|
|
|
 Re: الحكومة الاثيوبية تقرر تعبئة وتشغيل السد (Re: حسن ادم محمد العالم)
|
Quote: الاسبوع الماضي تم الاتفاق علي ان تعبئه السد يكون بعد
الاتفاق بين الأطراف علي الكيفية والمدة الزمنية |
هلا حسن،
و هذا ما أقصده يا حبوب.. إثيوبيا أعلنت انه لم يكن إتفاق هى طرف فيه.. و الان دعونا من تحصيل الحاصل.. السد تم بناؤه و الان البحيرة تمتلئ.. العمل شنو.. لا ينفع الحديث عن اللبن المسكوب.
على الحكومة السودانية (و ل يهمنا المصريين يعملوا شنو).ز على الحكومة السودانية أن تسير فى مسارين:
1. التفاوض مع الإثيوبيين على الكهرباء و ضمان حصة المياه.
2. العمل فورا على تكوين لجان فنية و هندسية للبحث فى حلول استراتيجية فى حالة حدوث السيناريو الأسوأ. worst case scenario
ما فى طريقة.. و أى وقت يصرف فى أى محاولات أخرى مضيعة للوقت.
| |
 
|
|
|
|
|
|
|
|
Re: الحكومة الاثيوبية تقرر تعبئة وتشغيل السد (Re: Abureesh)
|
يا سلااااام حبيبنا ده التفكير خارج الصندوق
انتهي الدرس الاول الخاص بالسد وتبقي مصالحنا
هي الأهم وكيفية المساومة عليها وفق قانون الكسب بعيدا
عن العاطفة
النقاط التي أثرتها من حيث المصلحة ثم المشاركة الفنية هي الأولوية
اما الخطاب العاطفي عادة سودانية ينبغي التخلص منها
مشكور واتمني ان يكون مسار البوست من الان فصاعدا
حول كيفية الاستفادة من السد وتقليل المخاطر
| |
|
|
|
|
|
|
|
|
|
Re: الحكومة الاثيوبية تقرر تعبئة وتشغيل السد (Re: حسن ادم محمد العالم)
|
Quote: حول كيفية الاستفادة من السد وتقليل المخاطر
|
نتمنى ذلك والله يا ود العالم
اصلا الحبش ما اتفقوا ولا قالوا ..
ده كله لعب بالتصريحات
واولاد بمبا كايسين قشة يتعلقوا بيها
ويخدروا بيها شعبهم
ما قدامهم غير انه ينتظروا موقف اثيوبيا يضعف
طبعا ما حيكونوا في نفس موقف قوتهم ده
بعد البحيرة تتملي وينتهي الجدل الحاصل ده
حتجيهم مواقف ضعف وقتها اليسردبوا كويس
نحن غايتو الله يكفينا شر سدهم القام زي عمارة الطين
خوفنا كلو يتكامل فوقنا ويغرقنا
لكن فايدة غير انه يكون آمن وما ينهار ما اظن نلقاها
وشخصيا ما عشمان فايدة تجينا من سد الاحباش
متين الحدايه بترمي كتاكيت زي ما بقولوا الجماعة اياهم
سد اتبني بالكذب واللف والدوران والمماطلة
ما كان فيهو اي لحظة صدق أو شفافية
شغال بالخيانه من يوم بدوا البناء
الله يهون على شعبنا الما حيتحمل اي أذية ولا عنده قدره ليها
| |
|
|
|
|
|
|
|
|
|
Re: الحكومة الاثيوبية تقرر تعبئة وتشغيل السد (Re: جمال ود القوز)
|
تحياتي ود العالم و الزملاء
مصر مهتمة بالملئ الأول للسد لأنه دي الفترة التي ممكن يحصل ليها فيها الضرر أمّا بعد ذلك فلن تعاني باعتبار السد لإنتاج الكهرباء و ليس الري فسيحافظ على امداد مستقر و ثابت للنهر وحتى الزيادة المتوقعة ايام الفيضانات ستحتويها بحيرة السد العالي بلا مشاكل
عكس السودان الذي سيتأثر يوميا وعلى مدار السنة بتشغيل السد و خاصة سد الرصيرص , سمعت تصريح لوزير الري انهم توصلوا لتفاهمات فنية مع الاثيوبيين حول 95% من النقاط لكن المشكلة في الاتفاق القانوني الذي تعنتت فيه اثيوبيا
هذا الاتفاق القانوني هو الذي يعكي الاتفاق الفني قيمة وقوة و الزام
لذا الحديث عن انه السد صار امر واقع و لنحاول الاستفادة من الوضع أمر غير دقيق, التشغيل اليومي للسد امر حيوي جدا للسودان ان توضع قواعد تشغيل و ملزمة باتفاق قانوني على كيفية تسوية النزاعات إن حدثت
وهذا حق للسودان وضعته المواثيق و القوانين الدولية, على السودان ان يصر على هذه النقطة
ولذا فإن الاصرار على ان لا تقوم اثيوبيا بالملئ بدون التوصل لاتفاق أمر مهم كذلك, فلو سكت عنها السودان اليوم فستصبح قاعدة
| |
|
|
|
|
|
| |
محمد البشرى الخضر
Abureesh
جمال ود القوز
فيس بوك
تويتر
انستقرام
يوتيوب
بنتيريست