (مكانها وين)!! و أنا لا يحق لى التعليق و لكن أتساءل. هل عرب الوسط (الذين يستعملون هذه الأمثال) أرضعتهم أمهاتهم؟
و زى ما قلت.. لو تحدثتم عن مناطق بعينها فلا دخل لى و لا ينبغى لى و لا يحق لى الإعتراض، و لكن حين تتحدثون عن الســـودان فعليكم أن تكونوا فى قامة هذا الوطن الكبير الشاسع بكل ثقافاته
و عاداته وتقاليدته و لغاته..
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abureesh)
|
بريمة يأتي بامثال اتت به الاوائل.. موغلة في القدم لكنها حية
اصلا الامثال دي قيلت من افواه ناس لهم فراسة وفطنة وخبرة في الحياة
عركتهم الحياة وعركوها. من الاشياء الطريفة المابتتنسي اصحابنا ( بقارة) قرايب بريمة دا
كانت جيرتهم ممتعة، جاء عريس لابنتهم وكانت ذات جمال، العريس كان عنده شنب كبير
البنت كانت حبوبتها قاعدة وشافت شنب العريس. قالت ليهم ( ابو شنب كبير .. ما بضحك كتير)
وكانت رافضة لهذا العريس .. وصدقت فراستها وصدق حدسها والمثل.
| |
|
|
|
|
|
|
|
|
|
Re: أمثال سودانية تحط من شأن المرأة (Re: Ahmed Yassin)
|
يا أبو الريش، إنت ما زلت تلتقط كلمات من هناك وهناك عشان ترجع النقاش
للمسار الذي تريده من الأول. سقتنا بعيد شديد.
إنت قلت الأمثال دي مرتبطة برقعة معينة من السودان، وما في ذلك غالطك، لأنه الموضوع ما محتاج غلاط. الاختلاف فقط في أنه إنت قلت أنه الأمثال دي لا تمثل كل السودانيين، وأنا ردي ليك أنه ما بالضرورة
الأمثال دي تمثل كل السودان عشان أقول إنها سودانية. ده كل الحاصل. لكن إنت جريت
الموضوع لتأويلات وبدون ما تشعر فكيت آخرك في التعليقين الأخيرين. إنت عندك حاجات عايزة تقولها لكنك لا تتحين الفرصة المناسبة لتقولها. في بوستات تانية
ممكن تقول فيها الكلام ده على راحتك.
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد صديق عبد الله)
|
| Quote: إنت عندك حاجات عايزة تقولها لكنك لا تتحين الفرصة المناسبة لتقولها. |
فى المنبر هذا لا أحتاج أحقن ارائى فى بوستات اخرين.. و كتير جدا مما أكتب هنا بوستات أصلية و ليست مداخلات..
و عبر السنين فى هذا المنبر، تستطيع مراجعة الإرشيف.. أكتب دائما ضد تزوير التاريخ و تزير إرادة الشعب.. و مداخلات مثل هذه لتصحيح إضفاء ثقافة أقلية على أغلبية.
أنت الان تعترف أن الأمثال التى أوردتها ليست من ثقافة كل أهل السودان (أضف أنها ثقافة أقلية).. و تقول إنك تسحبها على كل السودان و لا احد يمنعك.. مبروك.. و لكن كل ما استطيع فعله
هو كشف هذه الحقيقة التى تأكدت بإعترافك بها. أنا عندى خط ثابت يا سيدى الفاضل و لست ممن يتحينون الفرص ليقولوا اراءهم.. أهو فاتح بوستات طويلة عريضة عن تزوير التاريخ و عمالة
حركة اللواء الأبيض بقيادة على عبداللطيف لمصر.. تعليقى هنا يصب فى ذات الإتجاه.. نعم أكتب و عندى أجندة.. بالحيل.. و أجندتى هى المساهمة فى كشف تزوير تأريخ السودان، و إنهاء
سيطرة و هيمنة ثقافة المجموعات العربية الأقلية على ثقافات سائر شعوب السودان.. شفت كيف يا حبوب!
تقول:
Quote: وأنا ردي ليك أنه ما بالضرورة
الأمثال دي تمثل كل السودان عشان أقول إنها سودانية. |
يعنى عنزة و لو طارت.. خلاص إنت قول كدا.. حرية الكلام مكفولة للجميع.. و من واجبى و حقى، إن أكشف هذا الإصرار الغريب على لصق اساليب ثقافية بعموم الشعب السودانى حين لا تنتمى يهذه الثقافة إلا
الى مجموعة قليلة من مجوعاته.
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abureesh)
|
الاخ ابوريش بالانجليزى سلام عليكم
انت اخدت الجمله مجتزئه من سياق ما اردت التعبير عنو .
الامثال بالسلبى والايجابى هى تلخيص لموقف معبر او حكمه وتتشابه الامثال فى مضامينها وماتعبر عنه باهتلاف الثقافات -مع فروقات تصنعها اللغه والبيئه- فقضيه المراه او قضيه العنصريه والتمييز الطبقىمثلا قضايا عالميه عميقه فى التاريخ و موجوده فى المجتمعات الانسانيه. والمراه مضهده ومستغله ختى فى العالم المتحضر الذى يعاملها كسلعه وغلاف لاى بضاعه للكسب المادى ومن عنصريه اللون الى عنصريه التمييز بين القبائل فى افريقيا مثلا لذلك فى اعتقادى اذا وجد مايحط من قدر المراه فى امثال الثقافه العربيه فتوجد امثال تحط من قدرها فى ثقافات اخرىغير عربيه -مع اختلافات البيئه والثقافه كما ذكرنا ونقاش كهذا عن ثقافات السودان ستجد مثيله بدرجه مختلفه فى بلاد اخرى -.المهم الانفتاح على الثقافات الاخرى والنظر فى المتشابه (سلبى او ايجابى )حتى يصبح النقاش على بينه
| |
|
|
|
|
|
|
|
|
|
Re: أمثال سودانية تحط من شأن المرأة (Re: Asim Ali)
|
حكاية "بالحيل" عندك أجندة دي يا أبو الريش أنا متأكد منها من قولة تيت. وكمان متأكد إنك لا تحسن اختيار المقام لطرح أفكارك وبالتالي الناس يتقبلوها ويناقشوك فيها. كلامك عن هيمنة الثقافة العربية ده موضوع مفروغ منه ومفتوح لا من الليلة لا أمبارح وحا يستمر إلى أن يُحل إشكاله. ما في أي مشكلة إطلاقًا في طرحه ومناقشته؛ لكن لازم تعرف تختار المكان والزمان المناسبين لذلك.
إنت مشحون وهذا يؤثر على نظرتك للأمور. مثلاً لما قلت ليك "الأمر الواقع" طوالي إنت جريت فسّرتها حسب زاوية فهمك وكأنه أنا مؤيد فرض هذا الأمر الواقع وعايزو يستمر. المقصود يا أخي "الوضع الراهن" اللي من تبعاته إنك الآن بتتكلم معاي بالعربي وأنا ما بعرف ولا كلمة بجاوية. صحيح العرب أقلية في السودان؛ لكن ما أظن في زول بينكر أنهم أكثر المجموعات تأثيرًا في الثقافة السودانية لأسباب كتيرة ومعلومة للجميع. كونه هذا التأثير عادل أو غير عادل دي حاجة تانية خالص. الواقع أنه ده الحاصل. يتغير ومتين وكيف ده موضوع ما عنده أي علاقة بموضوع هذا البوست.
حكاية أنا "اعترفت" وتكرارك ليها واضح إنك عايز تظهر بيها انتصار زائف. أنا أصلا لم أنكر
حتى أعترف. فما تحاول تخلق معارك في غير معترك وبالتالي انتصارات من مافي.
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد صديق عبد الله)
|
| Quote: وكمان متأكد إنك لا تحسن اختيار المقام لطرح أفكارك |
يا سيدى الفاضل أنا لم أطرح أفكار هنا.. و زى ما قلت ليك أفكارى أطرحها فى بوستات منفصلة و تكون مفصلة.. و لكن هنا و فى مداخلات فى بوستات أخرى
أتوقف عند أى بوست او مداخلة فيها معلومة غير صحيحة فى حق المجموعات المهمشة أو تزييف لتأريخ السودان و لا أدعها تمر.. .. و هذا من حقى و لا أعتقد أن لك إعتراض عليه.. تعترض على
مضمون طرحى هذا حقك وقد مارسته أنت و دافعت عن ما قلته) و لكن لا يمكن أن تعترض على شكل التصحيح بحرية رأى الأخرين أو الكيفية التى يعرضون بها إعتراضهم على ما يعتقدون أنه خطأ.
كنت أتمنى أن تقول رأيك فيما قلته أنا بدل قراءة الأفكار.. و على أى حال أعتقد أننا وصلنا الى نقطة و القارئ أيضا يستحق أن نعطيه فرصة ليقيـم بنفسه، فنحن لسنا أذكى منه. و لكن ثق يا سيدى الفاضل
فإن أى معلومة خاطئة فى تأريخ السودان، أو محاولة طمس ثقافة المجموعات المهمشة لن تمر بدون تعليق.. و هذا حقنا و للقارئ تكوين رأيه النهائى بنفسه.
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد صديق عبد الله)
|
هو البوست دا مالو قلب شكل وسياسة لانه شايف في ( مثل) عن الاجندة الخفية
هسي الواحد كان جايب ليكم كمية من الامثال العجيبة والطريفة. وجبتها من استاذنا محمد سليمان
جراب الحاوي ..موسوعة في امثال غرب السودان وجنوب غربه وزي ماقلنا فوق
الامثال بتخرج من افواه ناس لهم فطنة وفراسة وذكاء وعركتهم الحياة وخبروها
( ما زيكم عاملين معركة) من غير معترك... خلونا من الامثال القديمة .. في امثال حديثة
| |
|
|
|
|
|
|
|
|
|
Re: أمثال سودانية تحط من شأن المرأة (Re: Ahmed Yassin)
|
الأخ محمد صديق
شكرا على عرض الأمثال دي..
أنا شخصيا استمتعت بقراءتها و أحيانا كنت أضحك..
طبعا ما قريتها انطلاقا من جندرة و لا من منطلق هووي أو سياسي...
ولكن قرأتها باعتبارها مخزون ثقافي للمجتمع..و لا أظن بيفرق كتير سوى كان للوسط أو النيلي أو أي منطقة أخرى بغض النظر عن مشاركات المرأة الاجتماعية و الاقتصادية.
بعض الأمثال بيتم استلافه من ثقافات أخرى..طبعا ده شيء طبيعي.
و الأمثال إذا تم تحليلها فهي تتحدث عن زمن ما و مجتمع ما و علاقات اجتماعية و ثقافية كانت سائدة..بمعنى أنه يجب أن لا نستحقرها أو نطالب بحذفها من قاموسنا الاجتماعي
أو الثقافي فالحياة تتغير و تتحرك و تظهر معايير جديدة تبعا لذلك..
يعني لا ضير من وجودها و ممكن تكون أساس للمقارنة بين زمن و زمن و سلوك و سلوك..
الناس ما تنسى تاريخا و لا يوجد هناك من يحذف تاريخه و إرثه ..كمان نحن ما نكون مغالين أكثر من اللازم.
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد عبد الله الحسين)
|
| Quote: يعني لا ضير من وجودها و ممكن تكون أساس للمقارنة بين زمن و زمن و سلوك و سلوك.. |
الأخ محمد عبدالله الحسن،
هون عليك يا سيدى، و من الذى طالب بحذف الأمثال.. كل ما قلته هو خطل العنوان.. و لا يهمنى ان يكون تأريخ مجموعة معينة فيه إهانة للمرأة مسجلة فى الأمثال.. بس لا يسحب على السودان.
أما التأريخ فهو تأريخ و يجب الحفاظ عليه كما هو. و عبارة كما هو فى هذه الحالة تعنى دقة التعبير.. وإلا فإن الجيل القادم بعد 100 سنة سيفهم أن كل مجموعات السودان كانت تهين المرأة و هذا غير صحيح.
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد عبد الله الحسين)
|
ول أبا أحمد،
يا أخي، لذة البوست .. في تذكرنا لجدودنا وحبوباتنا .. ونضحك بيها علي الطاشين شبكة .. ولدي قال ناس الشغل نادوه .. قلت ليه شغلك دا "ما جايب مريسة تام زين" في زمن الكورونا دا .. قام سألنى Who is she Tamzein ..
هنا أمثال متفرقة منقولة من النت ... لاحظ المثل الياباني! .. لكن الطليان رومانسيين لدرجة!
Quote: "ﺍﻟﺸﻴﻄﺎﻥ ﺃﺳﺘﺎﺫ ﺍﻟﺮﺟﻞ ﻭﺗﻠﻤﻴﺬ ﺍﻟﻤﺮﺃﺓ" ﻣﺜﻞ ﻳﺎﺑﺎﻧﻲ.
"ﻣﻦ ﻣﻠﻚ ﺍﻣﺮﺃﺓ ﻓﻘﺪ ﻣﻠﻚ ﺛﻌﺒﺎﻧﺎً" ﻣﺜﻞ ﺇﻧﺠﻠﻴﺰﻱ.
"ﻣﻦ ﺗﺰﻭﺝ ﺟﻤﻴﻠﺔ؛ ﻓﻘﺪ ﺗﺰﻭﺝ ﻭﺭﻃﺔ" ﻣﺜﻞ ﺃﻭﺭﻭﺑﻲ.
الشيطـان استـاذ الرجـل وتـلميـذ المــرأة ، ثـق بـإمـرأتك مـادام أمــك تـراقبهـا ( مثل ياباني )
فى الشـارع عـروسـه وفى البيت جـامـوســه ( مثل مصري )
مـا لا يقـدر عليـه الشيطـان تقـدر عليه المـــرأة ( مثل ألمـاني )
سـلاح المــرأة لسانهـا فكـيف تـدعــه يـصـدأ بعـدم الاستعمـال ( مثل فرنسي)
المـرأة القبيحـة مـرض للمعـدة والمـرأة الجـميلـة وجــع للـرأس ( مثل انجليزي )
النسـاء يتعـلمـن البـكــاء ليكـذبـن ( مثل روماني )
المــرأة التى تـحـب اثـنيـن تـخـدع كـلاهمـا ( مثل برتغـالي )
لا تكـف المــرأة عـن الكــلام إلا لتبكـي ( مثل هندي )
المـــرأة إمـا أن تـحكـم أو تـخــدم ( مثل يونـاني )
عندما تفكر المــرأة بعقـلهـا فـإنهـا تفكـر فى الأذى ( مثل لاتيني )
المــرأة كـظـلك إتبعهـا تهـرب واهـرب منهـا تتبعـك ( مثل أسباني )
جـمـال السمـاء فى نـجومهـا وجـمال المـرأة فى شعرهـا ( مثل ايطـالـي )
|
بريمة
| |
|
|
|
|
|
|
|
|
|
Re: أمثال سودانية تحط من شأن المرأة (Re: Biraima M Adam)
|
هنا زايدة خير وبركة من الأمثال العالمية .. عن المرأة .. الله يكون في عونها:
Quote: اشتر من بيت الغني جوادا ومن بيت الفقير زوجـــة ( مثل فنلندي )
لا تـثـق بشمس الشتـاء ولا بقـلب المـــرأة ( مثل بلغـاري )
اتنين ملهمش امان الفرامل والنسوان (مثل صعيدي)
ثق بامرأتك مدام أمك تراقبها (مثل ياباني)
الزوج الأصم والمرأة العمياء هما أسعد الأزواج (مثل دنمركي)
الشيطان يكفيه عشر ساعات ليخدع رجل والمرأة يكفيها ساعة واحده لتخدع عشر شياطين (مثل ألماني)
الرجل هوا ألنار والمرأة هي الحطب وإبليس هواء الهواء(مثل فرنسي)
لا تستند إلى الجدار المائل ولا إلى المرأة (مثل تشيكي)
للمرأة سبعا وسبعون رأيا في أن واحد (مثل روسي)
أمن الحية ولا تأمن المرية (مثل شعبي)
|
بريمة
| |
|
|
|
|
|
|
|
|
|
Re: أمثال سودانية تحط من شأن المرأة (Re: Biraima M Adam)
|
شكرًا الأخ محمد عبد الله الحسين. عبارة "تحط من شأن المرأة" مقصودة لذاتها وهي تصب في لب الموضوع اللي فتلو الأخ أبو الريش.
الأخ أبو الريش بيتكلم عن البجا ويبدو أنه في باله البجا اللي ما بيعرفوا ولا كلمة عربي وقاعدين في وسط بجاوي في مناطق بجاوية منغلقة على نفسها، وناسي أمثاله من الذين أثّرت فيهم الثقافة العربية. هو يعترف بهيمنة الثقافة العربية، بل أنه داخل البوست ده يدافع عن ثقافته البجاوية، وهذا بالطبع من حقه، لكنه بيكابر لما نقول أنه الأمثال العربية تأثيرها على قطاع واسع من الشعب السوداني. هو ينكر حاجة حاصلة ليهو هو نفسه البجاوي. ينكر بدون أي دراسة علمية تثبت عدم تأثر البجا بمضامين الأمثال العربية، وتحديدًا الأمثال التي تسئ للمرأة. يعني أبو الريش شغال فرز للثقافة العربي: يتأثر بأمثال الشيخ فرح ود تكتوك بل وعاجباهو وبيستعملها كمان ويتكلم بلسان عربي فصيح، لكن لما تجي للأمثال التي تسئ للمرأة بيرجع لأصله وينكر الأمثال دي حطب ويخليها لأصحابها في المجتمع العربي الذي يهين المرأة.
يا أخي أبو الريس، إذا افترضنا أنو البجاويين بيمجّدوا المرأة كما تفضلت، فإلى إلى أي فترة من الفترات ظلوا متمسكين بهذه الفضيلة؟ وهل البجاوي الموجود في مجتمع بجاوي صرف زيُّو وزي البجاوي اللي انصهر في مجتمعات يهيمن عليها العرب ثقافيًا، وأكيد دي رقعة واسعة جدًا؟ إنت عايز تقنعنا يا ابو الريش إنه البجاوي بيختار يتأثر بي شنو من الثقافة العربية "المفروضة" عليهو ويترك شنو؟ بطريقة تانية، أبو الريش ما عنده مشكلة أنه البجاوي يتنازل عن أهم مقومات ثقافته وهي اللغة البجاوية، ولكن ما بيقبل أنه يتنازل عن فضيلة احترام المرأة وتبجيلها في ثقافة مجتمعه البجاوي.
| |
|
|
|
|
|
|
|
|
|
Re: أمثال سودانية تحط من شأن المرأة (Re: Biraima M Adam)
|
ما قلت ليكم بريمة دا مفروض يتم تكريمه في جنبات المنبر
مداخلاته توحي للحبايب اشياء جميلة
| Quote: ولدي قال ناس الشغل نادوه .. قلت ليه شغلك دا "ما جايب مريسة تام زين" |
ومريسة ( ام بلبل ) بكسر الباءين
وقالوا مانت بتغملها إمراة عظيمة اسمها ( ام بلة)
ومريستا كانت بحجزوها للمناسبات الكبيرة
جغمة واحدة بتخليك تمشي سبعة تمنية
وفي اهزوجة شعبية كان برددوها بتقول ( يا ام بلبل ليكا جنا)
| |
|
|
|
|
|
|
|
|
|
Re: أمثال سودانية تحط من شأن المرأة (Re: Ahmed Yassin)
|
| Quote: الأخ أبو الريش بيتكلم عن البجا ويبدو أنه في باله البجا اللي ما بيعرفوا ولا كلمة عربي وقاعدين في وسط بجاوي في مناطق بجاوية منغلقة على نفسها، وناسي أمثاله من الذين أثّرت فيهم الثقافة العربية. هو يعترف بهيمنة الثقافة العربية، بل أنه داخل البوست ده يدافع عن ثقافته البجاوية |
واللاى يا محمد صديق أصلو ما كنت متوقعك فى الحتة دى أبداً.. يعنى تكتيك جديد عشان تحصر نشاطى الإجتماعى فى إثنية البجــا؟
ماذا تعرف يا هداك الله عن مساحة نشاطى فى محيط السودان؟
أنا لا أعرف نشاطك لذلك لا أستطيع أن أحكم.. أنا ما عارف لو أنت مشيت جبال النوبة و جبال الإنقسنة و غرب دارفور و شماله و جنوبه و شرقه، و جنوب كردفان و الشمالية حتى دنقلا ,, ما عارف و الله.
و ما عارف لو أنت سنة 2005 طلعت تأشيرة لتشاد لزيارة النازحين هناك و محاولة دخول دارفور مع المنظمات.. ما عارف لو مشيت الحتات دى و أقرب الناس ليك من منطقتك قالوا ليك إنك تنسى
منطقتك و تصرف الطاقة فى العمل فى مناطق و أقاليم نائية..
بالله عليك لا تحاول مجرد محاولة (مع الإحتفاظ بحقك فى حرية الكلام) فهذه نصيحة فقط .. لا تحاول تظهرنى بمظهر شخص يدافع عن قبيلة.. كويس؟
و يا سيدى الفاضل أنا هنا تكلمت عن الأقاليم السودانية المهمشة (التى أعرفها بالتجربة) و التى تحارب حكومات العرب فى الوسط ثقافاتها و فرض الثقافة الواحدة على أغلبية سكان السودان.
زمان درست فى علم الإجتماع فصل عن فرض المجموعة المهيمنة ثقافاتها على المجموعات المهيمن عليها.. و لكن المجموعة العربية لم تهيمن بقوتها، و إنما نصبها الإستعمار.. جاتها باردة.. و لولا
عدم إنتشار التعليم فى الأقاليم لزالت هذه الهيمنة المصطنعة من زمن طويل.. و هذا هو السر فى عدم نشر الحكومات المتعاقبة التعليم فى الأقاليم بذات الوتيرة التى إنتشر بها فى الوسط. هل تعلم
ان أول مدرسة اولية فى الجزيرة أبا كانت فى عهد النميرى؟ حين إقترح بعض الأنصار بناء مدرسة السيد عبدالرحمن قال ليهم لو علمنا أولاد الأنصار الدائرة يخدمها منو؟ كل الزعماء كانت هذه سياستهم.
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abureesh)
|
معظم هذه الأمثال لم أسمع بها من قبل. لكنها متوافقة مع التي سمعت بها.
أخونا أبو ريش عندو راي أنا ما فهمتو ولا هو يريد أن يفصح عنه. المرأة تاريخياً مضطهدة في كل الثقافات؛ هندية على أوربية على بجاوية يا أخانا أبو ريش.
لكن الأخطر من ذلك أن بعض الثقافات تمسّكت باضطهاها، يا أبو ريش، وممكن أقول لك وأنا على يقين أن الثقافة الإسلامية التراثية هي الوحيدة المتمسكة بذلك. والبجا جزء من هذه الثقافة.
أبسط شيء لو سألت بجاوي قح عن اسم أمه حيطعنك، ونحن، في منطقتنا، أظن أننا أخدنا منهم هذا الموقف ودخلنا في حيص بيص عندما اضطررنا لإخراج الجنسية وفيه سؤال عن اسم الأم. والله أنا ما قلته إلا بعد يومين.
وما تقول لي دا احترام للمرأة، لا. ما كنا فاهمين كدا.
الأوربيون كانوا أخطر في اضطهادهن للمرأة، والآسيويون كذلك ... لكن ديك شعوب حية وقابلة لللتغيير والتطوير.
الأمثال هذه يا أبو ريش رسخها التراث الإسلامي الموبوء. لا أكثر ولا أقل. لكن بدأت تتلاشى غصباً عن النصوص.
لكن أضحكتني أمثال بريمة ... شيء عجيب.
| |
|
|
|
|
|
|
|
|
|
Re: أمثال سودانية تحط من شأن المرأة (Re: Shinteer)
|
يا أخ شانتير الموضوع بسيط..
فى أمثلة سيئة ذكرت على انها ثقافة سودانية.. أنا لا أعترض على يقافة أى مجموعة بالسودان.. لكن أن تلصق هذه الأمثال بالسودانيين فيه تجنى و الميل الى بعثرة الصفات التى تحملها الأمثال الى جميع السودانيين
حين أنها تعبر عن ثقافة مجموعة معينة.. السودانيين لا يعرفون هذه اللغة اللهجة دع عنك الأمثال. لا أريد أن أقرأ أفكار الاخ محمد و أقول هدفه من تشتيت هذه الأمثال على السودانيين جميعهم شنو..
سيبك من تشتيت الموضوع على ثقافات الدول..والاروبيون و الاسيويون.. هل هذا كله يا شنتير للدفاع عن شئ غلط واضح و مشكوف؟!!
| Quote: وما تقول لي دا احترام للمرأة، لا. ما كنا فاهمين كدا. |
و مالى و فهمكم يا أخ شانتير.. المرأة فى الشرق محترمة و عدم ذكر إسمها من الإحترام و الحماية.. أفهموا كما تشاؤون حسب التنميط و غسل الأدمغة من نوع أمك ما تقول.. دا زمنه فات.
المرأة فى الشرق و فى المنازعات كلمتها نهائية و ما من معقب. تعال هنا فى أمريكا أسأل أى زول عن أمه أى سؤال. كان ما الطلقة تحوم جوة الرأس.. يحميك الشهادة والنضم.
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abureesh)
|
| Quote: مالى و فهمكم يا أخ شانتير.. المرأة فى الشرق محترمة و عدم ذكر إسمها من الإحترام و الحماية |
حمايتها من منو ولي شنو، يا أبو الريش؟
وهل الكلام ده كان زمان وانتهى أو اتلاشى؟ ولا لسه موجود؟
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abureesh)
|
ول أبا أحمد،
Quote: ومريسة ( ام بلبل ) بكسر الباءين
وقالوا مانت بتغملها إمراة عظيمة اسمها ( ام بلة)
ومريستا كانت بحجزوها للمناسبات الكبيرة
جغمة واحدة بتخليك تمشي سبعة تمنية
وفي اهزوجة شعبية كان برددوها بتقول ( يا ام بلبل ليكا جنا) |
يا أخي، رجعتنا زمن الطفولة ..
أذكر وكنا صغار .. طبعاً نحن أعراب خلاء .. نزلنا في شمال غرب مدينة الأبيض الحالية في فترة الخريف ..
وهناك السكان المستوطنين في تلك المناطق .. نسمونهم أهل الدار ..
جاءت مجموعة منهم تدعي أنهم شيوخ دين .. ويريدون أن يقيموا حولية لعمدتنا .. وكان رجل في شبابه ..
رجل كريم وجميل الطباع .. يلقب بالعمدة الحسب أسماعيل اللحمير .. فنزل القوم عنده مساءً ..
فأكرم وفادتهم وذبح لهم خرفان وأحضر لهم ما طاب ولذ من الطعام .. وقال ليهم أقيموا ما بدا لكم من الذكر ..
فبدأوا في ضرب الطار .. وكانوا يتغنون:
"لحماً سمين ناراً تلهبه .. وسكيناً طرينه تقطعه .. وكاس أم بلبل تهدجا"!
كان جدي، والذي ألقب عليه .. يستمع لجنس هذا الذكر الذي يورد فيه أسم الخمر "أم بلبل" .. فذهب للعمدة وأسره .. قال ليهو الناس ديل ما شيوخ!!
العمدة قال ليهو يا بريمة .. أسكت .. أنت ما بتعرف الدين ..؟! .. الناس ديل قالوا عندهم ذكر .. خليهم ..
قام جدي وأبن عمي .. أنسحبوا ومشوا خلف المجموعة في الظلام .. وقعدوا يتدارسوا الأمر بعيداً عن العمدة ..
فإذا بهم يكتشفوا سر .. أن ناس الذكر يتسللون فرادي إلي شجرة مظلمة خلف الفريق .. شجرة عرد .. ثم يعود الفرد منهم ..
فأوعز جدي لأبن أخيه .. أن يذهب ويشوف الشجرة فيها شنو .. وهو يراقب له الجماعة .. فإذا صفر له .. إبن أخيه ينسحب في أتجاه أخر من الشجرة.
ذهب محمد القوي .. ووجد قرب مليانة مريسة أم بلبل .. وأنتظر جوار الشجرة .. فإذا بالشيوخ الدجالين يأتي أحدهم ثم يعبئ مريسة حتى يروي ري .. ويذهب لمكان الذكر ..
محمد نادي لجدي .. وجدي ذهب شاف المنظر بعينه .. مريسة أم بلبل .. تشعشع ..
أرسل جدي، محمد، لكي يخبر الأولاد الصبيان يشيلوا العكاكيز ويجوا يدقوا شيوخ الضلال ..
القصة طويلة .. لكن قصارة الكلام .. لم نستطع ضربهم ..
لديهم حصين ركبوها بسرعة البرق .. وخطفوا قرب المريسة ولحمة الضأن المشوية .. ركضوا وسط شجر الكتر في الظلام ..
وخلونا خشومنا ملح ملح ..
قصة حقيقية .. ومنذ ذلك الحين وحتى اليوم .. لم نعرف من أين أتوا وأين أختفوا .. وهل هم بشر أم شيطاين .. سرهم عند الله.
بريمة
| |
|
|
|
|
|
|
|
|
|
Re: أمثال سودانية تحط من شأن المرأة (Re: Biraima M Adam)
|
شنيتر،
سلام ..
| Quote: لكن أضحكتني أمثال بريمة ... شيء عجيب. |
هاك دي:
من صدّق المرأة .. كذّب الرسول.
المثل دا والله blow out my mind .. يعنى لو كانت سيدة نساء العالمين، جد البقارة قال ليهم ما تصدقوها ..
يا ربي المرأة دي سوت شنو في هذه الدنيا لما يوصلوا معها لهذا الحد ..؟ .. فظيع!
بريمة
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abureesh)
|
| Quote: البوست دا ماشى لوين ما عارف |
هههه ماشي للمكان الصحيح اللي إنت فتلت منو البوست. والغريبة إنك براك فتلت البوست وبراك استعدلته بدون ما تشعر، ويبدو إنك حسيت أنه الموضوع حا يمشي في حتة إنت ما عايزها.
إنت قلت إنه المرأة البجاوي محترمة ما زي نسوان "الوسط النيلي"، وجيت قلت
كمان إنه المجتمع البجاوي لا يذكر اسم المرأة لأنه "يحترمها" وعشان "يحميها". عايزين نعرف يحميها من منو؟ ولي شنو؟ وهل الحكاية دي قديمة ولا لسه موجودة؟
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد صديق عبد الله)
|
| Quote: إنت قلت إنه المرأة البجاوي محترمة ما زي نسوان "الوسط النيلي" |
هذا بهتان مبين يا محمد صديق.. متين قلت نسوان الوسط ما محترمات.. المرة الفاتت ضاريتها لكن الان أضعها لك بالواضح.. هذه اساليب رخيصة أربأ بك أن تعتمدها فى النقاش.
أنا حتى فى بداية البوست قلت هذه الأمثال لا تحط من قدر النسوان و إنما تحط من قدر الرجال الذين يضربون الأمثال هذه.. تتذكر هذه العبارة؟ و كون أقول المرأة فى الشرق محترمة لا تعنى أن
سواها غير محترم.. و إنما أعنى، و أنت تعرف هذا مثل جوع بطنك.. أننى كنت أتحدث فى إطار الرد على أن البجا لا يحترمون المرأة.. ارجع للمداخلات. مأ أظن أى زول يحترم المرأة
و يزاود علينا من أى جهة كانت و إلى أى قبيلة تنتمى.. وأنا فوق لما قلت ما عارف البوست هذا ماشى لوين كنت أتوقع هذا المصير و أنت لم تفهم المقصود.. كتا أرى أن النقاش غير موضوعى
و غير عادل و لا يبحث عن الحقيقة. و أنت تعلم فى هذه الحالة الى أين ينتهى.
| |
|
|
|
|
|
|
|
|
|
Re: أمثال سودانية تحط من شأن المرأة (Re: علي عبدالوهاب عثمان)
|
هذا ما فهمته من كلامك يا أبو الريش. بعدين ما إنت اللي قلت. الأمثال وأصحاب الأمثال
هم اللي قالوا. عنوان البوست نفسه بيقول كده. عشان كده ما في "لا زورا
ولا بهتانا". أنا محسوب على المجموعة صاحبة هذه الأمثال وما ناكرها وعارف أنه فينا
اختلالات كثيرة الفرد مننا لا يؤاخذ عليها في نفسه لأنها نتاج مجتمع بأكمله والعاقل والحصيف
من يحاول التخلص منها. فيا أخي ما تتحسس.
إنت قلت مضامين الأمثال دي محصورة على الوسط النيلي. وما فهمته من كلامك أنه ما تعكس صورة
غير صحيحة عن المجموعات السودانية الأخرى لأنها بتحترم المرأة.
ارجو أنك تجاوب على أسئلتي لأني فعلا عايز أعرف وأفهم.
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد صديق عبد الله)
|
Quote: حبيبنا ابريش وحبيبنا محمد
تحياتي لكم الاحباب الكرام
رجاء اخوي .. لأنكم الاثنين اعزاء
ولكم مكانة لدي
نرجو اكتفاء بهذا .. ولكم تحياتي
العفو والعافية .. |
حبيبنا على عبد الوهاب،
رجاؤك هذا أمر بالنسبة لى.. خصوصا الموضوع دخل فى مجالات تانية. و هذه أخر زيارة لى فى هذا الخيط.
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abureesh)
|
Quote: فأقرب
الأبواب هو مهاجمة عرب الوسط وحرف البوستات وحشرها حشرًا في زاوية صراع الهوية الضيقة والمملة |
يالحمبرا، العرب ديل من هم في جمهورية السودان افتراضا، لو وسط ولابسط؟
قال مهاجمة عرب الوسط، قال الجلابي مستعبد الاعراب، العامل عربي بلا خجلة!
الطريف كما العيث في البيداء، دافر بي كرور مفاهيم كهذه وهو لا يدري كيف المحمول علي ظهر وعيو المسترق، هو بعض مهضومات كرشة ثقافة مستعبدي الوسط وعيا!
لوعامل فيها عربي، فده هو عفن وعي امثالك، اللي لاعلاقة له بالسودان والسودانيين من حيث الوعي، تاريخيا!
لو مصر انو امثالك من الاخوال عرب، يبقي املا خشمك تراب واسكت، بدل مثل هكذا انفصام شخصية!
| |
|
|
|
|
|
|
|
|
|
Re: أمثال سودانية تحط من شأن المرأة (Re: Bashasha)
|
عزيزي القارئي
كلام ابوالريش واضح:
صاحب البوست، الجلابي، متوهم العروبة، وكالعهد بهم، اليا، ميكانيكيا، بيعتبر تراش، طراش، وعي "العربة"، اي العرب، حسب الوهم، اي "اولاد البلد" حصريا، اي "اسياد البلد" هو السودان،
لانو فعلا لاقول وعلي مستوي جهاز دويلة الابارثيد الجلابية، اي زول ما "عربي" ماسوداني زاتو!
نعم لومن غرب السودان، فهو "غرابي حاقد" جاهم من تشاد!
لوو من شرق السودان، فهو "خاساوي" حبشي او ارتري وما اليه!!
دي هي الحتة الجاي منها صاحب هذا الخيط، لما يسوي "عرب وسط"، وبالتالي، وبناءا عليه، في وعيو، فهؤلاء هم البمثلو السودان والسودانيين حصريا!
اكرر كلامي:
ده ما كلام ساكت، او استنتاج، وانما ده هو اساس الدويلة ذات نفسها دعك من مجرد كلام، الخاصة بي "اولاد العرب" حصريا، لايهم جغرافيا، "اولاد العرب" ديل متوهطين وين في المليون ميل مربع!
لاحظو بعد ده كلو، الجلابي ده ماقبلان مجرد ان يفتح مهمش خشمو او يقول بغم! لهذا هو بسوي مهاجمة العرب، وصراع الهوية "االضيقة" و"المملة"!!!!!
عيييييييك!!!
علنا عايز يكر امتيازات الحظوة بالميلاد لامثالو والي يوم يبعثون!!
نعم عامل عربي، نعم فارض الوهم ده، بي حد السيف علي الاغلبية، او بعد ده يسوي صراع هوية ضيقة، او مملة، او باذنجان!!!
ماداير اي مهمش، يقول بغم!!!!
| |
|
|
|
|
|
|
|
|
|
Re: أمثال سودانية تحط من شأن المرأة (Re: Biraima M Adam)
|
قببل المواصلة، شوفو بريمة الذكوري لقاها فرصة كيف عشان يدلق الجواهو!
الطريف بعد ده كلو امثال بريمة في "الحامش" الوالغين في وهم العروبة وباكثر من مخدميهم في الشمال، غير مؤهلين في وعي صاب هذا الخيط، ليكونو عرب، زي صاحب هذا الخيط، وبالتالي ماصدفة انهم ما مشمولين مع جلابة الوسط!!
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد صديق عبد الله)
|
الحلابي،
مش قتا "عرب الوسط"؟
نعم مش عامل فيها عربي؟
طيب لو ده حاصل الغريب شنو في وعي امثالك من جلابة الوسط تكون دي نظرتم للمرأة؟
هل الانفصام ده صدفة ام هو القاعدة؟
بعدين مرة واحدة في حياتك اعلم، الجلابي والانكا وعيو المستشرق لايمثل السودان الابالمعني الجهوي الجلابي لي مفردة سودان!
فمافاهم مصر تافف عامل مهم فوق كم أو ليه؟
مضحك منظر واحد زيك عامل عربي او بعد ده مستغرب من هكذا نظرة احتقار للسودانية اصل الحضارة في سودان وعي الاسترقاق الحايميين بيهو امثالك!
ياللنكتة بحق!
قال عرب الوسط قال الحمبرا!
| |
|
|
|
|
|
|
|
|
|
Re: أمثال سودانية تحط من شأن المرأة (Re: Bashasha)
|
معليش أنا ما بدخل في حوار مع زول لا يحترم محاوريه؛ لكن بسألك سؤال تراجع بيهو نفسك:
هسي إنت بشاشا ده لو قدامي وجها لوجه في السودان بتقدر تقول لي "حمبره" كده وتمشي ساي؟
الواحد المفروض يتسم بالرجولة ويتعامل مع محاوريه إسفيريا باحترام وكأنه يناقشهم وجها لوجه.
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد صديق عبد الله)
|
| Quote: هذه أمثال سودانية توضح نظرة مجتمعنا للمرأة |
عزيزي القارئ
أعلاه اول سطر في الخيط ده.
بناءا عليه قنا ال"نا" أعلاه لاتخص 95%من السودانيين في شيء!
ليه؟
لانها اي ال"نا" راجعة للجلابة اي "اولاد العرب" حصريا علي مستوي جهاز الدويلة النازية ذات نفسها!
هل الجلابي ده بيقدر يقول بغم في النقطة دي؟
لو بقدر علينا جاي!
انتبهوا للتناقض المعتاد في تصرفات وطريقة تفكير هؤلاء:
نعم رغم انف وهم العروبة هو مستغرب ليه المرأة في دويلة سودان الجلابة محتقرة ومهانة!!
نعم هو لايفغه حقيقة ارتباط احتقار المرأة بالعروبة والثقافة العربية، كيس النايلو،هذا؛ اللي هوي اسيادو، شايلو، هذا!
| |
|
|
|
|
|
|
|
|
|
Re: أمثال سودانية تحط من شأن المرأة (Re: Bashasha)
|
Quote:
الواحد المفروض يتسم بالجولة |
نعم في وعي مستعبد الإعراب هذا الذكوري الشجاعة مرتبطة بي نوع العضو التناسلي للفرد!
نعم الشجاعة تعني في وعيو المسترق ذكر أي رجل أما المرأة فجبانة فقط لأنها من حيث النوع انثي او مش ذكر!
اها كلامنا مشي أو جا!
علي بلاطة ختاها الحمبرا، يسوي رجالة أو رجولة بلاخجلة!
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد صديق عبد الله)
|
هذا الرد للمتابعين. ما ليك لأنه موعدنا في الخرطوم. نشوف شخصيتك الحقيقية ياها ذاتها شخصيتك دي.
مشكلة نوع بشاشا ده هي أنهم يهينون المجموعات غير العربية ويقللون من شأنها من حيث لا يدرون.
لما الواحد منهم يقول لي زول بيشوف نفسه عربي - حتى لو بالكضب أو الوهم - إنت ما عربي ويحاول يثبت أنه ذلك الشخص أصله موريتاني أو تكروني أو أي جنس آخر بشتى السبل فكأنما هو بيقول إنو الموريتانيين والتكارنة أو غيرهم أقل قدرا من العرب الأقحاح. الواحد لما ينكر حاجة على زول ويستميت عشان يجرده منها سواء هي فيهو أو "بيدعيها"، فهذا إقرار ضمني بأنه الحاجة التي يحاول تجريد الشخص الآخر منها أحسن وأعلى قدرا "في نظره" القاصر. فيا بشاشا شغلكم ده شغل جهال وعقد نفسية ساي. إنت لو صحي ما بيهمك إنه غيرك يكون أصله عربي، طوالي تقول ليهو يا زول طز فيك حتى لو بقيت من قبيلة قريش ذاتها، وما تضيع زمنك وزمن غيرك وتفلق الناس بأسطوانة ممجوجة وتتعب نفسك عشان تصحيهو من غيبوبته.
أنا كتبت في بوست آخر أنه نوع بشاشا ده كأنه بيقول من غير ما يدري لي قبيلة زي الرشايدة في شرق السودان أنتو عرب أقحاح وما "موهومين" زي جلابة الوسط، فإنتو أكيد أفضل مننا وما في مشكلة خالص لو جيتو واستعبدتونا ونظرتوا لينا نظرة دونية؛ لأنكم "عرب أصليين"، ولأننا ما بنعترف بالعرب "التقليد" ناس الجلابة ديل.
عشان كده فليكن تركيز المهتمين "الجادين" بقضية الهوية على ترسيخ مفهوم أنه لا عرق أفضل من أي عرق آخر، وعندما يترسخ هذا المفهوم يصبح الجو مهيأ لبحث هذه القضية بحياد وموضوعية.
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد صديق عبد الله)
|
Quote:
المَرَة النقناقة قاطعة مال وقاطعة رزق
المَرَة ما بدوها رَسَن
سَعَد البنات نور البيت، وقُعادن حُقْرَة للبيت
راي المَرَة قِربة انقدَّت في الخلا
نار ومَرَة ما عندهم صغير
أسعى الدابة السريعة، وأخد المَرَة المطيعة كلها للعمر تمتيعة
إحذر البلد الجيعانة والدابة الكسلانة والمَرَة الكشرانة كلها للعمر مهانة
المرَة قُوَّتها في لسانها |
د. محمد صديق
تحياتى
بوست جدير بالإهتمام عن أمثلة سودانية بشأن المرأة. ألأمثلة على وجه العموم تعكس مفاهيم وثقافة المجتمع التى شاعت أو مازالت متدولة فيه، وأكيد المرآة نالها نصيب منها. وليس بالضرورة كلها إحتقاراً للمرأة أو تعميما على كل نساء المجتمع، فهى تقال مرتبطة بواقعة بعينها يقال فيها المثل. كما الأمثلة أحيانتاً تحمل حكما أو معانى متضادة وشائعة فى نفس المجتمع. وينطبق عليها لكل مقام مقال. مثل "خير البر عاجله" تلقى يضادها "فى العجلة الندامة وفى التأنى السلامة".
أخذت عشوائيا هذه الأمثلة فى الإقتباس من القائمة فى مستهل البوست، بعضها ليس إحتقارا للمرأة، وبعضها نتاج البيئة فى تعابيره مثل إستخدام كلمة (الدابة)، عن عادات وتقاليد رمبا حتى اليوم من إهتمامات وهموم المجتمع (زواج المرآة أى زواج البننات) فى المثل (سَعَد البنات نور البيت، وقُعادن حُقْرَة للبيت) رغم يحمل مضامين المرآة يقتصر دورها على البيت والزواج!
سأعطيك مثلاً غير شائع كان يستخدمه زوج خالتى رحمهما الله. والمثل فى المرآة ولكن كان يطبقه على الرجل والمرآة إذا إنطبق علي أى منهما المثل .. المثل يقول (معبوبات الغرقت فوق ود راجلا) وأصل المثل أن إمرآة نزلت البحر لتننقذ من الغرق إبن زوجها من إمرأة أخرى (ضرتها ) فغرقت. لقبت بمعبوبات وصفا لحالها وهى فعلت ما علت لإرضاء زوجها فراحت فيها!
طبعا الشى الطبيعى والعادى أن تقول من أمثال العرب أو من حكم العرب قالوا كذا وكذا دون تحديد لجغرافيا محددة أو قبيلة عربية بعينها فى الجزيرة العربية .. أو تقول أمثلة مصرية أو أمريكية أو خلافه بدون تحديد فى أى ركن من البلد قيلت صدرت الأمثلة. التخصيص والتحديد يأتى عند الضرورة بأن المثل غير مفهوم مثلاً فيأتى من يوضحه بمصدره، مثل أحد الأمثلة التى قالها السيد الصادق المهدى مؤخراً فأنبرى من فسره مرتبطا بالبيئة والجغرافيا بالقطر، ويظل مثل (سودانى). وليس سويسرى! ألأخ بريمة أتى بأمثلة من بيئة معينة بالسودان هى أمثلة سودانية إتفقت مع بعض الأمثلة التى أوردتها أنت ربما من بيئة إجتماعية مختلفة جغرافيا، إتفقت امثلة المنطقتين فى تقليلها من المرآة. فالنظرة للمرآة لا ترتط بمجتمع معين ولا بقطر معين، قد تكون نظرة ذكورية، تقل كلما تطور المجتمع.
بالمقابل قد تكون هنالك أمثلة تقولها المرآة عن الرجل: (راجل مرتين كضاب) .. (الراجل ما بعيبو إلا جيبو) .. ربما بعض الثقافات اللغوية ليس شائع فيها ضرب الأمثلة (أخونا الأستاذ على عبد الوهاب قد يفيدنا هنا عن اللغة النوبية) .. حتى الناطقين بلغة واحدة قد تجدهم فى بلاد مختلفة تختلف أمثلتهم أو ليس شائع عندهما التحدث بالأمثلة. أضرب مثالا بالأمريكان مقابل البريطانين كلاهما يتحدث اللغة الإنجليزية، أذكر حدثتنى إمرآ ا/ريكية أنها زارت إنجلترا صادفتها صعوبة فى أن تعبر عن نفسه فى ونستها مع البرطانيين، قالت لى إكتشفت أننا فى أمريكا حديثنا ملئى بالأمثلة، وجدت صعوبة فى أن يفهما البرطانيون. فالأمثلة ثقافة مجتمعية.
| |
|
|
|
|
|
|
|
|
|
Re: أمثال سودانية تحط من شأن المرأة (Re: نادر الفضلى)
|
الأخ نادر الفضلي.
شكرًا على هذه الإضاءة والإضافة الجميلة. أوافقك في معظم ما تفضلت به.
فقط أختلف معك في قولك إن الأمثلة التي أوردتَها لا تقلل من شأن المرأة. ربما أكون قد أسأت فهم معانيها؛ عندها يمكن أن نعدّها أمثالاً لا تصب في مضمون البوست.
أكرر شكري.
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد صديق عبد الله)
|
الأخ محمد صديق
فقطك أوضح أن المقتبس من الأمثلة تقلل من شأن المرأة فيما عدا ما إستثنيته فى تعليقى
الباحثة رمبا ركزت على الأمثلة التى تقلل من شأن المرآة، ولكن ربما تكون هنالك أمثلة
ترفع من شأنها ولكن لم تهتم بذكرها .. فلفائدة البوست ليت من لديه أمثلة لصالح المرآة
فيذكرها .. أيضا أمثلة فى شأن المرآة من دول أخرى للمقارنة .. ومنتظرين إفادة
غير الناطقين بها بالسودان فهم أدرى بلغاتهم! كان شكر او ذم فى المرآ’، فربما هى
ثقافة ليست متداولة بلغاتهم (قول الأمثال)!
| |
|
|
|
|
|
|
|
|
|
Re: أمثال سودانية تحط من شأن المرأة (Re: نادر الفضلى)
|
| Quote: مشكلة نوع بشاشا ده هي أنهم يهينون المجموعات غير العربية ويقللون من شأنها من حيث لا يدرون |
عزيزي القارئي،
زي ما براك شايف، "فجعاة" او من دون مقدماات، شغل زول مضطرب، قال قهر وابادة غير العرب في سودان جمهورية الجلابة، هي مشكلة بشاشا، وليس امثاله!!!
نعم قال البهينو غير العرب حسب الوهم، هم امثال بشاشا!!!
اها شفتو زي ده؟
نعم لما ظبطناه متلبس، من الخلعة، كاس يمسح الشغلة هولتو هو، في بشاشا، عشان يتخارج، لانو مخلوع!
نعم "فجعاة" طلع بشاشا، من دون خلق الله، عروبي، شغل اضطراب، يسوي طالعني، او رجالة!!
| |
|
|
|
|
|
|
|
|
|
Re: أمثال سودانية تحط من شأن المرأة (Re: Bashasha)
|
يا بشاشا بطّل زوغان. أنا من الأول قلت ليك أنا "متأكد" أنه شخصيتك الحقيقية مختلفة تمامًا عن شخصيتك المتنمرة في الأسافير. ولما
قلت ليك نتلاقى وإنت اتحنفشت وقلت لي "بخلي" شغلي وبجيك مكان ما عايز، أنا اتعاملت معاك على أساس اختلاف الشخصيتين اللي متأكد منه وقلت أقطّعها
ليك في حنانك وطوالي قدّمت ليك العرض واخترت ليك "السودان" مخصوص عشان هناك بتظهر الشخصية الحقيقية وما بيكون في قيود قانونية زي في
أمريكا وبريطانيا. يعني الزول بياخد راحته معاك تمام. وبما إنه إنت طبعًا عارف شخصيتك الحقيقية ما بتسعفك، طوالي جرّيت واطي. أنا عارف اللي زيك
بيكون حمل وديع جدًا في الحقيقة والجرأة دي جرأة إسفيرية تعويضية عن النقص في الشخصية الحقيقية. أمشي أقرأ عن الشخصيات المتنمرة بدون
سبب في الأسافير المتخصصين بيقولوا عنها شنو.
غايتو سجم رماد السودان وناسو لو منتظرين الخروج من نفق العنصرية والجهوية المحشورين فيه ده إذا كان مستوى أفكار "الطبقة المستنيرة" زي أفكارك دي.
إنتو مسّكوكم في كيبوردات وطلقوكم في سهلة الإنترنت دي وشغالين تمزقوا في نسيج المجتمع السوداني. أمثالك ديل أخطر على البلد من الأعداء الخارجيين الذين يحاربوننا بالجيوش.
بشاشا وشلة الأنس حقتو ديل، "أيها القارئ العزيز"، شايتين ضفاري ساي. بدل ما يمشوا للمشكلة يحلوها من جذورها شغالين بالفارغة. عضّوا عراريقهم وطلعوا أعلى الشجرة عشان يقلعوها.
بالنسبة ليهم إذا أثبتوا أنه الجلابة ما عرب بالدليل القاطع والجلابة اعترفوا بذلك وقالوا نحن ما عرب يبقى ما في مشكلة حتى لو الجلابة واصلوا في فرض ثقافتهم وتحكمهم
في موارد البلد وثرواتها، لأن الهدف الأسمى والانتصار العظيم الذي سيشفي غليل هذه الشلة هو تجريد الجلابة من عروبتهم، وما دون ذلك يهون.
الجلابة إذا وُضعوا في خانة المحاسبة، فيجب ألا يحاكموا على أنهم يرون أن أصولهم عربية؛ بل على ما ارتكبوه من تصرفات وأفعال بناء على اعتقادهم أن العروبة تجعلهم أفضل
من غيرهم؛ وبالتالي الأولى ترسيخ مفهوم أنه الجلابة ليسوا بأفضل وأحق من غيرهم حتى لو ثبت أنهم من بني ثقيف.
تخيلوا أنه قلنا لشلة الأنس العجيبة دي رأيكم شنو لو افترضنا مثلاً أنه كفة الأمور في السودان مالت إلى مجموعة معينة "غير الجلابة" في السودان والمجموعة دي تجبّرت وفرضت ثقافتها
على البلد واستأثرت بثرواته دون غيرها من المجموعات، فهل سيكون الأمر عندها مقبولاً لشلة الأنس؟ وإذا لم يكن مقبولاً وحاولوا تقويم ذلك الإعوجاج كما يفعلون الآن، فمن أين سيبدأون وفرمالة العروبة
الشغالة الآن دي منعدمة؟ مش حا ينسوا موضوع إثنية المتحكم الجديد ويخشوا في معالجة الموضوع مباشرة بدل اللولة والعقد النفسية الحاصلة الآن دي؟ هؤلاء لا يعون أن الأولوية في مثل هذه الحالة
هي رد المظالم وإعطاء كل ذي حق حقه بما يرضي الله وترسيخ مبدأ المساواة والعدالة بغض النظر عن الإثنيات.
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد صديق عبد الله)
|
ياسيد محمد صديق و زى ما قلت للأخ على عبدالوهاب أنا لا أعود لهذا البوست.. و هسى ما راجع لواصلة نقاشه.. بس شفت عرضك للتذاكر لبشاشة..
و أقول ليك لو إنت شجاع و لا تخشى المواجهة رسل لى حق التذاكر أنا دا.. و بعد المطارات تفتح أسال بورداب الخرطوم عنى.. و اللا قالوا ليك الزول دا جاء و اللا قالوا ليك ما جاء.
| |
|
|
|
|
|
|
|
|
|
Re: أمثال سودانية تحط من شأن المرأة (Re: Abureesh)
|
عزيزي القارئي،
كامثلة فقط، كمعامل بشاشا المعروفة في هذا الفضاء، سنتناول تقوطات هذا الارعن، بتاع رجالة، او طالعني في ساحة مخصصة للصراع الفكري، لنثبت طريقة تفكير هذا الجلابي،
كاره زاتو، لانو طريقة تفكير هؤلاء، هي الولعت، شلعت، بلدنا واشعلت محارق الابادة للملايين.
Stay Tuned
| |
|
|
|
|
|
|
|
|
|
Re: أمثال سودانية تحط من شأن المرأة (Re: Bashasha)
|
بتاع رجالة، او طالعني، الجعلي "الحر" كتب التالي علي لسان ابو الريش، شغل نجر، من دون اي مسوغ:
| Quote: إنت قلت إنه المرأة البجاوي محترمة ما زي نسوان "الوسط النيلي" |
طيب المستعلواتي ده، الجلابي، العباسي، الجدو الرسول، عايز يقول شنو بالضبط؟
ده كروباوي، عشان تفهمو عزيزي القارئي، بتحتاج لي خدمات معامل بشاشا!!
اها كل ماهناك، انو الجلابي ده، في كلامو عن البجاوية، هو بمارس ذات نظرة الاستعلاء، الاحتقار لي مهمشي الجلابة، وبالذات نساء الهامش، وباكثر من رجال الهامش لوتعلمون!
نعم هو فهم من كلام ابو الريش، انو فيهو مساس بي "بت البلد" اي الشمالية، "بت العرب"، ولهذا لم يتمالك روحو في النقطة دي او راح دالق الجواهو من احتقار ل"الخاساوية" اي ابنة الشرق، الغير اخلاقية بالميلاد، في لاشعور امثالو، من ناس جعلي "حر"!
نعم "سادة القبائل العربية" كما اطلق عليهم، الارزقي الجاسوس نعوم شغير، موظف قلم مخابرات جيش الغزاة، اللي نصب امثال هؤلاء، من ابناء العميل "علي ودسعد" كشيوخ غفر لي ارثو الاستعماري!
نعم هو بسخر باستعلاء، معهود، من محاولات ابو الريش، كما فهمو هو، لجعل البجاوية اي "الخاساوية" في وعيو، في مرتبة اعلي من الشمالية، اكرر كما فهم هو، او فسر كلام ابو الريش!
ابو الريش لم يفعل اكثر من الاعتراض علي تمرير طراش الوعي الجلابي كمعيار لكل شئ في سودان دويلة الاقلية!!
نعم اذا الوعي الجلابي، كوعي استرقاق عروبي يحتقر نوع النساء، فهكذا مرض لاعلاقة له بالسودان والسودانيين علي الاطلاق، بعيد من سودان دويلة الابارثيد الجلابية، المازال مصري انجليزي بفضل امثال هؤلاء، من سفرجية او بوابين تركة الاحتلال الثنائي!!!
ده هو السبب، اللي خلي الطيرة ده، يروح دالق الجواهو كلو من استعلاء، دون ادني مبرر، ليتعري كما يوم ولد!
| |
|
|
|
|
|
|
|
|
|
Re: أمثال سودانية تحط من شأن المرأة (Re: Bashasha)
|
يا أبو الريش يا أخوي إنت دخلت نفسك في موضوع التذكرة ده بالغصب؟ في زول قال ليك أنا فاتح وكالة سفر؟ إنت في أخر تعليق ليك في البوست قبل ما تغادر قلت ما بتقدر تواصل نقاش وعذرناك. تاني أرسل ليك تذكرة لي شنو؟ ولا الحكاية شيلني وأشيلك. شفت زولك اتزنق بحنفشته الفارغة أمام الملأ وقلت ترفع عنه الحرج. موضوع التذكرة ده عنده غرض معين. أنا تعلمت من هذا المنبر أن تكون مستعدا للتعامل مع حالات زي حالة بشاشا بطريقة معينة وأثبتت هذه الطريقة نجاعتها. هسي شوفوا كبّر اللفة كيف. في جملة واحدة رجع لي قواعده سالما وحنفشته قدام الملأ راحت شمار في مرقة وما عرف يقبل وين. الراجل قال ليك حمش خالص دق سدره أمام الملأ وقال "بخلي شغلي بجيك" وفي أول اختبار لساتكه نفسّت وعمل فيها غمران.
ده ما بينفع معاهو نقاش في منبر. شوف تلفيقاته وزوغانه في آخر تعليق. ساب كلامي كله في آخر تعليقين وما فتح الله عليه برد واحد على الأسئلة الأخيرة فيها ومشى بنفس طريقة تفسير الاقتباسات العبيطة والكلام العمومي وبدأ يغرف من البلاعة الوحيدة عنده اللي خاتيها تحت سريره وكل ما شاف بوست يغرف من بلاعته ويدفق في حوش المنبر. نفس الكلمات ونفس الطريقة المملة. مستوى تفكير طفولي وترسبات ما معروف سببها شنو وعلى العليهو كيسه فاضي جدا من منطق وترتيب أفكار وأساليب حوار. ياهو الردحي وراء الكيبورد ولو جاء قدام محاوره وجها لوجه بترجع الشخصية الأولى بتاعت بشاشا قبل الدخول في العالم الافتراضي الذي يعطي أمثاله شجاعة زائفة تزول بزوال المؤثر طوالي. أمثال هذا لازم تدوس معاهو أبنص للآخر. وأنا منتظر ألاقيهو وجها لوجه للزمن بس عشان أشوف التنمر والفصاحة دي جزء أصيل من الشخصية ولا تكملة نواقص ساي. أما حوار مع أمثاله في هذا العالم الافتراضي فإهدار للوقت والجهد وضرب من العبث.
| |
|
|
|
|
|
|
|
|
|
Re: أمثال سودانية تحط من شأن المرأة (Re: Ahmed Yassin)
|
| Quote: و مالى و فهمكم يا أخ شانتير (شنتير، من عندي).. المرأة فى الشرق محترمة |
يا عزيزي أبو ريش أنا من الشرق، جغرافيا وشكلاً ومضموناً. وعارف الحاصل. نحن ما كنا بنخجل من ذكر أسماء أمهاتنا بدافع الاحترام لهن. لا والله. كنا بنعتبرها عيب وبس وممكن شفّع المدرسة يسيّروك سيرة لو ذكرت اسم أمك.
لماذا كنا، في الشرق، نخجل من ذكر أسماء أمهاتنا؟ أنا اليوم مستعد أكتب اسمي الأول وبعده اسم أمي وأغنِّي باسم أمي في المحافل.
ياخي حتى اليوم المرأة في الشرق (القح) عندنا لا تسوى شيء، رغم الشغل القاموا بيه بنات وأبناء الشرق في هذا الجانب.
أنا من نفس الكار يا أبوريش. عشان كدا ما تقول لي المرأة في الشرق محترمة ومحمية ( محمية دي ذاتها أداة للجرح في ما قيل)؛ أو كما قال صاحب البوست، محمية من شنو؟ وليه؟
ياخوانّا بطّلوا العناد. قدامنا مشوار طويل لو بنقدر نحقق شيء في المساواة. لكن أنا ما متفائل.
يا بريمة، ياخي دي أمثال بديعة ومفروض نتعامل معها بسخرية وتفهُّم لعصرها. اليوم نحن كلنا ما بنقبل الكلام دا.
شيخنا بشاشا، والله أنا أتمنى ألقى سلطة إلهية وأعيّنك شيخ للسودان، عشان أشوف بصارتك فيه شنو.
السودان دا ما زال حقل تجارب. نجرب بشاشا شيخ للسوان وأنا حأكون ضمن الحرس أو المستشارين الشخصيين. ممكن تقول لي حتعمل من المساحة الجغرافية دي دولة محترمة كيف. اعتبرني معاك مليونين في الميّة.
شد حيلك يا بشاشا.
نحن فالحين في الرغي والكلام الما عندو فايدة ولا بجيب أي مريسة، حتى لو مطمبجة موية. شعب ليه الله.
الياور/المستشار شنتير.
| |
|
|
|
|
|
|
|
|
|
Re: أمثال سودانية تحط من شأن المرأة (Re: Ahmed Yassin)
|
Quote:
نرجع للامثال
الماعندو شبهو.... الله قبحو
]
معليش مقدما.. هل الصورة الخاتيها هي صورتك او صورة الفنان دا؟
لانه شايف ..حمبرا .. حلبي وحمريطي في الامثلة السودانية الفوق
العتب على النظر.. |
سلام أحمد ياسين.
الصورة صورتي وحديثة التقطت خلال هذا الشهر؛ لكن ما فهمت ربطك بين الصورة والكلمات اللي ذكرتها.
لو إنت بتربط بين الصورة واستعمال بشاشا لكلمة "حمبرا" في هذا البوست، فما أظن في علاقة. "حمبرا" فهمي ليها معناها زول "طيرة ساي". إلا يكون في ليها معنى أنا ما فاهمه.
أكيد الكلمات التي تفضلت بها ممكن تحمل دلالات عنصرية، لكن هذا يعتمد على السياق. كلمة "حلبي" مثلاً صفة تلحق باسم واحد من أولاد حلتنا في الكلاكلة وما عندها أي دلالة عنصرية.
أنا أخوي الأكبر مني لقبه في الحلة "الصيني" لأنه لونه فاتح شوية وما فيها أي دلالة عنصرية.
السؤال الجوهري هو: هل يا ترى السيد بشاشا حا يتجرأ يقول لي "يا طيرة" قدامي وجهًا لوجه كده في حوار في العاصمة الخرطوم زي ما هو "شجاع" ويتبجّح بيها في هذا الفضاء
الإسفيري، أم أنه سيتعامل بالفطرة السليمة ويتسم بالكياسة التي تفرضها اللقاءات المباشرة؟ عايزين نطمئن أنه الشخصية التي تظهر في هذا المنتدى هي نفسها الشخصية الحقيقية.
لكن من جانب آخر، بما إنك عملت تشبيه بيني وبين المرحوم جورج سيدهم، فأنت تداركت اللي عملوا فيني جاري الخواجة جون اللي دقَّ لي الباب قبل أيام وفاجأني بهدية وكرت معايدة
"كارثي" بمناسبة عيد ميلادي وعصر علي شديد فيهو. جورج سيدهم من مواليد 1938 ولما مسرحية المتزوجون دي اتسجلت تلفزيونيًا بتكون تقريبًا 1982 يعني جورج بيكون عمره وقتها
حوالي 44 سنة وأنا احتفلت بعيد ميلادي الخمسين قبل أيام. كتّر خيرك صغرتني 6 سنة.
طبعًا زولك بشاشا بعد شوية حا يجي ناطي وبنفس أسلوب النفسيات المحفوظ داك ويقول ليك الجلابي "فرحان" أنه شبّهوهو بزول مصري.
| |
|
|
|
|
|
|
|
|
|
Re: أمثال سودانية تحط من شأن المرأة (Re: محمد صديق عبد الله)
|
Quote: يا عزيزي أبو ريش أنا من الشرق، جغرافيا وشكلاً ومضموناً. وعارف الحاصل. نحن ما كنا بنخجل من ذكر أسماء أمهاتنا بدافع الاحترام لهن. لا والله. كنا بنعتبرها عيب وبس وممكن شفّع المدرسة يسيّروك سيرة لو ذكرت اسم أمك.
لماذا كنا، في الشرق، نخجل من ذكر أسماء أمهاتنا؟ أنا اليوم مستعد أكتب اسمي الأول وبعده اسم أمي وأغنِّي باسم أمي في المحافل.
ياخي حتى اليوم المرأة في الشرق (القح) عندنا لا تسوى شيء، رغم الشغل القاموا بيه بنات وأبناء الشرق في هذا الجانب.
أنا من نفس الكار يا أبوريش. عشان كدا ما تقول لي المرأة في الشرق محترمة ومحمية ( محمية دي ذاتها أداة للجرح في ما قيل)؛ أو كما قال صاحب البوست، محمية من شنو؟ وليه؟
ياخوانّا بطّلوا العناد. قدامنا مشوار طويل لو بنقدر نحقق شيء في المساواة. لكن أنا ما متفائل. |
أممممممك! قصف "مزدوج" مدمّر! هههههه
أحييك أخي شانتير على شجاعتك.
المشكلة أبو الريش وبشاشا ديل قايلين نفسهم بتكلموا مع ناس جايين من البرازيل ولاّ الناس اللي بيقرأوا في كلامهم في المنتدى ده من اليابان.
يا شماتة أبلة طاظا في المفزوع. ما صدّق لقى ليهو بوست زي ده طوالي جاء طاير ونازل علي عماهو وكبّ الشويتين بتوعو دول. وأهو شانتير أداها ليهو
بالحتة السنينة. شن قوله يا رب؟ ده ما كلام جلابي؛ كلام زول من نفس "الكار" لكن عنده الشجاعة يعترف باختلالات مجتمعه وعايز يناقشها، وهذا لا يقلل
من مجتمعه مقارنة بالمجتمعات الأخرى على الإطلاق، لأنه لو المفهوم كده ما كان صاحب البوست جاب أمثال من مجتمعه عشان يناقشها.
أهو الأخ شانتير أداكم ليها بالأمثلة. يعني شهد شاهد من أهلها. عفيناهو أبو الريش لأنه رفع البيرق من بدري؛ لكن موقف الجابوهو فزعة وبقى وجعة شنو دلوقت من الأمم المتحدة؟ هههه
هذا المفزوع ما فاهم التكتح في الموضوع الوحييييد اللي شايله في ضهره ويعتّل فيهو من بوست لي بوست من يوم ما عتّب المنتدى ده. لا أفكار لا منطق لا معلومات لا منهجية.
طاقش سااااااااي. والبسطاء من أهل المنتدى قايلين القبة تحتها فكي.
شلة الأنس دي بدل ما يشاركوا في البوست مشاركة إيجابية، واحد فتل موضوع البوست وقنطره لباقي الشلة ولما اتزنق اتخارج وطوالي نزل بدله واحد كيشة من كنبة الاحتياطي
ما أضاف للفريق أي حاجة لأنه أشتر وكرعيهو الاتنين شمال. الشلة بعد فتل البوست عايزين يقولوا للناس بكل استخفاف ولعب على الدقون "الشيء الكعب في البلد دي حق الجلابة
براهم وأنه نحن عيب تب ما فينا". يعني على طريقة عادل إمام: "المواصلات فاضييييية والرغيف كبييييير وكل شوية تقولولنا فكّوا الحزام فكّوا الحزام".
غايتو جنس مكابرة يعجز اللسان عن وصفها وعلى عينك يا تاجر كمان.
| |
|
|
|
|
|
|
| |
محمد صديق عبد الله
طلحة عبدالله
Deng
علي عبدالوهاب عثمان
Abureesh
Asim Ali
Biraima M Adam
تماضر الطاهر
Yasir Elsharif
Abdullah Idrees
Ahmed Yassin
محمد عبد الله الحسين
Shinteer
Bashasha
نادر الفضلى
فيس بوك
تويتر
انستقرام
يوتيوب
بنتيريست